Category: کراچی

وزیرا عظم عمران خان کے آج کے دورے کے حوالے سےقائد حزب اختلاف حلیم عادل شیخ کا وڈیو پیغام۔
آج سندھ کی چھ کروڑ عوام وزیر اعظم عمران خان کی شکر گذار ہے۔وزیر اعظم عمران خان آج سکھر میں 446 ارب کا میگا پروجیکٹن کا اعلان کریں گے، 11 سو ارب پروجیکٹ پہلے بھی اعلان کر چکے ہیں جس کی شروعات کراچی سے ہوچکی ہے،سکھر سے حیدرآباد سڑک نہیں تھی آج موٹروے کا اعلان ہونے جارہا ہے،ریلوے اسٹیشن کئی سالوں سے اپگریڈ نہیں ہوئے آج اپگریڈ کا اعلان ہوگا،کہی لوگ گاوں میں آج بھی گئس، بجلی سے محروم ہیں ان کو گئس اور بجلی بھی فراہم کی جائے گی، سندھ کے اضلاع جہاں سڑکیں نہیں ہیں وہاں سڑکیں دیں جائیں گے، کامیاب نوجوان کے تحت نوجوانوں کو اربوں کے قرضے دیئے جائیں گے۔احساس ایمرجنسی کیش میں بھی وزیر اعظم نے سندھ کی عوام کو 60 ارب روپے دیئےپچاس لاکھ لوگوں کی مدد کی گئی آج بھی احساس پروگرام جاری ہے،عوام کی سہولت کے لئے پاسپورٹ آفیس، نادرا کے دفتر کھولے جائیں گے یہ سارے اعلانات وزیراعظم آج کریں گے۔
تھری جی فور جی کی سہولت دور دراز علاقوں تک پہنچانے کے پروجیکٹ بھی آج کے اعلان میں شامل ہونگے۔کراچی میں جو پیکیج اعلان کیا تھا وہ بھی سندھ کا پیکیج تھا۔11سو ارب پہلے 446 ارب یہ پیکیج سندھ کی ترقی کا پیکیج ہے ۔سندھ میں 13 سالوں مں 7 ہزار 8 سو 80 ارب آئے جس میں 17سو ارب ترقیاتی فنڈ تھے۔700 ارب سے 600 خرچ ہوئے ہیں 256 سو ارب جی روپے سندھ کے حکمرانوں نے کرپشن کی ہے،پی اینڈ ڈی نے یہ رپورٹ جاری کی ہے وہ سندھ کا محکمہ ہے،آنے والے دو سال سندھ کی ترقی کے ہونگے، وزیر اعظم خصوصی سندھ کی عوام کو رلیف دے رہے ہیں.

امیرجماعت اسلامی کراچی حافظ نعیم الرحمن نے رمضان المبارک کے شروع ہوتے ہی اشیائے خردونوش کی قیمتوں میں ہوشربا اضافے، فروخت کنندگان کی من مانی قیمتیں وصول کرنے ، متعلقہ حکومتی اداروں ، پرائس کنٹرول کمیٹیوںاور کمشنر و ڈپٹی کمشنر کی جانب سے قیمتوں میں اضافے کی روک تھام کرنے میں مکمل ناکامی کی شدید مذمت کرتے ہوئے کہا ہے کہ رمضان المبارک میں اشیاء کی قیمتوں کو کنٹرول کرنا سندھ حکومت کی ذمہ داری ہے ۔
سندھ حکومت کا فرض ہے کہ وہ شہریوں کو اس اچانک مہنگائی سے نجات دلوائے ۔ انہوں نے کہا کہ ایک طرف اشیاء خردونوش کی قیمتوں میں اچانک اضافے سے شہری پریشان ہیں تودوسری طرف یوٹیلیٹی اسٹورز پر وفاقی حکومت کا رمضان پیکیج بھی عملاً کہیں نظر نہیں آرہا ۔
وٹیلیٹی اسٹورز سے چینی اور آٹے جیسی انتہائی ضروری اشیاء تک غائب ہو گئی ہے ۔ حکومت کے تمام دعوے دھرے کے دھرے رہ گئے ہیں،2کلو چینی کے لیے بھی رمضان المبارک میں شہریوں کو لمبی لمبی قطاریں لگانے کے باوجود چینی نہیں مل رہی ۔

بڑھتی ہوئی مہنگائی نے عوام کی زندگی ہی اجیرن بنارکھی ہے اور اس ماہ مقدس میں ذخیرہ اندوزوں اور گراں فروشوں نے عوام کی مشکلات و پریشانیوں میں مزید اضافہ کر دیا ہے ۔ سندھ حکومت کی رٹ کہیں نظر نہیں آرہی ۔ حکومت کی مقررکردہ پرائس کنٹرول لسٹ بھی کہیں موجود نہیں اور اگر موجود بھی ہیں تو اس کے مطابق اشیاء فروخت نہیں کی جا رہی ۔ کمشنر کراچی اور پرائس کنٹرول کمیٹیاں اپنے اعلانات اور دعوئوں کے باوجود عملی اقدامات کرنے میں ناکام رہے ہیں جس کا خمیازہ غریب اور متوسط طبقے کے افراد بھگت رہے ہیں ۔
حافظ نعیم الرحمن نے کہا کہ سندھ حکومت اور کمشنر کراچی اس صورتحال کو فی الفور کنٹرول کریں ۔ سرکاری سطح پر مقرر کردہ نرخوں پر فروخت کو یقینی بنائیں ۔ وفاقی حکومت یوٹیلیٹی اسٹورز پر عوام کے لیے آٹے اور چینی سمیت دیگر اشیاء کی فراہمی کو یقینی بنائے تاکہ عوام کو رمضان المبارک میں حقیقی طور پر ریلیف مل سکے

کراچی میں ماہ رمضان کی آمد پر منافع خور بے لگام ہوچکے ہیں۔ پی ٹی آئی رہنماء سمیر میر شیخ کہتے ہیں منافع خور انتظامیہ کی چھوٹ اور ملی بھگت سے عوام۔کی جیبوں پر ڈاکا ڈال رہے ہیں۔ پھل، سبزی، مرغی کے گوشت سے لیکر ہر اشیاء عوام کی پہنچ سے دور ہے۔ سندھ حکومت اور کمشنر کی غفلت سے پرائس کنٹرول کیلئے کوئی اقدامات نہیں کیے گئے۔منافع خور دگنے تگنے داموں میں اشیاء فروخت کررہے ہیں۔ چیف جسٹس کراچی میں جاری مصنوعی مہنگائی کیخلاف فوری سوموٹو لیں۔مصنوعی مہنگائی کا بحران سندھ حکومت کی سازش ہے۔

ایف آئی اے نے شہر قائد سے آپریٹ کیے جانے والے حوالہ ہنڈی کے ایک اور بڑے نیٹ ورک کو بے نقاب کر دیا۔ تفصیلات کے مطابق ایف آئی اے کارپوریٹ کرائم سرکل نے 14 شہروں میں پھیلے نیٹ ورک کا سراغ لگا لیا جبکہ نیٹ ورک سے جڑے بے نامی اکاؤنٹس، خفیہ سافٹ ویئر، انٹر نیشنل ایجنٹس کے نام بھی سامنے آ گئے۔ ایف آئی اے کرائم سرکل کے مطابق پکڑا گیا نیٹ ورک قمبر، شہداد کوٹ، لاڑکانہ، رتو ڈیرو، نواب شاہ،گمبٹ، خضدار مورو تک پھیلا ہوا ہے، جب کہ یہ نیٹ ورک کراچی سے آپریٹ کیا جا رہا تھا، ایف آئی اے کارپوریٹ کرائم سرکل نے تمام ایجنٹوں کے نام بھی حاصل کر لیے۔
یہ گروہ کراچی سے حوالہ ہنڈی میں ملوث ملزم عبدالفتح کے نیٹ ورک کا حصہ ہے، عبدالفتح سمیت دیگر ملزمان جاوید اور لطیف ڈینو کو داؤد پوتہ روڈ پر کارروائی کرتے ہوئے گرفتار کیا گیا۔
میڈیا رپورٹ میں بتایا گیا کہ ایف آئی اے کرائم سرکل نے 2020 سے 2021 تک حوالہ ہنڈی کے ٹرانزیکشنز کی تفصیلات بھی حاصل کر لی ہے۔ بینکوں میں جمع کروائی گئی رقم کی تفصیلات بھی مل گئیں، ادارے کے مطابق نیٹ ورک حوالہ ہنڈی کا کام درہم میں کیا کرتا تھا، نیٹ ورک سے جڑے ایجنٹ دبئی سے بھی اسے آپریٹ کر رہے ہیں۔
ایف آئی اے تحقیقات میں گروپ کے دھندے سے جڑے کئی کمپنیوں کے نام سامنے آئے ہیں، حوالہ ہنڈی سے منسلک گروہ الگ سوفٹ ویئر استعمال کرتا تھا، ایف آئی اے نے اس سوفٹ ویئر کی تفصیلات بھی حاصل کر لیں۔ گروہ کے حوالہ ہنڈی سے منسلک کارندوں کے کئی بے نامی اکاؤنٹس بھی سامنے آ گئے ہیں، ایف آئی اے کارپوریٹ کرائم سرکل نے تمام ملزمان کے خلاف مقدمہ درج کر لیا گیا ہے جن سے مزید تفتیش کی جائے گی۔

وزیراعظم عمران خان کی جانب سے سندھ کے مختلف اضلاع کے لیے 446 ارب کے پیکیج پر پی ٹی آئی رہنماء خرم شير زمان کا بیان آیا۔ آج سندھ کی عوام کے لیے خوشی کا دن ہے وزیراعظم نے جو وعدہ کیا وہ پورا ہونے جارہا ہے،گھوٹکی، ٹنڈوالہیار، میرپورخاص، دادو، ٹنڈو محمد خان، بدین، جیکب آباد، حیدرآباد، لاڑکانہ، سانگھڑ، خیرپور، شکارپور، سکھر کے لیے 446 ارب کے میگا ترقیاتی کاموں کا اعلان ہوگا،ان علاقوں میں ترقیاتی کام تحریک انصاف کا بہت بڑا قدم ہے، خرم شیر زمان مزید کہتے ہیں کہ ایک ہزار نوجوانوں کو کاروبار اور تعلیم کے لیے 4.8 ارب روپے کے قرضے دیے جائیں گے، 160 دیہاتوں میں گیس فراہمی کے منصوبے بھی شامل ہیں۔1490 کلومیٹر انفراسٹرکچر کی بحالی بھی پیکیج میں شامل ہے،ایک لاکھ سے زائد طلباء کو اسکل ٹریننگ دی جائے گی جس سے وہ بہتر سیکھ سکیں گے،ایک لاکھ تیس ہزار نوجوانوں کو کھیلوں کی سہولیات فراہم کی جائیں گی،سالانہ 30 ہزار نئے بجلی کے کنیکشن سے سندھ میں بجلی کے مسائل کا خاتمہ ہوگا، سفری سہولیات کی بہتری کے لیے ریلوے اسٹیشنز اپگریڈ کیے جائیں گے،وزیراعظم عمران خان اور تحریک انصاف کا یہ اہم انقلابی قدم ہے،کراچی، حیدرآباد کے بعد سندھ کے دیگر اضلاع میں کام شروع ہونے جارہا ہے، صوبائی حکومت کی مسلسل ناکامی عوام کے سامنے ہے، سندھ حکومت عوام کو پینے کا پانی تک فراہم نہیں کریا۔اسپتالوں، اسکولوں کے معاملات میں صوبائی حکومت مکمل ناکام ہوچکی ہے،یہ معاملات صوبائی حکومت کے ہیں لیکن وفاق کو کرنے پڑ رہے ہیں،امید ہے پی پی وفاق کو دیکھ کر سندھ میں کچھ کام کرے گی،اس اہم پیکیج پر سندھ کی عوام کو مبارکباد پیش کرتا ہوں،پاکستان تحریک انصاف سندھ کے لوگوں کی خدمت کرتی رہے گی.

صوبائی وزیر اطلاعات و بلدیات سندھ سید ناصر حسین شاہ نے لیاقت آبادڈسپینسری میں جے ڈی سی کے تحت مفت ڈائلسز سینٹر کا افتتاح کردیا۔وزیر اعلیٰ سندھ کے کوآرڈینیٹر شہزاد میمن ، ڈپٹی کمشنر وسطی راجہ ایم بی دھاریجو، میونسپل کمشنر وسطی محمد علی و دیگر بھی ان کے ہمراہ تھے۔ سینٹر کے افتتاح کے بعد صوبائی وزیر سید ناصر حسین شاہ نے مختلف شعبوں کا دورہ اور سہولیات کا معائنہ کیا۔
اس موقع پر جے ڈی سی کے جنرل سیکرٹری سید ظفر عباس نے صوبائی وزیر کو بریفنگ دیتے ہوئے بتایا کہ کراچی میں 30 ہزار مریضوں کے لئے مفت ڈائلسز کے لیے 50 سینٹرز قائم کئے جا رہے ہیں، آج پہلے سینٹر کا افتتاح کیا ہے، جس میں ہر ماہ 600 مریضوں کا مفت ڈائلسز کیا جائے گا۔
اس موقع پر صوبائی وزیر سید ناصر حسین شاہ نے کہا کہ سندھ حکومت صوبے میں صحت کے شعبے کی بہتری پر بھرپور توجہ دے رہی ہے اور سول سوسائٹی اور پبلک پرائیویٹ پارٹنر شپ کے تحت عوام کو صحت کی سہولیات فراہم کرنے پر کام کررہی ہے۔

انہوں نے کہا کہ چیئرمین بلاول بھٹو زرداری کا ویژن ہے کہ ہر جگہ صحت کی سہولیات کی فراہمی یقینی بنائی جائے۔جے ڈی سی کی ٹیم کو مبارکباد پیش کرتا ہوں کہ جس نے گردوں کے مریضوں کو ڈائلسز کی بہترین سہولیات مفت میں فراہم کرنے کے لئے یہ سینٹر قائم کیا ہے انہوں نے کہا کہ ظفر عباس جیسے لوگ ہمارے ملک کے حقیقی ہیروز ہیں۔صوبائی وزیر نے کہا کہ سندھ حکومت نے پبلک پرائیوٹ پارٹنرشپ کے تحت صوبے میں صحت کے شعبے میں بہترین کام کیا ہے جبکہ بہت سے فلاحی اداروں کو بھی سپورٹ کررہے ہیں انہوں نے کہا کہ پوری دنیا میں سول سوسائٹی اور فلاحی ادارے عوام کو بنیادی سہولیات کی فراہمی میں حکومتوں کا ہاتھ بٹاتے ہیں۔
انہوں نے کہا کہ سندھ حکومت سیلانی ،چھیپا ،ایدھی اور دیگر فلاحی اداروں کو مکمل تعاون فراہم کررہی ہے تاکہ عوام کو تعلیم اور صحت کی بہترین سہولیات میسر آ سکیں ۔

کراچی سمیت سندھ کے مختلف اضلاع کی 36 یوسی کے سیکریٹری عہدوں سے فارغ کردئیے گئے۔

ایک رپورٹ کے مطابق ایسے ملازمین جن کی بھرتیاں سوالیہ نشان بنی ہوئی ہیں اور انہیں ملازمین کی مرتب کردہ لسٹ میں شامل کیا گیا ہے ۔وہ غیر قانونی طور پر پے رول کا حصہ بنادئیے گئے ہیں اس حوالے سے انکوائری کمیٹی تشکیل دی گئی تھی۔کمیٹی کی سفارشات کو سامنے رکھتے ہوئے کراچی سمیت سندھ کی 36 یوسیز کے سیکریٹریز کو تعیناتیوں سے ہٹا کر سندھ لوکل گورئمنٹ بورڈ میں رپورٹ کرنے کا کہا گیا ہے ۔ان تمام تعیناتیوں کی لسٹ بھی تیار کر لی گئی ہے اور مطلقہ اداروں کو ارسال کردی گئی ہے۔

پاکستان رینجرز سندھ اور اینٹی نارکوٹکس فورس نے مشترکہ طور پر انٹیلی جنس معلومات کی بنیاد پر کراچی کے علاقے ملیر میں کارروائی کرتے ہوئے انتہائی مطلوب منشیات فروش گروہ کے دو ملزمان سے جہانزیب خان آفریدی ابراھیم مسعود کو گرفتار کرلیا ملزمان کے قبضے سے 27 کلو گرام چرس برآمد ہوئی جو کہ براستہ سمندرپورٹ قاسم سے قطر اسمگل کی جارہی تھی ابتدائی تفتیش کے دوران ملزمان نے انکشاف کیا ہے کہ وہ افغانستان بلوچستان اور پشاور سے بڑے پیمانے پر منشیات مختلف طریقوں سے کراچی اور گوادر پہنچاتے تھے ملزمان نے مزید انکشاف کیا ہے کہ وہ اس منشیات کو کراچی سے براستہ سمندر مختلف کنٹینرز میں چھپا کر یہ یمن قطر، ہالینڈ اور کئی دوسرے یورپی ممالک میں اسمگل کرنے میں بھی ملوث ہے مذکورہ بالا ملزمان پہلے بھی اینٹی نارکوٹکس فورس اور پولیس کے ہاتھوں متعدد بار گرفتار ہو چکے ہیں گرفتار ملزمان کو برآمد شدہ منشیات میں قانونی کارروائی کے لیے اینٹی نارکوٹکس فورس کے حوالے کر دیا گیا ہے جبکہ ملزمان کے دیگر ساتھیوں کی گرفتاری کیلئے چھاپے بھی مارے جا رہے ہیں۔

مولانا عون محمد نقوی مرحوم کو آج کراچی میں سپردِ خاک کر دیا جائے گا۔
باغی ٹیوی کی رپورٹ کے مطابق گزشتہ روزرضائے الہی سےانتقال کرنے والے عالم دین جعفریہ الائنس پاکستان کی سپریم کونسل کے رکن علامہ عون محمد نقوی مرحوم کی نمازجنازہ آج بروز جمعہ بوقت 3 بجے دوپہر امام بارگاہ شاہ کربلا اولڈ رضویہ سوسائٹی کراچی میں ادا کی جائے گی جبکہ مرحوم کی تدفین وادی حسین قبرستان میں ہو گی ۔مرحوم کی نماز جنازہ میں عالم دین، صحافی حضرات اور سیاسی شخصیات کی شرکت متوقع ہے۔رب تعالیٰ مرحوم کے اہل خانہ کو صبر جمیل عطا فرمائے اور مرحوم کے درجات بلند فرمائے۔