Category: کراچی

کراچی میں ضیاء الرحمان عرف ضیاء کالا سرگرم
لیاقت آباد میں غیر قانونی تعمیرات کروانا مقصد ہمارا دوسری جانب پلاٹ نمبر 7/11 اور 6/415 چھٹی اور ساتویں غیر تعمیرات کے منظر گزشتہ روز سوشل میڈیا پر وائرل ہونے والی تصویر اور ویڈیو میں دیکھا جا سکتا ہے ضیاء الرحمن عرف ضیاءکالا لیاقت آباد کی عوام ڈیمولیشن کی آڑ میں تشدد کرتے دکھائی دے رہے ہیں غیر قانونی تعمیرات کی فی چھت کا ریٹ ڈیڑھ لاکھ مقرر کردیا وزیر بلدیات ناصر حسین شاہ چیئرمین اینٹی کرپشن چیف سیکرٹری وزیراعلی سندھ سید مراد علی شاہ اور دیگر تحقیقاتی ادارے ضیاء الرحمان عرف ضیاء کالا کرپشن پر نوٹس لیتے ہوئے کاروائی کریں گے۔

وزیر بلدیات سندھ ناصر حسین شاہ کی ہدایت پر ایکشن ایڈیشنل ڈائریکٹر ناصر خان کی سیٹ بھی خطرے میں ملیر ڈولپمنٹ اتھارٹی کی زمینوں پر قبضے کا معاملہ محکمہ بلدیات سندھ نے ایم ڈی اے کے 4 افسران کو معطل کر دیا، نوٹیفیکیشن جاری معطل ہونے والوں میں ڈآئریکٹر لیگل عرفان بیگ، ایکسئین حسنین ایوب شامل ایم ڈی اے کے ایگزیکٹیو انجینئر لئیق احمد اور اسسٹنٹ انجینئر ذیشان حسین بھی معطل نیو ملیر ہاوسنگ اسکیم اور تیسر ٹاون میں زمینوں پر قبضوں کی تحقیقات کی روشنی میں معطلی کی گئی،

ممبئی: بھارتی اداکارہ پوجا بھٹ نے کراچی کے ’کھانوں‘ کو پورے جنوبی ایشیا میں بہترین قرار دیدیا بھارتی اداکارہ پوجا بھٹ متعدد بار پاکستان آچکی ہیں اور ان کا زیادہ تر وقت لاہور میں گزرتا ہے لیکن کبھی کبھار اداکارہ کراچی میں اپنے دوستوں کے گھر بھی رک جاتی ہیں، بالخصوص علی عظمت سے تو پوجا بھٹ کی خاص دوستی ہے اور جب بھی پاکستان آتی ہیں تو علی عظمت سے ضرور ملاقات ہوتی ہے بھارتی اداکارہ ویسے تو دنیا بھر میں گھومتی رہتی ہیں تاہم انہیں کراچی کے کھانے اس قدر پسند آئے کہ انہوں نے کراچی کے کھانوں کو پورے جنوبی ایشیا میں بہترین قرار دے دیا مائیکرو بلاگننگ سائٹ ٹوئٹر پر پوجا بھٹ کے ایک مداح نے لکھا کہ بغیر کسی تنازع کہ یہ بات کہی جاسکتی ہے کہ کراچی کھانوں کے معاملے میں پورے پاکستان کا چیمپیئن ہے لہذا اس پر بحث نہ کی جائے، اس بات پر پروڈیوسر فیصل رفیع نے کہا کہ کراچی کے کھانے صرف پاکستان ہی نہیں بلکہ پورے جنوبی ایشیا میں لاجواب ہیں۔ فیصل رفیع کی اس بات پر بھارتی اداکارہ پوجا بھٹ نے فوراً جواب دیتے ہوئے کہا کہ میں آپ کی اس بات سے اتفاق کرتی ہوں کہ پورے جنوبی ایشیا میں کراچی کے کھانے بہترین ہیں۔

پیپلزپارٹی کی رہنما سازیہ مری کا کہنا ہے کہ آئین میں لکھا ہوا ہے کہ ادارے سیاست میں حصہ نہیں لینگے ،حکومت عدالتوں کو سیاست میں گھسیٹے انھیں اپنا کام کرنے دے۔ تفصیلات کے مطابق پیپلزپارٹی کی رہنما سازیہ مری نے کہا ہے کہ ہمیں نہیں معلوم کیا چل رہا ہے، آپ لوگوں سے معلومات ملتی ہیں۔ جمہوری سوچ رکھنے والا شخص یہ ہی چاہے گا کہ آئین کے مطابق الیکشن ہوں۔انہوں نے کہا کہ تحریک انصاف کے ذریعے پارلیمنٹ کو بدنام کیا جا رہا ہے۔ قومی اسمبلی کا جو ماحول بنادیا گیا اس پر افسوس ہے۔ جب باہر دبائو آتا ہے تو قانون سازی کی جاتی ہے۔ باہر سے مراد جن سے پیسے لے کر حکومت چلا رہے ہیں۔ ان کا کہنا تھا کہ تحریک انصاف کے ذریعے سیاستداں اور پارلیمنٹ کو بدنام کیا جا رہا ہے۔

سب جانتے ہیں حلیم عادل شیخ کتنا بڑا ڈرامہ ہے، ان کے خلاف کسی قسم کی انتقامی کارروائی نہیں ہورہی، ان خیالات کا اظہار وزیر تعلیم سندھ سعید غنی نے پریس کانفرنس سے خطاب کرتے ہوئے کیا، صوبائی وزیر کا مزید کہنا تھا کہ اپوزیشن لیڈر سندھ پر تمام مقدمات قانون کے مطابق قائم کئے گئے ہیں، سینیٹ الیکشن کے حوالے سے سوال کے جواب میں انہوں نے کہا ارکان اسمبلی پر ایسی کوئی پابندی نہیں کہ وہ اپنی پارٹی کے علاوہ کسی اور امیدوار کو ووٹ نہ دے سکے

کراچی: مورخہ 13 رجب المرجب 1442 ہجری(26 فروری2021) شام 4 بجے ایک جلوس بسلسلہ ولادت حضرت علی کرم اللہ وجہہ غفور چیمبر سے نکالا جائے گا جو محفل شاہ خراساں پر اختتام پذیر ہوگا جلوس کا روٹ: غفور چیمبر ، عبداللہ ہارون روڈ، شارع عراق، زیب النساء اسٹریٹ، آغا خان روڈ، ایم اے جناح روڈ، فادر جیمنس روڈ تا شاہ خراساں۔
*متبادل راستے*
بہادر یار جنگ روڈ استعمال کرنے والے گرومندر سولجر بازار نمبر 3 سگنل ، سولجر بازار نمبر 2 سگنل سے آنے والی ٹریفک کو سولجر بازار نمبر 1 سگنل کوسٹ گارڈ ، انکل سریا سگنل سے ہوتے ہوئے اپنی منزل کی طرف جا سکتے ہیں ایم اے جناح روڈ استعمال کرنے والے ٹاور ، فریسکو، عید گاہ چوک سے ایم اے جناح روڈ آنے والی ٹریفک کو ڈاکخانہ سے بائیں جانب جوبلی سے نشتر روڈ کی طرف موڑ دیا جائے گا۔ یا تبت سینٹر دائیں جانب ریگل چوک کی طرف جا سکیں گے عبداللہ ہارون روڈ استعمال کرنے والے
فوارہ چوک ، زیب النساء مارکیٹ سے آنے والی ٹریفک کو پیراڈائز سگنل سے بائیں جانب پاسپورٹ آفس یا دائیں جانب صدر یا لکی اسٹار کی طرف موڑ دیا جائے گا آغا خان سوئم روڈ استعمال کرنے والے نشتر روڈ، گارڈن باغیچہ سے آنے والی ٹریفک کو گارڈن چوک سے دائیں جانب ایم اے جناح ، تبت چوک سے بائیں جانب ریگل چوک سے اپنی منزل کی طرف جا سکیں گے عوام الناس سے گذارش ہے کہ زحمت اور پریشانی سے بچنے کے لیے نیو ایم اے جناح روڈ (صدر دواخانہ سے پی پی چورنگی )۔ نشتر روڈ (گارڈن باغیچہ سے لسبیلہ )اور بہادر یار جنگ روڈ (گرومندر سے سولجر بازار 1 نمبر سگنل سے انکل سریا) کے متبادل راستوں کا انتخاب کریں، ترجمان کراچی ٹریفک پولیس

کراچی کے علاقے گلشن حدید میں لڑکی سے مبینہ زیادتی کے کیس میں متاثرہ لڑکی نے عدالت میں بیان ریکارڈ کرادیا اور کہا کہ ذہنی دباؤ کی وجہ سے پہلے صحیح بیان نہیں دیا تھا، عمیر بھٹو نے زیادتی کی، دیگر ملزمان بلیک میل کرتے رہے جوڈیشل مجسٹریٹ ملیر کی عدالت میں گلشن حدید میں 17 سالہ لڑکی سے مبینہ زیادتی کے کیس کی متاثرہ لڑکی نے اپنا بیان ریکارڈ کرادیا فرسٹ ائیر کی طالبہ سے اغواء کے بعد اجتماعی زیادتی لڑکی نے بیان میں کہا کہ دو تین ماہ پہلے اپنی دوست کے ساتھ گھومنے گئی تھی، میری دوست نے وہاں تین چار لڑکوں کو بھی بلایا ہوا تھا، کچھ دن بعد عمیر بھٹو نامی لڑکے نے بھی کال کرکے تصاویر اور ویڈیو لیک کرنے کی دھمکی دی متاثرہ لڑکی نے بتایا کہ 9 فروری کو عمیر بھٹو دھوکے سے اپنے ساتھ گھر لے گیا جہاں عمیر بھٹو مجھے ساری رات زیادتی کا نشانہ بناتا رہا اور کہا کہ شادی کروں گا مگر صبح ہوتے ہی عمیر بھٹو نے شادی سے انکار کردیا اور مجھے دھمکیاں دیں اور کہا کہ میرا نام نہیں لینا ورنہ تمہارا پورا خاندان تباہ کردوں گا لڑکی نے بتایا کہ فواد، عبد السمیع اور سمیر مجھے بلیک میل کرتے رہے ہیں۔ واقعے کا مقدمہاسٹیل ٹاؤن تھانے میں درج ہے۔

پی ایس ایل 6میں ایک روزہ آرام کے بعد کھلاڑی کل اِن ایکشن ہونگے۔ 26 فروری کو دو میچ شیڈول ہیں، جمعہ کے باعث پہلا مقابلہ دن تین بجے ہو گا۔تفصیلات کے مطابق کپتان ملتان سلطانز محمد رضوان نے کم بیک کرنے وِننگ ٹریک پر آنے کا عزم ظاہر کرتے ہوئے کہا ہے کہ تمام خامیاں اور ناکامیاں بھلا کر اِن ایکشن ہوں گے۔ دن کے دوسرے میچ میں پشاور زلمی اور کوئٹہ گلیڈی ایٹرز کی ٹیموں میں جوڑ پڑے گا، دونوں ٹیمیں رات آٹھ بجے میدان میں اتریں گی۔اب تک کھیلے گئے چھ میچز میں لاہور قلندرز سرفہرست ہے۔اسلام آباد یونائیٹڈ نے دفاعی چیمپئن کراچی کنگز کو اعصاب شکن مقابلے کے بعد 5 وکٹ سے ہرایا، اس سے پہلے ملتان سلطانز کو 3 وکٹ کی شکست سے دوچار کیا، دو فتوحات کے ساتھ دو بار کی چیمپئن ریڈ شرٹس کے بھی 4 پوائنٹس ہیں، دوسری پوزیشن پر قبضہ ہے۔ تیسرے نمبر پر میزبان ٹیم کراچی کنگز ہے۔نیلی جرسی نے ایونٹ کے پہلے میچ میں کوئٹہ گلیڈی ایٹرز کو 7 وکٹ سے ہرایا جبکہ اسلام آباد یونائیٹڈ سے انہیں 5 وکٹ کی شکست ہوئی، پشاور زلمی کے بھی دوہی پوائنٹس ہیں، پیلی شرٹس کو واحد کامیابی ملتان سلطانز کے خلاف چھ وکٹ سے ملی۔ملتان سلطانز اور کوئٹہ گلیڈی ایٹرز کو اپنے دونوں میچز میں شکست کا سامنا کرنا پڑا، ملتان سلطانز پانچویں جبکہ کوئٹہ گلیڈی ایٹرز چھٹے اور آخری نمبر پر ہیں۔

متحدہ قومی موومنٹ (ایم کیوایم) پاکستان کے رہنما فیصل سبزواری کا کہنا ہے کہ خفیہ ووٹ کی شفافیت ضروری ہے، ہم نے آج تک نہ کسی کو پیسے دیئے ہیں نہ دیں گے۔کراچی میں الیکشن کمیشن کے باہر میڈیا سے گفتگو کرتے ہوئے فیصل سبزواری نے کہا کہ الیکشن کمیشن کو جہاں جائز شکایات نظر آئیں وہاں انہوں نے فیصلہ کیا۔فیصل سبزواری نے کہا کہ میں نے اپنا حلف نامہ جمع کروادیا ہے۔انہوں نے کہا کہ این اے 239 پر الیکشن کمیشن کا فیصلہ آج تک نہیں آیا۔

پاکستان تحریک انصاف (پی ٹی آئی) کے رہنما فیصل واوڈا کے سینیٹ انتخابات کے کاغذات نامزدگی کو سندھ ہائیکورٹ میں چیلنج کردیا گیا۔قادرخان مندوخیل نے الیکشن ٹربیونل کے فیصلے کے خلاف دراخوست دائر کردی۔سندھ ہائیکورٹ میں قادر مندوخیل کی آئینی درخواست پر 26 فروری کو سماعت ہوگی قادر خان مندوخیل کا کہنا ہے کہ فیصل واوڈا 2018 سے اپنی دہری شہریت چھپا رکھی ہے، فیصل واوڈا نے 2018 کے عام انتخابات میں دہری شہریت چھوڑنے کے متعلق غلط بیانی کی۔الیکشن کمیشن سمیت ٹربیونل نے فیصل واؤڈا کے کاغذات نامزدگی درست قرار دیے تھے۔