Category: کراچی

الیکشن کمیشن آف پاکستان نے علی حیدر گیلانی سے متعلق مبینہ ویڈیو پر نوٹس لے لیا۔پاکستان کے ایوان بالا (سینیٹ) کے انتخابات میں پاکستان ڈیموکریٹک موومنٹ کے اسلام آباد سے امیدوار یوسف رضا گیلانی کے بیٹے علی حیدر گیلانی کی ووٹ ضائع کرنے کا طریقہ بتانے کی مبینہ ویڈیو منظرعام پر آئی ہے۔ویڈیو میں علی حیدر گیلانی مبینہ طور پر ایک رکن کو ووٹ ضائع کرنے کا طریقہ بتا رہے ہیں جبکہ یہ واضح بھی نہیں کہ ویڈیو میں موجود افراد کون ہیں۔اس ویڈیو کے منظر عام پر آنے کے بعد تحریک انصاف ریفرنس دائر کرنے کیلئے الیکشن کمیشن آف پاکستان پہنچی تھی۔اب الیکشن کمیشن آف پاکستان نے علی حیدر گیلانی سے متعلق مبینہ ویڈیو پر نوٹس لے لیا۔ ترجمان کا کہنا ہے کہ ویڈیو کی میرٹ پر تحقیقات ہوں گی۔

الیکشن کمیشن نے وفاقی وزیر سائنس و ٹیکنالوجی فواد چوہدری کے اس بیان کی تردید کی ہے کہ الیکشن کمیشن میں کوئی افسر موجود نہ تھا۔ ترجمان الیکشن کمیشن نے کہا ہے کہ الیکشن کمیشن کی آر اینڈ آئی برانچ کھلی ہے اور متعلقہ افسران موجود ہیں۔علی حیدر گیلانی کی مبینہ ویڈیو، پی ٹی آئی الیکشن کمیشن پہنچ گئی ترجمان کے مطابق الیکشن کمیشن نے سینیٹ انتخابات کے حوالے سے کنٹرول روم قائم کر رکھا ہے جب کہ مانیٹرنگ اور کنٹرول روم 24 گھنٹے کام کر رہا ہے۔خیال رہے کہ یوسف رضا گیلانی کے صاحبزادے علی حیدر گیلانی کی ایک ویڈیو منظر پر آئی ہے جس میں علی حیدر گیلانی ایک رکن اسمبلی کو ووٹ ضائع کرنے کا طریقہ بتارہے ہیں۔ویڈیو سامنے آنے کے بعد حکومتی وفد الیکشن کمیشن کے دفتر پہنچا تھا۔اس موقع پر فواد چوہدری کا کہنا تھا کہ ملک میں کہرام مچا ہے اور الیکشن کمیشن میں فوری معاملات دیکھنے کےلیےکوئی نہیں۔

سندھ اسمبلی میں اجلاس کے دوران اراکین اسمبلی کی دھکم پیل کے دوران پاکستان پیپلز پارٹی (پی پی پی) کے رہنما مکیش چاولہ زخمی ہوگئے تھے جو ہیئر لائن فریکچر کا شکار ہوگئے۔
سندھ اسمبلی میں اجلاس کے دوران پاکستان تحریک انصاف (پی ٹی آئی) کے اراکین اسمبلی نے منحرف اراکین کی پٹائی لگادی۔سندھ اسمبلی اجلاس میں شرکت کے لیے تحریک انصاف کے منحرف ایم پی ایز سندھ اسمبلی پہنچے.

پی پی پی چیئرمین بلاول بھٹو زرداری نے یومِ بلوچ ثقافت پر بلوچ قوم کے نام محبت بھرا پیغام دیا۔
بلوچ ثقافت پر پورے پاکستان کو ناز ہے، جس کی اساس انسان دوستی اور محبت ہے۔مہمان نوازی، بھادری اور عزم و استقلال بلوچ عوام کا خاصہ ہے۔
ثقافتی دن منانے کا سلسلہ ہماری قومی یکجہتی کو نئی بلندیاں و وسعتیں دینے کا موجب بن رہا ہے۔
نوجوان اپنے وطن کی ثقافت کو عالمی سطح پر اجاگر کرنے کے لیئے اپنا کردار ادا کریں۔مزید کہا کہ آج کے دن میں بلوچستان سمیت پورے ملک کو یومِ بلوچ ثقافت پر مبارکباد دیتا ہو۔

پی ٹی آئی کراچی یوم ثقافت بلوچ کے دن پر پی ٹی آئی رہنماء خرم شیر زمان کا بیان آج کریم بخش گبول نے بلوچ کلچر ڈے پر غیرت مند بلوچ اور محب وطن پاکستانی ہونے کا ثبوت دیا یوم بلوچ ثقافت پر اپنے غیور پاکستانی بلوچ بھائیوں کو مبارکباد پیش کرتا ہوں بلوچ ثقافت وطن پاکستان کی عظیم ثقافت ہے غیرتمند اور جرآت مند بلوچ بھائیوں کی ملک کے لیے قربانیاں ناقابل فراموش ہیں

کراچی: تحریک لبیک پاکستان کا سینیٹ انتخابات میں کسی کو ووٹ نہ دینے کا اعلان علامہ غوث بغدادی اور دیگر رہنماؤں کی پریس کانفرنس سینیٹ الیکشن میں کوئی امیدوار اسلام، پاکستان اور عوام کا درد رکھنے والا نہیں سینیٹ امیدواروں میں زرداری کے نوکر ہیں کچھ امیدوار عمران خان کے چاکر ہیں سینیٹ امیدواروں میں کچھ نواز شریف کے چاہنے والے ہیں ہم کسی نااہل کو اپنے ووٹ نہیں دیں گے پی ڈی ایم کے اہم رہنماء کو بلوچستان میں 6 نشستیں پلیٹ میں رکھ کر دی گئیں بدلے میں اسلام آباد میں یوسف رضا گیلانی کی حمایت مانگی گئی ہے ایم کیو ایم مرکزی حکومت میں شامل ہے ایم کیو ایم پاکستان مرکز میں پی ڈی ایم کو سپورٹ کرنے کی اطلاع ملی چند گھنٹوں میں ہی نئی تنخواہ طے ہونے پر دوبارہ حکومتی اتحاد کی جانب لوٹ گئے ہم نے فیصلہ کیا ہے کہ ہم صرف اپنے امیدوار کو ووٹ دیں گے.

‏پی ٹی آئی کراچی کے صدر خرم شیرزمان بیان میں کہا سینیٹ میں سب سے بڑی منڈی سندھ میں لگی ہوئی ہےجمہوریت کے دعویدار آئین و قانون کو روندتے ہوئے ذاتی مفادات کے لیے ضمیر فروشی کا بازار گرم کیے ہوئے ہیں ‏سندھ کے لوگوں کا لوٹا ہوا پیسہ ضمیر خریدنے پر لگایا جارہا ہے
‏پی پی سندھ میں ہمیشہ چور اقتدار کے لیے چور دروازے ڈھونڈتی رہی ہے پی پی سرپرائز کے لیے تیار رہے عمران خان کی قیادت میں اس نظام کے خلاف جدوجہد جاری رہے گی بنارسی ٹھگوں کے استاد سندھ کے مستقبل پر سیاہ دھبا ہیںلوگوں کو ڈرا دھمکا کر اور خرید و فروخت کے ذریعے وفاداریاں تبدیل کرانے کا سلسلہ جاری ہے ‏آج کریم بخش گبول نے بلوچ کلچر ڈے پر غیرت مند بلوچ اور محب وطن پاکستانی ہونے کا ثبوت دیا. یوم بلوچ ثقافت پر اپنے غیور پاکستانی بلوچ بھائیوں کو مبارکباد پیش کرتا ہوں. بلوچ ثقافت وطن پاکستان کی عظیم ثقافت ہے، غیرتمند اور جرآت مند بلوچ بھائیوں کی ملک کے لیے قربانیاں ناقابل فراموش ہیں۔

کراچی میں گلشن معمار پولیس نے اہم کارروائی کرتے ہوئے پیپلزپارٹی کی اعلیٰ قیادت اور اہم شخصیات کو چونا لگانے والا ملزم پکڑا گیا۔ ملزم ایم این اے شاہدہ رحمانی اور فریال تالپور کے نام پر پیسے بٹورتا تھا۔ واقعے کا مقدمہ بھی درج کرلیاگیا۔ایم این اے شاہدہ رحمانی کے بیٹے ہلال سعید کی مدعیت میں گلشن معمار تھانے میں مقدمہ بھی درج کرایا گیا۔۔ملزم ہائی پروفائل شخصیات سے واٹس ایپ کے ذریعے پیسے مانگتا تھا۔ کئی شخصیات کی جانب سے پیسے بھی ایزی پیسہ سے ٹرانسفر کیے گئے تھے۔ملزم نے ایم این اے قادرپٹیل،پلوشہ خان اورامداد پتافی سمیت ایم این اےنازبلوچ،ایم این اے آغا رفیع اللہ،ایم این اے شگفتہ جمانی کو میسج کیے۔ ایم این اے ابرار حسین شاہ اور ایم این اے شازیہ سنگھار کو بھی ملزم کا میسج موصول ہوا۔ ایم این اے شاہدہ رحمانی کے بیٹے ہلال سعید کے مطابق ملزم کےعمل سے میری والدہ کی ساکھ کو نقصان پہنچا ملزم کو سخت سزا دی جائَے۔

سپریم کورٹ نے سندھ سے پاکستان تحریک انصاف (پی ٹی آئی)کے سیف اللہ ابڑو کو سینیٹ الیکشن لڑنے کی اجازت دے دی عدالت نے سیف اللہ ابڑو کو الیکشن لڑنے کی اجازت دیتے ہوئے درخواست گزارکو الیکشن کے بعد متعلقہ فورم سے رجوع کرنےکی ہدایت کردی سپریم کورٹ میں سندھ سے پی ٹی آئی کے سیف اللہ ابڑو کے خلاف نا اہلی کی درخواست پر سماعت ہوئی پارلیمانی بورڈ نے مجھے سینیٹ کا ٹکٹ دینے کا فیصلہ کیا ,سیف اللہ ابڑو شاہد رند نے سیف اللہ ابڑو کی نااہلی کے لیے اپیل دائرکی تھی ،سیف اللہ ابڑو سندھ سے ٹیکنوکریٹ نشست پر پی ٹی آئی کے امیدوار ہیں لیاقت جتوئی نے سیف اللہ ابڑوپر 35 کروڑ روپےکےعوض سینیٹ ٹکٹ لینےکا الزام لگایا تھا شاہد رند نے سیف اللہ ابڑوکی نااہلی کےلیے سندھ ہائی کورٹ کےفیصلےکے خلاف درخواست دائرکی تھی دوسری جانب الیکشن کمیشن ویجیلنس سیل نے پی ٹی آئی کے رہنما لیاقت جتوئی کے بیان کا نوٹس لےلیا ہے

پی ٹی آئی نے ارکان سندھ اسمبلی کو کراچی میں ایک ہوٹل سے دوسرے ہوٹل منتقل کردیاتحریک انصاف (پی ٹی آئی) نے سینیٹ کے انتخابات میں ہارس ٹریڈنگ روکنے کیلئے نئی حکمت عملی اپنالی۔ گزشتہ رات دوسری جماعتوں کے ارکان بھی شاہراہ فیصل پر نجی ہوٹل قیام کیلئے پہنچے تھے لیکن تحریک انصاف نے ارکان سندھ اسمبلی کو کراچی میں ایک ہوٹل سے دوسرے ہوٹل منتقل کردیا گیا۔ممکنہ طور پر ووٹ بینک محفوظ کرنے کیلئے پی ٹی آئی ارکان کو منتقل کیا گیا۔ خیال رہے کہ گزشتہ روز کراچی کے نجی ہوٹل میں پی ٹی آئی کے تمام اراکین سندھ اسمبلی کیلئے کمرے بک کرائے گئے تھے۔