Category: کراچی

جمعیت علما اسلام صوبہ سندھ کے سیکرٹری جنرل علامہ راشد محمود سومرو نے کہا ہے کہ کراچی کے دیہی علاقوں میں بحریہ ٹائون انتظامیہ سندھ حکومت اور پولیس کی مدد سے بدترین دہشت گردی کر رہی ہے، سندھ کسی کے باپ کی جاگیر نہیں ہے، ملک ریاض کے پیچھے آصف علی زرداری، بلاول بھٹو زرداری، وزیر اعلی سندھ سید مراد علی شاہ کھڑے ہیں۔
انہوں نے کہا کہ صدیوں سے آباد سندھیوں کی زمینوں، گھروں، گاں قبضہ کرکے لوگوں کو بے گھر کیا جا رہا ہے، بلاول بھٹو زرداری جھوٹ بول رہے ہیں، پیپلزپارٹی اور سندھ حکومت نے ہی سندھ کی قیمتی زمینیں بحریہ ٹان کو کوڑیوں کے دام پر فروخت کی ہیں، جس وقت این اے 249 کی ضمنی الیکشن ہو رہی تھی، سندھ پولیس کی مدد سے بحریہ ٹان انتظامیہ سندھی آبادیوں کو بلڈوز کر رہی تھی، ملک کی ریاض نے زمینوں کے بدلے تجوریوں سے ن لیگ کی جیتی ہوئی سیٹ پی پی پی کو خرید کر دی ہے، سندھ حکومت نے سندھ کی قدیم زمینیں فروخت کی ہیں۔
علامہ راشد محمود سومرو کا کہنا تھا کہ بلاول بھٹو زرداری جس وقت پریس کانفرنس میں زمینوں پر قبضہ اور سندھیوں پر پولیس تشدد اور گھر گرانے کے سوال پر جواب دے رہے تھے وزیر اعلی سندھ کا چہرہ سب بتا رہا تھا کہ دال میں کچھ کالا ہے، سندھ کی زمینیں سندھیوں کی ملکیت ہیں، کسی ملک ریاض کو قبضہ کرنے نہیں دیا جائے گا، کراچی سے لیکر حیدرآباد تک لاکھوں ایکڑ اراضی بحریہ ٹان، ڈی ایچ اے کو کوڑیوں کے داموں دی جا رہی ہیں ، غریب قدیمی رہائش پذیر سندھیوں کو سندھ پولیس کی مدد سے خالی کرایا جا رہا ہے، پیپلزپارٹی قیادت کو شرم آنی چاہئے ، انہوں نے کہاکہ حیرت ہے کہ بلند دعوں کے باوجود سندھ حکومت سپریم کورٹ میں ملک ریاض کے خلاف آج تک فریق کیوں نہی بنی سندھ مزید کسی ملک ریاض، بحریہ ٹان، ذوالفقار آباد اور ڈی ایچ اے کو قبول نہیں کرے گا، ہم متاثرین کے ساتھ کھڑے ہیں, سندھ میں آپریشن کے نام پر لاکھوں لوگوں کو بے گھر کیا گیا مگر انہیں عدالتی فیصلے کے باوجود متبادل کے طور پر پلاٹ بھی نہیں دیے گئے۔

15 سال سے کم عمر بچوں کے لیے ویکسین کی منظوری سے متعلق بڑا قدم

فائزر اور بائیو این ٹیک نے بچوں کے لیے بھی کرونا ویکسین کی منظوری مانگ لی ہے۔ امریکی کمپنی فائزر اور جرمن کمپنی بائیو این ٹیک نے یورپی یونین کے ڈرگ ریگولیٹرز سے درخواست کی ہے کہ وہ 12 سے 15 سال کی عمر کے بچوں کے لیے کرونا وائرس کے ٹیکے کو منظوری فراہم کریں۔ اس اقدام سے یورپ میں نوجوانوں اور کم خطرے والی آبادیوں کو بھی ویکسین تک رسائی مل سکتی ہے۔
فائزر اور بائیو این ٹیک کا کہنا ہے کہ ان کی درخواست 2 ہزار سے زیادہ نو عمروں پر کی جانے والی ایک جدید تحقیق پر مبنی ہے، جس میں یہ ویکسین محفوظ اور مؤثر پائی گئی۔
خیال رہے کہ اس سے قبل مشترکہ طور پر کرونا ویکسین تیار کرنے والی ان کمپنیوں نے درخواست کی تھی کہ امریکی فوڈ اینڈ ڈرگ ایڈمنسٹریشن (ایف ڈی اے) ان کی ویکسین کے ہنگامی استعمال کی اجازت کو 12 تا 15 سال کی عمر تک بڑھایا جائے۔
ادھر جرمنی کی وزارت صحت کی جانب سے اس خبر کا خیر مقدم کیا گیا ہے، وزیر صحت کا کہنا تھا کہ بڑے بچوں کے لیے ویکسین کی منظوری دی جا سکتی ہے۔
یاد رہے کہ فائزر اور بائیو این ٹیک کی تیار کردہ کو وِڈ 19 ویکسین پہلی ویکسین تھی، گزشتہ سال دسمبر میں ای ایم اے نے جس کی منظوری دی تھی، بعد ازاں 16 سال اور اس سے زائد عمر کے افراد کے لیے 27 ممالک کے یورپی یونین میں استعمال کے لیے اسے لائسنس فراہم کیا گیا تھا۔

کورونا ویکسین سے ذیابطیس کے مریضوں میں کوئی مسئلہ پیدا نہیں ہوگا، ڈاکٹر فیصل سلطان

وزیراعظم کے معاون خصوصی برائے قومی صحت ڈاکٹر فیصل سلطان نے کہا ہے کہ کورونا سے بچائو کی ویکسین لگوانے سے شوگر کے مریضوں کے لئے کسی قسم کے مسائل پیدا نہیں ہوں گے۔

اپنے وڈیو پیغام میں انہوں نے کہا کہ اس وقت دنیا میں تمام تر تحقیق اور ریسرچ موجود ہے، جس میں شوگر کے مریضوں کے لئے اس کا کوئی اثر نہیں کہ ویکسین لگوانے کے بعد شوگر کم ہو گی یا زیادہ ہوگی۔

ڈاکٹر فیصل سلطان کا کہنا تھا کہ کورونا ویکسین لگوانے والے ذیابطیس کے مریضوں کو احتیاط صرف یہ کرنا ہوگی کہ جو ادویات شوگر کنٹرول کرنے کے لئے استعمال کی جا رہی ہیں، وہ استعمال کرتے رہیں۔

‏کراچی پاکستان پیپلزپارٹی پارلیمنٹرین کے صدر آصف علی زرداری کا پی پی پی کراچی کے صدرسعید غنی کو فون،این اے 249پر جیت کی مبارک باد دی.سابق صدرآصف علی زرداری نے پی پی پی کراچی کے سابق صدورمسرور احسن اورنجمی عالم کو بھی فون کرکے این اے 249 پر جیت کی مبارک باد دی.‏صدر آصف علی زرداری کا پی پی پی ضلع غربی کے صدر لیاقت آسکانی اور ضلع غربی میں سٹی ایریا 91 کے جنرل سیکریٹری آصف موسی کو بھی فون، ضمنی انتخابات میں جیت کی مبارک باد. جیالوں! آپ نے کردکھایا، صدر پی پی پی پی آصف علی زرداری کی این اے 249 میں جیت پر کارکنان کو ‏شاباشی دی۔ پارٹی کارکنان کی محنت سے این اے 249 میں کامیابی ممکن ہوئی، کارکنان شاباش کے مستحق ہیں،جیالے پارٹی کا اثاثہ ہیں، ان کی کاوشوں اور خدمات کو کبھی فراموش نہیں کیا جائے گا۔

سندھ حکومت نے مزدوروں کیلئے بینظیر مزدور کارڈ لانچ کردیا۔پاکستان پیپلزپارٹی کے چیئرمین بلاول بھٹو زرداری نے تقریب میں شرکت کی اور خطاب میں کہا کہ آج میں فخر محسوس کررہا ہوں کہ ہم لیبر ڈے کارڈ کے اجرا پر منا رہے ہیں، پی پی پی اورمزدوروں کاتعلق تاریخی ہے، جنرل ضیاء نے ورکرز کے حقوق چھینے لیکن بینظیر بھٹو نےتمام چھینے گئے حقوق واپس ورکرز کو دلائے،انہوں نے کہا کہ ہم نے ورکرز کو اداروں میں شیئرز دیے جس کی مثال تھر کول فیلڈ ہے، پی پی پی نے زراعت، انڈسٹریل سیکٹر کو حکومت کی سپورٹ سے ترقی دلوائی۔بلاول بھٹو نے کہا کہ وہ مطالبہ کرتے ہیں ای او بی آئی بھی صوبوں کو دیا جائے تاکہ وہ مزدوروں کو ان کا حق دے سکیں۔

کراچی میں ڈیلیوری بوائز کا روپ دھار کر واردات کرنے والے گروہ کو پولیس نے گرفتار کرلیا۔ کراچی کے علاقے گلشن جمال میں فوڈ ڈیلیوری بوائز کا روپ دھار کر وارداتیں کرنے والے ملزمان شہریوں کے ہتھے چڑھ گئے، گزشتہ رات شہریوں نے ملزمان کو پکڑ کر پولیس کے حوالے کیا۔پولیس کا کہنا ہے کہ گزشتہ رات شہریوں نے دو ملزمان کو پکڑا، ملزمان کو گرفتار کرکے مقدمہ درج کرلیا گیا ہے۔پولیس کے مطابق ملزمان ڈیلیوری بوائے کا روپ دھار کر شہریوں سے موبائل فون چھینتے تھے، دونوں ملزمان شہری سے چھینا جھپٹی کے بعد فرار ہورہے تھے۔شہریوں نے ملزمان کو پکڑ کر مار پیٹ کے بعد پولیس کے حوالے کیا۔پولیس کا کہنا ہے کہ ملزمان سے 3 پستول، گولیاں، موٹر سائیکل اور موبائل فون برآمد کرلیا گیا ہے، گرفتار ملزمان میں سید تحسین الدین اور خدا ڈنو شامل ہیں۔

پاکستان پیپلزپارٹی کے سربراہ آصف زرداری کا یومِ مزدور ڈے پر پیغام۔آصف زرداری کا کہنا تھا کہ پیپزپارٹی ہمشہ محنت کشوں کے حقوق کا تحفظ کرتی ہے گی ،آصف علی زرداری شہید ذوالفقارعلی بھٹو نے محنت کشوں کو یونین سازی کا حق دیا،محترمہ بینظیر بھٹو شہید نے ہمشہ محنت کشوں کے حقوق کیلئے آواز بلند کی ،پیپلزپارٹی کی حکومت نے سرکاری صنعتی اداروں میں محنت کشوں کو حصہ دار بنایا، پیپلزپارٹی کی حکومت نے محنت کشوں کیلئے بینظیر ایمپلائیز اسٹاک اسکیم شروع کی ،موجودہ حکومت نے بینظیر ایمپلائیز اسٹاک اسکیم کے 25 ارب روپے چوری کیئے ہیں ،حکومت اسٹیل مل، پی آئی اے اور ریلوے کے ملازمین کا معاشی استحصال کر رہی ہے پیپلزپارٹی اقتدار میں آکر محنت کشوں سے کی جانے والی ناانصافی کا ازالہ کریگی.

کراچی پاکستان پیپلزپارٹی کے چیئرمین بلاول بھٹو زرداری سے پی پی پی خیبرپختونخواہ کے جنرل سیکریٹری شازی خان کی ملاقات .چیئرمین بلاول بھٹو زرداری کو شازی خان نے خیبر پختو نخواہ میں پی ٹی آئی حکومت کے عوام دشمن اقدامات سے آگاہ کیا.پی ٹی آئی نے خیبر پختو نخواہ کو انتظامی اعتبار سے اتنا تباہ کردیا ہے کہ بحالی میں کئی دہائیاں لگ سکتی ہیں، خیبر پختونخواہکے سرکاری اسپتالوں میں علاج نجی اسپتالوں کے برابر مہنگا کردینا کیسی تبدیلی ہے؟ عمران خان کو تاریخ نااہل ترین حکمران کے طور پر یاد رکھے گی.

پی پی پی شعبہ خواتین کی مرکزی صدر و رکنِ سندھ اسمبلی فریال تالپور کا عالمی یومِ مزدور ڈے پر پیغام۔فریال تالپور کا کہنا ہے دنیا بھر کے محنت کشوں کو سلام، جن کے دم پر دنیا کی رونقیں اور زندگی قائم ہے۔پیپلز پارٹی کا فلسفہ ہے کہ پاکستان کی ترقی مزدور کی خوشحالی میں پنہاں ہے۔پیپلزپارٹی کی جدوجہد محنت کشوں کو ان کے جائز حقوق دلانے کی تحریک ہے۔جمہوریت مزدور کی محافظ اور اسے طاقت کا سرچشمہ بناتی ہے کرونا وائرس وباء کے باعث محنت کش طبقات شدید مشکلات سے دوچار ہیں موجودہ حالات میں وفاقی حکومت کی جانب سے محنت کشوں کو ریلیف دینے کے بجائے بے روزگار کرنا قابلِ مذمت ہے۔وفاقی حکومت اسٹیل ملز سمیت مختلف اداروں سے مزدوروں کو نکالنے کا سلسلہ بند ہے۔چیئرمین بلاول بھٹو زرداری پارٹی کے بانی چیئرمین شہید بھٹو اور شہید محترمہ بینظیر بھٹو کے مزدور دوست مشن کو آگے بڑھا رہا ہے صدر آصف علی زرداری کی زیرِ قیادت پی پی پی حکومت نے ٹریڈ یونین کی سرگرمیاں بحال کیں، کنٹریکٹ ملازمین کو ریگولر کیا پیپلز پارٹی کی سابق حکومت نے بے نظیرایمپلائزسٹاک آپشن سکیم کے تحت سرکاری اداروں میں ورکرز کو 12 فی صد شیئرزکا مالک بنایا.پیپلز پارٹی آئندہ انتخابات میں کامیاب ہوکر ملک کے محنت کش طبقات کی خوشحالی کے لیِے اقدام اٹھائے گی.

کراچی میں ہونے والے قومی اسمبلی کے حلقے این اے 249 ضمنی انتخاب سے متعلق فری اینڈ فیئر الیکشن نیٹ ورک فافن نے رپورٹ جاری کردی۔رپورٹ کے مطابق حلقے میں الیکشن قوانین کی خلاف ورزیوں کے 143 واقعات ریکارڈ ہوئے۔ جبکہ 58 خلاف ورزیاں ووٹ ڈالنے اور گننے سے متعلق ہیں۔فافن رپورٹ میں کہا گیا ہے کہ 11 واقعات میں ووٹر کو ووٹ ڈالنے سے روکتے ہوئے واپس بھیج دیا گیا۔رپورٹ میں کہا گیا ہے کہ تقریباً 40 فیصد افراد ووٹنگ سے جزوی جبکہ دیگر مکمل مطمٸن رہے۔فافن رپورٹ میں کہا گیا ہے کہ رمضان اور گرم موسم کے باعث ووٹرز ٹرن آوٹ کافی کم رہا، الیکشن کمیشن کی جانب سے کورونا ایس او پیز کی تعمیل کی گئی۔رپورٹ میں کہا گیا ہے کہ سخت مقابلے کے باوجود رجسٹرڈ ووٹرز کا ٹرن آوٹ 21.6 فیصد ریکارڈ کیا گیا، 2018 کے عام انتخابات کے مقابلے میں ٹرن آوٹ 40 فیصد کم رہا۔فافن نمائندوں کی جانب سے 98 پولنگ اسٹیشنز کے باہر ووٹرز کی رائے لی گئی۔رپورٹ میں کہاگیا ہے کہ این اے249 میں 12سیاسی جماعتوں کے امیدوار اور 18 آزاد امیدواروں نے حصہ لیا، 73471 ووٹ کاسٹ کیے گئے اور جیتنے والے امیدوار نے 22فیصد ووٹ حاصل کیے۔رپورٹ میں کہا گیا ہے کہ الیکشن2018میں فیصل واوڈا کامیاب ہوئے تھے،اور27فیصد ووٹ حاصل کیے تھے، تمام پولنگ اسٹیشن پر تمام امیدواروں کے پولنگ ایجنٹس موجود تھے