Category: کراچی

ملت تشیع کے لاپتا شیعہ افراد کی بازیابی کے لیے جوائنٹ ایکشن کمیٹی فار شیعہ مسنگ پرسنز کا دھرنا مزار قائد کے سامنے پانچورے روز بھی جاری رہا۔دھرنے میں ملت تشیع کی مختلف مذہبی و سیاسی جماعتیں شریک ہیں۔شرکاء دھرنے سے خطاب میں مجلس وحدت مسلمین پاکستان سندھ کے ترجمان علامہ مبشر حسن کا کہنا تھا کہ ملک بھر سے لاپتا شیعہ افراد کی بازیابی کے لیے کراچی میں دیے گئے دھرنے میںلاپتا افراد کے اہل خانہ کا کھلے آسمان تلے پانچواں روز بھی گزر چکا ہے ابھی تک کسی حکومتی ذمہ دار شخصیت نے ان سے رابطہ نہیں کیا۔ انہوں نے کہا کہ ماضی کی طرح آج بھی ہمارے نوجوانوں کو آئین و قانون کی دھجیاں اڑاتے ہوئے ’’اغوا‘‘ کر لیا جاتا ہے اور پھر کئی کئی سال ان کے بارے میں کوئی خبر نہیں آتی۔ مرکزی و صوبائی حکومتوں کو چاہیے کہ ہمارے نوجوانوں کے اغوا میں ملوث اداروں کو آئینی حدود و قیود کا پابند کریں۔ انہوں نے کہا کہ وزیر اعظم عمران خان نے جس ریاست مدینہ کا تصور پیش کیا تھا وہاں اس طرح کا ظلم تو مشرکین کے ساتھ بھی نہیں کیا جاتا تھا۔موجودہ حکومت نے اگر اپنی خودمختاری کو ثابت کرنا ہے تو اسے اپنی رٹ منوانے ہو ئے ریاستی اداروں سے خود کا بالا ثابت کرنا ہوگا۔ انہوں نے کہا کہ جوائنٹ ایکشن کمیٹی فار شیعہ مسنگ پرسنز کا خلوص اور جدوجہد قابل رشک ہے۔ملت جعفریہ کے ہر فرد کی یہ اخلاقی و شرعی ذمہ داری ہے کہ وہ لاپتا افراد کی بازیابی کے لیے اپنے حصے کا کردار ادا کرے۔

پاکستان پیپلزپارٹی کی رہنما و صوبائی وزیرسیدہ شہلا رضا نے جہانگیر ترین سے متعلق ٹوئٹ ڈیلیٹ کردی۔شہلا رضا نے اپنی ٹوئٹ میں دعوی کیا تھاکہ جہانگیر ترین پی ٹی آئی چھوڑ کر پی پی میں شامل ہوسکتے ہیں۔ اپنی ٹوئٹ میں شہلا رضا کا کہنا تھاکہ جہانگیر ترین نے مخدوم احمد محمود سے ملاقات کی ہے اور اگلے ہفتے کراچی میں سابق صدر آصف زرداری سے ملاقات کریں گے۔ انہوں نے مزید کہا تھا کہ خیال ہے کہ جہانگیر ترین اس ملاقات میں پی ٹی آئی چھوڑنے اور ساتھیوں سمیت پی پی پی میں شمولیت اختیار کر لیں گے، اگر واقعی ایسا ہوگیا تو نہ بزدار رہے گا نہ نیازی ہوگا۔ تاہم جہانگیر ترین نے شہلا رضا کے دعوے کی تردید کردی ہے جس کے بعد اب صوبائی وزیر نے اپنی ٹوئٹ ہی ڈیلیٹ کردی ہے۔

نو عمر بچوں کے انصاف کے لئے قانون سازی کے اقدامات کے حوالے سے ڈی آئی جی ساؤتھ زون جناب جاوید اکبر ریاض کی زیر صدارت ڈی آئی جی ساؤتھ آفس میں میٹنگ کا انعقاد کیا گیا۔
ایس ایس پی سٹی سرفراز نواز، ایس ایس پی کیماڑی فدا حسین جانوری، ایس ایس پی ساؤتھ انویسٹیگیشن-I عمران مرزا، ایس ایس پی سٹی انویسٹیگیشن-II مختیار خاصخیلی، ایس ایس پی کیماڑی انویسٹیگیشن-III حصام بن اقبال، CEO LAS ثانیہ زاہد، AD LAS ملیحہ ضیاء، RD LAS جوزیہ زمان، Project coordinator LAS شمائلہ شاہانہ، Senior Program Officer LAS ارحم سرور،ریڈر ٹو ڈی آئی جی ساؤتھ، برانچ انچارجز پی سی اے، لیگل اور ایچ آر سی ساؤتھ آفس نے شرکت کی۔میٹنگ میں اب تک کم عمر بچوں کی منشیات کی عادت اور ان میں بڑھتی ہوئی کرائم کی شرح پر غور کیا گیا۔ لیگل ایڈ سوسائٹی اور سندھ پولیس نے جویوینائل جسٹس سسٹم ایکٹ-2018 کے نفاذ اور پولیس کے کردار کے بارے میں ایک طریقہ کار تیار کیا ہے۔جے جے ایس ایکٹ 2018 نے محکمہ پولیس سمیت قانون سازی کے نظام میں مخصوص اداروں کے اختیارات اور ذمہ داریوں میں اضافہ کیا ہے۔ قانون سے متصادم بچوں کی حفاظت کے سلسلے میں کم عمر بچے جو منشیات کے استعمال کے عادی ہیں ، انھیں ایریا مجسٹریٹ کی مشاورت سے بحالی کیلئے 14 دنوں کے لئے بھیجنا چاہئے اور (جے جے ایس)کی کمیٹی اس کے مطابق مزید قانونی کارروائی کا فیصلہ کرے گی۔ کمیٹی اس معاملے کے حقائق کی تصدیق کرے گی۔ اور رپورٹ متعلقہ مجسٹریٹ کو ارسال کرے گی۔ڈی آئی جی پی ساؤتھ زون نے ایل اے ایس) کے وفد کو بھی پیش کش کی کہ جب تک ایل اے ایس سے مناسب انتظامات کا اعلان نہ کیا جائے تب تک بحالی مرکز کے طور پر خواتین چائلڈ پروٹیکشن سیل کو استعمال کریں۔

شہری سے لوٹ مار کی واردات کے بعد فرار ہونے والے تین ڈاکو گرفتار۔ گرفتار ملزمان سے غیر قانونی اسلحہ برآمد، چھینی گئی 9700 کی رقم اور دیگر سامان برآمد۔ گرفتار ملزمان نیشنل ہائی وے اور لنک روڈ پر شہریوں سے لوٹ مار کرتے تھے۔ ملزمان کیخلاف شہری کی مدعیت میں مقدمہ درج، تفتیش جاری۔ ملزمان سے برآمد اسلحہ فارنزک کیلئے روانہ کر دیا گیا۔گرفتار ملزمان میں شاہد، سعید اور صدام شامل ہیں۔

چیئرمین بلاول بھٹو زرداری نے پی پی پی حیدرآباد کے سینیئر رہنما مولابخش مشوری کے انتقال پر اظہارِ رنج و غم کرتے ہوئے کہا کہ مولابخش مشوری نے جمہوریت کی خاطر جدوجہد کی،انھوں نے جمہوریت کو زندہ رکھنے کے لیے بےشمار قربانیاں دیں ۔پیپلز پارٹی مرحوم کی پارٹی کے لیئے خدمات ہمیشہ یاد رکھےگی۔ انھوں نے مزید کہا کہ میں دعاگو ہوں کہ اللہ تعالیٰ مرحوم کو اپنے جوار رحمت میں بلند درجات عطا فرمائے۔ بلاول بھٹو زرداری نے مرحوم کے لواحقین سے تعزیت اور ان کے لیئے صبر جمیل کی دعا کی ہے۔اس موقع پر پارٹی کے دوسرے اراکین بھی موجود تھے۔

کراچی: لیاری کھڈہ مارکیٹ کے قریب ہوٹل کے باہر نامعلوم افراد نے فائرنگ کردی ، جس کے نتیجے میں ایک شخص جاں بحق جبکہ ایک زخمی ہوگیا۔ تفصیلات کے مطابق کراچی کے علاقے لیاری کھڈہ مارکیٹ کے قریب فائرنگ کا واقعہ پیش آیا، جہاں نامعلوم افراد کی فائرنگ سے ایک شخص جاں بحق جبکہ ایک زخمی ہوگیا ریسکیو حکام کے مطابق جاں بحق شخص کی شناخت عرفان کے نام سے ہوئی جبکہ زخمی ہونیوالے امان اللہ کو طبی امداد کیلئے سول اسپتال منتقل کر دیا گیا۔ پولیس حکام کے مطابق فائرنگ کا واقعہ ہوٹل کے باہر پیش آیا، فائرنگ کا نشانہ بننے والے ہوٹل کے گاہک تھے۔ ہوٹل مالک کے مطابق اس کی کسی سے دشمنی نہیں۔ پولیس کی جانب سے جائے وقوعہ سے شواہد اکھٹے کیے جارہے ہیں۔ جس کے بعد تحقیقات کا آغاز کردیا جائے گا۔

کراچی: پاک سر زمین پارٹی کے چیئرمین اور پی ایس پی کے این اے 249 کے امیدوار سید مصطفی کمال نے کہا کہ کراچی کے عوام کے مسائل صرفِ (پی ایس پی) ہی حل کر سکتی ہے کیونکہ پہلی اور آخری بار کراچی کو اللہ تعالیٰ نے ہمارے ہاتھوں سے بنوایا تھا۔ پی ایس پی نے پانچ سالوں میں کوئی یوٹرن نہیں لیا جو بات پہلے روز کہی آج بھی اسی بات پر قائم ہیں، بلدیہ ٹاؤن کے حالات دیکھ کر میرا دل خون کے آنسو روتا ہے اور آج سے 13 سال پہلے کا بلدیہ ٹاؤن زیادہ بہتر تھا ، ان خیالات کا اظہار انہوں نے سیکٹر 5۔G سعیدآباد بلدیہ ٹاؤن میں مسلم بنگلور ویلفئیر ایسوسی ایشن، اتحاد ٹاون یوسی 36 منعقدہ اجتماعات اوربلدیہ ٹاؤن کے مختلف علاقوں کے موقع پر عوام سے خطاب کرتے ہوئے کیا۔

کراچی ناظم آباد نمبر 3 نالے میں گرنے والا بچے کی لاش 12 گھنٹے بعد نکال لی گئی پولیس رینجرز اور علاقوں مکینوں نے مسلسل بچے کی تلاش جاری رکھی ,ضلع انتظامیہ سے رابطہ کرنے کے باوجود آپریشن کے لئے مشینری فراہم نہیں کی گئی، رات میں متعلقہ پولیس نے مشینری بلاوا کر آپریشن کا آغاز کیا تھا۔یاد رہے کہ 6 سالہ مکیش گزشتہ رات ساڑھے آٹھ بجے نالے میں گر گیا تھا۔ رات بھر تلاش کے باوجود مکیش نہ مل سکا، 12 گھنٹے بعد آج صبح لاش مل گئی تلاش جاری رکھی ، والدین کا اکلوتا مہیش کی لاش اسپتال منتقل کی جا رہی ہے۔واقع سے اہل علاقہ آبدیدہ ہوگئے۔