Category: کراچی

جمعیت علماء اسلام صوبہ سندھ کے امیر پیر قاری عبد المنا ن انور نقشبندی جمعیت علماء اسلام کے مرکزی ڈپٹی جنرل سیکٹری حافظ احمد علی نے اپنے ایک بیان میںکہا ہے کہ عاشقان مصطفی کو گولیوں سے بھونا گیا ہے سیکڑوں عاشق مصطفی شہید کردیے گئے ہیں جمعیت علماء اسلام س نے ہمیشہ اسلام کی بات کی ہے اللہ کی دھرتی پر اللہ کے نظا م کی بات کی ہے حکومت کے وزیروں نے پہلے ٹی ایل پی سے مذاکرات کئے اور معاہدے کئے اس کے بعد ان کے خلاف آپریشن کیا گیا حکومت اس مسئلہ کو افھام اور تفھیم اور علماء اکرام کے مشورے سے حل کرسکتی تھی لیکن حکومت کی ھڑ دھرمی نے سینکڑوں مسلمانوں کی جانیں لیں ،حکومت وقت شہداء اور زخمیوں کی ہر طرح سے معاونت کرے ،جن وزراء نے معاہدے کئے اور شیخ رشید کو برطرف کرکے شہداء کے قاتل کی ایف ائی آر شیخ رشید پر کاٹی جائے ،جمعیت علماء اسلام نے ہمیشہ اتحاد امت کی بات کی ہے اور ان کافروں کو اور یہودیوں کے خلاف اور ان کے الہ کار کے خلاف علم جہاد بلند کیا ہے حتی کے قائد جمعیت مولانا سمیع الحق کو اسی سال کی ضعیف العمر میں ناموس رسالت کی پاداش میں شہید کردیا گیا ، حضور سرور کونینؐ کی شان میں گستاخی کسی صورت برداشت نہیں کرسکتے ،اس وقت پوری دنیا کے مسلمان سرآپا احتجاج ہیں ،فرانس اس طرح کی بے ہودہ حرکتیں کر کے دنیا کا امن تباہ کرنا چاہتاہے ، عالمی تنظیموں نے اگر ملکر اس گستاخی کا نوٹس نا لیا توپورا عالم اسلام اس گستاخی پر خاموش نہیں بیٹھے گا ،اسلام تمام مذاہب سے تعلق رکھنے والے افراد کو جن کی وہ پرستش کرتے ہیں انہیں برا بھلا کہنے سے منع کرتا ہے ،آپ ؐ کا ارشاد ہے اگر تم ان کے باطل خدا کو برا بھلا کہو گے تو وہ تمھارے سچے خدا کو جھٹلائیں گے ،مسلم حکمران غیر ت ایمانی کا ثبوت دیں ،اور فرانس میں ہونے والی گستاخی کا منہ توڑ جواب دیں کہ آئندہ کسی کو اس قسم کی حرکت کرنے کا خیال بھی دل دماغ میں نا آسکے ،مسلم حکمران اور امت مسلمہ آقا کی ناموس اور آقا دو جہان کی عزت توقیر کے لئے میدان عمل میں نکلیں اگر مسلمان آقا کی ناموس پر پہرا نہیں دے سکتے تو اپنے ایمان کی خیر منائیں ۔
اس موقع پرجمعیت علماء اسلام سندھ کے امیر پیر عبدالمنان انورنقشبندی سیکٹری اطلاعا ت مفتی عابد ،جمعیت علماء اسلام کراچی سرپرست اعلی ٰ پیر لیاقت علی شاہ ، جنرل سیکٹری علامہ مولاناحماد مدنی ، صاحب زادہ غلام مصطفی فاروقی اور دیگر رہنمائوں نے بھی فرانس میں ہونے والی گستاخی کی شدید الفاظ میں مذمت کی ہے ۔

تفصیلات کے مطابق 21اپریل بروز بدھ 5بجے شام منعقدہونیوالے جلسہ عام بسلسلہ حق دو کراچی مہم ضلع شمالی سندھی ہوٹل نیوکراچی پرہونے والے عظیم الشان جلسہ عام کی تیاریاں عروج پر پہنچ گئی ہیں پورے علاقے میں بینرز،ر جنڈے آویزاںاور ہیڈزبل کی تقسیم،جماعت اسلامی ضلع شمالی کے رہنمائوں نے مختلف علاقوں نارتھ کراچی،نیوکراچی،سرجانی ٹائون،گلشن معمار،احسن آباد،گجرو،تیسرٹائون اورگڈاپ کا دورہ کرکے مختلف برادریوںکے معزین سے ملاقاتیں کر کے انہیں جلسے میں شرکت کی دعوت دی،برادریوں نے جلسہ عام میں بھرپور شرکت کی یقین دیانی کرائی،جبکہ امیر جماعت اسلامی ضلع شمالی محمد یوسف نے سندھی ہوٹل میںجلسہ گاہ کادورہ کیا اس موقع پر ڈپٹی سیکریٹری فیصل جمیل ،سیکریٹری اطلاعات نیک محمد،چیئرمین لیگل ایڈپبلک ایڈکمیٹی ذکرالرحمن،جنرل سیکریٹری غضنفر علی،وائس چیئرمین لیگل ایڈاور کارکنان موجود تھے۔
امیر ضلع شمالی نے کہا کہ جلسہ مستقبل کے لیے روشنی کی کرن ثابت ہوگاجلسے میں لوگوں کی بہت بڑی تعداد شرکت کریگی۔جلسے سے امیر جماعت اسلامی کراچی حافظ نعیم الرحمن ،امیرجماعت اسلامی ضلع شمالی محمد یوسف ودیگررہنماں خطاب کریں گے۔

مورخہ 19 اپریل 2021 کی ہڑتال پر پاک سرزمین پارٹی کے چیئرمین سید مصطفیٰ کمال نے کہا کہ پاک سر زمین پارٹی پاسدارِ ناموس رسالت ﷺ ہے اور موجودہ صورتحال کو شدید تشویش کی نگاہ سے دیکھتی ہے۔ امن و امان برقرار رکھنے کی زمہ داری حکومت وقت پر عائد ہوتی ہے۔ پاک سر زمین پارٹی حکومت اور مظاہرین سے پرزور اپیل کرتی ہے کہ ماہ رمضان کے مقدس مہینے کی حرمت کا خیال رکھیں اور دونوں جانب سے دانشمندی کا مظاہرہ کیا جائے۔ حکومت اہم وفاقی وزراء اور علماء کرام کے ہمراہ مظاہرین سے مذاکرات کریں اور حالات کی بہتری کے لیے کام کریں۔ مصطفیٰ کمال نے مزید کہا کہ خاتم النبیین ﷺ کا احترام تمام مسلمانوں کے ایمان کا بنیادی جزو ہے۔ اقوام عالم عالمی پائیدار امن کے لیے اس بات کو یقینی بنائے کہ آزادی اظہارِ رائے کی آڑ میں مذہبی جذبات کو ٹھیس پہنچا کر دہشتگردی نہ کی جائے۔ سید مصطفیٰ کمال نے شہید ہونے والے پولیس اہلکاروں اور مظاہرین کی مغفرت، درجات کی بلندی اور لواحقین کے لیے صبر جمیل کی دعا کرتے ہوئے حکومت وقت سے تمام شہداء کے لواحقین کے لیے مالی معاونت کا بھی مطالبہ کیا۔

کراچی کے حلقہ این اے 249میں ضمنی الیکشن سے پہلے ضابطہ اخلاق کی خلاف ورزیوں کا سلسلہ نہ تھم سکا، امجد آفریدی کی مہم میں حصہ لینے پر الیکشن کمیشن نے پی ٹی آئی کے ارکان سندھ اسمبلی حلیم عادل شیخ اور ملک شہزاد اعوان کو نوٹس جاری کر دیئے جبکہ پیپلزپارٹی کے رکن سندھ اسمبلی نوید انتھونی کو بھی وارننگ جاری کردی گئی ۔ کراچی میں قومی اسمبلی کے حلقہ این اے 249 میں ضمنی الیکشن سے پہلے انتخابی ضابطہ اخلاق کی خلاف ورزیوں کا سلسلہ نہ تھم سکا اس بار تنازع کی وجہ بنے سندھ اسمبلی میں اپوزیشن لیڈر حلیم عادل شیخ جو قواعد کی خلاف ورزی کرتے ہوئے پی ٹی آئی امیدوار امجد آفریدی کی انتخابی مہم کے چلانے حلقے میں پہنچ گئے ۔ انتخابی قواعد کی خلاف ورزی پر الیکشن کمیشن ایک بار پھر حرکت میں آیا اور پی ٹی آئی کے ارکان سندھ اسمبلی حلیم عادل شیخ اور ملک شہزاد اعوان کو وارننگ لیٹر ز جاری کردیئے جبکہ پیپلزپارٹی کے امیدوار قادرخان مندوخیل کی انتخابی مہم میں حصہ لینے پر رکن سندھ اسمبلی نوید انتھونی کو بھی وارننگ لیٹر دیدیا ہے ۔اس سے پہلے الیکشن کمیشن نے ضابطہ اخلاق کی خلاف ورزی پر پی ٹی آئی کے سینیٹر فیصل واوڈا کو حلقے سے نکالنے کا حکم بھی دیا تھا اور خود امجد آفریدی بھی تین نوٹس وصول کرچکے ہیں۔

وزیراعلیٰ سندھ سید مراد علی شاہ نے کورونا وائرس کی صورتحال سے متعلق بیان میں کہا کہ گزشتہ 24 گھنٹوں میں 14109 نمونوں کی جانچ کی گئی۔ جس کے نتیجے میں مزید 737 نئے کیسز رپورٹ ہوئے۔گزشتہ 24 گھنٹوں میں 3 اموات رپورٹ ہوئیں۔ اس طرح صوبے میں اموات کی مجموعی تعداد 4556 ہوچکی ہے۔انھوں نے کہا کہ آج مزید 351 مریض صحتیاب ہوئے ہیں، اس طرح صحتیاب افراد کی مجموعی تعداد 260679 ہوچکی ہے۔انھوں نے کہا کہ اب تک 3487616 نمونوں کی جانچ کی جاچکی ہے۔ اور اب تک 273465 کیسز رپورٹ ہوچکے ہیں۔ اس وقت 8230 مریض زیر علاج ہیں۔ جن میں سے 7818 گھروں میں، 9 آئسولیشن سینٹرز میں اور 403 مریض مختلف اسپتالوں میں زیر علاج ہیں۔ جبکہ 372 مریضوں کی حالت تشویشناک بتائی گئی ہے اور 42 مریض وینٹی لیٹرز پر ہیں۔انھوں نے کہا کہ صوبے کے 737 نئے کیسز میں سے 398 کا تعلق کراچی سے ہے۔ جن میں ضلع شرقی 227، ضلع جنوبی 87، ملیر 57، کورنگی 17، ضلع وسطی 8 اور ضلع غربی سے 2 نئے کیسز رپورٹ ہوئے ہیں۔دیگر اضلاع میں حیدرآباد 102، شکارپور 58، لاڑکانہ 39، قمبر 15، ٹھٹھہ 13، مٹیاری، شہید بے نظیر آباد اور نوشہروفیروز12۔12، سجاول 11، گھوٹکی اور ٹنڈو الہیار 9 ۔ 9، دادو اور جیکب آباد 8 ۔ 8، بدین اور جامشورو7۔7، ٹنڈو محمد خان 5، خیرپور، سکھر اور میرپور خاص 3۔3، سانگھڑ 2 اور عمرکوٹ سے 1 نیا کیس سامنے آیا ہے۔

پی پی پی شعبہ خواتین کی مرکزی صدر و ایم پی اے فریال تالپور نے ویکسین کی دوسری خوراک لگوالی فریال تالپور نے محکمہ صحت کی جانب سے کراچی آرٹس کاوَنسل میں قائم ویکسینیشن سینٹر پہنچ کر ویکسینیشن کروائی کووڈ-19 سے بچاوَ کی ویکسین کا پہلی خوراک گذشتہ ماہ 29 مارچ کو لگوائی تھی عوام کو اپیل ہے، کرونا وائرس سے بچاوَ کی احتیاطی تدابیر پر عمل کری۔

50 سال سے زائد عمر کے شہری ویکسینیشن کروائیں، جو مفت فراہم کی جارہی ہے۔ عوام ویکسینیشن کے متعلق افواہوں پر توجہ نہ دیں، اپنی، اپنے اہلخانہ اور گردونواح کے لوگوں کی صحت کا خیال رکھیں۔ اس موقعے پر صوبائی وزیر سہیل انور سیال، ایم پی ایز قاسم سراج سومرو اور سعدیہ جاوید، اور کراچی آرٹس کاوَنسل کے صدر احمد شاہ بھی موجود تھے۔