Category: کراچی

کراچی:صوبائی محکمہ داخلہ نے باقاعدہ اعلامیہ جاری کردیا ہے۔صوبہ بھر میں تمام کاروباری سرگرمیاں مارکیٹیں اور بازار 08 مئی سے 16 مئی تک بند ہوں گے۔
پابندی کا اطلاق میڈیکل سٹورز،تندور،کریانہ سٹورز،دودھ دہی,گوشت،چکن شاپس،ٹائر پنکچر،بیکری سبزی فروٹ پٹرول پمپس، یوٹیلٹی سروسز(بجلی،گیس،انٹرنیٹ، نیٹ ورک کال سنٹر وغیرہ اور ہوٹل ریسٹورنٹ کی ٹیک اووے(Take Away) پر نہیں ہوگا۔چاند رات بازار مکمل طور پر بند ہوں گے،
صوبہ بھر میں سیاحتی مقامات بشمول سوات کالام،گلیات،ناران کاغان 08 مئی سے 16 مئی تک مکمل طور پر بند ہوں گے،
سیاحتی مقامات میں واقع ہوٹل،پارکس، ٹورسٹ ریزورٹ، بند ہوں گے، صوبہ بھر میں ہر قسم کے ٹرانسپورٹ بھی 8 مئی سے 16 مئی تک بشمول پبلک ٹرانسپورٹ اڈہ بند ہوں گے،

سندھ حکومت نے اتوار سے عید کی چھٹیوں تک مزید سختیاں کرنے کا فیصلہ کیا ہے جب کہ عید کے دنوں میں ہاکس بے اور سی ویو بھی بند رہیں گے۔ترجمان وزیراعلیٰ سندھ کے مطابق مراد علی شاہ کی زیر صدارت کورونا ٹاسک فورس کا اجلاس ہوا جس میں صوبائی وزرا ڈاکٹر عذرا پیچوہو، سعید غنی،ناصر شاہ اور دیگر نے شرکت کی۔اجلاس کو بریفنگ میں بتایا گیا کہ پرائیوٹ اسپتالوں سے سندھ ہیلتھ ڈپارٹمنٹ نے بات کی ہے، آج سے پرائیوٹ اسپتالوں کو کورونا ویکسین دی جائے گی جو وہ مفت میں لگائیں گے۔بریفنگ میں بتایا گیا کہ کراچی میں کیسز 5 فیصد سے 14.23 فیصد ہوگئے ہیں اور حیدرآباد میں شرح 18.1 فیصد سے کم ہوکر 11.92 فیصد ہوگئی۔ترجمان کے مطابق اجلاس میں فیصلہ کیا گیا کہ کل سے اتوار تک ٹیک اوے مغرب تک ہوگی اور مغرب کے بعد صرف ریسٹورینٹ ہوم ڈلیوری کرسکیں گے جب کہ گروسری کی دکانیں شام 6 بجے تک کھلی رہیں گی۔ترجمان نے بتایاکہ فارمیسیز کو پابندی سے استثنیٰ حاصل ہوگا اور ویکسی نیشن سینٹرز 24 گھنٹے کام کریں گے۔ترجمان کے مطابق عید کے دنوں میں ہاکس بے اور سی ویو بند رہیں گے جب کہ اتوار سے عید کی چھٹیوں تک مزید سختیاں ہوں گی۔

شہر میں اسٹریٹ کرائم کی وارداتیں کم نہ ہوسکیں اور رواں سال کے ابتدائی 4 ماہ میں وارداتوں میں واضح اضافہ ہوا ہے۔سی پی ایل سی کی رپورٹ کے مطابق رواں سال کے 4 ماہ میں 6760 افراد کو موبائل فون سے محروم کردیا گیا اور سال 2020 میں یہ تعداد 5187 رہی جب کہ رواں سال میں اب تک 14202 موٹرسائیکلیں چھینی یا چوری کی گئیں اور گزشتہ سال جنوری سے اپریل تک 9160 موٹرسائیکلیں چھینی یا چوری ہوئی تھیں۔
رپورٹ میں بتایا گیا ہےکہ رواں سال کے ابتدائی 4 ماہ میں 431 شہریوں کو گاڑیوں سے محروم کردیا گیا اور گزشتہ سال ابتدائی چار ماہ میں 408 گاڑیاں چھینی اور چوری کی گئیں، سال 2021 میں ایک بینک ڈکیتی بھی رپورٹ ہوئی جب کہ سال 2020 کے 4 ماہ میں کوئی بینک ڈکیتی رپورٹ نہیں کی گئی تھی۔پولیس ذرائع کا کہنا ہےکہ رمضان المبارک میں اب تک اسٹریٹ کرائم کی درجنوں وارداتیں رپورٹ ہوچکی ہیں۔

شہر قائد کے علاقے کلفٹن میں سونے کی دکان میں مبینہ ڈکیتی کا ڈراپ سین ہو گیا، دکان کا مالک چوری میں خود ہی ملوث نکلا۔ سی سی ٹی وی فوٹیج میں چور کا پتا چل گیا، گلف شاپنگ مال میں سنار کی دکان میں نقب زنی کی واردات پر پولیس نے ایکشن لیتے ہوئے مدعی آصف کو اس کے ساتھی وسیم سمیت گرفتار کر لیا۔پولیس نے آئی آئی چندریگر روڈ پر واقع تجارتی مرکز میں کارروائی کرتے ہوئے ملزمان سے چوری شدہ 3 کلو سونا بھی برآمد کر لیا، پولیس کا کہنا ہے کہ ملزم آصف نے خود اپنی دکان سے سونا غائب کر کے نقب زنی کا ڈراما رچایا تھا۔ساؤتھ انویسٹی گیشن پولیس کا کہنا ہے کہ 3 کلو سونا آئی آئی چندریگر روڈ پر واقع تجارتی مرکز سے چھاپے کے دوران ملا۔
واضح رہے کہ ابتدائی رپورٹ تھی کہ کراچی کے علاقے کلفٹن تین تلوار سے نامعلوم ملزمان سنار کی دکان سے 12 کلو کے قریب سونا لوٹ کر فرار ہوگئے، جس پر پولیس نے مقدمہ درج کر کے تحقیقات کا آغاز کیا۔یہ کراچی میں رواں سال کی سب سے بڑی چوری قرار دی گئی، جس میں مبینہ طور پر ملزمان سنار کی دکان سے 10 کروڑ روپے سے زائد مالیت کا بارہ کلو سونا لے اڑے تھے، رپورٹ کے مطابق یہ واردات گزشتہ روز ملزمان نے سنار کی دکان کے تالے توڑ کر کی تھی۔متاثرہ سنار کا کہنا تھا وہ دکان پر تیار شدہ زیورات فروخت کرتے ہیں، دکان کے مالک نے بتایا کہ 3 مئی کو وہ دکان بند کر کے چلے گئے تھے، 4 مئی کی صبح دکان پر پہنچے تو 4 تالے ٹوٹے ہوئے تھے اور 12 کلو کے قریب طلائی زیورات چوری ہوگئے تھے۔مارکیٹ کے صدر کے مطابق جس دکان میں نقب زنی کی واردات ہوئی وہ سامنے کی دکانوں میں سے ایک ہے، اگر کٹر یا آری سے تالے کاٹے گئے تو گارڈ کو آواز آنی چاہیے تھی، جس دکان میں واردات ہوئی اس کی اندر کی تمام سی سی ٹی وی فوٹیجز رات سے بند تھیں۔
تاہم، جب پولیس نے تحقیقات شروع کیں تو کچھ چیزیں مشکوک پائی گئیں، متاثرہ صراف نے بعد میں مقدمے میں بیان زیورات کی مقدار کو بھی غلط قرار دیا، واردات میں دکان پر نصب شیشے کے دروازے کے لاک توڑے نہیں بلکہ کھولے گئے تھے، جب کہ شٹر کے تالے کاٹے گئے، پولیس نے متعدد سی سی ٹی وی کیمروں کی فوٹیجز بھی حاصل کر لیں، جن سے آخر کار اصل چور کا پتا چل گیا۔ایس پی کلفٹن توحید میمن نے بتایا کہ ساؤتھ پولیس نے 2 دن میں سب سے بڑی چوری کا کیس حل کیا، ملزم آصف میمن کو سی سی ٹی وی اور دیگر شواہد کی مدد سے گرفتار کیا گیا، 3 تاریخ کو آصف کو دکان میں مشکوک حرکات کرتے دیکھا جا سکتا ہے۔توحید میمن کا کہنا تھا کہ ملزم آصف نے پہلے کاؤنٹر پر موجود چادر کو ہٹایا، دکان کی بینچ اور کاؤنٹر پر کھڑے ہو کر ڈی وی آر کی وائرنگ نکالی، پھر ملزم ایک ایک کر کے سارے کیمرے بند کرتا چلا گیا، ملزم نے 10 سے 12 کلو سونا چوری کا مقدمہ درج کروایا تھا، ساؤتھ پولیس نے 15 دکانوں کی فوٹیجز اور 23 افراد کے بیانات لیے، جب کہ 15 مشکوک افراد کو سی ڈی آر اور دیگر طریقے سے چیک کیا گیا۔

10ویں اور 12ویں کے امتحانات لینے9ویں 11ویں کے طلبہ کو پروموٹ کیے جانے کا امکان
معاملہ حتمی منظوری کے لیے بین الصوبائی وزرائے تعلیم کانفرنس میں بھیجا جائے گا اور وہاں سے منظوری کے بعد اس کا اطلاق پورے ملک میں کردیا جائے گا۔ آئی بی سی سی کی اسٹیئرنگ کمیٹی کے اجلاس میں فیصلہ

پاکستان میں عالمی وباء کورونا وائرس کے باعث 10 ویں اور 12 ویں جماعت کے امتحانات لینے جب کہ 9 ویں اور 11 ویں کے طلبہ کو پروموٹ کیے جانے کا امکان ہے۔تفصیلات کے مطابق آئی بی سی سی کی اسٹیئرنگ کمیٹی کا اجلاس ہوا ، جس میں یہ تجویز زیر غور آئی کہ امتحانات کو مختصر کرنے کے لیے لازمی مضامین کے بجائے اختیاری مضامین کے امتحان لیے جائیں ، اس موقع پر کہا گیا کہ سائنس کے زمرہ میں تو یہ ممکن ہے تاہم آرٹس میں اختیاری مضامین ہونے کے باعث مشکل ہوگی لہٰذا بہتر ہے کہ دسویں اور بارہویں کے امتحان لیے جائیں جب کہ نویں اور گیارہویں کے طلبہ کو بغیر امتحان اگلی کلاسوں میں بھیج دیا جائے، اگر آئی بی سی سی اس تجویز پر متفق ہوگیاکہ دسویں اوربارہویں کے امتحان لیے جائیں تو پھر یہ معاملہ حتمی منظوری کے لیے بین الصوبائی وزرائے تعلیم کانفرنس میں بھیجا جائے گا اور وہاں سے منظوری کے بعد اس کا اطلاق پورے ملک میں کردیا جائے گا۔
اسٹیئرنگ کمیٹی کے آن لائن اجلاس کی صدارت چیئرمین اسٹیئرنگ کمیٹی ڈاکٹر ناظم جیوا نے کی ، اجلاس میں سیکرٹری آئی بی سی سی ڈاکٹر غلام علی ملاح، چیئرمین انٹرمیڈیٹ بورڈ کراچی ڈاکٹر سعید الدین ، سرگودھا تعلیمی بورڈ کی چیئرپرسن ڈاکٹرکوثر رئیس،کوہاٹ تعلیمی بورڈکے چیئرمین ڈاکٹر شوکت حیات ، فیڈرل بورڈ کے چیئرمین ڈاکٹر قیصر عالم نے شرکت کی۔
قبل ازیں وفاقی وزیر تعلیم شفقت محمود واضح کرچکے ہیں کہ اب کسی طالب علم کومفت کے گریڈنہیں ملیں گےبلکہ امتحانات ہوں گے,انہوں نے کہا کہ گزشتہ سال بچوں کو بغیر امتحان کے پاس کیا گیا تھا لیکن اب امتحانات کے بغیر گریڈ نہیں دیے جائیں گے کیوں کہ اس طرح پڑھےلکھے بچوں کی محنت ضائع ہوتی ہے ، ہماری کوشش ہو گی کہ جو بچے امتحان دیں ان کو داخلہ مل جائے۔
وفاقی وزیر تعلیم نے کہا کہ گزشتہ سال گریڈ سسٹم میں بہت گھپلےہوئےتھے، گزشتہ سال بچوں کو صحیح گریڈ نہیں مل سکے تھے اور اچھے پڑھے لکھے بچے سی گریڈ میں پاس ہوئے تھےلیکن اس بار ہم پوری کوشش کریں گے کہ بچوں کا سال ضائع نہ ہو اور داخلہ مل سکے ، شفقت محمود نے کہا کہ بچے تو چاہتے ہیں ہم امتحان کے بغیر پاس ہوجائیں تاہم کئی والدین ہمیں کہتے ہیں بچوں کی تیاری ہے امتحانات لیے جائیں ، امتحان ہوں گے یہ نہیں ہوسکتا پڑھے لکھے بچوں کا نقصان ہو ، رسک ہر چیز میں ہے ایس او پیز کے ساتھ امتحانات ہوں گے، پہلے جو صحت پر شور مچارہے تھے اب کہہ رہے ہیں بغیر امتحان پاس کردو۔

آل پاکستان پرائزبانڈز ڈیلز ویلفیر ایسوسی ایشن کے چیرمین محمد فاروق نورانی کا کہنا ھے کہ اسٹیٹ بینک نے ملک کی غریب عوام سے راتوں رات 2 ارب چالیس کروڑ روپے کے حقوق چھین لیے ہیں۔
کراچی پریس کلب میں فاروق نورانی،محمد یعقوب،الطاف پولانی اور دیگر نے پریس کانفرنس سے خطاب کرتے ھوئے بتایا کہ حکومت پاکستان کی ناقص پالیسی کی وجہ سے آج عام آدمی کا دو وقت کی روٹی کھانا مشکل بنادیا گیا ھے۔جبکہ آج ملک میں بےروزگاری کی وجہ سے سفید پوش افراد کو فاقہ کشی کرنے پر مجبور کیا جارھا ھے
پریس کانفرنس سے دیگر مقررین نےخطاب کرتےھوےکہا کہ ملک کی معیشت کو چلانے والے وزراہ اورمشیران ملک کو تباھی کی طرف لے جاررھے ہیں۔انھوں نے بتایاکہ تین مئی کو ھونے والی سات ھزار ۔۔پانچ سو ۔۔روپے والے انعامی پرائیز بانڈز کی اچانک راتوں رات اسٹیٹ بنک نے قرآندزی روک کر دو ارب چالیس کروڑ روپے جھٹکا لگادیا ۔
جبکہ تین ماہ تک سات ھزار پانچ سو روپے والے عوام کے پیسوں سے اسٹیٹ بنک اپناکاروبار چلاکر دو ارب چالیس کروڑ روپے سے زائد کماتا رھا اور جب قرآندازی کا وقت آیا تو معصوم عوام کو اسٹیٹ بنک نے اپنا حکم نامہ سنا دیا۔پریس کانفرنس میں بتایا کہ ایک طرف ملک کاروباری معیشت عالمی وباء کورونا وائرس کی وجہ خراب ھےتو دوسری جانب حکومت پاکستان کی ناقص پالیسی کی وجہ سے آج تجارت کے پیشہ سے وابسط طبقہ اپنے آپ کو زندہ رکھنے کے لیے قرضوں کے بوجھ تلے دبتاچلا جارھا ھے۔انھوں نے بتایا کہ ریاست مدینہ کے دعوے دار حکومت کے آتے ھی سب سے پہلے چالیس ھزار روپے والا انعامی پرائز بانڈز بند کیا پھر پچیس ھزار روپے والے کو روک دیا گیا اور اس کے بعد پندرہ ھزارروپے والا پرائز بانڈز عام مارکیٹ میں فروخت کرنے پر پابندی لگانے کے بعد اب اچانک سات ھزار پانچ سو روپے والا پرائز بند کرنے کے ساتھ اس سے کمائی جانے والی رقم سے بھی عوام کو محروم کردیا گیا۔ جس کی وجہ سے ملک کے کاروباری حضرات میں کافی بے چینی پائی جاتی ہے۔انھوں نے اپنا خدشہ ظاھر کرتے ھوےبتایا کہ کسی بھی رات کو اسٹیٹ بنک اعلان کرسکتا ھے کہ پانھزار روپے کا نوٹ بند کردیا گیا ھے پریس کانفرس میں بتایا کہ مہنگائی اوربےروزگاری اس دور میں غریب آدمی سے بچوں کی شادی مکانات کی تعمیرات اورقرضہ اتارنے جیسے سہانے خواب بھی پرائز بانڈز کی بندش سے چھین لیے گیے،فاروق نورانی نے حکومت پاکستان اور ریاست مدینہ کے دعوے دار وزیرآعظم عمران خان سے مطالبہ کیا ھے کہ ملک کی معیشت کو خطرناک موڑ تک لے کر جانے والے وزراہ اور مشیران سے محفوظ بنایا جائےاور پرائز بانڈز کا کاروبار کرنے والے ھزاروں افراد کو بےروزگاری اور فاقہ کشی سے بچایا جائے۔