Category: کراچی

کراچی میں رمضان کے پہلے عشرے میں موسم کیسا رہے گا؟ اس بات کامحکمہ موسمیات نے انکشاف کردیا۔محکمہ موسمیات نے اپریل کے دوران ملک بھر میں موسم کی امکانی صورتحال بتادی۔اپریل شروع ہوتے ہی گرمی کے پارے نے چالیس کا ہندسہ پار کیا تو کراچی والے چکرا کر رہ گئے، ذہنوں میں ایک ہی سوال تھا کہ سورج کے تیور یہی رہے تو رمضان میں کیا ہوگا۔ اب محکمہ موسمیات کے مطابق رمضان کے ابتدائی 10 دن کے دوران کراچی میں ہیٹ ویو کا کوئی امکان نہیں اور پہلے عشرے میں زیادہ سے زیادہ درجہ حرارت 36 سے 37 رہے گا۔
محکمہ موسمیات نے اپریل میں ملک بھر کے موسم کا جو ممکنہ آؤٹ لک جاری کیا، اُس کے مطابق ملک کے بالائی علاقوں میں معمول کے مطابق جبکہ دیگر علاقوں میں معمول سے کم بارشیں متوقع ہیں۔
اپریل میں پنجاب، سندھ اور بلوچستان کے میدانی علاقوں میں ایک سے دو ہیٹ ویوز آسکتی ہیں، شمال اور جنوب میں زائد درجہ حرارت کے باعث گرد آلود تیز ہوائیں چل سکتی ہیں جن کے باعث پنجاب اور کے پی کے میں گندم اور دیگر فصلوں کو نقصان کا اندیشہ ہے۔محکمہ موسمیات کے مطابق رمضان میں بالائی علاقوں میں درجہ حرارت معمول کے مطابق جبکہ زیریں علاقوں میں معمول سےتھوڑا زیادہ رہے گا.

‏چیئرمین پاک سرزمین پارٹی سید مصطفیٰ کمال کی عابدآباد یوسی 31 آمد اورپختون برادری سے خطاب کیا۔ عابد آباد کے آفریدی برادری اور سرائیکی برادری سے تعلق رکھنے والے افراد نے پاک سرزمینِ پارٹی میں شمولیت اختیار کی۔ پاک سرزمین پارٹی کے مرکزی الیکشن آفس برائے حلقہ ‎#NA249 پر پیر سید شرف الدین علی بخاری صاحب کی آمد چیئرمین سید مصطفیٰ کمال اور صدر انیس قائمخانی سے ملاقات، اپنی نیک تمنائوں کا اظہار کیا اور PSP کی کامیابی کے لیئے دعا بھی کی۔ پاک سرزمین پارٹی کی انتخابی مہم حلقہ ‎#NA249 زور شور سے جاری، مرکزی الیکشن آفس میں علاقہ مکینوں کی بڑی تعداد کی آمد، چیئرمین سید مصطفی کمال اور صدر انیس قائمخانی سے ملاقات۔
‎

حکمران اتحاد میں شامل متحدہ قومی موومنٹ (ایم کیو ایم) پاکستان کی رکن قومی اسمبلی کشور زہرہ نے کہا ہے کہ کراچی کو صوبہ بنائے بغیر اب کوئی گزارہ نہیں۔میڈیا سے گفتگو میں کشور زہرہ کا کہنا تھا کہ کراچی کا کوئی وارث نہیں، ہم حکومت کے اتحادی ہیں لیکن لاوارث نہیں انہوں نے کہا کہ کراچی کو صوبہ بنائے بغیر اب کوئی گزارا نہیں، وزیراعظم عمران خان سے کئی بار کراچی کے معاملے پر بات چیت ہوئی۔ایم کیو ایم کی ایم این اے نے مزید کہا کہ وزیراعظم کراچی کے مسائل حل کرنا چاہتے ہیں لیکن رابطوں کا فقدان ہے۔ اُن کا کہنا تھا کہ قومی اسمبلی میں کراچی کے مسائل کی آواز اٹھاتے ہیں تو اپوزیشن واک آؤٹ کر جاتی ہے۔کشور زہرہ نے یہ بھی کہا کہ حزب اختلاف ہر بار کورم کی نشاندہی کر کے ایوان سے چلی جاتی ہیں۔ اپوزیشن کا کراچی کے معاملے پر رویہ غیر مناسب ہے۔

سندھ حکومت نے قیدیوں کو کورونا ویکسین لگانے کا فیصلہ کیا ہے ، پہلے مرحلے میں 50 سال سے زائد عمر کے قیدیوں کو ویکسین لگائی جائے گی۔ صوبائی وزیر صحت سندھ عذرا پیچو ہو کا کہنا ہے کہ زندگیاں بچانے کے عمل میں قیدیوں کو نظر انداز نہیں کیا جا سکتا کیوں کہ سندھ کی جیلوں میں قیدی قید ہیں۔ ان قیدیوں کو بھی کورونا سے بچاؤ کی ویکسین لگائی جائےگی۔ ویکسینیشن کا مرحلہ رواں ماہ 7 اپریل سے شروع ہوگا، سندھ کی جیلوں میں قید 2 ہزار 532 قیدیوں کی ویکسینیشن کی جائے گی۔

صوبہ سندھ کے شہر مٹیاری کے ایک علاقے میں 3 برقع پوش ڈکیت اپنی واردات میں بری طرح ناکام رہے، علاقہ مکینوں نے انھیں واردات کے دوران قابو کر لیا۔تفصیلات کے مطابق مٹیاری میں برقع پوش 3 ڈاکوؤں نے ایک گھر میں گھس کر ڈکیتی کی کوشش کی، تاہم گھر کے افراد اور علاقہ مکینوں نے ڈکیتی ناکام بناتے ہوئے تینوں کو دھر لیا۔علاقہ مکینوں نے ملزمان کی پٹائی کر کے خوب درگت بنائی اور پھر پولیس کے حوالے کر دیا۔پولیس کا کہنا ہے کہ تینوں برقع پوش ملزمان پر کئی مقدمات درج ہیں، ملزمان میں اللہ ڈنو، عاشق اور ایک نامعلوم ڈکیت شامل ہے۔واردات کی اطلاع ملنے کے بعد پولیس نے جائے وقوعہ کی تلاشی لی تو گھر کی چھت سے اسلحہ بھی برآمد ہوا، جسے قبضے میں لے لیا گیا۔یاد رہے کہ گزشتہ ہفتے مٹياری شہر میں ایک ہی رات میں ڈکیتی کی 2 وارداتیں کی گئی تھیں، مٹیاری مین شیر شاہ کالونی سے موٹر سائیکل چوری ہوئی، اور شہر کے مین بس اسٹاپ پر ایک بیکری سے 2 نامعلوم موٹر سائیکل سوار ملزمان نے اسلحے کے زور پر 45 ہزار روپے کیش اور 50 ہزار کا موبائل فون لوٹا۔گزشتہ ماہ مٹیاری میں پولیس افسران کی رشوت خوری کے ویڈیوزبھی سامنے آہیں تھیں، جس پر ایس ایس پی مٹیاری کے دفتر میں رشوت خور پولیس افسران نے ہنگامہ مچایا تھا۔

کراچی: آئل ٹینکرز کنٹریکٹرز ایسوسی ایشن نے آئل مارکیٹنگ کمپنیوں کی جانب سے خلاف ضابطہ ٹھیکے دیے جانے پر احتجاجاً ملک بھر میں پیٹرولیم مصنوعات کی ترسیل بند کرنے کی دھمکی دے دی۔ آٸل ٹینکرز کنٹریکٹرز ایسوسی ایشن نے آٸل مارکیٹنگ کمپنیوں(او ایم سیز) کی خلاف ضابطہ کمرشل اور بلک لوڈنگ کے خلاف احتجاجی لاٸحہ عمل مرتب کرنے کا اعلان کرتے ہوٸے کہا ہے کہ 6 مختلف نجی آٸل مارکیٹنگ کمپنیاں من پسند ڈیلرز کو خلاف ضابطہ پیٹرول ڈیزل کی ترسیل کا ٹھیکہ دے رہی ہیں جس سے رجسٹرڈ 15 ہزار کنٹریکٹرز براہ راست متاثر ہورہے ہیں۔ ایسوسی ایشن کے صدر عابد اللہ آفریدی نے ایکسپریس کو بتایا کہ اگر او ایم سیز نے اوگرا قوانین کے مطابق کیو سسٹم پر لوڈ نہ دیا توسخت لاٸحہ عمل اختیار کیا جاٸے گا۔ عابد اللہ آفریدی نے بتایا کہ اوگرا اور متعلقہ اوایم سیز کو نظام درست کرنے کے لیے 48 گھنٹے کا الٹی میٹم دے دیا گیا ہے کیونکہ 6 نجی او ایم سیز یومیہ 300 ٹینکرز کیو سسٹم کے بغیر لوڈ کرا رہی ہیں۔ انہوں نے بتایا کہ احتجاجی لاٸحہ عمل کے لیے منگل کو 11 بجے جنرل باڈی کا ہنگامی اجلاس طلب کرلیا گیا ہے، اگر او ایم سیز نے 48 گھنٹوں میں کیو سسٹم بحال نہ کیا تو اندرون ملک پیٹرولیم مصنوعات کی ترسیل بند کردی جاٸے گی۔

تفصیلات کے مطابق گزشتہ 24 گھنٹوں کے دوران کوروناوائرس سے مزید 1 مریض جاں بحق ہوا اور ہلاکتوں کی تعداد 4510 ہوگئی ہے جبکہ 10300 ٹیسٹ کئے جانے پر 308 نئے کیسز سامنے آئے۔یہ بات وزیر اعلیٰ سندھ سید مراد علی شاہ نے پیر کو وزیراعلیٰ ہاؤس سے جاری بیان میں کہی۔انہوں نے مزید کہا کہ کورونا وائرس سے مزید ایک مریض اپنی جان سے ہاتھ دھو بیٹھا جس سے ہلاکتوں کی تعداد 4510 ہوگئی ہے جوکہ اموات کی شرح 1.7 فیصد ہے۔
مراد علی شاہ نے کہا کہ 10300 نمونوں کا تجربہ کیا گیا جن میں سے 308 کیسز کا پتہ چلا جوکہ موجودہ تشخیصی شرح کا تین فیصد ہے۔انہوں نے مزید کہا کہ اب تک 3344672 ٹیسٹ کئے گئے جن کے نتیجے میں 266925 کیسز کی تشخیص کی گئی ان میں سے 96.3 فیصد یعنی 256897 مریض صحتیاب ہوگئے ہیں جن میں گزشتہ 24 گھنٹوں کے دوران صحتیاب ہونے والے 191 مریض بھی شامل ہیں۔ وزیراعلیٰ سندھ نے بتایا کہ اس وقت 5518 مریض زیر علاج ہیں ان میں سے 5214 گھروں میں، 10 آئسولیشن مراکز میں اور 294 مختلف اسپتالوں میں ہیں۔ انہوں نے مزید کہا کہ 267 مریضوں کی حالت تشویشناک بتائی گئی ہے جن میں 32 کو وینٹیلیٹرز پر منتقل کیا گیا ہے۔بیان کے مطابق 308 نئے کیسوں میں سے 186 کا تعلق کراچی سے ہے جن میں ضلع شرقی 97 ، ضلع جنوبی 42 ، ضلع غربی 16 ، ضلع ملیر 13 ، ضلع وسطی 12 اور ضلع کورنگی 6 شامل ہیں

پاک سر زمین پارٹی نے پی ایس پی چئیر مین سید مصطفیٰ کمال کو پارٹی ٹکٹ جاری کردیا۔ سید مصطفیٰ کمال پی ایس پی کے انتخابی نشان ڈولفن پر این اے 249 کے ضمنی انتخابات میں حصہ لیں گے۔ پی ایس پی کے صدر انیس قائم خانی نے الیکشن کمیشن میں سید مصطفیٰ کمال کی جانب سے پارٹی ٹکٹ جمع کرا دیا۔ایلکشن کمیشن میں پارٹی ٹکٹ جمع کروانےکے موقع پر پی ایس پی کے سیکرٹری جنرل ایڈوکیٹ حسان صابر، وائس چیئرمین ایڈوکیٹ سید حفیظ الدین، ارشد وہرہ، نائب صدر ایڈوکیٹ صوفیہ سعید اور جوائنٹ سیکریٹریز افتخار عالم اور محمد دلاور، رکن نیشنل کونسل ڈاکٹر سراج اور محمد نثار بھی موجود تھے۔