پی ٹی آئی رہنماء و رکن سندھ اسمبلی خرم شیر زمان نے کہا پنجاب حکومت کی جانب سے شفاف انتخابات اچھا عمل ہے، خرم شیر زمان کہتے ہیں ڈسکہ میں الیکشن کمیشن کا کردار ہمیشہ کی طرح مشکوک رہا، الیکشن کمیشن کے قوانین صرف تحریک انصاف کے لیے ہیں،پی ٹی آئی رہنماء خرم شیر زمان نے مزید کہا ڈسکہ کا الیکشن تحریک انصاف اکثریت سے جیتے گی، ن لیگ کی جانب سے پرامن ماحول کو خراب کرنے کی کوششیں کی گئی، وزیراعظم نے آزاد اداروں کا اپنا وعدہ پورا کیا.
Category: کراچی
-
کراچی والوں کے لیے اچھی خبر،حلیم عادل شیخ نےیوٹیلٹی اسٹور پر رمضان رلیف پیکیج کا افتتاح کر ڈالا
قائد حزب اختلاف حلیم عادل شیخ نےگلشن 13 میں یوٹیلٹی اسٹور پر رمضان رلیف پیکیج کا افتتاح کیارکن سندھ اسمبلی ارسلان تاج، پی ٹی آئی ایسٹ کے صدر امجد جاھ سمیت دیگر رہنما بھی شریک تھے۔ رمضان رلیف پیکیج 2021 میں وفاق نے عوام کو مکمل رلیف فراہم کیا ہے تمام اشیاء خوردنوش میں مارکیٹ عوام کو مکمل رلیف فراہم کیا گیا ہے، آٹا، چینی، گھی، پتی، دالیں چاول سمیت دیگر اشیاء پر حکومت سبسیڈی فراہم کر رہی ہے رمضان کے پورے مہینے میں تمام یوٹیلیٹی اسٹور کھلے رہیں گے، کمشنر کراچی عام دکانوں پر پرائز کنٹرول کرنے میں ناکام ہیں، سندھ حکومت کی نااہلی کی وجہ سے مافیہ قیمتوں کو رمضان میں آسمانوں تک لے جاتا ہے، 8 ارب روپے کو وزیر اعظم نے عوام کو ماہ رمضان کے لئے خصوصی پیکیج دیا ہے.
-
کراچی کے ملیر میمن گوٹھ میں 13 سالہ لڑکی سے مبینہ زیادتی،4 ملزمان گرفتار
کراچی:ملیر میمن گوٹھ میں 13 سالہ لڑکی سے مبینہ زیادتی کا واقعہ ۔واقعے مقدمے میں نامزد چاروں ملزم گرفتار کر لیے گئے، ملزموں میں عدیل، مزمل، سبحان اور عارض شامل ،عمریں 14 سے 15 سال ہیں،متاثرہ لڑکی سےمبینہ زیادتی کا واقعہ جنوری میں پیش آیاتھا،مقدمے میں نامزد ملزموں نے لڑکی کی ویڈیو بھی بنائی تھی، ویڈیو وائرل ہونے پر لڑکی کے اہل خانہ کو واقعہ کا علم ہوا،ویڈیو وائرل ہونے پر پولیس نے خود اہل خانہ کو تلاش کیا، اہل خانہ سے درخواست کر کےواقعے کا مقدمہ درج کیا گیا،مقدمہ متاثرہ لڑکی کے والد کی مدعیت میں درج ہوا ہے، مقدمے میں دھمکی، زیادتی اور دھمکی کی دفعات لگائی گئی ہیں۔
-
یاسر حسین کی پوسٹ پر عظیم خان کا ردعمل
کراچی: اداکارہ صبا قمر سے شادی کرنے اور پھر شادی سے انکار کے باعث خبروں کی زینت بننے والے بلاگر عظیم خان اداکار و میزبان یاسر حسین پر برس پڑے۔ صبا قمر کے شادی سے انکار کے اعلان کے بعد یاسر حسین نے انہیں حوصلہ دیتے ہوئے کہا تھا کہ صبا قمر جتنی خود مضبوط ہیں وہ ایسے ہی مرد کی حقدار ہیں۔ ساتھ ہی یاسر حسین نے مضبوط اور طاقتور مرد کی خصوصیت بتاتے ہوئے کہا تھا کہ یہ یاد رکھنا کہ مرد اپنی دداڑھی مونچھ سے نہیں بلکہ اپنی سوچ اور ایمانداری سے مرد بنتا ہے۔ اداکار کے کئی دن پہلے دیے گئے بیان پر گزشتہ روز غم و غصے کا اظہار کرتے ہوئے عظیم خان نے کہا کہ داڑھی مونچھ رکھنے سے واقعی کوئی مرد نہیں بنتا، پر ہر بات میں بولنا بھی مردانہ عادت نہیں ہے۔ آسٹریلوی بلاگر نے یہ بھی لکھا کہ کبھی ارطغرل میں مسئلے ہیں، کبھی باہر والوں کے پاکستان آکر کام کرنے سے مسئلے ہیں، مردوں کی سب سے اچھی فطرت میں ایک یہ بھی ہے کہ وہ پھپھو والے کام نہیں کرتے۔ یاد رہے کہ صبا قمر نے سوشل میڈیا پلیٹ فارم انسٹا گرام پر ایک نوٹ شیئر کرتے ہوئے عظیم خان سے شادی کے فیصلے کو واپس لینے کا اعلان کیا تھا۔
-
کیا میں استعمال کی چیز ہوں؟خودکشی کرنے والی خاتون کا بیان سامنے آ گیا
خاتون کا بلیک میلنگ سےتنگ آکر خودکشی کرنے کا معاملہ مجسٹریٹ عدالت وسطی میں درج کیا گیا۔پولیس نے وقاص سمیت تین ملزمان کو عدالت میں پیش کردیاعدالت نے مرکزی ملزم وقاص سمیت دو اورملزمان کو دو روزہ جسمانی ریمانڈ پر پولیس کے حوالےکردیاتین ملزمان مفرور ہیں، ان کی گرفتاری کیلئے چھاپے مارے جارہےہیں،تفتیشی افسر کے مطابق خاتون نے دوست کو روتے ہوئے میسجز کیے اور ملزمان کے نام بتائے، اور کیا کہ مجھے ہراساں اور بلیک میل کیا جارہا ہے،محلے کے بہت سے لڑکے ہیں جو مجھے پریشان اور ہراساں کررہے ہیں، مجھے بہت تنگ کرکے رکھ دیا اب تو حد ہوگئی ہے،وقاص نے مجھے 4 مہینے سے تنگ کرنا شروع کردیا تھا،وقاص مجھے ڈرا رہا تھا، دھمکا رہا تھااور ہراساں کررہاتھا،میں جاب کیلئے نکلتی تھی تو وہ میرا راستہ روکتا تھا،کہتا تھا تم نے میری بات نہیں سنی تو میں کچھ بھی کرسکتاہوں،وہ بچوں کو نقصان پہنچانے کا کہتا تھا میں ڈرتی تھی، پریشان ہوتی تھی،اس نے زبردستی مجھ سے نکاح کیا مجھے نہیں پتہ وہ اصلی ہے یا نقلی،نکاح نامہ اس کے پاس ہے اس نے کہا میں تہمارا شوہر ہوں تمہارا خیال رکھوں گا،اس نے میری وڈیو بنائی اور پھر وڈیو وائرل کردی،اس نے اپنے دوستوں کو محلے کے تین چار لڑکوں کو دکھائی ہے،اتنا بڑا دھوکہ فریب میرے ساتھ،خاتون آڈیو میسیج کرتے ہوئے روئے چلی جارہی تھی. اس کا کہنا تھا کہ میں کیا کوئی استعمال کی چیز تھی جو میرے ساتھ اس طرح سے کیا گیا.
-
حکومت ہر شہری کو مفت کورونا ویکسین فراہم کرے،رحمان ملک
سابق وزیر داخلہ سینیٹر رحمان ملک کا حکومت سے ملک کے ہر شہری کو مفت کورونا ویکسین فراہم کرنے کی اپیل،حکومت ہر شہری کو مفت کورونا ویکسین فراہم کرے، عوام سے اپیل ہے کہ ایس او پیز پر سختی سے عمل کریں، ہر شہری پر فرض ہے کہ ماسک پہنیں ، اجتماعات سے اجتناب کریں اور معاشرتی فاصلہ برقرار رکھیں، ایس او پیز پر عمل کرنے اور ویکسینیشن سے کورونا کی تیسری لہر کا مقابلہ ممکن ہے، ویکسین کے اخراجات حکومت کو برداشت کرنا ہونگے، زیادہ تر عوام خاندان کو اتنی مہنگی ویکسینیشن برداشت نہیں کر سکتی ہے، بزرگ شہریوں کے علاوہ ، صرف وہی نجی طور پر ویکسین لے رہے ہیں جو قیمت برداشت کرسکتے ہیں، کورونا وائرس کی تیسری لہر نہ صرف پاکستان بلکہ پوری دنیا میں پھیل چکی ہے، پہلے کہ چکا تھا کہ کورونا وائرس کی تیسری لہر اس سے پہلے کی دو لہروں کے مقابلے میں زیادہ مہلک ہہوسکتی.
-
جس نے ووٹ کاسٹ کرنا ہوتا ہے، وہ کرونا کو بھی اہمیت نہیں دیتا۔ شیخ رشید
قکراچی: وفاقی وزیر داخلہ شیخ رشید احمد نے کہا ہے کہ ڈسکہ میں پہلے اتنی بڑی تعداد میں سیکیورٹی نہیں دیکھی، جس نے ووٹ کاسٹ کرنا ہوتا ہے، وہ کرونا کو بھی اہمیت نہیں دیتا۔ خصوصی ٹرانسمیشن میں گفتگو کرتے ہوئے کر رہے تھے، شیخ رشید نے کہا گزشتہ کئی ماہ سے این اے 75 ڈسکہ نہایت اہمیت اختیار کر گیا ہے، 2 افراد کی شہادت کے بعد اس حلقے کو بہت اہمیت ملی، ڈسکہ میں اتنی بڑی تعداد میں سیکیورٹی نہیں دیکھی، یہ واحد حلقہ ہے جہاں اتنی تعداد میں سیکیورٹی اہل کار تعینات ہوئے۔ وفاقی وزیر داخلہ نے کہا الیکشن پُر امن ہو یہ میرے لیے بہت بڑی خبر ہے، دونوں پارٹیاں کہہ رہی ہیں کوئی دھاندلی نہیں ہوئی جو اچھی بات ہے، معاملہ سپریم کورٹ جانے کے بعد پُر امن انتخابات خوش آئند ہیں۔ انھوں نے کہا ٹرن آؤٹ کم ہے تو اس میں کئی وجوہات ہو سکتی ہیں، جس نے ووٹ کاسٹ کرنا ہوتا ہے وہ کرونا کو بھی اہمیت نہیں دیتا، میں اس وقت کراچی میں موجود ہوں اور کوئی شخص ماسک پہنا نظر ہی نہیں آ رہا، خاموش ووٹر بہت بڑے فیصلے خاموشی سے کر جاتے ہیں، بڑی بات ہے کہ جو لوگ شہید ہوئے ان کے رشتے داروں نے ووٹ کاسٹ کیے۔ جعلی ووٹس سے متعلق شیخ رشید کا کہنا تھا ووٹر چار جگہوں سے ہو کر ووٹ کاسٹ کرتا ہے تو وہ جعلی کیسے ہو سکتا ہے، دس بیس جعلی ووٹوں سے الیکشن کو کوئی فرق نہیں پڑتا، نوشین افتخار نے جعلی ووٹوں کا کہا ہے تو معلوم نہیں یہ کیسے کاسٹ ہو جاتے ہیں۔ خیال رہے کہ این اے 75 ڈسکہ میں پولنگ کا عمل پورا ہو چکا ہے اور اب ووٹوں کی گنتی جاری ہے، اے آر وائی نیوز نے اپنی روایت برقرار رکھتے ہوئے سب سے پہلے غیر حتمی غیر سرکاری نتیجہ عوام تک پہنچایا۔
-
سندھ میں کتا مارمہم کے نام پر کروڑوں روپے خرچ، تحقیقات شروع
سندھ میں بلدیاتی اداروں کی جانب سے کتا مارمہم کے نام پر کروڑوں روپے خرچ کئے جانے کی تحقیقات شروع کردی گئیں ، محکمہ بلدیات سندھ تحقیقاتی کمیٹی رپورٹ مرتب کرے گی۔تفصیلات کے مطابق سندھ میں خصوصی مہم میں مارے گئے کتوں کی تعداد ار ان کی نس بندی سے متعلق تحقیقات شروع کردی گئیں ،محکمہ بلدیات سندھ تحقیقاتی کمیٹی رپورٹ مرتب کرے گی۔26مارچ کوبنائی گئی کمیٹی کواب تک مکمل تفصیلات نہیں مل سکیں ، ڈی جی لوکل گورنمنٹ کا کہنا ہے کہ رپورٹ بننے میں ابھی وقت لگےگا۔سندھ کے بلدیاتی اداروں نے کتا مارمہم کے نام پر 6 کروڑ روپے خرچ کیے ، سیکریٹری بلدیات نے ایک لاکھ 97 ہزار799 کتے مارنے کی رپورٹ اعلیٰ حکام کو بھیج دی۔جس میں بتایا گیا ہے کہ کتوں کو مارنے کیلئے 5 کروڑ 97لاکھ 96 ہزار روپے کے کیپسول ،ٹیبلیٹ،بوتلیں خریدی گئیں ،مہم میں کےدوران کراچی میں 11 ہزار 233 کتے مارنے کیلئے 47 لاکھ 48 ہزارروپے خرچ ہوئے۔رپورٹ کے مطابق مہم میں کےدوران حیدرآبادمیں67لاکھ روپے خرچ کر کے 15ہزار کتے اور میرپورخاص میں 32 لاکھ 84 ہزارروپے خرچ کر کے 55 ہزار 355 کتے مارے گئے۔
-
سندھ حکومت کی نااہلی کی وجہ سے سندھ میں جلد آ ٹے کا بحران آ نے والا ہے،حلیم عادل شیخ
قائد حزب اختلاف حلیم عادل شیخ کی سندھ اسمبلی میں پریس کانفرنس:
جس میں انہوں نے سندھ حکومت کو اھرے ہاتھوں لیتے ہوئے کہا کہ سندھ میں سولین ڈکٹیٹر شپ ہے ایک خاندان کی بادشاہت ہے ۔پیپلزپارٹی جمہوریت پر یقین نہیں رکھتی اسمبلی میں پبلک اکاوئنٹس کمیٹٰی میں اپوزیشن کی کوئی نمائندگی نہیں ہے۔4 لاکھ پچاس ہزار سندھ میں بچے غذائی قلت کا شکار ہیں ۔اربوں کا بجٹ بھی ہے لیکن عوام کو سہولیات نہیں ہے ۔سندھ کرونا کا بہانا بنا کر 8 مہینے تک بچوں کو ٹیکے نہیں لگائے گئے ۔آج خسرہ کی وبا سندھ میں پھیل چکی ہے ۔کرونا سے بچائو کی کٹس وفاق دے رہی تھی لیکن پھر بھی انہوں نے کچھ نہیں کیا۔ایک طرف کہا جارہا ہے کہ سندھ کے اسپتال پر وفاق قبضہ کر رہا ہے ۔کراچی سے ٹھٹھہ تک اسپتالیں این جی اوز کو دی جارہی ہیں ۔تاکہ بجٹ این جی اوز کے ذریعے ون ونڈو کے تحت کرپشن کی جائے ۔آج سندھ میں کاشتکار پریشان ہیں 2000 قیمت مقرر کر دی گئی ہے ۔سندھ میں کاشتکاروں کو باردانہ نہیں دیا جارہا ہے ۔آج دوبارہ کاشتکاروں کو پریشان کیا جارہا ہے۔انھوں نے مزید کہا کہ پیپلز پارٹی کے سیٹھ 1600 سے 1700 میں گندم خرید رہے ہیں۔یہی گندم دوبارہ سندھ حکومت 2000 میں خریدے گی ۔دوبارہ سندھ میں آٹے کا بحران آنے والا ہے ۔ہم مطالبہ کرتے ہیں سندھ کے کاشت کاروں کو باردانہ فراہم کیا جائے ۔شکارپور میں جنگل کا قانون ہے آج جیکب آباد میں 6 لوگ قتل ہوگئے ۔اپر سندھ کے افسران تیل چوری میں لگے ہوئے ہیں گندم کی کٹائی پر پیسےلے رہے ہیں ۔ایک خاتون ایس ایچ او نے ساڑے تین من منشیات پکڑی خوشبخت ایس ایچ او ٹالہی کو دوسرے روز ہی معطلل کریا گیا۔میر پور خاص میں ایک ایس ایچ او کے گھر سے چار ارب کی منشیات برآمد کی گئی ہے۔قمبر شہدادکوٹ کے ایک علاقےمیں صحافی کو تشدد کا نشانہ بنایا گیا۔صحافی نے عوام کی آواز بلند کی تھی تشدد کی مزمت کرتے ہیں ۔سندھ میں کرمنل گورنس چل رہی ہے۔سندھ میں پچیس لاکھ کتے موجود ہیں ۔گزشتہ برس 25 افراد کتوں کے کاٹےسے جانبحق ہوگئے ہیں۔ -
ڈاؤ یونیورسٹی میں پاکستان کی تاریخ کا پہلا جگر کا آٹو ٹرانسپلانٹ کر لیا گیا
ڈاؤ یونیورسٹی آف ہیلتھ سائنسز کراچی میں جگر کا پہلا آٹو ٹرانسپلانٹ کر لیا گیا ہے، اس طریقہ علاج میں کینسر سے متاثرہ جگر کو جسم سے نکال کر کینسر کو علیحدہ کیا جاتا ہے اور تباہ ہوجانے والی شریانوں کو مصنوعی شریانوں سے تبدیل کر کے جگر کو واپس جسم میں لگا دیا جاتا ہے۔
بلوچستان کے علاقے ژوب سے تعلق رکھنے والا 28 سالہ مریض صادق شاہ جگر کے کینسر میں مبتلا تھا، پروفیسر ڈاکٹر فیصل ڈار، ڈاکٹر جہانزیب اور ڈاکٹر محمد اقبال اور دیگر ماہرین کی زیر نگرانی مریض کا جگر نکال کر اسے کینسر سے صاف کر کے دوبارہ لگا دیا گیا، مریض مکمل طور پر روبہ صحت ہے۔اس بات کا انکشاف ڈاؤ یونیورسٹی آف ہیلتھ سائنسز کے وائس چانسلر پروفیسر سعید قریشی نے دی نیوز سے خصوصی بات چیت کرتے ہوئے کیا۔ڈاؤ یونیورسٹی آف ہیلتھ سائنسز کے وائس چانسلر پروفیسر سعید قریشی کے مطابق آٹو ٹرانسپورٹ میں مریض کا جگر باہر نکال کر اسے کینسر سے پاک کیا جاتا ہے۔ان کا مزید کہنا تھا کہ آٹو ٹرانسپلانٹ پاکستان کے نامور سرجن پروفیسر فیصل ڈار کی نگرانی میں کیا گیا، مریض کے جگر میں مصنوعی شریانیں ڈال کر جگر واپس لگا دیا گیا۔پروفیسر سعید قریشی نے مزید بتایا کہ دنیا بھر میں اس وقت صرف 20 آٹو ٹرانسپلانٹ ہوئے ہیں، یہ انتہائی حساس آپریشن ہے اور اس میں انتہائی احتیاط اور مہارت کی ضرورت ہوتی ہے۔ان کا کہنا تھا کہ اس سال انہوں نے ڈاؤ میں تین جگر کے ٹرانسپلانٹ کر لیے ہیں۔انہوں نے بتایا کہ ڈاکٹر پروفیسر فیصل ڈار کی نگرانی میں ڈاکٹر جہانزیب اور ڈاکٹر اقبال سمیت دیگر ماہرین نے ڈاؤ یونیورسٹی میں 28 ٹرانسپلانٹ ہوچکے ہیں، جن میں سے 6 ٹرانسپلانٹ اس سال کے پہلے تین مہینوں میں کیے گئے ہیں، جبکہ ڈاؤ یونیورسٹی میں اب ہر مہینے تین سے چار جگر کے ٹرانسپلانٹ کیے جائیں گے۔اگلے چند ہفتوں میں مزید تین افراد کے لئے لیور ٹرانسپلانٹ کرنے جا رہے ہیں، پروفیسر سعید قریشی نے بتایا اور مزید کہا کہ اب پاکستانی مریضوں کو جگر کے ٹرانسپلانٹ کے لیے دیگر ممالک میں جانے کی ضرورت پیش نہیں آئے گی۔اس موقع پر جگر کے آٹو ٹرانسپلانٹ کے مریض صادق شاہ کا کہنا تھا کہ ان کی زندگی بچنے کے امکانات کم تھے لیکن ڈاؤ یونیورسٹی کے ماہرین نے ان کا علاج کیا اور اب وہ مکمل صحت یابی کے قریب ہیں۔