Category: کراچی

چیئرمین پیپلزپارٹی بلاول بھٹو نے وزیراعظم سے کورونا سے بچاؤ کے عالمی اداروں کے فنڈز کا حساب مانگ لیا اور مطالبہ کیا کہ پی ٹی آئی حکومت فی الفورآڈٹ رپورٹ کا اجراکرے۔

تفصیلات کے مطابق پیپلزپارٹی کے چیئرمین بلاول بھٹونے وزیراعظم عمران خان سے کورونا سے بچاؤ کے عالمی اداروں کےفنڈزکاحساب مانگتے ہوئے کہا وبا کا مقابلہ کرنے کےلئے آئی ایم ایف نے پاکستان کوسواارب ڈالردیے، آئی ایم ایف کی وہ امداد کہاں خرچ ہوئی؟

ایشین ڈیولپمنٹ بینک نےکوروناکا مقابلہ کرنے کیلئے ڈیڑھ ارب ڈالر امداد دی، بتایا جائےکہ یہ فنڈکن منصوبوں پرلگایاگیا۔

چیئرمین پیپلزپارٹی کا کہنا تھا کہ عمران خان بتائیں ورلڈبینک کے200ملین ڈالرکہاں خرچ کردیے؟ وزیراعظم کےکوروناریلیف فنڈمیں پاکستانیوں نے اربوں روپے جمع کروائے، ن فنڈزکوکہاں خرچ کیاگیا؟ ۔

بلاول بھٹو نے کہا کہ وزیراعظم نےگھپلوں کوچھپانےکیلئےآڈیٹرجنرل رپورٹ کوروکاہواہے، کھربوں روپےکےمالیاتی پیکج میں گھپلوں پرقوم عمران خان کو معاف نہیں کرے گی، پی ٹی آئی حکومت فی الفور آڈٹ رپورٹ کا اجرا کرے۔

ان کا کہنا تھا کہ بدترین بحرانوں کےدوران پی ٹی آئی کےکرپشن اسکینڈل لمحہ فکریہ ہیں جبکہ معیشت کی تباہی کی وجہ عمران خان کی سرپرستی میں مافیاکی کرپشن بھی ہے۔

سندھ ہائی کورٹ نے پی ایس پی کے چیئرمین مصطفیٰ کمال کونااہل قراردینے سے متعلق درخواست مسترد کردی، مصطفیٰ کمال کےخلاف ایم کیوایم رہنماسلمان مجاہد نےدرخواست دائرکی تھی۔

تفصیلات کے مطابق سندھ ہائیکورٹ پی ایس پی کے چیئرمین مصطفیٰ کمال کونااہل قراردینےسےمتعلق درخواست پر سماعت ہوئی ، جسٹس محمدعلی مظہرکی سربراہی میں 2رکنی بینچ نے فیصلہ سناتے ہوئے.

مصطفیٰ کمال کونااہل قراردینے سے متعلق درخواست مسترد کردی اور سلمان مجاہدبلوچ کی درخواست ناقابل سماعت قرار دے دی۔

مصطفیٰ کمال کےخلاف ایم کیوایم رہنماسلمان مجاہد نےدرخواست دائرکی تھی ، جس میں کہا تھا کہ مصطفی کمال کراچی میڈیکل اینڈڈینٹل کالج میں ملازمت کرتےتھے.

مستقل غیرحاضری پرمصطفیٰ کمال کوملازمت سےبرطرف کیاگیاتھا۔

درخواست گزار نے کہا تھا کہ ملازمت سےبرطرف شخص عوامی عہدےیاالیکشن لڑنےکااہل نہیں ہوتا ، اس کےباوجودمصطفیٰ کمال نےپی ایس 117، سٹی ناظم کےلئےالیکشن لڑا، مصطفیٰ کمال صادق اور امین نہیں رہے.

،اسمبلی کی نشست پر کامیابی کو کالعدم قرار دی جائے اور ان سے تنخواہیں اور مراعات واپس لی جائیں۔

درخواست گزار سلمان مجاہد بلوچ نے یہ بھی کہا تھا کہ مصطفی کمال کو پی ایس پی چئیرمین کی حیثیت سے بھی کام سے روکا جائے۔

ایڈمنسٹریٹر کراچی لئیق احمد کی ہدایت پر قبرستانوں کی حالت بہتر بنانے کے لئے قائم کی گئی کے ایم سی افسران اور فلاحی تنظیموں کے نمائندوں پر مشتمل 8 رکنی سینٹرل کمیٹی نے کام شروع کردیا ہے، سینٹرل کمیٹی کے پہلے اجلاس میں متعدد اقدامات کے فیصلے کئے گئے جن کے تحت کراچی کے قبرستانوں میں کام کرنے والے گورکنوں اور دیگر عملے کی باقاعدہ رجسٹریشن کی جائے گی اور بلدیہ عظمیٰ کراچی کی جانب سے انہیں باقاعدہ شناختی کارڈ جاری کئے جائیں گے، 18 سال سے کم عمر افراد قبرستان میں کسی بھی قسم کا کام انجام دینے کے اہل نہیں ہوں گے، نارتھ کراچی اور لنک روڈ نیشنل ہائی وے پر زیر تعمیر دو نئے ماڈل قبرستانوں میں فلاحی اداروں سیلانی ویلفیئر ٹرسٹ اور جے ڈی سی کے تعاون سے قبر کی تیاری اور تدفین بلامعاوضہ کی جائے گی اور کسی قسم کی کوئی رقم وصول نہیں کی جائے گی، ان دونوں قبرستانوں کا ریکارڈ بھی مکمل طور پر کمپیوٹرائزڈ کیا جائے گا، اجلاس میں کنوینئر کمیٹی سینئرڈائریکٹر میڈیا مینجمنٹ علی حسن ساجد، ڈائریکٹر قبرستان اقبال پرویز، الخدمت فائونڈیشن جماعت اسلامی کے کوآرڈینیٹر منظر عالم، سیلانی ویلفیئر ٹرسٹ کے منور یونس، اے این آئی کے خالد نور اور دیگر فلاحی تنظیموں سے وابستہ نمائندوں نے شرکت کی، اس موقع پر بلدیہ عظمیٰ کراچی کے قبرستانوں میں قبروں کے نرخ اور تدفین کے اخراجات کا تفصیلی جائزہ لیا گیا اور یہ فیصلہ کیا گیا کہ قبرستانوں میں تدفین کے لئے پہلے سے مقررہ سرکاری نرخ 9 ہزار روپے ہیں جس پر سختی سے عملدرآمدکرایا جائے گا اور اس مقصد کے تحت قبرستان میں بورڈ آویزاں کرکے عوام الناس کو مطلع کیا جائے گا، اس حوالے سے گورکن کو ہدایت کی جائے گی کہ وہ شہریوں سے قبر کی تیاری اور تدفین کے لئے زائد فیس وصول کرنے سے اجتناب کرے، بصورت دیگر ان کے خلاف کارروائی عمل میں لائی جائے گی، سینٹرل کمیٹی نے کم عمر بچوں کے والدین سے بھی درخواست کی کہ وہ 18 سال سے کم عمر بچوں کو قبرستانوں میں کام کے لئے بھیجنے سے گریز کریں، اجلاس میں طے کیا گیا کہ قبرستانوں میں صفائی کا انتظام بلدیہ عظمیٰ کراچی کی ذمہ داری ہوگی جبکہ بیرونی حصے کی صفائی ستھرائی کا انتظام متعلقہ ضلعی میونسپل کارپوریشن کرے گی، مرحلہ وار تمام قبرستانوں میں صفائی کے کام کرائے جائیں گے تاکہ قبرستانوں میں آنے والوں کو سہولت ملے، اجلاس کے دوران کنوینئر کمیٹی علی حسن ساجد نے کہا کہ سینٹرل کمیٹی کے قیام کا مقصد قبرستانوں میں تدفین، انفراسٹرکچر کی بہتری، اسٹریٹ لائٹس کی فراہمی، راہداریوں کی درستگی اور شجر کاری، کفن اور مردوں کے اعضاء چرانے کی روک تھام، تدفین کے سرٹیفکیٹ کا اجراء سمیت مختلف معاملات کی نگرانی کرنا ہے تاکہ یہ تمام عمل شفاف اور بہتر طریقے سے ہوسکے، سینٹرل کمیٹی قبرستانوں میں قبر کی فراہمی سے لے کر مردوں کی تدفین تک تمام معاملات کی نگرانی کرے گی اور اس دوران غمزدہ خاندانوں کو مکمل تعاون فراہم کرے گی،انہوں نے فلاحی تنظیموں کے نمائندوں سے اس حوالے سے اپنی تجاویز دینے کے لئے کہا جس پر آئندہ اجلاس میں غور کرکے عملدرآمد کا فیصلہ کیا جائے گا اور مزید اقدامات کے ذریعے قبرستانوں کی صورتحال میں بہتری لائی جائے گی۔
اجلاس کے شرکاء نے سینٹرل کمیٹی کے اقدامات کو خوش آئند قرار دیا اور امید ظاہر کی کہ ان کے نتیجے میں قبرستانوں میں اپنے عزیز و اقارب کی تدفین کے لئے پریشان حال لوگوں کو خاطر خواہ سہولت ملے گی.

پولیس اہلکاروں کے لیے 24 گھنٹے کروناویکسینیشن کا آغاز؛ سیکیورٹی ڈویژن کی جانب سے ایکسپو سینٹرمیں خصوصی ڈیسک قائم

کراچی: پولیس افسران اوراہلکاروں کی مختلف شفٹوں اور حالات میں ڈیوٹی کے پیش نظر سیکیورٹی اینڈ ایمرجنسی سروسز ڈویژن کی جانب سے ایکسپو سینٹر کراچی میں پولیس افسران واہلکاروں کے لئے 24 گھنٹے کرونا ویکسینیشن کا آغاز کر دیا گیا گیا ہے۔

ایڈیشنل آئی جی کراچی عمران یعقوب منہاس کی ہدایات پر ڈی آئی جی سیکیورٹی اینڈ ایمرجنسی سروسز ڈویژن مقصود احمد کی سربراہی میں ایکسپو سینٹر کراچی میں پولیس اہلکاروں کے لیے16 خصوصی ڈیسک قائم کیے گئے ہیں۔

ڈی آئی جی سیکیورٹی اینڈ ایمرجنسی سروسز ڈویژن مقصود احمد نے بذات خود ایکسپو سینٹر میں قائم خصوصی ڈیسک کا دورہ کیا اور کیے گئے انتظامات کا جائزہ لیا۔

ڈی آئی جی سیکیورٹی نے اس موقع پر کہا کہ پولیس افسران واہلکاروں کی سہولت کی خاطر سیکیورٹی ڈویژن کی جانب سے تمام ضروری اقدامات کیے گئے ہیں تا کہ پولیس اہلکار اپنی سہولت کے مطابق کرونا وائرس سے بچاؤ کی ویکسین لگوا سکیں اور اس مہلک وباء سے خود کو بچا سکیں۔

چیف سیکریٹری سندھ سید ممتاز علی شاہ کی زیر صدارت منشیات کے عادی افراد کی بحالی کے متعلق اہم اجلاس سندھ سیکریٹریٹ کے منعقد ہوا۔ اجلاس میں کمشنر کراچی نوید احمد شیخ، ایڈیشنل آئی جی اسپیشل برانچ غلام نبی میمن، سیکریٹری صحت کاظم جتوئی، سیکریٹری سوشل ویلفیئر سمیت مختلف ڈپٹی کمشنرز نے شرکت کی. اجلاس میں منشیات کے عادی افراد کے بحالی کے لئے ادارے بنانے کا فیصلہ کیا گیا۔
چیف سیکریٹری سندھ سید ممتاز علی شاہ نے کہا کہ یہ ادارے پبلک پرائیویٹ پارٹنرشپ کے تحت چلائے جائیں گے۔ حکومت سندھ فنڈ، عمارت سمیت تمام سہولیات فراہم کرے گی جب کے پرائیویٹ ادارے مینیجمینٹ سنبھالیں گے۔ انہوںنے ڈائریکٹر پبلک پرائیویٹ کو تمام ضروری ڈاکیومینٹ تیار کرنے کی ہدایت کرتے ہوئے کہا کہ یہ ادارے کامپیٹیٹو بڈز کے زریعے دئے جائیں گے۔
اجلاس میں ڈپٹی کمشنر کیاماڑی، ویسٹ اور سینٹرل نے مختلف سرکاری عمارتوں کی نشاندھی کی جہاں پر یہ ادارے قائم کئے جا سکتے ہیں۔ انہونے کہا کہ منشیات کے عادی افراد بھی سماج کا حصہ ہیں انکی بحالی پر توجہ کی ضرورت ہے۔ ممتاز علی شاہ نے مزید کہا کہ منشیات کے عادی افراد کی بحالی سے اسٹریٹ کرائیم میں کمی آئے گی اور پہلے سے موجود تمام اداروں کو پابند بنایا جائے گا کہ وہ یکساں علاج اور ٹیکنیکل تربیت فراہم کریں اور ان تمام بحالی اداروں کو سندھ ہیلتھ کیئر کمیشن کے تحت رجسٹرڈ کیا جائے گا۔ اجلاس میں بتایا گیا کہ منشیات کے عادی افراد کو 3 مہینے کا کورس کرایا جاتا ہے تاہم بیروزگاری کی وجہ سے پھر نشے کے عادی ہو جاتے ہیں۔

عیسی نگری کے قریب ٹرک ڈرائیور نے پولیس اہلکار کو ٹکر ماردی جو معجزانہ طو رپر بچ گیا،موٹرسائیکل تباہ ہوگئی،ڈرائیورکو حراست میں لے لیا گیا۔
تفصیلات کے مطابق پی آئی بی تھانے کی حدودعیسی نگری کے قریب سڑک کے درمیان ٹریفک پولیس اہلکار ڈمپر کو روک کر چالان کرنے لگا تو ڈمپر کے عقب سے آنے والے ٹرک نے ٹکر مار دی،ٹریفک پولیس افسر کے مطابق حادثے میں ٹریفک پولیس افسر تو معجزانہ طور پر بچ گیا لیکن اسکی سرکاری موٹرسائیکل سائیکل تباہ ہوگئی،ٹریفک پولیس کے اہلکاروں کا کہنا تھا کہ کراچی میں پولیس اہلکاروں کیلئے نوکری کرنا آسان کام نہیں رہا،عیسی نگری پر ٹرک ڈرائیور کا چا لان کرنا ٹریفک پولیس اہلکار کو جان کے لالے پڑھ گئے، تاہم پولیس ٹرک ڈرائیور کو حراست میں لیکر اسکے ٹرک قبضے میں کرلیا.

وزیراعلی سندھ سید مراد علیٰ شاہ نے کورونا وائرس کی صورتحال بیان کرتے ہوئے کہا کہ گزشتہ 24گھنٹوں میں16مریض انتقال کرگئے جبکہ 937نئے کیسز رپورٹ ہوئے اور1361 افراد صحتیاب ہوئے ہیں ۔ وزیراعلی سندھ نے کہا کہ گزشتہ 24 گھنٹوں میں 15741 نمونوں کی جانچ کی گئی جس کے نتیجے میں 937 نئے کیسز سامنے آئے ہیں جو کہ تشخیص کی شرح کا 6 فیصد ہے۔
انہوں نے کہا کہ گزشتہ 24 گھنٹوں میں 16 مریض انتقال کرگئے جس سے اموات کی مجموعی تعداد 5089 ہوگئی ہے جوکہ اموات کی شرح کا 1.6 فیصد ہے۔ وزیراعلی سندھ نے کہا کہ اب تک 4151590 نمونوں کی جانچ کی جا چکی ہے اور321408 کیسز رپورٹ ہو چکے ہیں۔انہوں نے کہا کہ گزشتہ 24 گھنٹوں میں مزید 1361 مریض صحتیاب ہو چکے ہیں جس سے صحتیاب افراد کی مجموعی تعداد 292001 ہوچکی ہے جو کہ بحالی کی شرح کا 90.8 فیصد ہے۔
انہو ں نے کہا کہ اس وقت 24318 مریض زیر علاج ہیں جن میں سے 23344 گھروں میں ،25 آئسولیشن سینٹرز میں اور 949 مریض مختلف اسپتالوں میں زیر علاج ہیں ۔ انہوں نے کہا کہ 890 مریضوں کی حالت تشویشناک بتائی گئی ہے جن میں سے 77 مریض وینٹی لیٹرز پر ہیں ۔انہوں نے کہا کہ 937 نئے کیسز میں سے 473 کا تعلق کراچی سے ہے جن میں ضلع جنوبی 152، ضلع وسطی 127،ضلع شرقی 126، ضلع غربی 28 ، کورنگی اور ملیرمیں سی20-20نئے کیسز رپورٹ ہوئے ہیں

کراچی میں ضلع وسطی کے مختلف علاقوں میں مائیکرو اسمارٹ لاک ڈاؤن نافذ کردیا گیا۔

کراچی کے ضلع وسطی کے علاقوں گلبرگ، نارتھ کراچی، لیاقت آباد اور نارتھ ناظم آباد کے رہائشی یونٹس میں 17 جون تک مائیکرو اسمارٹ لاک ڈاؤن لگایا گیا ہے.

جس کا نوٹیفکیشن بھی جاری کردیا گیا ہے۔

نوٹیفکیشن کے مطابق متاثرہ علاقوں میں آنے اور جانے والے تمام افراد کو ماسک پہننا لازمی ہوگا جب کہ علاقے میں تمام کاروباری و صنعتی سرگرمیاں معطل رہیں گی۔

چیئرمین پاک سرزمین پارٹی سید مصطفی کمال نے کہا کہ عمران خان صاحب کی وفاقی حکومت پی پی پی کی مرہون منت ہے، عمران خان کی وفاقی حکومت کو چلانے کا تاوان اور بھتہ سندھ کے عوام ادا کر رہے ہیں، تحریک انصاف کی وفاقی حکومت نے پاکستان پیپلز پارٹی کی تعصب زدہ حکومت کو سندھ میں ظلم اور تعصب کا بازار گرم رکھنے کی کھلی چھوٹ دے دی ہے، پہلے کبھی پیپلزپارٹی کے خلاف عمران خان کا کوئی بیان آجایا کرتا تھا اب تو وفاق سے کوئی بیان بھی نہیں آتا، سندھ کے جس شہر کی بھی بات کر لیں سندھ حکومت نے ایک جیسے حالات پیدا کئے ہوئے ہیں یہ فیصلہ کرنا مشکل ہوگیا ہے کہ سندھ کے کس کس شہر کا نوحہ پڑھیں؛ کراچی، حیدرآباد، سکھر میرپورخاص، لاڑکانہ سمیت
سندھ کے تمام شہروں کی تباہی کی ایک ہی داستان ہے۔
ان خیالات کا اظہار انہوں نے پاکستان ہاس میں اراکینِ سینٹرل ایگزیکٹو کمیٹی و نیشنل کونسل کے اجلاس سے خطاب کرتے ہوئے کیا۔ انہوں نے مزید کہا کہ کراچی میں عوامی رابطہ مہم مزید تیز کی جا رہی ہے، لوگوں میں انکے حقوق کے لیے شعور اجاگر کرتے رہیں گے۔

عوامی کالونی پولیس نے شہریوں سے 70 کروڑ روپے سے زائد رقم جعلسازی سے بٹورنے والے گروہ کو گرفتار کرلیا۔

پولیس کے مطابق گرفتار ملزمان میں سعد سہیل اور حماد شامل ہیں، پولیس نے بتایا کہ ملزمان نے مبینہ طور پر گاڑیوں کی خرید و فروخت میں فراڈ کیا تھا۔

طارق روڈ پر ملزمان کار شوروم چلا رہے تھے جہاں ان کے پاس مختلف سرمایہ کاروں نے لگ بھگ 70 کروڑ روپے سے زائد رقم کی سرمایہ کاری کی تھی.

جس کے بعد ملزمان اچانک شوروم بند کر کے غائب ہوگئے تھے ، عوامی کالونی پولیس نے گرفتار ملزمان کو مزید قانونی کارروائی کے لیے فیروز آباد پولیس کے حوالے کر دیا۔