Category: کراچی

سندھ ہائی کورٹ نے اِن لینڈ ریونیو افسر کو 7 سال سے ترقی نہ دینے کے کیس میں وفاقی سیکریٹری خزانہ کو گرفتار کرنے کا حکم دے دیا وفاقی سیکرٹری خزانہ کے 50 ہزار روپے کے عوض قابل ضمانت وارنٹ گرفتاری جاری کیے گئے۔عدالت نے حکم دیا کہ وفاقی سیکرٹری خزانہ کو گرفتاری کرکے آئندہ سماعت پر پیش کیا جائے۔ اسلام آباد متعلقہ تھانے کے ایس ایچ او کو تعمیل کرانے کی ہدایت۔عدالتی ریمارکس میں کہا گیا کہ گزشتہ سماعت کی تنبیہہ کے بعد سیکریٹری خزانہ نے جواب جمع نہیں کرایا جبکہ 15 دسمبر 2020 سے سیکرٹری خزانہ سے وضاحت طلب کی جا رہی ہے۔درخواست گزار مصری لدھانی کے مطابق 1982 میں ایف بی آر کے ذیلی ادارے میں گریڈ 17 پر بھرتی ہوا اور 2010 میں گریڈ 20 تک ترقی کی جبکہ 2014 سے گریڈ 21 کا منتظر ہوں درخواست میں موقف اپنایا گیا کہ سینٹرل سکشن بورڈ کی منظوری کے باوجود ترقی نہیں دی جا رہی ہے۔

پاکستان تحریک انصاف (پی ٹی آئی) کراچی کی جانب سے سینیٹ انتخابات میں باغی اراکین کے خلاف قانونی کارروائی کا فیصلہ کیا گیا ہے پی ٹی آئی کراچی کی قیادت کی جانب سے شہریارشر اور اسلم ابڑو کے خلاف الیکشن کمیشن سے رجوع کرنے کا فیصلہ کیا گیا ہے، پی ٹی آئی کی جانب سے دونوں اراکین کو ڈی سیٹ کرنے کی درخواست دی جائے گی پی ٹی آئی کراچی کی جانب سے دونوں نشستوں پر دوبارہ ضمنی انتخابات کروانے کا مطالبہ کیا جائے گا پی ٹی آئی کراچی کا کہنا ہے کہ دونوں ارکان آج اپویشن بینچوں کے بجائے حکومتی بینچوں پربیٹھے ہیں، سینیٹ انتخابات سے قبل دونوں نے پی ٹی آئی امیدواروں کو ووٹ نہ دینے کا اعلان کیا تھا۔

آئی جی سندھ اور آئی جی گلگت بلتستان نے اپنے ماتحت افسران کے ڈیش بورڈ کی جانچ پڑتال مکمل کر لی، وزیراعظم پرفارمنس ڈیلیوری یونٹ کی جانب سے تفصیلی رپورٹ وزیراعظم عمران خان کو پیش کر دی گئی وزیراعظم پرفارمنس ڈیلیوری یونٹ کی جانب سے تفصیلی رپورٹ میں سندھ پولیس کے 78 جبکہ گلگت بلتستان پولیس کے 20 ڈیش بورڈ کی جانچ پڑتال کی گئی ہے پاکستان سیٹیزن پورٹل پر عوامی شکایات کا مناسب ازالہ نہ کرنے پر آئی جی سندھ کی جانب سے 25 پولیس افسران کو تنبیہہ لیٹر جاری کیا گیا ہے آئی جی سندھ نے ایس پی شکار پور، کمبر، انویسٹی گیشن ایسٹ ون اور ایس پی صدر کو شاباش دی ہے جبکہ آئی جی بلتستان کی جانب سے ڈی آئی جی پولیس بلتستان رینج ، ایس پی ہنزہ ، ایس پی اسکردو سے وضاحت طلب کی گئی ہے ڈی آئی جی گلگت رینج ، ایس ایس پی گلگت ، ایس ایس پی استور کو کارکردگی کی بنیاد پر شاباش دی گئی ہے۔

کراچی محکمہ صحت سندھ کا کہنا ہے کہ شہر قائد میں 65 سال سے زائد عمر کے افراد کو کورونا ویکسین لگانے کے لیے رجسٹریشن کا آغاز 10 مارچ سے ہو گا۔صوبائی محکمہ صحت کے مطابق کراچی میں مزید 16 ویکسینیشن سینٹرز قائم کر دیئے گئے ہیں جس کے بعد شہر میں ویکسینیشن سینٹرز کی تعداد 27 ہو گئی ہے۔محکمہ صحت کے مطابق ضلع جنوبی میں 4 ویکسینیشن سینٹرز بنائے گئے ہیں، ضلع جنوبی میں جناح اسپتال، خالق دینا ہال، ایس آئی یو ٹی اور لیاری جنرل اسپتال میں سینٹرز فعال ہیں۔ضلع شرقی میں 5 ویکسینیشن سینٹرز بنائے گئے ہیں، ضلع شرقی میں ڈاؤ اوجھا اسپتال، آغا خان اسپتال میں ویکسینیشن سینٹرز قائم ہیں ضلع وسطی میں 5 ویکسینیشن سینٹرز بنائے گئے ہیں، یہ سینٹرز سندھ گورنمنٹ ماڈرن اسپتال یونیورسٹی روڈ، لیاقت نیشنل اسپتال، سندھ گورنمنٹ چلڈرن اسپتال اور سندھ گورنمنٹ لیاقت آباد میں قائم کیے گئے ہیں۔ضلع ملیر میں بھی 3 ویکسینیشن سینٹر بنائے گئے ہیں، ملیر میں سی وی سی کڈنی سینٹر اسپتال، اربن ہیلتھ یونٹ تھڈو نالو، رورل ہیلتھ سینٹر مراد میمن گوٹھ میں بھی بنایا گیا ہے۔ضلع غربی میں 6 سینٹرز بنائے گئے ہیں، سندھ گورنمنٹ قطر اسپتال، اربن ہیلتھ سینٹر اورنگی نمبر 15، سندھ گورنمنٹ اسپتال منصور نگر، رورل ہیلتھ سینٹر بلدیہ بھی ویکسینیشن سینٹر فعال ہے، اس کے علاوہ رورل ہیلتھ سینٹر شیر شاہ اور رورل ہیلتھ سینٹر منگھو پیر پر کام جاری ہے محکمہ صحت سندھ کے مطابق سندھ گورنمنٹ نیو کراچی، اربن ہیلتھ سینٹر گوہر آباد اور اربن ہیلتھ سینٹر یوسی 5 نارتھ کراچی میں بھی انسداد کورونا ویکسینیشن سینٹر قائم کیے گئے ہیں۔

اسلام نے بیٹیوں کو باعزت مقام دیا ہے، علامہ محمد الیاس قادری جو شخص بیٹیوں کےساتھ اچھا سلوک کرے تو یہ بیٹیاں اس کیلئے جہنم سے رکاوٹ بن جائیں گیجب کسی کے گھر بیٹی پیدا ہوتی ہے تو فرشتے اس گھر کے افراد کو سلام کرتے ہیں،امیر اہل سنت فرشتے بیٹی کی کفالت کرنیوالے کو خوشخبری دیتے ہیں کہ قیامت تک اللہ کی مدد شامل حال رہے گیجو اپنی بیٹیوں یا بہنوں کےساتھ اچھا سلوک کرتا ہے تو وہ جنت میں داخل ہوگا،مدنی مذاکرے میں گفتگو
کراچی (اسٹا ف رپورٹر)امیر اہل سنت حضرت علامہ مولانا محمد الیاس عطار قادریدامت برکاتہم العالیہ نے کہا ہے اسلام نے بیٹی کو باعزت مقام دیا ہے،زمانہ جاہلیت میں لوگ اپنی بیٹیوں کو زندہ درگور کردیتے تھے،بیٹیوں کے فضائل سے احادیث مبارکہ مالا مال ہیں،ہمیں بیٹیوں کو عزت دینا چاہئے،جس کے گھر بیٹی پیدا ہو اور وہ اسکو ایذا نہ دے،نہ اس کے برا جانے اور نہ ہی بیٹے کو بیٹی پر فضلیت دے تو اللہ پاک اس شخص کو جنت میں داخل فرمائے گا۔ان خیالات کا اظہار انہوںنے عالمی مدنی مرکز فیضان مدینہ میں مدنی مذاکرے میں گفتگو کرتے ہوئے کیا۔امیر اہل سنت نے کہا کہ جس شخص پر بیٹیوں کی پرورش کا بوجھ آپڑے اور وہ ان کے ساتھ اچھا سلوک کرے تو یہ بیٹیاں اس کیلئے جہنم سے رکاوٹ بن جائیں گی،جب کسی کے گھر بیٹی پیدا ہوتی ہے تو فرشتے اس گھر کے افراد کو سلام کرتے ہیں،پھر فرشتے بیٹی کو اپنے پروں پر لے لیتے ہیں اور اس کی کفالت کی ذمہ داری لینے والے کو خوشخبری دیتے ہیں کہ قیامت تک اللہ پاک کی مدد اس کے شامل حال رہے گی۔امیر اہل سنت نے کہا کہ جس کی تین بیٹیاں ہوں اور وہ ان کے ساتھ اچھا سلوک کے تو اس پر جنت واجب ہوجاتی ہے،اگر دوں ہو تو تب بھی اور ایک ہو تو تب بھی اس پر جنت واجب ہوجاتی ہے،جس کی تین بیٹیاں یا تین بہنیں ہوں یا دو بیٹیاں یا دوبہنیں ہوں اور وہ ان کی اچھی طرح پرورش کرے اور اللہ پا ک سے ان کے معاملے میں ڈرتا رہے تو اس کیلئے جنت ہے۔جو اپنی بیٹیوں یا بہنوں کے ساتھ اچھا سلوک کرتا ہے تو وہ جنت میں داخل ہوگا۔امیر اہل سنت نے کہا کہ جو اپنے خاندان کی بہن بیٹیوں کی پرورش کرتا رہتا ہے یہاں تک کہ ان کی شادی ہوجائے،یا وہ مالدار ہوجائیں یا ان کی وفات ہوجائے تو وہ بہن یا بیٹیاں اس کیلئے جہنم سے رکاوٹ بن جاتی ہیں۔توبہ سے متعلق گفتگو کرتے ہوئے امیر اہل سنت نے کہا کہ توبہ کےلئے ضروری ہے کہ گناہ کو تسلیم کیا جائے،اس پر شرمندہ ہوکر اللہ کی بارگاہ میں رجوع کرے ،توبہ کرتے وقت یہ فیصلہ دل میں ہونا چاہئے کہ آئندہ یہ گناہ نہیں کریں گے اگر ان میں سے ایک بھی چیز کم ہوئی تو توبہ قبول نہ ہوگی۔دوبارہ گناہ کرنے کا ارادہ کے ساتھ توبہ کرنا یہ اللہ سے مذاقہے یہ توبہ نہیں ہے،ہمیں سچی توبہ کرناچاہئے اور توبہ کرتے وقت آئندہ گناہ نہ کرنے کا پختہ عہد ہونا چاہئے۔

سندھ اسمبلی میں باغی ارکان کے حکومتی بنچوں پر بیٹھنے پر ہنگامہ، اپوزیشن اور حکومتی ارکان شور شرابہ کرتے رہے، حزب اختلاف نے ایجنڈے کی کاپیاں پھاڑ دیں۔اسپیکر سندھ اسمبلی آغا سراج درانی کی زیرصدارت سندھ اسمبلی کا اجلاس جاری ہے۔ شہریارشر اور اسلم ابڑو کے حکومتی بینچز پر بیٹھنے پر اپوزیشن اراکین نے احتجاج شروع کر دیا۔ حکومتی اراکین نے اپوزیشن کے نعروں کا بھرپور جواب دیا جس پر ایوان مچھلی منڈی کا منظر پیش کرنے لگا۔ اجلاس میں لوٹے لوٹے کے نعرے بھی لگائے گئے جس کے بعد اسپیکر نے اجلاس دس منٹ کیلئے ملتوی کردیا۔اسپیکر سندھ اسمبلی آغا سراج درانی کا کہنا تھا یہ کوئی طریقہ نہیں افسوس ہے اراکین کورولزکا پتہ ہی نہیں۔ یہ کتاب اپنے منہ پرماریں، رول 8 میں جائیں دیکھیں اس طرح کارویہ نہیں اپنایا جاسکتا۔ اسپیکر نے پی ٹی آئی رہنما بلال غفار سے مخاطب ہوکر کہا آپ پارلیمانی لیڈرہیں،قانون پڑھیں۔ان کوپڑھنا نہیں آتا ہے۔

سی ٹی ڈی نے کراچی میں اہم کارروائی کرتے ہوئے ایم کیو ایم لندن کے مبینہ ٹارگٹ کلر کو گرفتار کرلیا۔سی ٹی ڈی حکام کا کہنا ہے کہ ایم کیو ایم کا مبینہ دہشت گرد محمدشکیل ہکلا پر دہشت گردی اور قتل سمیت8مقدمات درج ہیں۔ ملزم پولیس اہلکار کی کلنگ میں بھی ملوث ہے۔ملزم نے پولیس افسر ناصرالحسن شہید کیس کے عینی شاہداےایس آئی علی محسن کو بھی قتل کیاتھا۔ملزم کے دیگر ساتھیوں کی گرفتاری کےلئے چھاپوں کا سلسلہ جاری ہے۔خیال رہے کہ اس سے قبل کاؤنٹر ٹیررزم ڈیپارٹمنٹ آپریشن ٹو نے کارروائی کرتے ہوئے ایم کیو ایم لندن کے ٹارگٹ کلر فہیم جاویدعرف انقلابی کو گرفتار کیا تھا.

‏پی ٹی ائی رہنما خرم شیر زمان کی نیوز کانفرنس، کہتے ہیں سندھ اسمبلی کا ایوان دو نمبر ایوان ہےدو سال پہلے ہی اندازہ لگالیا تھا کہ یہ ایوان 2 نمبر ہے سندھ اسمبلی کا اسپیکر پار ٹی بنا ہوا ہےاسلم ابڑو کو 5 کروڑ میں خریدا گیا، 1 ارب کی اسکیموں کا وعدہ کیا گیا.‏اسلم ابڑو کو ڈی سیٹ کیا جائے، اسپیکر کی ذمہ داری ہے کہ سب کو ساتھ لے کر چلے پیپلز پارٹی سمجھتی ہے کہ ہم ڈر جائیں گے ہم پیپلز پارٹی کی کرپشن ایکسپوز کرتے رہیں گے الیکشن کمیشن کو کیوں نظر نہیں اتا کہ سندھ میں اراکین کو خریدا جارہا ہے.

کراچی لگژری گاڑیوں کے بعد مہنگے ٹرک، کوسٹر اور ٹریلر بھی ایف بی آر بے نامی زون کے نشانے پر آگئے، 15 مہنگے ٹرک، کوسٹر اور ٹریلر کے مالکان کو نوٹس جاری کرکے تفصیلات طلب کرلی گئیں ہیں۔بے نامی لگژری گاڑیوں کے بعد 15بے نامی ٹریلر اور ٹرک کسی اور کے نام پر ہونے کا انکشاف سامنے آیا، جس کے بعد مہنگے ٹرک، کوسٹر، ٹریلر بھی ایف بی آربےنامی زون کے نشانے پر آگئے۔ایف بی آر نے مہنگے ٹریلر، کوسٹر اور ٹرکوں کےخلاف کریک ڈاؤن کا آغاز کرتے ہوئے 15 مہنگے ٹرک، کوسٹر اور ٹریلر کے مالکان کو بےنامی زون نے نوٹس بھیج دئیے۔جس میں کہا گیا ہے کہ مہنگی گاڑیاں نام پرہونےکےباوجود ویلتھ اسٹیٹمنٹ میں ظاہرنہیں، گاڑیوں کی خریداری کے لیے سرمایہ کہاں سے آیا اور ادائیگی کس کو کی؟ اس حوالے سے تفصیل طلب کرلی گئی ہے۔بے نامی زون کراچی کا کہنا ہے کہ نوٹس کاجواب نہ دینے پر سخت کارروائی کی جائےگی۔یاد رہے چند روز قبل بے نامی زون کراچی کی کارروائی کے دوران عبدالغفار نامی شخص کے شناختی کارڈ پر 15 گاڑیوں کی رجسٹریشن کا انکشاف ہوا تھا ، جس کے بعد اینٹی بے نامی زون کراچی کو شہری نے تحریری بیان میں کہا میرے نام سے رجسٹرڈ تمام 15 گاڑیوں سے میرا کوئی تعلق نہیں ہے۔