Category: کراچی

پولیس اور رینجرز نے کراچی کے علاقے پی ای سی ایچ ایس بلاک 2 میں مشترکہ کارروائی کرتے ہوئے گاڑیوں کے سائڈ گلاس اور سامان چوری کرنے والے 2 ملزمان کو گرفتار کرلیا۔اس حوالے سے پولیس کا کہنا ہے کہ گرفتار ہونے والے دونوں ملزمان افغانی ہیں، جبکہ ان کے مزید 2 ساتھی فرار ہوگئے۔پولیس کا کہنا ہے کہ ملزمان کا 12 رکنی گینگ مختلف علاقوں میں کارروائیاں کرتا ہے۔پولیس کے مطابق گرفتار ملزمان سے 3 گاڑیوں کا چوری شدہ سامان، اسلحہ اور موٹرسائیکل بھی برآمد کرلی گئی۔پولیس کا کہنا ہے کہ ملزمان 100 سے زائد کاروں سے سائیڈ گلاس اور سامان چرا چکے ہیں، ملزمان چوری شدہ پارٹس شیر شاہ، کیماڑی، سہراب گوٹھ میں فروخت کرتے ہیں۔

اسٹیٹ بینک نے نئے کرنسی نوٹ جاری نہ کئے تو اولڈ سٹی ایریا میں نئے نوٹ کا بازار لگ گیا، پولیس بھی مستفید ہوئی، ویڈیو وائرل ہوئی تو ایس ایس پی نے نوٹس لے لیا، کرنسی نوٹ بلیک میں فروخت کرنے والوں کے خلاف پولیس کا کریک ڈاؤن، 9 افراد گرفتار کر لیئے گئے۔
تفصیلات کے مطابق کراچی میں پولیس جہاں چاہے گی وہاں کورونا آئے گا ، جہاں چاہے گی نہیں آگا،،بولٹن مارکیٹ میں ایس او پیز اور لاک ڈاؤن کی دھجیاں اڑا دی گئی، دھڑلے سے سڑک پر ہاتھ میں نئے نوٹوں کی گڈیاں لیے بروکر آواز لگا کر نوٹ فروخت کرتے رہے،ویڈیو میں کرنسی فروخت کرنے والوں کو دیکھا جاسکتا ہے، پولیس بھی نئے نوٹ سے مستفید ہوئی، ایس ایچ او کی موبائل میں سوار اہلکاروں نئے نوٹ لے کر لاک ڈاؤن فروخت کیا،ویڈیو وائرل ہوئی تو ایس ایس پی سٹی نے نوٹس لے لیا،ایس ایس پی سٹی سرفراز نواز کی ہدایت پر کھارادر پولیس نے کریک ڈاؤن کرتے ہوئے کرنسی نوٹ فروخت کرنے والے 9 افراد کو گرفتار کر کے انکے خلاف مقدمہ درج کر لیا.

منی لانڈرنگ اور کرپشن کا جھوٹا واویلا کرکے وزیراعظم عمران خان نے ملک کو بلیک لسٹ ہونے کے دہانے پر پہنچا دیا‘، یورپی یونین کی جانب سے پاکستان کو دیا گیا جی ایس پی پلس کا درجہ داؤ پر لگ جانے کا انکشاف ۔
تفصیلات کے مطابق پاکستان پیپلز پارٹی کے چیئرمین بلاول بھٹو نے کہا کہ پاکستان پیپلزپارٹی کی وفاقی حکومت نے ملک کو یورپی یونین سے جی ایس پی پلس کا درجہ دلوایا ، اسے وزیراعظم عمران خان نے داؤ پر لگادیا۔
انہوں نے کہا کہ وزیراعظم عمران خان نے ملک میں منی لانڈرنگ اور کرپشن کا جھوٹا واویلا کیا، جس سے بین الاقوامی سطح پر پاکستان کا منفی تاثر ابھرا اور اب پاکستان بلیک لسٹ ہوونے کے دہانے پر پہنچ گیا ہے۔

بلاول بھٹو زرداری نے کہا کہ پاکستان پیپلز پارٹی مسلسل نیشنل ایکشن پلان پر عمل درآمد کا مطالبہ کرتی رہی مگر حکومت نے ایسا نہ کیا اور معیشت پر بھی اس کے منفی اثرات پڑے، سیاسی انتقام کے لئے منی لانڈرنگ اور کرپشن کا جھوٹا واویلا کرکے عمران خان نے ملک کو بلیک لسٹ ہونے کے دہانے پر پہنچادیا، شرمندگی کا مقام ہے کہ کمبوڈیا، گھانا اور زمبابوے جیسے پسماندہ ممالک کے ہمراہ پاکستان بھی ایف اے ٹی ایف کی گرے لسٹ سے نہ نکل سکا، پاکستان پیپلزپارٹی نے گرے لسٹ سے نکلنے کیلئے جو مؤثر حکمت عملی بنائی تھی، اگر عمران خان اس پر ہی عمل کرلیتے تو ملک کا فائدہ ہوجاتا۔
چیئرمین پیپلز پارٹی نے مزید کہا کہ آج اگر عوام مہنگائی کی وجہ سے بنیادی ضرورتوں سے بھی محروم ہورہے ہیں تو اس کے ذمہ دار صرف عمران خان ہیں، یہ تبدیلی نہیں یہ تباہی ہے۔

سندھ میں بدلتے موسم کے حوالے سے سندھ ڈیزاسٹر مینجمنٹ اتھارٹی نے الرٹ جاری کردیا ہے مختلف اضلاع کے ڈپٹی کمشنرز کو جاری کردہ مراسلے میں کہا گیا ہے کہ 16 مئی کو بحیرہ عرب کے سمندر میں ٹروپیکل سائیکلون کا خدشہ ہے۔
صوبائی ڈیزاسٹر مینجمنٹ اتھارٹی کی جانب سے کراچی کے اضلاع کیماڑی،غربی، جنوبی اور ٹھٹھہ ، سجاول اور بدین کے ڈپٹی کمشنرز کو اقدامات کرنے کی ہدایات کی ہے۔

بریکنگ نیوز:
اسرائیل کی جانب سے فلسطین پر جاری حملوں کے بعدعرب ملک لبنان سے اسرائیل پر حملہ کیا گیا ہے۔حماس کی جانب سے ایک بار پھر اسرائیل کے مختلف شہروں کی جانب سو سے زائد راکٹ فائر کئے گئے ہیں۔
آج صبح اسرائیلی میڈیا نے دعویٰ کیا تھا کہ حماس اگلےحملے کے لئے پہلے سے زیادہ مہلک راکٹ فائرکرنے کی تیاری کر چکا ہے۔حماس کے اہم کمانڈر کا کہنا ہے کہ اب ہمارے لئے اسرائیل کو نشانہ بنانا پانی پینے سے بھی زیادہ آسان ہے۔
تازہ ترین خبر ہے کہ لبنان کی جانب سے بھی یہودیوں کے مقبوضہ علاقے میں 3 میزائل داغے گئے ہیں،جبکہ اسرائیلی دفاعی سسٹم آئرن ڈوم غزہ سے آنے والے میزائلوں کے دفاع میں مصروف ہونے کی وجہ سے حرکت میں نہ آسکا.اسکےفوراََ بعد یہودیوں کے طیاروں نے لبنان کے بارڈر پر پروازیں شروع کررکھی ہیں .میزائل کس نے داغے فیلحال کوئی تصدیق نہیں ہوئی، کچھ لوگ اندازہ لگارہے ہیں کہ شائد حزب اللہ نے یہ کیا ہو لیکن ان کا اس سلسلے میں کوئی بیان نہیں آیا.
جبکہ زیادہ تر اندازہ یہی لگایا جارہا ہے کہ لبنان کی جانب سے فلسطینیوں نے میزائل داغے ہونگے، تاہم یہ بھی ممکن ہے کہ لبنان کے مقامی افراد نے یہ کارنامہ سرانجام دیا ہو

مہاجر قومی موومنٹ ( پاکستان) کے سیکریٹری جنرل عارف اعظم نے فلسطین میں جاری اسرائیلی بر بریت کے سبب درجنوں بچوں،بزرگوں اور نوجوانوں کی شہادت پر شدید غم و غصے کا اظہار کرتے ہوئے کہا کہ ماہ صیام کے رحمتوں اور عبادتوں کے مہینے میں دوران نماز مسجد اقصیٰ میں اسرائیلی شیلنگ اورگولہ باری نے ناصرف ماہ صیام کے تقدس کو پامال کردیا ہے بلکہ مسلمانو ں کے قبلہ اول کی در ودیوار معصوم لوگوں کے خون سے تر کرکے دہشت گردی کی وہ ہولناک تاریخ رقم کی ہے جسے کسی طور معاف نہیں کیا جاسکتا۔
انہوں نے کہا کہ نہتے فلسطینیوں پر اسرائیلی دہشت گردی انسانی حقوق وعالمی قوانین کی خلاف ورزی ہے ،جس پر اقوام متحدہ ، عالمی برادری اور دیگر انسانی حقوق کی تنظیموں کی خاموشی امت مسلمہ کیلئے واضح پیغام ہے جس کو نہ صر ف امت مسلمہ کا سمجھنا ہوگا بلکہ فی الفورکل مسلم ممالک کانفرنس کے انعقاد کویقینی بناکر دنیا بھر میں مسلمانوں کے خلاف ہونے والی بربریت کے خلاف مشترکہ لائحہ عمل ترتیب دیکردنیا بھر کے مسلمانوں کو اسلام کے پرچم تلے ایک قوم کی حیثیت سے متحد کرنا ناگزیر ہوچکا ہے۔
انہوں نے کہا کہ امت مسلمہ کاا تحاروقت کی اہم ترین ضرورت ہے جس کیلئے پاکستان سمیت تمام اسلامی ممالک کو اپنا کردار ادا کرنا ہوگا۔ انہوں نے کہا کہ پاکستانی قوم فلسطین ،کشمیر ، برما سمیت دنیا بھر کے تمام مظلوم مسلمانوں کے غم میں نہ صرف انکے ساتھ ہیں بلکہ مشکل کی ہر گھڑی میں انکی مکمل حمایت اور سپورٹ کرتے رہیں گی۔

کراچی میں ایک سال قبل رہائشی علاقے میں گر کر تباہ ہونے والے پی آئی اے کے بدقسمت طیارے میں جاں بحق ہونے والے مسافروں کے لواحقین نے ایک بار پھر بڑے مطالبات دہرا دئیے۔میڈیا رپورٹ کے مطابق لواحقین نے آر ڈی اے فارم کے مسئلے کو حل کرنے،، تحقیقاتی بورڈ میں متاثرہ فیملیز کی شمولیت اور ہنگامی رسپانس سینٹر کے قیام کا مطالبہ کردیا۔
ایک سال قبل گرکر تباہ ہونے والے پی آئی اے کے بدقسمت طیارے پی کے 8303 کے متاثرین نے کراچی پریس کلب میں پریس کانفرنس کرتے ہوئے کہا کہ حادثے کے بعد انھیں جس کرب سے گزرنا پڑا وہ ایک الگ داستان ہے، مگر ایک سال گزرنے کے بعد بھی انھیں انشورنس کلیم کی پیچیدگیوں میں ڈال دیا گیا ہے، اور اس رقم کے حصول کے لیے آرڈی ای(ریلیز ڈسچارج آرڈر) پر دستخط کرکے کسی بھی ادارے کے خلاف کارروائی سے گریزاں کرنے کا مشورہ دیا جارہا ہے۔
انہوں نے کہا کہ ایک سال گزر جانے کے باوجود اب تک تحقیقات جاری ہیں، جس میں کئی سال بھی لگ سکتے ہیں،اگر مستقبل میں کوئی ادارہ مرتکب پایا گیا تو لواحقین ان کے خلاف لازمی کارروائی کریں گے۔لواحقین نے مطالبہ کیا کہ متاثرہ فیملی کے افراد کو ائیر انویسٹیگیشن بورڈ میں شامل کیا جائے جبکہ آئندہ اس قسم کے حادثات کے لیے ایسا ہنگامی سینٹر بنایا جائے جہاں عوام کی رسائی ہو۔
پی آئی اے طیارہ حادثے میں جاں بحق ہونے والے ولید بیگ کی ہمشیرہ کنول ارسلان کے مطابق ایئر ٹریفک کنٹرول نے کپتان کو نہیں بتایا کہ طیارے کا لینڈنگ گئیر نہیں کھلا جبکہ کپتان کی جانب سے اترنیکی کوشش میں انجن کو ہونے والے نقصان پر کوئی یہ بتانے والا نہیں تھا کہ دوبارہ اڑان نہ بھریں۔اٴْن کا کہنا تھا کہ ائیر پورٹ کے اطراف بلند عمارت نہ ہوتی تو بدقسمت طیارے کی لینڈنگ ہوسکتی تھی،طیارہ گرا اور گھنٹوں جلتا رہا لیکن ہنگامی طور پر پر وہاں آگ کو بجھانے کے لیے کوئی فوری انتظام نہیں تھے،جائے حادثہ پر نہ پانی تھا اور نہ ہی فوم موجود تھا،کس کی کیا کیا غلطیاں تھیں ان کے خلاف کوئی ایکشن نہیں ہوا۔
زرقا خالد چوہدری کیمطابق طیارہ حادثے میں والد کو کھویا ہے، ایک سال گزرنے کے باوجود ہم کو اب تک سچ نہیں بتایا گیا، بائیس مئی 2020 کو حادثہ ہوا اور بارہ سے تیرہ روز تک میتوں کا انتظار کرتے رہے، ہمارا مقصد پیسہ نہیں ہمارا مقصد ہوائی سفر کرنے والوں کو محفوظ بنانا ہے۔انہوں نے کہا کہ اسپیکر قومی اسمبلی نے وعدہ کیا ہے اگلے اجلاس میں اس مسئلہ کو اٹھایا جائے گا۔ متاثرہ فیملیز کا مزید کہنا تھا کہ وکیل کے ہمراہ عید تعطیلات کے بعد پی آئی اے انتظامیہ کو دستاویزات جمع کروائیں گے۔