Category: کراچی

پارلیمانی لیڈر سندھ اسمبلی بلال غفار کا ٹوئٹر بیان اپوزیشن سیاست چھوڑے اور فلموں میں کام کرے، سینیٹ الیکشن کو متنازع بنانے کیلئے ن لیگی جیمز بونڈز نے خود کیمرے نسب کیے اور خود جاکر کیمرے نکالے، کیمروں سے متعلق ن لیگ خود مشکوک ہوچکی ہے، معاملے کی شفاف تحقیقات ہونی چاہیے.

کراچی شہر قائد کے علاقے غنی چورنگی میں افسوسناک واقعہ پیش آیا ہے، جس کے نتیجے میں دو افراد جاں بحق ہوگئے ہیں۔کراچی کے علاقے سائٹ غنی چورنگی پر آئے روز حادثات ہوتے رہتے ہیں، جس کے باعث قیمتی جانوں کا ضیاع ہورہا ہے، آج بھی ایک حادثے نے دو افراد کی زندگیوں کا چراغ گل کردیا ہے۔ریسکیو ذرائع کے مطابق ٹرک پر لے جائے جانے والی ہیوی میشنری اچانک سڑک پر آگری جس کے نتیجے میں موٹرسائیکل سوار اس کی زد میں آکر جاں بحق ہوگئے، جبکہ ایک شخص شدید زخمی ہوا۔واقعے کے بعد ٹرک ڈرائیور موقع سے فرار ہونے میں کامیاب ہوگیا، دلخراش واقعے کے بعد امدادی ٹیموں نے ہیوی میشنری کی زد میں آنے والے دونوں افراد کی لاشوں کو اسپتال منتقل کیا جبکہ ٹریفک پولیس نے فیکٹری مالک کوطلب کرلیا ہے۔

ایکنک نے کے فور منصوبے واٹر سپلائی پراجیکٹ فیز ون کی منظوری دے دی۔کے فور منصوبے کے لیے وفاق اور سندھ حکومت آدھی آدھی رقم فراہم کریں گے، اس منصوبے سے کراچی کو 650 ملین گیلن یومیہ پانی فراہم ہوسکے گا۔ایکنک نے خیبر پختونخوا ہیومن کیپیٹل انوسٹمنٹ پراجیکٹ منظور کرلیا جس کی رقم عالمی بینک دے گا۔اس کے علاوہ انڈس ہائی وے شکار پور تا راجن پور اضافی لین منصوبے، سیالکوٹ کھاریاں موٹروے، سندھ میں چھوٹے ڈیمز کی تعمیر اور بلوچستان میں آبی وسائل کی مینجمنٹ کا منصوبہ منظور کرلیاگیا۔

کراچی کے علاقے ڈيفنس فيز ون ميں ڈيليوری بوائے کو لوٹنے والے 2 ملزمان کو پوليس نے گرفتار کرليا۔ واقعے کی سی سی ٹی وی فوٹيج منظرعام پر آگئی ہے۔ فوٹيج ميں ديکھا جاسکتا ہے کہ ملزمان جیسے ہی ڈیلیوری بوائے کو لوٹنے آئے پوليس بروقت پہنچ گئی اور موٹرسائيکل سوار اہلکاروں نے ڈیلیوری بوائے کو لُٹنے سے بچالیا۔ واقعہ 2 روز پہلے پیش آیا۔ پولیس نے ملزمان کے خلاف عیر قانونی اسلحہ اور ڈکیتی کے مقدمات درج کرکے تفتیش شروع کردی.

پی ٹی آئی رہنماء خرم شير زمان ٹوئٹر بیان کہتے ہیں تین تین باریاں لیکر نااہل ہونے والے کہتے ہیں ہمیں موقع دیں ہم ملک کو ٹھیک کریں گے پنجاب کی پھولن دیوی اور سندھ کا علی بابا اپنے والدین کی کرپشن بچانے نکلے ہیں،سینیٹ چیئرمین کے انتخابات میں انجمن PDM کو شکست ہی نہیں ذلت کا سامنہ بھی ہوگا.

کراچی پولیس چیف غلام نبی میمن نے کہا کہ اسٹریٹ کرائمز کی رپورٹنگ کی شرح بڑھی ہے جس کے باعث لگتاہے کہ جرائم زیادہ ہورہے ہیں۔انہوں نے کہا کہ پہلے مقدمات درج نہیں ہوتے تھے جس سے لگتا تھا کہ جرائم ہی نہیں ہورہے۔غلام نبی میمن نے کہا کہ اسٹریٹ کرائمز کو رپورٹ اس لیے کر وارہے ہیں تاکہ کہ پتہ لگے کہ جرائم کتنے ہورہےہیں تاکہ ان کی بیخ کنی کی جاسکے۔سٹریٹ کرائمز کراچی کے شہریوں کی جان کو آگئے، وارداتیں قابوکرنا چیلنج بن گیا کراچی میں 14ماہ کے دوران ایک بہت ہی محتاط اندازے کے مطابق شہریوں سے پونے تین ارب روپے مالیت کی قیمتی اشیاء لوٹ لی گئیں۔اس حوالے سے کراچی پولیس چیف غلام نبی میمن کا کہنا ہے کہ اسٹریٹ کرائمز کی رپورٹنگ کی شرح بڑھی ہے جس کے باعث لگتاہے کہ جرائم زیادہ ہورہے ہیں، پہلے مقدمات درج نہیں ہوتے تھے جس سے لگتا تھا کہ جرائم ہی نہیں ہورہے۔ دستاویز میں بتایا گیا کہ 2020 میں موبائل فون چوری یا چھیننے کےکیسز کی شرح 12.86 فیصد تھی، 2021 میں یہ شرح بڑھ کر 25.84 فیصد ہوگئی، 2020 میں گاڑیاں چھینے اورچوری کیے جانے کی شرح 32.43 اور 39.06 تھی، یہ شرح بڑھ کر 2021 میں 100فیصد ہوگئی ہے۔موٹرسائیکل چھیننے یا چوری کی شرح گزشتہ سال 36.57 اور16.47 تھی، اس سال یہ شرح بڑھ کر 77.49 اور60.13 ہوگئی ہے۔

کراچی کے علاقے ملیر الفلاح سے 10روز کی بچی گھرسے اغوا کرلی گئی۔ملیر الفلاح سے اغوا ہونے والی 10روز کی بچی کی سی سی ٹی وی فوٹیج منظرعام پر آگئی ہے جبکہ واقعے کا مقدمہ الفلاح تھانہ میں درج کرلیا گیا ہے۔سی سی ٹی وی فوٹیج میں دو خواتین کو بچی کو اغوا کرکے لےجاتے ہوئے دیکھا جاسکتا ہے دوسری جانب اغوا ہونے والی بچی کے والد کا کہنا ہے کہ ہماری کسی سے دشمنی نہیں ہے۔

کراچی کے علاقے نیو کراچی میں نالے میں قدرتی گیس کے دھماکے کے نتیجے میں 2 افراد جاں بحق جب کہ 5 زخمی ہو گئے۔پولیس کے مطابق نیو کراچی خمیسو گوٹھ میں بشیر چوک پر دھماکے کی اطلاع پر پولیس اور امدادی ٹیمیں فوری طور پر موقع پر پہنچ گئی۔پولیس کے مطابق ابتدائی اطلاعات تھیں کہ دھماکا سلنڈر پھٹنے سے ہوا تاہم جائے وقوعہ کے معائنے کے دوران پتہ چلا کہ نالے میں قدرتی گیس بھر جانے کی وجہ سے دھماکا ہوا جس کی آواز دور دور تک سنی گئی۔دھماکے کے بعد علاقے کی بجلی منقطع ہو گئی جس بنا پر امدادی کام میں شدید دشواری پیش آئی۔امدادی کاموں میں مصروف ریسکیو اہلکاروں کے مطابق دھماکے کے نتیجے میں 2 افراد جاں بحق جب کہ5 زخمی ہوئے،دھماکے سے لوگوں کی املاک کو بھی نقصان پہنچا ہے۔ایس ایس پی سینٹرل کے مطابق دھماکے سے مٹھائی کی ایک دوکان کو نقصان پہنچا ہے، ممکنہ طور پر تخریب کاری کے پہلو کو مدنظر رکھتے ہوئے بم ڈسپوزل اسکواڈ کو بھی طلب کیا گیا ہے۔

جماعت اسلامی نے چیئرمین سینیٹ الیکشن میں ووٹ نہ دینےکا فیصلہ کیا ہے۔چئیرمین اور ڈپٹی چئیرمین سینیٹ کا انتخاب کل ہوگا ، حکومتی اتحاد کے صادق سنجرانی اور ‏اپوزیشن اتحاد کے یوسف رضا گیلانی کانٹے کا مقابلہ متوقع ہے۔سینیٹ میں جماعت اسلامی کاایک ووٹ ہے حکومت اور اپوزیشن دونوں نےجماعت اسلامی سےووٹ ‏کی درخواست کی تھی۔چیئرمین پیپلزپارٹی بلاول بھٹو نے امیر جماعت اسلامی سراج الحق سے ٹیلی فونک رابطہ کر ‏کے ‏چیئرمین سینیٹ کے انتخاب میں تعاون کی درخواست کی۔
امیر جماعت اسلامی سراج الحق نے کہا کہ پارٹی رہنماؤں سے مشاورت کے بعد فیصلہ کریں گے ‏‏جب کہ رضا ربانی نے بھی سراج الحق سے رابطہ کیا اور ووٹ کی درخواست کی۔جماعت اسلامی نے فیصلہ کیا ہے کہ وہ چیئرمین سینیٹ کے الیکشن میں کسی امیدوار کو ووٹ ‏نہیں دے گی۔