Category: کراچی

کراچی میں جمعرات کے روز سمندری ہوائیں چلنے کے باوجود موسم شدید گرم و مرطوب رہا، اور شہر میں ہیٹ ویو جیسی صورتحال ریکارڈ کی گئی۔

باغی ٹی وی کے مطابق دن بھر درجہ حرارت 35.5 ڈگری سینٹی گریڈ تک جا پہنچا، جبکہ نمی کا تناسب 65 فیصد رہا، جس کے باعث درجہ حرارت کی شدت اصل پارے سے 5 ڈگری زیادہ محسوس کی گئی۔

🔹 ہیٹ ویو الرٹ جاری
محکمہ موسمیات کے ارلی وارننگ سینٹر نے ہیٹ ویو الرٹ جاری کرتے ہوئے بتایا ہے کہ ایک ہائی پریشر سسٹم فضا کے بالائی حصے کو اپنی لپیٹ میں لیے ہوئے ہے، جس کی وجہ سے صوبہ سندھ کے بیشتر اضلاع میں 20 مئی تک شدید گرمی رہنے کا امکان ہے۔

🔹 کن علاقوں میں خطرہ زیادہ؟
شدید ہیٹ ویو کا امکان:
دادو، شہید بینظیر آباد، نوشہرو فیروز، جیکب آباد، لاڑکانہ، سکھر
(درجہ حرارت معمول سے 5 تا 7 ڈگری زیادہ)

درمیانی شدت کی گرمی:
بدین، تھرپارکر، عمرکوٹ، حیدرآباد
(درجہ حرارت معمول سے 3 تا 5 ڈگری زیادہ)

🔹 کراچی میں صورتحال
محکمہ موسمیات کے مطابق کراچی میں فی الوقت ہیٹ ویو کا خطرہ نہیں، تاہم موسم انتہائی گرم اور مرطوب رہنے کی پیش گوئی کی گئی ہے۔ نمی کا تناسب صبح کے وقت 80 فیصد اور شام کے وقت 60 فیصد تک پہنچ سکتا ہے، جس کے باعث شہریوں کو اصل درجہ حرارت سے کہیں زیادہ گرمی محسوس ہو سکتی ہے۔آئندہ 3 روز کے دوران کراچی میں درجہ حرارت 37 ڈگری سینٹی گریڈ سے تجاوز کرنے کا امکان ظاہر کیا گیا ہے۔

🔺 شہریوں کے لیے احتیاطی ہدایات:
دن کے اوقات میں غیر ضروری طور پر باہر نکلنے سے گریز کریں
پانی اور مشروبات کا زیادہ استعمال کریں
بچوں اور بزرگوں کو دھوپ میں جانے سے روکیں
دھوپ میں نکلتے وقت سر ڈھانپیں اور ہلکے رنگوں کے کپڑے پہنیں

حکومت کا پیٹرولیم مصنوعات کی قیمتوں میں رد و بدل کا اعلان

بنگلا دیش کو دورۂ پاکستان کے لیے گرین سگنل مل گیا، شیڈول پر نظرثانی کا امکان

پاکستان کی امریکا کو زیرو ٹیرف پر دو طرفہ تجارتی معاہدے کی پیشکش

یومِ تشکر: پاک فوج نے بھارت کے غرور کو خاک میں ملا دیا، سندھ کابینہ

وزیر اعلیٰ سندھ سید مراد علی شاہ اور سندھ کابینہ کے وزرا نے کہا ہے کہ پاکستان کی مسلح افواج نے بھارت کے غرور کو چند گھنٹوں میں خاک میں ملا کر ثابت کر دیا کہ وہ نہ صرف عسکری طور پر مضبوط، بلکہ جذبہ ایمانی سے سرشار ہے۔

باغی ٹی وی کے مطابق انہوں نے پاکستان پیپلز پارٹی کراچی ڈویژن کے تحت سی ویو کلفٹن پر نشانِ پاکستان کے باہر منعقدہ یومِ تشکر کی تقریب سے خطاب کرتے ہوئے کہی۔وزیر اعلیٰ مراد علی شاہ نے اپنے خطاب میں کہا کہ ہماری فوج نے پاکستان کو سرخرو کیا، مودی کو دن کے تارے دکھائے، اور یہ ثابت کر دیا کہ بھارت کا قصائی اب پاکستان کی جانب میلی آنکھ سے بھی نہیں دیکھے گا۔”انہوں نے کہا کہ پاک افواج کی کامیاب جوابی کارروائی نے بھارت کی سپر پاور کی خودساختہ حیثیت کو ریت کا ڈھیر بنا دیا۔

تقریب سے خطاب کرتے ہوئے وزیر بلدیات سندھ سعید غنی نے کہا کہ”پاک فوج نے چند گھنٹوں میں دشمن کے غرور کو مٹی میں ملا دیا۔ پوری قوم اپنے سیاسی و نظریاتی اختلافات سے بالاتر ہو کر افواجِ پاکستان کے ساتھ کھڑی ہے۔”وزیر توانائی و منصوبہ بندی سید ناصر حسین شاہ نے کہا”ہم سب سے پہلے اللہ تعالیٰ کے شکر گزار ہیں کہ اُس نے کفار پر ہمیں فتح عطا کی۔ پاک افواج نے دشمن کو ہر محاذ پر شکست دی۔”

یومِ تشکر کی تقریب میں محکمہ سیاحت و ثقافت کی جانب سے 40 فٹ طویل فلوٹ پیش کیا گیا جس پر فنکاروں نے ملی نغمے گائے اور پاک فوج کی خدمات کو خراج تحسین پیش کیا۔تقریب سے سعید غنی، ناصر شاہ، ذوالفقار شاہ، سعدیہ جاوید، سمیتا افضال، علی راشد اور ڈپٹی میئر کراچی سلمان عبداللہ مراد نے بھی خطاب کیا۔

امریکا اور یو اے ای کے درمیان جدیداے آئی چپس کی فراہمی کا معاہدہ

ہم نے سیز فائر کی درخواست نہیں کی، بھارت نے جنگ بندی کی پیشکش کی، اسحاق ڈار

پی ایس ایل 10، غیر ملکی کھلاڑیوں نے پاکستان آنے پر آمادگی ظاہر کر دی

گوگل نے 10 سال بعد اپنے لوگو کے "G” حرف کا ڈیزائن تبدیل کر دیا

پاکستان پیپلز پارٹی کے چیئرمین اور سابق وزیر خارجہ بلاول بھٹو زرداری نے کہا ہے کہ پاکستان نے ایک بار پھر واضح کر دیا ہے کہ وہ جنگ کا خواہاں نہیں، مگر اپنا دفاع کرنا بخوبی جانتا ہے۔

نجی ٹی وی کو دیے گئے ایک انٹرویو میں بلاول بھٹو زرداری نے کہا کہ پاکستان اور بھارت کے درمیان سیزفائر کی خلاف ورزی نہ صرف دونوں ملکوں بلکہ پورے خطے کے امن کے لیے خطرناک ہو سکتی ہے۔ انہوں نے زور دیا کہ سیزفائر کو قائم رکھنا خطے میں امن کی بنیاد بن سکتا ہے۔ ان کا کہنا تھا کہ حالیہ پاک بھارت کشیدگی میں پاکستان کے مؤقف کو بین الاقوامی سطح پر بڑی کامیابیاں حاصل ہوئیں۔

بلاول بھٹو کا کہنا تھا کہ پاکستان نے کشیدگی کے باوجود تحمل اور ہوش مندی کا مظاہرہ کیا، اور دنیا کو یہ پیغام دیا کہ پاکستان بات چیت سے مسائل کا حل چاہتا ہے۔ انہوں نے مسئلہ کشمیر کے حل کے لیے بھی مذاکرات کو واحد راستہ قرار دیا۔انہوں نے دعویٰ کیا کہ پاکستان نے حالیہ کشیدگی کے دوران بھارت کے چھ جنگی طیارے مار گرائے، جن میں ایک رافیل طیارہ بھی شامل تھا، جو ایک تاریخی واقعہ ہے۔ انہوں نے اسرائیل کی غزہ میں کارروائیوں کی مذمت کرتے ہوئے کہا کہ مسلسل بربریت قابل مذمت ہے۔

سابق وزیر خارجہ نے کہا کہ سندھ طاس معاہدہ اور دریائے سندھ سے نہریں نکالنے کے معاملے پر بھی پاکستان کا مؤقف واضح ہے۔ انہوں نے بتایا کہ پیپلز پارٹی نے اس معاملے کو مختلف عالمی و قومی فورمز پر اٹھایا اور اسی اختلاف کے باعث حکومت کے ساتھ چلنا مشکل ہو گیا تھا۔بلاول بھٹو نے کہا کہ ملک کو درپیش مسائل کا حل مشترکہ مشاورت میں ہے، کیونکہ جو فیصلے سب کی رائے سے ہوں، وہی دیرپا اور مؤثر ہوتے ہیں۔

اداکارہ نادیہ حسین کے شوہر کی مبینہ کرپشن،تحقیقات میں اہم پیش رفت

بھارتی براہموس میزائل ڈپو تباہی، پاکستانی مؤقف کی تصدیق ہوگئی

یوٹرن،عمران خان نےایک اور فیصلہ واپس لے لیا

ایف آئی اے کارپوریٹ کرائم سرکل نے معروف ماڈل و اداکارہ نادیہ حسین کے شوہر عاطف خان کی مبینہ مالی کرپشن کے کیس میں اہم پیش رفت کرتے ہوئے مزید افراد کو طلب کرنے کا فیصلہ کر لیا ہے۔

باغی ٹی وی کے ذرائع کے مطابق، ایف آئی اے نے دو افراد — عمران شیرانی اور ایک نجی سیکیورٹیز کمپنی کے نمائندے عدیل ظفر — کو تحقیقات کے لیے طلب کرنے کا فیصلہ کیا ہے۔ رپورٹ کے مطابق، عمران شیرانی نے مبینہ طور پر ایک ملین روپے جبکہ عدیل ظفر نے 18 ملین روپے سے زائد رقم وصول کی تھی۔اس کے علاوہ، لاہور کے عامر یاسین کو بھی طلب کیا جا رہا ہے، جنہوں نے مبینہ طور پر پانچ سو ملین روپے کی ٹریڈنگ کی۔ تینوں افراد سے عاطف خان کی مبینہ مالی بے ضابطگیوں سے متعلق بیانات ریکارڈ کیے جائیں گے۔

ذرائع کے مطابق، عاطف خان کے کہنے پر شارٹ ٹرم تھرڈ پارٹی فنڈنگ میں شامل چھ افراد کو بھی ایف آئی اے نے طلب کرنے کا فیصلہ کیا ہے۔ اس سے قبل، رقم وصول کرنے والے دیگر تین افراد کے بیانات پہلے ہی قلمبند کیے جا چکے ہیں۔یاد رہے کہ ایف آئی اے کارپوریٹ کرائم سرکل میں عاطف خان کے خلاف کروڑوں روپے کی مبینہ مالی کرپشن کا مقدمہ درج ہے، اور اس کی تحقیقات تیزی سے جاری ہیں۔

یوٹرن،عمران خان نےایک اور فیصلہ واپس لے لیا

بھارتی براہموس میزائل ڈپو تباہی، پاکستانی مؤقف کی تصدیق ہوگئی

کراچی:اسٹیٹ بینک آف پاکستان نے کہا ہے کہ گزشتہ ہفتے کے دوران زرمبادلہ کے سرکاری ذخائر میں بڑا اضافہ ہوا ہے-

اسٹیٹ بینک کے اعداد وشمار کے مطابق زرمبادلہ کے سرکاری ذخائر میں گزشتہ ہفتے کے دوران 9 مئی کو 7 کروڑ 10 لاکھ ڈالر کا اضافہ ہوا، جس کے نتیجے میں زرمبادلہ کے سرکاری ذخائر کی مالیت 10 ارب 40 کروڑ 31 لاکھ ڈالر کی سطح پر آگئی ہے 9 مئی کو زرمبادلہ کے مجموعی ذخائر کی مالیت 15 ارب 61 کروڑ 31 لاکھ ڈالر ریکارڈ کی گئی ہے کمرشل بینکوں کے پاس 5 ارب 21 کروڑ 7 لاکھ ڈالر کے ذخائر موجود ہیں۔

اسٹیٹ بینک آف پاکستان نے وضاحت کی ہے کہ آئی ایم ایف سے ملنے والی قرض کی دوسری قسط ایک ارب 2 کروڑ30 لاکھ ڈالر 16 مئی کو جاری ہونے والے اعداد وشمار میں شامل ہوں گے۔

وفاقی وزیر صحت مصطفیٰ کمال نے کہا ہے کہ پاکستان ہمیشہ سے امن کا خواہاں رہا ہے لیکن بھارت نے اسرائیل کے اکسانے پر اشتعال انگیزی کی۔

وفاقی وزیر نے کہا کہ بھارت نے پہلگام کا حملہ خود کیا اور جب پاکستان نے اس کی تحقیقات کا مطالبہ کیا تو جواب میں بھارت نے ڈرون اور میزائل حملے کیے پاکستان کی مسلح افواج نے دشمن کو منہ توڑ جواب دیا جس پر پوری قوم کو فخر ہے، پاکستان نے اللہ کے فضل سے عظیم الشان فتح حاصل کی ہے۔

مصطفیٰ کمال نے کہا کہ پاکستان کے لوگ مختلف نظریات، زبانوں اور مذاہب سے تعلق رکھتے ہیں لیکن جب ملک پر بحران آتا ہے تو سب یکجا ہو جاتے ہیں ایسا نہیں کہ ہمارے اختلافات ختم ہو گئے ہیں لیکن کچھ ایسے اصول ہیں جن پر پوری قوم متفق ہے،میں مودی کا شکریہ ادا کروں گا کہ اس نے ایک ایڈونچر سے سب بدل دیا۔ 20 دن پہلے کا پاکستان اور آج کا پاکستان بالکل مختلف ہے۔

وفاقی وزیر صحت نے کہا کہ حکومت عوام کو صحت کی سہولیات فراہم کرنے کیلئے ہر ممکن اقدامات کر رہی ہے۔ ہم صحت کے شعبے کو جدید خطوط پر استوار کر رہے ہیں اور ویکسین اور ادویات کی مقامی سطح پر تیاری کے لیے کام جاری ہے معیاری مقامی ادویات کی تیار ی سے نہ صرف انحصار کم ہوگا بلکہ صحت کی سہولیات زیادہ قابلِ رسائی بنیں گی۔

سندھ کے سینئر وزیر شرجیل انعام میمن نے کہا کہ دنیا کو پیغام چلا گیا ایشیا کی سُپر پَاور پاکستان ہے، اس جنگ کو میڈیا اور سوشل میڈیا کے ساتھ 24 کروڑ عوام نے جیتا ہے، پاکستان کی میڈیا نے صرف سچ دیکھا اور بولا-

کراچی میں پی پی پی کی جانب سے یومِ تشکر کے پیشِ نظر منقعدہ تقریب سے خطاب کے دوران وزیرِ اطلاعات شرجیل انعام میمن نے کہا کہ لیڈر شپ کی ہدایت پر سندھ بھر میں یومِ تشکر و یومِ فتح منا رہے ہیں بلاول بھٹو نے انٹرنیشنل میڈیا میں پاکستان کی جنگ لڑی ہمیں ایٹمی قوت ذوالفقار علی بھٹو نے بنایا، بھارت کے خلاف حالیہ جنگ میں سپریم کمانڈر کی حیثیت سے صدر آصف علی زرداری بھی موجود تھے۔

شرجیل انعام میمن نے کہا کہ پاک افواج نے بھارت کو دھول چٹائی، یہ تاریخ میں سنہری الفاظ سے لکھا جائے گا، دشمن کو شکست دینے پر پاک افواج کو سلام پیش کرتا ہوں، دنیا کو پیغام چلا گیا ایشیا کی سُپر پَاور پاکستان ہے، اس جنگ کو میڈیا اور سوشل میڈیا کے ساتھ 24 کروڑ عوام نے جیتا ہے، پاکستان کی میڈیا نے صرف سچ دیکھا اور بولا۔

تقریب سے خطاب کرتے ہوئے وزیرِ توانائی سندھ ناصر حسین شاہ نے کہا کہ جنگ میں فتح کے بعد بہادر افواج کو خراج تحسین پیش کر تے ہیں، تقریب میں اصل ہیروز افواجِ پاکستان کے جوان ہیں ہم نے ایسی فتح حاصل کی ہے جس سے پوری قوم متحد ہو گئی ہے، تمام سیاسی جماعتوں کے رہنما تقریب میں شریک ہوئے ہیں، ہمیں کوئی بھی طاقت ہرا نہیں سکتی، مودی کو رافیل پر گھمنڈ تھا، ہماری فضائیہ نے رافیل گرائے، بھارت کے خلاف آپریشن کا آغاز نمازِ فجر کے بعد کیا گیا ہم نے میڈیا کی جنگ میں بھی فتح حاصل کی، سو شل میڈیا نے بھارتی میڈیا کو زیرو بنا دیا۔

علاوہ ازیں وزیراعلیٰ سندھ مراد علی شاہ نے بھارتی حملوں کے نتیجے میں شہید ہونے والوں کے لواحقین اور زخمیوں کیلئے مالی امداد کا اعلان کیا ہے تقریب سے خطاب کرتے ہوئے وزیر اعلیٰ سندھ نے کہا کہ شہید ہونے والوں کے لواحقین کے لیے فی خاندان ایک کروڑ جبکہ زخمی ہونے والوں کے لیے فی کس 10،10 لاکھ روپے دیئے جائیں گے۔

وزیراعلیٰ نے کہا کہ اللہ نےمشکل وقت میں ہماری مدد کی ، قوم سیسہ پلائی دیوار کی طرح مضبوط رہی ، پہلگام واقعہ سوچی سمجھی سازش تھی بھارت نے رافیل توخرید لیے مگر چلانے والے نہیں ہیں، افواج پاکستان نے ثابت کیا کہ ملک کے دفاع کے لیے ہر وقت تیار ہیں ،پاکستان کی طرف میلی آنکھ سے دیکھنے والے کی آنکھیں نکال دیں گے۔

شرجیل انعام میمن نے کہا کہ پاکستان کا دفاع مضبوط ہاتھوں میں ہے اور ہماری مسلح افواج نے دشمن کو واضح پیغام دیا کہ پاکستانی سرزمین پر جارحیت کا منہ توڑ جواب دیا جائے گا۔

کراچی میں نیوز کانفرنس کرتے ہوئے سندھ کے سینئر وزیر شرجیل انعام میمن نے کہا کہ پاکستان نے دہشت گردی کے خلاف 70 ہزار سے زائد قیمتی جانوں کی قربانی دی اور پاک فوج نے دشمن کی ہر جارحیت کا بھرپور اور منہ توڑ جواب دیا دہشت گرد بھارت نے ایک پرامن پاکستان پر جنگ مسلط کی لیکن پاک فضائیہ کے شاہینوں نے تاریخی کارنامہ انجام دے کر پوری دنیا کو اپنی صلاحیتوں کا معترف بنا دیا،پاکستانی قوم اپنی تاریخی فتح کا جشن منا رہی ہے پیپلز پارٹی کی جانب سے بھی ملک بھر میں تقریبات کا سلسلہ جاری ہے اور آج حیدرآباد میں بھی ایک بڑی ریلی نکالی جا رہی ہے۔

شرجیل میمن نے کہا کہ پاکستان نے پہلگام واقعے کی نہ صرف مذمت کی بلکہ اس کی غیر جانبدارانہ تحقیقات کا بھی مطالبہ کیا پاکستان نے سفارتی اور جنگی محاذ پر بھارت کے خلاف بھرپور کامیابی حاصل کی، جبکہ بھارت نے سچ کو چھپانے کے لیے پاکستانی میڈیا اور سوشل میڈیا پر پابندیاں لگائیں پاکستان کا دفاع مضبوط ہاتھوں میں ہے اور ہماری مسلح افواج نے دشمن کو واضح پیغام دیا کہ پاکستانی سرز مین پر جارحیت کا منہ توڑ جواب دیا جائے گا۔ انہوں نے کہا کہ دہشت گردوں اور بھارت کے مفادات ایک جیسے ہیں۔

انہوں نے کہا کہ وزیراعظم کی جانب سے پی ٹی آئی کو بات چیت کی دعوت خوش آئند ہے، جبکہ صدر ٹرمپ نے بھی جنگ کی بجائے تجارت پر زور دیا مودی نے ہمیشہ جنگی جنون کو اپنی سیاست کا حصہ بنایا، ایک ایسا شخص جس پر کبھی امریکہ میں داخلے پر پابندی تھی، آج بھارت کا وزیراعظم ہے اور اُس نے ڈیڑھ ارب عوام کی زندگیاں خطرے میں ڈال دی ہیں۔