Category: کراچی

متحدہ قومی موومنٹ پاکستان کے اراکینِ مرکزی کمیٹی کا شہر میں ایک بار پھر بجلی کی طویل اور غیراعلانیہ لوڈشیڈنگ پر شدید تشویش کا اظہار کیا ہے.

باغی ٹی وی کی رپورٹ کے مطابق اپنے جاری کردہ بیان میں اراکینِ مرکزی کمیٹی کا کہنا تھا کہ اربوں روپے بل اور نت نئے ٹیکسز کے نام پر بٹورنے کے باوجود کے الیکٹرک عوام کو بلاتعطل بجلی فراہم کرنے سے قاصر ہے جو سراسر بدنیتی پر مبنی ہے دن و رات کی اوقات میں گھنٹوں بجلی کی عدم موجودگی نے لوگوں کو ذہنی دبا کا شکار کر دیا ہے، ناقص ترسیلی اور مسلط کردہ مافیا طرز نظام نے اہل کراچی کو شدید عذاب سے دوچار کر رکھا ہے، اراکینِ مرکزی کمیٹی کا مزید کہنا تھا کہ ایم کیو ایم حکومت اور متعلقہ وزارت سے یہ مطالبہ کرتی ہے کہ کراچی کے شہریوں کی اس اذیت سے نکالنے کا مستقل بنیادوں پر سدباب کرے اور کے الیکٹرک نام کے مافیا کو لگام ڈالنے میں اپنا کردار ادا کرے جس نے پاکستان کے معاشی حب کو مفلوج کر رکھا ہے۔

بچوں کی اسمگلنگ کا کیس، صارم برنی کی درخواستِ ضمانت پر فیصلہ محفوظ

کراچی کے مختلف علاقوں میں لوڈشیڈنگ 12 گھنٹوں سے متجاوز

اورنگی ٹاؤن میں ڈاکؤں سے پولیس مقابلے میں اہلکارشہید

چینی قونصلیٹ حملہ کیس میں کالعدم بی ایل اے کے 4 کارندوں کی شناخت

بچوں کی اسمگلنگ سے متعلق کیس میں صارم برنی کی درخواستِ ضمانت پرفیصلہ محفوظ کرلیا گیا۔

باغی ٹی وی کی رپورٹ کے مطابقایڈیشنل ڈسٹرکٹ اینڈ سیشن جج نے بچوں کی اسمگلنگ اور کاغذات میں ردوبدل کے مقدمے میں ملزم صارم برنی کی درخواست ضمانت پر فیصلہ محفوظ کرلیا۔بچوں کی اسمگلنگ اور کاغذات میں ردوبدل کے مقدمے میں ملزم صارم برنی کی درخواست ضمانت کی سماعت ایڈیشنل ڈسٹرکٹ اینڈ سیشن جج کی عدالت میں ہوئی، جس میں وکیل صفائی نعیم قریشی نے موقف اختیار کیا کہ ایف آئی اے ٹرائل میں تاخیری حربے استعمال کر رہی ہے۔وکیل نے بتایا کہ 5 ماہ گزرنے کے باوجود تفتیشی افسر نے مقدمے کا چالان پیش نہیں کیا۔ جن بچوں کو اسمگل کرنے کا الزام ہے وہ کراچی میں موجود ہیں۔استدعا ہے کہ صارم برنی ضمانت کا مستحق ہے، ضمانت منظور کی جائے۔دورانِ سماعت ایف آئی اے پراسیکیوٹر نے موقف اپنایا کہ یہ معاملہ بہت حساس ہے، اس پر مختلف زاویوں سے تفتیش کی جارہی ہے۔ جیسے ہی تفتیش مکمل ہوگی، چالان پیش کردیا جائے گا، لہٰذا ضمانت کی درخواست مسترد کردی جائے۔بعد ازاں عدالت نے فریقین کے دلائل سننے کے بعد اپنا فیصلہ محفوظ کرلیا۔عدالت نے ریمارکس دیئے کہ درخواست ضمانت پر فیصلہ 19 اکتوبر کو سنایا جائے گا۔ ایف آئی اے کے مطابق صارم برنی کو امریکا سے واپسی پر کراچی ایئرپورٹ سے گرفتار کیا گیا تھا۔

کراچی کے مختلف علاقوں میں لوڈشیڈنگ 12 گھنٹوں سے متجاوز

اورنگی ٹاؤن میں ڈاکؤں سے پولیس مقابلے میں اہلکارشہید

میڈیکل ٹورازم کو فروغ دینے کے لیے نجی شعبے کو مکمل تعاون فراہم کیا جائیگا ،وزیر صحت سندھ

چینی قونصلیٹ حملہ کیس میں کالعدم بی ایل اے کے 4 کارندوں کی شناخت

کراچی کے مختلف علاقوں میں غیر اعلانیہ لوڈشیڈنگ اور اعلانیہ لوڈشیڈنگ کا دورانیہ بڑھا دیا گیاہے۔

باغی ٹی وی کی رپورٹ کے مطابق شہرِ قائد کے مختلف علاقوں میں لوڈشیڈنگ کا دورانیہ 12 گھنٹوں سے تجاوز کر گیا۔سرجانی ٹائون، پی آئی بی کالونی اور اورنگی ٹائون میں بجلی کی فراہمی معطل ہے۔مختلف علاقوں میں بجلی کی لوڈشیڈنگ کا دورانیہ 14 گھنٹوں تک پہنچ گیا۔کورنگی، لائنز ایریا، گارڈن، کھاردار اورکیماڑی میں بھی بجلی کی لوڈشیڈنگ جاری ہے۔لیاقت آباد سی ون ایریا، ناظم آباد اور لسبیلہ میں بھی طویل دورانیے کی لوڈشیڈنگ ہو رہی ہے۔اس کے علاوہ گلستانِ جوہر بلاک 7 اور 8، اسکیم 33 میں سچل گوٹھ کے علاقوں میں بھی لوڈشیڈنگ کے دورانیے میں اضافہ ہو گیا ہے۔

میڈیکل ٹورازم کو فروغ دینے کے لیے نجی شعبے کو مکمل تعاون فراہم کیا جائیگا ،وزیر صحت سندھ

اورنگی ٹاؤن میں ڈاکؤں سے پولیس مقابلے میں اہلکارشہید

چینی قونصلیٹ حملہ کیس میں کالعدم بی ایل اے کے 4 کارندوں کی شناخت

سندھ حکومت کا صوبے کے سکول اراکین اسمبلی کی نگرانی میں دینے کا فیصلہ

صوبائی وزیر صحت ڈاکٹر عذرا پیچوہو نے کہا کہ سندھ حکومت نے ملک بھر میں میڈیکل ٹورازم کو فروغ دینے کے لیے نجی شعبے کو مکمل تعاون فراہم کیا جائیگا جس کا مقصد مقامی صحت کے شعبے کا قومی معیشت کو فائدہ پہنچانا ہے۔

باغی ٹی وی کی رپورٹ کے مطابق 21ویں ہیلتھ ایشیا نمائش اور کانفرنسز کے افتتاح کے موقع پر بطور مہمان خصوصی خطاب کرتے ہوئے صوبائی وزیر نے کہا کہ حکومت نے ملک کے صحت کے شعبے میں ایک بڑا اہم کردار برقرار رکھا ہے جس سے نہ صرف رہائشیوں بلکہ بیرون ملک مقیم پاکستانیوں اور غیر ملکیوں کو بھی معیاری علاج فراہم کیا جا رہا ہے۔
مختلف پبلک سیکٹر ہسپتال، خاص طور پر کراچی میں۔انہوں نے کہا کہ اس تقریب میں غیر ملکی مندوبین اور نمائش کنندگان کی شرکت ملکی صحت کی صنعت کے لیے مثبت ترقی کی عکاسی کرتی ہے انہوں نے مزید کہا کہ نجی شعبے کا کردار اہم اور قابل تعریف ہے۔شہر میں وائرل بیماریوں کی نشاندہی کرتے ہوئے انہوں نے کہا کہ ملیریا، ڈینگی اور چکن گونیا نے حالیہ ہفتوں کے دوران کراچی میں شہریوں کی بڑی تعداد کو متاثر کیا، تاہم ان بیماریوں کا علاج ویکسینیشن کے ذریعے نہیں کیا جا سکتا ہے لیکن مچھروں کے خلاف سپرے مہم کے ذریعے روکا جا سکتا ہے۔اس سلسلے میں صوبائی حکومت مقامی حکومت کا تعاون حاصل کرے گی۔ڈاکٹر عذرا نے یہ بھی کہا کہ پاکستان کے ساتھ ساتھ اس کے پڑوسی ملک افغانستان میں بھی پولیو کا خاتمہ کرناہوگا کیونکہ اس مسئلے کی جڑیں پورے خطے میں ہیں۔ دوسری طرف، خناق کے دوبارہ پیدا ہونے کا علاج پورے صوبے میں ویکسینیشن کوریج کو بہتر بنا کر کیا جا سکتا ہے۔”فیوچر ہسپتال” کے کانفرنس سیشن میں ماہرین صحت اور ہسپتال کے ملکان نے متفقہ طور پر ملک بھر میں طبی سیاحت کو فروغ دینے کا عزم کیا۔

چینی قونصلیٹ حملہ کیس میں کالعدم بی ایل اے کے 4 کارندوں کی شناخت

سندھ حکومت کا صوبے کے سکول اراکین اسمبلی کی نگرانی میں دینے کا فیصلہ

سندھ حکومت نے صوبے کے سکول اراکین اسمبلی کی نگرانی میں دینے کا فیصلہ کرلیا، جس کا نوٹی فکیشن جاری کردیا گیا۔

باغی ٹی وی کی رپورٹ کے مطابق ترجمان سندھ حکومت کے مطابق صوبائی وزیر تعلیم سید سردار علی شاہ کے سندھ اسمبلی ممبران کو لکھے گئے خط پر مثبت پیشرفت سامنے آئی ہے، جس میں صوبائی وزیر تعلیم نے ارکان اسمبلی کو خط لکھ کر اپنے حلقے کے سکول اڈاپٹ کرنے کی دعوت دی تھی، اس کے بعد ارکان اسمبلی کی طرف سے سکولز اڈاپٹ کرنے کے لیے تجاویز جمع کروانے کا سلسلہ جاری ہے، درخواست پر ضروری کارروائی کے بعد محکمہ اسکول ایجوکیشن کی طرف سے نوٹیفکیشن جاری کردیا گیا۔محکمہ تعلیم کی جانب سے نوٹیفکیشن میں بتایا گیا ہے کہ اس پروگرام کا مقصد سندھ میں تعلیم کے فروغ کے لیے سرکاری سکولوں کی نگرانی اور ان کو مزید فعال کرنے کے لئے اقدامات کرنا ہے، ارکان سندھ اسمبلی کی طرف سے آنے والی تجاویز کے مطابق حلقے کے سکولوں کی نگرانی ان کے حوالے کردی گئی ہے، پہلے مرحلے میں کراچی 74 اسکولز کو 32 ارکان سندھ اسمبلی کی نگرانی میں دے دیا گیا ہے۔معلوم ہوا ہے کہ کراچی کے سکول اڈاپٹ کرنے والوں میں اپوزیشن لیڈر علی خورشیدی کے علاوہ ایم پی ایز میں سید محمد عثمان، معید انور، محمد عامر صدیقی، فیصل رفیق، محمد دانیال، محمد دلاور شامل ہیں، ایم پی اے ریحان، فہیم احمد، شیخ عبداللہ، نصیر احمد، سید اعجازالحق، ریحان اکرم، عبدالوسیم، عبدالباسط، عادل عسکری، محمد افتخار عالم نے بھی سکول کی ذمہ داری لی ہے، محمد معاذ محبوب، محمد مظاہر عامر، جمال احمد، شریف جمال، نجم مرزا، شوکت علی، ارسلان پرویز، فرحان انصاری نے سکولز کو اڈاپٹ کرلیا، مہیش کمار ہسیجا، انیل کمار، سمیتا افضال سید، سکندر خاتوں، فرح سہیل، قرت العین، بلقیس مختار بھی سکول سنبھالنے والوں میں شامل ہیں۔بتایا جارہا ہے کہ حیدرآباد سے 3 ارکان اسمبلی صابر حسین، محمد راشد خان اور ناصر حسین قریشی کو اڈاپٹیشن پروگرام کے تحت 11 سکولز کی نگرانی کا نوٹی فکیشن جاری کردیا گیا، ٹھٹہ اور سجاول کے 9 سکولز کو 2 ایم پی ایز نے اپنی نگرانی میں سنبھال لیا ہے، ٹھٹہ اور سجاول سے ارکان اسمبلی سید ریاض حسین شاہ شیرازی اور ہیر سوہو کی درخواست پر سکول کی نگرانی کا نوٹی فکیشن جاری کردیا گیا، ارکان اسمبلی کی طرف سے آنے والی درخواستوں کا سلسلہ جاری ہے، ضروری کارروائی کے بعد سکول اڈاپٹیشن کے نوٹیفکیشن کا سلسلہ جاری رہے گا۔

نمبر گیم پوری،پی ٹی آئی اراکین اغوا،کیا عمران خان رہا ہوں گے؟

وزیراعظم شہباز شریف کی ہدایت پر این ڈی ایم اے کی جانب سے غزہ اور لبنان کے لئے فلاحی بنیادوں پر امداد کی فراہمی جاری ہے

کراچی سے دوسری امدادی کھیپ لبنان کے لیے روانہ کر دی گئی ہے۔الخدمت فاو نڈیشن کے تعاون سے این ڈی ایم اے کی جانب سے روانہ کی گئی اس امدادی کھیپ میں ادویات، تیار گوشت، خیموں، ترپال، گرم بستر، گرم کپڑوں اور خشک دودھ پر مشتمل تقریباً 100 ٹن سامان شامل ہے،امدادی ساما ن براستہ ہوائی جہاز جناح انٹر نیشنل ائیرپورٹ کراچی سے بیروت، لبنان کے لیے روانہ کیا گیا،پاکستان کی جانب سے فلسطین اور لبنان کے لیے امدادی سامان کی یہ 12ویں کھیپ ہے، اس سے قبل فلسطین کے لیے 10امدادی کھیپیں جبکہ لبنان کے لیے جمعرات کے روز دوسری امدادی کھیپ بھیجی گئی۔

حکومت پاکستان لبنان اور فلسطین کی جنگ زدہ عوام کی ضروریات کے مطابق امدادی سامان بھیجنے کے سلسلے کو جاری رکھے ہوئے ہے۔پاکستانی این جی او کی جانب سے سپانسر شدہ امدادی سامان کا پیکیج وزیراعظم آفس، این ڈی ایم اے اور وزارت خارجہ کے تعاون سے بھیجا جا رہا ہے ،امدادی پیکیج میں تقریباً 90 ٹن امدادی سامان موجود ہے۔امدادی سامان میں ادویات 50 ٹن، کھانے کے لئے تیار گوشت 15 ٹن، خیمے 9 ٹن، ترپال 5 ٹن، موسم سرما کے لئے بستر 4 ٹن، موسم سرما کے کپڑے2 ٹن اور خشک دودھ 5 ٹن شامل ہیں،پرواز کے ذریعے امدادی سامان بیروت پہنچے گا جہاں پاکستان کے سفیر اسے وصول کریں گے،امدادی سامان مقامی طور پر تقسیم کیا جائے گا۔وزارت خارجہ کے ذریعے پانچ این جی او کی معاون پروازیں تیار ہیں