Category: کراچی

پاکستان کے ایوان بالا (سینیٹ) کے نمائندوں کے چناؤ کے لیے ووٹنگ صوبائی اسمبلیوں میں بھی ہوتی ہے لیکن یہ طریقہ کار کسی ایک پارٹی کے نشان پر ٹھپہ لگانے سے بہت مختلف ہوتا ہے۔صوبائی اسمبلیوں کے ارکان جنرل، ٹیکنوکریٹ اور خواتین کی مخصوص نشستوں پر تمام سینیٹ امیدواروں کو ووٹ دے سکتے ہیں لیکن ہر بیلٹ پیپر پر فاتح امیدوار کا تعین اس بات پر ہوتا ہے کہ اُسے ترجیحی لحاظ سے کس نمبر پر منتخب کیا گیا ہے۔اس عمل میں سب سے اہم کردار سب سے زیادہ ووٹ حاصل کرنے والے امیدوار کا ہوتا ہے، مطلوبہ کوٹے سے زیادہ ووٹ حاصل کرنے والا امیدوار پہلے مرحلے میں کامیاب قرار پاتا ہے جب کہ اس کے اضافی ووٹ دوسری ترجیح پر رہنے والے امیدوار کو منتقل ہو جاتے ہیں۔ریجنل الیکشن کمشنر ندیم حیدر کا کہنا ہے کہ فارمولے کے تحت صوبائی اسمبلیوں میں کامیابی کے لیے مطلوبہ ووٹوں کی تعداد مختلف ہوتی ہے، ان باریکیوں کا خیال نہ رکھنے والے اراکین اکثر اپنے ووٹ مسترد کروا بیٹھتے ہیں۔ندیم حیدر کا کہنا ہے کہ سنگل ٹرانسفرایبل ووٹ فارمولا برطانوی ریاضی دان تھامس رائٹ ہل نے 1819 میں ایجاد کیا تھا۔

پیپلز پارٹی کی رہنما سہیل انور سیال کہتے ہیں کہ پی ٹی آئی کے دو ارکان اپنی مرضی سے ہمارے ساتھ آئے ہیں، ہم نے کسی کو اغواء نہیں کیا تحریک انصاف کے دو منحرف ارکان اسلم ابڑو اور شہریار شر پيپلز پارٹی کے صوبائی وزير سہيل انور سيال کے ہمرا ایک ہی گاڑی میں سندھ اسمبلی پہنچے۔سندھ اسمبلی کے باہر میڈیا سے گفتگو میں صوبائی وزیر سہیل انور سیال نے کہا کہ اپوزیشن رکن کے ساتھ چلنا گھومنا کیا گنا ہے اور اگر کوئی رکن اسمبلی خود کسی کے ساتھ گھوم پھر رہا ہو تو اس ميں کوئی برائی نہيں۔ یہی جمہوریت ہے کہ سامنے بیٹھے وہ بیان دے رہے ہیں سہیل انور سیال نے کہا کہ پولنگ کے بعد ہی کامیابی کا معلوم ہوگا لیکن پی ڈی ایم کے امیدوار ہی جیتیں گے۔سہیل سیال نے اپنی نگرانی میں پی ٹی آئی کے دونوں ارکان کو ایوان میں پہنچایا جبکہ شہریار شر اور اسلم ابڑو نے پیپلزپارٹی کو ووٹ دینے کا اعلان بھی کیا

کراچی: تحریک انصاف کے منحرف رکن سندھ اسمبلی نے سینیٹ الیکشن کے دوران بڑا اعلان کردیا پی ٹی آئی کے منحرف رکن سندھ اسمبلی سینیٹ الیکشن میں ووٹ کاسٹ کرنے کے لیے سندھ اسمبلی پہنچے جہاں صحافی نے ان سے سوال کیا کہ آپ کا ضمیر کیا کہتا ہے سینیٹ میں کس کو ووٹ دیں گے ؟ صحافی کے سوال پر سیف اللہ ابڑو نے کہا کہ میں پیپلزپارٹی کو ووٹ دوں گا واضح رہے کہ گزشتہ روز سندھ اسمبلی میں پی ٹی آئی کے تین منحرف ارکان کی ان کے ہی ساتھی اراکین نے پٹائی لگائی تھی جس پر ایوان میں شدید ہنگامہ آرائی ہوئی

: الیکشن کمیشن نے سینیٹ الیکشن کے موقع پر اراکین اسمبلی کے ایوان میں داخلے کے لیے موبائل فون لے جانے پر پابندی عائد کررکھی ہے۔قومی اسمبلی میں اراکین کے موبائل اندر لے جانے پر عائد پابندی پر سختی سے عملدرآمد کرایا جارہا ہے، ایوان میں داخلے کے وقت پیپلز پارٹی کے ایم این اے عبدالقادر پٹیل نے سب سے پہلے موبائل جمع کروایا۔جب کہ اپوزیشن رکن اور سکیورٹی عملے کے درمیان موبائل فون جمع کروانے کے معاملے پر تکرار بھی ہوئی۔اس موقع پر عبدالقادر پٹیل نے کہا کہ کسی حکومتی رکن کا موبائل اندر گیا تو سیکیورٹی اسٹاف کا ذمہ دار ہوگا۔الیکشن کمیشن کا ہدایت نامہ دوسری جانب الیکشن کمیشن کی جانب سے ارکان قومی اسمبلی کے لیے ہدایت نامہ لگایا گیا ہے جس میں کسی کو بھی پولنگ اسٹیشن میں موبائل یا کیمرا لے جانے سے منع کیا گیا ہے۔ہدایت نامے میں کہا گیا ہےکہ پابندی کا اطلاق ووٹر، امیدوار اور پولنگ ایجنٹ سمیت سب پر ہوگا۔ہدایت نامے میں بتایا گیا ہےکہ ارکان کو بیلٹ پیپر حاصل کرنے کے لیے اسمبلی سے جاری شدہ کارڈ دکھانا ہوگا، عام نشست کیلیے بیلٹ پیپر سفید اور خواتین کی نشست کے لیے گلابی بیلٹ پیپر جاری ہوگا۔ہدایت نامے کے مطابق بیلٹ پیپر پر ووٹر کی شناخت کا نشان لگنے پر ووٹ مسترد تصور ہوگا۔

فہیم اشرف کی عمدہ باؤلنگ اور پال اسٹرلنگ کی برق رفتار بیٹنگ نے اسلام آباد یونائیٹڈ کو فتح دلادی فہیم اشرف کے 3 شکار اور پال اسٹرلنگ کی برق رفتار 56 رنز کی اننگز کی بدولت اسلام آباد یونائیٹڈ نے 157 رنز کا ہدف 18 گیندیں قبل حاصل کرکے کوئٹہ گلیڈی ایٹرز کو 6 وکٹوں سے ہرادیا کوئٹہ گلیڈی ایٹرز کی ٹیم مقررہ بیس اوورز میں 7 وکٹوں کے نقصان پر 156 رنز ہی بناسکی تھی فاتح ٹیم کے اوپنرز پال اسٹرلنگ اور ایلکس ہیلز نے اننگز کا آغاز ہی جارحانہ انداز میں کیا اور پاور پلے میں کوئٹہ گلیڈی ایٹرز کے باؤلرز کی خوب دھنائی کی۔ دونوں اوپنرز نے شاندار بیٹنگ کرتے ہوئے 35 گیندوں پر 76 رنز کی زبردست اوپننگ شراکت قائم کی اسلام آباد یونائیٹڈ کی پہلی وکٹ اس وقت گری جب اسپنر زاہد محمود نے ایلکس ہیلز کو کلین بولڈ کردیا۔ انہوں نے 13 گیندوں پر 4 چوکوں پر مشتمل 23 رنز کی اننگز کھیلی اسلام آباد یونائیٹڈ کے دوسرے آؤٹ ہونے والے بیٹسمین پال اسٹرلنگ تھے، انہیں بھی زاہد محمود نے کلین بولڈ کیا۔ وہ 33 گیندوں پر 56 رنز بناکر آؤٹ ہوئے۔ ان کی اننگز میں 8 چوکے اور 2 چھکے شامل تھے 93کے مجموعی اسکور پر دونوں اوپنرز کے پویلین واپس لوٹنے وکٹ کیپر بیٹسمین روحیل نذیرنے کپتان شاداب خان کے ہمراہ 37 رنز کی شراکت قائم کرکے ٹیم کو فتح کے مزید قریب پہنچا دیا۔ روحیل نذیر 34 اور کپتان شاداب خان 21 رنز بناکر آؤٹ ہوئے جس کے بعد آصف علی نے 1 چھکا اور 2 چوکے لگا کر میچ ختم کردیا۔ وہ 16 رنز بناکرکریز موجود رہے۔حسین طلعت 1 رن بناکر ناٹ آؤٹ رہے اسلام آباد یونائیٹڈ نے 157 رنز کا ہدف 17 اوورز میں 4 وکٹوں کے نقصان پر حاصل کرلیا۔ کوئٹہ گلیڈی ایٹرز کے زاہد محمودنے 2جبکہ ڈیل اسٹین اور محمد حسنین نے ایک ایک وکٹ حاصل کی اس سے قبل شاداب خان کی دعوت پر کوئٹہ گلیڈی ایٹرز نے اپنی بیٹنگ کا آغاز کیا تو فہیم اشرف اور حسن علی کی نپی تلی باؤلنگ کی بدولت کوئٹہ گلیڈی ایٹرز کی آدھی ٹیم محض 71 کے مجموعی اسکور پر پویلین واپس لوٹ گئی۔ اوپنرز صائم ایوب اور کیمرون ڈیلپورٹ بالترتیب 5 اور 1 کے انفرادی اسکور پر آؤٹ ہوئے،فاف ڈوپلیسی 17، اعظم خان 4 اور بین کٹنگ 23 رنز بناکر آؤٹ ہوئے ایسے میں ایک اینڈ سنبھالنے والے کپتان سرفراز احمد کا ساتھ دینے کے لیے محمدنواز میدان میں آئے۔ انہوں نے کپتان کے ہمراہ چھٹی وکٹ کے لیے 63 رنز کی اہم شراکت قائم کرکے ٹیم کا مجموعہ 150 سے زائد پہنچانے میں اہم کردار ادا کیا اس دوران کپتان سرفراز احمدنے نہ صرف کوئٹہ گلیڈی ایٹرز کی لڑکھڑاتی بیٹنگ لائن کو سہارا دیا بلکہ جارحانہ کھیل پیش کرتے ہوئے اسپنر افتخار احمد کو ایک اوور میں چھ گیندوں پر چار چھکے جڑکر خوب داد بھی وصول کی انہوں نے 31 گیندوں پر اپنی نصف سنچری مکمل کی۔یہ ایونٹ میں ان کی مسلسل دوسری نصف سنچری ہے۔انہیں فہیم اشرف نے 54 کے انفرادی اسکور پر پویلین واپس پہنچایا۔محمد نواز 31 رنز بناکر ناٹ آؤٹ رہے کوئٹہ گلیڈی ایٹرز نے مقررہ 20 اوور میں 7 وکٹوں کے نقصان پر 156 رنز بنائے اسلام آباد یونائیٹڈ کے آلراؤنڈر فہیم اشرف نے صرف 11 رنز دے کر تین کھلاڑیوں کو آؤٹ کیا،حسن علی نے 23 رنز کے عوض 2 وکٹیں حاصل کیں۔کپتان شاداب خان نے بھی ایک وکٹ حاصل کی اسلام آبد یونائیٹڈ کے آلراؤنڈر فہیم اشرف کو مین آف دی میچ قرار دیا گیا۔

پاپوش نگر میں پولیس اہلکاروں نے نوجوان کو برہنہ کرکے تشدد کا نشانہ بنایا جس کی فوٹیج بھی منظرعام پر آگئی۔سی سی ٹی وی ویڈیو میں دیکھا گیا ہے کہ ایک پولیس موبائل سے دوسری پولیس موبائل میں منتقلی کے دوران سادہ لباس اہلکاروں نے ایک نوجوان کو تشدد کا نشانہ بنایا اور پھر اس کےکپڑے بھی اتروائے۔واقعےکے خلاف متاثرہ شہری کے والد نے ڈی آئی جی ویسٹ کے دفتر میں درخواست جمع کروا دی جس کے مطابق ان کا بیٹا خلافت چوک پر دکان پربیٹھا تھا اسی دوران پولیس موبائل دکانیں بند کروانے آئی اور بیٹے کو زبردستی لے گئی، خلافت چوک پر سادہ لباس اہلکار نے بیٹے کو برہنہ کرکے تشدد کا نشانہ بنایا۔دوسری جانب ذرائع کے مطابق ڈی آئی جی ویسٹ آفس میں واقعے کی انکوائری ایک دو روز میں مکمل کرلی جائے گی، واقعے میں اب تک تشدد کا شکار ہونے والا لڑکا بے قصور پایا گیا ہے۔

حب پولیس نے دس دنوں سے گمشدہ اللہ نور کے معاملے کو حل کر دیا مقتول کا قاتل اپنا ہی ہم زلف نکلا مقتول اللہ نور جو کہ کراچی نادرن بائی پاس کا رہائشی ہے مورخہ 16 فروری کو اپنے کام سے کوئٹہ گیا ہوا تھا جو کہ واپسی 20 فروری کو اپنے پلاٹ کے مبلغ دس لاکھ روپے لے کر واپس حب پہنچا تھا جو کہ حب جام کالونی میں اپنے ہم زلف رضا خان کے گھر ایک رات کے لے رکا تھا ملزم رضا خان نے پیسے کی لالچ میں آکر مقتول اللہ نور کو سوتے ہوئے کلہاڑیوں کے وار سے قتل کر دیا تھا اور ملزم نے مقتول کو اپنے ہی گھر کے صحن میں دفن کر دیا تھا ملزم نے واردات کے بعد مقتول کے جیب سے دس لاکھ روپے نکال لئے تھے اور مقتول کا موبائل فون بند کرکے سم نکالنے کے بعد موبائل کو گڈانی جا کر سمندر میں پھینک دیا تھا مقتول کی گمشدگی کے بعد انکے بھائی نے پولیس میں اطلاعی رپورٹ کی تھی جس کے بعد حب سٹی کے ایس ایچ او عطااللہ نمانی نے اپنے ٹیم کے ہمراہ اس کیس پر تفتیش شروع کی اور ملزم رضا خان کو شامل تفتیش کرنے کے بعد اس سے پوچھ گچھ کی گئ تو ملزم نے اعتراف جرم کر لیا اور بتایا کہ اس نے 21 فروری کو مغوی اللہ نور کو اپنے گھر واقع جام کالونی کے صحن میں دفن کیا ہے اس پر جناب جوڈیشل مجسٹریٹ صاحب کی نگرانی میں بموجودگی ڈاکٹر ٹیم ،ایڈیشنل ایس پی حب سرکل ملزم کی نشاندہی پر بذریعہ پولیس ملازمین کھدائی کرکے مغوی اللہ نور کی گردن کے قریب کٹی ہوئی نعش برآمد کی گئ نعش کے ساتھ آلہ قتل کلہاڑی بھی برآمد ہوئی ورثاء نے نعش کی بموجودگی جناب جوڈیشل مجسٹریٹ شناخت کیا جس کے بعد نعش کو سول ہسپتال حب منتقل کردیا گیا کاغذی کاروائی کے بعد نعش ورثاء کے حوالے کیا جائے گا علاقائے مکینوں نے دس روز سے لاپتہ مقتول کی لاش کی برآمدگی اور ملزم کی گرفتاری پر حب پولیس کے اس اقدام کو سراہا ہیں حب پولیس نے انتہائی مہارت اور خصوصی ٹیم کے ساتھ اس کیس پر کام کرکے ملزم کو گرفتار کرلیا اور نعش برآمدگی کروائی نعش برآمدگی کے موقع پر علاقائے مکین اور پولیس افسران موجود تھے۔۔

ڈسٹرکٹ سینٹرل تھانہ لیاقت آباد کے علاقے ڈاکخانہ چوک کے قریب پولیس مقابلہ ہوا پولیس اور ڈاکوؤں کے درمیان فائرنگ کا تبادلہ فائرنگ سے ایک ڈکیت زخمی حالت میں گرفتار ڈاکوؤں کی فائرنگ سے ایک سپاہی ملک امین زخمی ہوگیا زخمی ڈکیت *نعمان ولد آفتاب* کے قبضے سے ایک بغیر لائسنس ٹی ٹی پستول چوری شدہ موٹرسائیکل KKY-9343 برآمد ملزم کا دوسرا ساتھی موقع سے فرار ہوگیا زخمی سپاہی اور ڈکیت کو طبی امداد کےلئے اسپتال منتقل کردیا گیا گرفتار ملزم کا مزپد کرمنل ریکارڈ چیک کیآ جارہا ہے .

حلیم عادل شیخ کی جانب سے صحافیوں پر بے بنیاد الزامات کی شدید مذمت کرتے ہیں ۔ کے یوجے دستور صحافیوں کو الزامات لگانا آزادی اظہار رائے اور اس احتساب کی نفی ہے۔ راشد عزیز -موسیٰ کلیمکراچی (پ ر) کراچی یو نین آف جر نلسٹس دستور کے صدر راشد عزیز، سیکر ٹری موسٰی کلیم اور اراکین مجلس عاملہ نے منگل کوسند ھ اسمبلی میں صحافیوں کے سوال کے جواب میں اپوزیشن لیڈر حلیم عادل شیخ کی جانب سے سینئر صحافیوں پر الزام عائد کرنے کی شدید الفاظ میں مذمت کی ہے،سیکرٹری موسی کلیم نے اپوزیشن لیڈر حلیم عادل شیخ کا صحافیوں پر بے بنیاد الزامات کی شدید مذمت کرتے ہوئے کہا کہ حلیم عادل شیخ سے ایک سینئر صحافی نے سوال کیا جس پر وہ جواب دینے کے بجائے الزامات عائد کرنے لگے۔حلیم عادل یہ جان لیں کہ صحافی ان کے من پسند سوال نہیں کرسکتے ہیں ،پریس کانفرنس ایک احتسابی فورم ہوتا ہے جس پر صحافی حقائق جاننے کے لئے تلخ سوالات کرتے ہیں اور سیاستدان کی خوبی ہوتی ہے کہ وہ تلخ سوالات کا جواب تحمل اور بردباری سے دے۔مگر ان سوالوں کے جواب دینے کے بجائے صحافیوں پر الزامات لگانا آزادی اظہار رائے اور اس احتساب کی نفی ہے جو جمہوری اقدار کی پہچان ہیں۔واضح رہے کہ منگل کو سند ھ اسمبلی میں تحریک انصاف کے اپوزیشن لیڈرحلیم عادل شیخ نے الزام لگا یا کہ بعض سینئر صحافی حکومتی ترجمان بن گئے ہیں ،اس پر صحافیوں نے شدید احتجاج کیا تو حلیم عادل نے لہجہ نرم کرنے کے بجائے مذید سخت رویہ اختیار کیا۔جس کی کراچی یونین آف جرنلسٹس دستور سخت مذمت کرتی ہے .