Category: کراچی

ویسٹ، سرجانی ٹاؤن سے ہاؤس روبری و ڈکیتی میں ملوث سات رکنی ملزمان گینگ گرفتار۔ ایس ایس پی ویسٹ سوہائی عزیز ملزمان گینگ مورخہ 09 اپریل 2021 کو گہرام کلینک سرجانی ٹاؤن میں اسلحہ کے زور پر داخل ہوئے، لیڈی ڈاکٹر سمیت موجودہ مریضوں کو تشدد کا نشانہ بنایا اور موبائل و نقدی لوٹ کر کے فرار ہوئے۔واردات کا مقدمہ الزام نمبر 673/2021 متاثرہ لیڈی ڈاکٹر فرزانہ نور کی مدعیت میں تھانہ سرجانی میں درج ہے۔موجودہ CCTV فوٹیج میں بھی ملزمان کو کلینک پر واردات کرتے دیکھا جاسکتا ہے۔ملزمان گینگ مورخہ 12 اپریل 2021 کو بھی رائل اسٹیٹ کے مالک رانا کاشف کے گھر میں اسلحہ کے زور پر داخل ہوئے اور 36000 نقدی، موبائل فونز اور قیمتی زیورات لوٹ کر فرار ہوئے۔واردات کا مقدمہ الزام نمبر 676/2021 اسٹیٹ مالک کاشف کی مدعیت میں تھانہ سرجانی میں درج ہے۔ایس ایچ او سرجانی نے خفیہ اطلاع پر تیئسر ٹاؤن میں کاروائی کر کے ملزمان گینگ کو گرفتار کیا۔گرفتار ملزمان سے 07 عدد غیر قانونی پسٹلز بمعہ ایمونیشن، ہاؤس روبری و ڈکیتیوں کے دورانِ چھینی گئی رقم 66500، قیمتی زیورات اور 11 عدد موبائل فونز بھی برآمد۔ برآمدہ موبائل فونز، زیورات اور نقدی ڈاکٹر فرزانہ اور اسٹیٹ مالک کاشف کے گھر سے چھنی گئی تھی۔ملزمان کے قبضے سے مزید وارداتوں میں استعمال ہونے والا ایک رکشہ اور 03 موٹرسائیکلز بھی تہویل میں لے لی گئیں۔ملزمان نے دوران انٹروگیشن سرجانی ٹاؤن اور اطراف کے علاقوں میں متعدد ہاؤس روبری و اسٹریٹ کرائم کا بھی اعتراف کیا۔ملزمان کی گرفتاری کے متعلق شہر کے دیگر تھانہ جات میں مراسلہ جاری کر دیا گیا۔ملزمان کو اعتراف کردہ مقدمات میں شناخت و تفتیش کے لئے تفتیشی حکام کے حوالے کیا جائے گا۔ملزمان سے برآمد اسلحہ فارنزک کیلئے بھیجا جائے گا۔گرفتار ملزمان میں اسد ولد عبد الغفار، شہباز ولد حضور بخش، مشتاق ولد اللہ ڈنو، جنگ بہادر ولد علی بہادر، عباس ولد حضور بخش، ناظم ولد شاہ نواز اور احسن ولد عطاء شامل ہیں۔

کراچی وزیر اطلاعات سندھ سید ناصر حسین شاہ کا اہم بیان جاری کر دیا۔ وزیر اطلاعات سندھ ناصر شاہ کا کہنا ہے کہ پاکستان پیپلز پارٹی چیئرمین بلاول بھٹو زرداری کی ہدایت پر حلقہ دو سو انتالیس میں ہونے والا جلسہ ملتوی کیا گیا ہے۔وزیر اطلاعات سندھ سید ناصر حسین شاہ نے اہم بیان میں کہا کہ پاکستان پیپلز پارٹی چیئرمین بلاول بھٹو زرداری کی ہدایت پر حلقہ 249 میں ہونے والا جلسہ ملتوی کیا گیا ہے، پی پی پی چیئرمین نے یہ فیصلہ کورونا وائرس کی صورتحال کے پیش نظر کیا ہے۔سید ناصر حسین شاہ کا کہنا ہے کہ حکومت سندھ نے کورونا وائرس کی روک تھام کیلئے شروع کے لیکر رہنما کردار ادا کیا ہے ، سندھ حکومت کے دانشمندانہ فیصلوں کے باعث آج صوبے میں صورتحال اتنی خراب نہیں جتنی ملک کے دیگر صوبوں میں ہے، سندھ واحد صوبہ ہے جہاں کوویڈ19 کا ایک الگ اسپتال قائم کیا ہے۔سید ناصر شاہ نے بیان میں مزید کہا کہ سندھ انفیکٹیئس ڈزیز کے مزید اسپتال دیگر اضلاع میں بھی قائم کیے جارہے ہیں،سندھ حکومت نے کورونا کے مریضوں کے علاج کی خاطر تمام اسپتالوں میں خصوصی وارڈ بنائے ہیں، پنجاب کی وزیر صحت حکومت سندھ پر تنقید کرنے کے بجائے اپنے صوبے میں صحت سہولیات کو بہتر بنائیں۔ناصر حسین شاہ نے مزید کہا کہ سندھ حکومت نے عالمی وبا کے باعث اپنے بجٹ کا بڑا حصہ کورونا وائرس کی روک تھام اور علاج کیلئے خرچ کیا ہے، سندھ حکومت نے کورونا ویکسین کی خریداری کیلئے ڈیڑھ ارب روپے مختص کیے ہیں، سندھ حکومت پہلے مرحلے میں کورونا ویکسین کے 10 ملین ڈوزخریدے گی، سندھ کے اسپتالوں میں وینٹی لیٹرز، آکسیجن اور دیگر ضروری سامان اچھی مقدار میں موجود ہے۔

کرونا سے نمٹنے کیلئے کراچی پولیس حرکت میں آگئی۔

ضلع کماڑی تھانہ مدینہ کالونی پولیس کے ایس ایچ او محمد سالم رند نے حکومتی ہدایت پر SOPs عمل درآمد کرتے ہوئے اپنی ٹیم کی سربراہی میں تھانہ مدینہ کالونی حددو میں تمام مارکیٹیں بندکروادیں جبکہ آج شام 6 بجے سے تمام ہوٹلز ، بند کروا دٸیے جائینگے۔انھوں نے کہا کہ ہم سب نے ملکر اس وباء سے حفاظتی تدابیر پر عمل کرنا ہے۔ امن پسند اور قانون پسند شہری ہونے کے ناطے آپ سب لوگوں نے حکومتی ہدایت پر SOPs عمل اور تعاون کریں شام چھ بجے کے بعد کسی کو بھی مارکیٹ یا دکان کھولنے کی اجازت نہیں دی جائے گی۔
اگر کسی نے حکومتی احکامات کو چیلنج کیا تو تھانہ مدینہ کالونی پولیس سختی سے حکومتی احکامات پر عمل کرائے گی ایس ایچ او محمد سالم رند نےتمام دکاندار حضرات سےاپیل کی کے شام چھ بجے اگر آپ سب رضاکارانہ طور پرحکومتی احکامات کو مدنظر رکھتے ہوئے دکانیں بند کریں گے تو بہت اچھی بات ہے ہم سب نے ملکر اس مشکل وقت کا مقابلہ کرنا ہے امید کرتا ہوں کے دکاندار حضرات اس مشکل وقت میں اپنے اداروں سے تعاون کریں گے.

کراچی کے علاقے بلدیہ ٹاؤن نمبر چار میں ہونے والا پولیس مقابلہ مشکوک نکلا ۔ مقابلے میں شامل تین پولیس اہلکاروں کو معطل کرکے حراست میں لےلیا گیا۔کراچی کے علاقے بلدیہ ٹاؤن نمبر 4میں ہونے والا پولیس مقابلہ مشکوک نکلا۔ مقابلے میں شامل 3پولیس اہلکاروں کو معطل کرکے حراست میں لے لیا گیا۔ابتدائی رپورٹ کے مطابق پولیس پارٹی نے مطلوب ملزم کوپکڑا تو ملزم کے ساتھی نے بڑی تعداد میں اپنے حامی جمع کرلیے جس پر پولیس اہلکاروں نے فائرنگ کردی جس کے نتیجے میں تین افراد زخمی ہوگئے۔

شہر قائد میں عید اور رمضان کی شاپنگ کے لیے شہری مارکیٹوں کا رخ کر رہے ہیں، ایسے میں جرائم پیشہ عناصر نے بھی مارکیٹوں میں پھیل کر منظم انداز میں وارداتیں کرنا شروع کر دیا ہے۔تفصیلات کے مطابق کراچی کے علاقے گلستان جوہر میں گزشتہ روز شاپنگ کے لیے آنے والی ایک فیملی کو 2 لٹیروں نے اسلحے کے زور پر لوٹ لیا، اور فرار ہونے میں کامیاب ہو گئے۔ اس فوٹیج سے معلوم ہوتا ہے کہ لٹیروں نے مارکیٹوں کو آماج گاہ بنا لیا ہے، اس لیے شہریوں کو بھی بہت احتیاط کرنی ہوگی۔فوٹیج کے مطابق ہفتے کو شام 7 بجے گلستان جوہر کے ایک شاپنگ سینٹر میں خریداری کے لیے آنے والی ایک فیملی نے گاڑی جیسے ہی پارکنگ میں روکی، دو لٹیروں نے انھیں موبائل فونز اور دیگر اشیا سے محروم کر دیا۔لٹیروں نے الگ الگ سمت سے آ کر واردات کی، ان میں سے ایک موٹر سائیکل پر سوار تھا جب کہ دوسرا دوسری سمت سے پیدل آیا، دونوں شلوار قمیض پہنے تھے، ایک کے سر پر سفید ٹوپی تھی جب کہ دوسرے نے سبز مائل جیکٹ پہن رکھی تھی۔فیملی کے افراد گاڑی سے نکل کر شاپنگ کے لیے جانے کی تیاری کر رہے تھے کہ اس دوران موٹر سائیکل سوار لٹیرا اس فیملی کو دیکھتا ہوا پاس سے گزر گیا، عین اسی وقت دوسری جانب گلی سے سفید ٹوپی والا کریمنل پیدل چلتا آ رہا تھا، موٹر سائیکل والے نے پیدل آنے والے کو فیملی کی جانب اشارہ کیا۔فوٹیج میں دیکھا جا سکتا ہے کہ موٹر سائیکل سوار لٹیرے نے بائیک ایگزٹ پر تیار حالت میں کھڑی کی، اور دوسری طرف سفید ٹوپی والے نے پستول نکال کر فیملی کے افراد سے سر عام لوٹ مار شروع کر دی۔اس کے بعد موٹر سائیکل سوار بھی آ گیا اور اس نے گاڑی کے دوسری طرف آ کر کھڑے بچوں سے سیل فون لے لیے، اس نے گاڑی کے اندر ڈیش بورڈ بھی چیک کیا اور سیٹوں پر بھی ہاتھ مارے، اس کے بعد لٹیرے موٹر سائیکل پر بیٹھ کر فرار ہو گئے۔

موسم نے پھر کروٹ بدل لی۔کراچی میں موسم گرم، پارہ 40 ڈگری تک جانے کو تیار جبکہ اسلام آباد،لاہور ودیگر شہروں میں موسم خشک رہے گا۔ محکمہ موسمیات کے مطابق شہرقائد میں فضا زہر آلودہ ہے ایئر کوالٹی انڈیکس 172 تک پہنچ گیا ۔فضا میں پھیلی گَرد سے ناک ، گلے اور سانس کا مرض پھیلنےکا امکان، حد نگاہ بھی متاثرہوگی۔ موسم خشک ہونے کے سبب بارش کا فی الحال کوئی امکان نہیں جبکہ ملک کے دیگر شہروں میں بھی موسم خشک اور گرم رہنے کا امکان ہے ۔

اسلام آباد،راولپنڈی،لاہور،گوجرانوالہ،سرگودھا میں رات گئے ٹھنڈی ہوائیں چلنے کا امکان ہے۔

کرونا وائرس کے بڑھتے کیسز کے تناظر میں کراچی کے ضلع وسطی کے 4 ٹاؤنز میں مائیکر اسمارٹ لاک ڈاؤن لگا دیا گیا ہے۔ضلعی انتظامیہ کی جانب سے جاری نوٹی فیکیشن کے مطابق 4 ٹاؤنز میں لگائے گئے مائیکرو اسمارٹ لاک ڈاؤن کا نفاذ فوری طور پر ہوگا، جو 8 مئی تک جاری رہے گا۔ مائیکرو اسمارٹ لاک ڈاؤن گلبرگ، نارتھ کراچی، لیاقت آباد اور نارتھ ناظم آباد کے رہائشی یونٹس میں لگایا گیا ہے۔متاثرہ علاقوں کے مکینوں کی غیر ضروری نقل و حرکت پر پابندی لگادی گئی ہے۔ ان متاثرہ علاقوں میں موٹر سائیکل کی ڈبل سواری اور فیملی اجتماع پر بھی پابندی ہوگی۔ علاقے میں پبلک اجتماعات، لوگوں کے جمع ہونے پر پابندی ہوگی۔ ضروری اشیا کی دکانیں 24 گھنٹے کھلی رہیں گی، جب کہ کاروبار اور دفاتر بند رہیں گے۔اس دوران لوگوں کو گھروں میں رہنے کا پابند کیا جائے گا۔ صرف ضروری اشیا کیلئے ہی لوگوں کو گھروں سے نکلنے کی اجازت ہوگی۔ اس موقع پر ماسک کا استعمال لازمی ہوگا۔واضح رہے کہ اس سے قبل کراچی کے علاقے کیماڑی کے مختلف علاقوں میں مائیکرو اسمارٹ لاک ڈاؤن نافذ کیا گیا تھا، جو 7 مئی تک جاری رہے گا.