Category: کراچی

محکمہ ایکسائز سندھ کی کاروائی۔۔ 40 کلو گرام چرس برآمد۔ ایک ملزم گرفتار
منشیات فروشوں کے خلاف مسلسل کامیابیاں افسران کی محنت کا نتیجہ ہیں۔ صوبائی وزیر برائے انسداد منشیات مکیش کمار چاؤلہ۔
کراچی باغی ٹیوی کے نمایندہ کےمطابق 26 مارچ کو محکمہ ایکسائز سندھ نے ایک اور کامیاب کارروائی کرتے ہوئےخیبرپختونخوا سے کراچی چرس لانے کی کوشش ناکام بنادی۔ تفصیلات کے مطابق ایکسائز اینڈ نارکوٹکس انسپکٹر حسن علی دشتی نے سندھ پنجاب بارڈر کمبوہ شہید چیک پوسٹ پر اپنے عملے کے ہمراہ مشکوک ٹرک نمبر او کے آئی-1222 کی تلاشی کے دوران 40 کلو گرام چرس برآمد کرلی۔
چرس صوبہ خیبرپختونخوا سے کراچی لائی جارہی تھی جبکہ ایک ملزم رشید سکنہ اٹک گرفتار کرکے اس کے خلاف مقدمہ درج کر کے تفتیش شروع کردی گئی ہے۔ علاوہ ازیں صوبائی وزیر برائے ایکسائز اینڈ ٹیکسیشن و انسداد منشیات اور پارلیمانی امور مکیش کمار چاؤلہ نے کامیاب کارروائی پر ایکسائز پولیس اباڑرو کو مبارکباد دیتے ہوئے کہا ہے کہ منشیات فروشوں کے خلاف مسلسل کامیابیاں افسران و اہلکاروں کی محنت کا نتیجہ ہیں اور انہیں پوری امید ہے کہ افسران اسی جذبے سے منشیات فروشوں کے خلاف اپنی کاروائیاں جاری رکھیں گے۔

ایس ایس پی سٹی سرفراز نواز صاحب کے احکامات پر سٹی کورٹ اور نیپئر پولیس نے مختلف کاروائیوں میں (3) موٹر سائیکل لفٹرز کو گرفتار کرتے ہوئے علاقہ تھانہ سٹی کورٹ, بریگیڈ, رسالہ اور آرام باغ کے علاقوں سے (4) چوری شدہ موٹر سائیکلز برآمد کر لیں.سٹی کورٹ پولیس نے بمقام طاہر سیف الدین روڈ کے قریب کاروائی کرتے ہوئے (1) موٹر سائیکل لفٹر کو گرفتار کرتے ہوئے علاقہ تھانہ سٹی کورٹ اور علاقہ تھانہ بریگیڈ سے چوری ہونے والی موٹر سائیکلز برآمد کر لیں, ایس ایس پی سٹی. گرفتار ملزم کے قبضہ سے (2) چوری شدہ موٹر سائیکلز سمیت موٹر سائیکل چوری کرنے میں مددگار ثابت ہونے والے آلات برآمد کیے گئے, ایس ایس پی سٹی. گرفتار ملزم کا نام سید قاسم رضا ولد محمد رضا ہے. گرفتار ملزم شہر کے مختلف علاقوں سے موٹر سائیکل چوری کیا کرتا تھا. برآمد چوری شدہ موٹر سائیکل نمبری KIU-4794 کی ایف آئی آر نمبر 40/2021 بجرم دفعہ 381-A تھانہ سٹی کورٹ میں درج ہے. برآمد چوری شدہ موٹر سائیکل نمبری KMS-6637 کی ایف آئی آر نمبر 145/2021 بجرم دفعہ 381-A تھانہ بریگیڈ میں درج ہے, ایس ایس پی سٹی.گرفتار ملزم پیشہ وارانہ عادی مجرم ہے ملزم کے خلاف اس سے قبل بھی کئی مقدمات مختلف تھانہ جات میں درج ہیں, ایس ایس پی سٹی. ایف آئی آر نمبر 405/2019 بجرم دفعہ 381-A تھانہ تیموریہ. ایف آئی آر نمبر 89/2020 بجرم دفعہ 381-A تھانہ گبول ٹاؤن. ایف آئی آر نمبر 225/2020 بجرم دفعہ 23(I)A تھانہ نیو کراچی. ایف آئی آر نمبر 102/2020 بجرم دفعہ 381-A تھانہ پاپوش نگر. ایف آئی آر نمبر 231/2020 بجرم دفعہ 381-A تھانہ تیموریہ. ایف آئی آر نمبر 135/2021 بجرم دفعہ 380/457 تھانہ تیموریہ.گرفتار ملزم کے خلاف مقدمات بالا کے تحت تفتیش جاری. گرفتار ملزم سے دیگر ساتھیوں کے متعلق پوچھ گچھ جاری. نیپئر پولیس نے کاروائی کے دوران دو موٹر سائیکل لفٹر کو گرفتار کرتے ہوئے علاقہ تھانہ آرام باغ اور علاقہ تھانہ رسالہ سے چوری ہونے والی موٹر سائیکلز برآمد کرلیں, ایس ایس پی سٹی. گرفتار ملزمان کے قبضہ سے دو چوری شدہ موٹر سائیکلز برآمد کی گئی, ایس ایس پی سٹی.گرفتار ملزمان میں کامران عرف منا ولد محمد صادق اور فراز ولد فقیر محمد شامل ہیں. گرفتار ملزمان شہر کے مختلف علاقوں میں موٹر سائیکل چوری/چھیننے کی وارداتیں کیا کرتے تھے, ایس ایس پی سٹی. برآمدہ چوری شدہ موٹر سائیکل نمبری KEQ-1814 کی ایف آئی آر نمبری 101/2021 بجرم دفعہ 381-A تھانہ آرام باغ میں درج ہے. برآمدہ چوری شدہ موٹر سائیکل نمبریKGY-1172 کی ایف آئی آر نمبری 74/2021 بجرم دفعہ 381-A تھانہ رسالہ میں درج ہے. گرفتار ملزمان کے خلاف مقدمات بالا کے تحت تفتیش جاری.گرفتار ملزمان سے دیگر ساتھیوں کے متعلق پوچھ گچھ جاری.

شاہ لطیف سے بین الصوبائی منشیات گروہ کے تین کارندے گرفتار۔ملزمان بلوچستان کے علاقے پشین سے منشیات کراچی لا رہے تھے۔پولیس نے خفیہ اطلاع پر نیشنل ہائی وے کے قریب کارروائی کی۔ملزمان دوسرے صوبوں سے منشیات لا کر شہر قائد میں مختلف گروہوں کو سپلائی کرتے تھے گرفتار ملزمان سے 120 کلو سے زائد فائن کوالٹی کی چرس اور موبائل فونز برآمد۔گرفتار ملزمان سے برآمد چرس شہر کے مختلف علاقوں میں موجود منشیات کے خریداروں تک پہنچائی جانی تھی۔گرفتار ملزمان کیخلاف مقدمہ درج کر لیا گیا ملزمان سے برآمد موبائل فونز کا سائینسی تجزیہ کروایا جائیگا۔ ملزمان میں نظر محمد، شیراللہ اور خالد فاروق شامل ہیں۔گرفتار ملزمان سے مزید تفتیش جاری ہے۔ملزمان کے دیگر ساتھیوں کی گرفتاری کو یقینی بنانے کیلئے اقدامات کئے جا رہے ہیں۔

ایڈیشنل ڈسٹرکٹ اینڈ سیشن جج جنوبی کی عدالت میں لیاری گینگ وار کے سرغنہ عذیر بلوچ کے خلاف پولیس مقابلہ اور اقدام قتل سے متعلق کیس کی سماعت عدالت نے تفتیشی افسر کو طلب کرلیا۔ایڈیشنل ڈسٹرکٹ اینڈ سیشن عدالت جنوبی کی عدالت میں لیاری گینگ وار کے سرغنہ عذیر بلوچ کے خلاف پولیس مقابلہ اور اقدام قتل کا مقدمہ سے متعلق کیس کی سماعت کی۔جیل حکام نے سخت سیکیورٹی میں عذیر بلوچ کو عدالت میں پیش کیا دوران سماعت سرکاری وکیل نے موقف اختیار کیا کہ سی ٹی ڈی میں درج مقدمے میں 10 شریک ملزمان 2014ء میں بری ہوچکے ہیں کیس کی پولیس فائل دستیاب نہیں ہے۔سرکاری وکیل کا کہنا تھا کہ عذیر بلوچ کے خلاف تمام مقدمات سینٹرل جیل میں چل رہے ہیں یہ کیس بھی جیل منتقل کیا جائے ۔عدالت نے ریماکس دیئے کہ اگر مقدمے کے جیل ٹرائل کا محکمہ داخلہ کا کوئی نوٹیفکیشن ہے تو پیش کیا جائے۔عدالت نے آئندہ سماعت پر تفتیشی افسر کو طلب کرتے ہوئے ملزم عذیر بلوچ کے وکلاء کو مقدمے کی نقول فراہم کرنے کا حکم دیتے ہوئے مزید سماعت 10 اپریل تک ملتوی کردی۔

کراچی گوگل کی مدد بھی سندھ حکومت کررہی ہے یہ عجیب دعوی سندھ کے جیالے وزیر تیمور تالپور کی جانب سے سندھ اسمبلی کے اجلاس میں کیا گیا۔ وزیر سائنس و انفارمیشن ٹیکنالوجی تیمور تالپور نے گزشتہ روز سندھ اسمبلی اجلاس میں یہ حیران کن دعوی کرتے ہوئے کہا تھا کہ گوگل میپ پر جو راستے بتائے جارہے ہیں وہ سندھ حکومت نے بنایا ہے تیمور تالپور نے کہا کہ گوگل بھی سندھ حکومت کےبنائے گئے سسٹم سے استفادہ کررہا ہے۔

کراچی ماڈل تھانہ فیروزاباد کا خوشحال روڈ پی ای سی ایچ ایس بلاک 2 پر پولیس مقابلہ بین الصوبائی افغان گینگ کا سرغنہ کمانڈر غلام نبی عرف کرکرے زخمی حالت میں گرفتار انتہاٸی مطلوب ملزم غلام نبی کو مقابلے کے بعد زخمی حالت میں گرفتار کیا گیا ۔ملزم افغان نیشنل ہے اور افغانستان سے دیگر ملزمان کو پاکستان لاتا ہے ملزم ساتھیوں کو کرائے پر گھر اسلحہ اور گاڑی بھی فراہم کرتا ہے۔ ملزمان کو واردات کے دوران مختلف سی سی ٹی وی فوٹیج میں دیکھا جا سکتا ہے ملزم سے افغانستان اور پاکستان کا شناختی کارڈ برآمد ملزم کے قبضے سے لوٹی ہوئی ایک لاکھ پانچ ہزار کی رقم، جیولری اور اسلحہ پسٹل بمعہ راونڈ برآمد مقابلے کے دوران ملزم کے دیگر ساتھی موقع سے فرار ہونے میں کامیاب ملزم غلام نبی عرف کرکرے گھروں کی 50 سے زائد وارداتوں میں ملوث ہے۔ 4/5 ملزمان واردات کے لیے طارق روڈ پر ایک بنگلے میں داخل ہوئے۔ اسلحہ کے زور پر لوٹ مار شروع کی تو پڑوسیوں نے 15 کو اطلاع کردی پولیس موقع پر پہنچی تو ڈاکووں نے پولیس پر فائرنگ شروع کردی۔ ملزم سے مزید تفتیش کی جا رہی ہے، فرار ملزمان کی تلاش جاری ہے۔

کراچی باغی ٹی وی کے نمایندہ کےمطابق حساس ادارے کا جعلی کرنل ظاہر کرکے وارداتیں کرنے والا ملزم گرفتار. تفصیلات کے مطابق انٹیلی جنس اطلاع پر رینجرز اور پولیس نے کراچی کے علاقے بوٹ بیسن کے قریب کارروائی کی اور عرفان احمد نامی ملزم کو گرفتار کیا۔ گرفتار شہری سے حساس اداروں کے جعلی کارڈرز اور دستاویزات برآمد ہوئیں۔
ترجمان رینجرز کا کہنا ہے کہ ملزم جعل سازی کرکے میڈکل کالج میں داخلے اور نوکری کا جھانسہ بھی دیتا تھا۔ عرفان نے جعلی ڈگری بنوانے کا چونا لگا کر بھاری رقم بھی بٹورے۔
گرفتار ملزم سے حساس ادارے کے جعلی کارڈز، یونیفارم اور دستاویزات برآمد ہوئی ہیں۔
رینجرز نے ملزم کو قانونی کارروائی کے لیے پولیس کے حوالے کردیا۔

قائد حزب اختلاف سندھ حلیم عادل شیخ کے کراچی کی انسداد دہشت گردی عدالت سے ریلیز آرڈر جاری کر دیے گئے۔حلیم عادل شیخ کی تینوں کیسز میں ريليز آرڈر جاری ہوئے۔گزشتہ روز سندھ ہائی کورٹ نے 2،2 لاکھ روپے کے مچلکوں کے عوض دونوں کیسز میں ضمانت منظور کی تھی۔گھوٹکی کیس میں گزشتہ روز میرپور ماتھیلو کی عدالت نے بھی ضمانت منظور کی تھی۔ میرپور ماتھیلو سے بھی حلیم عادل شیخ کے ریلیز آرڈر پہنچ گئے ہیں۔ریلیز آرڈر جاری ہونے کے بعد آج حلیم عادل شیخ کی رہائی ہوگی.

سربراہ تنظیم (ایم کیو ایم پاکستان) بحالی کمیٹی ڈاکٹر فاروق ستار کا معروف ڈرامہ نویس، مصنفہ اور مکالمہ نگار حسینہ معین کے انتقال پر اظہار افسوس و تعزیت معروف ڈرامہ نویس، مصنفہ اور مکالمہ نگار حسینہ معین کے انتقال کا نہایت دکھ ہے حسینہ معین نے بہت یادگار ڈرامے لکھے جس میں شہزوری، زیر زبر پیش، انکل عرفی، ان کہی، تنہائیاں، دھوپ کنارے، دھند، آہٹ، کہر، پڑوسی، آنسو، بندش، آئینہ شامل ہیں ۔حسینہ معین نے اپنے قلم کے ذریعے ملک کا نام روشن کیا۔ اللہ حسینہ معین مرحومہ کے درجات بلند فرمائے اور لواحقین کو صبر جمیل عطا کرے۔آمین ڈاکٹر فاروق ستار

‏مشیرقانون سندھ مرتضیٰ وہاب کےسندھ ہائیکورٹ کے جج سےمتعلق بیان پرپاکستان بار کونسل کی مذمت‏ پاکستان بار کونسل مشیرقانون سندھ مرتضیٰ وہاب کے بیان کی شدید مذمت کرتا ہے،مرتضیٰ وہاب نےسندھ ہائیکورٹ کےمعزز جج جسٹس آفتاب احمد کےلیےتوہین آمیز بیان دیا،عدلیہ کی تاریخ میں پہلے بار عدالتی فیصلے پر ایسے بیان بازی کی گئی، ہائیکورٹ کےفیصلے پراعتراض کی صورت میں متعلقہ فورم سے رجوع کیاجا سکتا ہے،اعلامیہ پاکستان بار‏ ایک پبلک آفس ہولڈر کوعدلیہ سےمتعلق سیاسی بیان بازی سے گریز کرنا چاہیے،پاکستان بار کونسل‏ مرتضیٰ وہاب نےآوارہ کتوں کےکاٹنےکے واقعات سےمتعلق سندھ ہائیکورٹ کےفیصلےپراظہار خیال کیاتھا.