Category: کراچی

تفصیلات کے مطابق محکمہ موسمیات نے شہر میں 4 روز مزید گرمی کی پیشگوئی کی ہے ۔ اس حوالے سے محکمہ موسمیات کے ارلی وارننگ سینٹر نے گرمی کی موجودہ لہر کے حوالے سے بتایا گیا ہے کہ آئندہ تین سے چار روز کے دوران موسم گرم اور خشک رہنے کا امکان ہے ، اور اس دوران درجہ حرارت 38 سے 40 ڈگری تک رہنے کی توقع ہے ۔
محکمہ موسمیات کے مطابق شہر میں آئندہ چار روز تک دن کے اوقات میں بلوچستان کی شمال مشرقی اور شمال مغربی گرم اور خشک ہوائیں چلنے کا امکان ہے ، تاہم شام میں سمندری ہوائیں بحال ہوجائیں گی ۔ صبح کے وقت ہوا میں نمی کا تناسب 50 سے 70 کے درمیان رہ سکتا ہے جب کہ شام میں ہوا میں نمی کا تناسب 30 سے 40 فیصد کے درمیان رہنے کا امکان ہے ۔

میونسپل ورکرز ٹریڈ یونینز الائنس کے تحت سلام سینیٹیشن اسٹاف دے کے ملک بھر میں کامیاب انعقاد پر آل پاکستان لوکل گورنمنٹ ورکرز فیڈریشن کے مرکزی چیئرمین سید ذوالفقار شاہ ، سابق چیئرمین ملک نواز کے اعزاز میں تقریب کا انعقاد کیا گیا۔ اس موقع پر بلدیہ شرقی کے رہنماؤں وارث گلناز ، الیاس مٹو ، امجد غوری ، الیاس سندھو اور دیگر نے مرکزی قائدین سید ذوالفقار شاہ ، ملک نواز ، جاوید بلوچ ، عبدالحمید اعوان ، پھول محمد خان ، بنارس جدون ، کیپٹن شبیر جدون ، اشرف اعوان کو ٹوپی اجرک پہنائی گئی جبکہ نوشاد بلوچ ، صالح شیدی ، انور بلوچ ، عبید علی ، اسلم بزنجو ، اسلم خاصخیلی ، ظہیر احمد، عباس احمد ، عادل محسن ، عادل خان ، محمد احمد ، تیمور خان ، الیاس مٹو ، امجد غوری ، الیاس سندھو کو پھولوں کے ہار پہنائے گئے۔
اس موقع پر سید ذوالفقار شاہ نے کہا کہ کورونا وباء کے باوجود مسلسل دو برسوں سے ملک بھر میں یکم اپریل کو اپریل فول کے فرسودہ رسم کی بجائے سلام سینیٹیشن اسٹاف ڈے منایا جارہا ہے ۔ آئندہ برس دنیا بھر کے ممالک میں انٹرنیشنل یونین آف سروسز لیبر کے تحت سلام سینیٹیشن اسٹاف ڈے منایا جائے گا ۔ انہوں نے سلام سینیٹیشن اسٹاف ڈے کے موقع پر تقریبات کا انعقاد کرنے پر کے ایم سی ، ڈی ایم سیز ، سندھ سولڈ ویسٹ ، کراچی واٹر اینڈ سیوریج بورڈ یونائیٹڈ ورکرز یونین کا شکریہ ادا کیا ہے۔

کراچی : محکمہ موسمیات کے قریب پیزا شاپ میں دھماکے کا مقدمہ درج کرلیا گیا، افسوسناک حادثے میں ماں اور 2 بچے جاں بحق ہوگئے تھے۔ تفصیلات کے مطابق کراچی کے علاقے گلستان جوہر میں محکمہ موسمیات کے قریب پیزا شاپ میں ہونے والے دھماکے کا مقدمہ درج کرلیا گیا۔ مقدمہ واقعے میں جاں بحق ہونے والی خاتون کے بھائی محمد عثمان کی مدعیت میں پیزا شاپ کے مالکان کے خلاف گلستان جوہر تھانے میں درج کیا گیا۔ مقدمے میں 322 قتل باالسبب اور 427 کی دفعات شامل کی گئی ہیں، ایف آئی آر میں کہا گیا ہے کہ صبح ساڑھے دس بجے کے قریب میری بہن اپنے دو بچوں کے ہمراہ میرے گھر آرہی تھی، کراوٴن گارڈن اپارٹمنٹ کی سیڑھیوں سے اوپر چڑہنے لگی تو اچانک پیزا شاپ میں دھماکا ہوا۔ مدعی مقدمے کے مطابق حادثے کے نتیجے میں میری بہن اور دو بچے عبداللّہ اور فاطمہ موقع پر جاں بحق ہوگئے، افسوسناک حادثے میں کے الیکٹرک کے تین ملازمین سمیت 6 افراد زخمی ہوئے۔ یاد رہے گذشتہ روز کراچی کے علاقے محکمہ موسمیات کے قریب دکان میں دھماکا ہوا تھا، دلخراش واقعے میں ماں اپنے دو بیٹوں سمیت جاں بحق ہوگئی تھیں۔ بعد ازاں دکان میں ایگزاسٹ فین کی موجودگی نے گیس بھرنے کے امکانات پر سوال اٹھا دیئے تھے تاہم سی ٹی ڈی نے پولیس سے ڈی وی آر سمیت تمام شواہد تحویل میں لے لیا تھا۔

پارلیمانی لیڈر بلال غفار نے سندھ حکومت کو آڑے ہاتھوں لیتے ہوئے کہا کہ اسمبلی کا رول نمبر 143 کے تحت پری بجٹ سیشن ہونا ضروری ہے یہ سیشن جنوری سے مارچ تک ہونا ہوتا ہے اس سیشن میں ارکان اپنے حلقے کے مسائل بتاتے ہیں ابھی تک کوئی پری بجٹ سیشن نہیں بلایا گیاہے۔ کیا اسی طرح سندھ حکومت نے اسمبلی چلانی ہے؟ ہم ڈیمانڈ کرتے ہیں جلد از جلد پری بجٹ سیشن بلایا جائے آڈیٹر جنرل کی رپورٹ پر ابھی تک کیوں رسائی نہیں دی جا رہی مختلف محکموں کی آڈٹ رپورٹ دو سال کی فلور آف ہاؤس پیش کی جائیں مراد علی شاہ سے پوچھتا ہوں کیوں رپورٹس پبلک نہیں کر رہے؟ پی اے سی کی رپورٹ تک کیوں رسائی نہیں دی جا رہی ؟ یہ رپورٹ آئے گی تو بتائیں گے کہ صوبے کے ساتھ کیا ہو رہا ہے ورلڈ بنک کہ رپورٹ کے مطابق کراچی کا شمار دنیا کے دس شہروں میں شمار ہوتا ہے جس میں ترقیاتی کام کم ہوتے ہیں کراچی کا شمار ان دس شہروں میں آتا ہے جہاں انفرا اسٹرکچر کا بڑا گیپ ہے کراچی کے لئیے دس بلین ڈالر کی ضرورت ہوگی کراچی میں 50 فیصد لوگوں کو پانی میسر نہیں ساٹھ فیصد سالٹ ویسٹ ڈمپ کر دیاجاتا ہے
50 فیصد آبادی کچی ہے یہ پھر مستقل انکے پاس سہولیات نہیں۔انھوں نے مزید کہا کہ ورلڈ بنک رپورٹ کے مطابق کراچی سے سڑکیں اور پبلک پلیسز غائب ہو چکی ہیں ۔سندھ حکومت کراچی اور سندھ کے دیگر اضلاع کے لئیے کیا کر رہی ہے ورلڈ بنک رپورٹ کے مطابق کراچی کسی قدرتی آفت کو برداشت کرنے کے قبل نہیں ہے۔

کراچی: جمشید روڈ پر 3 کروڑ کے بانڈز کی ڈکیتی میں ملوث مرکزی ملزم سمیت 2ملزمان کو گرفتار کرلیا گیا ، ملزمان نے بلڈر کے رائیڈرز سے 3 کروڑ کے بانڈز چھینے تھے۔ تفصیلات کے مطابق پولیس نے کراچی کے علاقے جمشید روڈ پر 3 کروڑ مالیت کے بانڈز کی ڈکیتی ملوث مرکزی ملزم سمیت 2 ملزمان کو گرفتار کر کے ان کے قبضے سے ڈھائی کروڑ روپے مالیت کے پرائز بانڈز برآمد کرلئے۔ بعد ازاں ایس آئی یو پولیس نے جمشید روڈ پر سال کی سب سے بڑی ڈکیتی کے گرفتار ملزمان عدالت میں پیش کیا ، تفتیشی افسر نے کہا ملزمان نوید  اور فرحان حیدرآباد فرار ہونے کی کوشش کررہے تھے، ان سے ڈھائی کروڑ روپے کے بانڈز برآمد کرلئے گئے ہیں۔ تفتیشی افسر نے ملزمان کے جسمانی ریمانڈ کی استدعا کرتے ہوئے کہا ملزمان کا 6 رکنی گینگ ہےمفرور ساتھیوں سےمتعلق تفتیش کر رہے ہیں، جس پر عدالت نے ملزمان کو 4روزہ جسمانی ریمانڈ پر ایس آئی یو پولیس کے حوالے کردیا۔ یاد رہے 3 روز قبل کراچی کے علاقے جمشیدروڈ پر رواں سال کی سب سے بڑی ڈکیتی کی واردات ہوئی تھی ، جہاں مسلح ملزمان بلڈر کے رائیڈر سے  25 ہزار مالیت کے 3 کروڑ کے بانڈز چھین کر فرار ہوگئے تھے۔ واردات جمشید روڈ نمبر 2 پر بینک کے باہر کی گئی تھی اور 4 موٹرسائیکل پر 6 ملزمان سوار تھے، پولیس کا کہنا تھا کہ بلڈر کے پاس 3 روز قبل 3 کروڑ روپے کی پیمنٹ آئی، پیمنٹ 25 ہزار روپے کے بانڈ کی شکل میں تھی۔

میرجماعت اسلامی کراچی حافظ نعیم الرحمن نے کہا ہے کہ موجودہ نا اہل حکومت نے FATFکے دباؤ پر شاہ سے بڑھ کر شاہ کی وفاداری کا ثبوت دیتے ہوئے بیرونی قوتوں کی خوشنودی کے لیے مساجد و مدارس پر قدغن سمیت وہ کام کرنے شروع کردیے ہیں،جو ماضی میں کبھی نہیں ہوئے،موجودہ حکومت کسی خوش فہمی میں نہ رہے علمائے کرام اور عوام ایسی کسی بھی سازش کو کامیاب نہیں ہونے دیں گے،جماعت اسلامی نے حکومت اور اقتدار میں نہ ہونے کے باوجود عوام کی خدمت کی ہے۔
الخدمت نے کورونا وباء، طوفانی بارشوں میں متاثرین کی امداد و بحالی سمیت گرانقدر خدمات سرانجام دی ہیں۔ مسائل کے حل کی جدو جہد اور عوامی خدمات کا عمل جاری رہے گا۔ان خیالات کا اظہا ر انہوں نے شاہ لطیف ٹاؤن میں جماعت اسلامی ضلع ملیر و الخدمت ویمن ونگ کے تحت قائم کیے گئے ’’الخدمت خواتین کمیونٹی سینٹر‘‘ کی افتتاحی تقریب اورجامعة الہدی نارتھ کراچی کی سالانہ تقریب سعید تکمیل حفظ قرآن،تقسیم اسناد وانعامات سے خطاب کرتے ہوئے کیا۔
حافظ نعیم الرحمن نے خطاب کرتے ہوئے مزید کہا کہ الخدمت نے بلا تفریق رنگ و نسل دکھی انسانیت کی خدمت کی ہے اور آئندہ بھی اسی مشن پر قائم رہے گی۔الخدمت رمضان المبارک میں بھی صاحب ثروت عوام اور اہل خیر کے تعاون سے مستحق افرادکی مدد جاری رکھے گی۔انہوں نے کہا کہ موجودہ حکومت کے اقدامات غیر شرعی اور غیر آئینی ہیں مغرب کی خوشنودی اور بیرونی قوتوں کے اشاروں پر یہ کام ہورہا ہے،حکومت کومنتبہ کرتے ہیں کہ غیر شرعی،غیر اسلامی و غیر آئینی اقدامات سے باز رہے بصورت دیگر ہر سطح پر احتجاج بھی کیا جائے گا اور اس کے خلاف موثر و بھروپور آواز بھی اٹھائی جائے گی۔
حافظ نعیم الرحمن نے جامعة الہدیٰ کی پوری ٹیم، اساتذہ کرام اوروالدین مبارکباد پیش کرتے ہوئے کہا کہ اتنی بڑی تعداد میں طلباء کا قرآن مجید کو اپنے سینوں میں محفوظ کرنا اللہ کا بہت بڑا احسان ہے،حفاظ طلباء کے والدین کو کل قیامت کے دن سونے کا تاج پہنایا جائے گا یہ بہت بڑے اعزاز کی بات ہے جہاں یہ اعزاز کی بات ہے وہیں یہ بہت بڑی بھاری ذمہ داری بھی ہے کہ اس کو یاد رکھا جائے ضرورت اس بات کی ہے کہ اس کو اپنی زندگی میں نافذ العمل کیا جائے اس کے حقوق ادا کئے جائیں اور جس مقصد کے لیے یہ کتاب اللہ نے بھیجی ہے اس پر عمل کرتے ہوئے اس کو دستور العمل بنایا جائے۔
میں نظیر نہیں ملتی۔شاہ لطیف اور ملحقہ آبادیوں کو اسکول، ڈسپنسری سمیت کسی بھی حکومتی سہولیات کا میسر نہ ہونا ظلم ہے اور ہم ایسی ظلم و زیادتی کو کسی بھی طور پر برداشت نہیں کریں گے۔مفتی علی زمان کشمیری نے کہا کہ قرآن ایک زندہ جاوید معجزہ ہے اور اس کا سب سے بڑا معجزہ یہ ہے کہ یہ ہمارے درمیان آج بھی بغیر کسی تبدیلی کے موجود ہے اس کے بہت سارے معجزے ہیں ان میں سے ایک معجزہ یہ بھی ہے کہ اس پر کتاب اللہ اور کلام اللہ دونوں کا اطلاق ہوتا ہے،سابقہ آسمانی کتابوں پر کلام اللہ کا نہیں بلکہ کتاب اللہ کا اطلاق ہوتا ہے،یہ کتاب فرشتوں کے سربراہ جبرائیل امین کے ذریعے رمضان المبارک کی شب قدر میں لوح محفوظ سے آسمان دنیا تک انبیاء کے سربراہ حضور اکرم ؐپر نازل ہوئی اس کی عظمت کا تقاضہ یہ ہے کہ قرآن کے نظام کے نفاذکی جدوجہد میں اپنا کردار ادا کیا جائے اور مدارس جو کہ اسلام کے قلعے،مساجد جو کہ اس کی چھاؤنیاں ہیں ان کی حفاظت کی جائے اوران کی قوت میں اضافہ کیا جائے اور اپنی نئی نسل کو اس کے زیور تعلیم سے آراستہ کیا جائے۔
اس موقع پر امیر ضلع شمالی محمد یوسف،سکریٹری ضلع شمالی عرفان احمد،صدر منتظم کمیٹی جامعة الہدی طارق مجتبیٰ،صدر منتظم کمیٹی جامعة الہدی افسر رزاق،سمیت طلباء کے والدین،عزیز و اقارب،اہل محلہ کی کثیر تعداد موجودتھے،مدیر جامعة نے مہمان حضرات کو خصوصی تحفہ و ہدیہ سے بھی نوازا۔

خرم شیر زمان: الیکشن کمیشن کے اعتراضات صرف تحریک انصاف کے لیے ہیں۔ این اے 249 میں دیگر جماعتوں کی خلاف ورزیوں پر الیکشن کمیشن خاموش ہے۔ مراد سعید کو الیکشن مہم سے روکنا اپوزیشن کو آکسیجن فراہم کرنا ہے۔ مراد سعید اپوزیشن کے کالے کرتوت عوام کے سامنے رکھتے ہیں۔ ن لیگ سمیت دیگر جماعتوں کے رہنماء حلقے میں آتے رہتے ہیں الیکشن کمیشن جانبداری کی بجاء اپنے کام پر توجہ دے۔ انتخابی مہم چلانا تمام سیاسی جماعتوں کا حق ہے۔این اے 249 پر جیت تحریک انصاف کی ہوگی۔ تمام تر ہتکنڈوں کے باوجود حلقے کی عوام تحریک انصاف کے ساتھ ہے۔

سپریم کورٹ نے کراچی سرکلر ریلوے 9 ماہ میں مکمل کرنے کا حکم دے دیا ہے۔
جمعرات کو سپریم کورٹ کراچی رجسٹری میں سرکلرریلوے سے متعلق کیس کی سماعت ہوئی۔ چیف جسٹس نے استفسار کیا کہ ٹریک سے تجاوزات ختم ہوگئے تو کیارکاوٹ ہے۔سیکریٹری ریلوے نے عدالت کو بتایا کہ کے سی آر کا کراچی سٹی سےڈرگ روڈ تک ٹرین روٹ آپریشنل ہے تاہم اس وقت ناظم آباد پر گرین لائن کا ٹریک رکاوٹ بن رہا ہے اور وہاں انڈر پاس یا فلائی اوور بنے گا۔ریلوے کے وکیل نے بتایا کہ گلشن اقبال بلاک 4 میں نالہ درمیان میں آرہا ہے۔جسٹس اعجاز الحسن نےریمارکس دئیے کہ 25 ملین روپے جس کام کیلئے لئے تھے وہ تو کرلیتے۔نومبر 2020 میں کراچی سرکلر ریلوے کیس کی سپریم کورٹ میں سماعت کے موقع پرعدالت نے ایف ڈبلیو او کوٹھیکہ نہ دینے پراظہارِ برہمی کیا تھا۔ چیف جسٹس نے استفسار کیا تھا کہ ایف ڈبلیو او نے تاحال کام کیوں نہیں شروع کیا، ہم نے تو سنا تھا کہ ڈیزائن ایف ڈبلیو او بنا رہا ہے۔ اس پرڈی جی ایف ڈبلیو او نےعدالت کو بتایا تھا کہ ہم نےڈیزائن بنا کردیا تھا لیکن سندھ حکومت نے تاحال منظور نہیں کیا،ریلوے نے ڈیزائن اور سندھ حکومت نے کام شروع کرنے کا حکم دینا ہے، سندھ حکومت نے ہمیںابھی تک ٹھیکہ نہیں دیا۔واضع رہے کہ کراچی سرکلرریلوے کیس کی سماعت کا تحریری حکم نامہ جاری جس میں تیرہ اگست کو ہونے والی سماعت میں عدالت عظمیٰ کا کہنا تھا کہ کے سی آر روٹ پر سے تجاوزات کا خاتمہ کيا جائے، تمام رکاوٹيں فوری طور پر ختم کی جائيں۔ سپریم کورٹ نے ایف ڈبلیو او کو کراچی سرکلر ریلوے کيلئے 10 انڈر پاسز بنانے کی ذمہ داری بھی دی تھی۔ سيکريٹری ٹرانسپورٹ نے بتایا تھا کہ انڈرپاسزکی تعمیر کیلئے5 ارب روپے مختص کئےگئےہيں جبکہ منصوبےکیلئے3 ارب روپے پہلے جاری کئے جاچکے ہیں۔عدالت نے پاکستان ريلوے کو سندھ حکومت کے اشتراک سے دیگر کام جاری رکھنے کا بھی حکم دیا تھا۔

 پاکستانی اداکار اور میزبان یاسر حسین نے کہا ہے کہ اپنی ماؤں، بہنوں، بیٹیوں اور بیویوں کو روکنے والے غیر محفوظ ہوتے ہیں مرد نہیں۔
یاسر حسین کی اہلیہ اداکارہ اقراعزیز کی والدہ آسیہ عزیز پاکستان کی پہلی فی میل کریم ڈرائیور ہیں۔ یاسر حسین نے سوشل میڈیا پر اپنی اہلیہ اور ساس کی کار میں بیٹھے ہوئے تصویر پوسٹ کی اور لکھا ’’میری خوبصورت بیوی اقرا عزیز  اپنی والدہ آسیہ عزیز (پاکستان کی پہلی کریم ڈرائیور) کے ساتھ اپنی نئی کار میں بیٹھی ہیں ماشااللہ۔”
ان کا مزید کہنا تھا کہ پاور فل(طاقتور) عورتوں کے چہرے پہ الگ ہی چمک ہوتی ہے۔ اپنی ماؤں، بہنوں، بیٹیوں اور بیوی کو روکنے والے غیرمحفوظ ہوتے ہیں،مرد نہیں۔یاسر حسین نے اس پوسٹ کے ساتھ محبت اور عورت راج کے ہیش ٹیگز کا استعمال کیا۔ ماں، بہن، بیٹیوں اور بیویوں کو روکنے والے مرد نہیں ہوتے،

کراچی میں قائد آباد سے داؤد چورنگی جانے والے منزل پمپ کے قریب آئل ٹینکر کو حادثہ، تیل سے بھرا ٹینکر بریک فیل ہونے کے باعث ٹرک سے ٹکرا گیا۔ ہزاروں لیٹر سویا بین تیل سڑک پر بہہ گیا۔شہریوں کی بڑی تعداد بوتلیں،گیلن اور تھیلیاں لیکر پہنچ گئی۔ عوام نے خطرات کے باوجود موقع غنیمت جان کر بوتلیں گیلن اور تھیلیوں کی مدد سے تیل جمع کرنا شروع کردیا۔ یہ سلسلہ گھنٹوں تک چلتا رہا۔ تیل بہنے کے باعث بیشتر موٹرسائیکل سوار سڑک پر پھسل کر گر گئے۔ ٹریفک پولیس حکام کے مطابق ٹینکر کو جائے وقوعہ سے ہٹادیا گیا تاحال سڑک پر آئل موجود ہے۔