Category: کراچی

گلستان جوہر میں گزشتہ روز پراسرار طور پر ہلاک ہونے والے کی تین بچوں سے متعلق اہم پیشرفت سامنے آئی ہے، بچوں کی ہلاکت میں ماں کو قصور وار دے دیا گیا۔تفصیلات کے مطابق کراچی کے علاقے گلستان جوہر میں تین بچوں کی پراسرار ہلاکت معمہ بن گئی۔ بچوں کی جان لی گئی یا کوئی حادثہ ہوا؟ متوفی بچوں کے والد نے ہلاکت کا ذمہ دار اپنی اہلیہ کو قرار دیا ہے۔اس حوالے سے پولیس حکام کا کہنا ہے کہ مذکورہ بچوں کے والد نے واقعے کے متعلق قانونی کارروائی کرنے سے انکار کردیا ہے۔بچوں کے باپ عمران نے پولیس کو دیئے گئے بیان میں بتایا کہ بچوں کو اپنے ساتھ لاہور میں رکھنے کا پروگرام تھا۔ بچوں کے تایا کا کہنا ہے کہ مرنے والے بچوں کے والدین جھگڑے کے باعث علیحدہ رہتے تھے دوسری جانب پڑوسیوں کے مطابق بچوں کی والدہ نورین ایک بچے کو تشویشناک حالت میں گود میں لے کر عمارت سے نیچے آئی تھی، فلیٹ میں کھٹمل ماراسپرے کا بھی بتایا۔یاد رہے کہ گزشتہ روز گلستان جوہر کے بلاک 19 میں مبینہ طور پر زہریلی چیز کھانے سے 3 بچے جاں بحق ہوگئے تھے۔ بچوں میں دو لڑکے اور ایک بچی شامل ہے، جن کی عمریں 8 تا 3 سال ہیں۔

کراچی میں ڈاکوؤں کی دیدہ دلیری، دن دیہاڑے مصروف شاہراہ پر شہری کو لوٹ لیا گیا۔ ناظم آباد نمبر 3 میں جرائم پیشہ عناصر کی تسلسل کے ساتھ ‏وارداتیں جاری ہیں، شہری چندسیکنڈ میں ساڑھے3لاکھ گنوابیٹھا۔
نوٹ کی گڈیاں سڑک پر بکھر گئیں، شہری اسٹیٹ ایجنسی کے باہر سے رقم لےکر آ رہا تھا کہ اسے ‏لوٹ لیا گیا۔ موٹرسائیکل کھڑی کرتےہی ملزمان ‏آئے اور شاپنگ بیگ کھینچا کہ اسی اثناء میں تھیلی پھٹ گئی اور نوٹوں کی گڈیاں زمین پر گر ‏گئیں۔ملزمان نے ساری گڈیاں اٹھائیں اور با آسانی موقع سے فرار ہو گئے۔ متاثرہ شہری نے پولیس سے ‏ملزمان کی فوری گرفتاری اور لوٹی ہوئی رقم واپس دلانے کا مطالبہ کیا ہے

شہر قائد کے مختلف علاقوں میں مذہبی جماعت کے احتجاج کے باعث ٹریفک کی روانگی معطل ہوگئی، شہری منٹوں کا سفر گھنٹوں میں طے کرنے لگے کراچی کے علاقے ٹاور سے گورنر ہاؤس جانے والی سڑک احتجاج کے باعث بند کردی گئی، ملیر، ڈرگ روڈ، شارع فیصل پر بھی احتجاج کے باعث ٹریفک کی روانی معطل ہوگئی۔اورنگی ٹاؤن، بلدیہ اور اطراف کے علاقوں میں بھی ٹریفک کی روانی متاثر ہے جس کے باعث شہری ٹریفک میں پھنس کر رہ گئے۔نمائش، ایئرپورٹ، اسٹار گیٹ، صدر گارڈن، گرو مندر اور اطراف میں بھی ٹریفک جام ہے جس کے باعث آفس سے گھروں کو لوٹنے والے شہریوں کو مشکلات کا سامنا ہے۔اسی طرح لیاقت آباد، تین ہٹی، جمشید روڈ پر بھی ٹریفک کی روانی متاثر ہے، مختلف علاقوں میں ٹریفک معطل ہونے سے شہری اذیت کا شکار ہیں۔

مشترکہ مفادات کونسل کی جانب سے مردم شماری کے نتائج منظور کیے جانے پر سندھ حکومت ‏کا ردعمل آ گیا۔ترجمان سندھ حکومت مرتضٰی وہاب نے ٹویٹ کرتے ہوئے لکھا کہ وزیراعلیٰ سندھ کی جانب سے ‏تحفظات ظاہر کئے جانے کے باوجود ، سی سی آئی نے مردم شماری کے نتائج کی منظوری دے دی ‏ہے۔مرتضیٰ وہاب نے کہا کہ وزیراعلیٰ سندھ نے سی سی آئی کے نظریے سے اتفاق نہیں کیا ہے اور ‏اختلافی نوٹ پیش کیا ہے۔ ‏
انہوں نے اعلان کیا کہ سندھ حکومت آئین کے آرٹیکل 154 (7) کی پیروی میں اس معاملے کو ‏پارلیمنٹ میں لے جائے گی۔مشترکہ مفادات کونسل نے مردم شماری کے نتائج جاری کرنے کی منظوری دے دی ہے۔ذرائع کا کہنا ہے کہ وزیراعظم عمران خان کی زیر صدارت مشترکہ مفادات کونسل کا اجلاس ہوا جس میں چاروں وزرائے اعلیٰ اور ممبران وفاقی وزرا شریک ہوئے۔اجلاس میں سندھ اور بلوچستان کی جانب سے مردم شماری کے نتائج کے اجرا پر جواب پیش کیا گیا۔ ذرائع کا کہنا ہے کہ اجلاس میں مردم شماری کے نتائج جاری کرنے کی منظوری دی گئی.سندھ کی جانب سے مردم شماری کے نتائج پر تحفظات کا اظہار کیا گیا، وزیراعلیٰ سندھ مراد علی شاہ نے مردم شماری کے نتائج پر اختلافی نوٹ پیش کیا۔

کراچی کے مختلف علاقوں میں سڑکوں پر شدید ٹریفک جام ہے جس کے باعث شہریوں کو شدید مشکلات کاسامنا ہے۔ آئی آئی چندریگر روڈ، ایم اے جناح روڈ سمیت ملحقہ سڑکوں پر شدید ٹریفک جام ہے اور ٹاور سےگورنر ہاؤس تک گاڑیوں کی طویل قطار لگ گئی ہے۔ اورنگی ٹاؤن نمبر4 ،بلدیہ نمبر4 ،حب ریور روڈ ، لیاقت آباد ،کورنگی میں بھی ٹریفک کی روانی متاثر ہے جس کے باعث شہری ٹریفک میں پھنس کر رہ گئے ہیں۔

پی ٹی آئی رہنماء محمود مولوی نے انسانی حقوق کے علمبردار، سینیئر صحافی آئی اے رحمان کے انتقال پر افسوس کا اظہار کیا۔انھوں نے کہا کہ آئی اے رحمان کی انسانی حقوق کے لیے خدمات ناقابل فراموش ہیں،
جنھیں کبھی بھی بہلایا نہیں جا سکتا۔آئی اے رحمان کے انتقال پر لواحقین سےافسوس و تعزیت کا اظہارکرتے ہوئے انھوں نےمرحوم کی مغفرت اور بلندی درجات کے لیے دعا کی اور کہا کہ،اللہ مرحوم پر اپنا خاص کرم فرمائیں۔اس موقع پر پی ٹی آئی کے اور بھی رہنما موجود تھے جنہوں نے مرحوم کے اہل خانہ سے تعزیت کی اور مرحوم کے اعلیٰ درجات کے لیے دعائیں مانگیں۔

سندھ میں ماہ رمضان کیلیے سرکاری دفاتر کے اوقات کار کا اعلان کردیا گیا، سرکاری دفاتر صبح 10 بجے سے شام 4 بجے جبکہ جمعہ کے روز دورانیہ صبح 10 بجے سے دوپہر ایک بجے تک ہوگا۔تفصیلات کے مطابق سندھ حکومت نے ماہ رمضان میں سرکاری دفاتر کے اوقات کار کا شیڈول جاری کردیا ، شیڈول کے تحت سرکاری سندھ میں دفاترمیں اوقات کارپیرتاجمعرات صبح10 تا شام 4بجےتک ہوں گے جبکہ جمعہ کو دفاتر میں صبح10سےدوپہرایک بجےتک کام ہوگا۔یاد رہے حکومت نے رمضان المبارک کیلئے سرکاری دفاتر کے اوقات کار کا اعلان کیا تھا کہ وفاقی سرکاری دفاتر صبح 10تا 4بجے تک کھلے رہیں گے۔حکم نامے میں کہا گیا تھا کہ 5روز کھلے رہنے والے وفاقی سرکاری دفاتر صبح 10تا 4بجے تک کھلے رہیں گے اور 6 روز کھلے رہنے والے وفاقی دفاتر صبح 10تا 3بجےتک کھلے رہیں گے۔واضح رہے کہ رمضان کے مقدس مہینے میں ملازمین کو سہولت فراہم کرنے کے لیے اداروں میں روزانہ اوقات کار میں دو گھنٹے کمی کردی جاتی ہے۔یاد رہے وفاقی وزیر سائنس اینڈ ٹیکنالوجی فواد چوہدری نے سماجی رابطے کی ویب سائٹ ٹوئٹر پر رمضان المبارک کے چاند کے حوالے سے کہا تھا کہ رمضان کا چاند 13 اپریل کو لاہور،اسلام آباد، پشاورسمیت کئی شہروں میں دیکھاجاسکےگا اور 14اپریل کو پہلا روزہ ہو گا۔

کراچی: بین الاقوامی بلین مارکیٹ میں فی اونس سونے کی قیمت 3ڈالر کی کمی سے 1741ڈالر کی سطح پر پہنچ گئی۔ اس کے باعث مقامی صرافہ مارکیٹوں میں پیر کو فی تولہ اور فی دس گرام سونے کی قیمتوں میں بالترتیب 600روپے اور 514روپے کی کمی واقع ہوئی۔ اس کے نتیجے میں کراچی ،حیدرآباد ، سکھر ، ملتان ، لاہور ، فیصل آباد ، راولپنڈی ، اسلام آباد ، پشاور اور کوئٹہ کی صرافہ مارکیٹوں میں فی تولہ سونے کی قیمت گھٹ کر 103500روپے اور فی دس گرام سونے کی قیمت گھٹ کر 88735روپے ہوگئی۔ اسکے برعکس فی تولہ چاندی کی قیمت بغیر کسی تبدیلی کے 1360روپے پر مستحکم رہی اور دس گرام چاندی کی قیمت بھی بغیر کسی تبدیلی کے 1165.98روپے پر مستحکم۔

کراچی: جناح اسپتال کے ہیڈ آف سائبر نائف وشعبہ ریڈیالوجی کے سربراہ پروفیسر ڈاکٹرطارق محمود کا کہنا ہے کہ سائبر نائف ریڈی ایشن سے کینسر کا علاج کیا جاتا ہے ، یہ بہت مہنگا علاج ہے لیکن ہم بالکل مفت کرتے ہیں۔تفصیلات کے مطابق جناح اسپتال کے ہیڈ آف سائبر نائف وشعبہ ریڈیالوجی کے سربراہ پروفیسر ڈاکٹر طارق محمود نے گفتگو کرتے ہوئے کہا سائبرنائف روبوٹ کینسر کے اسٹیج ون اور ٹو پر استعمال کیا جاتا ہے، 2012 میں پہلا یونٹ اور 2019 میں دوسرا یونٹ لگا۔ پروفیسرطارق محمود کا کہنا تھا کہ سائبر نائف ریڈی ایشن سے کینسر کا علاج کیا جاتا ہے ، یہ بہت مہنگا علاج ہے لیکن ہم بالکل مفت کرتے ہیں،ہم صرف اسی کا علاج کرتے ہیں جس کوفائدہ پہنچنے کا امکان ہو ۔ انھوں نے کہا کہ مختلف اقسام کے کینسرمیں سائبر نائف کا استعمال کیا جاتاہے، پورے پاکستان میں تقریبا اس کے 75 سے 78 یونٹ ہیں لیکن پورے پاکستان میں اس علاج کے لیے 440یونٹ ہونے چاہیے۔ خیال رہے سائبر نائف روباٹک ریڈیالاجی یونٹ دنیا کے کئی ترقی یافتہ ممالک میں نایاب ہے اور صرف تین سو پچاس کے قریب یونٹ دنیا کے مختلف ممالک میں موجود ہیں اور پاکستان میں سندھ واحد صوبہ ہے جہاں کینسر کے علاج کے لیے سائبر نائف روباٹک سرجری کی سہولت موجود ہے۔ دنیا کے کسی ملک میں سائبر نائف روباٹک کے زریعے علاج مفت نہیں کیاجاتا اور مریض سے نوے ہزار سے ایک لاکھ بیس ڈالر تک وصول کیے جاتے ہیں۔

بلاول زرداری کی پریس کانفرنس پر پی ٹی آئی رہنماء خرم شير زمان کا بیان.
پی ڈی ایم ہو یا شیخ مجیب پی پی نے ہمیشہ اپنے خاندان کا مفاد سوچا، اگر آمر بلاول کے نانا کو گود نہ لیتے تو ملک کے یہ حالات نہ ہوتے، چند اضلاع کی جماعت کےچیئرمین کی باتیں سنجیدہ نہیں لیتے بینظیر اور میر مرتضیٰ کے قاتل بلاول زرداری اپنے گھر میں ڈھونڈیں، زرداری حکومت نے بینظیر کے قاتلوں کو بڑے عہدوں پر ترقیاں دی، بلاول کے والد آمریکا میں ڈو مور کا مطالبات کرتے رہے ہیں،بلاول کے بڑے اسامہ بن لادن سے فنڈنگ اور اسرائیل کو تسلیم کرنے کے جتن کرتے رہے ہیں، وزیراعظم نے کشمیر کا سفیر بن کر دنیا بھر کی توجہ کشمیر کی طرف مرکوز کرائی، پوری دنیا میں آج مسئلہ کشمیر پر بات ہورہی ہے، ملکی معیشت بھٹو دور کے بعد پہلی دفعہ درست سمت میں جارہی ہے، وزیراعظم عمران خان آج لوگوں کو حقیقی طور روٹی کپڑا اور مکان فراہم کررہے ہیں،
ملک ترقی کی راہ پر گامزن ہے، پی پی کی سازشیں ان کا ورثہ ہیں، این آر او کے لیے الٹے لٹک جائیں لیکن انہیں این آر او نہیں ملے گا، قوم ان دو نمبر سیاسی جماعتوں کو اچھی طرح پہچان چکی ہے، عمران خان کی قیادت میں ملک ترقی کی راہ پر گامزن رہے گا انشاء اللہ سازشیں ناکام ہونگی،