Category: کراچی

کراچی:وزیر اطلاعات وبلدیات سندھ سیدناصر حسین شاہ، ممبر صوبائی قومی اسمبلی جام عبدالکریم، ممبر صوبائی اسمبلی سلیمبلوچ اور صوبائی اسمبلی ساجد جوکھیو متاثرہ گوٹھ کے علاقہ مکین سے ملنےسراج احمد گوٹھ پہنچ گئے
سیدناصرحسین شاہ نے علاقہ مکینوں سے ملاقات کی اور انکے مسائل تفصیل سے سنے۔انھں نے یقین دلایا کہ کسی کے ساتھ کسی قسم کی زیادتی نہیں ہونے دینگےجو بھی زیادتی میں ملوث پایا گیا اس کے خلاف کاروائی کی جائے گی.علاقہ مکینوں کے ساتھ ہیں،قانون کے مطابق کاروائی کی جائیگی.چیئرمین بلاول بھٹو ذرداری نے اس واقعہ کا نوٹس لیا ہے۔
چیئرمین بلاول بھٹو ذرداری کی جانب سے خصوصی ہدایات پر آئے ہیں.گوٹھ میں آباد لوگوں کے جو بھی خدشات ہیں وہ دور کئے جائیں گے.ڈپٹی کمشنر اور روینیوں حکام سےتفصیلات طلب کی گئی ہیں.متعلقہ علاقےکے ایس ایچ او،مخیارکار اور اسسٹنٹ کمشنر کو عہدوں سے ہٹانے کے احکامات دے دیئے گئے ہیں.
واضح رہے کہ پچھلے دنوں بحریہ ٹاؤن کراچی کی انتظامیہ نے بھاری مشینری اور مسلح افراد کے ہمراہ کراچی کے قدیمی گوٹھوں پر ایک بار پھر چڑھائی کردی تھی۔جس پر گوٹھ کمال خان جوکھیو گڈاپ میں مقامی افراد نے ممزاحمت کی تھی۔
تاہم بحریہ ٹاؤن کی جانب سے جبر کا سلسلہ جاری ہے۔ کمال خان جوکھیو گوٹھ وہ ہی ہے جہاں دو ہفتے قبل خواتین بلڈوزرز کے سامنے آگئیں تھیں۔

کراچی کے ریسٹورینٹ میں ہوٹل مالک نے ڈبل پیسا وصول کرکے شادی کی تقریب کی اجازت دے دی۔ریسٹورینٹ کے ہال میں 250 افراد کو بٹھایا گیا تھا اور شادی کی تقریب جاری تھی کہ اس دوران پولیس نے دھاوا بول دیا۔پولیس کے چھاپے پر دولہا دلہن اور کئی باراتی فرار ہوگئے جب کہ پولیس نے دولہا کے والد اور ہوٹل مینیجر کو حراست میں لے لیا۔ادھر لی مارکیٹ میں ایس او پیز کی خلاف ورزی پر ریسٹورینٹ سیل کردیا گیا جب کہ ڈیفنس اور گارڈن میں بھی 6 سیلون اور متعدد دکانیں سیل کردی گئیں۔

شہر قائد کے علاقے کلفٹن تین تلوار پر رواں سال کی سب سے بڑی چوری کے معاملے میں ساؤتھ زون تفتیشی ٹیم نے سنار کی دکان سے چوری ہونے والا مزید 7 کلو سونا برآمد کر لیا، جس کے بعد مجموعی طور پر برآمد سونا 10 کلو ہوگیا ہے۔تفصیلات کے مطابق ایس ایس پی انویسٹی گیشن عمران مرزا نے بتایا کہ تفتیشی پولیس نے مزید 7 کلو سونا برآمد کر لیا ہے، اس سے قبل 3 کلو سونا برآمد کیا گیا تھا، مجموعی طور پر 10 کلو سونا برآمد کرلیا گیا۔یاد رہے کہ اے آر وائی نیوز نے سب سے پہلے 10 کلو سے زائد سونے کی چوری کی خبر نشر کی تھی، برآمد شدہ سونے کی مالیت 9 کروڑ روپے کے قریب ہے، ایس ایس پی انویسٹی گیشن کے مطابق گرفتار ملزمان آصف اور وسیم کی نشان دہی پر مزید سونا برآمد کیا گیا، یہ کارروائی سی پی ایل سی ساؤتھ کی مدد سے کی گئی۔عمران مرزا نے بتایا کہ ملزمان نے باقاعدہ منصوبہ بندی کے ساتھ مختلف مقامات پر سونا چھپایا تھا، پولیس نے ٹیکنیکل طریقے اور سی سی ٹی وی فوٹیجز کی مدد سے کیس حل کیا۔پولیس سربراہ کی جانب سے ایس ایس پی انویسٹی گیشن عمران مرزا کو شاباش بھی دی گئی، آئی جی سندھ کی جانب سے ساؤتھ زون تفتیشی ٹیم کے لیے 5 لاکھ روپے انعام کا اعلان کر دیا گیا۔

چیئرمین بلاول بھٹو زرداری کا پی پی پی خیبرپختونخواہ کے رہنما و سابق صوبائی وزیر سید قمر عباس شہید کے یومِ شہادت پر پیغام شہید سید قمر عباس ایک نڈر و اصول پسند رہنما تھا، ہمیشہ اپنے آپ کو پارٹی کارکن اور عوام کا خادم سمجھا شہید سید قمر عباس کی زندگی کا محور پارٹی اور عوام تھے.وہ ان جیالوں میں سے ایک تھے، جو پاکستان پیپلز پارٹی کے لیئے ریڑھ کی ہڈی کی حیثیت رکھتے تھے شہید سید قمر عباس کو اس لیئے شہید کیا گیا، کیونکہ اس کی موجودگی میں پشاور پر قبضہ کرنا ممکن نہیں تھا شہید سید قمر عباس کی جدوجہد اور قربانیاں ہمیشہ یاد رکھی جائیں گی آج مجھ سمیت پوری پارٹی شہید سید قمر عباس کے ایصال ثواب کے لیِے دعاگو ہے: بلاول بھٹو زرداری

کراچی بلاول ہاؤس میں پاکستان پیپلزپارٹی کے چیئرمین بلاول بھٹو زرداری کی جانب سے دوست ممالک کے سفارت کاروں کے اعزاز میں افطار ڈنر۔پی پی پی بلاول بھٹو زرداری کی جانب سے افطار ڈنر میں امریکا، اٹلی، سعودی عرب اور متحدہ عرب امارات کے سفارت کار موجود۔ چیئرمین پی پی پی بلاول بھٹو زرداری کی جانب سے افطار ڈنر میں افغانستان، بحرین، عمان اور قطر کے سفارت کار بھی موجود تھے۔ بلاول بھٹو زرداری کے ہمراہ افطار ڈنر میں پی پی پی پی کی نائب صدر شیری رحمان اور پی پی پی کی سیکریٹری اطلاعات شازیہ مری شریک۔بلاول بھٹو زرداری کے ہمراہ افطار ڈنر میں وزیراعلی سندھ سید مراد علی شاہ، وزیرتعلیم سعید غنی اور وزیراطلاعات ناصر شاہ بھی موجود۔ بلاول بھٹو زرداری کی جانب سے دئیے گئے افطار ڈنر میں امریکی قونصل جنرل رابرٹ سلبرسٹین اور اٹلی کے قونصل جنرل ڈینیلو گیئورڈانیلا شریک۔سعودی عرب کے قونصل جنرل بندرفہد الدائل اور متحدہ عرب امارات کی سفارت کار مریم العزیزی بھی بلاول ہاؤس میں ہونے والے افطار ڈنر میں موجود تھے۔ بلاول بھٹو زرداری کی جانب سے دئیے گئے افطار ڈنر میں افغانستان کے سفارت کار عبدالرحمان قاضی زادہ اور بحرین کے قونصل جنرل یاسر عیسی ایجان الہدیدی شریک ہوئے۔
عمان کے سفارت کار محمد ناصر حماد المبسالی اور قطر کے قونصل جنرل مشال ایم الانصاری بھی بلاول ہاؤس میں ہونے والے افطار ڈنر میں موجود تھے۔ بلاول بھٹو زرداری اور دوست ممالک کے سفارت کاروں کے درمیان باہمی دلچسپی کے دوطرفہ امور پر تبادلہ خیال۔ بلاول بھٹو زرداری اور دوست ممالک کے سفارت کاروں کا دوطرفہ تعلقات میں اضافے اور باہمی تجارتی روابط مزید مضبوط کرنے پر اتفاق بھی کیا گیا۔

‏گلستان جوہر بلاک ۱۴ اور ۱۵ کی ڈبل روڈ تعمیر کر دی گئی. ارسلان تاج کا کہناہے کہ روڈ کی تعمیر وفاقی حکومت کے خصوصی فنڈ سے رکن قومی اسمبلی عالمگیر خان کے زیر نگرانی کی گئی .ماضی کے برعکس وفاقی حکومت براہ راست کراچی میں اس طرح کے ترقیاتی کام کر رہی ہے.‏اس وقت ہر روز ایک ترقیاتی کام حلقے میں مکمل کیا جا رہا ہے۔ ارسلان تاج کہتے ہیں وفاقی حکومت کے ترقیاتی کاموں سے عوام کو آسانی ہوگی ۔سندھ حکومت سے تو کوئی توقع نہیں اب سب کام ہمیں خود ہی کرنا ہے۔‏کراچی کے ترقی کا سفر شروع ہو گیا ہے۔ وزیراعظم عمران خان کا شکریہ جنہوں نے کراچی کی ترقی اپنی ترجیحات میں رکھی ہے۔

وزیراعلیٰ سندھ سید مراد علی شاہ نے کورونا وائرس کی صورتحال پر بیان میں کہا ہے کہ گزشتہ 24 گھنٹوں میں کورونا کے مزید 13676 نمونے ٹیسٹ کئے گئے۔ جس کے نتیجے 1110 نئے کیسز سامنے آئے۔انھوں نے کہا کہ سندھ میں اب تک کورونا کے 3739497 ٹیسٹ کیے گئے ہیں۔ اور صوبے میں 290756 کیسز رپورٹ ہوچکے ہیں۔وزیراعلیٰ نے کہا کہ آج کورونا کے مزید 1034 مریض صحتیاب ہوگئے۔ اس طرح اب تک 268558 کورونا کے مریض صحتیاب ہوچکے ہیں۔ انھوں نے بتایا کہ آج کورونا کے باعث مزید 24 مریض انتقال کرگئے۔ جس کے بعد صوبہ بھر میں کورونا کے باعث انتقال کرنے والوں کی تعداد 4722 ہوگئی ہے۔انھوں نے کہا کہ اس وقت 17476 مریض زیر علاج ہیں۔ جن میں سے 16759 مریض گھروں اور مختلف اسپتالوں میں 652 مریض زیرعلاج ہیں۔ کورونا متاثرہ 616 مریضوں کی حالت تشویشناک بتائی جارہی ہے۔ جبکہ اس وقت کورونا کے 54 مریض وینٹی لیٹرز پر ہیں۔انھوں نے کہا کہ صوبہ بھر کے 1110 کورونا کیسز میں سے 595 نئے کیسز کا تعلق کراچی سے ہے۔ جن میں ضلع شرقی 262، ضلع جنوبی 160، ضلع وسطی 82، ضلع غربی 49 ضلع کورنگی 26 اورضلع ملیر 16 کیس سامنے آئے ہیں۔صوبے کے دیگر اضلاع میں حیدرآباد 236، لاڑکانہ 29، سجاول 24، سکھر 21، مٹیاری 21، گھوٹکی 20، ٹھٹھہ 17، ملیر 16، جامشورو 15، نوشہرو فیروز 15، ٹنڈو الہیار 14، سانگھڑ 14، شکارپور 11، شہید بینظیر آباد 10، ٹنڈو محمد خان 10، میرپورخاص 7، عمرکوٹ 5، دادو 5، قمبر 5، کشمور 4 اور خیرپور میں 4 کیسز سامنے آئے ہیں۔

کراچی سمیت سندھ بھر میں کل بھی کاروبار کی مہلت مل گئی، اتوار سے سخت پابندیوں کا نیا حکم جاری کردیا گیا۔نئے حکم نامے کے مطابق تمام کاروبار، عید بازار اور مارکیٹیں 9 تا 16 مئی بند رہیں گی۔بیکری، کریانہ، اسٹور، دودھ، گوشت اور سبزی کی دکانیں صبح 5 سے شام 7 بجے تک کھولنے کی اجازت ہوگی۔ریسٹورنٹ کو صر ف ہوم ڈلیوری کی اجازت ہوگی جبکہ شہریوں کی نقل و حرکت بھی محدود کی جائے گی۔نئے حکم نامے کے مطابق بجی گاڑیوں میں بھی نصف نشستیں خالی رکھنا ہوں گی۔

متحدہ پاکستان نے سندھ پولیس نے بھتہ خوری کا الزام عائد کرتے ہوئے کہا ہے کہ پولیس اور انتظامیہ دکانداروں سے رشوت لے رہی ہیں۔تفصیلات کے مطابق کراچی میں نیوز کانفرنس کرتے ہوئے متحدہ پاکستان کے رہنما سینیٹر فیصل سبزواری نے کہا کہ پیپلزپارٹی نے تیرہ سال میں پانی کی تیرہ بوندیں تک نہیں دیں، کراچی شہر میں امن وامان کی صورتحال خراب ہے۔فیصل سبزواری نے الزام عائد کیا کہ تاجروں سے پولیس کی جانب سے عیدی کے نام بھتہ لیا جارہا ہے، پولیس نے بھتے کا ریٹ بڑھا دیا ہے جبکہ کرونا ایس او پیز کے باعث تاجر کم اوقات کار اور کسٹمر کی قوت خرید کم ہونےسےپریشان ہیں، حالانکہ پولیس کےذمے ہے کہ وہ قانون پرعملدرآمد کرائے مگر رمضان میں ایسا لگا جیسے پولیس نےکراچی کو دبئی سمجھ لیا ہے۔متحدہ پاکستان کے سینیٹر نے خبردار کیا کہ پولیس کی جانب سے یہ بھتہ خوری جاری رہی تو لوگ پولیس کومحافظ نہیں لوٹنےوالےسمجھیں گے, پولیس کو نہ روکا گیا تو کراچی میں انارکی پھیل سکتی ہے.فیصل سبزواری کا کہنا تھا کہ تیرہ سال سے اہم وزارتیں ہمارے پاس ہوتیں تو ذمہ داری لینے کو تیار ہیں، سندھ کے وزیر اعلی ایک بس نہ چلاسکے، انہوں نے الزام عائد کیا کہ رینجرز اختیارات کے معاملے پر وزیر اعلیٰ سندھ بلیک میل کرتے ہیں،اسلام آباد سے فون آنے پر اختیارات میں اضافہ کردیا جاتا ہے۔
نیوز کانفرنس میں موجود سابق میئر کراچی وسیم اختر نے بھی پولیس اور انتظامیہ پر تاجروں سے بھتہ لینے کا انکشاف کرتے ہوئے کہا کہ پولیس اور انتظامیہ دکانداروں سے رشوت لے رہی ہیں جبکہ شہر قائد میں اسٹریٹ کرائم بڑھ چکے ہیں، یہ وہ شہر ہے جو ملک کو ٹیکس دیتا ہےاس کےساتھ ایسا سلوک ، ہم وفاق اور صوبائی حکومت سے مطالبہ کرینگے کراچی کےمسائل حل کریں۔وسیم اختر نے کرونا ایس او پیز سے متعلق اپنے تحفظات کا اظہار کرتے ہوئے کہا کہ اپنے حکم کو تھوپ دینے سے نتیجےبہتر نہیں آسکتے، ازار چلےجائیں کون سےایس او پیز پر عمل ہورہاہے؟کورونا ابھی ختم نہیں ہورہا اس کو مینج کرنے کی ضرورت ہے۔وسیم اختر کا کہنا تھا کہ کراچی میں کرائم روز بڑھ رہاہے، روز نوجوان مارے جارہےہیں، مارنے والا تو نکل جاتا ہے،ان کو نہیں پتہ مرنے والےکےگھروالوں کیساتھ کیا ہورہاہے۔