Category: کراچی

چیف سیکریٹری سندھ سید ممتاز علی شاہ کی زیر صدارت فوتی کوٹا پر عملدرآمد کے متعلق اجلاس

اجلاس میں سینیئر میمبر بورڈ آف ریونیو، چیئرمین اینٹی کرپشن سمیت دیگر سیکریٹری شریک تھے۔

سال 2019 سے اب تک فوتی کوٹا پر 5846 ملازمتوں کی منظوری دی گئی ہے۔ چیف سیکریٹری سندھ سید ممتاز علی شاہ

اجلاس میں مختلف محکموں کے 519 ملازمتوں کی منظوری دی گئی

محکمہ زراعت میں 17، بورڈ آف ریونیو میں 31، کالج ایجوکیشن میں 13 اینٹی کرپشن میں 2 ملازمتوں کی منظوری دی گئی

ایکسائز میں 1، فاریسٹ میں 7، صحت میں 45 اور محکمہ داخلا میں 32 ملازمتوں کی منظوری دی گئی

محکمہ کامرس میں 2، اطلاعات میں 1، آبپاشی میں 58، بلدیات میں 40، پبلک ہیلتھ انجینئرنگ میں 3 ملازمتوں کی منظوری دی گئی

محکمہ اسکول ایجوکیشن میں 222، سروسز ایڈمنسٹریشن میں 10 اور ورک اینڈ سروسز میں 35 ملازمتوں کی منظوری دی گئی

کمیٹی نے جو پہلے کیس منظور کئے ہیں ہیں انکی تنخواہیں جاری کی. چیف سیکریٹری سندھ کی متعلقہ افسران کو ہدایت

چیف سیکریٹری سندھ نے تمام ڈپٹی کمشنرز سے ڈی آر سی متعلق رپورٹ طلب کرلی۔

رکن صوبائی اسمبلی تحریک انصاف ایم پی اے راجہ اظہر نے سہیل انور سیال کی دھمکی پر شدید مذمت کی۔

سہیل انور سیال نے پریس کانفرس کے بعد خرم شیر زمان کو دھمکی دی کہ تمہیں نہیں چھوڑوں گا۔

سہیل انور سیال نے ہمارے لیڈر خرم شیر زمان کو گھر میں گھس کر مارنے کی بھی دھمکی دی۔

تحریک انصاف کے ایم پی اے راجہ اظہر اپنے ٹوئٹر بیان میں کہتے ہیں سہیل انور سیال سمیت سندھ حکومت کو بتانا چاھتے ہیں ہمارے لیڈر کی یہ تربیت نہیں.

بتانا چاھتے ہیں ہمارے گھر بلاول ہاؤس نہیں
اگر کوئی ہمارے گھروں میں گھسا تو ہاتھ پیر توڑ کر واپس بھیجیں گے۔

ایم پی اے راجہ اظہر کہتے ہیں ‏خرم شیر زمان کو کچھ ہوا تو اسکی تمام تر زمہ داری سہیل انور سیال پیپلز پارٹی اور سندھ حکومت پہ ہوگی۔

مشیر سندھ حکومت مرتضیٰ وہاب کا کہنا ہے کہ ہر شہری ویکسی نیشن ضرور کروائے، پروپیگنڈا کرنے والوں اور انتشار پھیلانے والوں کی بات نہ سنیں۔

تفصیلات کے مطابق مشیر سندھ حکومت مرتضیٰ وہاب کا کہنا ہے کہ کرونا وائرس کا پھیلاؤ روکنے کے لیے ہر فرد حکومت کے ساتھ تعاون کرے، عوام کے تعاون کے بغیر کرونا وبا پر قابو پانا ممکن نہیں۔

مرتضیٰ وہاب کا کہنا تھا کہ ایس او پیز پر عملدر آمد سے مہلک وبا پر قابو پا سکتے ہیں، ہر شہری ویکسی نیشن ضرور کروائے، صنعتی علاقوں، پریس کلبز اور تعلیمی اداروں میں ویکسین کی سہولت فراہم کی۔

انہوں نے کہا کہ شہری سہولت سے استفادہ کر کے ویکسی نیشن کروائیں، ویکسین لگائیں گے تو کرونا کی تکلیف سے بچ پائیں گے۔ پروپیگنڈا کرنے والوں اور انتشار پھیلانے والوں کی بات نہ سنیں۔

صوبائی مشیر کا کہنا تھا کہ کرونا وائرس سے بچاؤ کے لیے ویکسین لگوانا ناگزیر ہے، امریکا میں تمام چیزیں کھل گئی ہیں، وہاں 70 فیصد آبادی ویکسین لگوا چکی ہے.

یورپ اور عرب امارات میں بھی سب کھل رہا ہے تو یہ ویکسین کی بدولت ہے۔

انہوں نے کہا کہ چین میں بھی وہی ویکسین لگ رہی ہے جو پاکستان میں لگ رہی ہے، لوگ ویکسین لگوائیں گے تو حکومت کو بندشیں ختم کرنے میں آسانی ہوگی، ڈاکٹرز اور طبی ماہرین کی بات سنیں اور ویکسین لگوائیں۔

شہرقائد میں اگلے 3 روزپارہ 36 سے 38 ڈگری کے درمیان رہنے کا امکان ہے۔

محکمہ موسمیات کے ارلی وارننگ سینٹرفارہیٹ ویونے ایڈوائزری جاری کردی جس کے مطابق اگلے تین روزکے دوران شہرکا موسم گرم ومرطوب رہنے کا امکان ہے۔

محکمہ موسمیات کے مطابق تین روز کے دوران زیادہ سے زیادہ درجہ حرارت 36 سے 38 ڈگری کے درمیان رہ سکتا ہے.

جنوب مغربی ہواؤں کے ساتھ متبادل سمت کی مغربی ہوائیں چلنے کی بھی توقع ہے جب کہ صبح وشام کے وقت نمی کے تناسب میں اضافہ ریکارڈ ہوسکتا ہے

وزیر اعلیٰ سندھ مراد علی شاہ شکار پور اور لاڑکانہ میں ڈاکوؤں سے مقابلے کے دوران شہید پولیس اہلکاروں کے ورثا سے ملے، انہوں نے کہا کہ شہید اہلکاروں کے بچوں کی تعلیم کے اخراجات سندھ حکومت اٹھائے گی۔

تفصیلات کے مطابق وزیر اعلیٰ سندھ مراد علی شاہ شکار پور میں ڈاکوؤں سے مقابلے کے دوران شہید اہلکاروں کی رہائش گاہ پہنچے۔ وزیر اعلیٰ کا کہنا تھا کہ پہلے شہید اہلکاروں کے اہل خانہ سے ملوں گا، پھر اجلاس کروں گا۔

وزیر اعلیٰ نے شہید اہلکار منور کے بھائی اور اہل خانہ سے تعزیت کی، اس موقع پر ان کا کہنا تھا کہ شہید اہلکار کے اہل خانہ کو تنہا نہیں چھوڑیں گے، آپ کا ہر طرح کا خیال رکھا جائے گا۔

وزیر اعلیٰ کو بتایا گیا کہ شہید اہلکار منور کے 5 بچے اور ایک بیوہ ہے، انہوں نے شہید اہلکار کے بڑے بیٹے انور علی سے بھی ملاقات کی اور اسے تعلیم جاری رکھنے کی ہدایت کی۔

بعد ازاں شکار پور واقعے کے بارے میں بریفنگ دیتے ہوئے وزیر اعلیٰ کو بتایا گیا کہ سردار خیر محمد تیغانی اغوا برائے تاوان میں ملوث ہے، تیغانی نے مختلف وقت پر 30 لوگ اغوا کیے تھے، جن میں سے زیادہ تر بازیاب کیے گئے۔

بریفنگ کے مطابق پولیس کو خیر محمد تیغانی کی موجودگی کی اطلاع تھی، پولیس آپریشن علیٰ الصبح ساڑھے 3 بجے شروع کیا گیا، اطلاع تھی کہ اغوا کیے گئے 8 افراد کو وہاں جنگل میں رکھا گیا ہے، پہلے 6 اغوا کیے گئےافراد کو آپریشن سے پہلے بازیاب کروایا گیا۔

وزیر اعلیٰ کو بتایا گیا کہ آرمرڈ پرسونل کیریئر (اے پی سی) کے 6 اہلکار وہاں پہنچے، اے پی سی کا ڈرائیور عبد الخالق شہید ہوگیا، کانسٹیبل منور جتوئی اور پریس فوٹو گرافر حسیب شیخ کو فائرنگ میں شہید کیا گیا۔

وزیر اعلیٰ نے پولیس کو زبردست آپریشن کرنے کی ہدایت کی اور کہا کہ کوئی ڈکیت نہیں بچنا چاہیئے۔

بعد ازاں وزیر اعلیٰ نے گزشتہ روز لاڑکانہ میں ایک اور مقابلے میں شہید 2 پولیس اہلکاروں برکت حسین چاچڑ اور خالد حسین کانگو کے ورثا سے بھی ملاقات کی، وزیر اعلیٰ نے یقین دہانی کروائی کہ آپ کا اگر کوئی لڑکی یا لڑکا ہے تو ان کو ملازمت دیں گے۔

وزیر اعلیٰ کو بتایا گیا کہ ایک شہید کی بیٹی بی ایس سی ہے جس پر وزیر اعلیٰ نے آئی جی کو لڑکی کو ملازمت دینے کی ہدایت دے دی۔ انہوں نے کہا کہ جو بچے پڑھ رہے ہیں ان کو تعلیم کے لیے اسکالر شپ دیں گے۔

انہوں نے مزید کہا کہ شہدا کے بچوں کی تعلیم کے اخراجات سندھ حکومت اٹھائے گی، ہم بہادر پولیس کے جوانوں سے علاقے کو ڈاکوؤں سے نجات دلائیں گے۔

نیب نے پانی چوری کرنے کے معاملے پر شہر کے تمام 7 اضلاع کےایس ایس پیز کو طلب کرلیا ، واٹربورڈاینٹی تھیفٹ سیل نے الزام عائد کیا ہے کہ پولیس پانی چوری میں ملوث ہے۔

تفصیلات کے مطابق شہر کا پانی کون چوری کررہا ہے، اس حوالے سے تحقیقا ت کیلئے نیب حرکت میں آگئی ، نیب نے کراچی واٹربورڈ کے اینٹی تھیفٹ سیل سےمعلومات طلب کرلیں۔

واٹربورڈاینٹی تھیفٹ سیل نے غیرقانونی ہایئڈرنٹس،ملوث افرادکی معلومات جمع کرادی ، جس میں واٹربورڈاینٹی تھیفٹ سیل نےمتعلقہ تھانوں اور مافیا کے گٹھ جوڑکاانکشاف کردیا ہے۔

نیب نے شہر کے تمام 7 اضلاع کےایس ایس پیز کو طلب کرلیا ، واٹربورڈاینٹی تھیفٹ سیل نے الزام عائد کیا ہے کہ پولیس پانی چوری میں ملوث ہے۔

یاد رہے رواں سال مارچ میں صوبائی وزیر بلدیات ناصر حسین شاہ کی قائم کردہ پانی چوری کی روک تھام کے حوالے سے بنائی جانے والی ٹیم (اینٹی واٹر تھیفٹ) نے غریب آباد فرنیچر مارکیٹ میں کارروائی کی۔

کارروائی میں زیرزمین پانی چوری کرنے والا بڑا نیٹ ورک پکڑا گیا جس نے لیاری کو پانی فراہم کرنے والی 33 انچ لائن سے کنکشن لے رکھے تھے