Category: کراچی

رؤف وراثی نے اپنی تحریر میں کہا کہ صحافت کو لنگڑی لولی کرکے چلانا ہمیں کسی طور قبول نہیں ہر ظالم کے خلاف اور ہر مظلوم کی آواز بنتے رہیں گےریاست کا چوتھا ستون ہر کرمنل اور انکے سرپرستوں کے نشانے پر آخر کیوں ؟جس طرح پاکستان میں صحافیوں کے حقوق پامال کیے جاتے ہیں شاید اس پر لکھنا بھی بہت سے لوگوں کو ناپسند ہو سچ لکھنا سچ بولنا جرائم کو بےنقاب کرنا اگر جرم ہے تو ہم یہ جرم بار بار کرتے رہیں گے۔صحافی جان پر کھیل کر حالات سے عوام کو باخبر رکھتا ہے نہ کوئی سیکورٹی نہ جان ومال کے تحفظ کی ضمانت مگر بدلے میں جھوٹی ایف آئی آر سنگین نتائج کی دھمکیوں سے نوازا جاتا ہے
لاقانونیت کے بڑھتے ہوئے سلسلے کو نہ روکا گیا تو انصاف کے تقاضے پورے کرنا ایک خواب رہ جائے گا ۔صوبائی اور وفاقی حکومت کی ناقص پالیسیوں کی وجہ سے آج صحافت کو ہر ایک کرپٹ چور ،رشوت خور نشانہ بنانے میں لگا ہوا ہے۔منشیات کی نشاندہی کریں تو منشیات فروش دشمن کیا منشیات کو لانے والے اداروں سے زیادہ طاقتور ہیں سرپرستی صحافی تو نہیں کرتے ۔قبضہ مافیا کے خلاف لکھیں تو قبضہ مافیا اور انکے وہ سرکاری سرپرست جو رشوت لیکر انکو کھلی چھوٹ دیتے ہیں وہ دشمنی کون کرا رہا ہے یہ قصے سب جانتے ہیں مگر سچ لکھنے سچ بولنے والوں کو ہی نشانہ بنایا جاتا ہے کیوں صحافیوں کی قربانیاں کسی بھی سولجر سے کم نہیں نہ جان کی گارنٹی نہ بچوں کے بہتر مستقبل کی گارنٹی نہ کسی قانون شکن سے تحفظ آخر صحافیوں کو سچ لکھنے کی اتنی سزا کیوں دی جا رہی ہے ۔صحافت کو لنگڑی لولی بنانے کی تیاریاں زوروشور سے جاری ہیں یاد رکھیں اسکے اثرات بہت برے مرتب ہونگے اور انصاف کا صرف نام رہ جائے گا اور غریب کی آواز سب جائے گی۔جہاں سچ لکھنے سچ بولنے پر پابندی لگا دی جائے تو ظالم کو ظلم کرنے سے کوئی۔ نہیں روک سکتا یہ صحافی ہی ہیں جو اپنے کیمرے قلم زبان سے ان مسائل کی طرف حکام بالا کی توجہ مبذول کراتے ہیں جس کی وجہ سے لوگوں کو انصاف کی فراہمی یقینی بنائی جاتی ہے جہاں ظلم ہوتا ہے وہاں صحافی سب سے پہلے جان ہتھیلی پر رکھ کر پہنچ جاتا ہے اور مظلوم کی آواز بنتا ہے آج جس طرح صحافت کا گلہ دبایا جارہا ہے ہر پل صحافیوں کے حوالے سے کوئی نہ کوئی بری خبر سننے کو ملتی ہے کبھی حملے کیے جاتے ہیں کبھی سچ لکھنے سچ بولنے اور وہ حقیقی حقائق دکھانے کی پاداش میں میں ہمارے کئی صحافی بھائیوں کو ہم سے جدا کر دیا گیااس کی آج تک سرکاری سطح پر کسی بھی ادارے اور صوبائی وفاقی گورنمنٹ نے مدد تک نہیں کی آخر کیوں ؟؟کیاسچ لکھنا سچ دکھانا اتنا بڑا جرم ہے؟ تو یاد رکھیں ہم یہ جرم بار بار کرتے رہیں گے کیونکہ قلم ہمارے پاس ایک امانت ہے اور ہم امانت میں خیانت نہیں کریں گے آج جسطرح ایک سوچے سمجھے منصوبہ بندی سے ہمارہ گلہ دبایا جارہا ہے۔ اسکے منفی اثرات پورے ملک میں پھیلیں گے اور کوئی پھر سچ لکھنے یا بولنے کی ہمت اس لیے نہیں کرے گا کیونکہ اسکی اپنی جان کو لاقانونیت کا راج قائم کرنے والوں سے خطرہ ہو سکتا ہے اگر حکومت وقت نے صحافیوں کے حقوق اور ان پر ہونے والی زیادتیوں پر اسی طرح مسلسل خاموشی اختیار کیے رکھی تو یاد رکھیں کہ کفر پر معاشرے قائم رہ سکتے ہیں مگر ظلم پر نہیں۔ پاکستان بھر میں صحافیوں سے سوتیلی ماں جیسا سلوک روا رکھا جا رہا ہے کہیں جھوٹے کیس تو کہیں جان سے مارنا تو کہیں حراساں کرنا آخر کب تک ایسا چلے گا کیونکہ اب ظلم پر خاموش رہنا بھی ایک ظلم ہے۔ اب ہر اہل قلم کو اس بارے میں لکھنا بولنا اور سوچنا ہوگا اگر اب بھی صحافی تنظیموں اور پاکستان بھر میں بنے پریس کلبوں کے نمائندوں کو خیال نہ آیا تو صحافیوں پر لاقانونیت کا سلسلہ اسی طرح جاری رہے گا اور اسکے مضر اثرات معاشرے پر پڑتے رہیں گے ظالم کے خلاف کوئی آواز نہیں اٹھائے گا اور مظلوم کو ظلم سے کوئی نہیں بچا پائے گا یادرکھیں پھر سب کو اپنی اپنی باری کا انتظار کرنا ہوگا کیونکہ ظالم کا کوئی قبلہ، کوئی قبیلہ اور نہ کوئی بھروسہ ہوتا ہے۔آِئیں متحد ہوکر ہر ظلم کے خلاف لکھیں اور پاکستان بھر کے صحافیوں کی آواز بن کر ظالموں کو للکاریں تاکہ معاشرے میں ظلم کا خاتمہ ہو سکے .

سابق میزبان و اداکار شائستہ لودھی طویل عرصے بعد ڈرامہ پردیس کے ساتھ دوبارہ ٹی وی اسکرین پر واپسی کے لیے تیار ہیں۔ گلیکسی لالی ووڈ کی رپورٹ کے مطابق شائستہ لودھی نے بتایا کہ اداکار ہمایوں سعید نے اس پروجیکٹ کو کرنے کے لئے ان سے رابطہ کیا تھا اور اس ڈرامے کی ہدایتکارہ مرینہ خان ہیں۔ اسی وجہ سے انہوں نے اس پراجیکٹ کی حامی بھری ۔ اس سیریل کی کاسٹ میں اداکار سرمد کھوسٹ ، بشری انصاری ، گوہر رشید ، در فشاں سلیم ، شرمین علی اور عفان وحید بھی شامل ہیں۔ڈرامہ پردیس میں شائستہ لودھی ایک شادی شدہ مضبوط پاکستانی خاتون زبیدہ کے کردار میں نظر آئیں گی۔یادرہے کہ شائستہ لودھی آخری بار جیو ٹی وی کے ڈرامے خان میں دکھائی دی تھیں، یہ ڈرامہ 2017 میں ریلیز کیا گیا تھا۔

سندھ میں کورنا کےحوالے سے صورتحال کنٹرول میں ہے۔کورونا وائرس کے پیش نذر تعلیمی سرگرمیوں سے متعلق محکمہ تعلیم کی اسٹیرنگ کمیٹی کا اجلاس ہوا۔ وزیر تعلیم سندھ نے دو ہفتے کے لئے اسکول بند کرنے کی تجویز پیش کردی۔اجلاس میں پرائیوٹ اسکولز مالکان نے وزیر تعلیم سے فیصلے پر غور کرنےکی درخواست کردی۔ اسکول مالکان کا کہنا تھا کہ پہلے پبلک پلیس، سینیما، واٹر پارک بند کرائے جاہیں۔میڈیا سے غیر رسمی گفتگو میں سعیدغنی کا کہنا تھا کہ اسکولوں کو بند کرنے یا اور نہ کرنے کی دو مختلف تجاویز سامنے آئی ہیں۔اسٹیرنگ کمیٹی کی تجاویز کو این سی او سی میں رکھا جائے گا۔اسٹیرنگ کمیٹی میں اسکولوں کے رمضان ٹائمنگ کے حوالے سے کوئ تجویز نہیں کی گئی۔

کراچی گذشتہ ماہ شہر قائد میں ہونے والی بینک ڈکیتی کے ملزمان کو گرفتار کرلیا گیا ہے، ڈکیتی کے بعد ملزمان کہاں فرار ہوئے؟ ابتدائی تحقیقات میں اہم انکشافات سامنے آئے ہیں۔تفصیلات کے مطابق گذشتہ ماہ کی سترہ تاریخ کو نیو کراچی دو منٹ چورنگی کے قریب چار ملزمان نے نجی بینک میں داخل ہو کر اسلحے کے زور پر بینک اسٹاف اور سیکیورٹی عملے کو یرغمال بنایا، اس موقع پر دو سیکیورٹی گارڈز نے مزاحمت کی کوشش کی تو ملزمان نے رائفل کے بٹ مار کر انھیں زخمی کیا اور بینک سے نقدی لوٹ کر فرار ہوگئے تھے۔آج ایس ایس پی سینٹرل ملک مرتضی تبسم نے پریس کانفرنس کرتے ہوئے بتایا کہ رضویہ پولیس نے بینک ڈکیتی میں ملوث تین ملزمان کو گرفتار کرلیا ہے، گرفتار ملزمان میں جنید ،ذیشان اور سلمان شامل ہیں، سلمان مذہبی سیاسی جماعت کا مطلوب ٹارگٹ کلر ہے،ملزم پر دس کےقریب قتل اور دیگر دفعات کےتحت مقدمات درج ہیں، اس کے علاوہ وہ جرائم کی متعدد وارداتوں میں بھی ملوث ہے۔ایس ایس پی سینٹرل کے مطابق گرفتار ملزمان سے ایک لاکھ 60ہزار، دو پستول اور چھ موبائل فونز برآمد ہوئے، ابتدائی تحقیقات میں ملزمان کا کہنا ہے کہ انہوں نےبینک سے صرف7 لاکھ روپے لوٹے۔ایس ایس پی سینٹرل ملک مرتضیٰ تبسم نے بتایا کہ ملزمان سے لوٹی گئی رقم سے متعلق مکمل تحقیقات کریں گے، گروہ کا اہم رکن عبدالستار تاحال مفرور ہے جس کے متعلق شک ہے کہ لوٹی ہوئی بقایا رقم اسی کے پاس ہے۔پریس کانفرنس کرتے ہوئے ایس ایس پی سینٹرل ملک مرتضی تبسم نے بتایا کہ ملزمان بینک ڈکیتی کے بعد پاکستان ٹور پر نکل گئے تھے، ملزمان لوٹی رقم راستے بھر خرچ کرتے رہے۔

جلاؤ گھيراؤ اور کار سرکار ميں مداخلت کے الزام ميں اپوزیشن لیڈر سندھ حلیم عادل شیخ پر فرد جرم عائد کردی گئی ہے۔ملزمان نے صحت جرم سےانکار کرديا۔ہفتہ تین اپریل کو کراچی میں حلیم عادل شیخ کےخلاف جلاؤ گھيراؤ اور کار سرکار ميں مداخلت کے کیس کی سماعت ہوئی۔جوڈيشل مجسٹريٹ ملير کورٹ نے کيس کی سماعت 17 اپريل تک ملتوی کرتے ہوئے آئندہ سماعت پر گواہان کو طلب کرليا ہے۔ملزمان کا کہنا تھا کہ ہمارے فارم ہاؤس پر کاروائیاں کی گئیں اورسیاسی مخالفت کی وجہ سے کارروائی اورمقدمہ درج کیا گیا۔ملزمان پرسپرہائی وے کو بلاک کرنے اور ہنگامہ آرائی کے الزامات ہیں۔ ملزمان میں سمیرمیر شیخ، امجد،حسیب، محمد رمضان اور دیگر شامل ہیں پوليس کے مطابق ملزمان نے سپر ہائي وے کو بلاک کیا اور ہنگامہ آرائی کی جبکہ پولیس کے پہنچنے پر ملزمان فرار ہوگئے۔اس واقعے کا مقدمہ گڈاپ تھانے میں درج کیا گیا تھ

کراچی کے علاقے پاک کالونی کے میوہ شاہ قبرستان اور سائٹ میں فضا سے گرنے والے بھاری آہنی آلات قبروں، سڑک اور گھر میں دھنسنے کا معاملہ سامنے آیا تھا۔ایس ایس پی کیماڑی فدا حسین جانوری کی ہدایت پر متعلقہ تھانوں کی پولیس فوری طور پر حرکت میں آئی اور فوراً بم دسپوزل اسکواڈ کو بھی طلب کر لیا گیا۔عینی شاہدین کے بیانات لیے گئے اور بھاری آہنی آلات کا معائنہ کیا گیا تو وہ کسی اسٹیل مل کے بوائلر کے پارٹس ظاہر ہوے۔واضع رہے کہ چند گھنٹوں قبل میوہ شاہ قبرستان میں پراسرار اشیاء گرنے سے گڑھے پڑ گئےتھے اور قبریں بھی متاثر ہوئیں تھیں
پولیس کے مطابق اس سلسلے میں سائٹ کے علاقے ہارون آباد میں واقع اسٹیل مل سے معلومات لی گئیں تو گزشتہ رات اس اسٹیل مل میں بوائلر پھٹنے کے واقعہ کی تصدیق ہوئی جبکہ عینی شاہدین نے بھی یہ حصے رات کو گرنے کی تصدیق کی۔ایس ایس پی فدا حسین جانوری کے مطابق اسٹیل مل انتظامیہ کو مذکورہ آہنی آلات دکھائے گئے تو انہوں نے ان آلات کو بوائلر کے پارٹس کے طور پر شناخت کیا۔پولیس کے مطابق میوہ شاہ قبرستان میں یہ بھاری آہنی حصے گرنے سے قبروں کو نقصان پہنچا، پاک کالونی میں ہی ایک حصہ سڑک پر گرنے سے سڑک دھنس گئی جبکہ سائٹ میں آئی جی ایس بیٹری کی فیکٹری کے قریب ایک آہنی حصہ گھر میں گرا جس سے گھر کو نقصان پہنچا، اس واقعہ میں ایک شخص زخمی ہوا۔پولیس کے مطابق واقعہ شرپسندی ہے اور نا ہی آسمان سے کوئی پراسرار چیز گری ہے بلکہ یہ اسٹیل مل کے بوائلر کے بھاری بھرکم حصے ہیں، ایک کلو میٹر کے علاقے میں یہ بھاری حصے گرنے سے دھماکے کی شدت کا اندازہ لگایا جا سکتا ہے۔پولیس کے مطابق اس سلسلے میں تاحال کوئی مقدمہ درج نہیں کیا گیا اور نا ہی کوئی گرفتاری عمل میں آئی ہے تاہم معاملے کی مزید چھان بین کی جا رہی ہے۔

(پریس ریلیز) پاک سر زمین پارٹی کے چیئرمین سید مصطفی کمال نے کراچی-کوئٹہ-چمن سنگل ٹریک ہائی وے کو ڈبل ٹریک بنانے کے فیصلے کو خوش آئند قرار دیتے ہوئے کہا کہ کراچی-کوئٹہ-چمن ہائی وے کو ڈبل کیرج بنانے کا مطالبہ پی ایس پی کے دیرینہ مطالبہ تھا۔ پی ایس پی کی جانب سے کوئٹہ 19 مارچ کے عوامی پاور شو میں ڈبل کیرج ہائی وے کے مطالبے نے زور پکڑا جسکے باعث آج حکومت نے کراچی کوئٹہ ڈبل ٹریک ہائی وے کا ٹینڈر جاری کیا پاک سر زمین پارٹی حکومتی فیصلے کا خیر مقدم کرتی ہے۔ ان خیالات کا اظہار انہوں نے این اے 249 اتحاد ٹاؤن میں سینکڑوں پختون نوجوانوں کی پاک سر زمین پارٹی میں شمولیت کے موقع پر کیا۔ انہوں نے مزید کہا کہ پاک سر زمین پارٹی پاکستان کے ہر فرد کی جماعت ہے، ہم ہی جانتے ہیں کہ مسائل کو حل کیسے کرنا ہے۔ ہمارے علاؤہ پاکستان کے پاس اب کوئی دوسرا آپشن نہیں۔ پی ایس پی حکومت سے مطالبہ کرتی ہے کہ کراچی-کوئٹہ-چمن ڈبل کیرج ہائی وے کے کام جو جلد از جلد مکمل کیا جائے اور اس بات جو یقینی بنایا جائے کہ دوران تکمیل کسی قسم کا کوئی سرکاری یا غیر سرکاری رخنہ نا ڈالا جاسکے کیونکہ کراچی تا کوئٹہ سنگل ٹریک ہائی وے کی وجہ سے روزانہ ٹریفک حادثات میں قیمتی انسانی جانیں ضائع ہورہی ہیں۔