Category: کراچی

سندھ ہائی کورٹ سرکٹ بینچ حیدرآباد کے جسٹس ذوالفقار احمد خان اور جسٹس محمد سلیم جیسر پر مشتمل ڈویژن بینچ نے سندھ پبلک سروس کمیشن ایکٹ1989کو آئین چیئرمین اور ممبران کی تقرری کے رولز2017کو سندھ گورنمنٹ رولز آف بزنس1986 اور سندھ پبلک سروس کمیشن فنکشنز)رولز 1990کو سندھ پبلک سروس کمیشن ایکٹ 1989کے خلاف قرار دیتے ہوئے پبلک سروس کمیشن کے مو جودہ ڈھانچے کو معطل کر دیا۔

عدالت عالیہ نے ایس پی سی ایس کے مذکورہ تمام ایکٹ و رولز کو معطل کرنے کے ساتھ ساتھ ایس پی ایس سی ایکٹ 1989 کے تحت تمام ٹیسٹ، انٹرویوز، سلیکشنز، بھرتیاں اور ٹینڈرز وغیرہ کو بھی معطل رکھنے کا فیصلہ برقرار رکھا ہے جبکہ عدالت عالیہ نے2018میں لیے جانے والے مقابلے کے امتحانات اور محکمہ صحت میں1783میل و فی میل ڈاکٹرز کی ہونے والے بھرتیوں کو منسوخ کر دیا ہے۔

عدالت عالیہ میں مختلف اضلاع کے رہائشیوں کی پبلک سروس کمیشن میں اقربا پروری سمیت دیگر الزامات کے تحت دائر کردہ مختلف آئینی درخواستوں کی سماعت کے بعد محفوظ کردہ تفصیلی فیصلہ جاری کر دیا.

درخواست گذار عمارہ گوہر، عاصمہ، مسماۃ روبینہ بیگم، ناہید اختر، عبداللھ، امتیاز تھیبو و دیگر نے مختلف ادوار میں سندھ پبلک سروس کمیشن کے تحت ہونے والی مختلف بھرتیوں اور امتحانات میں اقرباپروری، من پسند امیدواروں کو نوازنے سمیت دیگر الزامات کے تحت آئینی درخواستیں دائر کر رکھی تھیں.

30 صفحات پر مشتمل فیصلہ جسٹس ذوالفقار احمد خان نے تحریر کیا ہے۔تفصیلی فیصلے میں کہا گیا ہے کہ سپریم کورٹ آف پاکستان نے سندھ پبلک سروس کمیشن کے حوالے سے سوموٹو ایکشن کے دوران بڑی خلاف ورزیاں اور غیرقانونی بھرتیوں کا پتہ لگایا تھا اور کمیشن کے قواعد و ضوابط اور طریقہ کار میں بہتری کیلئے فیصلہ بھی جاری کیا تھا۔

پاکستان مسلم لیگ ن کے رہنما و سابق وزیر خزانہ مفتاح اسماعیل کا کہنا ہے کہ پی ٹی آئی نے ملک کا قرضہ 15 ہزار ارب روپے بڑھادیا ہے، پی ٹی آئی نے معیشت سے کھلواڑ کیا ہے۔

مسلم لیگ ن کے بجٹ سیمینار سے سابق وزیرخزانہ مفتاح اسماعیل نے خطاب کرتے ہوئے کہا کہ عمران خان تو لنگر خانے بھی سیلانی ویلفیئر سے لیتے ہیں۔

مفتاح اسماعیل نے کہا کہ خان صاحب نے حکومتی قرضہ اور سرکاری اداروں کا قرضہ 45 ہزار ارب تک پہنچادیا، خان صاحب کے دور میں مالیاتی خسارہ سال 2019 میں9 فیصد سے زیادہ تھا۔

انہوں نے کہا کہ خان صاحب کے دور میں مالیاتی خسارہ سال2020 میں 8 فیصد سے زیادہ ہے، خان صاحب کے دورمیں مالیاتی خسارہ سال 2019 میں 3829 ارب سے زیادہ تھا۔مفتاح اسماعیل نے کہا کہ مالیاتی خسارہ سال 2020 میں 3892 ارب سے زیادہ ہے۔

سندھ اسمبلی میں اپوزیشن لیڈر حلیم عادل شیخ کی مذمت
‏ٹنڈوالہیار میں فریال تالپور کی نہر کی وڈیو کیوں بنائی، پی ٹی آئی رہنماء ایڈووکیٹ علی پلھ پر پانی چوری کا مقدمہ درج۔واقعہ پر اپوزیشن لیڈر حلیم عادل شیخ کا بیان ۔
انہوں نے اپنے بیان میں کہا کہ ایڈووکیٹ علی پلھ نے 11 نہروں کا پانی روک کر فریال تالپور کی نہر کو پانی دینے کی وڈیو بنائی تھی۔‏ایڈووکیٹ علی پلھ نے ٹنڈوالہیار کے آباد کاروں کےساتھ پانی کی مصنوعی قلت پر احتجاج کیا تھا۔پوری پارٹی اور آبادگار ایڈووکیٹ علی پلھ کے ساتھ کھڑے ہیں۔جوتے اور پرس اٹھانے والے وزیر اپنی حیثیت بھول چکے ہیں۔

‏سہیل انور سیال پانی چور مافیا کے سرغنہ بنے ہوئے ہیں ٹنڈوالہیار میں 11 نہریں بند کرکے فریال تالپور کی بلغار نہر چلائی جارہی ہے۔بلغار نہر میں اس وقت بھی ضرورت سے زیادہ پانی موجود ہے

پیپلزپارٹی کے لیے شرم سے ڈوب مرنے کا مقام ہے۔‏ذاتی ملازموں کو وزارتیں دیکر سندھ کو بنجر بنایا جارہا ہے۔ٹنڈوالہیار میں سب انجینئر ایس ڈی او کی پوسٹ پر براجمان ہے۔سندھ میں پیپلزپارٹی پانی چوری کرکے دوسرے صوبوں پر الزام لگارہی ہے۔
سندھ کے آبادگاروں کا پانی سندھ حکومت سے چھین کر لیں گے۔ایڈووکیٹ علی پلھ کو حراساں کرنے والے اپنا قبلہ درست کریں ۔سندھ حکومت اپنے غلاموں کو آزمائے ہم سندھ کا مقدمہ لڑتے رہیں گے۔ایڈووکیٹ علی پلھ سندھ حکومت کی چوری دکھاتے رہیں گے۔

‎

‎

وزیرتعلیم سندھ سعید غنی نے تاجروں کو خوشخبری سناتے ہوئے کہا ہے کہ ایک سے 2 روز میں کاروبار رات 8بجے تک کھولنے کا اعلان کردیا جائے گا، اب مزید پابندیاں بڑھنی نہیں ہیں کم ہونی ہیں۔

تفصیلات کے مطابق وزیرتعلیم سندھ سعید غنی کی جانب سے بیان میں کہا ہے کہ ایک سے 2روز میں کاروبار رات 8بجے تک کھولنے کا اعلان کیا جائے گا ، سندھ میں حالات بہتر ہیں ، اب ہم چیزیں کھولنےکی طرف جارہے ہیں، عوام کے تعاون کے بغیر کام نہیں ہو سکتا۔

سعید غنی نے عوام اور تاجروں سے ویکسین لگوانے کی اپیل کرتے ہوئے کہا اب مزید پابندیاں بڑھنی نہیں ہیں کم ہونی ہیں۔

یاد رہے سندھ حکومت کی پالیسیوں سے نالاں تاجروں نے گورنر راج لگانے کا مطالبہ کرتے ہوئے کہا تھا کہ ظلم کی انتہا ہو رہی ہے وزیراعلی سندھ کو تاجروں کے ‏مسائل کے حوالے سے درجنوں خطوط ارسال کیے لیکن کوئی جواب نہیں ملا۔

تاجر رہنماءالیاس میمن نے کہا تھا کہ تاجروں کے مطالبات کی منظوری کے لیئے حکومت کے پاس ‏صرف 48 گھنٹے باقی رہ گئے ہیں اگر سندھ حکومت نے ریلیف نہ دیا گیا تو پھر بات سڑکوں پر ہو ‏گی۔

لاک ڈاؤن کے باعث شہرقائد سمیت اندرون سندھ میں اجناس کا بحران پیدا ہونے کا خدشہ سامنے آگیا۔

تفصیلات کے مطابق حکومت نے جمعہ کو مکمل لاک ڈاؤن کا نفاذ ہول سیل اجناس مارکیٹ پر بھی کردیا جس کے باعث کراچی سمیت اندرون سندھ میں اجناس کا بحران پیدا ہونے کا خدشہ ظاہر کیا جارہا ہے۔

چیئرمین ہول سیل گروسرز ایسوسی ایشن عبدالرؤف کا کہنا ہے کہ اسسٹنٹ کمشنر گارڈن نے کل اجناس منڈی بند رکھنے کا حکم دیا ہے، پہلے کبھی لاک ڈاؤن میں بھی اجناس منڈی کو بند کرنے کا نہیں کہا گیا۔

انہوں نے بتایا کہ جوڑیا بازار سے ملک بھر کو اجناس اور کوکنگ آئل سپلائی کیا جاتا ہے۔

عبدالرؤف نے خدشہ ظاہر کیا کہ جمعہ، اتوار چھٹی اور ہفتے کو ہاف ڈے سے سپلائی متاثر ہوگی۔ اسسٹنٹ کمشنر سے رابطہ کیا مگران کا کہنا ہے اوپر سے حکم ملا ہے، کراچی میں اجناس کی قلت پیدا ہوسکتی ہے۔

ادھر تاجر برادری نے بھی سندھ حکومت سے مطالبہ کیا ہے کہ وہ مارکیٹوں کے اوقات کار اور چھٹی پر نرمی کرے۔

بن قاسم پارک کے قریب عمارت کے دروازے کے قریب ہونے والا دھماکہ دستی بم کا تھابم ڈسپوزل یونٹ نے ابتدائی رپورٹ سے حکام کو آگاہ کردیا.

معروف عمارت کے قریب ہونے والا دھماکہ کمپنی میڈ دستی بم کا تھا۔عمارت کے دروازے کے قریب پھٹنے والا دستی بم امریکی ساختہ تھا۔پھٹنے والے امریکی ساختہ دستی بم کو آر جی ڈی فائیو کے نام سے جانا جاتا ہےامریکی ساختہ آر جی ڈی فائیو کی ساخت باہر سے گول اور ہموار ہوتی ہے
امریکی ساختہ آر جی ڈی فائیو کا مجموعی وزن 500 گرام ہوتا ہے۔آر جی ڈی فائیو میں مجموعی طور پر 65 گرام بارود ہوتا ہے۔آر جی ڈی فائیو 10 میٹر کے سراؤنڈنگ ایریا میں آنے والے انسانی زندگی کے یلاکت کی صلاحیت رکھتا ہےآر جی ڈی فائیو 25 میٹر کے سراؤنڈنگ ایریا تک آنے والوں کو زخمی کرسکتا ہے.معروف عمارت کے قریب پھینکا جانے والا دستمی بم تین میٹر کی دوری سے پھینکا گیا

‏پی ٹی آئی رہنماء خرم شير زمان نے ایڈووکیٹ علی پلھ کے خلاف مقدمے کی مذمت کی.

پی ٹی آئی رہنما خرم شیر زمان نے کہا سندھ حکومت ایڈوکیٹ علی پلھ کیخلاف انتقامی کارروائی کررہی ہے، ایک طرف پی پی پانی پر احتجاج کررہی ہے دوسری جانب مقدمے کاٹ رہی ہے۔

‏سندھ میں پانی چوری کرنے والوں کو بےنقاب کرنا علی پلھ کا جرم بن گیا ہے،پیپلز پارٹی حقداروں کا پانی چوری کرکے فریال تالپور اور وڈیروں کو دے رہی ہے.

زمینیں بنجر ہوجائیں مگر فریال تالپور کیخلاف اٹھنے والی آوازوں کو دبایا جائیگا، سندھ حکومت نے شرم بیچ دی اور اخلاقیات کو دفن کردیا۔

پی پی عزیر بلوچ جیسے دہشتگرد کو بری اور معصوموں کو جیلوں میں ڈال رہی ہے،اتنی تیزی سے مقدمات جرائم پیشہ عناصر کیخلاف نہیں بنتے۔

مقدمات بنانے میں پی پی کی ساری پھرتیاں صرف اپوزیشن جماعتوں کیلئے ہیں ایسے ہتھکنڈے سندھ کے لیے جدوجہد سے نہیں روک سکتے۔

پوری پارٹی علی پلھ کے ساتھ ہے جعلی مقدمے بناکر حراساں کرنے کا عمل ناقابل برداشت ہے سندھ کا ہر باسی پیپلز پارٹی کی چور بازاری کیخلاف آواز اٹھاتا رہیگا.

وزیر صحت سندھ ڈاکٹرعذرا فضل پیچوہو نے کہا ہے کہ کراچی سمیت سندھ بھر میں کرونا وائرس سختیاں برقرار رہیں گی۔

جمعرات کو وزیر صحت سندھ ڈاکٹرعذرا فضل پیچوہو نےسندھ اسمبلی میں پریس کانفرنس کرتے ہوئے کہا ہے کہ اگر ہمیں کرونا وائرس سے چھٹکارا حاصل کرنا ہے تو ملک کی 80 فیصد عوام کو کرونا وائرس سے بچاؤ کی ویکسین لگانا ہوگی۔

وزیر صحت نے کہا کہ غلط افواہیں آتی رہتی ہیں اور بہت تیزی سے پھیلتی ہیں۔اس وقت ہسپتالوں میں لوگ آرہے ہیں اور بستر بھر رہے ہیں۔ تشویش ناک بات یہ ہے کہ سندھ میں زیادہ کیسز آ رہے ہیں اور کراچی میں کیسز کی تعداد 11 فیصد ہے۔

انھوں نے واضح کیا کہ پورے ملک میں کیسز 3 سے 4 فیصد ہوگئے ہیں لیکن سندھ اب تک کرونا کیسز میں کمی نہیں آئی ہے کیوں کہ بہت سارے لوگ احتیاط نہیں کر رہے ہیں۔

انھوں نے واضح کردیا کہ بندشوں پر بزنس کمیونٹی احتجاج کر رہی ہے لیکن عوام کے بھلائی کے لئے یہ اقدامات کرنا پڑتے ہیں۔ان میں کمی تب لائیں گے جب لوگ ویکسین لگوانا شروع کرینگے۔

اس لئے ہر شعبے میں ویکسینیشن کروانا ہوگی۔ تمام سیاسی جماعتوں کے رہنماؤں کو ویکسینیشن کو آگے بڑھنا چاہئے تاکہ لوگوں کا اعتماد بڑھے۔

عذرا پیچوہو نے یہ بھی بتایا کہ وباء کے پھیلاؤ سے نظام صحت بری طرح متاثر ہے۔ اس وباء کی وجہ سے ہم کسی خوشی اور غم میں شریک نہیں ہوسکتے۔ ماسک لگا کر رکھنے سے ہم ایک دوسرے کی شکلیں بھول چکے ہیں۔ ماسک سے چھٹکارا حاصل کرنا ہے تو ویکسینیشن کروائیں۔

وزیر صحت نے کہا کہ حالات کو دیکھتے ہوئے ماہرین کے ساتھ فیصلے کئے تھے اور اس پر پولیٹیکل پوائنٹ اسکورنگ نہیں کرنا چاہئے۔ 6 بجے تک دکانیں کھلی ہیں اور دکانیں بند نہیں کی ہیں۔

تاجروں کو مشورہ ہے کہ سویرے کاروبار کھولیں۔ کراچی کا معاشی قتل ہونا غلط ہے۔ اگرہماری مدد عوام نہیں کرے گی تو مزید سختیاں کرنا پڑیں گی۔ عوام کو خوش رکھنے کے فیصلے سے کام نہیں ہوسکتا.

آئی بی اے کراچی نے ڈویلپمنٹ اسٹڈیزمیں 2 سالہ ماسٹر آف سائنس پروگرام کا آغاز کردیا

آئی بی اے کراچی نے راوں سال فال 2021 سمیسٹر کے داخلوں کے لئے 2 سالہ ماسٹر آف سائنس ڈویلپمنٹ اسٹڈیز پروگرام کااجراء کردیا جو مجموعی طور پر 30 کریڈٹ آورز پر مشتمل ہوگا۔
یہ پروگرام، اسکول آف اکنامکس اینڈ سوشل سائنسز کے زیر اہتمام ڈیزائن کیا گیا ہے اور محکمہ معاشیات اور محکمہ سوشل سائنسز اور لبرل آرٹس کی مشترکہ کاوشوں کا نتیجہ ہے۔یہ کثیر الانضباطی پروگرام ترقی کے نظریہ اور طریقوں کے تنقیدی موضوعات کی کھوج کریگا ہے اور معاشروں کے ارتقا میں ترقیاتی عمل کومتعارف کرائے گا۔
ایم ایس ڈویلپمنٹ اسٹڈیز اعلیٰ معیاری تعلیم کی فراہمی اور طلباء کی تربیتی عمل میں معاونت کے ساتھ ترقی سے منسلک طریقہ کار اور پالیسی سے آگہی فراہم کریگایہ پروگرام کثیر الشعبہ معاشرتی سائنس کے ارتقائی نظریے، مقداری طریقوں اور معاشرتی نشوونما کے مختلف شعبوں میں کام آنے والی ایپلی کیشنز کی بنیاد ڈالنے میں بھی مدد دیگا۔
ڈین، اسکول آف اکنامکس اینڈ سوشل سائنسز، ڈاکٹر اسماء حیدر نے پروگرام کی وضاحت کرتے ہوئے کہا، ”ہم امید کرتے ہیں کہ یہ پروگرام طلباء کو ترقیاتی نظریہ اور عمل کے اہم موضوعات کی کھوج اور تاریخی تناظر کو حالیہ پیشرفتوں سے جوڑنے کا ذریعہ ثابت ہوگا۔ہمارہ مقصد طلبعلموں کی تربیت کے ذریعے انہیں بااختیار بنانا ہے تاکہ وہ مستقبل میں مقامی برادریوں کے لئے تبدیلی اور مثبت بدلاو کا باعث بن سکیں۔

پروگرام کے اجراء کے موقع پر آئی بی اے کے ایگزیکٹو ڈائریکٹر، ڈاکٹر ایس اکبر زیدی نے کہا، ”ترقیاتی مطالعات ایک ایسی پالیسی بحث ہے جس میں معاشرے کی تاریخ، ماحولیات، ثقافت، ٹیکنالوجی اور سیاست کے لحاظ سے غور کیا جاتا ہے۔ ان عوامل سے پیدا ہونے والے اختلافات کی آگہی سے معاشرتی نشوونما اور طریقوں کی حکمت عملیوں کومرتب کرنا اس پروگرام کے مقاصد میں شامل ہے جس کی تکمیل کے لئے عمدہ فیکلٹی اورجدید انفراسٹرکچر کوبروئے کار لیا جائے گا۔ ڈاکٹر زیدی نے روشنی ڈالی کہ آنے والے دنوں میں یہ پروگرام دوسری یونیورسٹیوں کے لئے ایک نیا معیار قائم کرے گا۔
اس پروگرام سے فارغ التحصیل افراد تحقیقی اداروں، سرکاری شعبوں، ترقیاتی ایجنسیوں، بین الاقوامی تنظیموں، اور پالیسی سے متعلق تھنک ٹینکوں میں اپنے کیریئر کا انتخاب کرپائیں گے۔
ڈویلپمنٹ اسٹڈیز پروگرام کے اضافے کے ساتھ، آئی بی اے کراچی 6 انڈرگریجویٹ اور 3 پوسٹ گریجویٹ پروگراموں کےساتھ ساتھ10 گریجویٹ پروگرام میں داخلہ فراہم کر رہا ہے۔