Category: کراچی

کراچی میں 17 سالہ لڑکی نے گھر میں گولی مار کر خودکشی کر لی۔ ریسکیو ذرائع کے مطابق واقعہ گلبرگ بلاک 12 میں پیش آیا جہاں گھر میں لڑکی نے خود کو گولی ‏مار کر زندگی کا خاتمہ کر لیا۔ اطلاع ملنے پر ریسکیو ٹیم نے لاش کو ایمبولینس کے ذریعے عباسی شہید اسپتال منتقل کیا جہاں ‏لڑکی کی شناخت لائبہ دختر اقبال کے نام سے ہوئی۔اطلاع ملنے پر ریسکیو ٹیم نے لاش کو ایمبولینس کے ذریعے عباسی شہید اسپتال منتقل کیا جہاں ‏لڑکی کی شناخت لائبہ دختر اقبال کے نام سے ہوئی۔ دوسری جانب منظور کالونی میں ایک شخص نے خودکشی کر لیا، 28 سالہ فرقان کی پھندا لگی ‏لاش گھر سے ملی۔ پولیس نے لاش تحویل میں لےکر کارروائی شروع کر دی ہے۔

چیف سیکریٹری سندھ سید ممتاز علی شاہ نے کہا ہے کہ رواں سال جولائی سے ریڈ لائن منصوبے پر کام شروع کیا جائے گا اور اس منصوبے پر چلنے والی 250 بسیں ماحول دوست بایوگیس پر مبنی ہوں گی۔ریڈ لائن بی آر ٹی منصوبے سے متعلق چیف سیکریٹری سندھ سید ممتاز علی شاہ کی زیر صدارت اجلاس منعقد ہوا جس میں سیکریٹری ٹرانسپورٹ اینڈ ماس ٹرانزٹ شارق احمد، کمشنر کراچی نوید احمد شیخ، منصوبے کے سی ای او واصف اجلال، جنرل مینیجر سید مرتضیٰ اصغر اور احمد قدوائی نے شرکت کی۔
اجلاس میں سی ای او ٹرانز کراچی واصف اجلال نے بتایا کہ ریڈ لائن کی فزیبلٹی اسٹڈی کے مطابق اس پروجیکٹ کا اپنا ایک بائیو گیس پلانٹ ہوگا جولانڈھی کیٹل کالونی میں واقع ہوگا ، جہاں 3000 ٹن مویشیوں کا فضلہ روزانہ بائیوگیس بنانے کے لئے استعمال ہوگا، بائیو گیس پلانٹ روزانہ 11 ٹن کمپریسڈ بائیو گیس (سی بی جی) ان بسوں کو فراہم کرے گا اور وقت گزرنے کے ساتھ ساتھ اس میں طلب کے حساب سے اضافہ کیا جائے گا۔اجلاس میں بتایا گیا کہ سندھ حکومت کی جانب سے ایشین ڈویلپمنٹ بینک کے تعاون سے 500 ملین ڈالر کے بس ریپیڈ ٹرانزٹ سسٹم (بی آرٹی ایس) ریڈ لائن بس منصوبے کی ابتدائی منصوبہ بندی مکمل کرلی گئی ہے جس کے تحت خصوصی کوریڈور ملیر ہالٹ تا نمائش چورنگی براستہ یونیورسٹی روڈ تعمیر کیا جائے گا، ریڈ لائن منصوبے کی خاص بات یہ ہے کہ پیپلز چورنگی سے لے کر صفورا چورنگی تک سائیکلنگ ٹریک بھی تعمیر کیا جائے گا، شہر میں پہلی بار بی آر ٹی ایس کا نیا نظام تھرڈ جنریشن متعارف کرایا جارہا ہے جس میں ریڈ لائن بس منصوبےکےخصوصی کوریڈور سے 8 روٹس مزید منسلک ہوں گے۔اجلاس میں بتایا گیا کہ تھرڈ جنریشن کی خصوصیت یہ ہے کہ مین کوریڈور کے ساتھ دیگر روٹس بھی منسلک ہوتے ہیں اور ان کی بسیں بھی اسی کوریڈور پر چلتی ہیں ماڈل کالونی تا نمائش چورنگی پر ریڈ لائن بس سروس بھی چلے گی اور اس کے ساتھ دیگر 8 روٹس کی پبلک ٹرانسپورٹ بھی اس کوریڈور پر آپریٹ ہونگی تاہم یہ ساری نئی بسیں ہونگی۔
اس ضمن میں سندھ حکومت بس انڈسٹری ری اسٹرکچرنگ پروگرام تشکیل دے رہی ہے جس کے تحت ریڈ لائن سےمنسلک موجودہ 8روٹس پر آپریٹ ہونےوالی پبلک ٹرانسپورٹ کے مالکان کو ترغیب دی جائیگی کہ وہ اپنی بسیں اسکریب کردیں اور حکومت کی پبلک پرائیوٹ پارٹنر شپ کے تحت نئی بسیں خرید کر ان روٹس پر آپریٹ کریں۔ چیف سیکریٹری سندھ سید ممتاز علی شاہ نے کہا کہ بائیو میتھین کے استعمال سے شہر میں کاربن کے اخراج کی سطح میں بھی نمایاں کمی واقع ہوگی۔
ممتاز علی شاہ نے مزید کہا کہ منصوبے کی تکمیل سے 3 لاکھ 50 ہزار سے زائد مسافروں کو روزانہ سفری سہولتیں ملیں گی، ریڈ لائن کا خصوصی کوریڈور نو تعمیر شدہ یونیورسٹی روڈ سے گذرے گا تاہم یہ سڑک کی بیچ فٹ پاتھ پر تعمیر ہوگا اور کوریڈور کے ساتھ 25000 پودے بھی لگائیں جائیں گے، ریڈ لائن بی آر ٹی ماحول دوست بائیوگیس پر مبنی ہوگی۔
چیف سیکریٹری سندھ نے تمام یوٹیلیٹی فراہم کرنے والے اداروں کو ہدایت کرتے ہوئے کہا کہ وہ منصوبے کے بیچ آنے والے تمام اثاثے بشمول پائیپ، تاریں منتقل کریں۔

کراچی:  محکمہ داخلہ سندھ کے جاری کردہ حکم نامے کے مطابق  جلسے جلوسوں سمیت سماجی تقریبات پر مکمل پابندی کا فیصلہ کیا گیا ہے جب کہ کراچی سمیت سندھ میں 6 اپریل سے شادی ہال مکمل طور بند کرنے کا بھی فیصلہ کیا گیا ہے۔ نوٹیفکیشن کے مطابق  ریسٹورنٹ میں اندر کھانے پر پابندی ہوگی۔ریسٹورنٹ رات 10 بجے تک ٹیک اوے اور آؤٹ ڈور ڈائننگ کے ساتھ کھلے رکھنے کی اجازت ہوگی۔ اسی طرح کاروباری مراکز صبح 6 تا رات 8 بجے تک کھلے رکھنے کا فیصلہ کیا گیا ہے تاہم میڈیکل اسٹور ، کلینک ، اسپتال ، پٹرول پمپ اور بیکریز دس بجے کے بعد کھلے رکھنے کی اجازت ہوگی۔ حکم نامے کے مطابق شادی بیاہ کی تقریبات کی ہفتے میں 2 دن اجازت ہوگی اور 5 اپریل تک فیملی میمبرز کے ساتھ شادی کی تقریب کھلے میدان میں کرنے کی اجازت ہوگی۔ تاہم  6 اپریل سے شادی ہالز مکمل طور پر بند کردیے جائیں گے۔ محکمہ داخلہ کے جاری کردہ نوٹیفکیشن کے مطابق نجی اور سرکاری اداروں میں آدھا عملہ رکھنے کی ہدایت بھی کی گئی ہے۔ نئے ایس او پیز 11 اپریل تک قابل عمل ہوں گے۔

سندھ صرافہ بازار جیولرز ایسوسی ایشن کے مطابق فی تولہ سونا 2800 روپے سستہ ہوگیا ہے جس کے بعد ملک میں سونےکی فی تولہ قیمت ایک لاکھ2 ہزار 900 روپے ہوگئی ہے۔ 10گرام سونے کی قدر میں بھی 2401 روپے کی بڑی کمی ہوئی ہے اور 10 گرام سونا 88 ہزار 220 روپےکا ہوگیا ہے۔ صرافہ بازار جیولرز ایسوسی ایشن کے مطابق عالمی صرافہ مارکیٹ میں سونے کی فی اونس قدر 42 ڈالر کم ہوکر ایک ہزار 685 ڈالر ہوگئی ہے۔

انڈس اسپتال کے سی ای او ڈاکٹر عبدالباری خان نے کہاہے کہ70فیصد آبادی کو کورونا وائرس کی ویکسین لگ جائے تو مدافعت ڈیولپ ہو جائے گی۔خصوصی گفتگو کرتے ہوئے انہوں نے کہا کہ کورونا وائرس کی ویکسین کی دستیابی کی صورتِ حال دیکھتے ہوئے 70 فیصدآبادی کی ویکسینیشن میں سال لگ سکتا ہے۔اور کورونا وائرس کی ویکسین کے بغیر حفاظت نہیں ہو سکے گی، جب تک ایک بھی مریض رہے گا یہ وبا ختم نہیں ہو گی۔ انہوں نے کہاکہ کورونا وائرس کی ویکسین سنگل یا ڈبل ڈوز والی دونوں بہتر ہیں۔

‏قائد حزب اختلاف سندھ اسمبلی حلیم عادل شیخ کے مختلف اضلاع کے دو روزہ دورے پر روانگی سے قبل کراچی میں وڈیو پیغام دیتے ہوئے کہا آج دو ماہ بعد سندھ کی عوام میں جارہے ہیں دو ماہ تک سندھ کے حکمرانوں نے میری آواز بند کرنے کی کوشش کی تھی۔‏وزیر اعلی سندھ کا مشکور ہوں جنہوں نے میری آواز بند کرانے کی کوشش کی۔ حلیم عادل شیخ نے مزید کہا الحمد اللہ میرے اور تمام ورکروں کے جذبے پہلے سے زیادہ مضبوط ہوگئے ہیں وزیر اعظم عمران سے ملاقات کرکے آیا ہوں سندھ میں تبدیلی آنی ہے وزیر اعظم سندھ کی عوام کے مسائل پر فکرمند ہیں۔‏سندھ میں تبدیلی آتے آتے رہ گئ اب تبدیلی کا وقت آگیا ہے۔ انہوں نے کہا سندھ کے کرپٹ حکمرانوں نے عوام سے بنیادی سہولیات تک چھین لی ہیں صحت تعلیم صاف پانی سمیت دیگر سہولیات عوام کو میسر نہیں سندھ کی عوام کو درپیش مسائل معلوم کرنے آج دو دن کے لئے نکلیں ہیں۔سندھ حکومت کا شکریہ جنہوں نے گھوٹکی کا کیس بھی مجھ پر بنایا۔ جب جب پیشی ہوگی اسی طرح عوام سے ملتے ہوئے پہنچے گے آج ہمارے مخالف دیکھیں گے کس طرح پی ٹی آئی کے کارکنوں کے جذبے جوان ہیں.

کل بروز منگل الیکٹرک بس کا افتتاح ہوا۔ الیکٹرک بس اور سندھ حکومت کی تشہیر پر پی ٹی آئی رہنماء خرم شير زمان کا موقف بیان کرتے ہوئے کہا کہ بیگانے کی شادی میں سندھ حکومت دیوانی، پچھلے 14 سال سے عوام چنگچی اور کھٹارا بسوں پر دھکے کھا رہے ہیں۔ سندھ حکومت پرائیویٹ بسوں پر اپنی تختی لگانے پہنچ پڑے۔ بدلتے وزراء اعلانات پر اعلانات کرکے غائب ہوتے رہتے ہیں۔ لیکن کراچی کے شہریوں کو سفری سہولیات مہیا نہیں کرکسے۔