Category: کراچی

کراچی کے علاقے ڈیفنس بدر کمرشل میں منیب نامی نوجوان مبینہ طور پر نشہ آور چیز کھانے سے ہلاک ہوگیا، نوجوان کی ہلاکت کا مقدمہ درج کرلیا گیا جبکہ اس کے دو دوستوں کو بھی گرفتار کرلیا گیا۔پولیس کا کہنا ہے کہ گزشتہ رات فلیٹ میں پارٹی کے دوران منیب نے نشہ آور چیز کھائی، منیب کی حالت غیر ہونے پر دوستوں نے اسپتال منتقل کیا جہاں وہ دم توڑ گیا۔پولیس کا کہنا ہے کہ ابتدائی تحقیقات کے مطابق منیب کی موت نشہ آور چیز کھانے سے ہوئی، لاش کا پوسٹ مارٹم کروالیا ہے، موت کی حتمی وجہ رپورٹ آنے کے بعد معلوم ہوگی۔پولیس کا کہنا ہے کہ متوفی منیب کے بہنوئی کی مدعیت میں درخشاں تھانے میں مقدمہ درج کرلیا گیا ہے، جبکہ منیب کو اسپتال لے جانے والے دونوں دوست ہنزلہ اور تنویر کو گرفتار کرلیا ہے۔

سٹیزن پولیس لائژن کمیٹی (سی پی ایل سی) نے کراچی میں مارچ کے مہینے میں گاڑیاں اور موبائل چھیننے اور چوری ہوجانے کے اعداد و شمار جاری کردیے۔سی پی ایل سی کی رپورٹ کے مطابق مارچ میں گاڑی چھیننے کے 21 اور چوری کے 131 واقعات رپورٹ ہوئے۔رپورٹ کے مطابق موٹر سائیکل چھینے جانے کے 426 جبکہ چوری کے 3898 واقعات رپورٹ ہوئے ہیں۔سی پی ایل سی کے مطابق اسٹریٹ کرائم میں 2174 شہری اپنے موبائل فون سے محروم ہوئے۔رپورٹ کے مطابق مختلف واقعات میں 36 افراد قتل ہوئے۔سی پی ایل سی کے مطابق کراچی میں بینک ڈکیتی کا ایک اور بھتہ خوری کے تین واقعات رپورٹ ہوئے ہیں۔رپورٹ کے مطابق رواں سال کی سہ ماہی میں 47 گاڑیاں چھینی اور 270 چوری کی گئیں، اس سال سہ ماہی میں 5982 موبائل فونز چھینے گئے۔پہلی سہ ماہی کے دوران شہر قائد میں بھتے کے 6 اور اغواء برائے تاوان کے 5 واقعات رپورٹ ہوئے، مختلف نوعیت کے واقعات میں 98 افراد جاں بحق ہوگئے۔

کے الیکٹرک کے چیف ایگزیکٹو آفیسر (سی ای او) مونس علوی کا کہنا ہے کہ نیشنل گرڈ سے کراچی کو اب 650 کے بجائے 1100 میگاواٹ بجلی ملا کرےگی۔
کراچی میں پریس کانفرنس کرتے ہوئے سی ای او کے الیکٹرک مونس علوی کا کہنا تھا کہ ہمارا معاہدہ گیس کے حوالے سے پی ایل ایل سے ہوا ہے،نیشنل گرڈ سے 650 کے بجائے 1100 میگاواٹ بجلی شہر کو فراہم کی جائے گی، 900 میگاواٹ کے بن قاسم پاور پلانٹ پر 70 فیصد کام کرلیا گیا ہے۔مونس علوی کا کہنا تھا کہ 190 ایم ایم سی ایف ڈی گیس فراہم کی جائے گی، 220 کے وی جامشورو کے ڈی اے ڈبل سرکٹ پر تمام کام مکمل ہوگیا ہے۔ترجمان کے الیکٹرک سعدیہ داداکا کہنا تھا کہ اب کراچی میں لوڈ مینجمنٹ کرنے کی ضرورت نہیں پڑے گی، عید کے دنوں میں پورے شہر میں کہیں لوڈشیڈنگ نہیں کی جائے گی اور رمضان میں 75 فیصد فیڈرز کو لوڈ شیڈنگ سے مستثنیٰ رکھا جائے گا۔ اس منصوبے میں این ٹی ڈی سی کے ساتھ مل کر کام کیا ہے، آج صبح این ٹی ڈی سی سے450 میگاواٹ اضافی بجلی اپنے سسٹم میں شامل کرنے کی منظوری مل گئی ہے،کل 1100 میگاواٹ این ٹی ڈی سی سے کراچی والوں کو بجلی مل سکے گی. اپریل مئی میں بجلی کی طلب 2900 سے 3000 میگاواٹ تک جاسکتی ہے،کراچی کے صارف کو ہر ممکن طریقے سے بجلی فراہم کی جائے گی،زیادہ سے زیادہ بجلی کی طلب 3300 میگاواٹ تک جاسکتی ہے.

کراچی میں پاکستان پیپلزپارٹی کے چیئرمین بلاول بھٹو زرداری سے سندھ حکومت میں محکمہ بلدیات کے وزیر ناصر حسین شاہ کی بلاول ہاؤس میں ملاقات۔ چیئرمین بلاول بھٹو زرداری کا شہر قائد کے عوامی مسائل اور ان کے حل کے حوالے سے ناصر شاہ سے استفسار ۔ چیئرمین بلاول بھٹو زرداری کو ناصر شاہ نے شہر قائد میں عوامی مسائل کے حل کے حوالے سے سندھ حکومت کے اقدامات پر بریفنگ دی ۔ لیاری کے علاقے میں تین جبکہ کیماڑی میں دو آر او پلانٹ کام کرررہے ہیں، اس پر چیئرمین بلاول بھٹو زرداری کو ناصر شاہ کی بریفنگ کہتے ہیں لیاری میں دو مزید جبکہ کیماڑی میں مزید ایک آر او پلانٹ کا اضافہ کیا جارہا ہے، چیئرمین بلاول بھٹو زرداری کو ناصر شاہ کی بریفنگ میں کہتے ہیں شہر قائد کے عوامی مسائل کے حل کے تسلسل کو برقرار رکھا جائے، چیئرمین بلاول بھٹو زرداری کی ناصر شاہ کو ہدایت دی.

بلال غفار نے کہا ہے کہ وزیر اعظم کے اعلان کے مطابق اگست میں گرین لائن شروع ہوجائے گی۔ متاثرہ افراد کو ہائوسنگ پروگرام میں سبسڈی دی جائے گی بسوں کا ٹینڈر دے دیا گیا ہے اورنگی نالے کا کام شروع ہوگیا ہے۔ گجر نالے کا کام شروع ہوگیا ہے۔ کراچی سرکللر کے لئیے چائنہ کے ساتھ یہ دیگر اداروں کے ساتھ مل کر یہ پروجیکٹ شروع کر دیں گے۔سمجھتے ہیں کراچی نے مینڈیٹ دیا ہے اسکو اوون کرتے ہیں۔پچھلے سال کلیکشن کم تھی کووڈ کی وجہہ سے۔وفاق جان کر صوبے کی رقم نہیں روک سکتا۔این ایف سی کے ٹرانسفر صوبوں کو مل رہے ہیں۔سندھ حکومت کو اپنا ریونیو اور ٹیکس کلیکشن بھی بڑھانا چائیے۔

سی ٹی ڈی سکھر نے کروائی کرتے ہوئے وفاقی احساس ادارے کی مدد سے تحریک طالبان سوات کا اہم کمانڈر گرفتار کرلیا۔ملزم کے قبضے سے ایک عدد بیگ دھماکہ خیز مواد ڈیٹونیٹر دیسی ساختہ بم اور بال بیرنگ نٹ بولٹ کیل برآمد ہوئی ۔ملزم نے 2009 میں تحریک طالبان سوات میں شمولیت اختیار کی.ملزم نے مقامی کمانڈر رحیم خان کے ساتھ مل کر متعدد دہشت گردگردانہ کاروائیاں کی جن میں پاک فوج اور پولیس کو شدید جانی و ملی نقصان ہوا.ملزم نے اپنے ساتھیوں کے ساتھ مل کر جیپ/سوزوکی چھین کر افسر خان کو دی جو کے VIBED ماہر مانا جاتا ہے ملزم نے اپنے ساتھیوں کے ساتھ مل کر ڈبل کیبین گاڑی چھین کر افسر خان کے حوالے کی جس کو VBIED کے طور پر استعمال کیا گیا ملزم اپنے دیگر ساتھیوں کے ساتھ مل کر مین بازار بونیر میں لوٹا ماری بھی کرتا رہاہے ملزم سوات میں پاک فوج کے اپریشن کے بعد بھگ کر سندھ آگیا تھا اور یہاں روپوش رہنے کے بعد اپنے مزموم مقاصد کو پورا کرنے کے لیے متحرک تھا افسران بالا کی طرف سے چھاپہ مار پارٹی کے لئے نقد انعامات اور تعریفی اسناد کا اعلان کیا گیا ہے.

پب جی کھیلنے والی مغوی لڑکی بازیاب، دو ملزمان گرفتار.باغی ٹی وی کی اطلاع کے مطابق
کراچی میں اینٹی وائلینٹ کرائم سیل (اے وی سی سی) نے کامیاب کارروائی کرتے ہوئے17 سال کی مغوی لڑکی کو بازیاب کرلیا، واردات میں ملوث2 ملزمان کو گرفتار کرلیا۔اس حوالے سے ایس ایس پی عبداللہ احمد نے میڈیا کو تفصیلات سے آگاہ کرتے ہوئے بتایا کہ یہ کارروائی مصدقہ معلومات پر کینٹ اسٹیشن کی قریب کی گئی۔
انہوں نے کہا کہ مذکورہ لڑکی اور ملزمان گزشتہ 3ماہ سے آن لائن گیم پب جی کھیل رہے تھے، ملزمان نے اس گیم سے متاثر ہوکر لڑکی کے اغواء کا منصوبہ بنایا۔پولیس کے مطابق گرفتار ملزم شیراز کی 17سال کی سفا نامی لڑکی سے پب جی پر دوستی ہوئی تھی، شیراز اور مغوی سفا آپس میں شادی کرنا چاہتے تھے۔ایس ایس پی نے بتایا کہ ملزم شیراز لڑکی سفا کو بھگا کر بذریعہ ٹرین پنجاب لے جانے کی کوشش کررہا تھا کہ اسٹیشن سے پکڑا کر لڑکی کو بازیاب کرلیا گیا ہے۔ایس ایس پی عبداللہ احمد نے کہا ہے کہ سفاء کے والد نے ملزم کیخلاف اغوا کا مقدمہ درج کرا دیا ہے، جبکہ گرفتار ملزمان سے مزید تفتیش جاری ہے۔

نیو کراچی میں تیز رفتار ڈمپر کی ٹکر سے ایک شخص کے جاں بحق ہونے کے واقعہ پر پی ٹی آئی رکن سندھ اسمبلی ریاض حیدر کا اظہار افسوس, ڈسٹرک سینٹرل کی سڑکوں پر ٹریفک قوانین پر عمدرآمد کرانے والا کوئی نہیں ہے۔شہریوں کیلئے ٹریفک حادثات معمول بن گئے ہیں۔ حادثے کے نیتیجے میں مشتعل افراد کا ڈمپر کو آگ لگا دینا بھی غلط ہے اور یہ خلاف قانون کے زمرے میں آتا ہے۔ ٹریفک حادثات کی روک تھام کیلئے متعلقہ ادارے حکمت عملی تشکیل دیں۔