Category: کراچی

پی ٹی آئی رہنماء امجد آفریدی کی این اے 249 کے مرکزی دفتر میں ورکروں سے ملاقات و خطاب
امجد آفریدی کی ورکروں سے ضمنی انتخابات میں کی گئی دھاندلی سے متعلق گفتگو،پی پی نے ضمنی الیکشن کو جیتنے کیلئے چور دروازے کا استعمال کیا، این اے 249 میں الیکشن کمیشن اور پی پی نے نتائج طے کیے، پی پی کے لوگوں نے پولنگ اسٹیشنوں میں پریزائڈنگ افسران کو خریدا، پریزائڈنگ افسران کو لفافے دینے والے لوگ بھی منظر عام پر آئے.حلقے میں پی پی کا دور دور تک نام و نشان نہیں تھا، عوام کا مینڈیٹ چوری ہوا،اس نظام کیخلاف عدالت جائیں گے.

بھارت میں کورونا کی تباہ کاریاں، انضمام الحق نے کورونا سے نجات کا آسان حل بتا دیا

انضمام نے اپنے آفیشل یوٹیوب چینل پر کہا ہے کہ اس سے قبل بڑی بیماری طاعون آئی تھی،احتیاط اپنی جگہ لیکن وہ توبہ تائب سے گئی تھی،اب میں اہم بات یہ کروں گا کہ اگر ہم بری حرکتیں اور نافرمانی کی چیزیں چھوڑ دیں تو یہ کورونا کی بیماری چلی جائے گی،میں پاکستان اور بھارت دونوں کی بات کر رہا ہوں،اللہ پاک ہم دونوں کی حفاظت کرے لیکن ہمارے معاشرے میں جو بری چیزیں ہیں،نافرمانیاں چل رہی ہیں،ان سے واپسی کی جائے تو یہ بیماری ختم ہوجائے گی.بھارت میں کوروناکی وجہ سے حالات خاصے خراب ہیں، پاکستان کے موجودہ کپتان بابر اعظم،سابق کرکٹرز شعیب ملک اور شعیب اختر بھی اس پر بات کرچکے ہیں،بدھ کے روز سابق پاکستانی کپتان انضمام الحق نے بھی اس پر لب کشائی کی ہے اور کہا ہے کہ بھارت بھی ہمارے لئے اہم ہے،میں نے اپنی جتنی کرکٹ کھیلی ہے،اس میں مجھے سب سے زیادہ مزا بھارت میں کھیلنے سے آیا .

انضمام نے مزید کہا ہے کہ اللہ تعالیٰ کی طرف سے بیماری چلی جائے گی لیکن اس سے سیکھنے والی بات یہ ہے کہ یہ بیماری کسی کو بھی لگ سکتی ہے،ہمارا تعلق اچھا ہونا چاہئے،پاکستان اور بھارت کے لوگ ایک دوسرے سے پیار کریں،ایک دوسرے کی مدد کریں۔انضمام کہتے ہیں کہ میری بھارت سے اچھی یادیں وابستہ ہیں،ان کے اور ہمارے کرکٹرز ایک فیملی کی طرح ہیں،یہ بھارتی کرکٹرز بھی سامنے آئیں اور لوگوں کی مدد کریں،اس سے دوسروں میں جذبہ پیدا ہوگا،میں بھارت سے اس لئے بھی قریب ہوں کہ پاکستان بھارت کے میچز کھیلنے کا مزا بھی اپنا ہے اور مجھے بھارت میں عزت اور پیار بھی خوب ملا ہے.

اداکارہ حرامانی کو گھر کے باہر ملزمان نے لوٹ لیا۔ کراچی کے پوش علاقے ڈیفنس میں اداکارہ حرامانی کو گھر کے باہر ملزمان نے نقدی اور طلائی زیوات سے محروم کردیا، واقعے کی سی سی فوٹیج بھی منظر عام پر آگئی ہے، فوٹیج میں دیکھا جاسکتا ہے ملزمان نے گاڑی کو دونوں طرف سے گھیرے میں لیکر لوٹ مار کرکے فرار ہوگئے۔پولیس حکام کا کہنا ہے کہ حرامانی کی کار گھر کے دروازے پر آکر رکی، تو تعاقب میں آنے والے ملزمان نے انہیں یرغمال بنالیا، 2 موٹر سائیکلیوں پر 2 ملزمان سوار تھے، جنہوں نے چند لمحوں میں ہی اداکارہ سے لوٹ مار کی اور فرار ہوگئے۔

قائد حزب اختلاف سندھ اسمبلی حلیم عادل شیخ نے اپنے بیان میں کہا کہ جب بھی انتخابی اصلاحات کی بات ہوتی ہے ساری جماعتیں بھاگ جاتی ہیں، ن لیگ اور پی پی کا اقتدار شروع سے ہی جعلی رہا ہے،ہارس ٹریڈنگ اور دھاندلی اگر روک دی گئی تو ان دونوں جماعتوں کا نام لیوا کوئی نہیں ہوگا،ملکی مفادات میں ن اور پی پی کبھی سنجیدہ نہیں ہوسکتے،

انہوں نے مزید کہا کہ انتخابی اصلاحات کرکے عوام کے ووٹ کا تحفظ یقنی بنائینگے،پیپلز پارٹی اور الیکشن کمیشن کے گٹھ جوڑ نے پیپلز پارٹی کو جتوایا، این اے 249 کے نتائج کو چیلنج کریں گے۔

کراچی پاپوش نگر میں کم عمر بچے کی موٹر سائیکل چوری کی واردات کی فوٹیج منظرعام ۔فوٹیج میں بچے کو انتہائی مہارت سے موٹر سائیکل چوری کرتے دیکھا جاسکتا ہے ۔کراچی کے علاقے پاپوش نگر میں کم عمر بچے کی موٹر سائیکل چوری کی واردات کی فوٹیج اب تک منظرعام پر لے آیا۔ فوٹیج میں بچے کو انتہائی مہارت سے موٹرسائیکل چوری کرتے دیکھا جاسکتا ہے.خیال رہے کہ چند روز قبل سولجربازار پولیس نے سی سی ٹی وی فوٹیج کی مدد سے کاروائی کرتے ہوئے موٹرسائیکل چوری کی وارداتوں میں ملوث ایک کم عمر چور گینگ کو گرفتار بھی کیا تھا ۔ ملزمان سے موقع پر ایک چوری شدہ موٹر سائیکل برآمد کر لی گئی تھی ۔

وزیراعظم کی پالیسیوں کے نتیجے میں عوام بڑی تعداد میں ٹیکس نیٹورک سے جڑچکے ہیں، پارلیمانی لیڈر سندھ اسمبلی بلال غفار نے کہا جولائی 2020 سے اپریل 2021 کے دوران ایف بی آر نے 3.78 ٹریلین ریونیو اکھٹا کیا، جو پچھلے سال کی اسی مدت کے مقابلے 14 فیصد زیادہ ہے، ایف بی آر نے ہدف سے زیادہ ٹیکس وصول کرکے ملکی ترقی میں مثبت کردار ادا کیا ہے، وزیراعظم کی قیادت میں عوام کا ٹیکس کا پیسہ عوام کی فلاح و بہبود میں خرچ کیا جارہا ہے،وزیراعظم نے اداروں کو خود مختار کیا، آزادانہ کام سر انجام دینے کا موقع فراہم کیا، آج ادارے آزاد ہیں اور بہترین کردار ادا کررہے ہیں، ملکی معیشت میں بہتری کی بنیاد ڈل چکی ہے، وزیراعظم عمران خان کو مبارکباد پیش کرتے ہیں.

سولجر بازار پولیس نے کمسن بچیوں کو اغوا کر کے انھیں موٹر سائیکل پر بٹھا کر غیر اخلاقی حرکتیں کرنے والے ملزم اویس کو گرفتار کر کے موٹر سائیکل برآمد کرلی۔ایس ایچ او سولجر بازار خالد رفیق نے بتایا کہ 30 اپریل کو موٹر سائیکل سوار ملزم نے راہ چلتے 2 کمسن بچیوں کو اغوا کیا اور پھر انھیں موٹر سائیکل پر بٹھا کر غیر اخلاقی حرکتیں کیں، بچیوں کے لاپتہ ہونے پرپولیس نے علاقے میں لگے کلوز سرکٹ کیمروں کی فوٹیج حاصل کیں تو ایک میں ملزم کو موٹر سائیکل پر بیٹھے ایک کمسن بچی سے بات کرتے دیکھا جس کے بعد وہ بچی ملزم کے ساتھ موٹر سائیکل پر بیٹھ گئی اور ملزم اسے اپنے ہمراہ لے گیا۔
دوسری فوٹیج میں اسے پیدل جانے والی کمسن بچی کا تعاقب کرتے ہوئے دیکھا گیا اور پھر اس نے بچی سے کوئی بات کی تو وہ پیدل واپس کے ملزم کے پیچھے جاتے ہوئے دکھائی دی۔خالد رفیق نے بتایا کہ دوسری بچی کو ملزم نے کچھ دور جا کر موٹر سائیکل پر بٹھا کر لے جانے کی کوشش کی تو وہ گھبرا گئی اور وہ شور مچاکر اتر کر بھاگ گئی جبکہ پہلی بچی جسے ملزم موٹر سائیکل پر بٹھا کر لے جاتے ہوئے دکھائی دے رہا ہے اس نے بچی سے کہا کہ تمہارے والد نے مجھے بھیجا ہے،کچھ سامان ہے تمھیں دینے کے لیے وہ لے لو جس پر وہ بچی موٹر سائیکل پر پیچھے بیٹھ گئی جسے ملزم نے کچھ دور جا کر آگے موٹر سائیکل کی ٹنکی پر بٹھا لیا اور علاقے کی سنسان گلیوں میں گھومتے ہوئے کمسن بچی سے غیر اخلاقی حرکتیں کرتا رہا۔پولیس نے بچی کا وڈیو بیان حاصل کرلیا ہے جس میں اس نے ملزم کی غیر اخلاقی حرکتوں کے حوالے سے پولیس کو سب کچھ بتایا ہے،بچی کا کہنا تھا کہ ملزم نے کسی کو بتانے پر سنگین نتائج دھمکیاں دی تھیں ، انھوں نے بتایا کہ دونوں بچیوں کی عمر 4 سال اور دوسری کی 7 سال ہے۔فوٹیج میں ملزم کی موٹر سائیکل پر نمبر پلیٹ دکھائی نہیں دی تاہم وہ کلیئر ہے اور موٹر سائیکل ملزم کے والد کے نام پر ہے، ملزم نبی بخش کے علاقے میں واقع ہما ہائٹس کا رہائشی ہے، پولیس نے ملزم کے خلاف اغوا کے سمیت دیگر دفعات کے تحت 2 مقدمات درج کیے ہیں جس میں ایک مقدمہ کا مدعی بچی کا والد اور دوسرے مقدمے میں بچی کا ماموں مدعی ہے۔پولیس ملزم سے اس طرح کی دیگر گھناؤنی وارداتوں کے حوالے سے مزید تفتیش کر رہی ہے

شہر قائد میں لوٹ مار، رہزنی اور ڈکیتی کی بڑھتی ہوئی وارداتوں کے بعد ڈاکو اب اسپتالوں میں بھی لوٹ مار کرنے لگے۔لوٹ مار اور ڈکیتی کی وارداتوں میں مصروف ڈاکوؤں کو روکنے والا کوئی نہیں، کراچی پولیس روایتی کارروائیوں اور تھانوں میں بیٹھ کر فائلوں میں حکام کو سب اچھا کی رپورٹ دینے میں مصروف ہے، ڈکیت اب ان مقامات اور جگہوں پر لوٹ مار کے لیے پہنچنے لگے جہاں کسی کے وہم و گمان میں بھی نہ ہو کہ ڈاکو یہاں ڈکیتی مارسکتے ہیں۔بلدیہ ٹاؤن میں مسلح ڈاکوؤں نے نجی اسپتال میں مریضوں اور عملے کو یرغمال بناکر لوٹ لیا اور باآسانی فرار ہوگئے، اسپتال میں ڈکیتی کی واردات کی سی سی ٹی وی فوٹیج منظر عام پر آگئی۔بلدیہ ٹاؤن تھانے کی حدود بلدیہ ٹاؤن اللہ والی مسجد کے قریب نجی اسپتال میں2 مسلح ڈکیت داخل ہوئے، مسلح ڈاکوؤں نے اسلحے کے زور پر پہلے اسپتال کے کاؤنٹر پر بیٹھے اسپتال کے عملے سے سے موبائل فونز اوررقم لوٹی اس کے بعد اسپتال میں موجود مریض اور اس کے تیماردار سے بھی لوٹ مار کی اور با آسانی فرار ہو گئے۔واردات کی فوٹیج میں مسلح ڈاکوؤں کو ماسک لگائے دیکھا جا سکتا ہے ڈاکو اطمینان سے نجی اسپتال میں داخل ہوئے اور لوٹ مار کرکے فرار ہوگئے،نجی اسپتال میں لوٹ مار کی واردات گزشتہ روز پیش آئی تھی۔