Category: کراچی

مہاجر قومی موومنٹ (پاکستان) کے سیکریٹری جنرل عارف اعظم نے آفاق احمد کی رہائش گاہ پر ڈاکٹرز اور نرسز کے اعزاز میں دعائیاتقریب کا انعقاد کیا جہاں سندھ میڈیکل ہسپتال سے آئے ڈاکٹرز کے وفد سے ملاقات میں انہوں نے کہا کہ کرونا کیخلاف جاری اس بین القوامی جنگ میں ڈاکٹرز اور پیرامیڈیکل اسٹاف نے جس بہادری اور خلوص سے اس چیلنچ کو نہ صرف قبول کیا ہے بلکہ اپنی زندگیوں کو خطرے میں ڈال کر انسانیت کو بچانے کا جوبیڑہ اٹھایا ہوا ہے انکے اس عزم وجزبے کو خراجِ تحسین اور سلام پیش کرتے ہیں۔
انہوں نے کہا کہ کرونا کی وبا کے خلاف لڑتے ہوئے دنیا بھر سے تعلق رکھنے والے سیکڑوں ڈاکٹرز اور نرسز انسانیت کی خدمت اور انسانی جانوں کو بچاتے ہوئے خود اپنی زندگیوں کی بازی ہار چکی ہیں اور آج بھی اسی انسانی خدمت کے جزبے کے تحت ڈاکٹرز اور نرسز اپنے پروفیشن کو روزگار کا زریعہ سمجھنے کے بجائے خالقِ کائنات کی سب سے افضل مخلوق ’’ انسان ’’ کی خدمت کو اپنا فریضہ سمجھ کر ادا کررہی ہیں جن کے اس جزبے کوجتنا سرہایا جائے کم ہے۔
عارف اعظم نے کہاکہ قدرتی آفات اور آزمائشیں اللہ کا امتحان ہوتی ہیں جو کہ نافرمان و مردہ ضمیرانسانوں کو جھنجھوڑنے جبکہ نیک اور فرمانبردار بندوں کے صبر وبرداشت کے امتحان کیلئے نازل ہوتی ہیں،جو اللہ کے نیک اورپرہیزگار بندے ہوتے ہیں وہ اس قسم کی آزمائش میں گھبرانے کے بجائے اسے اللہ کی رضا سمجھ کر ناصرف قبول کرتے ہیں بلکہ اپنے گناہوں کی توبہ کا زریعہ سمجھ کر اللہ کی بارگاہ میں سجدہ ریز ہوکر اپنے گناہوں کی مغفرت مانگتے ہیں۔
انہوں نے کہا کہ دنیا کے گمراہ اور بھٹکے ہوئے لوگ سچے دل سے اپنے گناہوں کی توبہ کرکے اللہ کی بارگاہ میں واپس لوٹ آئیں، بے شک اللہ بڑا بخشنے اور معاف کرنے والا ہے،جو اپنی مخلوق کی بخشش کے دروازے آخری سانس تک کھلے رکھتا ہے،اور فرماتا ہے کہ تمھارے گناہوں سے کئی گنا بڑی میری رحمت ہے۔

کراچی میں ای ٹی ایم مشین توڑ کر 16 لاکھ روپے چرانے والا پنکچر والا نکلا۔تفصیلات کے مطابق کراچی کے علاقے گلبرگ میں شاہراہ پاکستان پر اے ٹی ایم مشین توڑ کر پیسوں سے بھری ٹری لے جانے والا ملزم اتفاقیہ طور پر پکڑا گیا ہے۔ملزم کی عمر محض 18 سال ہے جو پنکچر لگانے کا کام کرتا ہے۔دسمبر 2020 میں گلبرگ میں نجی بینک کے اے ٹی ایم کارڈ سے رقم چرانے کے الزام میں 18 سالہ پنکچر لگانے والے نوجوان کو ڈرامائی انداز سے گرفتار کر لیا گیا ہے جس نے اعتراف کرتے ہوئے پوری کہانی سنادی۔
ملزم نے تفتیش کے دوران بتایا ہے کہ اس نے اکیلے ہی پنکچر کے اوزار کی مدد سے اے ٹی ایم کو توڑا اور دونوں ٹری گھر لے گیا۔ٹرے گھر لے کر گیا تو اس میں سے 16 لاکھ روپے نکلے جس سے سرجانی میں گھر ،زیور اور رکشہ خریدا۔
ملزم نے بتایا کہ ایک دن ایک اجنبی شخص آیا اور کہا میرا کارڈ مشین میں پھنس گیا ہے جس پر میں نے اوزار کی مدد سے کارڈ نکال کر دیا۔

خیال آیا کہ اس طرح سے میں پیسے بھی نکال سکتا ہوں۔اینٹی کار لفٹنگ سیل کے ذرائع کے مطابق مخبر نے اطلاع دی کہ کے پنکچر کی دکان پر کام کرنے والے 18 سالہ نوجوان نے بہت کم وقت میں مکان ، رکشہ اور سونا خریدا ہے جس پر افسر کو بھی شک ہوا۔مذکورہ نوجوان کو کو دفتر بلا کر معلومات حاصل کی گئی تو ملزم نے سب اگل دیا۔قبل ازیں مختلف اے ٹی ایمز سے ہینڈ سینیٹائزر چرانے والوں کی ویڈیو وائرل ہوگئی۔
پاکستان کو اس وقت کورونا کی تیسری لہر کا سامنا ہے اور ہزاروں نئے مریض سامنے آرہے ہیں تاہم ان لوگوں نے خود کو محفوظ رکھنے کے لیے انوکھا طریقہ اپنالیا،کچھ صارفین اے ٹی ایم اور پھر سینیٹائزر استعمال کرنے کے بوتل ہی اٹھا کر چلتے بنے، صرف یہی نہیں بلکہ ایک صاحب بینک تک گاڑی پر آئے، اے ٹی ایم کے کمرے کا دروازہ کھولا اور اندر داخل ہوئے، ہینڈ سینیٹائز کیے اور مشین استعمال کیے بغیر ہی بڑے اعتماد کیساتھ بوتل اٹھائی اور چلتے بنے، گویا وہ صرف سینیٹائزر ہی اٹھانے آئے تھے۔

ایف پی سی سی آئی کے نیشنل بزنس گروپ کے چیئرمین، پاکستان بزنس مین اینڈ انٹلیکچولز فور م وآل کراچی انڈسٹریل الائنس کے صدر اور سابق صوبائی وزیر میاں زاہد حسین نے کہا ہے کہ وزیر اعظم عمران خان کا سعودی عرب کا دورہ انتہائی اہمیت کا حامل تھا جس سے دونوں برادر ممالک مذید قریب آئیں گے۔
دورے کے دوران وزیر اعظم کا فوکس دونوں ممالک کے مابین اقتصادی تعاون کو پوٹینشل کے مطابق بڑھانا تھا جس میں دو طرفہ تجارت اور سرمایہ کاری بھی شامل ہے۔اس وقت پاکستان سعودی عرب کے ساتھ تجارت کے حوالے سے پہلے پانچ ممالک میں بھی شامل نہیں ہے میاں زاہد حسین نے کاروباری برادری سے بات چیت کرتے ہوئے کہا کہ سعودی عرب میں بیس لاکھ پاکستانی روزگار کے سلسلے میں مقیم ہیں جو نہ صرف دوست ملک کی ترقی میں اپنا کردار ادا کر رہے ہیں بلکہ ترسیلات اور روشن ڈیجیٹل اکائونٹ کی صورت میں بھاری زرمبادلہ بھی پاکستان بھجوا رہے ہیں ۔
وزیر اعظم دیار غیر میں مقیم پاکستانیوں کو اثاثہ قرار دیتے ہیں اور ہر حال میںانکی فلاح و بہبود چاہتے ہیں جسکے نتائج بڑھتی ہوئی ترسیلات کی صورت میں سامنے آ رہے ہیں ۔سعودی عرب نے بلین ٹری سونامی منصوبے کی تعریف کرتے ہوئے کہا ہے کہ دونوں ممالک ماحول کو بہتر بنانے کے لئے ایک دوسرے کے تجربات سے استفادہ کر سکتے ہیں۔ انھوں نے کہا کہ وزیر اعظم کے دورے کے دوران اقتصادی، سیاسی اور سیکورٹی تعاون بڑھانے کے لئے سپریم سیکورٹی کونسل کے قیام اور دو طرفہ سرمایہ کاری کی فضا کو مذید بہتر بنانے پر بھی اتفاق ہوا ہے۔
سعودی عرب نے لیبر ریفامرز کا سلسلہ شروع کیا ہوا ہے جس سے پاکستانیوں کے لئے روزگار کے مواقع بڑھیں گے اور دونوں ملکوں کے مابین بہتر تعلقات اس سلسلہ میں اہم ہیں۔ دونوں ممالک نے بڑھتے ہوئے اسلام فوبیا اور عدم برداشت پر بھی تشویش کا اظہار کرتے ہوئے اسکا حل نکالنے اور اس مسئلے کے حل کے لئے او آئی سی سے مدد حاصل کرنے کا فیصلہ بھی کیا ہے

پاکستان تحریک انصاف کراچی کے صدر و رکن سند ھ اسمبلی خرم شیر زمان نے کہا ہے کہ نابالغ بلاول کا وزیراعظم کے دورہ سعودی عرب پر تنقید ظاہر کرتا ہے بلاول اپنے حواس کھوچکے۔ بلاول زرداری کا عقیدہ ہے جھوٹ اتنا بولو کہ سچ لگے۔وزیراعظم عمران خان کی عالمی شہرت و عزت دیکھ کر بلاول زرداری کا دل رنجیدہ ہوچکا ہے۔
پیپلز پارٹی نے ملک کو تاریخی قرضوں کی طرف دھکیلا ہے۔ بلاول کو مشورہ ہے باہمت بنیں اور سندھ کے عوام سے ایک ٹیلیفونک سیشن کرلیں، بلاول کو اپنی حیثیت کا علم ہوجائیگا۔ ان خیالات کا اظہار خرم شیر زمان نے پارٹی سیکریٹریٹ انصاف ہاوس سے جاری اپنے بیان میں کیا۔ خرم شیر زمان کا مزید کہنا تھا کہ بلاول زمینوں پر قبضے،منی لانڈرنگ اور کمیشن کے بجائے سندھ کی ترقی کا سوچیں۔
پیپلز پارٹی کا دور اقتدار پاکستانی قوم کیلئے شرمندگی کا سبب بنتا ہے۔ آج سندھ کے عوام اپنے بنیادی حقوق کے لیے سراپا احتجاج ہیں۔ بلاول کی سندھ حکومت نے سندھ کے لوگوں کو محرومیوں کے سوا کچھ نہیں دیا۔خرم شیر زمان کا مزید کہنا تھا کہ وزیراعظم کی قیادت میں پاکستان کے دیگر ممالک سے تعلقات مزید مستحکم ہو رہے ہیں۔ بلاول اپنے بیانات کی شعلہ بازی سے پاکستان کے بین الاقوامی تعلقات میں چنگاریاں لگانے سے باز رہیں۔ اللہ تعالیٰ وزیراعظم کے اس سفر مبارک اور زیارتوں کو قبول فرمائے۔ وزیر اعظم عمران خان ملک کو اسلامی فلاحی ریاست بنانے کے مشن پر گامزن ہیں، مخالفین کی تنقید وزیراعظم کی عزت میں کمی نہیں لاسکتی۔

پاکستان تحریک انصاف کراچی کے صدر و رکن سند ھ اسمبلی خرم شیر زمان نے کہا ہے کہ نابالغ بلاول کا وزیراعظم کے دورہ سعودی عرب پر تنقید ظاہر کرتا ہے بلاول اپنے حواس کھوچکے۔ بلاول زرداری کا عقیدہ ہے جھوٹ اتنا بولو کہ سچ لگے۔وزیراعظم عمران خان کی عالمی شہرت و عزت دیکھ کر بلاول زرداری کا دل رنجیدہ ہوچکا ہے۔
پیپلز پارٹی نے ملک کو تاریخی قرضوں کی طرف دھکیلا ہے۔ بلاول کو مشورہ ہے باہمت بنیں اور سندھ کے عوام سے ایک ٹیلیفونک سیشن کرلیں، بلاول کو اپنی حیثیت کا علم ہوجائیگا۔ ان خیالات کا اظہار خرم شیر زمان نے پارٹی سیکریٹریٹ انصاف ہاوس سے جاری اپنے بیان میں کیا۔ خرم شیر زمان کا مزید کہنا تھا کہ بلاول زمینوں پر قبضے،منی لانڈرنگ اور کمیشن کے بجائے سندھ کی ترقی کا سوچیں۔
پیپلز پارٹی کا دور اقتدار پاکستانی قوم کیلئے شرمندگی کا سبب بنتا ہے۔ آج سندھ کے عوام اپنے بنیادی حقوق کے لیے سراپا احتجاج ہیں۔ بلاول کی سندھ حکومت نے سندھ کے لوگوں کو محرومیوں کے سوا کچھ نہیں دیا۔خرم شیر زمان کا مزید کہنا تھا کہ وزیراعظم کی قیادت میں پاکستان کے دیگر ممالک سے تعلقات مزید مستحکم ہو رہے ہیں۔ بلاول اپنے بیانات کی شعلہ بازی سے پاکستان کے بین الاقوامی تعلقات میں چنگاریاں لگانے سے باز رہیں۔ اللہ تعالیٰ وزیراعظم کے اس سفر مبارک اور زیارتوں کو قبول فرمائے۔ وزیر اعظم عمران خان ملک کو اسلامی فلاحی ریاست بنانے کے مشن پر گامزن ہیں، مخالفین کی تنقید وزیراعظم کی عزت میں کمی نہیں لاسکتی۔

کراچی میں صرف 4 ماہ کے دوران 6760 افراد اسٹریٹ کرمنلز کے ہاتھوں قیمتی اشیاء سے محروم ہوگئے۔
نجی ٹی وی کے مطابق جائے وقوعہ پر سی سی ٹی وی کیمرے بھی اکثر کیسز میں بے کارثابت ہوئے کیونکہ مجرموں کی شناخت ہونےکے باوجود گرفتاریوں کا گراف نہ بڑھایا جا سکا جبکہ شہریوں نے ایف آئی آر درج کرواکر قیمتی اشیاءکی واپسی کی امید بھی کھو دی ہے۔
کراچی میں اسٹریٹ کرائمز کی وارداتوں میں گزشتہ سال کے مقابلے اس بار اضافہ دیکھنے میں آرہا ہے، سی پی ایل سی کی رپورٹ کے مطابق اس سال کے 4 ماہ میں 6760 افراد اسٹریٹ کرمنلز کے ہاتھوں قیمتی اشیاء محروم ہوگئے جبکہ گزشتہ سال اسی عرصے کے دوران یہ تعداد 5187 تھی۔
ان حادثات کے باعث پروفیسر نسرین نگہت اپریل میں سڑکوں پر ہونے والی لاقانونیت کا شکار ہوئیں اور لیاقت آباد میں واردات کے دوران زندگی سے محروم کر دی گئیں، ادھر ڈاکٹر رانا دالدارکا جواں سال بیٹا گلستاں جوہر میں پولیس کی جانب سے ڈاکوؤں پر چلائی جانے والی گولیوں کا نشانہ بن گیا۔
نجی ٹی وی سے گفتگو کرتے ہوئے متاثرین کا کہنا تھا کہ کراچی کی سڑکیں پولیس کی موجودگی میں بھی محفوظ نہیں ہیں، سی سی ٹی وی سے مجرم شناخت تو کرلیے جاتے ہیں لیکن اکثرگرفتار نہیں ہوپاتے، ایسے میں ایف آئی آر کٹوانے کے باوجود وہ اپنی قیمتی اشیاء کی واپسی کی بھی کوئی امید نہیں رکھتے۔
شہریوں کے مطابق قانونی کارروائی اور حصول انصاف کے عمل کو آسان بناکر متاثرین کے درد کا کچھ حد تک مداوا کیا جاسکتا ہے۔

کراچی پولیس چیف غلام نبی میمن کا تبادلہ کردیا گیا جبکہ عمران یعقوب منہاس نئے پولیس چیف مقرر کردئیے گئے ہیں۔تفصیلات کے مطابق کراچی پولیس چیف غلام نبی میمن کو عہدے سے ہٹاکر اے آئی جی اسپیشل برانچ تعینات کردیا گیا ہے جب کہ عمران یعقوب منہاس نئے پولیس چیف کراچی تعینات کردیےے گئے ہیں، نئے پولیس چیف کی تعیناتی سے متعلق نوٹیفیکیشن بھی جاری کردیا گیا ہے۔عمران یعقوب منہاس اس سے قبل ایڈیشنل آئی جی اسپیشل برانچ تعینات تھے,اس سے قبل وزیر اعلیٰ سندھ سید مراد علی شاہ نے عمران یعقوب منہاس کے تقرر کی منظوری دی تھی۔
دوسری جانب سندھ پولیس نے تقرری و تبادلے بھی کئے گئے ہیں، ایس ایس پی عمر کوٹ شاہجہاں کو ایس ایس پی کورنگی تعینات کردیا گیا ہے جبکہ ایس پی مختار خاصخیلی ایس پی عمرکوٹ تعینات کئے گئے ہیں۔

محکمہ ریلوے نے اندرون سندھ کے لیے مزید 3 عید اسپیشل ٹرینیں چلانے کا فیصلہ کرلیا، عید کے موقع پر موہن جودڑو ایکسپریس کے روٹ میں بھی عارضی توسیع دے دی گئی ہے۔تفصیلات کے مطابق محکمہ ریلوے نے اندرون سندھ کے لیے 10 مئی سے 16 مئی تک مزید 3 عید اسپیشل ٹرینیں روزانہ چلانے کا فیصلہ کرلیا، عید اسپیشل ٹرینیں میرپور خاص، لاڑکانہ، دادو، روہڑی اور سکھر کے لیے چلائی جائیں گی۔
پہلی عید اسپیشل ٹرین کراچی تا میرپور خاص صبح 7 بجے اور دوسری ٹرین دادو تا لاڑکانہ صبح 7 بجے چلے گی۔ تیسری اسپیشل ٹرین کراچی تا سکھر صبح ساڑھے 11 بجے چلائی جائے گی،عید کے موقع پر موہن جودڑو ایکسپریس کے روٹ میں عارضی توسیع دے دی گئی ہے۔ دادو لاڑکانہ اور سیہون شریف کی عوام کے لیے موہن جودڑو ایکسپریس کو کراچی تک چلایا جائے گا۔10 مئی سے 16 مئی تک موہن جودڑو ایکسپریس روہڑی تا کراچی چلے گی، موہن جودڑو ایکسپریس کو کرنا ایس او پیز کے تحت 70 فیصد بکنگ کے ساتھ چلایا جائے گا۔ تمام عید اسپیشل ٹرینیں ایس او پیز کے تحت 70 فیصد مسافروں کے ساتھ چلائی جائیں گی۔

پیپلز پارٹی کے چیئرمین بلاول بھٹو زرداری کا کہنا ہے کہ کبھی قرض نہ لینے کا اعلان کرنے والے عمران خان پوری دنیا میں کشکول اٹھائے گھوم رہے ہیں، انہوں نے وزیراعظم سے سعودی عرب کے 3 ارب ڈالر کے قرضے کی واپسی کی وجوہات عوام کے سامنے رکھنے کا مطالبہ کر دیا۔بلاول بھٹو نے اپنے ایک بیان میں کہا کہ المیہ یہ ہے کہ سعودی ارب کو تین ارب ڈالر کا قرضہ واپس کرنے کے لئے وزیر اعظم عمران خان نے چین سے قرضہ لیا۔چیئرمین پیپلز پارٹی نے کہاکہ وزیراعظم صاحب! بے شک آپ کو چندے مانگنے کا وسیع تجربہ ہے مگر چندوں پر ملک نہیں چلتے، حکومت کی انہی ناقص معاشی پالیسیوں کی وجہ سے پاکستان میں عام آدمی کی زندگی اجیرن ہوچکی ہے۔
بلاول بھٹو نے کہا کہ پونے 2 لاکھ روپے قرضے کے بوجھ تلے دبا ہر پاکستانی عمران خان کی نااہلی کی قیمت ادا کررہا ہے، قرضہ لے کر اگر یونہی کرپشن میں اڑایا جاتا رہے گا تو عام آدمی مہنگائی کی چکی میں اسی طرح پِستا رہے گا۔پی پی چیئرمین نے کہا کہ عمران خان بنی گالہ کے محل سے باہر نکلیں تو انہیں علم ہو کہ عام آدمی عید کی تیاری کیلئے بھی معاشی لحاظ سے پریشان ہے، ہر انسان عمران خان کی تبدیلی کے سونامی کی ایک خوف ناک قیمت ادا کررہا ہے۔حکومت میں اتنی بھی سکت نہیں کہ گردشی قرضوں کے بحران کی وجہ سے چینی حکومت کو سی پیک کے اربوں روپے کے واجبات ادا کرسکے، ایم ایل ون ریلوے ٹریک کیلئے 6 ارب ڈالر کے فنڈز جاری کرنے میں چینی حکومت کی ہچکچاہٹ دراصل پی ٹی آئی حکومت پر عدم اعتماد کا اظہار ہے۔ان کا کہنا تھا کہ پاکستان میں سرمایہ کاری کرنے والی چینی کمپنیاں پی ٹی آئی حکومت پر اپنے عدم اعتماد سے چینی حکومت کو بھی آگاہ کرچکی ہیں، غیر ملکی سرمایہ دار اور حکومتیں عمران خان کی نااہل حکومت کے دوران پاکستان میں سرمایہ کاری سے جھجک رہی ہیں۔

وزیراعلیٰ سندھ مراد علی شاہ نے روز ایک لاکھ کورونا ویکسین لگانے کی ہدایت کرتے ہوئے عوام سے گھروں پر رہنےکی اپیل کردی ہے۔تفصیلات کے مطابق وزیراعلیٰ سندھ مراد علی شاہ کی زیرصدارت کورونا وائرس ٹاسک فورس کا اجلاس ہوا، جس میں بریفنگ دیتے ہوئے بتایا گیا کہ کوویڈ کی پہلی لہرمیں 11 جون 2020کوسب سے زائد 3038 کیس تھے اور دوسری لہر میں 10 دسمبر 2020کوسب سے زیادہ 1983 کیس تھے جبکہ 29 اپریل 2021کوتیسری لہرمیں سب سےزیادہ 1064 کیس رپورٹ ہوئے۔اجلاس میں بریفنگ دیتے ہوئے کہا گیا کہ 9 مئی کو تقریباً لاک ڈاؤن تھا، عید کی چھٹیوں میں ویکسی نیشن مراکزکھلےرہیں گے اور برآمد ات پرمبنی صنعتی یونٹس عیدکی چھٹیوں میں کام کرتے رہیں گے۔
وزیراعلیٰ سندھ نے روزایک لاکھ کوروناویکسین لگانےکی ہدایت کرتے ہوئے کہا وبا کی صورتحال میں تاجروں اور عوام کے تعاون کا شکریہ ادا کیا اور کہا ایکسپو سینٹر میں 50 ہزار ویکسی نیشن روز کی گنجائش بنائی جائے۔مراد علی شاہ نے عوام سے گھروں پر رہنے کی اپیل کرتے ہوئے کہا کل کوویڈ کی وجہ سے 16 اموات ہوئیں، 3 سے 9 مئی تک کراچی میں 9.48 فیصد کیس رپورٹ ہوئے جبکہ حیدرآباد میں کوروناکی شرح11.81 اور سکھر میں 5.92 فیصد اور سندھ کے دیگر اضلاع میں کوروناپھیلاؤکی شرح 3.92 فیصد ہے ، اسی طرح کراچی شرقی میں 23 ،جنوبی میں15 ، وسطی میں کیسزکی شرح 11 فیصد رہی.