Category: کراچی

پاکستان مسلم لیگ (ن) کے سینیئر نائب صدر و سابق وزیر اعظم شاہد خاقان عباسی نے پاکستان پیپلزپارٹی کے چیئرمین بلاول بھٹو زرداری سے کراچی میں ملاقات کی۔پی پی کی جانب سے جاری اعلامیے کے مطابق شاہد خاقان عباسی پی پی چیئرمین سے ملاقات کیلئے بلاول ہاؤس کراچی پہنچے جہاں دونوں رہنماؤں میں ملاقات ہوئی۔ملاقات میں شیری رحمان، نوید قمر اور مفتاح اسماعیل بھی موجود تھے۔ملاقات میں بلاول بھٹو زرداری اور شاہد خاقان عباسی کے درمیان این اے 249 کے ضمنی انتخابات کے حوالے سے تبادلہ خیال کیا گیا۔شاہد خاقان عباسی نے بلاول سے این اے 249 میں مسلم لیگ ن کے امیدوار کیلئے پی پی پی کی جانب سے حمایت مانگی۔اس پر بلاول نے جواب دیا کہ میں پارٹی سے مشاورت کے بعد آپ کو آگاہ کروں گا۔خیال رہے کہ سابق وفاقی وزیر فیصل واوڈا کے استعفے کے بعد کراچی کے قومی اسمبلی کے حلقے این اے 249 کی نشست خالی ہوئی تھی اس نشست پرسابق وفاقی وزیر خزانہ مفتاح اسماعیل مسلم لیگ (ن) کے امیدوار ہیں۔

پی ٹی آئ رہنما کراچی صدر خرم شیر زمان نے حلیم عادل پر ایک اور مقدمہ بننے پر سخت الفاظوں میں مذمت کرتے ہوے کہاہےکہ زرداری لیگ،ہمارے ورکرز پر جھوٹے مقدمے بنارہی ہے، حلیم عادل شیخ پر ایک اور مقدمہ کردیا گیا ہے.سندھ حکومت اتنا کرے جتنا برداش کرسکے،کے پی یا پنجاب میں کوئی ایک سیاسی کیس بتادیں، سندھ میں یہ معاملات کررہے ہیں،انھوں نے مذید کہا کہ کیا یہ چاہتے ہیں خورشید شاہ کوچھوڑدیں حلیم عادل کے بدلے میں،انھوں نے مذید زور دیتے ہوے کہا کہ سندھ حکومت کی اس ناانصافی کے خلاف اب سڑکوں پر تحریک ہوگی،یہ تحریک اسی مہینے سے شروع ہوگی اور رمضان میں بھی چلے گی۔

کراچی فنانشل ایکشن ٹاسک فورس کی گرے لسٹ سے باہر نکلنے کے لئے وفاقی حکومت انتہائی جامع اقدامات کررہی ہے، ایسے میں سندھ حکومت بھی وفاق کے شانہ بشانہ ہے، اسی تناظر میں صوبائی حکومت نے بڑا فیصلہ کیا ہے۔ سندھ میں مساجد کی تفصیلات جمع کرنے کے سلسلے میں محکمہ اوقاف نے صوبے بھر کی مساجد کو ایک پروفارما جاری کیا ہے، مساجد کو جاری پروفارمے میں چندے کا طریقہ کار، مساجد کی ملکیت بشمول دکانیں اور دیگر تفصیلات طلب کرلی گئیں ہیں۔سیکریٹری اوقاف نے مساجد کی تفصیلات جمع کرنے کے عمل کی تصدیق کرتے ہوئے بتایا کہ فنانشل ایکشن ٹاسک فورس کی ہدایت پر یہ ڈیٹا جمع کیاجا رہا ہے، سندھ حکومت پہلے ہی درگاہوں سے متعلق مکمل معلومات وفاقی وزیر داخلہ کو ارسال کرچکی ہے۔
سیکریٹری اوقاف سندھ نے بتایا کہ صوبے بھر میں محکمہ اوقاف کےزیر انتظام76 مساجد، اور ایک سو دو درگاہیں ہیں۔گذشتہ ماہ ہونے والے اجلاس میں منی لانڈرنگ اور دہشت گردی کی مالی معاونت کو روکنے کے لیے کام کرنے والے بین الاقوامی ادارے فنانشل ایکشن ٹاسک فورس (ایف اے ٹی ایف) نے پاکستان کو گرے لسٹ سے نکلنے کے لیے جون 2021 تک کی مہلت دی تھی۔ایف اے ٹی ایف نے پاکستان کی جانب سے اٹھائے گئے اقدمات کا جائزہ لینے کے بعد اسے گرے لسٹ میں برقرار رکھنے کا فیصلہ کیا، ایف اے ٹی ایف کا کہنا تھا کہ پاکستان نے 27 میں سے 24 نکات پر عمل درآمد کرلیا ہے۔ایف اے ٹی ایف کے مطابق ’پاکستان نے ایکشن پلان پر عمل درآمد میں کچھ سنگین خامیاں ابھی بھی باقی ہیں، ان کا خامیوں کا تعلق دہشت گردی کی مالی معاونت سے ہے۔

سندھ حکومت کا مساجد سے آمدنی کے ذرائع معلوم کرنے کا فیصلہ، کراچی حکومت سندھ نے صوبے بھر کی تمام مساجد کے ذرائع آمدن معلوم کرنے کا فیصلہ کیا ہے۔ سندھ حکومت نے صوبے کی تمام مساجد سے آمدنی کے ذرائع معلوم کرنے کا فیصلہ کیا ہے، اور اس حوالے سے صوبائی محکمہ اوقاف نے تمام مساجد کو سوالنامہ ارسال کردیاہے۔محکمہ اوقاف کی جانب سے مساجد کے منتظمین کو چندے کے حصول، زیرِ ملکیت دکان یا گھر کی تفصیلات دینے کا حکم دیا گیا ہے، اور تمام آئمہ مسجد کو جمعے کو جمع ہونے والے چندے اور اخراجات کی تفصیل فراہم کرنے کی ہدایت کی گئی ہے۔ذرائع کے مطابق مساجد سے تفصیلات ایف اے ٹی ایف شرائط کے تحت تفصیلات مانگی گئی ہیں، جس کے بعد محکمہ اوقاف مساجد سے تفصیلات حاصل کررہے ہیں.

آج سندھ میں کتوں کا راج ہے،جسٹس آفتاب گورڑ کو خراج تحسین پیش کرتے ہیں،پی پی نے جسٹس صاحب کے خلاف مہم شروع کردی ہے،صوبے میں سب سے زیادہ کیسز لاڑکانہ کے ہیں،عدم اعتماد کا اظہار کرنا توہین عدالت ہے،ایک جج کے فیصلے کی توہین کی گئی ہے،چیف جسٹس آف پاکستان اس بات کا نوٹس لیں،سندھ میں کتے کے کیسز میں اضافہ ہورہا ہے،2021 میں ہی صرف 16 سے 17 ہزار کیسز رجسٹر ہوچکے ہیں،عوام فیصلہ کرے کے اس جماعت کو ووٹ دینا ہے،جو کتے کاٹنے میں اپنا نام گنیز بک میں لکھوا چکا ہے،بلاول کی پھپو عوام کو کتے کاٹنے کی دوائی نہیں دے سکی،کروڑوں روپے کتے کھسی ہونے پر خرچ کردیے گئے،یہ ٹیکنیکل طریقے سے کرپشن کررہے ہیں،عوام نے اب ان کے معاملات کو دیکھنا ہے،ہم اپوزیشن میں ضرور ہیں لیکن ہماتی جدوجہد کامیابی یوینی ہے.

کراچی کے علاقے بلدیہ ٹاؤن میں زہریلی چیز کھانے یا کسی کے کھلانے سے تین کم سن بچے بے ہوش ہو گئے۔اتحاد ٹاؤن پولیس کے مطابق بلدیہ کے علاقے گلشن غازی بلاک اے میں باڑے کے قریب سے 4 سالہ بچہ محمد اقبال، 3 سالہ بچی حفضہ اور 2 سالہ فاطمہ بے ہوشی کی حالت میں ملے جنہیں ریسکیو اہلکاروں نے فوری طور پر عباسی شہید اسپتال کے ٹراما سینٹر پہنچایا جہاں ڈاکٹرز ان کی جان بچانے کی کوشش کر رہے ہیں پولیس کے مطابق فوری طور پر معلوم نہیں ہو سکا کہ بچوں کو کسی نے کوئی چیز کھلائی یا انہوں نے ازخود کوئی چیز کھائی۔

کراچی سندھ ہائی کورٹ نے مرحوم پولیس اہلکاروں کے بچوں کو فوری نوکریاں دینے کا حکم دیتے ہوئے سندھ حکومت، چیف سیکرٹری اور آئی جی کو عمل درآمد کے لیے نوٹس جاری کردیا۔ سندھ ہائیکورٹ نے مرحوم پولیس اہلکاروں کےبچوں کونوکریاں نہ دینےکےخلاف درخواستوں پر تحریری حکم نامہ جاری کردیا۔جس میں عدالت نے مرحوم پولیس اہلکاروں کے بچوں کو فوری نوکریاں دینے کا حکم دیتے ہوئے سندھ حکومت،چیف سیکرٹری اور آئی جی کوعمل درآمد کے لیے نوٹس جاری کردیا تحریری حکم میں کہا گیا ہے کہ سندھ حکومت پولیس اہلکاروں کےبچوں کی درخواستوں پرغورکرے، مرحوم پولیس اہلکاروں کےبچےچیف سیکرٹری کودرخواستیں دیں، اگرمطلوبہ تعلیمی معیارہو تو فوری نوکریوں کےآفرلیٹرجاری کیے جائیں۔سندھ ہائی کورٹ نے تحریری فیصلے میں کہا کہ سندھ حکومت نوکریاں نہ دےتودرخواست گزاردوبارہ عدالت سےرجوع کرے، نوکریوں کیلئےعنایت جبیں،فیضان خان،فیض اسلم خان نے درخواستیں دائر کیں۔

این اے 249 میں پارٹی ٹکٹ امجد آفریدی کودینے پر پی ٹی آئی میں شدید اختلافات پیدا ہوگئے، پی ٹی آئی کے رکنِ سندھ اسمبلی ملک شہزاد اعوان نے استعفیٰ دیدیا، ان کا کہنا ہے کہ حلقے میں ہمارا امیدوار بہت کمزور ہے، سیٹ نہیں جیت سکیں گے۔
قومی اسمبلی کی نشست این اے 249 سے ٹکٹ دینے کے تنازع پر پاکستان تحریک انصاف کے رکن سندھ اسمبلی ملک شہزاد اعوان نے استعفیٰ دیدیا، پی ٹی آئی کے رکن سندھ اسمبلی ملک شہزاد اعوان نے اپنا استعفیٰ اپوزیشن لیڈر حلیم عادل شیخ کو بھجوا دیا ہے، ملک شہزاد اعوان نے استعفیٰ این اے 249 سے امجد آفریدی کو ٹکٹ دینے پر دیا اور وہ سمجھتے ہیں پی ٹی آئی امیدوار امجد آفریدی حلقے میں غیر مقبول ہے، یہ سیٹ ہر حال میں جیت کر وزیراعظم کو تحفے میں دینی ہے، اس لیے استعفیٰ دی واضح رہے کہ کراچی سے قومی اسمبلی کی نشست این اے 249 سے پی ٹی آئی کے فیصل واوڈا عام انتخابات میں کامیاب ہوئے تھے تاہم سینیٹر کا الیکشن جیتنے کے بعد فیصل واوڈا نے اس نشست سے استعفیٰ دیا۔
الیکشن کمیشن نے قومی اسمبلی کے حلقہ این اے 249 کا پولنگ شیڈول بھی جاری کر دیا جس کے مطابق حلقے میں 29 اپریل کو ووٹنگ ہو گی.