Category: کراچی

کراچی : پاکستان تحریک انصاف سندھ کے ترجمان و رکن سندھ اسمبلی ارسلان تاج اور صدر پی ٹی آئی کراچی و رکن سندھ اسمبلی بلال غفار اور رکن سندھ اسمبلی سدرہ عمران نے پارٹی سیکریٹریٹ انصاف ہاوس میں پریس کانفرنس سے خطاب کرتے ہوئے ملک میں اپوزیشن کی جانب سے حکومت کے خلاف منفی اقدامات کیے جانے کی شدید الفاظ میں مذمت کی۔
پریس کانفرنس سے خطاب کرتے ہوئے ترجمان پی ٹی آئی سندھ ارسلان تاج کا کہنا تھا کہ اس وقت ملکی سیاست میں مختلف ملاقاتوں کا سلسلہ جاری ہے۔ ایک ڈھکن کھولنے والے صوبائی وزیر کہتے ہیں کہ ہمیں ایسا کردینا چاہیے تھا۔ اقتدار کی ہوس یں یہ لوگ پہلے اقلیت ہونے کا طعنہ دیتے ہیں۔ کراچی سمیت پاکستان کے لوگ دیکھ رہے ہیں ۔

بے نظیر شہید کا نام لے کر غلیظ الفاظ استعمال ہورہے ہیں۔ صرف اقتدار کے لیے ان لوگوں کے ساتھ بیٹھے ہیں جو انکی مرحوم بیگم کے بارے میں برے الفاظ استعمال کرتے تھے۔ یہ لوگ بغض عمران خان میں سارے چوروں کے ساتھ بیٹھے ہیں۔ انکو ڈر ہے کہ عمران خان انکے حلق سے پیسے نکال لینگے۔ زرداری جن کے ساتھ دبئی میں سفر کیا کرتے تھے۔ مصطفی میمن کے پاس ایان علی کو بلاول ہاؤس لے کر آنے جانے کی ذمہ داری تھی۔
مصطفی میمن کی زمینوں اور پیٹرول پمپ پر زرداری مافیا قبضے کروارہا ہے۔ انہوں نے مزید کہا کہ زرداری کی تاریخ بہت پرانی ہے۔ بلاول زرداری کہتے ہیں کہ میری رگوں میں بی بی شہید، مرتضی بھٹو، آصف زرداری کا خون ہے، وہ ایک کا نام لینا بھول گئے۔ حاکم علی زرداری کا خون بھی شامل ہے۔ حاکم علی زرداری قائد اعظم محمد علی جناح کے لیے کہتا تھا کہ اس نے پاکستان بنا کر غلط کیا۔
بلاول زرداری تمہاری رگوں میں حاکم علی زرداری کا گندا خون ہے۔ آج جو سازشیں بیرونی قوتوں کے کہنے پر تم کر رہے ہو یہ تمہارے خون کا اثر ہے۔ آج تک بلاول نے حاکم علی زرداری سے لاتعلقی کا اعلان نہیں کیا۔ بلاول صاحب آپ کو اپنی نسل ہی یاد ہے۔ بمبینو سینما میں ٹکٹ بلیک کرنے والے کے خون آپکی رگوں میں دوڑ رہا ہے۔ یہ بلاول ہاؤس جہاں آپ رہ رہے ہیں۔
عزیر بلوچ نے بلاول ہاؤس کے ارد گرد لوگوں کے گھروں پر قبضہ کر کے بنایا ہے۔ بلاول نے کہا تھا کہ میں مارچ کے دوران وہاں ٹہرونگا جو مجھے 4 کروڑ دے گا۔ اور اسلام آباد پہنچ کر نوجوانوں کو ایک انجوائے کرنے کا موقع ملا۔ جب ٹیسٹ ٹیوب سے رہنما بنتے ہیں تو یہی حال ہوتا ہے، آپکی کانپیں ٹانگ رہی ہیں اور وہ ٹانگتی رہی گی۔ اس موقع پر پی ٹی آئی کراچی کے صدر بلال غفار کا کہنا تھا کہ ملک میں اس وقت تمام موسٹ وانٹڈ کرمنل ایک ہوگئے ہیں۔
عمران خان نے آج سے بہت پہلے کہا تھا کہ جب ان سے پیسے نکلوائے جائینگے تو یہ سارے چور ایک ہوجاینگے۔ یہ سب چور غیر ملکی سازش کے تحت سب ایک ہوئے ہیں۔ یہ سب را ، موساد کے ایجنٹس ہیں جو پاکستان کے خلاف کام کر رہے ہیں۔ عمران خان نے واضح بتا دیا ہے کہ ہم خودمختار خارجہ پالیسی ہوگی۔ یورپی یونین بھی عمران خان کے مضبوط موقف کے بعد انڈیا کو خط لکھنے پر مجبور ہوگئے۔
3.5 سال سے ایک بھی درون حملہ نہیں ہوا۔ کیا ہم واپس وہی حکمران چاہتے ہیں یہ وہ لوگ ہیں جو غیر ملکی آقاؤں کے ایجنڈے پر چل رہے ہیں۔ غیر ملکی فنڈنگ سے ڈالرز میں لوگوں کے۔ ضمیر خریدے جارہے ہیں۔ شہباز شریف کہتے ہیں کہ عمران خان یورپی یونین کے خلاف بات کیوں کررپا ہے۔ جوائنٹ اپوزیشن والوں آپ نے دیکھ لیا کہ عوام کے ساتھ لوگ کھڑے ہیں۔ کراچی کی عوام بھی ڈی چوک جانے کے لیے تیار ہے۔
پاکستان کی تاریخ کا سب سے بڑا جلسہ اسلام آباد میں ہونے جارہاہے۔ کراچی کے ورکرز اسلام آباد جانے کے لیے تیار ہیں۔ میں جوائنٹ اپوزیشن کو کہتا ہوں کہ سیاست میں اتنا نہیں گرے کہ ملک کو نقصان نہ پہنچے۔ پورا ملک جان چکا ہے کہ ایک طرف پورا ملک ہے دوسری طرف عمران خان ہے، کراچی میں عوامی رابطہ کی مہم بھی جلد شروع ہوگی۔ بہت بڑا قافلہ کراچی سے اسلام آباد جائے گا۔

کراچی : سندھ اسمبلی میں اپوزیشن لیڈرحلیم عادل شیخ اور رکن سندھ اسمبلی سعید آفریدی نے مولانا طارق جمیل سے ملاقات کی جس میں طارق جمیل نے وزیراعظم کوخصوصی دعائیں دیں۔تحریک عدم اعتماد کے حوالے سے حکومتی کیمپ اور اپوزیشن کیمپ کی سیاسی سرگرمیاں تو جاری ہیں اب پی ٹی آئی نے تحریک عدم اعتماد کی ناکامی کیلیے خصوصی اقدامات شروع کردیئے ہیں۔

پی ٹی آئی رہنما علمائے کرام سے ملاقات کرکے ان سے وزیراعظم کی کامیابی کیلیے خصوصی دعائیں کرارہے ہیں۔گزشتہ روز سندھ اسمبلی میں اپوزیشن لیڈر حلیم عادل شیخ اور ایم پی اے سعید آفرید نے ممتاز عالم دین مولانا طارق جمیل سے ملاقات کی، جس کا احوال ایم پی اے سعید آفریدی نے اپنے ٹوئٹر پیغام میں لکھا ہے۔سعید آفریدی نے ملاقات کی تصویر ٹوئٹ کرتے ہوئے لکھاکہ آج مولانا طارق جمیل سے کراچی میں ملاقات کا شرف حاصل ہوا ہے۔ٹوئٹ میں انہوں نے لکھاکہ مولانا طارق جمیل صاحب نے وزیراعظم عمران خان کی کامیابی کیلیے ڈھیروں دعائیں کی ہیں۔ دراصل طارق جمیل جیسے عالم دین ہمارے ملک کا اثاثہ ہیں۔

کراچی : سندھ میں مویشیوں میں لمپی اسکن نامی بیماری سے مرنیوالے جانوروں کی تعداد 162 ہو گئی۔صوبائی ٹاسک فورس نے لمپی اسکن بیماری کے اعداد و شمار جاری کر دئیے ہیں جس کے مطابق اب تک صوبے میں جلدی بیماری سے ہونے والی جانوروں کی تعداد 162 تک پہنچ گئی ہے۔صوبائی ٹاسک فورس کے مطابق جلدی بیماری سے ایک روز میں مزید 6 جانور مر گئے
بیمارجانوروں کی تعداد میں بھی مزیداضافہ ہو گیا، بیماری میں مبتلا جانوروں کے 766نئے کیسزسامنے آئے اور بیمار جانوروں کی تعداد 24ہزار 9سو 48 سے تجاوز کر گئی ہے۔
صوبائی ٹاسک فورس نے کہاکہ لمپی اسکین سے صحتیاب ہونے والیجانوروں کی تعداد 8 ہزار491 ہو گئی ہے۔دوسری جانب ڈائریکٹوریٹ جنرل لائیو اسٹاک سندھ نے مویشی منڈیوں پر عائد پابندی ختم کرنے کا مطالبہ کرتے ہوئے کہا کہ لمپی اسکن سے انسانی جان کو کوئی خطرہ نہیں ہے۔
ڈائریکٹوریٹ جنرل لائیو اسٹاک اینیمل سائنسز نے سیکرٹری سندھ کو خط تحریر کیا ہے، جس میں کہا گیا ہے کہ پابندی سے عوام میں دودھ اور گوشت کے ذریعے انسانوں میں بیماری کی منتقلی کے حوالے سے غلط فہمی پھیل رہی ہے۔ڈاکٹر نذیر حسین نے کہا کہ مویشیوں کی بیماری لمپی اسکن سے انسانی جان کوکوئی خطرہ نہیں ، اس لیے مویشی منڈیوں پر عائد پابندی ختم کی جائے۔

کراچی : پاکستان کی متنازع ٹک ٹاک اسٹار و اداکارہ حریم شاہ نے چیئرمین پی پی بلاول بھٹو کی اردو پر تنقید کرنے والوں کو آڑے ہاتھوں لیتے ہوئے کہا ہے کہ بلاول کی اردو سب سے منفرد اور اسٹائل بھی مختلف ہے، ان شااللہ وہی اگلے وزیراعظم ہوں گے۔

حال ہی میں پاکستان پیپلز پارٹی کے چیئرمین بلاول بھٹو زرداری کی وفاقی دارالحکومت اسلام آباد میں عوامی مارچ سے خطاب کے دوران زبان پھسلنے کی ویڈیو وائرل ہوئی تھی جس پر سوشل میڈیا صارفین نے دلچسپ تبصرے کیے۔
سوشل میڈیا پر وائرل ویڈیو میں دیکھا جاسکتا ہے کہ بلاول بھٹو نے جیالوں کا جوش بڑھانے کے لیے کہا کہ آپ کا جوش و جذبہ اسلام آباد کو ہلا رہا ہے اور اسلام آباد کی کانپیں ٹانگ رہی ہیں، یعنی انہوں نے خطاب کے دوران ٹانگیں کو کانپیں اور کانپ کو ٹانگ کہہ دیا تھا۔

بلاول کی لفظوں میں گڑبڑ کے بعد کانپیں ٹانگ سوشل میڈیا ٹرینڈ بن گیا تھا جس کے بعد عام عوام سمیت شوبز شخصیات کی جانب سے بھی بلاول کے جملوں پر پیروڈی ویڈیوز بنائی گئیں۔

اب اس ویڈیو پر ردعمل دینے کے لیے حریم شاہ نے انسٹاگرام کا رخ کیا جہاں انہوں نے اپنا ایک تفصیلی ویڈیو پیغام جاری کیا۔حریم شاہ نے بلاول بھٹو کا ساتھ دیتے ہوئے کہا کہ غلطی کوئی بھی کرسکتا ہے، اسی طرح بلاول سے بھی بولنے میں تھوڑی گڑ بڑ ہوگئی، اگر ہم نے سور حجرات پڑھی ہوتی یا ہمیں کچھ شرم ہوتی تو ہمیں معلوم ہوتا کہ کسی کا مذاق اڑانا کتنی غلط بات ہے۔
انہوں نے کہا کہ ہم میں کوئی بھی انسان بہت اچھی اردو نہیں بول سکتا اور غلطی تو ہر دور میں کسی نہ کسی سیاستدان یا مشہور شخصیت سے ہوئی ہے، اس پر مذاق اڑانا درست نہیں۔ٹک ٹاک اسٹار نے کہا کہ بلاول کی تعلیمی ڈگری بین الاقوامی ہیں جس کی وجہ سے سب ان کی اردو کا مذاق اڑاتے ہیں لیکن انسان وقت کے ساتھ ہی سیکھتا ہے اور میری نظر میں بلاول بھٹو کی اردو سب سے منفرد ہے۔
انہوں نے کہا کہ ہمیں خوش ہونا چاہیے کہ بلاول جیسا نوجوان اور خوبصورت انسان سیاست میں آگے آرہا ہے اور ان شااللہ مستقبل میں وہی پاکستان کے وزیراعظم ہوں گے۔حریم شاہ نے بلاول کے ناقدین کو جواب دیتے ہوئے کہا کہ جن سیاستدانوں نے بلاول بھٹو کا مذاق اڑایا ہے انہیں کچھ شرم کرنی چاہیے کہ اتنے بڑے عہدے پر بیٹھ کر وہ معصوم اور نوجوان بلاول کا مذاق اڑا رہے ہیں۔ انہوں نے مزید کہا کہ میں بلاول سے بہت محبت کرتی ہوں، میری سپورٹ بھی ان کے ساتھ ہے اور بلاول ہمارے اگلے وزیراعظم ہیں۔

کراچی : کے ایم سی کے مرکزی صدر سید ذوالفقار شاہ نے کہا ہے کہ بلدیہ عظمیٰ کراچی میں 3 سال کے وقفے کے بعد فوتگی کوٹے پر کاغذات کی تصدیق اور انٹرویو کے مراحل مکمل ہونے کے بعد 326 وفات شدہ ملازمین کے بچوں بیوائوں کو ملازمتیں فراہم کرنے کی تمام تر تیاریاں مکمل کرلی گئی ہیں جبکہ 49 ملازمین کو ان کے محکموں کے افسران اور عملے کی غفلت لاپرواہی، سستی کی وجہ سے تاخیر کرنے پر ان کے کیسز مسترد کردیئے گئے۔
ان میں اکثر کے پاس بروقت درخواستیں جمع کروانے کے دستاویزی شواہد بھی موجود ہیں لیکن فوتگی کوٹے کی کمیٹی میں شامل بعض تعصب رکھنے والے افسران کی وجہ سے ان 49 کیسز کو مسترد کیا گیا ہے۔ انہوں نے کہا کہ ان کیسز کا ازسرنو جائزہ لے کر انہیں بھی تقرری ناموں کی فہرست میں شامل کیا جائے بصورت دیگر سجن یونین اس زیادتی کے خلاف عدالت سے رجوع کرنے پر مجبور ہوجائے گی۔
انہوں نے گزشتہ روز بلدیہ عظمیٰ کراچی کے افسران و ملازمین ایڈیشنل ڈائریکٹر فنانس انور زیدی کے صاحبزادے، ایڈیشنل ڈائریکٹر وہیکل محمد عثمان کے والدہ، والدہ، ڈائریکٹر بجٹ ناصر محمود اسحاقی کی والدہ، ڈائریکٹر قبرستان اقبال پرویز کی والدہ، سابق ڈائریکٹر اسٹیٹ ایاز خان اور اعجاز خان کی ہمشیرہ، کیمرہ مین ایس ایم طارق کی اہلیہ سمیت دیگر مرحومین کے ایصال کیلئے قرآن خوانی اور اجتماعی فاتحہ کا اہتمام کرنے پر انتظامیہ کے اس قدم کی تعریف کی ہے۔

کراچی : ایک غیر ملکی تماشائی نے اپنی والدہ کو پاکستان منتقل ہونے کا بتاتے ہوئے ان سے اپنے کپڑے بھجوانے کا مطالبہ کیا ہے۔

کراچی میں موسم گرم ہونے کے باوجود ٹیسٹ میچ دیکھنے کیلئے بڑی تعداد میں ملکی اور غیر ملکی تماشائی اسٹیڈیم کا رخ کر رہے ہیں ، اس موقع پر سکیورٹی کے بھی انتہائی سخت انتظامات کیے گئے ہیں،پاکستان کرکٹ بورڈ کی جانب سے سوشل میڈیا پر میچ کے دوران اسٹیڈیم میں موجود تماشائیوں کی کچھ تصاویر شیئر کی گئی ہیں۔

ایک تصویر میں ایک غیر ملکی تماشائی نے ہاتھ میں پوسٹر اٹھا رکھا ہے جس پر مزار قائد اور پاکستان کے جھنڈے بنے ہوئے ہیں اور ساتھ میں کیپشن بھی لکھا ہے کہ امی، میں پاکستان منتقل ہو رہا ہوں، براہ مہربانی مجھے کپڑے بھجوا دیں ،دوسرے پوسٹر میں ایک مقامی تماشائی آسٹریلوی بیٹر مارنس لبوسکاخنی سے محبت کا اظہار کر رہا ہے۔

کراچی : پولیس میں بھرتی کا خواہشند نوجوان مقابلے کی دوڑ کے دوران گر کرانتقال کرگیا ۔

باغی نیوز کے مطابق پولیس ذرائع سے معلوم ہوا ہے کہ کراچی میں بلدیہ ٹاؤن میں واقع پولیس ٹریننگ سینٹر میں آج پولیس اہلکاروں کی بھرتی کے سلسلے میں دوڑ ہو رہی تھی کہ اس دوران بھرتی کے لیے دوڑ کے دوران نوجوان امیدوار عبد المجید گر کر جاں بحق ہوگیا ۔
بتایا گیا ہے کہ 23 سالہ عبدالمجید محکمہ پولیس سندھ میں پولیس کانسٹیبل بھرتی ہونے کے لیے آج صبح 8 بجے پولیس ٹریننگ سینٹر سعید آباد پہنچا جہاں عبدالمجید کو بھرتی کی دوڑ کے لیے ساڑھے 8 بجے کا ٹائم دیا گیا تھا تاہم لیاقت آباد کا رہائشی عبدالمجید دوڑ کے دوران مبینہ طور پر گر کر بے ہوش ہوگیا جسے فوری طبی امداد دی گئی مگر اس دوران ہی وہ چل بسا ۔

کراچی : پاکستان تحریک انصاف کے رکن قومی اسمبلی عامر لیاقت حسین نے مستقبل میں پی ٹی آئی سے راہیں جدا کرنے کا عندیہ دے دیا ۔

تفصیلات کے مطابق انہوں نے وزیراعظم عمران خان کو مخاطب کرتے ہوئے کہا ہے کہ آپ نے وفا کا جو صلہ دیا وہ یادرکھوں گا ، اب میں سوچ چکا ، اس کے بعد ہمارے راستے جدا ، پی ٹی آئی رکن قومی اسمبلی نے وزیراعظم کو نہ گھبرانے کا مشورہ بھی دے دیا ۔
سماجی رابطوں کی ویب سائٹ ٹوئٹر پر جاری کردہ اپنے بیان میں عامر لیاقت حسین نے کہا کہ وزیراعظم صاحب نے شاید ذلیل القدر مشیروں کی ایما پر مجھے بھی لسٹ میں ڈال دیاُاور سب سے بات کی مجھ سے ملنا بھی گوارا نہیں ، آپ شروع ہی سے مردم شناس نہیں اور ہمیشہ اختلاف رائے کو مخالفت سمجھا ، سب کو اسی طرح کھو رہے ہیں ، میں بھی “عین” سے ہوں اتنا ہی سوچ لیتے! لیکن اب میں سوچ چکا ۔
انہوں نے کہا کہ وزیراعظم صاحب جو کم بخت آپ کو چاہتے ہیں وہ آپ کے بدترین رویے کے باوجود ساتھ ہیں ، گھبرانا نہیں ہے ، یہ اعصاب کا کھیل ہے ،اللہ پاکستان کے لیے بہتر فرمائے گا ، اس کے بعد ہمارے راستے جدا ، آپ نے وفا کا جو صلہ دیا وہ یادرکھوں گا ، سلامت رہیے اور ہوسکے تو استغفار کی کثرت کیجیے ۔
قبل ازیں پاکستان تحریک انصاف کے رکن قومی اسمبلی عامر لیاقت حسین نے اپنی ہی پارٹی کے وفاقی وزیر اسد عمر پر اراکین کو دھمکیاں دینے کا الزام عائد کیا، انہوں نے کہا کہ اسد عمر کو متنبہ کرتا ہوں وہ اراکین کودھمکیاں دینے سے باز رہیں ، آئین اتنا وہ نہیں جانتے جتنا میں جانتا ہوں ، دونوں بھائی لڈو بٹورے کھڑے ہیں ایک نواز شریف کا وفادار دوسرا شاہ سے زیادہ شاہ کا وفادار ، ہمارے خاندان سے اپنے والدمحترم جنرل محمد عمر کےمثالی تعلقات کا خیال کریں ۔
خیال رہے کہ وفاقی وزیر برائے منصوبہ بندی اسد عمر نے کہا تھا کہ تحریک عدم اعتماد والے دن ہمارا کوئی رکن اسمبلی نہیں جائے گا ، تحریک عدم اعتماد سے متعلق ہم نے حکمت عملی بنالی ہے، اس دن کوئی رکن اسمبلی نہیں جائے گا ۔