Category: کراچی

کراچی : وزیرِاعلیٰ سندھ سید مراد علی شاہ سندھ حکومت اسپیشل بچوں کی فلاح وبہبود کیلئے کے وی ٹی سی کے ساتھ کھڑی ہے، کے وی ٹی سی کے ویژن 2030 کو پورا کیا جائے گااور سندھ کے کم از کم 5000 مختلف طور پر معذور افراد کومضبوطی کے ساتھ قابل بنایا جاسکے۔انہوں نے ان خیالات کا اظہارکراچی ووکیشنل ٹریننگ سینٹرمیں زیرِتعلیم خصوصی افراد کے لیے پہلی گریجویشن تقریب سے خطاب کے دوران کہی۔
اس موقع پر وزیراعلیٰ سندھ سید مراد علی شاہ کے وی ٹی سی کے سی ای او سینیٹر عبدالحسیب خان کے ہمراہ بچوں میں گھل مل گئے اور اسپیشل بچوں کے ساتھ سیلفیاں بنائیں۔ وزیرِاعلیٰ سندھ سید مراد علی شاہ نے پاکستان میں خصوصی افراد کے لیے پہلی گریجویشن تقریب کے انعقاد پر خصوصی افراد کے ادارے کے وی ٹی سی کو مبارکباد دی اور گریجویٹ ہونے والے طلباء میں میڈلز اور اسناد تقسیم کیں۔

تقریب میں مختلف سیاسی و سماجی شخصیات نے شرکت کی جن میں کے وی ٹی سی کے سی ای او سینیٹر عبدالحسیب خان، وائس پریزیڈنٹ قیصر عالم، چیئرمین یونی لیور عامر رسول پراچہ، خالدمیر، وزیرِاعلیٰ کے معاونِ خصوصی صادق علی میمن، ڈپٹی کمشنر ساؤتھ، کراچی ارشاد علی سودھر ، اٹک سیمنٹ کے سی ای او بابر بشیر نواز، ترجمان ایس ایس جی سی سلمان اے صدیقی،احمد شاہ، اور بروکس فارما کے ندیم خان اور عمر خان اور و دیگر شامل تھے۔
جبکہ کے وی ٹی سی کی مینجمنٹ کمیٹی کے اراکین پرنسپل محترمہ ثناء ایاز،ڈائریکٹر ریہیبلی ٹیشن عامر شہاب، سینئر ایگزیکٹو ایڈمنسٹریشن محترمہ فرحین عامر، محترمہ سبین وقار، عمران سہیل ،بشریٰ میر، علینہ فاطمہ بھی موجود تھیں۔وزیراعلیٰ کے معاون خصوصی صادق علی میمن نے ادارے کے مستقبل کے اہداف کی تکمیل کے لیے اپنے محکمے اور سندھ حکومت کے مکمل تعاون کی یقینی دہانی کرواتے ہوئے کہا کہ کے وی ٹی سی کا کام قابلِ تحسین ہے اور ہم ہر موقع پر ان کے ساتھ ہیں۔
تقریب سے خطاب کرتے ہوئے سینیٹر عبدالحسیب خان نے کہا کہ آج کا دن ہمارے ان بچوں کے لئے اور ہمارے لئے بہت اہم ہے، ان بچوں کی لگن اور ہمارے ٹیچرز کی محنت کا ثمر ہے اور میں کے وی ٹی سی کے تمام خیرخواہوں کا شکرگزار ہوں کہ انہوں نے تقریب میں شریک ہوکر ہمارا حوصلہ بڑھایا۔ عامر پراچہ نے کارپوریٹ سیکٹر کو کے وی ٹی سی کے عظیم مقصد میں تعاون کرنے پر زور دیا۔

کراچی: متحدہ قومی موومنٹ (پاکستان)کے کنونیئر ڈاکٹر خالد مقبول صدیقی نے کہا ہے کہ ہمارے بغیر نہ حکومت بن سکتی ہے اور نہ ختم ہوسکتی ہے، ایک اچھے وقت اور آنے والے ہفتے کے درمیان ہمارا امتحان آرہا ہے، حکومت کو بچانے سے زیادہ جمہوریت بچانے کا فیصلہ کرنا ہے۔

بہادر آباد میں جنرل ورکرز اجلاس سے خطاب کرتے ہوئے ڈاکٹر خالد مقبول صدیقی کا کہنا تھا کہ کیا ہم اچھے وقت کے لیے تیار ہیں؟ تین بڑی جماعتیں، ن لیگ، تحریک انصاف اور پیپلز پارٹی دو کے تجربے ہم کر چکے ایک کا ہو رہا ہے، جو توڑنے اور بکھیرنے کے فارمولے تھے وہ سب ناکام ہو چکے۔
خالد مقبول صدیقی کے مطابق جو ہم کو ختم کرنے آئے تھے آج ان کے حوصلے ختم ہونے والے ہیں، ہماری سیاسی آزادی اور تعلیم پر قدغن لگانے والوں کا وقت ختم ہونے والا ہے، ہمارے طرز سیاست نے جاگیرداروں اورسرمایہ داروں کو متحد کردیا تھا۔
انہوں نے کہا کہ ہم بڑے خوش نصیب تھے کہ آزادی ملی مگر بدنصیبی سے ہم اسکی قدر نہیں کرسکے، ہم نے آزادی کی بھاری قیمت کے باوجود آزادی کی قدر کیوں نہیں کی، آزادی کی قدر اس لیے نہ ہوسکی کہ پاکستان ان کے ہتھے لگا جو سب سے بڑے غلام تھے۔

خالدمقبول صدیقی نے کہا کہ آج عہد کرتے ہیں جس مقصد کیلیے یہ ملک بناتھا اس کو جان دیکر بھی بچائیں گے، ہماری تحریک کے زیر اثر ہی ہماری سیاست رہے گی، سیاست ایم کیوایم پاکستان کا مقصد نہیں صرف نظریہ تک پہنچنے کا راستہ ہے، نام نہاد جاگیردارانہ جمہوریت اپنی آخری سانسیں لے رہی ہے۔

کراچی : علامہ قاری کلیم اللّٰہ نقشبندی کی زیر صدارت سالانہ تقریب تقسیم اسناد کا انعقاد کیا گیا ۔

تفصیلات کے مطابق ہیومن ہیلپ ویلفیئر ٹرسٹ کے ادارے ایچ ایچ اسلامک اکیڈمی کی سالانہ تقریب تقسیم اسناد گلشن سرجانی میں علامہ قاری کلیم اللہ نقشبندی کی زیرصدارت منعقدکی گئی جس میں پاک امن ویلفیئر ایسوسی ایشن کے چیئرمین سعیداحمدبیگ،پاکستان پیپلزپارٹی کے سینئر رہنماسید سہیل عابدی، آل میچ میکرزایسوسی ایشن کے چیئرمین سمیع شیخ،پاکستا ن مسلم لیگ ن کے رہنماوقارحسین گورچانی،جرنلسٹ یونین آف پاکستان کے چیئرمین راناتنویر احمد،اکیڈمی کے ڈائریکٹرمفتی حفیظ اللہ ہادیہ،جے یوپی رہنمافقیر ملک محمدشکیل قاسمی،وڈیرہ علی حسن بروہی، حمید میمن،سلیم لالا،رضوان،فہیم شاہ،پاکستان مسلم لیگ ف کے وصی الحق ملک،معروف ثناء خواں ڈاکٹرطلحہ قادری،سینئر صحافی سرفرازحسین ساگر،پرائیویٹ اسکول رہنماقیصر،فہد،وصی شاہ، شازیہ ریحان نے بحیثیت مہمان خصوصی شرکت کی۔

اس موقع پر مہمانان گرامی نے نمایاں پوزیشن حاصل کرنے والے طلبہ میں ٹرافیاں،میڈلز اور سرٹیفکیٹ تقسیم کئے،جبکہ اکیڈمی کے ڈائریکٹر مفتی محمدحفیظ اللہ ہادیہ نے مہمانان گرامی کو یادگاری شیلڈز پیش کیں۔اس موقع پر اکیڈمی کی اساتذہ اور اسٹاف کو بھی ایوارڈ ز دیئے گئے۔تقریب سے خطاب کرتے ہوئے مقررین نے کہا کہ پسماندہ علاقوں کے بچوں میں صلاحیتوں کا کوئی فقدان نہیں،ایچ ایچ اسلامک اکیڈمی علاقے کے بچوں کی ذہنی صلاحیتوں کو اجاگر کرنے میں کرداراداکررہی ہے، موجودہ دورمیں پرائیویٹ تعلیمی ادارے نہایت کم وسائل کے باوجود علاقے کے بچوں کو زیورتعلیم سے آراستہ کرکے باوقار شہری بنانے میں اپناکرداراداکررہے ہیں جو لائق تحسین ہے۔مقررین نے اپنے خطاب میں کہاکہ ہمارے بچے کسی بھی ترقی یافتہ ملک کے بچوں سے صلاحیتوں میں کسی طوربھی کم نہیں ہیں،اکیڈمی کے جن طلبہ نے پوزیشن حاصل کی ہیں وہ مزید محنت کرکے اپنے اساتذہ اور والدین کا سرفخرسے بلندکریں اور جوبچے پوزیشن حاصل کرنے سے رہ گئے ہیں وہ اپنی صلاحیتوں کو بڑھائیں اور کوشش کریں کہ اگلی مرتبہ آپ بھی نمایاں پوزیشن حاصل کریں۔