Category: کراچی

رینجرز قلندر ونگ اور اے وی سی سی کے ہاتھوں گرفتارسرکاری ملازمت کرنے والے تعلیم یافتہ اغوا کار گروپ سے تفتیش میں اہم انکشافات سامنے آگئے۔

تفصٓیلات کے مطابق حکام کی جانب سے گرفتار سرکاری ملازمت کرنے والے تعلیم یافتہ اغوا کار گروپ سے تفتیش جاری ہے، ملزم نے بتایا گلشن معمار سے اغواء ہونے والے حمزہ کو قریبی رشتے دار نے شارٹ ٹرم اغوا کا منصوبہ بنایا۔

گروہ کے ماسٹرمائنڈ عدنان اختر نے بڑا انکشاف کرتے ہوئے بتایا کہ مغوی کی والدہ کو بھی کچھ عرصے پہلے اغوا کیا گیا تھا جس پر فیملی نے پولیس کو بتائے بغیر اغوا کاروں کو خاموشی سے بڑی رقم ادا کی اور خاموشی سادھ لی تھی۔

عدنان اختر کا کہنا تھا کہ گزشتہ واردات کوسوچ کر حمزہ کو اغوا کرنے کا منصوبہ بنایا ، حمزہ کو 26 نومبر کو سائٹ سپر ہائی وے سے اغوا کیا، مغوی کو کئی گھنٹے تک گاڑی میں گھمایا جاتا رہا، جس کے بعد 35 لاکھ تاوان ایدھی سردخانے کے پاس وصول کیےگئے۔

تفتیشی حکام نے بتایا کہ ماسٹر مائنڈ عدنان اختر عدالت میں بطورکلرک کام کرتا ہے جبکہ حماد اور عمیر کسٹم میں سپاہی ہیں۔

حکام کا کہنا تھا کہ ذیشان قادرپولیس ٹریننگ سینٹر میں زیر تربیت اے ایس آئی ہے جبکہ اہلکار مسعود خواجہ اجمیر نگری تھانے کا اہلکار ہے اور زوہیب کے ڈی اے کے ایجنٹ کے طور پر کام کررہا تھا۔

تفتیشی حکام نے بتایا کہ حسان عدنان ایل ایل بی کا سیکنڈ ایئر کا طالبعلم ہے جبکہ حارث اسٹیٹ لائف میں بطورمنیجرکام کررہا تھا۔

تفتیشی ٹیم گرفتار ملزمان سے مذید تحقیقات کر رہی ہے اور مزید انکشافات بھی متوقع ہیں۔

سندھ ہائی کورٹ نے مکہ ٹیرس کے بجلی، گیس، پانی کے کنکشن منقطع کرنے کا حکم دیتے ہوئے عمارت خالی کرانے کیلئے قانون نافذ کرنے والے اداروں کی معاونت لینے کی ہدایت کردی۔

تفصیلات کے مطابق سندھ ہائی کورٹ نے مکہ ٹیرس خالی نہ کرنے پر تحریری حکم جاری کردیا ، جس میں کہا ہے کہ لگتا ہے رہائشی تاخیری ہتھکنڈے استعمال کررہے ہیں۔

سندھ ہائی کورٹ نے مکہ ٹیرس کے بجلی، گیس، پانی کے کنکشن منقطع کرنے کا حکم دیتے ہوئے ایس بی سی اے کوقانون نافذ کرنے والے اداروں کی معاونت لینے کی ہدایت کردی۔

تحریری فیصلے میں کہا گیا کہ عدالت 10 نومبر کو واضح حکم دے چکی ہے، واضح حکم کے باوجود فیصلے پر عمل نہیں ہوا اور بتایا گیا 12 میں سے 8 مکینوں نے ابھی تک پورشن خالی نہیں کیے۔

ایس بی سی اے یوٹیلیٹی سروس فراہم کرنے والے اداروں سےرابطہ کرے، عمارت کے بجلی، گیس، پانی کے کنکشن منقطع کرائے جائیں اور غیر قانونی تعمیرات گرا کر12 جنوری تک رپورٹ پیش کی جائے۔

یاد رہے سندھ ہائی کورٹ نے مکہ ٹیرس کے تمام الاٹیز کی رہائش کا بندوبست کرنے کا حکم دیتے ہوئے تجاویز طلب کی تھیں۔

خیال رہے کراچی کی سیشن عدالت جنوبی میں مکہ ٹیرس کے مالک محمد وسیم کیخلاف کرمنل کیس دائر کیا گیا تھا ، پراسیکیوشن کا کہنا تھا مکہ ٹیرس کے مالک نے ایس بی سی اے کے سیکشن سکس کی خلاف ورزی کی ہے، جرم ثابت ہونےپربلڈرکو3 سال سزا،بھاری جرمانہ ہوسکتا ہے۔

صوبہ سندھ کے دارالحکومت کراچی میں سائبیریا کی ہوائیں چل پڑیں، آئندہ 48 گھنٹوں میں سردی کی شدت میں مزید اضافے کا امکان ہے۔

تفصیلات کے مطابق شہر قائد میں سائبیریا کی ہواؤں کے اثرات سے سردی کی شدت بڑھ گئی، رات بھر خنکی چھائی رہی جس کے بعد 17 دسمبر کی صبح درجہ حرارت 10 ڈگری سینٹی گریڈ ریکارڈ کیا گیا۔

محکمہ موسمیات کا کہنا ہے کہ آج زیادہ سے زیادہ درجہ حرارت 24 ڈگری سینٹی گریڈ ریکارڈ کیا جانے کا امکان ہے، صبح اور شام میں چلنے والی ہواؤں کے باعث سردی کی شدت زیادہ محسوس ہوگی۔

محکمہ موسمیات کے مطابق ہوا میں نمی کا تناسب 56 فیصد ریکارڈ کیا گیا ہے، آج مطلع جزوی طور پر ابر آلود بھی رہے گا جبکہ موسم سرد اور خشک رہے گا۔ آئندہ 48 گھنٹوں میں سردی کی شدت میں مزید اضافے کا بھی امکان ہے۔

مشہور قول ہے کہ علم جتنا خرچ کیا جائے وہ اتنا ہی بڑھتا ہے اور یہ وہ خزانہ ہے جسے چور یا ڈاکو لوٹ نہیں سکتا، دینی اور دنیاوی علوم کو عام کرنا بہترین عبادت ہے، اسی جذبے کے تحت علم کے فروغ کے لیے جو سوچ اور جذبہ کراچی کے نوجوان سنجے راجہ کا ہے اسے ہر تعلیم یافتہ نوجوان کو اپنانے کی ضرورت ہے۔

کراچی کے رہائشی نوجوان سنجے راجہ نے سماجی رابطے کی ویب سائٹ ٹوئٹر پر ہیش ٹیگ سندھ ریڈز کے نام سے ایک سال قبل ایک مہم شروع کی جس کا مقصد کتاب پڑھنے کے رجحان میں اضافہ کرنا ہے۔

انہوں نے گفتگو کرتے ہوئے سنجے راجہ نے بتایا کہ شروع میں جب کوئی خاص ردعمل نہ ملا تو میں نے اپنی ہی جیب سے کتابیں خرید کر لوگوں کو بھیجنا شروع کر دیں۔

سنجے راجہ نے بتایا کہ آہستہ آہستہ لوگوں نے بھی نہ صرف کتابیں بھیجنا شروع کیں بلکہ رقم کی صورت میں مدد کرنا شروع کردی ہے جس سے میں مزید کتابیں خرید کر مختلف شہروں کی لائبریریوں اور لوگوں کو بھیجتا ہوں۔

ان کا کہنا تھا کہ میں اکثر کراچی کی کتابوں کے مشہور بازار اردو بازار یا فریئر ہال میں اتوار کو لگنے والے کتابوں کے میلے سے کتاب خریدنے کے بعد انہیں پیک کرکے پاکستان پوسٹ آفس کی معرفت سے لوگوں کو بھیجتا ہوں لوگ کتابوں کی درخواست ٹوئٹر کے انباکس میں کرتے ہیں۔

ان کا کہنا ہے کہ اب تکل دو ہزار سے زائد کتابیں بھیج چکا ہوں، میں زیادہ تر غیرنصابی کتابیں یعنی کورس کے علاوہ ادبی کتابیں بھیجتا ہوں تاکہ لوگوں کا ادب کی جانب رجحان میں اضافہ ہو اور سماج میں ترقی پسند سوچ بڑھے۔

سندھ رینجرز نے شہر میں اغوا برائے تاوان میں ملوث گروہ کو بے نقاب کرتے ہوئے بڑی گرفتاری کی ہیں۔

تفصیلات کے مطابق ونگ کمانڈر رینجرز کرنل سکندر نے پولیس افسران کے ہمراہ پریس کانفرنس میں بتایا کہ شہر میں اغوا برائے تاوان کی بڑی واردات میں ملوث 8 اغواکاروں کو گرفتار کرلیا گیا ہے۔

ملزمان کی گرفتاری واٹس ایپ کو ٹریس کرنے کے بعد عمل میں لائی گئی ہے، یہ پہلا موقع ہے جب واٹس ایپ کی مدد سے ملزمان کو گرفتار کیا گیا۔

کرنل سکندر نے بتایا کہ گرفتار اغوا کاروں میں مختلف سرکاری محکموں کے اہلکار بھی شامل ہیں، ان میں 2 کسٹم اہلکار، 2پولیس اہلکار ،ایک عدالتی ملازم بھی شامل ہے، ملزمان نے گلشن معمار سے سنار کے بیٹے حمزہ کو اغوا کرنے کے بعد 2 کروڑ روپے تاوان طلب کیا، ملزمان تاوان کے لئے اہل خانہ سے 35 لاکھ روپے وصول کرچکے تھے۔

ونگ کمانڈر رینجرز کرنل سکندر نے اپنی پریس کانفرنس میں بتایا کہ گرفتار ملزمان سے 19لاکھ70ہزارکیش برآمد کیا جاچکا جبکہ مغوی کو بھی بحفاظت بازیاب کرایا جاچکا ہے اور مغوی کی موٹر سائیکل اور جس کار میں اغواکیا گیابرآمد کرلی گئی ہے، ملزمان سے اسلحہ بھی برآمد ہوا ہے۔

اس موقع پر ایس ایس پی اے وی ایل سی معروف عثمان نے ملزمان کی گرفتاری سے متعلق مزید بتایا کہ شہری کے اغوا کے بعد رینجرز اور اے وی سی سی نےمشترکہ تحقیقاتی ٹیم بنائی، واٹس ایپ کو ٹریس کرکے ملزمان تک پہنچے، ملزمان مغوی کا فون استعمال کرتے رہے اور ملزمان سم نکال کر انٹرنیٹ کےذریعے واٹس ایپ پر رابطہ کرتے رہے۔

معروف عثمان نےواضح کیا کہ سرکاری ملازم اگر ملزم ہے تو اس کے ساتھ وہی برتاؤ کیا جاتا ہے۔

ونگ کمانڈر رینجرز کرنل سکندر کا مزید کہنا تھا کہ گینگ کی یہ پہلی واردات نہیں ہے، ملزمان گاڑیوں کی غیر قانونی خرید وفروخت میں بھی ملوث ہیں، ملزمان جنہیں گاڑیاں بیچتے انہی کو پکڑ کرپیسہ لیتے تھے،ملزمان سےمزیدتفتیش کریں گے، جوبھی تفتیش سامنےآئے گی سب کے سامنے رکھیں گے، ابتدائی تفتیش میں ملزمان نے اعتراف کرلیا ہے اور 100فیصد ریکوری بھی ہوچکی ہے۔

شہر قائد میں نامعلوم افراد کے بعد نامعلوم گاڑیاں بھی دہشت کی علامت بن گئیں، جنہوں نے 3 نوجوانوں کی زندگی کا چراغ گل کردیا۔

ریسکیو ذرائع کے مطابق سپرہائی وے گلشن معمار کے قریب ڈبلیو 25 اسٹاپ پر ٹریفک حادثہ ہوا ہے، جہاں نامعلوم گاڑی کی ٹکر سے موٹر نامعلوم گاڑی حادثے کے بعد فرار ہونے میں کامیاب ہوگئی ، سائیکل پر سوار تین افراد جاں بحق جبکہ ایک زخمی ہوگیا ہے۔

ریسکیو حکام کے مطابق حادثے میں جاں بحق ہونے والوں میں 19سالہ محمد شکیل،28 سالہ خلیل احمد اور 25 سالہ نامعلوم شخص شامل ہے جبکہ زخمی کی شناخت 36سالہ اللہ دتہ کے نام سے ہوئی ہے۔

دلخراش حادثے کے بعد جاں بحق افراد کی لاشوں اور زخمیوں کو عباسی شہید اسپتال منتقل کیا، اسی دوران پولیس کی نفری جائے وقوعہ پر پہنچی اور حادثہ کے محرکات جاننے کے لئے تفتیش کا آغاز کردیا۔

دوسری جانب پنجاب کے علاقے سادھو کی بیگ روڈ پر دھند کے باعث کار نہر اپر چناب میں جا گری، حادثے میں ایک شخص کو بچالیا گیا جبکہ ایک ابھی لاپتہ ہے۔

ریسکیوذرائع کا کہنا تھا کہ کار سوار افراد 80 لاکھ روپے لے کر جا رہے تھے، نہر میں گری کار سےرقم نکال کر تحویل میں لے لی گئی ہے

شہر قائد پولیس کامیاب کارروائی کرتے ہوئے منشیات کی بھاری کھیپ برآمد کرلی ہے، دوران تفتیش ملزمان نے انتہائی اہم انکشاف کر ڈالے۔

پولیس ترجمان کے مطابق ٹارگٹڈکارروائی شاہ لطیف پولیس نے کوہی گوٹھ میں کی، کامیاب کارروائی میں پولیس کو انتہائی مطلوب منشیات فروش خدا بخش کو گرفتار کیا گیا، ملزم کے قبضے سے 58 کلو چرس برآمد کی گئی۔

پولیس کے مطابق ملزم مسافر بن کر منشیات سپلائی کررہا تھا گروہ میں دیگر افراد بھی شامل ہیں جو شہر بھر میں منشیات سپلائی کرتے تھے، ملزمان نے منشیات کیلئے کوڈ ورڈ رکھے ہوئےتھے۔

دلچسپ بات یہ ہے کہ ملزمان نے چرس کیلئے کھانسی کی دوائی کا کوڈ ورڈ رکھا ہوا تھا، گرفتار ملزم سے مزید تفتیش جاری ہے اور مزید انکشافات متوقع ہے۔

واضح رہے کہ چند روز قبل بھی کراچی پولیس نے منشیات فروشوں کے خلاف کریک ڈاؤن کیا تھا، جس کے نتیجے میں بین الصوبائی منشیات اسمگلرز گروہ کے5 کارندے گرفتار کئے گئے تھے۔

ایس ایس پی سینٹرل نے بتایا تھا کہ گرفتار ملزمان سے 20 کلو سے زائد منشیات برآمد کی گئیں ہیں، بین الصوبائی گینگ کا سرغنہ آغانعمت بلوچستان میں ہے، ان کے کارندے بلوچستان قلعہ عبداللہ سے منشیات بسوں کے زریعے کراچی لاتے تھے، جہاں سے یہ سپلائی کا کام سرانجام دیتے تھے جبکہ منشیات سے حاصل آمدنی کو بلوچستان بھیجا جاتا تھا۔

شہر قائد میں رواں سال کے دوران 2 ہزار سے زائد شہری قیمتی گاڑیوں سے محروم ہوگئے تاہم کئی واقعات کی سی سی ٹی وی فوٹیج سامنے آنے کے باوجود کوئی گینگ یا ملزم پکڑا نہیں گیا۔

تفصیلات کے مطابق کراچی میں گاڑیاں چھیننے اور چوری کی وارداتوں میں تشویشناک حد تک اضافہ ریکارڈ کیا گیا ، رواں سال کے دوران شہر بھرسے 2 ہزارسے زائدگاڑیاں چوری اور چھینی گئیں۔

پولیس چوری اور چھینی جانے والی صرف 25فیصد گاڑیاں ہی برآمد کر سکی ، مختلف کارروائیوں میں برآمدکی گئی گاڑیوں کی تعداد470 ہے۔

رواں سال سب سےزیادہ 217گاڑیاں اکتوبرمیں چوری اور چھینی گئیں جبکہ ٹرانسپورٹرز کا کہنا تھا کہ رواں سال 2ہزارکےقریب گاڑیاں چھینی گئیں۔

کئی واقعات کی سی سی ٹی وی فوٹیج سامنے آنے کے باوجود کوئی گینگ یا ملزم پکڑا نہیں گیا، جس کے بعد پولیس کی کارکردگی پر سوال اٹھ گئے ہیں۔

پولیس نے بتایا کہ بیشترگاڑیاں اندرون سندھ اوربلوچستان اسمگل کر دی جاتی ہیں۔

یاد رہےدو ماہ قبل سٹیزن پولیس رابطہ کمیٹی (سی پی ایل سی) کی مرتب کردہ اسٹریٹ کرائمز کی رپورٹ میں بتایا گیا تھا کہ ستمبر کے دوران 23 فور وہیلر چھین لیے گئے جبکہ 191 چوری ہوئے۔

رپورٹ میں کہا گیا تھا کہ 4،009 موٹرسائیکلیں چوری ہوئیں جبکہ ان میں سے 447 موٹرسائیکلیں گن پوائنٹ پر چھین لی گئیں۔ اس کے علاوہ ، گزشتہ ماہ شہر میں 2،190 موبائل فون لوٹے گئے تھے۔

ڈیفنس فیز 1 میں گھر میں ڈکیتی کی واردات میں مسلح ملزمان ایک کلوسونا اوردیگرقیمتی اشیا لوٹ کر فرار ہوگئے تاہم پولیس کی جانب سےتفتیش کا عمل شروع کردیا گیا ہے۔

تفصیلات کے مطابق کراچی کے علاقے ڈیفنس فیز 1 میں گھر میں ڈکیتی کی واردات ہوئی ، واردات میں 4 مسلح ملزمان ایک کلو سونا اور دیگرقیمتی اشیا لے اڑے۔

پولیس کا کہنا ہے کہ ڈکیتی کی واردات رات 4 بجے کےقریب پیش آئی، ملزمان نے گھر میں گھس کر لوگوں کو یرغمال بنایا اور الماری میں رکھا 1کلو سونا لوٹا۔

پولیس کے مطابق ملزمان 7موبائل فونز،ایک میک بک ، ایک لیپ ٹاپ اور ایک قیمتی کیمرہ لوٹ کر فرار ہوگئے جبکہ گھر میں موجود 1لاکھ75ہزار روپے بھی لے گئے۔

مسلح ملزمان مبینہ طور پر غیر ملکی افغانی شہری تھے ، پولیس کی جانب سے تفتیش کا عمل شروع کر دیا گیا ہے۔

یاد رہے رواں سال جون میں کراچی کے علاقے گلشن اقبال میں ایک بنگلے میں ڈکیتی کی واردات کا واقعہ پیش آیا تھا ، جہاں 3 ملزمان سونا،روپے،ڈالر اور کار لے کر فرار ہوگئے تھے ، مجموعی طورپر1کروڑ7لاکھ سےزائدکی لوٹ مارکی گئی تھی.