Category: کراچی

سماجی کاموں میں ہمیشہ سب سے آگے رہنے والی اور معاشرتی مسائل پر اپنی آواز بُلند کرنے والی شنیرا اکرم نے سندھ پولیس میں اسکیٹنگ فورس کو دیکھتے ہوئے کراچی کی سڑکوں کی مرمت کرنے کا مشورہ دے دیا۔
سماجی رابطے کی ویب سائٹ ٹوئٹر پر جاری کیے گئے پیغام میں شنیرا اکرم نے سوالیہ انداز میں لکھا کہ ’کیا ہمیں پہلے کراچی کی ٹوٹی پھوٹی سڑکوں کو ٹھیک نہیں کرنا چاھیے۔

پاکستان تحریک انصاف کے رکن قومی اسمبلی ڈاکٹر عامر لیاقت حسین نے وزیراعظم عمران خان کو خبردار کرتے ہوئے کہا ہے کہ وزیراعظم اس وقت بہت ساری باتوں میں اندھیرے میں ہیں ۔ نجی ٹی وی چینل کے پروگرام میں گفتگو کرتے ہوئے ڈاکٹر عامر لیاقت حسین نے کہا کہ وزیراعظم عمران خان واقعی اندھیرے میں ہیں۔

کراچی کے علاقے شاہ فیصل کالونی سے کالج کی طالبہ مبینہ طور پر لاپتہ ہو گئی، واقعے کا مقدمہ درج کر لیا گیا ہے۔پولیس کے مطابق شاہ فیصل کالونی سے 16 سالہ لڑکی کالج جانے کے لیے نکلی اور پھر واپس گھر نہیں پہنچی۔لڑکی کی گمشدگی کا مقدمہ شاہ فیصل کالونی میں لڑکی کے والد کی مدعیت میں درج کر لیا گیا ہے۔لڑکی کے مبینہ اغواء کا واقعہ 24 فروری کو پیش آیا ہے، جس کے سلسلے میں لڑکی کے دوستوں سے پوچھ گچھ کی جا رہی ہے جبکہ سی سی ٹی وی فوٹیج بھی دیکھے جا رہے ہیں۔

سابق کنٹرولر انٹر بورڈ کراچی پروفیسر امجد علی سید کے گھر قیامت ٹوٹ پڑی، ایک ہی ماہ میں دو بیٹیاں ، بیٹا اور نواسہ اس دنیا سے کوچ کرگئے۔ بدھ کو امریکا کی ریاست نیو جرسی میں پروفیسر کی سب سے چھوٹی صاحبزادی وردہ سید اور 11سالہ نواسہ عزیر احمد گریس لورڈ پارک کے روک اوے نامی دریا میں ڈوب گئے، اس دوران پارک میں ہی موجود وردہ سید کا 6 سالہ بیٹا اپنی ماں اور بھائی کی زندگی بچانے کی خاطر مدد کیلئے پکارتا رہا تاہم کوئی بھی مدد کو نہ پہنچ سکا، بعدازاں ماں بیٹے کی لاشیں دریا سے نکال کر واقعے کی تحقیقات شروع کردی گئی ۔ 4روز قبل پاکستان میں پروفیسر کی ڈاکٹر بیٹی رانی سید اور 3 ہفتے قبل سب سے چھوٹا بیٹا اسد سید کورنا وائرس کے باعث انتقال کرگئے ، دونوں کئی دنوں تک استعمال میں زیر علاج رہے بعد ازاں انہیں وینٹی لیٹرز پر منتقل کردیاگیاتھا۔

کراچی: ایکسپریس وے پرٹینکر کی پولیس موبائل کو ٹکر سے 4 پولیس اہلکار زخمی ہوگئے
پولیس کے مطابق واقعہ بلوچ کالونی ایکسپریس وے پر پیش آیا جس کے نتیجے میں زخمی 4 پولیس اہلکاروں کو جناح اسپتال منتقل کردیا گیا پولیس کے مطابق زخمی اہلکاروں میں دائم علی، عامر، ذیشان اور اخلاق شامل ہیں پولیس کا کہنا ہے کہ واقعے کے بعد ٹینکر ڈرائیور فرار ہوگیا تاہم ٹینکر کو تحویل میں لے کر پولیس اہلکار دائم کی مدعیت میں بلوچ کالونی تھانے میں مقدمہ درج کرلیا گیا ہے۔

کراچی: کورنگی میں 3 ملزمان نے ایک گھر پر حملہ کرکے شوہر کو قتل اور بیوی کو اغوا کرلیا۔ پولیس کا کہنا ہے کہ کورنگی ضیا ءکالونی بنگالی پاڑہ میں 3 ملزمان ایک گھر میں داخل ہوئے اور سریوں سے گھر والوں پر حملہ کردیا جس کے نتیجے میں عبدالستار نامی شخص جاں بحق ہوگیا جب کہ اس کی بہن اور والدہ زخمی ہوگئے پولیس کے مطابق ملزمان عبدالستار کی بیوی کو اپنے ہمراہ رکشے میں بٹھاکر اغوا کرکےلے گئے، تینوں ملزمان مقتول کی بیوی کے رشتے دار تھے پولیس نے بتایا کہ مقتول اور مغوی خاتون نے 3سال قبل پسند کی شادی کی تھی اور چھپ کر کورنگی میں رہائش پذیر تھے۔

پاکستان تحریک انصاف کے اراکین سندھ اسمبلی نے سندھ میں پی ٹی آئی کارکنان کو مبینہ طور پر سیاسی انتقامی کاروائیوں کا نشانہ بنانے پر آئی جی سندھ کو برطرف کرنے کے لئے قرارداد جمع کرادی۔ قرارداد اراکین سندھ اسمبلی خرم شیر زمان، بلال غفار، جمال صدیقی،شہزاد قریشی، رابستان خان، ڈاکٹر سنجے، ڈاکٹر سیما ضیاء، ادیبہ عارف حسن، دعا بھٹونے سیکریٹری سندھ اسمبلی کو جمع کروائی۔ بعد ازاں میڈیا سے گفتگو کرتے ہوئے پاکستان تحریک انصاف کراچی کے صدر و رکن سندھ اسمبلی خرم شیر زمان کا کہنا تھا کہ پیپلز پارٹی صوبہ سندھ کو پولیس اسٹیٹ بنانا چاہتی ہے۔صوبہ سندھ کے حالات بد سے بد تر ہوتے جارہے ہیں۔ پیپلز پارٹی سندھ کی پولیس کو اپنے ذاتی کاموں کے لئے استعمال کررہی ہے ،جس طریقے سے پی ٹی آئی کے کارکنا ن کے خلاف اب تک گرفتاریاں اور جھوٹے کیسز بنائے جارہے ہیں اس سے صاف ظاہر ہوتا ہے کہ پیپلز پارٹی تصادم کی طرف جانا چاہتی ہے۔