Category: کراچی

کراچی کے آئی جی سندھ مشتاق احمد مہر نے براہ راست وفاقی حکومت کو خط کیوں لکھا، وزیر اعلی سندھ نے اظہار ناراضگی کیا ہے۔صوبائی محکمہ داخلہ نے آئی جی پولیس مشتاق مہر کو خط لکھ کر مجاز اتھارٹی کی ناراضگی سے آگاہ کیا اور خط میں کہا ہے کہ مستقبل میں اس قسم کے اقدامات سے گریز برتا جائے۔آئی جی سندھ نے تیس مارچ کو اسٹبلشمنٹ ڈویژن کو خط ارسال کیا تھا جس میں بعض پولیس افسران کی خدمات وفاقی حکومت کو واپس لینے کی سفارش کی تھی۔محکمہ داخلہ نے آئی جی سندھ کے اس خط کو خلاف قانون قرار دیا اور کہا کہ آئی جی سندھ نے گورنمنٹ رولز آف بزنس 1986 کی صریحا خلاف ورزی کی ہے۔ محکمہ داخلہ نے آئی جی سندھ پولیس کو لکھے گئے تنبیہی خط میں کہا ہے کہ وفاق اور دیگر صوبائی حکومتوں کو وزیر اعلی سندھ کی منظوری بغیر خط نہیں لکھاجاسکتا ہے لہذا مستقبل میں اس طرح کے اقدامات سے گریز کیا جائے۔

تفصیلات کے مطابق میونسپل کمشنر بلدیہ وسطی ڈاکٹر سید محمد علی زیدی نے ضلع وسطی کے عوام کی سہولت اور ڈائلیسیس کے مریضوں کو موت کے منہ میں جانے سے بچانے کے لئے پبلک پرائیویٹ اشتراک سے ڈائلیسس مشینیں لگانے کا منصوبہ تیارکیا ہے جو ضلع وسطی کی عوام خصوصا اہلیانِ نیو کراچی و نارتھ کراچی کے لئے ایک اچھی خبر ہے۔ اس سلسلے میں بلدیہ وسطی اور JDC کے اشتراک سے مزکورہ ڈسپینسری میں ڈائلیسس مشینیں لگائی جائیں گی جہاں پر ضلع وسطی کی غریب مریضوں کو ڈائلیسس کی سہولیات میئسر آسکے گی ،اس سلسلے میں میونسپل کمشنر بلدیہ وسطی ڈاکٹر سید محمد علی زیدی نے آج JDC کے روحِ رواں ظفر عباس کے ہمراہ نارتھ کراچی میں واقع عمر خان ڈسپینسری کا دورہ کیا اور وہاں موجود علاج معالجہ کی سہولیات اور دوائوں کے اسٹاک کے بارے میں تفصیلات سے آگاہی حاصل کی چیف میڈیکل آفیسر بلدیہ وسطی ڈاکٹرشگفتہ ناز نے ڈسپینسری میں کام کرنے والے ڈاکٹرز اور پیرامیڈیکل اسٹاف کے حوالے سے تفصیلات مہیاء کیں۔ مذکورہ ڈسپینسری میں ڈائلیسس کی انتہائی جدید5 مشینیں ،آر او پلانٹ،جنریٹر اور مریضوں کے لئے ریفریشمنٹ کی سہولت بھی مہیاء کی جائیگی ۔واضح رہے کہ گردوں کے امراض میں مبتلا مریضوں کی تعداد میں مسلسل اضافہ دیکھنے میں آرہا ہے جبکہ ڈائلیسس پر آجانے والے مریضوں کی بہت کم تعداد ڈائلیسیس کا خرچہ برداشت کرنے کے قابل ہوتی ہے نتیجے کے طور پر ڈائلیسس پر آجانے والے مریضوں کی اکثریت موت کا شکار ہو جاتی ہے جس میں غریب مریضوں کی تعداد زیادہ ہوتی ہے۔ اگرچہ اس منصوبہ کو عملی طور پر خدمات انجام دینے میں کچھ وقت لگے گا لیکن۔ اگر ہو جذبہ ِتعمیر زندہ ۔تو پھر کس بات کی ہم میں کمی ہے ۔

کراچی: سندھ ہائی کورٹ نے رہنما پاکستان پیپلز پارٹی نثار کھوڑو کو بیرون ملک جانے کی اجازت دے دی ہے تفصیلات کے مطابق سندھ ہائی کورٹ نے آمدن سے زائد اثاثے اور منی لانڈرنگ کے الزامات کے کیس میں پاکستان پیپلز پارٹی کے رہنما نثار کھوڑو کی بیرون ملک جانے سے متعلق درخواست پر سماعت ہوئی۔ دوران سماعت عدالت نے نثار کھوڑو کا نام ایگزٹ کنٹرول لسٹ سے نکالنے کا حکم دیتے ہوئے انہیں نو اپریل سے انیس مئی تک بیرون ملک جانے کی اجازت دے دی۔ نیب کی جانب سے پی پی رہنما کو بیرون ملک جانے کی اجازت دینے کی مخالفت کی گئی، نیب پراسیکیوٹر نے عدالت کو آگاہ کیا کہ نثار کھوڑو کےخلاف نیب انکوائریاں کررہا ہے، نثارکھوڑو کو باہر جانےکی اجاز ت نہ دی جائے، خدشہ ہے کہ ملزم باہر جانےکے بعد وطن واپس نہیں آئےگا۔ اس موقع پر وکیل نثار کھوڑو نے عدالت کو بتایا کہ نثارکھوڑو کی فیملی ملک سے باہر مقیم ہے، کرونا اور لاک ڈاؤن کے باعث نثار کھوڑو فیملی سے نہیں ملے، تاہم عدالت نے نیب کی استدعا مسترد کی اور پی پی رہنما نثار کھوڑو کو بیرون ملک جانے کی اجازت دےدی۔ واضح رہے کہ سندھ ہائی کورٹ آمدن سے زائد اثاثے اور منی لانڈرنگ کے الزامات میں پہلے ہی پاکستان پیپلز پارٹی کے رہنما نثار کھوڑو کی عبوری ضمانت میں توسیع کرچکی ہے۔

کراچی ہیٹ ویو کی لپیٹ میں ہے، آج بھی موسم گرم اور خشک رہنے کا امکان ہے، پارہ 41 ڈگری کو چھوسکتا ہے محکمہ موسمیات کے مطابق آئندہ 24 گھنٹوں کے دوران موسم گرم اور خشک رہنے کا امکان ہے، کم سے کم درجہ حرارت 22 ڈگری سینٹی گریڈ ریکارڈ کیا گیا ہے جبکہ زیادہ سے زیادہ درجہ حرارت 39 سے 41 ڈگری کے درمیان رہنے کا امکان ہے۔شہر قائد میں شمال مغرب سے 10 کلومیٹر فی گھنٹہ کی رفتار سے ہوائیں چل رہی ہیں جن میں نمی کا تناسب 8 فیصد ہے شہر میں آج کہر ہے اور ایئرپورٹ کےقریب حدنگاہ 4 کلومیٹر ہے۔

چیئرمین پی ایس پی اور این اے 249 سے پی ایس پی کے امیدوار سید مصطفیٰ کمال نے کہا کہ کراچی پاکستان کا معاشی حب ہونے کے باوجود بنیادی سہولیات سے محروم ہے۔ موجودہ اور ماضی کے حکمرانوں کو کراچی کے بنیادی مسائل حل کرنے میں کوئی دلچسپی نہیں، یہی وجہ ہے کہ میرے دور نظامت میں تیزی سے ترقی کرنے والا شہر کراچی آج دنیا کے چار بدترین رہائشی شہروں میں شامل ہوچکا ہے۔ انہوں نے کہا کہ کراچی کے مسائل کا حل صرف پی ایس پی کے پاس ہے کیونکہ کراچی آخری دفعہ ہمارے ہاتھوں سے بنا تھا نہ اسے پہلے کبھی بنا نہ اس کے بعد بنا ہے۔ وزیراعظم کے چودہ ایم این ایز ان کو کراچی کے مسائل اور انکا حل نہیں بتا سکتے جو مصطفیٰ کمال اکیلا سمجھا سکتا ہے۔ ان خیالات کا اظہار انہوں نے بلدیہ ٹاؤن یوسی24 مارکیٹ، یوسی 30 میں مختلف برادریوں سے ملاقاتوں اور شجاعت کالونی UC35 میں منقعدہ اجتماعات سے خطاب کرتے ہوئے کیا۔ اس موقع پر عوام نے ضمنی انتخابات حلقہ این اے 249 میں بھرپور تعاؤن کرنے کی یقین دہانی کرائی۔ دریں اثنا پاک سر زمین پارٹی کی جانب میں این اے 249 میں انتخابی مہم زورو شور سے جاری ہے۔

وزیر ٹرانسپورٹ سندھ اویس قادر شاہ کا کہنا ہے کہ الیکٹرک بس کا آج سے کراچی کے روڈ پر ٹرائل رن شروع ہوگیا ہے، کراچی بس ٹرمینل پر ایک چارجنگ اسٹیشن لگایا گیا ہے۔ وزیر ٹرانسپورٹ سندھ اویس قادر شاہ نے بتایا کہ کراچی میں پاکستان کی پہلی الیکٹرک بس چلائی جا رہی ہے، اس کا 60 دن کا ٹرائل رکھا گیا ہے تاکہ دیکھا جائے کون سی مشکلات آرہی ہہیں اویس قادر شاہ نے کہا کہ اس سال کے آخر تک الیکٹرک بسوں کی تعداد 100 ہوجائے گی۔صوبائی وزیر ٹرانسپورٹ نے بتایا کہ گرین لائن بس کا سندھ حکومت سے تعلق نہیں، یہ وفاقی پروجیکٹ ہے،جبکہ کچھ پروجیکٹ ایسے تھے جو اب تک گراؤنڈ پر آجانا چاہئے تھے۔انہوں نے کہا کہ ریڈ لائن پروجیکٹ سندھ حکومت اور ایشین ڈویلپمنٹ بینک کا ہے، اپریل کے آخر تک ریڈ لائن کی کنسٹرکشن کا فیز شروع ہوجائے گا۔

کراچی کے علاقے بلدیہ ٹائون میں نامعلوم افراد کی فائرنگ سے 1 شخص جاں بحق ہو گیا۔پولیس کے مطابق واقعہ اتحاد ٹائون خیبر چوک کے قریب پیش آیا جہاں نامعلوم ملزمان نے 28 سالہ فیاض کو اس کے گھر کے قریب فائرنگ کر کے قتل کر دیا۔ پولیس کے مطابق ابتدائی طور پر واقعہ ذاتی دشمنی کا شاخسانہ لگتا ہے تاہم مختلف پہلوئوں سے واقعے کی تفتیش کی جا رہی ہے۔پولیس کی جانب سے جائے وقوع سے شواہد اکٹھے کر لیئے گئے ہیں جبکہ مقتول کی لاش کو پوسٹ مارٹم کے لیے اسپتال منتقل کر دیا گیا ہے۔

رکن سندھ اسمبلی و امیر جماعت اسلامی سید عبدالرشید کا شہریوں کو نقصان پہنچانے والے کتے کو مارنے پر 108 روپے انعام دینے کا اعلان شہریوں کے جان و مال کا تحفظ سرکار کی ذمہ داری ہے کتوں کے کاٹنے کے کیسزز پر مسلسل خاموشی افسوسناک ہے،لیاری پی ایس 108 کے مکینوں کی کتوں سے حفاظت کے لیے نقصان پہنچانے والے کتے کو مارنے والے شہری کو 108 روپے کا انعام دونگا،موٹر سائیکل سواروں کے پیچھے بلا وجہ کتے بھاگتے ہیں جن سے خوفزدہ ہو کر شہری حادثات کا شکار ہو رہے ہیں،کتے کے کاٹنے کی ویکسین بھی نہیں اور کتے کو مارنے کی دوائی بھی نہیں تو بتایا جائے کیا انسانوں کو مارنے کے لیے انکو پالا جا رہا ہے،جن کو کتوں سے محبت ہے وہ شہریوں کو نقصان پہنچانے والے کتوں کو اپنے گھر پر پناہ دیں اور انکے کھانے کا انتظام کریں،اب اگر کسی کی کتے کے کاٹنے پر موت ہوئی تو پرچہ متعلقہ ادارے کے خلاف خود درج کروانگا .

لاپتہ افراد کی بازیابی کیلئے حکومت کو دیا جانے والا ڈیڈلاک اب 31مارچ کو ختم ہوگیا جوائنٹ ایکشن کمیٹی فار شیعہ مسنگ پرسنز 2 اپریل کو شروع ہونے والا دھرنا لاپتہ عزاداروں کی بازیابی تک جاری رہے گا۔ جوائنٹ ایکشن کمیٹی فار شیعہ مسنگ پرسنز. جوائنٹ ایکشن کمیٹی فار شیعہ مسنگ پرسنز کے رہنما وں اور اہل خانہ کی پریس کانفرنس۔۔۔۔
کراچی جوائنٹ ایکشن کمیٹی فار مسنگ پرسنز کے رہنماوں اور لاپتہ افراد کے اہل خانہ نے خراسان روڈ پر پریس کانفرنس کرتے ہوئے اعلان کیا ہے کہ 2 اپریل کو شروع ہونے والا دھرنا لاپتہ عزاداروں کی بازیابی تک جاری رہے گا۔شیعہ لاپتہ عزاداروں کی بازیابی کیلئے کام کرنے والے ملت جعفریہ کی نمائندہ تنظیموں کے مشترکہ پلیٹ فارم جوائنٹ ایکشن کمیٹی فار مسنگ پرسنز کی جانب سے احتجاج میں شامل ہونے کیلئے شہر بھر سے گاڑیاں چلائی جائیں گی۔مشترکہ پریس کانفرنس سے خطاب میں علامہ احمد ابال رضوی نے 2 اپریل کو لاپتہ عزاداروں کی عدم بازیابی کے خلاف احتجاجی دھرنے کا اعلان کرتے ہوئے کہا ہے کہ یہ دھرنا لاپتہ عزاداروں کی بازیابی تک جاری رہے گا۔پریس کانفرنس میں مجلس وحدت مسلمین، شیعہ علماء کونسل، ھیئت ائمہ مساجد وعلمائے امامیہ، امامیہ اسٹوڈنٹس آرگنائزیشن سمیت لاپتہ عزاداروں کے اہل خانہ شامل تھے۔ علامہ احمد اقبال رضوی نے کہا کہ مسنگ پرسن کمیٹی کی جانب سے لاپتہ افراد کی بازیابی کیلئے حکومت کو دیا جانے والا ڈیڈلاک اب 31مارچ کو ختم ہوگیا۔پر امن احتجاج ہمارا آئینی و قانونی حق ہے ہم تقریبا 2 سال سے مختلف ریاستی اداروں کے رابطے میں ہیں مگر کوئی عمل درآمد نہیں ہوا۔اب ہم2 اپریل سے ملک گیر احتجاج پر جارہے ہیں اور ہمارے ساتھ تمام ملکی سیاسی و مذہبی جماعتیں موجود ہونگی۔احتجاج اس وقت تک جاری رہے گا جب تک مسنگ پرسنز بازیاب نہیں ہوجاتے۔کانفرنس سے خاب کرتے ہوئے علامہ ناظر عباس تقوی نے کہا کہ شیعہ جبری گمشدہ افراد اس ملک کے شہری ہیں۔ ریاست ملک دشمن دہشتگرد عناصر کومعافی دیتی ہے اور انہیں گلے لگاتی ہے لیکن محب وطن شیعہ عزادار لاپتہ ہیں شیعہ مسنگ پرسنز کو کیوں ریلیف نہیں دیا جاتا۔کانفرنس سے خطاب میں رہنما علامہ حیدر عباس عابدی نے کہا کہ پوری دنیا میں شیعہ مسنگ پرسنز کے حوالے سے ہمارے ملک کی بدنامی ہورہی ہے تاہم ادارے اس بات کو سنجیدہ نہیں لے رہے۔ اگر ان لاپتہ عزاداروں نے کوئی جرم کیا ہے تو انہیں عدالتوں میں پیش کیا جائے اور اگر وہ بے گناہ ہیں تو انہیں بازیاب کیا جائے۔

‏چیئرمین پاک سرزمین پارٹی سید مصطفی کمال کا انتخابی مہم کے سلسے میں حلقہ ‎#NA249 بلدیہ ٹاؤن 24 کی مارکٹ کا دورہ کیا اور انجمن تاجران کے تاجروں سے ملاقات کی ، تاجر برادری نے الیکشن میں اپنی بھرپور حمایت کا اعلان کیا- ‏ بلدیہ ٹاؤن 24 کی مارکٹ میں جامعہ مسجد بلال میں نمازِ عصر ادا کی اور علاقے کی عوام سے ملاقات کی، ‏پاک سرزمین پارٹی کے صدر انیس احمد قائم خانی سے نارتھ کراچی سے تعلق رکھنے والے علمآ سرائیکی اتحاد ونگ کے مرکزی سیکریٹری نشرو اشاعت محمد حنیف کی قیادت میں ایک وفد نے ‎#NA249 کے مرکزی الیکشن آفس میں ملاقات کی اور ضمنی الیکشن میں مکمل حمایت کا یقین دلایا۔ وائس چیئرمین سیدحفیظ الدین،ڈاکٹر ارشد وہرا،ممبر نیشنل کونسل ہمایوں عثمان راجپوت،نائب صدر ڈسٹرک کیماڑی محمد فیاض کی ملک نثار ،حاجی محمد اشرف اور انکے احباب کے ساتھ اہم ملاقات۔ الیکشن مہم تیز کرنے اور نئی شمولیت کے امور پر گفتگو ہوئی۔ پاک سرزمین پارٹی کی انتخابی مہم برائے حلقہ ‎#NA249 زور شور سے جاری مرکزی اکیکشن افس پر عوام کا رش، صدر انیس قائمخانی سمیت دیگر مرکزی رہنماء بھی موجود ہیں۔پاک سرزمین پارٹی کی انتخابی مہم برائے حلقہ ‎#NA249 زور شور سے جاری چیئرمین سید مصطفی کمال نے بلدیہ ٹاون، 24 کی مارکٹ، یوسی 30 میں الیکشن افس کا افتتاح کیا اور عوام سے خطاب کیا۔ سعیدآباد, بلدیہ ٹاؤن 24 کی مارکیٹ میں چیئرمین پاک سرزمین پارٹی سید مصطفیٰ کمال کی دکانداروں سے ملاقات، دوکانداروں کی جانب سے الیکشن میں بھرپور ساتھ دینے کا عزم۔ یوسی 32 ، محمدی کالونی میں معززین کی دعوت پر علاقے کا دورہ اور عوامی رابطہ مہم سے خطاب، علاقے کے معززین نے مصطفیٰ کمال پر بھرپور اعتماد کا اظہار کیا۔ حلقہ ‎#NA249 کے مرکزی الیکشن افس میں شاہ وہرام صاحب کی ملاقات کے بعد PSP میں شمولیت کا اعلان کیا اور اتخابی مہم میں بھرپور ساتھ دینے کی یقین دہانی کرائی۔ چیئرمین پاک سرزمین پارٹی سید مصطفیٰ کمال کی بلدیہ ٹاؤن میں سابقہ جنرل کونسلر یوسی 30 کے جمہ موتی کے انتقال پر تعزیت کیلئے ان کے گھر آمد اور اہل خانہ سے ملاقات۔