Category: کراچی

ماحولیات کے عالمی دن پر چئیرمین پاک سرزمین پارٹی سید مصطفیٰ کمال کا بیان.

بیان میں مصطفیٰ کمال کہتے ہیں ماحولیاتی تغیرات کے سبب سب سے زیادہ خطرات میں گھرے 8 ممالک میں شامل پاکستان کے نااہل و کرپٹ وفاقی اور صوبائی حکومتوں نے غلط فیصلوں کے باعث باغات کا شہر لاہور درختوں سے خالی ہو کر ’سموگ ٹریپ‘ کراچی ’ہیٹ ٹریپ‘ اور اسلام آباد ’پلوشن ٹریپ‘ میں تبدیل کردیا ہے۔

بلین ٹری سونامی جیسا اہم منصوبہ بھی کرپشن کی نظر کردیا گیا۔نیب کے مطابق بلین ٹری سونامی پروجیکٹ میں اربوں روپے کی خرد برد کی گئی۔

سندھ کی تعصب زدہ حکومت نے پہلے سندھ کو ریگستان بنایا اور اب کراچی کو صحرا میں تبدیل کررہی ہے۔

کراچی میں آخری بار درخت اور باغات میرے دور نظامت میں لگائے گئے۔

ہمارے جانے کے بعد ٹمبر مافیا، بل بورڈ مافیا، نالائق اور کرپٹ صوبائی اور بلدیاتی حکومت کے گٹھ جوڑ نے اربوں روپے کمانے کے لیے منفی پروپیگنڈا کرکہ عوامی مفاد میں لگائے گئے ہزاروں درختوں کو کاٹ کر اپنی جیبیں گرم کیں۔

ماحولیاتی تبدیلی سے سب سے زیادہ متاثر غریب طبقہ ہے جس کے لیے ماحولیاتی تبدیلی بقاء کا مسئلہ ہے۔

ماحولیاتی تبدیلیوں کے خلاف سب سے موثر جنگ موثر بلدیاتی حکومتوں کے ذریعے لڑی جا سکتی ہے،

اختیارات اور وسائل پر قابض حکمرانوں کو اختیارات اور وسائل کو نچلی ترین سطح پر منتقل کرکہ ملک کو درپیش چیلنجوں سے نمٹنے کے لیے تیار ہونا ہوگا۔

ہنگامی بنیادوں پر وسیع پیمانے پر شجر کاری، ساحلی پٹی کو محفوظ کرنے کے لیے مینگروز کا یقینی تحفظ، جنگلات کے کاٹنے پر مکمل پابندی عائد ہونی چاہیے.

لوگ پیسے پولیس کو اور گالیاں ہمیں دیتے ہیں، ہم نے پولیس کو رشوت لینے کا نہیں کہا، پیپلز پارٹی نے ترجمان سندھ حکومت مرتضی وہاب کی جانب سے دکانداروں کو رشوت خوری کا ذمہ دار ٹھہرانے کے بیان کی وضاحت کر دی ۔ تفصیلات کے مطابق کراچی چیمبر آف کامرس میں خطاب کرتے ہوئے صوبائی وزیرسعید غنی نے کہا کہ اگر کراچی میں کاروباری سرگرمیاں کم ہوں گی تو سندھ حکومت کو بھی نقصان ہوگا۔
انہوں نے گزشتہ روز ترجمان سندھ حکومت مرتضی وہاب کی جانب سے دکانداروں کو رشوت خوری کا ذمہ دار ٹھہرانے کے بیان کی وضاحت کرتے ہوئے کہا کہ اگر کاروبار 6 بجے بند ہوگا تو پولیس کو بھی پیسے لینے کا موقع نہیں ملے گا۔ انہوں نے کہا کہ لوگ پیسے پولیس کو اور گالیاں ہم کو دیتے ہیں۔
اکستان پیپلزپارٹی سے تعلق رکھنے والے صوبائی وزیر تعلیم نے کہا کہ اگر سب لوگ ویکسین کروالیں تو ساری چیزیں کھل جائیں گی۔
انہوں نے مشورہ دیا کہ دکاندار لکھ کر لگائیں کہ جو ویکسین نہیں لگوائے گا اسے دکان میں داخلے کی اجازت نہیں ہو گی۔سعید غنی نے مزید کہا کہ کووڈ کی پہلی لہر میں ملک میں کسی کو معلوم نہیں تھا کہ کیا کرنا ہے؟ انہوں نے کہا کہ 26 فروری کو کورونا کیسز آئے اور 27 کو ٹاسک فورس بنائی گئی۔پی پی سے تعلق رکھنے والے صوبائی وزیر نے کہا کہ مئی 2020 میں کووڈ سے 385 اموات ہوئیں اورعید کے بعد ان میں اضافہ ہوا۔
انہوں نے کہا کہ کورونا کی تیسری لہر میں سندھ سے پہلے پنجاب اور کے پی میں کیسز بڑھے۔ نا کا کہنا تھا کہ حالیہ عید الفطر کے ساتویں روز 2000 کیسز بڑھے تو اسی وقت فیصلے کیے گئے۔ انہوں ںے کہا کہ سختیوں کی وجہ سے کورونا کیسز کم ہوئے ہیں۔وزیرتعلیم سندھ سعید غنی نے کہا کہ آج ٹاسک فورس نے سختیاں کم کرنے کا عندیہ دیا ہے۔ انہوں نے کہا کہ ری اوپننگ کی طرف جارہے ہیں اور اس پر مشاورت کر رہے ہیں۔

سندھ حکومت نے سرکاری ملازمین کی جلد ریٹائرمنٹ کا فیصلہ کیا ہے۔ وزیراعلیٰ سندھ مراد علی شاہ کی زیر صدارت صوبایی کابینہ کا اجلاس ہوا۔سندھ کابینہ نے پنشن بل کو کنٹرول کرنے کے اقدامات پر غور کیا۔ وزیراعلیٰ سندھ نے کہا کہ موجودہ طریقہ کار چلتا رہا تو 10 سال بعد پنشن بل سیلری بل سے بڑھ جائیں گے۔
سندھ حکومت کے ملازمین کی تعداد 4 لاکھ 93 ہزار 182 ہے۔سندھ حکومت کے ملازمین لگ بھگ 24 ارب روپے ماہانہ تنخواہ لیتے ہیں۔سندھ حکومت کا ماہوار پنشن بل 13 ارب 30 کروڑ روپے ہے۔ہمیں ایسی اصلاحات کرنا ہیں تاکہ پنشن بل کم سے کم ہو۔موجودہ طریقہ کار چلتا رہا تو 10 سال بعد پنشن بل سیلری بل سے بڑھ جائے گا۔سندھ حکومت نے سرکاری ملازمین کی جلد ریٹائرمنٹ کا فیصلہ کیا ہے۔
ریٹائرمنٹ کے لیے کم سے کم سروس 25 اور زیادہ سے زیادہ 55 سال مقرر کرنے کی تجویز دی گئی ہے۔پنشن آخری لی گئی تنخواہ کے بجائے تین سال کی اوسط تنخواہ کے حساب سے دینے کی تجویز پیش کی گئی ہے۔کابینہ اجلاس میں فیصلہ کیا گیا ہے کہ نئی پنشن اسکیم کا اطلاق نئی بھرتیوں پر ہو گا۔سندھ کابینہ نے پنشن اصلاحات کی اصولی منطوری دے دی۔دوسری جانب گذشتہ روز سندھ کابینہ نے کورونا ویکسینیشن نہ کرانے والے سرکاری ملازمین کی تنخواہ بند کرنے کی ہدایت کی تھی۔
ق وزیراعلیٰ سندھ نے کورونا ویکسینیشن نہ کرانے والے سرکاری ملازمین کی تنخواہیں بند کرنے کی ہدایت دے دی۔وزیراعلیٰ مراد علی شاہ کی زیر صدارت کورونا ٹاسک فورس کا اجلاس ہوا جس میں صوبے بھر میں کورونا کی صورتحال پر غور کیا گیا اور صوبے میں ویکسینیشن کے اعداد و شمار کا بھی جائزہ لیا گیا۔ وزیراعلیٰ سندھ نے کہا کہ کورونا ویکسین نہ لگوانے والے سرکاری ملازمین کی تنخواہیں بند کی جائیں۔وزیراعلیٰ سندھ نے وزارت خزانہ کو ہدایت دی ہے کہ ویکسین نہ لگوانے والے ملازمین کی تنخواہیں جولائی سے بند کی جائیں۔

تفصیلات کے مطابق رات گئے پاکستان کیٹرز ڈیکوریٹرز ایسوسی ایشن کے وفد نے وزیربلدیات سندھ ناصر شاہ سے ملاقات کی اور انہیں بتایا کہ شادی ہالز بند ش سے کئی افراد بے روزگارہوگئے، جس کے باعث ہزاروں افراد کے گھروں کے چولہے ٹھنڈے پڑ گئے ہیں۔
اس موقع پر ناصر حسین شاہ نے گفتگو کرتے ہوئے کہا کہ شادی ہالز کی بندش کا سخت فیصلہ مجبوری میں کیاتھے، حکومت سندھ کو آپ کی تکالیف کا احساس ہے۔
ملاقات میں چیئرمین بینکوئٹ ہال ایسوسی ایشن نے صوبائی وزیر سے مطالبہ کیا کہ شادی ہالزکو ایس او پیز کےساتھ کھولنےکی اجازت دی جائے، جس پر ناصر حسین شاہ نے چھ جون سےشادی ہال کھولنےکی یقین دہانی کرائی۔
گذشتہ روز ہی صدر آل سٹی تاجراتحاد حمادپونا والا کی سربراہی میں وفد نے صوبائی وزیر ناصر شاہ سے ملاقات کی اور سندھ حکومت سے کاروباری اوقات کار شام چھ کے بجائے رات آٹھ بجےتک کرنے کی اپیل کی، ملاقات میں حمادپونا والا نےمطالبہ کیا کہ سیل کیے گئے شاپنگ مالز، دکانوں،شادی ہالز کو بھی ڈی سیل کیاجائے۔
دوسری جانب کراچی ریسٹورنٹ ایسوسی ایشن نے ریسٹورنٹس بندش اور ملازمین کی گرفتاریوں کیخلاف احتجاج کیا، ریسٹورنٹ ایسوسی ایشن نے الزام عائد کیا کہ لاک ڈاؤن کے دوران انتظامیہ اور پولیس کا رویہ انتہائی غیرمہذب ہے، ہمارا مطالبہ ہے کہ سیل کئے گئے ریسٹورنٹس کھولے جائیں اور گرفتار ملازمین کو فوری طور پر رہاکیا جائے۔
ریسٹورنٹ ایسوسی ایشن سندھ حکومت سےڈائننگ کی اجازت دینےکا مطالبہ کیا۔

پی پی رہنما قمر زمان کائرہ کے گزشتہ روز دیے گئے بیان پر پی ٹی آئی مرکزی رہنماء فردوس شمیم نقوی کا ویڈیو بیان۔

قمر زمان کائرہ نے نواز شریف کیلئے جو کچھ کہا وہ آج ہم بھی کہہ رہے ہیں، مگر قمر زمان کائرہ نے جو ذولفقارعلی بھٹو اور رانی شہید کیلئے کہا وہ ناقابل سمجھ ہے،
کائرہ صاحب بتائیں اگر نواز شریف کے بارے میں رانی شہید سب جانتی تھی تو انہیں چھوڑا کیوں،
نواز شریف کو پکڑا کیوں نہیں کیا آپ لوگ باری باری کھیل رہے تھے، دونوں جماعتوں کا جو گٹھ جوڑ ہے وہ ہمیشہ واضح نظر آیا ہے، ہم نے ماضی میں دیکھا زولفقار علی بھٹو نے مجیب الرحمٰن کو دعوت دی اور پاکستان دولخت ہوگیا،
ذولفقار علی بھٹو نے کشمیر کے مسئلے پر جو طے کیا وہ دوطرفہ متنازعہ بنادیا، ہم مانتے ہیں کہ بھٹو ایک شریف انسان تھے انہوں نے غریبوں کو شعور دیا، ہم یہ بھی مانتے ہیں کہ دولخت قوم کو بھٹو نے کھڑا کیا۔
مگر دوسری جانب معیشت کو تباہ کیا،اس وقت پاکستان تیز ترقی کردہ ایشاء میں کوریا سے آگے تھا جو آج پیچھے رہ گیا، قمر زمان کائرہ اس معاشی ترقی کے نقصان کے زمہ دار بھی بھٹو تھے، اعتراف کرتے ہیں بھٹو ایک عظیم قائد ہیں مگر معاشی طور پر پاکستان کو نقصان ہوا، احتساب کیوں ضروری ہے یہ قمر زمان کائرہ نے خود بتادیا ہے۔
آصف علی زرداری اس ملک کیلئے بیماری ہیں پرسنٹیج کے نام پر سب سے پہلے منصوب ہوئے،
آصف زرداری سچے تھے تو عدالتوں میں پیش ہوتے، اگر زرداری صاحب سچے تھے تو واجد الحسن سے لیے کاغذات حکومتی خزانے میں جمع کرواتے۔
آصف زرداری نے سرمحل کو دوبارہ اپنے نام کیا، کائرہ بتادیں آصف زرداری کا کوئی کیس کبھی مکمل ہوا ہے؟ کائرہ صاحب سے گزارش ہے سچ بولیں تو مکمل بولیں۔

محکمہ صحت سندھ نے کووڈ ویکسینیشن کے حوالے سے تازہ اعداد وشمار جاری کردیئے ہیں۔

محکمہ صحت کے مطابق صوبے میں اب تک 1617209 ڈوز لگائی جاچکی ہیں۔ ویکسین کی پہلی 1169333ڈوز دی گئیں۔ جبکہ ویکسین کی دوسری 447276ڈوز لگائی جاچکی ہیں۔

اعداد وشمار میں بتایا گیا ہے کہ کووڈویکسین کی بیلنس تعداد818091 ہے۔

ادھر ملک بھر میں کورونا وائرس کی تیسری لہر کی تباہ کاریاں جاری ہیں، گزشتہ 24 گھنٹے میں مزید ڈیڑھ ہزار سے زائد نئے کیسز کے ساتھ83افراد موت کے منہ میں چلے گئے۔

کورونا وائرس کے ڈیڑھ ہزار سے زائد کیسز رپورٹ، 83 مریض ہلاک

کورونا وائرس کی تیسری لہر پاکستان میں تیز رفتاری سے پھیل رہی ہے۔ نیشنل کمانڈ اینڈ آپریشن سینٹر کا کہنا ہے کہ گزشتہ 24گھنٹوں کے دوران کرونا وائرس کے ایک ہزار 893نئے کیسز سامنے آئے ہیں۔

این سی او سی کے مطابق ملک میں کرونا وائرس سے اموات کی تعداد 21 ہزار105 ہوگئی۔

اپوزیشن لیڈر سندھ اسمبلی حلیم عادل شیخ ٹوئٹر بیان

سندھ حکومت مسخروں کے ہتھے چڑھ گئی ہے، کبھی شاہی خاندان تو کبھی درباری نادر شاہی فرمان سادر کردیتے ہیں، ملکہ صحت تاجروں کو دہمکانے کے لیے ظاہر ہوگئی مگر کورونا میں کہیں نظر نہیں آئیں،پبلک پرائیویٹ پارٹنرشپ کے علمبر داروں نے صوبے کی پبلک کی زندگی اجیرن کردی ہے.

وفاقی حکومت کے ٹیکس کلیکشن کی ضد میں سندھ حکومت بھتہ کلیکشن پر زور دے رہی ہے۔پی پی کی سیاست کی بنیاد کمیشن اور کرپشن ہے، سندھ حکومت تحریک انصاف کی مقبولیت سے فرسٹریشن میں مبتلاء ہے۔

کراچی میں پانی کے مصنوعی بحران نے شدت اختیار کرلی ہے، صدر پی ٹی آئی کراچی خرم شیر زمان سندھ حکومت پر تنقید کرتے ہوئے کہتے ہیں۔

1200 ایم جی ڈی پانی طلب کرنے والے شہر کو صرف 450 ایم جی ڈی فراہم کیا جارہا ہے، کراچی کو جتنا پانی درکار ہے اس کا نصف بھی واٹر بورڈ کی جانب سے فراہم نہیں کیا جارہا۔

سندھ حکومت نے شہر پر ظلم کے پہاڑ توڑے 13 سالوں میں پانی کا ایک منصوبہ نہیں دیا پی پی کی بدنیتی سے منصوبوں میں تاخیر ہوئی میں لاگت میں اضافہ ہوا۔

پانی کے منصوبوں میں تاخیر محض ایک سازش کے تحت کی گئی،کراچی کے عوام کیلئے کے فور منصوبہ وفاق مکمل کرکے دیکھائیگا۔

کہ فور کے علاوہ سندھ حکومت کا ساڑھے 6 کروڑ گیلن پانی کا ایک اور منصوبہ تاخیر کا شکار ہے۔

حکومتی عدم توجہی سے شہری پانی کی بوند بوند کیلئے ترس رہے ہیں، سندھ حکومت نے کراچی کے لوگوں کو ٹینکر مافیا کے سپرد کردیا ہے۔

خرم شیر زمان کا کہنا ہے سندھ حکومت اور واٹر بورڈ کی ملی بھگت سے کراچی میں ٹینکر کلچر متعارف ہوا، کراچی کے عوام کو منصفانہ پانی کی فراہمی یقینی نہ بنائی گئی تو جلد احتجاج کی کال دیں گے.

سندھ پولیس اور انفامیشن ٹیکنالوجی کے ادارے کے مابین مفاہمتی یادداشت پردستخط کئے گئے۔
سندھ پولیس ترجمان کے مطابق سینٹر ل پولیس آفس کراچی میں امروز سندھ پولیس اور انفارمیشن ٹیکنالوجی کے ادارے آئی آر نیکسٹ(I.R NEXT)کے مابین مفاہمتی یادداشت پر دستخط کئے گئے جس کے تحت آئی آر نیکسٹ انفارمیشن ٹیکنالوجی سے متعلق معیاری تعلیم کے ضمن میں پولیس کی شہداء اور متوفی پولیس اہلکاروں کے بچوں کو سو فیصد اسکالر شپ فراہم کریگا جبکہ حاضر سروس پولیس ملازمان کے بچوں کو پچاس فیصد تک کی اسکالر شپ دی جائیگی ،تاہم اس سلسلے میں اے آئی جی ویلفیئر سندھ کے دفتر سے داخلے کے لیئے لیٹر حاصل کرنا لازمی ہوگا،علاوہ ازیں آئی آر نیکسٹ پولیس ملازمین کے بچوں کو انفارمیشن ٹیکنالوجی کی معیاری تعلیم کے حوالے اسکالر شپ کی فراہمی کے سلسلے کو مستقبل میں بھی جاری رکھے گا، اس موقع پر آئی جی سندھ کے علاوہ ڈی آئی جی ہیڈکوارٹرز سندھ اے آئی جی ویلفیئر سندھ،آئی آر نیکسٹ کے چیئرمین وبانی ڈاکٹرخالد محمود، سی ای او شارق ہاشمی،کوآرڈینٹر خضر محمد،ڈائریکٹر آئی آر نیکسٹ فیصل صدیقی بھی موجود تھے۔