Category: کراچی

کراچی پولیس چیف نے بڑھتے ہوئے جرائم کے اعداد و شمار کو قیاس آرائی قرار دیتے ہوئے کہا ہے کہ پہلے کرائم رپورٹ نہیں ہوتے تھے اب سی پی ایل سی میں 98 فیصد جرائم رجسٹرڈ ہورہے ہیں، جن سے لگتا ہے جرائم بڑھ گئے۔فیڈرل بی ایریا ٹریڈ اینڈ انڈسٹری ایسوسی ایشن کے دفتر میں منعقدہ تقریب سے خطاب میں اظہار خیال کرتے ہوئے تقریب کے مہمان خصوصی ایڈیشل آئی کراچی غلام میمن نے کہا کہ عوام اور پولیس ایک پلیٹ فارم پر ہونگے تب ہی جرائم پر قابو پایا جاسکتا ہے اور مجرموں کو سزا بھی ہوگی۔ انہوں نے کہا کہ فیڈرل بی ایریا ٹریڈ اینڈ انڈسٹری ایسوسی ایشن کی جانب سے پولیس گشت میں اضافے کے لیئے دو موٹرسائیکلیں بھی فراہم کر دی گئی ہیں علاقے میں کیمرے بھی لگائے جا رہے ہیں۔ غلام نبی میمن نے غیر قانونی بس اڈوں کی موجودگی سے ٹریفک روانی متاثر ہونے پر پولیس افسران پر برہمی کا اظہار بھی کیا۔

کراچی: پاکستان تحریک انصاف کے رہنماء و معروف کاروباری شخصیت سمیر میر شیخ نے کہا کہ پی ڈی ایم کی کشتی اپنے بھنورمیں پھنسی ہے جلد ڈوب جائے گی۔ عوام جان گئے یہ جعلی اتحاد ذاتی مفادات کو پورا کرنے کیلئے تھا تاریخ گواہ ہے بیگم صفدر نے جس کام میں حصہ لیا اس کا انجام بھیانک ثابت ہوا مریم اپنے مفرور بابا کیلئے سیاسی مہروں کی طرح پی ڈی ایم کی جماعتوں کو استعمال کررہی ہیں پی پی چئیرمین بلاول زرداری نے استعفوں پر مریم کے ارمانوں پر پانی پھیرا اور سینیٹ میں یوسف رضا گیلانی کو اپوزیشن لیڈر بنوادیا، سیاسی بہن بھائی وزیراعظم عمران خان کی حکومت گرانے چلے تھے اور آخر میں خود ہی لڑپڑے انہوں نے مزید کہا کہ پی ڈی ایم کا این آر او کا خواب صرف خواب بن کر رہ چکا ہے، یہ جعلی استعفے اور شوکاز نے عوام کا بہت قیمتی وقت ضائع کیا ہے،پیپلرزپارٹی اور ن لیگ میں سیاسی اداکاروں کی کوئی کمی نہیں پاکستان کو دیمک کی طرح کھوکلا کرنے والے آج ایک دوسرے سے گلے شکوے کررہے ہیں پی ڈی ایم نے جب جب بڑے دعوے کیے ہر بار انہوں نے منہ کی کھائی ہے، بلاول اور مریم اپنے بڑوں کی روایت قائم کیے ہوئے ہیں یہ ایک دوسرے سے کبھی مخلص نہیں ہوں گے پی ڈی ایم کی منفی سوچ کو عوام مسترد کرچکے ہیں بلاول زداری اور مریم کی اپنی کوئی پہچان نہیں ہے، پاکستانی عوام باشعور ہیں قوم وزیراعظم عمران خان کے ساتھ ہیں عوام جانتے ہیں عمران خان کے اقتدار کے پیچھے 22 سالہ جدوجہد ہے عمران خان اپنی عوام کو چھوڑکر کبھی غیر ملک میں پناہ نہیں لیں گے عمران خان پاکستان کی ترقی میں اپنا بہترین کردار ادا کررہے ہیں۔

کراچی میں بدین تھانے پر حملے کے کیس میں ذوالفقار مزرا سمیت مقدمے میں نامزد تمام ملزمان بری کو بری کردیا گیا۔ میڈیا سے گفتگو میں سابق وزیر داخلہ کا کہنا تھا کہ پیپلز پارٹی نے ذاتی دشمنی میں مقدمہ بنایا لیکن پاکستان میں ابھی تک انصاف قائم ہے۔انسداد دہشتگردی عدالت میں سابق صوبائی وزیر داخلہ ذوالفقار مرزا اور شریک ملزمان کے خلاف بدین تھانے پر حملے سے متعلق کیس کی سماعت ہوئی۔ ہفتے کے روز محفوظ کئے جانے والا فیصلہ عدالت نے آج سنا دیا۔ عدالت نے ذوالفقار مرزا سمیت مقدمے میں نامزد مرتضیٰ میمن، میر عبداللہ تالپور ،مختیار ملک اختر، غلام محمد، ریاض، اشرف فدا حسین، خدا بخش، عبدالقادر، نواز علی سمیت 54ملزمان کو بھی بری کردیا گیا۔بعد ازاں میڈیا سے گفتگو میں ڈاکٹر زوالفقار نےمرزا نے کہا کہ پیپلز پارٹی نے ذاتی دشمنی میں مقدمہ بنایا ہمیں شیشے توڑنے کی سزا دی گئی ہے پاکستان میں ابھی تک انصاف قائم ہے۔ اپوزیشن الائنز کے حوالے زوالفقار مرزا کا کہنا تھا کہ پی ڈی ایم ختم ہوچکی ہے مرسوں مرسوں سندھ نہ ڈیسوں کے نعرے لگانے والے لیڈران سے زیادہ سندھ کے عوام کا احساس وزیر اعظم کو ہے۔زوالفقار مرزا سمیت دیگر 54 افراد پر چھ سال قبل 2015 میں بدین تھانے پر حملہ، ہنگامہ آرائی جلاو گھیراو کی دفعات کے تحت مقدمہ درج کیا گیا تھا۔

این اے 249 پر تحریک انصاف کی جانب سے الیکشن مہم جاری، امیدوار امجد آفریدی کا بلدیہ کے مختلف علاقوں کا دورہ، جلسوں سے خطاب بلدیہ کے شہداء کا بدلہ عوام ان قاتلوں سے الیکشن میں لے گی۔ شہر کراچی کو تباہ کرنے والے آج حلقے کے مسیحا بن رہے ہیں۔ فیصل واوڈا نے منتخب ہوکر بلدیہ کی عوام کے مسائل پر کام کیا۔ہماری حکومت نے بلدیہ میں 16691 خاندانوں کو احساس پروگرام کے تحت کیش فراہم کیا۔ وفاقی حکومت نے اب تک 30 ہزار سے زائد لوگوں کی رجسٹریشن بلدیہ سے کی ہے۔ احساس کیش پروگرام کا دائرہ مزید بڑھایا جارہا ہے۔ وفاقی حکومت پورے صوبے کو مفت صحت کی سہولت دینا چاہتی ہے۔ پیپلزپارٹی نے کراچی کی عوام کو صحت کی سہولیات کی مخالفت کی۔ آج پورے کراچی میں وفاقی حکومت ترقیاتی کام کروا رہی ہے۔ ہم جھوٹے وعدے نہیں عوام کی خدمت کا جذبہ لیکر آئے ہیں۔

پی ٹی آئی سینئر رہنماء فردوس شمیم نقوی کا گلشن 13 سی یوٹیلیٹی اسٹور کا دورہ، فردوس شمیم نقوی کی یوٹیلیٹی اسٹورز پر موجود انتظامیہ اور لوگوں سے ملاقات کی ،فردوس شمیم نقوی کی یوٹیلیٹی اسٹورز پر اشیاء خوردونوش کی قیمتوں پر تسلی و اطمینان کا اظہار عوام کی لمبی قطاریں حکومتی اقدامات کی گواہی دے رہی ہیں، اشیاء خوردونوش کی قیمتوں میں کمی کیلئے حکومتی اقدامات بہترین ہیں، چینی آٹے و دیگر اشیاء کے ٹرک کی آمد کا سلسلہ جاری و ساری ہے،عوام سے گزارش ہے حکومت کی اس سبسڈی کا زیادہ سے زیادہ فائدہ اٹھائے۔ یوٹیلیٹی اسکیم بلخصوص غریب اور متوسط طبقے کیلئے ہے، یوٹیلیٹی انتظامیہ کی کاوشوں پر ان کو سراہتے ہیں، یوٹیلیٹی اسٹورز کے انتظامات میں مزید اصلاحات بھی لائی جائیگی.

کراچی میں سمندری ہوائیں بحال ہوگئیں، گرمی کی شدت میں کمی آنے کا امکان ہے۔محکمہ موسمیات کے مطابق کراچی میں آئندہ دو روز کے دوران موسم گرم اور مرطوب رہنے کا امکان ہے، آج درجہ حرارت 36سے 38 ڈگری کے درمیان رہنے کا امکان ہے۔منگل کو درجہ حرارت 34 سے 36 ڈگری کے درمیان رہنے کا امکان ہے جبکہ بدھ کو درجہ حرارت 33 سے 35 ڈگری کے درمیان رہ سکتا ہے۔شہر قائد میں صبح کے وقت ہوا میں نمی کا تناسب 70سے80 فیصد جبکہ شام میں ہوا میں نمی کا تناسب 40 سے 50 فیصد کے درمیان رہ سکتا ہے۔رمضان کے پہلے عشرے کے دوران ہیٹ ویو آنے کا امکان نہیں۔

پیپلزپارٹی کی سینٹرل ایگزیکٹو کمیٹی کا اجلاس دوسرے روز بھی جاری ہے۔پی پی قیادت نے شوکاز نوٹس پر پی ڈی ایم کی اسٹیئرنگ کمیٹی سے مستعفی ہونے کا فیصلہ کیا ہے۔پیپلز پارٹی نے سی ای سی میں موقف اپنایا ہے کہ شوکاز نوٹس دے کر اپوزیشن اتحاد کو ناقابل تلافی نقصان پہنچانے کی دانستہ کوشش کی گئی ہے۔سی ای سی اجلاس میں کہا گیا کہ پی ڈی ایم کوفعال رکھناہے تو پیپلزپارٹی اور اے این پی سے معافی مانگی جائے، اہم فیصلوں کااعلان بلاول بھٹو پریس کانفرنس میں کریں گے۔گزشتہ روز بھی بلاول ہاؤس کراچی میں پیپلز پارٹی کی مرکزی مجلس عاملہ کا اجلاس کئی گھنٹے جاری رہا۔اجلاس کے ایجنڈے میں پی ڈی ایم میں پیپلز پارٹی کے مستقبل اور استعفوں کا معاملہ خصوصی طور پر زیر بحث رہا۔بلاول بھٹو زرداری نے شاہد خاقان عباسی کی جانب سے جاری پی ڈی ایم کا شوکاز نوٹس پڑھ کر سنایا اور جذبات میں آئے اور نوٹس پھاڑ دیا تھا۔جواب میں مرکزی مجلس عاملہ کے سینیئر ارکان نے تالیاں بجا کر حوصلہ افزائی کی۔ذرائع کے مطابق اجلاس میں یوسف رضا گیلانی نے بھی پی ڈی ایم رہنماؤں کے بیانات کا شکوہ کیا اور اپوزیشن کے عہدے سے استعفے کی بھی پیش کش کی تھی۔

کراچی: بلال کالونی میں واقع کپڑے کی فیکٹری میں آتشزدگی کا واقعہ،آگ پر قابو پالیا گیا جبکہ جمشید کوارٹر میں تھانے کے سامنے کھڑی دس سے زائد گاڑیاں آگ لگنے کے باعث جل گئی ہیں۔ گاڑیوں،رکشے اورموٹرسائیکلوں میں لگنےوالی آگ پرفائر بریگیڈ کی ایک گاڑی نے آدھے گھنٹے میں قابو پایا۔ حکام کےمطابق تاحال گاڑیوں میں لگنے والی آگ کی وجہ معلوم نہیں ہو سکی۔ ادھر کورنگی بلال کالونی میں کپڑے کی فیکڑی میں لگنےوالی آگ پربھی پالیا گیا، فائر بریگیڈ کی دوگاڑیوں نے ّآگ پر قابو پایا۔واقعے میں فیکٹری میں موجود تمام تر سامان جل کر خاکستر ہوگیا۔ خوش قسمتی سے دونوں واقعات میں کوئی جانی نقصان نہیں ہوا۔

سندھ ہائی کورٹ میں لاپتہ افراد کی بازیابی سے متعلق درخواستوں پر سماعت آج عمل میں آئی۔
باغی ٹی وی کی رپورٹ کے مطابق 4 سال سے لاپتہ نور زمان کی عدم بازیابی پر عدالت برہم ہو گئی۔نور زمان کو لاپتہ ہوئے 4 سسال کا عرصہ گزر چکا ہے مگر ابھی تک اس کا کوئی پتہ نہیں چل سکا۔جس پرعدالت نے ایس پی انویسٹی گیشن کی سرزنش کرتے ہوئے استفسار کیا کہ اتنے سال ہوگئے کیا پیشرفت ہوئی؟ عدالت نےآئندہ ڈی جی نادرا طلب کرنے کااور ساتھ ہی وزارت داخلہ کو رپورٹ جمع کرانے کا حکم دے دیاہے۔عدالت نے کیس کی سماعت 25 فروری تک ملتوی کردی۔

پاکستان پیپلزپارٹی کی سینٹرل ایگزیکٹو کمیٹی کا بلاول ہاؤس میں آج دوسرے روز بھی اجلاس ​سی ای سی اجلاس میں پی ٹی آئی ایم ایف ڈیل کے ملکی معیشت پر اثرات اور اسٹیٹ بینک آرڈیننس کے حوالے سے مؤقف پر غور کیا جائے گا۔پاکستان پیپلزپارٹی کی سینٹرل ایگزیکٹو کمیٹی کے اجلاس میں کشمیر پر پی ٹی آئی کی کنفیوژڈ پالیسی پر ردعمل کے لئے حکمت عملی طے کی جاے گی۔ مشترکہ مفادات کونسل کے آج کے اجلاس کے حوالے سے سی ای سی کے شرکاء کی گائیڈلائنز وزیراعلی سندھ کو دے دی گئیں. ​پاکستان پیپلزپارٹی کے سی ای سی اجلاس میں پی ڈی ایم کی جانب سے استعفوں کی تجویز کے معاملے پر مؤقف کو حتمی شکل دینے پر گفتگو ہوگی۔ ​سی ای سی اجلاس میں مستقبل میں حکومت مخالف مہم کے لائحہ عمل کو بھی حتمی شکل دی گی۔