Category: کراچی

متحدہ قومی موومنٹ پاکستان( ایم کیوایم پاکستان) کے کنوینر ڈاکٹر خالد مقبول صدیقی نے کہا کہ پیپلزپارٹی نے زمین بیچ کر اپنا ضمیر بیچ کر 50ہزار ارب روپے کمائے ہیں۔
حیدر آباد میں انتخابی جلسے سے خطاب کرتے ہوئے انہوں نے کہا کہ ہم نے بینظیر کو دومرتبہ وزیراعظم بنایا پھر ہم پر ہی آپریشن شروع کر دیا گیا، پیپلزپارٹی یاد رکھنا تمہیں بخشا نہیں جائے گا، حیدر آباد والو آج تیرکے دفن ہونے کا دن ہے۔خالد مقبول صدیقی نے کہا کہ آج آپ نے پکے قلعہ کی گراؤنڈ بھر کر یہ سوچنے پر مجبور کردیا کہ جشن کہاں منائیں، آج حیدر آباد والو آپ کو دیکھ کر آپ کا دشمن اپنی موت آپ مرگیا ہے، آپ نے اپنے ساتھ پچاس پچاس، سو سو لوگ لے جا کر ووٹ ڈالنا ہے۔
انتخابی جلسے سے خطاب کرتے ہوئے ان کا کہنا تھا کہ ہم نے بینظیر کو دومرتبہ وزیراعظم بنایا پھر ہم پر ہی آپریشن شروع کر دیا گیا، پیپلزپارٹی یاد رکھنا تمہیں بخشا نہیں جائے گا، حیدر آباد والوں آج تیرکے دفن ہونے کا دن ہے۔خالد مقبول صدیقی کا کہنا تھا کہ آج آپ نے پکے قلعہ کا گراؤنڈ بھر کر یہ سوچنے پر مجبور کردیا کہ جشن کہاں منائیں، آج حیدر آباد والوں آپ کو دیکھ کر آپ کا دشمن اپنی موت آپ مرگیا ہے، آپ نے اپنے ساتھ پچاس پچاس، سو سو لوگ لے جا کر ووٹ ڈالنا ہے۔ان کا کہنا تھا کہ دیکھ لو پاکستان والوں آج حیدر آباد کو گراؤنڈ چھوٹا پڑ گیا ہے، آج یہ شہر وارننگ دینے آیا ہے آج حیدر آباد کے جیالے نکل آئیں ہیں، جوخواب میں دیکھ رہے تھے وہ تعبیر حیدرآباد دے رہا ہے،خالد مقبول صدیقی کا مزید کہنا تھا کہ پیپلزپارٹی تمہیں چھوڑا نہیں جائے گا یہ قوم تم سے 15 سال کا حساب لےگی،15 سال تم نے ہماری مرضی کے بغیر قبضہ کیا ہو ا تھا اس کا حساب ایم کیو ایم لے گی، پاکستان بنانے والوں کی اولاد ہیں اس پاکستان کو چلا سکتے ہیں۔

کراچی میں الیکشن کمیشن آفس کے باہر معمولی نوعیت کا دھماکہ ہوا ہے۔ تاہم اس سے کوئی نقصان نہیں ہوا۔حکام کے مطابق کراچی کے علاقے صدر میں شاہراہ عراق پر واقع صوبائی الیکشن کمیشن افس کے باہر فٹ پاتھ پر رکھے ہوئے شاپر میں دھماکہ ہوا۔ ہلکی نوعیت کے دھماکے سے قریب کھڑی ہوئی گاڑیوں یا کسی اور عملہ کو کوئی نقصان نہیں پہنچا۔پولیس ذرائع کے مطابق گاڑیوں کی پارکنگ کرنے والے ایک نوجوان نے الیکشن کمیشن آفس کے گیٹ کے قریب فٹ پاتھ پر رکھے ہوئے شاپر کو اٹھا کر دوسری طرف رکھا تو دھماکہ ہو گیا۔وقوعہ کے بارے میں مزید چھان بین کی جا رہی ہے۔ ایس ایس پی ساؤتھ کے مطابق بی ڈی سکواڈ نے کنفرم کیا ہے شاپر میں کم مقدار میں بارودی مواد تھا۔ بارودی مواد کے ساتھ کوئی بال بیرنگ یا دوسری نقصان پہنچانے والی چیز نہیں تھی۔ اس جگہ کے حوالے سے کوئی سکیورٹی تھریٹس نہیں تھیں۔

س بار قوی امکان ہے کہ تمام سیٹیں جیت جائیں گے، پیپلز پارٹی ہر سیٹ سے کامیابی حاصل کرے گی، پنجاب اور کے پی میں بڑی کامیابی ملے گی۔ میڈیا سے گفتگو کرتے ہوئے شرجیل انعام میمن نے کہا کہ پیپلز پارٹی کی جانب سے 4 فروری کو بلاول بھٹو کے لئے پروگرام کا اہتمام کیا جا رہا ہے، یہ پروگرام انتہائی تاریخی پروگرام ہوگا، عوام اس پروگرام کو کامیاب کریں گے، عوام اپنے قائد کا عظیم الشان استقبال کرنے جا رہے ہیں،شرجیل انعام میمن نے کہا کہ سب جانتے ہیں کہ بانی پی ٹی آئی نے ملک کو بدترین معاشی بدحالی میں مبتلا کیا، نواز شریف اور بانی پی ٹی آئی اپنی "میں” سے باہر نہیں نکلے، عوام روٹی، کپڑا، مکان، گیس اور بجلی مانگ رہے ہیں، آصف زرداری کہتے ہیں کہ عوام کو روٹی، کپڑا اور مکان دو۔
شرجیل انعام میمن نے کہا کہ بلاول بھٹو نے الیکشن مہم سب سے پہلے شروع کر کے دیگر کو جگایا، لوگ اب پرانی سیاست کو دفن کرنا چاہتے ہیں، عوام نواز شریف اور بانی پی ٹی آئی کے نعروں سے تنگ آچکے ہیں جبکہ چیئرمین پیپلز پارٹی عوام کی بات کر رہے ہیں، یہ نئی سوچ پورے ملک میں مثبت انقلاب لائے گی۔
انہوں نے کہا کہ بہت جھوٹے نعرے عوام نے دیکھ لیے، یہاں بھی ہمارے مدمقابل جماعتوں نے عوام کے لئے کچھ نہیں کیا، لوگوں کو ان کی خواہش پر کامیاب نہیں ہونے دیا جائے گا، کسی کو زبردستی دھاندلی کرنے نہیں دیں گے، سندھ اور بلوچستان میں پیپلز پارٹی کلین سویپ کرے گی، ساؤتھ پنجاب میں بھی پراگریس اچھی ہوگی۔
انہوں نے کہا کہ ہوسکتا ہے پیپلز پارٹی کو وفاق میں حکومت بنانے کے لئے آزاد ارکان کی ضرورت پڑے، ہو سکتا ہے کسی جماعت سے بھی بات کریں، ماضی میں بھی ہم نے اسی طرح حکومت بنائی تھی، اگر نمبر پورے ہیں تو بھی دیگر جماعتوں کو ساتھ ملایا جا سکتا ہے، پیپلز پارٹی سنگل میجارٹی بھی لا سکتی ہے۔

پیپلزپارٹی کے چیئرمین بلاول بھٹو زرداری نے کہا ہے کہ عوام کی بلاتفریق خدمت کریں گے، ہم سب مل کر مہنگائی، غربت کا مقابلہ کریں گے، عوام کے ساتھ بیٹھ کر تمام مسائل کا حل نکالوں گا۔ پیپلزپارٹی نفرت اور تقسیم کی سیاست پر یقین نہیں رکھتی، حکومت بنی تو نفرت اور تقسیم کی سیاست کو دفن کروں گا۔ آصفہ بھٹو زرداری نے کہا ہے کہ حکومت میں آکر ملک بھر میں 30 لاکھ گھربنا کردیں گے۔ بلاول بھٹو نے کہا کہ نہ کھپے نہ کھپے، میاں صاحب نہ کھپے، اگر کوئی جماعت آپ کی نمائندگی کر سکتی ہے تو وہ پیپلز پارٹی ہے، ہم نے بہت مشکل دور دیکھے، کوویڈ کا دور دیکھا، سیلاب کا سامنا کیا، سیلاب کے دوران شکار پور آیا تھا، سیلاب متاثرین خواتین کا مطالبہ تھا کہ گھر بنا کر دیے جائیں، بطور وزیر خارجہ پوری دنیا سے پیسا اکٹھا کیا، 20 لاکھ گھر بنا رہے ہیں۔
بلاول بھٹو نے مزید کہا کہ سندھ میں نفرت کی سیاست شروع کرنے والوں کو بھرپور جواب دیں، تیر پر ٹھپا لگا کر میرے امیدواروں کو منتخب کروادیں، مجھے شکار پور سے 100 فیصد نشستیں چاہئیں، مجھے اکثریت دلائیں گے تو آپ کے مسائل حل کرنا آسان ہوگا، آپ کی جدوجہد کر رہا ہوں، آپ پیپلز پارٹی کا ساتھ دیں، آپ کے جو مسائل ہوں گے، آپ کے ساتھ بیٹھ کر حل نکا لوں گا۔پی پی پی چیئرمین نے کہا کہ دیگر سیاسی جماعتیں نفرت اور تقسیم کی سیاست کر رہی ہیں، سیاست کو ذاتی دشمنی میں تبدیل کرنے سے ملک کو نقصان ہو رہا ہے، تخت لاہور کی لڑائی کا بوجھ آپ اٹھا رہے ہیں، پیپلز پارٹی نفرت کی سیاست پر یقین نہیں رکھتی، وزیراعظم بن کرنفرت اور تقسیم کی سیاست ختم کروں گا، کوئی مذہب، لسانی اور فرقہ وارانہ سیاست پر تقسیم کرنا چاہتا ہے، میں بلا تفریق آپ کی خدمت کرنا چاہتا ہوں۔

مسلم لیگ (ن) کے ساتھ سیٹ ایڈجسٹمنٹ کے مذاکرات واپس لینے کے بعد چوہدری شجاعت حسین کی زیرقیادت مسلم لیگ (ق) نے قومی اسمبلی کے حلقہ این اے127 لاہور کی دوڑ میں پیپلز پارٹی کے بلاول بھٹو زرداری کی کھل کر حمایت شروع کردی ہے۔

وہیں شہر قائد کراچی میں مسلم لیگ ق نے پیپلز پارٹی کے امیدواروں کی حمایت کر دی ہے،مسلم لیگ ق سندھ کے صدر طارق حسن ، پیپلز پارٹی کے سعید غنی اور وقار مہدی نے مشترکہ پریس کانفرنس کی ہے، طارق حسن کا کہنا تھا کہ کل میں نے چوہدری شجاعت سے ملاقات کی,جہاں یہ فیصلہ کیا گیا کہ ہم اپنے امیدواروں کو پیپلز پارٹی کے حق میں دستبردار کررہے ہیں,ہمارا پیپلز پارٹی کے ساتھ پہلے بھی اچھا تعلق رہا, ہم نے چوہدری شجاعت کے فیصلے کی تائید کی ہے,ہمارے امیدوار کچھ یہاں موجود ہیں,جو یہاں موجود نہیں ہیں ان کا بھی بعد میں فیصلہ کیا جائے گا,اپنے تمام سپورٹرز کا مشکور ہیں,جن جن حلقوں میں ہمارے امیدوار بیٹھ رہے ہیں,ہم ملکر معاملات آگے بڑھائیں گے,ہم پیپلز پارٹی کے امیدواروں کو کامیاب کرائیں گے,

پیپلز پارٹی کے رہنما وقار مہدی کا کہنا تھا کہ میں مسلم لیگ ق کے سربراہ چوہدری شجاعت کا مشکور ہوں, انہوں نے یہ فیصلہ کیا ہے صوبہ سندھ میں ہمارے حق میں فیصلہ کیا ,انہوں نے ایک بڑے دل کے ساتھ فیصلہ کیا ہے ,پیپلز پارٹی اور مسلم لیگ ق کا ایک دیرینہ تعلق ہے,اس سلسلے میں آصف علی زرداری اور چوہدری شجاعت کا رابطہ ہوا تھا,خیر پور ، جیکب آباد میں بھی امیدوار ہیں،مسلم لیگ ق کے وہ بھی امیدوار دستبردار ہورہے ہیں ۔پیپلز پارٹی پاکستان میں انتخابی طور پر لیڈ کررہی ہے۔ہم سنگل لارجسٹ پارٹی بننے جارہے ہیں ۔پیپلز پارٹی عوام کی طاقت سے سندھ 100 سے زائد نشستیں حاصل کریں گے۔

پی ٹی آئی کی اندرونی لڑائیاں۔ فواد چوہدری کا پرویز الٰہی پر طنز

خدشہ ہے کہ پرویز الٰہی کو گرفتار کر لیا جائیگا

پرویز الہیٰ کے خلاف ایک اور مقدمہ درج کر لیا گیا ،

پرویزالہٰی کی حفاظتی ضمانت پر تحریری فیصلہ 

زمان پارک سے اسلحہ ملنے کی ویڈیو