کراچی کے علاقے لانڈھی اور کورنگی میں واقع کلینکس میں عطائی ڈاکٹروں نے عام شہریوں کو شفا کے بجائے مہلک امراض میں مبتلا کرنا شروع کردیا ہے۔علاقے میں قائم کلینکس میں جعلی ڈگری والے ڈاکٹر متعدد کلینکس میں کام کرہے ہیں ۔ آپریشن ہوں یا سرجری، زکام ہویا کینسر، یہ عام شہریوں کو جانی اور مالی نقصان پہنچا رہے ہیں۔
علاقے کے عوام نے وہاں تعینات ٹی ایچ او اور صوبائی محکمہ صحت کے افسران کی ڈگریاں بھی چیک کروانے کا مطالبہ صوبائی وزیر صحت اور وزیراعلی سندھ سے کیا ہے۔ انکا کہنا ہے کم از کم اس مہنگائی کے دور میں ہمیں چین سے سہی علاج کروانے کی سہولت ہی مہیا کردیں۔ علاقے میں متعدد میٹرنیٹی ہوم بھی عطائی ڈاکٹروں کے اڈے بنے ہوئے ہیں۔ بیش بہا خواتین متاثر ہو چکی ہیں۔
عوام کا مطالبہ ہے کہ حکومت کو اس مسئلے کو ہنگامی بنیادوں پر درست کرنا ہوگا اس سے قبل مزید شہریوں کو نشانہ بنایا جائے۔
Category: کراچی
-
کراچی میں عطائی ڈاکٹروں کی بھرمار، شہری پریشان
-
کراچی میں رینجرز کا ایک اور معرکہ، انتہائی مطلوب ڈکییت گرفتار
کراچی۔ رینجرز کی کامیاب کاروائی،انتہائی مطلوب دو ڈکیت گرفتار،ترجمان۔ ملزمان میں مصطفی خان اور عمران عرف مراد شامل،ترجمان
دونوں ملزمان نے 29 دسمبر 2020 کو قصبہ کالونی میں واقع نائی کی دکان لوٹی،ترجمان ملزمان نائی کی دکان سے 4 موبائل فونز لوٹ کر فرار ہوئے تھے،ترجمان واقع کی سی سی ٹی وی فوٹیج سوشل میڈیا پر وائرل ہو ئی تھی،ترجمان فوٹیج میں ملزمان کو با آسانی شناخت کیا جا سکتا ہے،ترجمانگرفتار ملزمان نے گزشتہ دو ماہ کے دوران شہریوں سے 80 ہزار سے زائد نقدی اور متعدد موبائل فونز چھینے،ترجمان ملزم مصطفی خان پہلے بھی گرفتار ہو کر جیل جا چکا ہے،ترجمان
-
مصطفیٰ کمال کی کونسی استدعا عدالت نے کی قبول؟
باغی ٹی وی کی رپورٹ کے مطابق احتساب عدالت کراچی میں غیر قانونی پلاٹ الاٹمنٹ کیس کی سماعت ہوئی
چیئرمین پاک سرزمین پارٹی مصطفیٰ کمال عدالت میں پیش نہیں ہوئے،مصطفیٰ کمال کےوکیل کی جانب سےاستثنیٰ کی درخواست جمع کرادی گئی ،عدالت نےمصطفیٰ کمال کی حاضری سےاستثنی ٰکی درخواست منظورکرلی
عدالت نے تفتیشی افسر کو ریفرنس کی نئی کاپی ملزمان کے وکلا کو فراہم کا حکم دے دیا،عدالت نے تفتیشی افسر کو حکم دیا کہ 2فروری تک کاپی فراہم کی جائے، عدالت نے آئندہ سماعت پر نیب کے گواہ پیش ہونے کا حکم دے دیا
احتساب عدالت کراچی نے سماعت 20 فروری تک ملتوی کردی
واضح رہے کہ چیئرمین پی ایس پی مصطفی کمال، افتخار قائم خانی اور دیگر پر فرد جرم عائد کی جا چکی ہے،ملزمان نے صحت جرم سے انکار کر دیا ،دیگر ملزمان میں محمد داؤد،محمد رفیق،محمد عرفان شامل ہیں،
پاک سرزمین پارٹی مصطفٰی کمال پہ لگائے گئے الزامات کومسترد کرتی ہے: ترجمان
نیب نے احتساب عدالت میں سربراہ پی ایس پی مصطفیٰ کمال و دیگر کےخلاف ریفرنس دائر کیا ہے
نیب کی جانب سے احتساب عدالت میں دائر ریفرنس میں نیب نے کہا کہ ملزم سرکاری پلاٹوں کی غیر قانونی الاٹمنٹ میں ملوث ہیں، ملزموں نے قومی خزانے کو ڈھائی ارب سے زائد کا نقصان پہنچایا، مصطفیٰ کمال ودیگرپرساحل سمندر پر 5500مربع گززمین کی غیرقانونی الاٹمنٹ کاالزام ہے ،مصطفیٰ کمال نے بلڈر کو کثیرالمنزلہ عمارت تعمیر کرنےکی غیرقانونی اجازت دی
-
پاک بحریہ کی جنگی مشق رباط 2021 کی اختتامی تقریب
پاک بحریہ کی جنگی مشق رباط 2021 کی اختتامی تقریب کا کراچی میں انعقاد ہوا
چیف آف دی نیول اسٹاف ایڈمرل محمد امجد خان نیازی تقریب کے مہمانِ خصوصی تھے۔ آپریشنل مشق کے دوران بحیرہ عرب میں پاک بحریہ اور پاک فضائیہ کے مابین مشترکہ آپریشنز کوجانچا گیا۔ جنگی مشق کا مقصد پاک بحریہ کی آپریشنل صلاحیتوں کا جائزہ لینا اور انہیں مستقبل کے خطرات کی مناسبت سے بہتر بنانا تھا۔
ترجمان پاک بحریہ کے مطابق نیول چیف کا کہنا تھا کہ آپریشنل مشقوں کا انعقاد جنگی حکمت عملی کی جانچ اور بہتری میں انتہائی اہمیت کا حامل ہے۔ پاکستان ایک پرامن ملک ہے تاہم دشمن کی جانب سے کسی بھی قسم کی جارحیت کا دندان شکن جواب دینے کی مکمل صلاحیت رکھتا ہے۔ پاک بحریہ ملک کو درپیش میری ٹائم چیلنجز اور ملکی سمندری حدود کے دفاع کیلئے ہمہ وقت تیار ہے۔
چیف آف دی نیول اسٹاف نے مختلف چیلنجز سے نبرد آزما ہونے کی صلاحیت, آپریشنل تیاری اورمشقوں کے کامیاب انعقاد پر مکمل اطمینان کا اظہار کیا۔
-
سرکاری گاڑی میں کتے کی ویڈیو وائرل ہونے پر گورنر سندھ کا وضاحتی بیان
گورنر ہاؤس کراچی کی گاڑی میں کتے کی ویڈیو سوشل میڈیا پر وائرل ہونے پر گورنر سندھ عمران اسماعیل کا وضاحتی بیان سامنے آگیا ہے۔
باغی ٹی وی : گاڑی میں کتے کی وائرل ہونے والی ویڈیو کے معاملے پر عمران اسماعیل نے کہا ہے کہ گاڑی میں ان کی فیملی بھی سوار تھی۔
گورنر سندھ نے مائیکرو بلاگنگ ویب سائٹ ٹوئٹر پر ویڈیو پیغام میں کہا ہے کہ سرکاری گاڑی میں کتے کے سوار ہونے کی ویڈیو بنا کر ایک بیہودہ حرکت کی گئی-
VIP movement for one of the pets of PTI🐕🚔#NayaPakistan#SaddakuttakuttaTaudakuttaSherro pic.twitter.com/dZr7hgaIcr
— Taimur Talpur (@TalpurTaimur) January 27, 2021
انہوں نے نام لیے بغیر کہا کہ جو صاحب ویڈیو بنا رہے ہیں وہ بار بار گاڑی کی ایک جانب آرہے ہیں اور خود کو کیمرے میں آنے سے بچا رہے ہیں۔گورنر سندھ نے کہا کہ جسے وہ صاحب پروٹوکول کہہ رہے ہیں وہ گورنر کی فیملی کو دی جانے والی سیکیورٹی ہے۔ اس گاڑی میں میری فیملی موجود ہے اور اگر اس کے ساتھ کتا بھی ہے تو اس میں کوئی بڑا مسئلہ نہیں ہے کیوں کہ گاڑی کتے کو گھمانے کے لیے استعمال نہیں ہورہی تھی۔
انہوں نے کہا کہ جو صاحب ویڈیو بنا رہے تھے وہ خود ایک کرپٹ پارٹی کا حصہ ہیں۔ وہ پہلے اپنی پارٹی کی کرپشن کا جواب دیں۔ وہ دوسروں کی فیملی کی اس طرح ویڈیو بنا کر ثابت کرنا چاہتے ہیں کہ جب ہر چیز غلط ہورہی تو وہ جو بھی کریں وہ بھی ٹھیک ہے۔
واضح رہے کہ سندھ کے صوبائی وزیر تیمور تالپور نے گورنر ہاؤس کی پروٹوکول والی گاڑی میں کتے کی سواری کی ویڈیو ٹویٹر پر شیئر کی تھی۔ویڈیو سوشل میڈیا پر وائرل ہونے کے ساتھ ٹوئٹر پر’گورنر کی گاڑی میں کتا‘ ٹاپ ٹرینڈ بن گیا ہے اور صارفین سخت تنقید کیساتھ مذاق بھی بنا رہے ہیں۔
-
پنجاب میں معصوم طالبہ کے قتل پرترجمان سندھ حکومت مرتضی وہاب کی شدید مذمت
پنجاب میں معصوم طالبہ کے قتل پر سندھ حکومت کے ترجمان مشیر قانون ماحولیات و ساحلی ترقی بیرسٹر مرتضی وہاب نے ردعمل دیتے ہوئے کہا کہ پنجاب کی دھرتی پر پرامن مظاہرے کے دوران معصوم طالبہ کے قتل کی شدید مذمت کرتے ہیں۔
سلیکٹیڈ حکمران انسانی حقوق غصب کرررہے ہیں۔ماضی میں انسانی حقوق کے علمبدرداروں نے آمریت کی یاد تازہ کردی ہے۔ظالم حکمرانوں نے عوام پر اپنے حقوق کی آواز بلند کرنے پر غیر اعلانیہ پابندی عائد کردی ہے۔
خون ناحق سلیکٹڈ اور ظالم حکمرانوں کو بہا کر لے جائیگا۔ پنجاب حکومت کے ہاتھ معصوم طالبہ کے خون سے رنگے ہوئے ہیں۔حکمراں عوام دشمن پالیسیوں پر عمل پیرا ہیں۔
سلیکٹڈ حکومت جان لے معصوم طالبہ کا خون رائیگاں نہیں جائیگا۔ دکھ کی اس گھڑی میں غمزدہ اور انصاف کے متلاشی خاندان کے ساتھ ہیں۔ -
کراچی ٹیسٹ کا دوسرا روز ، کھیل جاری، قومی ٹیم کےکتنے کھلاڑی پویلین لوٹ گئے ؟
کراچی ٹیسٹ کے دوسرے روز کا کھیل جاری ہے اور قومی ٹیم کے چار کھلاڑی پویلین لوٹ گئے ہیں۔
پاکستان نے پہلی اننگز میں چار وکٹوں کے نقصان پر 33 رنز پر دوسرے دن کے کھیل کا آغاز کیا۔ قومی ٹیم کی بیٹنگ کا آغاز اچھا نہ تھا اور اس کے دونوں اوپنر 15 کے مجموعی سکور پر پویلین لوٹ چکے تھے۔
عمران بٹ9، عابدعلی4، بابر اعظم7 اور شاہین آفریدی صفر پر آؤٹ ہوئے۔ دوسرے دن کھیل کا آغاز اظہر علی اور فواد عالم نے کیا۔جنوبی افریقہ نے ٹاس جیت کر پہلے بیٹنگ کا فیصلہ کیا تھا اور پاکستانی بولرز مہمان ٹیم پرحاوی رہے اور صرف220 رنز ہی پوری ٹیم آؤٹ ہوگئی۔پہلی اننگز میں ڈین ایلگر 58 رنزکےساتھ نمایاں بلے باز رہے۔ جارج لائنڈ 35 اورکپتان کونٹن ڈی کوک 15 رنزبنا کرآؤٹ ہوئے۔ فف ڈوپلیسزنے اپنی ٹیم کے اسکور میں 23 رنزکا اضافہ کیا۔
پاکستان کی جانب سے سپنر یاسر شاہ تین وکٹوں کے ساتھ سب سے کامیاب بولر رہے جبکہ شاہین آفریدی کے علاوہ اپنا پہلا ٹیسٹ کھیلنے والے نعمان علی نے دو، دو وکٹیں لیں جبکہ ایک وکٹ حسن علی کو ملی۔اس میچ میں پاکستان کے دو کھلاڑیوں کے ٹیسٹ کریئر کا آغاز ہوا ہے اور بلے باز عمران بٹ اور سپنر نعمان علی کو ٹیسٹ کیپ دی گئی ہیں۔
کراچی کے نیشنل اسٹیڈیم میں 14 سال کے بعد جنوبی افریقہ کی ٹیم میچ کھیلنے کے لیے اتری ہے۔ جنوبی افریقہ نے 2007 میں جب پاکستان کا دورہ کیا تھا تو نیشنل اسٹیڈیم میں بھی ٹیسٹ میچ کھیلا تھا۔پاکستان کی ٹیم میں عابد علی، عمران بٹ، اظہر علی، بابر اعظم، فواد عالم، محمد رضوان، فہیم اشرف، حسن علی، تعمان علی، یاسر شاہ، اور شاہین آفریدی شامل ہیں۔
جنوبی افریقہ کی ٹیم میں ڈین ایلگر، ایڈن مکرم، راس وین ڈاڈیوسن، فاف ڈو پلسی، ٹیمبا باوما، کوئنٹن ڈی کاک، جارج لد، کاوش ماہراج، کاگیسو ربادا، انریچ نورتہے، اور لونگی گندی شامل ہیں۔
-
سہراب گوٹھ اور آئی آئی چندریگر روڈ پر جے ڈی سی دسترخوان قائم
سہراب گوٹھ اور آئی آئی چندریگر روڈ پر جے ڈی سی دسترخوان قائم
کراچی , ایک ماہ کے دوران عباسی شہید اسپتال، شاہراہ فیصل کے بعد آئی آئی چندریگر روڈ اور سہراب گوٹھ پر بھی جے ڈی سی دسترخوان قائم کر دیا گیا۔ جنرل سیکرٹری جے ڈی سی فاونڈیشن ظفر عباس کے مطابق موبائل فری ریسٹورنٹ اور دستر خوان قائم کرنے کا بنیادی مقصد خدمت انسانیت ہے۔ انہوں نے مزید کہا کہ جے ڈی سی دستر خوان پر عوام اور مسافر نہ صرف کھانا کھا سکتے ہیں بلکہ ساتھ لے جانے کی سہولت موجود ہوتی ہے
جے ڈی سی فاؤنڈیشن پاکستان ایک آزاد ، غیر سرکاری ، غیر منافع بخش اور رفاہی تنظیم کے طور پر کام کر رہا ہے۔ یہ آرٹیکل برائے ایسوسی ایشن اور قیادت کے اپنے میمورنڈم کے تحت کام کرتا ہے۔ اس کا پاکستان یا دنیا کے کسی بھی علاقائی نسلی یا سیاسی تنظیم سے کوئی وابستگی نہیں ہے۔
جے ڈی سی فاؤنڈیشن پاکستان خصوصی طور پر مصروف ہے اور رفاہی سرگرمیوں کی حمایت کرتا ہے۔ یہ مکمل طور پر رفاہی مقاصد کے لئے ہے ، خاص طور پر تعلیم ، صحت کی دیکھ بھال اور دیگر متعلقہ امدادی خدمات کی حمایت کرنا۔جے ڈی سی کسی بھی مسلک ، مذہب اور سیاسی اتحاد کے امتیاز کے بغیر دنیا کے تمام حصوں میں انسانیت کی خدمات کے لئے وقف ہے
-
50 کروڑ روپے ہرجانے کے کیس میں علی ظفر کو 15 فروری تک جواب جمع کروانے کی مہلت
پاکستان میوزک انڈسٹری کی نامور گلوکارہ میشا شفیع کے بعد ایک اور خاتون لینا علی نے پاکستان کے عالمی شہرت گلوکار علی ظفر کے خلاف 50 کروڑ روپے ہرجانے کا دعویٰ دائر کیا تھا-
باغی ٹی وی : علی ظفر کے خلاف دعویٰ خاتون لینا غنی کی جانب سے دائر کیا گیا تھا جس میں درخواست گزار نے دعویٰ کیا گیا تھا کہ علی ظفر نے پہلی مرتبہ 2014 لندن میں پاکستانی فیشن شو کے دوران ہراساں کیا۔
انہوں نے کہا تھا کہ علی ظفر نے جون 2014 میں دو مرتبہ پھر اس طرح نازیبا گفتگو کی-
درخواست میں مؤقف اختیار کیا تھا کہ درخواست گزار نے اس حوالے سے اپنی بہن اور دوستوں کو بھی آگاہ کیا، علی ظفر کا 20 دسمبر 2020 کا ری ٹوئٹ اور 22 دسمبر کا ٹوئٹ جھوٹ پر مبنی ہے لہٰذا علی ظفر کے ان ٹوئٹس کو بد نیتی پر مبنی قرار دیا جائے۔
دونوں ٹوئٹس میں دعویٰ کیا گیا تھا کہ علی ظفر کے خلاف مہم میں لینا غنی کا ہاتھ ہے، دونوں ٹوئٹس لینا غنی کی ساکھ نقصان پہنچانے کیلئے کیے گئے تھے۔
درخواست میں استدعا کی گئی تھی کہ علی ظفر کو سوشل میڈیا سمیت آن لائن، ٹی وی چینلز پر مواد اور خبریں چھپوانے سے روکا جائے کیونکہ ایسے مواداورخبروں سے انہیں نیچے دکھانے کی کوشش کی جائے گی۔
تاہم اب سندھ ہائیکورٹ نے 50 کروڑ روپے ہرجانے کے کیس میں گلوکار علی ظفر کو 15 فروری تک جواب جمع کروانے کی مہلت دی ہے-
گلوکار علی ظفر کے خلاف 50 کروڑ روپے ہرجانے کے دعوے کی سماعت سندھ ہائیکورٹ میں ہوئی۔
درخواست گزار لینا علی کی وکیل نے کہا کہ علی ظفر کو اس طرح کے ٹوئٹ کرنے سے روکا جائے، علی ظفر اس طرح کے ٹوئٹس نہ کرنے کی یقین دہانی کرائیں تو درخواست واپس لے لیں گے۔
علی ظفر کے وکیل کا کہنا تھا ہم نے اس طرح کا کوئی ٹوئٹ کیا ہی نہیں، درخواست کا جائزہ لے کر جواب دیں گے، مارچ کی کوئی تاریخ دی جائے تاکہ جواب جمع کروائیں۔
سندھ ہائیکورٹ نے کہا کہ 15 فروری تک کی مہلت دے رہے ہیں، جواب جمع کروائیں۔
عدالت کا کہنا تھا کہ جواب جمع نہ کرایا تو آئندہ سماعت پر درخواست گزار کے وکیل کو سن کر حکم امتناع جاری کر دیں گے۔
واضح رہے کہ سندھ ہائیکورٹ نے سیشن جج لاہور کے ذریعے علی ظفر کو 25 جنوری کیلئے نوٹس جاری کئے تھے-
خیال رہے کہ 19 مارچ 2018 کو گلوکارہ میشا شفیع نے بھی علی ظفر پر ہراساں کرنے کے الزامات عائد کیے گلوکارہ میشا شفیع نے بھی 2019 میں علی ظفر کو 2 ارب روپے ہرجانے کا قانونی نوٹس بھجوایا تھا۔
میشا شفیع علی ظفر کیس: میشا کے وکیل کی جانب سے اٹھائے گئے سوالات غور طلب ہیں عدالت
علی ظفر میشا شفیع کیس: عدالت نے ہتک عزت کے دعوے پر تحریری حکم جاری کر دیا
علی ظفر میشا شفیع ہتک عزت کیس : عدالت نے میشا شفیع کو طلب کر لیا
علی ظفر پگڑیاں اچھالنے والے مافیا کے سامنے ڈٹ گیا.
میشا شفیع علی ظفرکیس: میشا شفیع نے عدالت میں پیش نہ ہونے کی وجہ بتا دی
علی ظفر پر ہراسانی کا ایک اور الزام، خاتون کی جانب سے 50 کروڑ روپے ہرجانے کا دعویٰ
-
پاکستا ن اور جنوبی افریقہ کے مابین ٹیسٹ میچ، کیسے ہوں گے سیکورٹی انتظامات
پاکستا ن اور جنوبی افریقہ کے مابین ٹیسٹ میچ، کیسے ہوں گے سیکورٹی انتظامات
باغی ٹی وی کی رپورٹ کے مطابق پاکستا ن اور جنوبی افریقہ کے مابین کراچی میں کھیلے جانے والے ٹیسٹ میچ کے حوالے سے سیکیورٹی انتظامات کو حتمی شکل دے دی گئی
کراچی پولیس نے جنوبی افریقی کر کٹ ٹیم کے دورہئ پاکستان اور نیشنل اسٹیڈیم کراچی میں 26 جنوری 2021 سے کھیلے جانے والے ٹیسٹ میچ کے حوالے سے سیکیورٹی انتظامات کو حتمی شکل دے دی۔
نیشنل اسٹیڈیم کراچی،ایئر پورٹ، روٹ، پریکٹس گراؤنڈز،ہوٹلز اور دیگر مقاما ت پرکراچی پولیس کے 5000 اہلکار بشمول ایس ایس یو کے 1050کمانڈوز اور سیکیورٹی ڈویژن کے1500اہلکارٹریفک پولیس، ریپڈرسپانس فورس،اسپیشل برانچ اوردیگرقانون نافذکرنے والے اداروں کے ساتھ اپنے فرائض انجام دے رہے ہیں۔
اسپیشلائزڈ کمانڈ اینڈ کنٹرول بس اسٹیڈیم کے اطراف امن و امان صورتحال کی نگرانی کرنے کے لئے نیشنل اسٹیڈیم پر موجود ہو گی۔ڈی آئی جی سیکیورٹی اینڈایمرجنسی سروسزڈویژن مقصوداحمد کا کہنا تھا کہ سیکیورٹی انتظامات کو بہتربنانے کے لیے اسٹیڈیم اورروٹس کے ملحقہ علاقوں میں ماہر نشانہ باز کوتعینات کیا گیا ہے جبکہ فضائی نگرانی بھی کی جائے گی۔
کمانڈنٹ ایس ایس یو ڈاکٹر فرخ علی نے کہا کہ اعلیٰ تربیت یافتہ اور جدید اسلحہ سے لیس کمانڈوزپر مشتمل اسپیشل ویپن اینڈٹیکٹکس (S.W.A.T) ٹیم اسٹیڈیم کے اندراورباہر کسی بھی ہنگامی صورتحال سے نمٹنے کے لیے تعینات کی جائے گی۔
عوام کی سہولت اور ٹریفک کی روانی کو برقراررکھنے کے لیے فقط مرکزی شاہراہ کو میچ ٹائمنگ کے دوران بند کیا جائے گا۔
