Category: کراچی

کراچی : شہر قائد میں اسٹریٹ کرائمز میں مزید اضافہ ہوگیا، لٹیرے دن دہاڑے وارداتیں کرنے لگے، شہری خوف کا شکار جبکہ پولیس لاچار ہے تفصیلات کے مطابق کراچی کی سڑکوں پر لٹیرے راج کرنے لگے، اسٹریٹ کرمنلز شہر میں دندناتے پھر رہے ہیں، سنسان سڑک ہی نہیں مصروف شاہراہوں پر بھی لوگوں کو سر عام لوٹا جانے لگا حسین آباد ابراہیم اسپورٹس کمپلیکس کے قریب تین ڈاکو شہری سے ایک لاکھ 50 ہزار لوٹ کر فرار ہوگئے ڈاکووٗں نے چلتی موٹر سائیکل روک کر شہری کو لوٹا، واردات کی فوٹیج اے آر وائی نیوز نے حاصل کرلی فوٹیج میں بیک اپ پر موجود تیسرے ملزم کو بھی دیکھا جاسکتا ہے، لٹنے والا شہری مسلسل مزاحمت کرتا نظر آرہا ہے اور سڑک پر آنے جانے والے شہری تماشہ دیکھ کر گزرتے رہے۔

کراچی پولیس کی 2 خواتین سمیت 32 افسران ایس ایچ او لگنے کے لیے نا اہل قرار دیدیے گئے نا اہل قرار دیے جانے والے انسپکٹر اور سب انسپکٹررینک کے افسران اس سے قبل مختلف تھانوں میں ایس ایچ او رہ چکے ہیں اور دوران تعیناتی ان پر سنگین الزامات لگے جوکہ انکوائری میں صحیح ثابت ہوئے جس کے بعد ہونے والی بورڈ کی میٹنگ میں افسران کو نا اہل قرار دیا گیا۔ایس ایچ او منتخب کرنے کے لیے بنائی گئی کمیٹی نے نا اہل ہونے والے افسران کو ایس ایچ او لگنے کے قابل افسران کے پول میں سے نکال دیا ہے۔نا اہل ہونے والی خواتین ایس ایچ او میں سابق ایس ایچ او گلشن اقبال سیدہ غزالہ اور سابق ایس ایچ او ملیر سٹی ناجیہ افضال بھی شامل ہیں۔

لاہور میں 10 مارچ سے شیڈول پاکستان سپرلیگ (پی ایس ایل)6 کے میچز کراچی منتقل کرنے کی تجویز پر تمام اسٹیک ہولڈرز سے مشاورت جاری ہے۔بائیوببل کے باوجود چار کوویڈ کیسز پازیٹو آنے پر پی سی بی حکام خاصے پریشان ہیں اور لیگ کو جاری رکھنے کیلیے کراچی میں بائیوببل کے تمام انتظامات کو بہتر بنانے کے بعد مزید کسی ناخوشگوار حالات کا سامنا کرنے کے بجائے تمام میچز نیشنل اسٹیڈیم کراچی میں ہی کروالیے جائیں۔بورڈ حکام تمام حالات، واقعات کا جائزہ لے کر سوچ وبچار کرنے میں مصروف ہیں کہ لیگ کو اب کس طرح مکمل کرنا ہے اور کیا ایک ہی جگہ میچز کرانا مناسب ہوگا یا پھر پہلے سے جاری کردہ پلان پر عمل کیا جائے۔پہلے سے طے شدہ شیڈول کےمطابق کراچی میں سات مارچ کوآخری پی ایس ایل کا میچ کھیلا جانا ہے، جس کےبعد فائنل سمیت تمام 14 میچز لاہور میں شیڈول ہیں.

سینیٹ انتخابات کے لیے سندھ میں سینیٹ کی ٹوٹل 11 نشستوں کا مکمل رزلٹ
7 جنرل نشستیں
شیریں رحمان ۔۔۔ پیپلز پارٹی ۔۔۔ 22 ووٹ
جام مہتاب ڈہر ۔۔۔۔ پیپلز پارٹی ۔۔۔ 19 ووٹ
سلیم مانڈوی والا ۔۔۔ پیپلز پارٹی ۔۔۔ 20 ووٹ
تاج حیدر ۔۔۔۔ پیپلز پارٹی ۔۔۔ 20 ووٹ
شہادت اعوان ۔۔۔ پیپلز پارٹی ۔۔ 19 ووٹ
فیصل سبزواری ۔۔۔ ایم کیو ایم ۔۔۔ 22 ووٹ
فیصل واوڈا ۔۔۔۔ تحریک انصاف ۔۔۔ 20 ووٹ
2 خواتین کی نشستیں
پلوشہ خان ۔۔۔ پیپلز پارٹی ۔۔۔ 60 ووٹ
خالدہ اطیب ۔۔۔۔۔ ایم کیو ایم ۔۔۔ 57 ووٹ
2 ٹیکنو کریٹ نشستیں
فاروق ایچ نائیک ۔۔۔ پیپلز پارٹی ۔۔۔ 61 ووٹ
سیف اللہ ابڑو ۔۔۔ تحریک انصاف ۔۔۔57 ووٹ

کراچی:طویل عرصے سے علیل معروف نعت خواں الحاج سعید ہاشمی اپنے خالق حقیقی سے جاملے تفصیلات کے مطابق ملک کے ممتاز ثناخواں الحاج سعید ہاشمی گذشتہ کئی روز سے علیل تھے ، جس کے باعث وہ کراچی کے نجی اسپتال میں زیر علاج تھے تاہم آج وہ انتقال کر گئے نعت خواں الحاج سعید ہاشمی کے اہلِ خانہ نے ان کے انتقال کی تصدیق کرتے ہوئے بتایا کہ انہیں گردوں کا عارضہ لاحق تھا اور طبیعت بگڑنے پر سعید ہاشمی کو مقامی اسپتال میں داخل کیا گیا ، جہاں انہیں انتہائی نگہداشت میں رکھا گیا تاہم وہ جانبر نہ ہوسکے نعت خواں الحاج سعید ہاشمی کی پہنچان اعلی حضرت کے کلام “لم یات نظیرک فی نظر” سے ہوئی۔

سینیٹ انتخابات میں سندھ اسمبلی سے پیپلزپارٹی کی امیدوار پلوشہ خان کامیاب ہوگئیں سینیٹ الیکشن میں سندھ اسمبلی کے168 میں سے167 اراکین نےحق رائے دہی استعمال کیا جبکہ جماعت اسلامی سے تعلق رکھنے والے رکن سید عبدالرشید نے پارٹی پالیسی کے تحت ووٹ کاسٹ نہیں کیا الیکشن کمیشن کے ذرائع کے مطابق 167میں سے 4 ووٹ مسترد قرار پائے ہیں اب تک کے غیرسرکاری نتیجے کے مطابق پلوشہ خان نے سندھ اسمبلی سے 60 ووٹ حاصل کیے جبکہ متحدہ قومی موومنٹ کی خالدہ اطیب بھی 57 ووٹ لیکر کامیاب ہوئی ہیں۔الیکشن کمیشن ذرائع کے مطابق پیپلز پارٹی کی شیری رحمان، جام مہتاب اور سلیم مانڈوی والا بھی کامیاب قرار پائے ہیں۔

پاکستان سپر لیگ کے تیرہویں میچ میں کراچی کنگزنے پشاورزلمی کو 6 وکٹوں سے ہرادیا 189 رنز کا ہدف کراچی کنگز نے آخری اوور میں 4 وکٹ پرحاصل کرلیا، بابراعظم 77 رنزبناکرناقابل شکست رہے، پشاور زلمی کے ثاقب محمود کی 2 ، محمد عمران اور محمد عرفان نے ایک ایک وکٹ حاصل کی قبل ازیں پشاور زلمی نے پہلے کھیلتے ہوئے کراچی کنگز کو جیت کے لیے 189 رنز کا ہدف دیا کراچی کے نیشنل اسٹیڈیم میں کھیلے گئے میچ میں کراچی کنگز کے کپتان عماد وسیم نے ٹاس جیت کر پشاور کو پہلے بیٹنگ کی دعوت دی۔پشاور کی جانب سے ٹام کوہلر کیڈمور اور کامران اکمل نے اننگز کا آغاز کیا لیکن 30 کے مجموعے پر کامران اکمل 22 رنز بنا کر آؤٹ ہو گئے اور پھر 33 پر کیڈمور اور 34 رنز پر کپتان شعیب ملک بھی اپنی وکٹ گنوا بیٹھے۔ پشاور زلمی کے چوتھے آؤٹ ہونے والے کھلاڑی حیدر علی تھے جو 9 رنز بنا کر پویلین لوٹے چار کھلاڑیوں کے جلد آؤٹ ہونے کے بعد تجربہ کار روی بوپارا اور شرفین ردرفورڈ نے اچھی بلے بازی کا مظاہرہ کیا اور اپنی ٹیم کا اسکور آگے بڑھایا، ردرفوڈ 46 رنز بنا کر آؤٹ ہوئے اس کے بعد عماد بٹ وکٹ پر آئے اور دھواں دھار بیٹنگ کا مظاہرہ کرتے ہوئے 7 گیندوں پر 23 رنز بنا کر اپنی ٹیم کا اسکور 188 تک پہنچا دیا جب کہ روی بپارا 40 گیندوں پر 58 رنز بنا کر ناٹ آؤٹ رہے۔

پی ایس ایل 6 کے 13ویں میچ میں کراچی کنگز نے سنسنی خیز مقابلے کے بعد پشاور زلمی کو 6 وکٹوں سے شکست دے دی۔تفصیلات کے مطابق پی ایس ایل 6 کے 13ویں میچ میں کراچی کنگز نے پشاور زلمی کی جانب سے دیا جانے والا 189 رنز کا ہدف آخری اوور میں 4 وکٹوں کے نقصان پر حاصل کرلیا، بابر اعظم اور محمد نبی نے شاندار نصف سنچریاں اسکور کیں۔بابر اعظم نے ناقابل شکست 77رنز کی اننگز کھیلی اور محمد نبی 68 رنز بنا کر آئوٹ ہوئے۔محمد نبی اور بابر اعظم کے علاوہ کوئی کھلاڑی خاطر خواہ کارکردگی نہ دکھا سکا۔ شرجیل خان بغیر کوئی رن بنائے پویلین لوٹ گئے، جو کلارک 17 رنز بناسکے، کولن انگرام بھی 3 رنز پر ہمت ہار گئے، ڈینئل کرسٹن 12 رنز بنا کر ناٹ آئوٹ رہے۔پشاور زلمی کی جانب سے ثاقب محمود نے دو کھلاڑیوں کو پویلین کی راہ دکھائی، محمد عمران اور محمد عرفان ایک، ایک وکٹ حاصل کرسکے۔اس سے قبل پشاور زلمی نے کراچی کنگز کو جیت کیلئے ایک سو نواسی رنز کا ہدف دیا تھا۔کراچی کنگز نے پاور پلے میں پشاور زلمی کے تین کھلاڑیوں کو آئوٹ کیا، تین کھلاڑی آوٹ ہونے کے بعد پشاور زلمی کے بوپارا اور ردرفورڈ نے ذمہ دارانہ بیٹنگ کا مظاہرہ کیا۔بوپارانے 57 رنز کی شاندار اننگز کھیلی جبکہ ردرفورڈ 32 گیندوں پر چھیالیس رنز بناکر آئوٹ ہوئے، اختتامی اوورز میں عماد بٹ نے سات گیندوں پر ستائیس رنز کی جارحانہ اننگز کھیلی۔

سینیٹ انتخابات میں سندھ اسمبلی سے پیپلزپارٹی کی امیدوار پلوشہ خان کامیاب ہوگئیں۔غیرسرکاری نتیجے کے مطابق پلوشہ خان کو سندھ اسمبلی سے 60 ووٹ حاصل کیے جبکہ متحدہ قومی موومنٹ کی خالدہ اطیب بھی 57 ووٹ لیکر کامیاب ہوئی ہیں۔الیکشن کمیشن کے ذرائع کے مطابق 167میں سے 4 ووٹ مسترد قرار پائے ہیں.