Category: کراچی

ملک بھر میں یوم پاکستان کی تقریبات کا نہایت گرم جوشی سے انعقاد کیا جارہا ہے۔ملک بھر میں آج کا دن اہم ہے اس اہم دن پر قائد اعظم ؒکے مزار پر گورنر سندھ عمران اسماعیل اور وزیر اعلیٰ سندھ مراد علی شاہ نے حاضری دی، دونوں رہنماؤں نے مزار پر فاتحہ خوانی کی اور پھول چڑھائے ۔ تفصیلات کے مطابق حضرت علامہ اقبال ؒ کےمزار پر گارڈز کی تبدیلی کی تقریب ہوئی ۔ ادھر کراچی میں قائداعظم کی رہائشگاہ وزیر مینشن پر پرچم کشائی کی گئی ۔ وفاقی دارالحکومت سمیت دیگر شہروں میں بھی پرچم کشائی کی گئی۔ خراب موسم کے باعث اسلام آبادپریڈ اب جمعرات کو ہوگی ۔ اس کے علاوہ یوم پاکستان کےموقع پر قومی خوشیوں میں اقلیتی برادری نے بھرپور شرکت کی۔ مسیحی بچوں نے قومی وحدت کے گیت گائے جبکہ ہندو برادری نے ریلی نکالی اور اس پرمسرت موقع پر کیک کاٹا .

23 مارچ کے موقع پر پی ٹی آئی وومن ونگ کراچی کی صدر کا ویڈیو بیان 23 مارچ آج کا دن ہمیں یاد دلاتا ہے جب ہمارے بزرگوں نے پاکستان بنانے کا عہد کیا، فضہ زیشان بدقسمتی سے اس قوم کو ایسے لیڈر نہیں ملے جو پاکستان کو مستحکم کرتے، پاکستان میں امیر و غریب کو یکساں ترقی کے مواقع نہیں مل سکے، ملک کے ادارے تباہ کیا اور دولت کو باہر بھیجا گیا،اور پھر اللہ تعالیٰ نے عمران خان کی شکل میں ایک سچا لیڈر اس قوم کو دیا عمران خان اپنی زات کے بجائے قوم کیلئے سوچتے ہیں، اب نئے پاکستان کی بنیاد ڈل چکی ہے، ہم اس عہد کی تجدید کرتے ہیں ہم پاکستان کو ویسا ہی ملک بنائیں گے جس کا خواب دیکھا گیا تھا.

پی پی پی چیئرمین بلاول بھٹو زرداری کا مادرِ جمہوریت بیگم نصرت بھٹو کے یومِ پیدائش پر خصوصی پیغام دیا اور ان کے یوم پیدائش پر شاندار الفاظ میں خراج عقیدت پیش کیا۔
تفصیلات کے مطابق انہوں نے کہا کہ مادرِ جمہوریت کی لازوال جدوجہد و عظیم قربانیوں کے تذکرے کے بغیر پاکستان کی سیاسی تاریخ ہمیشہ نامکمل رہے گی۔انہوں نے ملک کے پہلے منتخب وزیراعظم کے عدالتی قتل کے بعد عوام کو حقِ حاکمیت واپس دلانے کے لیِئے سیاہ ترین آمریت کا مقابلہ کیا۔ انہوں نے قیامت خیز سانحات کا سامنا کرنے کے باوجود صبر و برداشت اور عزم و حوصلے کے نئے اقدار قائم کئے۔ بیگم نصرت بھٹو نے پاکستان میں ایک تاریخی و عوامی تحریک کی قیادت کی اور عوام کے حقوق کے لیئے زندگی بھر جدوجہد کرنے کا بے مثال عملی نمونہ پیش کیا ۔بلاول بھٹو زرداری نے کہا کہ پیپلز پارٹی کی جدوجہد کا محور آج بھی انصاف، مساوات اور جمہوریت ہے اور یہ ہی وہ اقدار تھے جن کی خاطر مادرِ جمہوریت سمیت تمام پارٹی چیئرپرسنز نے جدوجہد کی اور آئندہ نسلوں کے لیئے راہیں روشن کیں۔

وفاقی وزیر منصوبہ بندی و ترقیات اسد عمر نے کراچی میں دو میگا ٹرانسپورٹ منصوبوں کراچی سرکلرریلوے (300 ارب روپے) اور گرین لائن بس ریپڈ ٹرانسپورٹ (25ارب روپے) کو چلانے کے لیے ڈیڈ لائن طے کردی۔ وزارت نے ایک بیان میں کہا کہ انٹیگریٹڈ ٹرانسپورٹ سسٹم (آئی ٹی ایس) معاہدے کے پہلے پیکیج (اے) پر دستخط کرنے کی آخری تاریخ 26 مارچ مقرر کی گئی ہے اس کے بعد پیکیج بی معاہدے پر 2 اپریل دستخط ہوں گے.آپریشنل اور مینٹیننس کنٹریکٹ کی ڈیڈلائن رواں سال مئی تک ہے۔وزارت برائے ریلوے، سندھ انفراسٹرکچر ڈیولپمنٹ کمپنی لمیٹڈ (ایس آئی ڈی سی ایل) اور پبلک پرائیویٹ پارٹنرشپ اتھارٹی (پی 3 اے) کے تمام اسٹیک ہولڈرز کی میٹنگ کی صدارت کرتے ہوئے وفاقی وزیر نے تصدیق کی کہ 25 اپریل تک پروٹوٹائپ بسیں جانچ اور کمیشن کے لیے تیار ہوجائیں گی۔کے سی آر فریٹ کوریڈور منصوبے کا جائزہ لیتے ہوئے اسدعمر نے وزارت ریلوے، ایس آئی ڈی سی ایل اور پی 3 اے کو سہ فریقی معاہدے کو حتمی شکل دینے کی ہدایت کی۔اسد عمر نے ہدایت کی کہ گرین لائن بی آر ٹی اگست 2021 تک چلائی جائے اور ایس آئی ڈی سی ایل سے کہا کہ وہ آئی ٹی ایس کے نفاذ کے جزوی اور مکمل حل کے ساتھ مخصوص ٹائم لائن کے حصول کے لیے تمام سرگرمیوں کا جائزہ لے اجلاس میں گرین لائن بی آر ٹی اور کے سی آر منصوبوں کی رفتار کا جائزہ لیا گیا ایس آئی ڈی سی ایل کے چیف آپریٹنگ افسر بلال میمن نے اجلاس کو گرین لائن انفراسٹرکچر کی پیشرفت اور بی آر ٹی کے آپریشنل فریقوں کی خریداری کی تازہ کاری سے متعلق امور سے آگاہ کیا۔

سربراہ تنظیم (ایم کیو ایم پاکستان) بحالی کمیٹی ڈاکٹر فاروق ستار کی جانب سے یوم پاکستان 23 مارچ کی مبارکباد اور خصوصی پیغام یوم ِ پاکستان 23مارچ کے موقع پرپوری پاکستانی قوم اور ساری دنیا میں بسنے والے پاکستانیوں کویوم قراردادِ پاکستان کی مبارکباد پیش کرتا ہوں۔پاکستان اللہ اور اسکے رسول ص کا خصوصی تحفہ ہے جسکی بنیاد کلمہ طیبہ پر رکھی گئی ہے۔قرارداد پاکستان جس کی بنیاد پر مسلم لیگ نے برصغیر میں مسلمانوں کے جدا گانہ وطن کے حصول کے لیے بانی پاکستان قائداعظم محمد علی جناح کی قیادت میں جدوجہد کی۔آج 23 مارچ کا ایک ایسا عظیم دن ہے جب 1940 میں پاکستان بننے کی قرارداد پیش کی گئی۔اللہ پاکستان کو ترقی سے ہمکنار کرے اور پاکستانی قوم کا ہر بچہ علم کی دولت سے مالا مال ہو.

پاکستان عوامی تحریک نظام بدلو بائیک ریلی
23مارچ سہراب گوٹھ تا مزار قائد پاکستان عوامی تحریک کی تاریخ ساز نظام بدلو بائیک ریلی آج 1بجے سہراب گوٹھ الاآصف سے مزار قائد ہو گی نظام بدلو بائیک ریلی کی قیادت کیلئے پاکستان عوامی تحریک کے مرکزی سیکرٹری جنرل خرم نواز گنڈا پور صبح کراچی پہنچ گئے نظام بدلو بائیک ریلی میں شرکت کیلئے قافلے کراچی کے مختلف اضلاع اور ٹاؤنز سے سہراب گوٹھ کی جانب رواں دواں ہیں پاکستان عوامی تحریک کی نظام بدلو بائیک ریلی سے مرکزی صدر پاکستان عوامی تحریک قاضی زاہد حسین،مرکزی سیکرٹری جنرل خرم نواز گنڈا پور،مشتاق صدیقی اور راؤ کامران محمود خصوصی خطاب کریں گے نظام بدلو بائیک ریلی میں ہزاروں افراد شرکت کریں گے اور نظام بدلو تحریک کا آغاز آج مزار قائد سے شروع کریں گے صوبائی حکومت اور مقامی انتظامیہ نظام بدلو بائیک ریلی کی سیکورٹی کیلئے پروف فل انتظام کرے پاکستان عوامی تحریک کی نظام بدلو بائیک ریلی کی سیکورٹی PATیوتھ ونگ کے 500 نوجوان بھی اپنے فارئض سر انجام دیں گے الیاس مغل ترجمان پاکستان عوامی تحریک نظام بدلو ریلی سے مرکزی قائدین مزار قائد پر اہم خطاب کریں گے۔