Category: کراچی

درخشاں پولیس نےکلفٹن میں وفاقی وزیر کے رشتےدار کے گھر سے بھتہ طلب کرنے والے دو ملزمان کو گرفتار کرلیا، مذکورہ ملزمان سیکیورٹی گارڈ تھے۔

اس حوالے سے پولیس حکام کا کہنا ہے کہ شکایت ملنے پر ساؤتھ زون پولیس نے دو بھتہ خوروں کو گرفتار کیا ہےبھتے طلب کرنے میں ملوث سابق سیکیورٹی گارڈ سمیت 2 ملزمان گرفتار کیے گئے ہیں۔

اے ایس پی درخشاں زبیر شیخ کے مطابق ملزمان کی جانب سے30 لاکھ روپے بھتہ طلب کیا گیا تھا، ملزمان نے اہل خانہ کوگل نامی ملازم کے ذریعے بھتہ بھجوانے کا کہا۔

اے ایس پی رانا محمد دلاور کا کہنا ہے کہ سابق سیکیورٹی گارڈ ایاز نے ملزم گل کو واقعے کے اگلے روز کال کرکے معاملہ پوچھا، کالز پر ایاز مشکوک معلوم ہوا تو تفتیش شروع کی۔

پولیس افسر کے مطابق ایاز کو کچھ ماہ قبل نوکری سے نکالا گیا تھا، ساتھی سیکیورٹی گارڈ رانا سجاد سے مل کر ایاز نے بھتے کا منصوبہ بنایا۔

اے ایس پی نے مزید بتایا کہ گرفتار ملزمان نشے کےعادی ہیں پیسے نہ ہونے پر بھتہ طلب کیا، ملزمان نے بھتہ نہ دینے پر اہل خانہ کو جان سے مارنے کی دھمکی بھی دی تھی۔

کراچی پولیس نے لی مارکیٹ میں رہائشی عمارت کے بیسمنٹ میں واقع گودام سے مدفون جنگی ہتھیار برآمد کرنے کے بعد گودام سیل کردیا۔

ڈسٹرکٹ سینٹرل پولیس نے خفیہ اطلاع پر ایس ایس پی سینٹرل ملک مرتضیٰ کے ہمراہ آپریشن کیا اور اولڈ سٹی ایریا لی مارکیٹ کے قریب رہائشی عمارت کے گودام میں 9 گھنٹے کھدائی کے بعد کئی سالوں پُرانے زنگ لگے ہتھیار برآمد کرلیے۔

پولیس نے بیمسمنٹ میں واقع گودام سیل کردیا جب کہ گودام کے داخلی راستے پر پولیس اہلکار تعینات کردئیے گئے ہیں۔

پولیس کا کہنا ہے کہ گودام کی پانچ فٹ تک کھدائی کی گئی، جس کے بعد اینٹی ائیر کرافٹ گن، ایل ایم جی، رائفلز اور دیگر اسلحہ برآمد ہوئیں، یہ اسلحہ جنگوں میں استعمال ہتھیاروں کی نوعیت کا ہے، ان ہتھیاروں سے جہاز ہیلی کاپٹر ٹینک یا عمارتوں کو اڑایا جاسکتا تھا۔

ایس ایس پی سینٹرل کا کہنا ہے کہ برآمد ہونے والے جنگی ہتھیار زنگ آلود ہیں، اسلحے کی فرانزک کرائی جائے گی۔

پولیس حکام کا کہنا ہے کہ اسلحہ کہاں سے لایا گیا اور کب یہاں رکھا گیا تعین ہونا باقی ہے لیکن اس سے ملتا جلتا اسلحہ چند برس قبل عزیز آباد سے بھی برآمد ہوا تھا۔

پولیس کا کہنا ہے کہ جس جگہ سے اسلحہ ملا اس علاقے میں گینگ وار اور سیاسی جماعتوں کے عسکری ونگز سرگرم تھے، ممکنہ طور پر 2013 کے بعد کراچی میں جاری آپریشن کے دوران اسلحہ یہاں چھپایا گیا تھا۔

ملک بھر میں کرونا کیسز کی بلند ترین شرح کراچی میں ریکارڈ کی گئی جہاں یومیہ شرح 35.30 فیصد ریکارڈ کی گئی ہے۔

کرونا کیسز کی ضلع وار شرح ، رپورٹ کے مطابق ملک بھر میں اومیکرون ویرئنٹ پھیلنے کے بعد سے کرونا کیسز میں تیزی سے اضافہ دیکھنے میں آرہا ہے۔

گزشتہ چوبیس گھنٹے کے دوران کراچی میں کرونا کی شرح 35.30 فیصد ریکارڈ کی گئی جب کہ حیدرآباد میں کرونا کیسز کی شرح 5.12 فیصد، گلگت میں 4.08 فیصد، مظفرآباد میں 11.90 اور میرپور میں 2.17 فیصد ریکارڈ کی گئی۔

ذرائع کا کہنا ہے کہ چوبیس گھنٹے میں اسلام آباد میں کرونا وائرس کی شرح 6.95 فیصد رہی جب کہ راولپنڈی میں کرونا کی شرح 9.94 فیصد ریکارڈ کی گئی۔

وزارت صحت کا کہنا ہے کہ لاہور میں شرح 8.50، کوئٹہ میں 0.95 جب کہ ایبٹ آباد میں کرونا وائرس کی یومیہ شرح 2.39 فیصد ریکارڈ کی گئی ہے۔

خیبرپختونخوا کے دارالحکومت پشاور میں کرونا کی شرح 5.43، بنوں میں یومیہ شرح 1.01 اور مردان میں 0.71 فیصد ریکارڈ کی گئی جب کہ گوجرانوالہ، ملتان، سکردو، دیامر میں یومیہ شرح صفر رہی۔

ذرائع وزارت صحت نے بتایا کہ 24گھنٹے میں 9 اضلاع میں کروناکی شرح 1 فیصد سے کم ریکارڈ کی گئی جب کہ چاروں صوبوں کے 25 اضلاع کرونا کے حوالے سے اہم ہیں۔

ارشد پپو قتل کیس پولیس افسران عدم پیشی کے باعث التوا کا شکار ہے، سماعت میں تفتیشی افسر انسپکٹر یامین گجر اور کیس کے گواہ سابق تفتیشی افسر عابد انصاری پیش نہ ہوئے۔

تفصیلات کے مطابق انسداد دہشت گردی عدالت جوڈیشل کمپلیکس میں ارشد پپو قتل کیس کی سماعت ہوئی، لیاری گینگ وار کے سرغنہ عذیر بلوچ،سابق ایم این اے شاہ جہاں بلوچ سمیت دیگر ملزمان پیش کیا گیا۔

پولیس افسران عدم پیشی کے باعث مقدمہ التوا کا شکار ہے ، تفتیشی افسر انسپکٹر یامین گجر ایک بار پھر پیش نہیں ہوئے جبکہ کیس کے گواہ سابق تفتیشی افسر عابد انصاری بھی غیر حاضر تھے، سابق تفتیشی افسر کا مقدمہ میں بیان قلمبند کیا جانا تھا۔

پولیس نے عدالت کو بتایا کیس میں نامزد ملزم سابق ایس ایچ او پیشی سے واپسی پر سولجر بازار کے علاقے میں ساتھی سمیت قتل کردیا گیا تھا۔

پولیس کا کہنا تھا کہ جاوید بلوچ ارشد پپو قتل کیس میں ملزم نامزد تھا، ارشد پپو کو تین ساتھیوں سمیت 2013 میں لیاری کے علاقے میں قتل کیا گیا تھا۔

عدالت نے افسران کی عدم پیشی پر عدالت نے سماعت 29جنوری تک ملتوی کردی۔