Category: کراچی

کراچی: شارع فیصل پر پسند کی شادی کرنے والے جوڑے کو دن دیہاڑے گولیوں کا نشانہ بنا دیا گیا، فائرنگ سے شوہر جاں بحق جب کہ بیوی اور بھائی سمیت 3 افراد زخمی ہوگئے، کار سوار افراد عدالت میں پیشی کے بعد گھر جا رہے تھے۔

تفصیلات کے مطابق شارع فیصل رازی کٹ کے قریب موٹر سائیکل سوار ملزمان نے سوزوکی مرگلہ کار پر اندھا دھند فائرنگ کر دی جس کے نتیجے میں ایک شخص جاں بحق جب کہ خاتون سمیت 3 افراد زخمی ہوگئے، فائرنگ سے موقع پر موجود افراد میں خوف و ہراس پھیل گیا جب کہ ملزمان موقع سے باآسانی فرار ہونے میں کامیاب ہوگئے، واقعہ کی اطلاع ملتے ہی پولیس اور ریسکیو رضا کار موقع پر پہنچ گئے اور فائرنگ سے جاں بحق شخص کی لاش اور زخمیوں کو جناح اسپتال منتقل کیا۔

پولیس کے مطابق مقتول کی شناخت 30 سالہ وسیم ولد اعجاز کے نام سے کی گئی جب کہ زخمیوں میں مقتول کی اہلیہ 28 سالہ کوثر، مقتول کا بھائی 35 سالہ نصیر اور کار ڈرائیور 55 سالہ سید منیر شامل ہیں جنہیں طبی امداد فراہم کی جا رہی ہے، جہاں خاتون کی حالت کی تشویش ناک بتائی جارہی ہے۔ دونوں میاں بیوی کار کی پچھلی سیٹ پر سوار تھے جب کہ مقتول کا بھائی نصیر ڈرائیور کے ہمراہ اگلی نشست پر تھا۔

اس حوالے سے ڈی آئی جی ایسٹ ثاقب اسمٰعیل میمن کا کہنا تھا کہ فائرنگ کے واقعے میں جاں بحق ہونے والے مقتول وسیم نے کوثر سے پسند کی شادی کی تھی اور کار میں دیگر افراد کے ہمراہ عدالت میں پیشی کے بعد واپس اپنی رہائش گاہ اسٹیل ٹاؤن جا رہے تھے۔

ایس ایس پی ایسٹ قمر رضا جسکانی کے مطابق خاتون نے اہل خانہ کی مخالفت کے باوجود پسند کی شادی کی تھی۔ ابتدائی تفتیش کے مطابق فائرنگ کرنے والوں میں مبینہ طور پر زخمی کوثر کا والد عزیز اور بھائی ناصر شامل ہیں جو موقع سے فرار ہیں اور ان کی گرفتاری کے بعد صورت حال مزید واضح ہو سکے گی۔ پولیس ملزمان کی گرفتاری کے لیے چھاپے مار رہی ہے، جب کہ ضابطے کی کارروائی کے بعد لاش ورثا کے حوالے کر دی گئی ہے۔

مینڈیٹ کا سودا کر کے ہم وزارتیں نہیں مانگیں گے، مصطفیٰ کمال کی ایم کیو ایم پر تنقید

چئیر مین پاک سر زمین پارٹی سید مصطفیٰ کمال نے کہا کہ چہرے نہیں نظام بدلیں! موجودہ بوسیدہ نظام کے تحت نا تو ملک مزید چلایا جاسکتا ہے اور نا ہی بچایا جاسکتا ہے۔

مصطفیٰ کمال کا کہنا تھا کہ جاگیردارانہ، وڈیرانہ ذہنیت کو تقویت دینے والا یہ بوسیدہ اور ظالمانہ نظام عوام کو اختیارات اور وسائل دینے کو تیار نہیں۔ جب تک اختیارات اور وسائل گلیوں میں نہیں لائیں گے تب تک ملک نہیں چل سکتا۔ مجھے کیوں نکالا کا نعرہ لگانے والے نواز شریف نے پنجاب کے 55 ہزار کونسلر کو نکالنے پر ایک بار بھی یہ نہیں بولے کہ انہیں کیوں نکالا۔ ملکی مسائل کا حل وسائل اور اختیارات کو نچلی ترین سطح تک منتقل کرنا ہے۔ ملک کو نئے نظام کی اشد ضرورت ہے جس میں تمام اسٹیک ہولڈرز سے مشاورت کے بعد طویل اور کثیر مدتی قومی اہداف کا تعین کیا جائے۔ عوام کو جھوٹے نعروں سے نکلنا ہوگا۔ ہم اقتدار کے حصول اور بقاء کی خاطر نا تو عوام سے ملنے والے مینڈیٹ کا سودا کرکہ وزارتیں مانگیں گے اور نا یوٹرن لیں گے بلکہ حکومت بنانے والی جماعت کی غیر مشروط حمایت کرکہ ملک میں دو ترامیم لائیں گے، پہلی بلدیاتی حکومتوں کے اختیارات اور ادارے وفاقی اور صوبائی حکومتوں کی طرح آئین میں درج کئے جائیں، دوسرا این ایف سی ایوارڈ کی طرز پر پی ایف سی ایوارڈ کا اجراء کیا جائے۔ ہم اصلاحات کیلئے جدوجہد کر رہے ہیں جس کیلئے عوام کو ہماری مکمل حمایت کرنی ہوگی۔

ان خیالات کا اظہار انہوں نے پاکستان ہاؤس میں لیاری ٹاؤن سے نوجوانوں کی پی ایس پی میں شمولیت کے موقع پر بات کرتے ہوئے کہی۔ سید مصطفیٰ کمال نے مزید کہا کہ حکمران انتخابات سے قبل کچھ جبکہ انتخابات کے بعد کچھ اور ہوتے ہیں۔ ملک سے اخلاقیات کا جنازہ نکل چکا ہے، لوگ سچ سننا پسند نہیں کرتے۔ ملک کو باکردار قیادت ہی مسائل سے نکال کر ٹھیک کرسکتی ہے۔ پاک سر زمین پارٹی کے علاؤہ قوم کے پاس اب کوئی دوسرا آپشن نہیں ہے۔

@MumtaazAwan

خاموشی سے نسلوں کی نسل کشی ہوتے نہیں دیکھ سکتے، مصطفیٰ کمال پھٹ پڑے

صوبائی خود مختاری کے نام پر صرف ایک شخص کو اختیار دیا گیا،مصطفیٰ کمال

این ایف سی کے سارے پیسے وزیراعلیٰ لے کر بیٹھ جاتے ہیں،مصطفیٰ کمال

کراچی اور سندھ کی تباہی کے ذمے داروں کا کل یوم احتساب ہوگا، مصطفیٰ کمال

حکومت 5 سال پورے کریگی؟ خالد مقبول صدیقی بھارت کے ایجنٹ، مصطفیٰ کمال کے اہم انکشافات

پراسیکیوشن کا کمال. مصطفیٰ کمال کے خلاف کرونا پازیٹو مریض بطور گواہ عدالت میں پیش کردیا

نواز شریف یہ نہیں کہتے کہ میرے کونسلرز کو کیوں نکالا؟ مصطفیٰ کمال

مصطفی کمال کو نااہل قرار دینے کی درخواست پر فیصلہ محفوظ

سندھ کے شہری علاقوں میں مایوسی پھیل رہی ہے ،مصطفیٰ کمال

مصطفیٰ کمال کی نااہلی کی درخواست پر عدالت نے سنایا فیصلہ

پیپلزپارٹی کو ہنی مون کا زیادہ وقت نہیں ملے گا، مصطفیٰ کمال

سندھ ہائی کورٹ نے پاکستان پیپلزپارٹی کے رہنما شرجیل میمن کا نام ای سی ایل سے نکلوانے سے متعلق درخواست منظور کرلی ہے۔

سندھ ہائی کورٹ نے شرجیل میمن کو دبئی جانے کی اجازت دے دی ہے۔ دبئی میں جاری ایکسپو نمائش کے لیے شرجیل میمن کی سندھ حکومت نے بطور فوکل پرسن تقرری کی ہے۔

عدالت میں وکلا نے بیان دیا کہ وفاق اور نیب کو شرجیل میمن کے بیرون ملک جانے پر اعتراض نہیں ہے۔

عدالت نے حکم دیا کہ شرجیل میمن یکم اپریل 2022 سے قبل واپس آجائیں۔ شرجیل میمن کو 10 لاکھ روپے بطور زر ضمانت جمع کرانے کا حکم بھی دیا گیا ہے۔

نیب پراسیکیوٹر نے کہا کہ بیرون ملک سفر کرنا شرجیل میمن کا بنیادی حق ہے اور انھیں زر ضمانت کےعوض اجازت دے دی جائے۔

شرجیل میمن کے وکیل نے عدالت کو بتایا کہ فوکل پرسن کی حیثیت سے شرجیل میمن کو 15 نومبر سے فیسٹول میں شرکت کرنی ہے اور وہ ایکسپو میں سندھ حکومت کی نمائندگی کریں گے۔

تین ماہ قبل سندھ ہائيکورٹ نے سابق صوبائی وزير شرجيل انعام ميمن کی بيرون ملک جانے کی درخواست منظور کرتے ہوئے ان کو 30دن کے لیے ملک سے باہر جانے کی اجازت دی تھی۔پیپلزپارٹی کے رہنما کو عدالت نے 10 لاکھ روپے زرِضمانت جمع کرانے کا حکم دیا تھا۔

واضح رہے کہ نیب ریفرنس کے مطابق شرجیل میمن کے 2.43 ارب روپے کے اثاثے ہیں اور انہوں نے متعدد رشتہ داروں کے نام پر جائیدادیں خرید رکھی ہیں۔ پی پی رہنما پر الزام ہے کہ انہوں نے 18لاکھ روپے غیر قانونی طور پر حوالہ اور ہنڈی کے ذریعے ملک سے باہر منتقل کیے

کراچی تازہ ترین نیوز : کراچی صدر عبداللہ ھارون روڈ پر واقع کوآپریٹیو مارکیٹ کی دکانوں میں آگ لگ گئی ۔

تفصیلات کے مطابق کراچی صدر عبداللہ ھارون روڈ پر واقع کوآپریٹیو مارکیٹ کی دکانوں میں آگ لگی ہے فائر بریگیڈ کی تین سے چار گاڑیاں آگ بجھانے میں مصروف ہیں آگ کی شدت میں اضافہ آگ نے مارکیٹ کی دوسری دکانوں کو بھی اپنے لپیٹ میں لے لیا۔ آگ لگنے کی وجہ تا حال معلوم نہین ہو سکی تاہم دوکاندار فائر بریگیڈ کے عملے سے سخت ناراض ہیں ۔

کراچی : پاکستان شوبز انڈسٹری کی معروف اداکارہ اشنا شاہ بھی عام شہریوں کی طرح ملک میں بنیادی سہولیات کی عدم فراہمی کی وجہ سے پریشان نظر آرہی ہیں۔اشناشاہ نے مائیکرو بلاگنگ ویب سائٹ ٹوئٹر پر کراچی شہر میں پانی کی کمی پر شکوہ کرتے ہوئے لکھا کہ گرمیوں میں بجلی نہیں، سردیوں میں گیس نہیں اور اگر آپ کراچی میں رہتے ہیں تو اسٹمک فلو کے دوران پانی نہیں۔

اشنا شاہ کی اس ٹوئٹ پر کچھ صارفین ان مسائل پر آواز اٹھانے پر ان کی تعریف کی۔ ایک صارف نے انہیں ان مسائل پر اداکارہ کو حوصلہ دینے کے لیے وزیرِاعظم عمران خان کی بات یاد دلاتے ہوئے لکھا کہ سب سے پہلے تو آپ نے گھبرانا نہیں ہے۔جبکہ ایک اور صارف نے لکھا کہ سکون صرف قبر میں ہے۔خیال رہے کہ شہر قائد کو طویل عرصے سے پانی کی کمی کے سامنا ہیاور اسی وجہ سے شہری پانی مہنگے داموں پر خرید کر استعمال کرنے پر مجبور ہیں۔اسی طرح بجلی کی لوڈشیڈنگ کا مسئلہ بھی کئی سالوں سے چلا آرہا ہے اور اب پچھلے چند برسوں سے ملک کو گیس بحران کا بھی سامنا ہے۔

کراچی : چوری اور چھنی ہوئی کروڑوں روپے مالیت کی گاڑیاں بر آمد کی گئیں ۔

کراچی کے مختلف علاقوں سے چوری اور چھنی ہوئی کروڑوں روپے مالیت کی اڑتیس (38) گاڑیاں ملک کے مختلف شہروں سے بر آمد کرکے ما لکا ن کے سپرد کر دی گئیں۔

ایس ایس پی،اے وی ایل سی، سی آئی اے کراچی بشیر احمد بروہی کی ہدایت پر AVLC شریف آباد میں ایک تقریب منعقد کی گئی جس میں کراچی کے مختلف علاقوں سے چوری اور چھنی ہوئی اڑتیس (38) گاڑیاں جو کہ AVLC کے مختلف ٹیموں نے ملک کے مختلف شہروں سے بر آمدکیں جن میں ٹویوٹا لینڈ کروزر، ریوو، ٹویوٹا کرولا، کورے، سوزوکی مہران، سوزوکی کلٹس، ھنڈا سٹی وغیرہ شا مل ہیں۔ مالکان کے حوالے کردی گئں ۔تقریب میں شامل گاڑی مالکان نے ایس ایس پی، ای وی ایل ٴْ سی کا شکریہ ادا کیا ۔

کراچی : کورنگی میں مکینک کی دکان میں موٹر سائیکل سوار ملزمان کی فائرنگ سے 2 افراد جاں بحق ہو گئے ۔

تفصیلات کے مطابق عوامی کالونی تھانے کی حدود کورنگی سیکٹر ساڑھے پانچ سی ایریا میں واقع مکینک کی دکان میں موٹر سائیکل سوار دو ملزمان داخل ہوئے اور فائرنگ کر دی جسکے نتیجے میں وہاں موجود دونوں افراد گولی لگنے سے جاں بحق ہو گئے،واقعہ کی اطلاع پر پولیس اور ریسکیو ادارے کی ایمبولینسیں موقع پر پہنچیں اور لاشوں کو جناح اسپتال منتقل کیا جہاں ایک مقتول کی شناخت 35 سالہ خرم کے نام سے ہوئی جبکہ دوسرے شخص کی عمر 45 سے 50 برس ہے تاہم فوری طور پر اسکی شناخت نہیں ہو سکی۔
ایس ایچ او صفدر مشوانی کے مطابق مکینک کی دکان پر ایک شخص موٹر سائیکل ٹھیک کروا رہا تھا،مذکورہ شخص معذور تھا اور اسکی ایک ٹانگ مصنوعی لگی ہوئی ہے،وہ دکان کے اندر گیا تو اس دوران موٹر سائیکل پر آنے والے دو مسلح ملزمان نے اس شخص پر فائرنگ کی، فائرنگ کی زد میں دکاندار بھی آیا،دکاندار کی شناخت خرم کے نام سے ہوئی ہے،دونوں افراد کو ایک ایک گولی لگی ہے۔

پولیس کا کہنا ہے کہ ابتدائی طور پر معلوم ہوا ہے کہ ملزمان اسی شخص کو مارنے آئے تھے جو موٹر سائیکل کا کام کروانے آیا تھا جبکہ دکاندار فائرنگ کی زد میں آ گیا،ایس ایچ او کا کہنا ہے کہ واقعہ دشمنی کا شاخسانہ معلوم ہوتا ہے تاہم تفتیش کے بعد ہی اصل صورتحال واضح ہو گی ۔

کراچی : لیاقت آباد میں جھگڑے کے دوران تیز دھار آلہ گلے میں پھرنے سے ایک شخص زخمی ہو گیا۔

تفصیلات کے مطابق سپر مارکیٹ تھانے کی حدود لیاقت آباد نمبر 4 مکان نمبر 584 سے ایک شخص کو زخمی حالت میں جناح اسپتال لایا گیا جہاں اسکی شناخت 27 سالہ شاہد ولد رزاق کے نام سے کی گئی۔

ایس ایچ او کامران حیدر کے مطابق زخمی شخص کا گلی میں اپنے رشتہ دار سے جھگڑا ہوا ،بعد میں ملزم اسکے گھر میں داخل ہوا اور گھر کی سیڑھیوں پر انکا پھر جھگڑا ہوا ،اس دوران ملزم نے تیز دھار آلے کے وار سے اس پر حملہ کیا اور اسکے گلے میں وار کیا،ایس ایچ او کے مطابق خوش قسمتی سے زخمی شخص کی گلے میں گہرا زخم نہیں آیا اور اسکی کھال متاثر ہوئی ہے،انہوں نے بتایا کہ زخمی اور ملزم کا تعلق گجرانوالہ سے ہے اور انکی وہیں سے خاندانی لڑائی ہے ،ایس ایچ او نے بتایا کہ مقدمہ نامزد ملزم کے خلاف درج کیا جائے گا۔

کراچی : گلشن اقبال میں اپارٹمنٹ کے گارڈ روم آتشزدگی، چار سیکورٹی گارڈ جھلس گئے۔

گلشن اقبال میں اپارٹمنٹ کے گارڈ روم میں مچھروں سے بچنے کے لیے لگائے گئے کوائل کے باعث آگ لگ گئی جس کے نتیجے میں چار سیکورٹی گارڈ جھلس گئے جس میں سے دو کی حالت تشویشناک ہے۔ فش ہاربر میں آگ لگنے سے افرا تفری مچ گئی تاہم کوئی جانی نقصان مہیں ہوا۔ڈاکس کے علاقے فشریز مارکیٹ سے ملحقہ فش پراسینگ کمپنی اسپیکٹرم کی دوسری منزل پر آگ بھڑ ک اٹھی ‘ دیکھتے ہی دیکھتے آگ کے شعلے آسمان سے باتیں کرنے لگے ‘ خوفناک آگ دیکھ کر فشریز مارکیٹ میں بھگڈر مچ گئی اطلاع ملنے پر کے پی ٹی کی فائر اسٹیشن کی 3 گاڑیاں موقع پر پہنچ گئی جبکہ ایدھی ایمبولینس او رپولیس بھی موقع پر پہنچ گئی۔
پولیس کے مطابق آگ فیکٹری کی دوسری منزل پر واقع پروسینگ ایریا میں لگی تھی۔

آگ بجھانے کیلئے فیکٹری کے شیشے توڑنے پڑے۔ فیکٹری 6 مہینے سے بند تھی۔ اس لیے کوئی جانی نقصان نہیں ہوا فائر بریگیڈ نے آگ پر کنٹرول کرکے فیکٹری کو مکمل جلنے سے بچالیا ادھر گلشن اقبال بلاک ون میں رہائشی منزل چیئرمین اپارٹمنٹ کے تہہ خانے میں واقع سیکورٹی گارڈ کے روم میں آگ بھڑک اٹھی آتشزدگی کے نتیجے میں گارڈ روم میں سوتے ہوئے 4 سیکورٹی گارڈز معشوق‘ یونس ‘ اللہ ورایو اور اعجاز علی جھلس کر شدید زخمی ہوئے۔

آتشزدگی کے باعث عمارت کے مکینوں میں دھواں بھر گیا۔ مکین سوتے ہوئے گھروں سے باہر نکل آئے مکینوں نے اپنی مدد آپ کے تحت فائر بریگیڈ کے آنے سے قبل آگ بجھا دی۔ پولیس کے مطابق آگ گارڈ روم میں مچھر مار کوائل سے لگی ہے جھلسنے والے دو گارڈز کی حالت تشویشناک بتائی جاتی ہے ادھر فیڈرل بی ایریا بلاک 5 میں کچرا کنڈی میں لگنے والی آگ کے شعلے قریبی واقع مکان میں گرے جس سے مکان میں آگ بھڑ اٹھی ‘ مکان میں فرنیچیر ‘ الیکٹرانکس کا سامان جل گیا تاہم کوئی نقصان نہیں ہوا۔

کراچی : اردو کے عالمی دن کے موقع پر نارتھ ناظم آباد رینجرز کلب میں خوبصورت تقریب کا انعقاد

تفصیلات کے مطابق اردو کے عالمی دن کے موقع پر نارتھ ناظم آباد رینجرز کلب میں خوبصورت تقریب کا انعقاد کیا گیا ۔ جس کے مہمان خصوصی ڈائریکٹر جنرل پاکستان رینجرز سندھ میجر جنرل افتخار حسن چوہدری تھے۔

پاکستان کی قومی زبان اردو اور علامہ اقبال سے جس والہانہ محبت و عقیدت کا اظہار اس تقریب میں کیا گیا وہ قابل دید تھا ۔

ڈائریکٹر جنرل پاکستان رینجرز سندھ میجر جنرل افتخار حسن چوہدری نے اپنے خطاب میں پاکستان اور نظریہ پاکستان کی اہمیت کو اجاگر کیا ۔ اور ” سورہ آل عمران” کی آیت سے مولف القلوب کی تشریح بھی کی ۔آپ نے ایک شعر بھی پڑھا کہ
وہی جواں ہے قبیلے کی آنکھ کا تارا
شباب جس کا ہے , بےداغ ضرب ہے کاری
اپنی تقریر کا اختتام مشہور نعتیہ رباعی ” تو غنی از ہر دوعالم من فقیر” پر کیا ، آپ نے کہا کہ کراچی میں مکمل امن و امان ہونا سارے پاکستان کی ضرورت ہے ۔ وطن عزیز کے نامور شعرا امجد اسلام امجد، انور شعور، پیرزادہ قاسم رضا صدیقی، فاطمہ حسن،
خواجہ رضی حیدر، عباس تابش، اجمل سراج اور عنبرین حسیب عنبر نے اپنے کلام کے ڈریعے اردو اور علامہ اقبال سے عقیدت کا اظہار کیا،
نامور گائیک انتظار حسین ،کرم عباس اور ڈاکٹر ہما میر نے خوبصورت گائیکی کا مظاہرہ کیا ۔
اس تقریب کی کامیابی کے لئے کرنل افتخار ، میجر ارسلان اور انکی ٹیم نے دن رات محنت کی، صدر آرٹس کونسل کراچی محمد احمد شاہ نے ان تمام انتظامات کو پایہ تکمیل تک پہنچایا ۔ اس تقریب کی نظامت محترم شکیل خان اور ڈاکٹر ہما میر کے حصے میں آئی۔