Category: کراچی

پیپلز پارٹی کی رہنما ،رکن قومی اسمبلی شازیہ مری نے کہا ہے کہ حکومت کو سپورٹ صرف پاکستان کے مفاد میں کر رہے ہیں،اپوزیشن صرف ایک قیدی کی رہائی کے پیچھے پڑی ہے،اسلام آباد میں درخت کٹتے ہوئے دکھائی دے رہے ہیں، لگتے ہوئے نہیں،کراچی جیسے بڑے شہر میں گیس تک نہیں،

پریس کانفرنس کرتے ہوئے شازیہ مری کا کہنا تھا کہ پرائیویٹائزیشن پر بلاول بھٹو زرداری اور پیپلز پارٹی کا مؤقف واضح ہے، پی پی نے نجکاری کو ہمیشہ سنجیدگی سے لیا ہے،وفاق بار بار نجکاری کا نعرہ لگانے کے بجائے نجی شعبے کی شراکت کے ساتھ چلانے کا منصوبہ بنائے، حکومت اہم ادارے کی نجکاری کرے اور اثاثوں اور ملازمین کا تحفظ نہ ہو، پبلک پرائیویٹ پارٹنرشپ کا ماڈل ہونا چاہیے، پبلک پرائیویٹ پارٹنر شپ کامیابی سے سندھ میں چل رہی ہے، پیپلز پارٹی نے نجکاری کے عمل کو سنجیدگی سے دیکھا ہے، قومی ایئرلائن کی نجکاری کرتے ہوئے ملازمین اور اثاثوں کا خیال رکھنا چاہیے، پبلک پرائیویٹ پارٹنرشپ ایک ماڈل ہونا چاہیے،ہ وزیرِ خزانہ نے کئی بار تسلیم کیا کہ سندھ کا پبلک پرائیویٹ ماڈل اچھا ہے اور اختیار کرنے کی ضرورت ہے، وزیراعظم کابینہ کو ہدایت کریں کہ جو ادارے حکومت نہیں چلا سکتی انہیں شراکت سے چلانا چاہیے۔

شازیہ مری کا کہنا تھا کہ غلام سرور کے بیان سے گزشتہ 4 سال میں قومی ایئرلائن کو 600 ملین ڈالر نقصان ہوا، غلام سرور کی وجہ سے نقصان کی پوچھ گچھ ہونی چاہیے، اس بیان سے پائلٹس سمیت عملے کی نوکریاں چھن گئیں، قومی ایئرلائن کو نقصان پہنچانے والوں کا احتساب کرنا چاہیے، قومی ایئرلائن کو نقصان پہنچا کر نجکاری کی راہ ہموار کی گئی، قومی ایئرلائن کے نقصانات پر تحقیقات کریں، نجکاری حل نہیں،قومی ایئرلائن کی عمارتیں اربوں کی ہیں، دس ارب روپے میں پی آئی اے کا سودا ہوا، 135 ارب کی فروخت بتائی گی، قومی ایئرلائن کے منافع کی نجکاری جبکہ نقصان حکومت کو دیا گیا۔

شازیہ مری کا مزید کہنا تھا کہ اسلام آباد میں درختوں کو کاٹا جا رہا ہے، درختوں کی وجہ سے موسمیاتی تبدیلی آ رہی ہے، موسمیاتی تبدیلی کے وجہ سے سیلاب آئے، موسمیاتی تبدیلی کے نقصان کا ازالہ پاکستان کر رہا ہے،ہ اسلام آباد میں بڑے پیمانے پر درختوں کی کٹائی ہو رہی ہے، ملک میں موسمیاتی تبدیلیوں کے اثرات سب دیکھ رہے ہیں، پاکستان دنیا میں سب سے زیادہ متاثر ہونے والے ممالک میں شامل ہے، 30 ہزار کے قریب درخت کاٹے گئے ہیں، تمام پارلیمنٹیرین کو تحفظات تھے، پی پی نے درختوں کی کٹائی کا معاملہ ایوان میں اٹھایا ہے، وزیر داخلہ نے ایسے جواب دیے کہ نئے سوال پیدا ہو گئے، درختوں کی کٹائی ایسا عمل ہے جو شفافیت پر سوال اٹھا رہا ہے، ہمیں بتایا جائے کہ کتنے درخت لگائے گئے، ہمیں درخت کٹتے نظر آرہے ہیں مگر لگنے والے درخت نظر نہیں آرہے، اگر شفافیت ہے وہ شئیر کریں اور بتائیں، ہر بات پر پریس کانفرنس ہو جاتی ہے، کیوں درختوں کی کٹائی پر بات نہیں ہوئی، ملک میں بجلی کی لوڈشیڈنگ ہو رہی ہے، سانگھڑ میں 20 ، 20 گھنٹے کی لوڈشیڈنگ ہو رہی ہے، آپ جو ناجائز بلنگ کر رہے ہیں وہ کون سا قانونی ہے، سردی میں بجلی کی صورتحال یہ ہے گرمیوں میں کیا صورتحال ہوگی، گرمیوں میں آپ لوگوں کی چینخیں نکال دیں گے، گیس کی بھی لوڈشیڈنگ ہو رہی ہے، 70 فیصد گیس سندھ سے پیدا ہو رہی ہے، بلوچستان کو نچوڑ کر رکھ دیا ہے اب سندھ کا یہ حال کرنے جا رہے ہیں، سندھ کیوں امپورٹڈ گیس استعمال کرے؟ سب سے پہلا حق اس علاقے کے رہنے والے لوگوں کا ہے جہاں سے گیس نکل رہی ہے، کراچی میں بھی گیس نہیں ہے، دیہی علاقوں کا آپ سوچ سکتے ہیں کیا صورتحال ہے،وزیر اعظم سے مطالبہ ہے کہ وہ نوٹس لیں، حکومت نے وعدہ کیا تھا قانون سازی کے لیے اعتماد میں لیا جائے گا۔ صدر مملکت کے دستخط کے بغیر آرڈیننس جاری ہونا کریمنل اقدام ہے۔ آرڈیننس سے متعلق ہم سے مشورہ کیا جائے، وفاقی وزیرقانون کو اپنے بارے میں خود سوچنا چاہیے، دو دو وزیر وزارتیں سنبھال رہے ہیں، نہیں بتا رہے کہ مسئلہ کیا ہے؟کسی قانون سازی میں اپوزیشن اپنا کام نہیں کر رہی، اپوزیشن صرف شور شرابا کرنے میں مصروف ہے۔

میئر کراچی مرتضیٰ وہاب نے کہا ہے کہ کراچی کے عوام نے پاکستان پیپلز پارٹی کو موقع دیا تو اس کے مثبت نتائج سامنے آ رہے ہیں اور شہر میں عملی طور پر ترقیاتی کام جاری ہیں۔ آنے والے چند دنوں میں چیئرمین پیپلز پارٹی بلاول بھٹو زرداری کی قیادت میں کراچی کے لیے ایک بڑا اور جامع ترقیاتی پیکج متعارف کرایا جائے گا، جس سے شہری مسائل کے حل میں نمایاں پیش رفت ہوگی۔

مرتضیٰ وہاب کا کہنا تھا کہ کراچی میٹروپولیٹن کارپوریشن (کے ایم سی) اور سندھ حکومت باہمی تعاون سے شہر کی بہتری کے لیے بھرپور انداز میں کام کر رہی ہیں، جبکہ ٹاؤنز کی سطح پر بھی اداروں سے یہی توقع ہے کہ وہ شہری سہولتوں کی فراہمی میں اسی جذبے کے ساتھ تعاون کریں۔ انہوں نے واضح کیا کہ ترقیاتی منصوبوں میں معیار پر کسی قسم کا سمجھوتہ نہیں کیا جائے گا اور تمام کام شفافیت اور بہتر منصوبہ بندی کے تحت مکمل کیے جائیں گے،میئر کراچی نے بتایا کہ عوامی مشکلات کو مدنظر رکھتے ہوئے تعمیراتی کام مرحلہ وار مکمل کیے جا رہے ہیں تاکہ روزمرہ زندگی متاثر نہ ہو۔ انہوں نے کہا کہ شہر کی تمام اہم شاہراہوں کو بھی مرحلہ وار بہتر بنایا جائے گا تاکہ ٹریفک کے مسائل میں کمی آئے اور شہریوں کو بہتر سفری سہولتیں میسر ہوں۔

جہانگیر روڈ کے حوالے سے گفتگو کرتے ہوئے مرتضیٰ وہاب نے کہا کہ اس شاہراہ کی تعمیر و بحالی سے نہ صرف ٹریفک کی روانی میں بہتری آئے گی بلکہ اطراف کے علاقوں میں شہری سہولتوں میں بھی اضافہ ہوگا۔ ان کے مطابق جہانگیر روڈ کی بحالی کراچی کی مجموعی ترقیاتی حکمت عملی کا ایک اہم حصہ ہے، جس کا مقصد شہر کے بنیادی ڈھانچے کو مضبوط بنانا ہے۔میئر کراچی نے مزید کہا کہ پیپلز پارٹی کو کراچی کے عوام نے جو اعتماد دیا ہے، اس کے نتیجے میں شہر بھر میں دن رات ترقیاتی کام ہوتے دکھائی دے رہے ہیں۔ انہوں نے بتایا کہ مختلف منصوبوں کو دوبارہ فعال کیا جا رہا ہے اور شہری سہولتوں کی بہتری کے لیے تمام وسائل بروئے کار لائے جا رہے ہیں، تاکہ کراچی کو ایک بہتر اور جدید شہر بنایا جا سکے۔