Category: کراچی

بختاور بھٹو نے سوشل میڈیا پر اپنے بیٹے کی نئی تصویر شیئر کردی

بینظیر بھٹو اورسابق صدر آصف علی زرداری کی صاحبزادی بختاور بھٹو نے اپنے بیٹے میر حاکم محمود چوہدری کی پیدائش کو ایک ماہ مکمل ہونے پر نئی تصویر سوشل میڈیا پر شیئر کردی۔

بینظیر بھٹو اورسابق صدر آصف علی زرداری کی صاحبزادی بختاور بھٹو نے اپنے بیٹے میر حاکم محمود چوہدری کی پیدائش کو ایک ماہ مکمل ہونے پر نئی تصویر سوشل میڈیا پر شیئر کردی۔

تفصیلات کے مطابق بے نظیر بھٹو اور سابق صدر آصف علی زرداری کی صاحبزادی بختاور بھٹو زرداری نے سوشل میڈیا ویب سائٹ انسٹاگرام پر اپنے بیٹے میر حاکم محمود چوہدری کی نئی تصویر شیئر کردی۔

بختاور بھٹو نے بیٹے کی تصویر شیئر کرتے ہوئے اپنے پیغام میں لکھا ’ماشاءاللّہ! میرا بیٹا ایک ماہ کا ہوگیا ہے۔

اس سے قبل رواں ماہ کے آغاز میں بختاور بھٹو نے اپنے بیٹے میر حاکم محمود چوہدری کی پیدائش کے ایک ہفتے بعد کی تصویر شیئر کی تھی۔

یاد رہے بینظیر بھٹو اور سابق صدر آصف علی زرداری کی بیٹی بختاور بھٹو زرداری نے اپنے بیٹے کے نام کا اعلان کرتے ہوئے پیغام میں کہا تھا کہ اپنے بیٹے کا نام “میر حاکم محمود چوہدری” رکھا ہے، بیٹے کا نام میرے مرحوم ماموں ‘میر’ اور میرے دادا ‘حاکم علی زرداری’ کے ناموں پر رکھا گیا ہے۔

خیال رہے 10 اکتوبر کو بختاور بھٹو زرداری کے ہاں بیٹے کی پیدائش ہوئی تھی ، بختاور نے بیٹے کی پیدائش کا اعلان سماجی رابطے کی ویب سائٹ ٹوئٹر کرتے ہوئے بیٹے کی ولادت پر اللہ کا شکر ادا کیا تھا۔

نومبر 11, 2021
ناظم جوکھیو قتل کیس،جام اویس کے جسمانی ریمانڈ میں 16 نومبر تک توسیع

ناظم جوکھیوقتل کیس میں عدالت نے ممبر صوبائی اسمبلی جام اویس کے جسمانی ریمانڈ میں 16 نومبر تک توسیع کردی۔

تفصیلات کے مطابق کراچی کی ملیر کورٹ میں ناظم جوکھیوقتل کیس کی سماعت ہوئی ، پولیس نے ممبر صوبائی اسمبلی جام اویس کوعدالت میں پیش کیا۔

جام اویس اوردیگرملزمان کو سخت سیکیورٹی میں عدالت پہنچایاگیا ، دوران سماعت پولیس نے ملزمان کےجسمانی ریمانڈمیں توسیع کی استدعا کی۔

وکیل ملزمان نے سوال کیا وکیل ہی خودگواہ ہیں، گواہ خود وکیل کیسے ہوسکتےہیں؟ مقدمےکی تفتیش پولیس کا کام ہے۔

جس پر تفتیشی افسر نے بتایا ویڈیومیں موجود گاڑی کا ریکارڈ ایکسائز کے پاس سےنہیں ملا، کسٹم حکام سےگاڑی کی تفصیلات حاصل کررہےہیں۔

عدالت نے جام اویس سمیت دیگر ملزمان کے جسمانی ریمانڈ میں 16نومبر تک توسیع کردی۔

خیال رہے ناظم جوکھیو قتل کیس میں تفتیشی ٹیم نے موبائل ڈیٹاکی مدد سے تفتیش تیزکردی جبکہ جام گوٹھ میں افضل جوکھیو، نیاز اور جام عبدالکریم کے فون کی لوکیش سامنے آگئی ہے۔

تفتیشی ذرائع کا کہنا تھا کہ مقتول ناظم جوکھیو کی ویڈیوکوشواہد کےطورپراستعمال کرنےکافیصلہ کرلیا ، خدشہ ہے ناظم جوکھیو کو سر پر لگنے والا ڈنڈا جان لیوا ثابت ہوا ہو تاہم تفصیلی میڈیکل رپورٹ سےمزیدحقائق سامنےآئیں گے۔

نومبر 11, 2021
کراچی پولیس افسران و اہلکاروں کی بڑی تعداد بابر اعظم کی مداح نکلی

شہر قائد میں پولیس افسران و اہلکاروں کی بڑی تعداد بابر اعظم کی مداح نکلی، ایڈیشنل آئی جی کراچی نے کہا انشاءاللہ پاکستان جیتے گا۔

تفصیلات کے مطابق کراچی پولیس افسران و اہلکاروں کی بڑی تعداد بابر اعظم کی مداح نکلی اور ایڈیشنل آئی جی کراچی بابراعظم اور شاہین شاہ آفریدی کے بڑے سپورٹر نکلے۔

ایڈیشنل آئی جی کراچی عمران یعقوب منہاس نے خصوصی گفتگو کرتے ہوئے کہا ٹی 20 میں پاکستان کی مجموعی کارکردگی خوش آئند ہے، پورے پاکستان میں کرکٹ ہائپ بنی ہوئی ہے۔

ایڈیشنل آئی جی کراچی کا کہنا تھا کہ ہمارے محکمے کے افسران اور اہلکار بھی اس کی زد میں ہیں، میرا پسندیدہ بلے باز بابر اعظم ہے، انشاءاللہ پاکستان جیتے گا۔

خیال رہے ٹی ٹوئنٹی ورلڈکپ میں پاکستان اور آسٹریلیاکی ٹیمیں آج دوسرے سیمی فائنل میں مد مقابل آئیں گی، گرین شرٹس تاریخ بدلنے کے لئے پر عزم ہیں۔

پاکستان حالیہ ورلڈکپ میں اپنے دو میچز اسی گراؤنڈ میں کھیل چکا ہے، پاکستان ٹیم متحدہ عرب امارات کی سرزمین پر مسلسل 16 میچز میں ناقابل شکست ہے۔

نومبر 11, 2021
2016 میں بلڈر کے خلاف ایف آئی آر ہوئی، بتائیں کیا ہوا کیس میں ؟ عدالت

2016 میں بلڈر کے خلاف ایف آئی آر ہوئی، بتائیں کیا ہوا کیس میں ؟ عدالت

باغی ٹی وی کی رپورٹ کے مطابق سندھ ہائی کورٹ میں گلشن اقبال تیرہ ڈی ون میں غیر قانونی تعمیرات سے متعلق کیس کی سماعت ہوئی

سندھ ہائی کورٹ نے بلڈر کے خلاف ایف آئی آر درج کرنے اور افسران کے خلاف انکوائری کا حکم دے دیا،بلڈر، ایس بی سی اے افسران کے خلاف کارروائی نہ کرنے پر سندھ ہائی کورٹ برہم ہو گئی، عدالت نے ریمارکس دیتے ہوئے کہا کہ بار بار کہہ چکے ہیں ، بلڈر اور متعلقہ افسر کے خلاف کارروائی ایک ساتھ ہوگی،جسٹس ظفر احمد راجپوت کا کہنا تھا کہ بلڈرز، متعلقہ افسران کے خلاف کارروائی کے لیے کیا ثبوت چاہیے؟ اونچی اونچی عمارتیں کیا ثبوت کے لیے کافی نہیں، 2016 میں بلڈر کے خلاف ایف آئی آر ہوئی، بتائیں کیا ہوا کیس میں ؟ دوران سماعت ایس بی سی اے افسران بلڈرز کے خلاف کارروائی سے لا علم نکلے

سندھ ہائیکورٹ نے ایس بی سی اے افسران سے مکالمہ کرتے ہوئے کہا کہ یہ تو آپ لوگوں کاحال ہے ،وکیل نے کہا کہ پانچویں منزل مکمل ختم کردی، چوتھی کے لیے ایک ماہ کی مہلت دی سندھ ہائیکورٹ نے ایس بی سی اے سے ایک ماہ میں رپورٹ طلب کرلی

طیارہ حادثہ، پاک فوج کی امدادی سرگرمیاں جاری، کتنے گھر ہوئے تباہ،اعدادوشمار جاری

طیارہ حادثہ،پی آئی اے کی 7 رکنی تحقیقاتی ٹیم کا جائے وقوعہ کا دورہ

طیارہ حادثہ ،چئیرمین قائمہ کمیٹی داخلہ سینیٹر رحمان ملک نے انکوائری کیلئے اضافی نکات بھیج دیئے

نئے ڈی جی سول ایوی ایشن اتھارٹی کی تعیناتی کے خلاف درخواست،عدالت نے بڑا حکم دیا

قبل ازیں گزشتہ سماعت پر سندھ ہائی کورٹ نے مکہ ٹاور کے 4 پورشن کے خلاف کارروائی کا حکم دیا تھا عدالت نے پریڈی اسٹریٹ میں مکہ ٹاور کے خلاف کارروائی ایک ماہ میں مکمل کرنے کا حکم دے دیا،جسٹس ظفر احمد راجپوت نے ریمارکس دیتے ہوئے کہا کہ جو بھی بلڈنگ غیر قانونی ہوگی، سب گرانا پڑیں گی، جس جس نے بلڈنگ بنانے کی اجازت دی، سب افسران کے نام بھی طلب کر لئے گئے،عدالت نے ریمارکس دیتے ہوئے کہا کہ افسران زندہ ہیں، مردہ حاضر سروس یا ریٹائرڈ سب کے نام بتائیں، عدالت نے ڈی جی ایس بی سی اے کو حکم دیتے ہوئے کہا کہ ایک ہفتے میں ہر افسر کے خلاف کارروائی یقینی بنائیں، ذمہ دار افسر کو انکوائری تک کوئی عہدہ نہ دیا جائے
@MumtaazAwan

طیارہ حادثہ، جناح میں 66 میتوں کا پوسٹ مارٹم مکمل،فرانزک ڈی این اے لیب کو کتنے نمونے ہوئے موصول؟

طیارہ حادثہ، وزیراعظم کی ہدایت پر لواحقین کیلئے رقم بڑھا دی گئی

کیا اس کرنل کا بھی کرنل کی بیوی جتنا چرچا ہوگا ؟

سندھ: ڈینگی کے وار جاری،مزید 24 کیسز رپورٹ

سندھ میں گزشتہ 24 گھنٹوں میں 55 ڈینگی کے کیس رپورٹ ہوئے جن میں سے 24 کیسوں کا تعلق کراچی سے ہے۔

باغی ٹی وی :تفصیلات کے مطابق محکمہ صحت سندھ کے مطابق24گھنٹوں کے دوران حیدرآباد میں 25، مٹیاری اور عمرکوٹ میں 2،2، تھرپارکر اور گھوٹکی میں ایک، ایک کیس رپورٹ ہوا، سندھ بھر میں ماہ نومبر میں 501 کیس رپورٹ کیے گئے ہیں، سندھ میں اکتوبر میں 1864 کیس رپورٹ ہوئے ہیں۔

سندھ میں ماہ ستمبر میں ڈینگی کے 603 کیس رپورٹ ہوئے، سندھ میں جنوری تا اگست ڈینگی کے 1365کیس رپورٹ ہوئے تھے، سندھ میں رواں سال ڈینگی کے کیسوں کی تعداد 4209 سے تجاوز کرچکی ہے، رواں سال سندھ میں ڈینگی کے باعث اب تک 15 اموات ہوچکی ہیں۔

ڈینگی کیا ہے ؟اس کی علامات:

ڈینگی ایک بخار ہے جس کی کچھ عام علامات میں قے، شدید سر درد، متلی، خارش، جوڑوں کا درد، پٹھوں میں درد، آنکھوں میں درد اور سوجن شامل ہیں۔

علامات کا بروقت علاج نہ کیا جائے تو تھکاوٹ، قے میں خون، مسلسل قے، مسوڑھوں سے خون بہنا، بے چینی اور پیٹ میں شدید درد جیسے بڑے مسائل پیدا ہو سکتے ہیں۔ ڈینگی کا کوئی خاص علاج دستیاب نہیں ہے، علاج میں فی الحال علامات کو سنبھالنا شامل ہے۔

ڈینگی بخار میں مفید غذائیں:

میتھی:

میتھی ایک طاقتور درد کش دوا ہیں۔ آپ اسے رات بھر پانی میں بھگو کر رکھ دیں اور اگلی صبح وہ پانی پی لیں، اس سے آپ کو ڈینگی بخار سے جلد صحتیاب ہونے میں مدد ملے گی۔

موسمی کا جوس:

ہم سب جانتے ہیں کہ وٹامن سی قوت مدافعت بڑھانے میں حیرت انگیز کام کرتا ہے۔ موسمی کا جوس پینے سے آپ کی قوت مدافعت کو مضبوط بنانے اور آپ کو ہائیڈریٹ رکھنے میں مدد ملے گی۔

نیم کے پتے:

نیم کے پتے اپنی دواؤں کی خصوصیات کے لیے مشہور ہیں، یہ جسم میں وائرس کی افزائش اور پھیلاؤ کو روکنے میں مدد کر سکتا ہے۔ یہ سفید خون کے پلیٹلیٹ کی تعداد کو بڑھانے میں بھی مدد کر سکتا ہے۔ آپ نیم کے کچھ پتوں کو پانی میں پیس سکتے ہیں اور اس کا پانی پی سکتے ہیں۔

پپیتے کے پتے:

پپیتے کے پتے ڈینگی بخار کے علاج کے لیے بہترین علاج ہیں۔ یہ ان علامات کو دور کرنے، قوت مدافعت بڑھانے اور پلیٹلیٹ کی تعداد میں اضافہ کرنے میں مدد کرتا ہے۔ آپ اس کے پتوں کو پیس کر دن میں دو بار پی سکتے ہیں۔

ناریل پانی:

ڈینگی الٹی کا باعث بن سکتا ہے جس کی وجہ سے آپ کو پانی کی کمی ہوسکتی ہے، اس سے بچنے کے لیے آپ اپنی غذا میں ناریل کا پانی شامل کر سکتے ہیں۔

سندھ ہائیکورٹ نے حتمی فیصلہ دیتے ہوئے مکہ ٹیرس 15 روز میں مکمل خالی کرنے کا حکم دیدیا

مکہ ٹیرس کیس کی بڑی سماعت، سندھ ہائیکورٹ نے حتمی فیصلہ دیتے ہوئے مکہ ٹیرس 15 روز میں مکمل خالی کرنے کا حکم دیدیا۔ جسٹس ظفر احمد راجپوت اور جسٹس محمد فیصل کمال عالم پر مشتمل بینچ کے روبرو مکہ ٹیرس سے متعلق سماعت ہوئی۔ عدالت نے استفسار کیا بلڈنگ کا کمپلسری اوپن اسپیس کتنا ہی ایس بی سی اے کے وکیل نے بتایا کہ تقریبا 8 فٹ اضافی تعمیرات ہیں۔
ایس بی سی اے افسر نے بتایا کہ اضافی ستون گرادییے جائیں تو مسئلہ حل ہوسکتا ہے۔ عدالت نے ریمارکس دیئے اگر عمارت کی بنیادوں کو نقصان نہ پہنچے تو اضافی پلرز ہٹا دیں۔ بلڈر سارے اخراجات برداشت کرے گا اور مکینوں کے اخراجات بھی دے گا۔ عدالت نے بلڈر کے وکیل کو ہدایت کی ہمیں لکھ کر دیں آپ سارے اخراجات دیں گے۔

بلڈر محمد وسیم نے کہا کہ ایک سال کا وقت دیا جائے سارا کام ہوجائے گا۔

جسٹس ظفر احمد راجپوت نے ریمارکس دیئے ایک سال کی کوئی گنجائش نہیں سارا کام ایک ماہ میں ہوجائیگا۔ عدالت نے مکینوں کے وکیل کو جھاڑ پلا دی۔ جسٹس ظفر احمد راجپوت نے ریمارکس دیئے آپ نے غیر قانونی قبضہ لیا، کمپلیشن کے بغیر رہائش لی۔ آپ کیلئے بہتر یہی ہے آ پ خاموش رہیں۔ الاٹیز کو دوسری جگہ منتقل کرنے، غیر قانونی تعمیرات گرانے کیلئے ایک ماہ بہت ہے۔
جسٹس محمد فیصل کمال عالم نے ریمارکس میں کہا کہ ہمارے لئے آسان ہوتا عمارت گرانے کا حکم دے دیتے۔ آپ کی سہولت کیلئے آسان حل بتایا ہے فوری عمل کریں۔ عدالت نے حتمی فیصلہ دیتے ہوئے مکہ ٹیرس 15 روز میں مکمل خالی کرنے کا حکم دیدیا۔ عدالت نے ریمارکس دیئے غیر قانونی تعمیرات کے خاتمے تک عمارت خالی رہے گی۔ 2 ہفتے کے بعد تیسرے ہفتے میں ہر حال میں تجاوزات گرانے کا عمل شروع ہوگا۔
جسٹس ظفر احمد راجپوت نے ریمارکس دیئے آپریشن کے دوران کوئی راستے میں نہیں آئے گا۔ غیر قانونی تعمیرات گرانے کے بعد عمارت کو دوبارہ قابل استعمال بنایا جائے گا۔ مکینوں کی منتقلی کا سب خرچہ بلڈرز برداشت کرے گا۔ بلڈرز کرایے کے گھر خود ارینج کرے یا کرایے ادا کرے گا۔ دو ماہ میں تمام تر کارروائی مکمل ہوگی۔ دو ہفتے میں عمارت خالی تیسرے ہفتے آپریشن شروع ہوگا۔ ایک ماہ میں آپریشن مکمل اور عمارت کو قابل استعمال بنایا جائے گا۔ آپریشن سے قبل استعمال تک مکینوں کے آنے جانے، رہائش کا خرچہ بلڈرز ادا کرے گا۔ عدالت نے 3 ہفتے بعد ایس بی سے اے کو ابتدائی پیش رفت رپورٹ جمع کرانے کا حکم دیدیا۔

گرونانک بابا کے جنم دن کے موقع پر عام تعطیل کا اعلان کیا جائے : ناصر احمد ایڈووکیٹ

انٹرنیشنل لائرز فورم کے چیئرمین ناصر احمد ایڈووکیٹ نے کہا ہے کہ دستورِ پاکستان ، پاکستان کے تمام شہریوں کو مساوی حقوق دیتا ہے اور تمام پاکستانیوں کو انکی مذہبی عبادات کی اجازت دیتا ہے۔

انہوں نے کہا کہ بابا گرونانک کے جنم دن کے موقع پر کرسمس ، دیوالی کی طرح بابا گرونانک کے جنم دن کے موقع پر بھی عام تعطیل کا اعلان کیا جائے تاکہ پاکستان میں بسنے والی سکھ برادی کے افراد میں احساس محرومی کا خاتمہ ہوسکے۔ ان خیالات کا اظہار انہوں نے ممتاز سکھ راہنما سردار امر سنگھ کی قیادت میں آنے والے وفد سے بات چیت کرتے ہوئے کیا۔

چینی کا مصنوعی بحران پیدا کرنے والوں کے خلاف سخت کاروائی ہونی چاہیے : حنید لاکھانی

معروف سماجی رہنما و ماہر تعلیم حنید لاکھانی نے ملک میں جاری حالیہ چینی بحران پر شدید تشویش کا اظہار کرتے ہوئے کہا ہے کہ ذخیرہ اندوزی اور ناجائز منافع خوری کرنے والوں کے خلاف سخت کاروائی کرنی ہوگی چینی کی قیمتوں میں اضافے کے ذمہ داروں کو سزا ملنی چاہیے اور عوامی مفاد اور ریلیف کی راہ میں حائل ہونے والوں کے خلاف بلا تفریق کاروائی کرنی ہوگی سندھ میں واقع 27شوگر ملیں اگر مکمل طور پر پروڈکشن شروع کردیں توچینی عوامی قوت خرید نرخوں تک مارکیٹ میں بآسانی دستیا ب ہوگی، ان خیالات کا اظہارا نہوں نے حنید لاکھانی سیکرٹریٹ سے جاری کردہ بیان میں کیا، حنید لاکھانی نے کہا کہ منافع خور چند روپوں کے منافع کے لیئے غریب لوگوں کو لوٹتے ہیں مصنوعی مہنگائی پیدا کرتے ہیں گوداموں میں اشیائے خوردونوش چھپا کر مارکیٹوں میں مصنوعی قلت پیدا کردیتے ہیں طلب پوری نہ ہونے سے خودبخود اشیاء کے نرخ بڑھ جاتے ہیں جس کا فائدہ منافع خور چیزوں کے نرخوں کو سرکاری ریٹوں سے زیادہ نرخوں پر فروخت کر کہ حاصل کرتے ہیں، انہوں نے کہا پرائس کنٹرول کمیٹیوں کی سستی اور غفلت کی وجہ سے منافع خور سرکاری نرخوں سے زیادہ نرخوں پر بلا خوف و خطر بیچتے ہیں اگر پرائس کنٹرول کمیٹیاں اپنا کام پوری ذمہ داری سے کریں تو بھی مہنگائی کو کم کرنے میں کافی مدد ملے گی ، حکومتوں کو ہر حال میں غریب طبقے کو ریلیف فراہم کرنا ہوگا کیونکہ اس وقت ملک میں مہنگائی سے جتنا متاثر مزدور اور غریب طبقہ ہورہا ہے اس کی کوئی حد نہیں ہے، اشیائے خوردونوش کی قیمتوں کو کنٹرول یا کم کرنے کے لیئے قابل اور تجربہ کار بیورکریٹس پر مشتمل ایسی کمیٹیاں بنائی جائیں جو ہرآئٹم کی لاگت کا صحیح تخمینہ لگانے کی صلاحیت رکھتے ہوں اور ملز مالکان یا دیگر تاجروں سے مشاورت کر کہ مناسب منافع مقرر کرتے ہوئے سرکاری سطح پر ہر چیز کا نرخ مقرر کریں تو کوئی بھی دوکا ندار، آڑتی یا پھر بڑے سے بڑا تاجر اپنی مرضی سے ریٹ نہیں بڑھاپائے گا ، انہوں نے مزید کہا کہ غریب کو ریلیف دینا وقت کی اہم ضرورت بن چکا ہے کیونکہ غریب اس وقت شدید مشکل کا شکارہے اور بیروزگاری نے مہنگائی میں مزید اضافہ کردیا ہے۔

ملیر کورٹ میں پیشی پر آئے ملزم کی کورٹ کے واش روم میں خودکشی کی کو شش

کراچی کی ملیر کورٹ میں پیشی پر آئے ملزم نے کورٹ کے واش روم میں خودکشی کی کو شش کی پولیس نے ملزم کو زخمی حالت میں اسپتال منتقل کردیا واقعے سے متعلق تفتیش جاری ہے۔پولیس کے مطابق ملزم کو 6 نومبر کو شاہ لطیف پولیس نے گرفتار کیا، ملزم کی شناخت عبداللہ کے نام سے ہوئی ۔

گرفتار ملزم عبداللہ ملیر الفلاح کے علاقے میں ڈکیتی میں ملوث ہے، ملزم کے خلاف ڈکیتی کی دفعات کے تحت شاہ لطیف تھانے میں مقدمہ درج ہے۔پولیس کا بتانا ہے کہ ملزم کو دوسری پیشی پر آج ملیر کورٹ لایا گیا جہاں ملزم نے واش روم میں موجود بلیٹ کی مدد سے خود کشی کی تاہم ملزم کو اسپتال منتقل کردیا گیا جہاں اس کی حالت تشویشناک بتائی جاتی ہے.

والد کے انتقال کے بعد سے زندہ رہنے کیلئے جدوجہد کررہی ہوں: شرمیلا فاروقی

پاکستان پیپلز پارٹی کی رہنما اور رکن سندھ اسمبلی شرمیلا فاروقی نے کہا ہے کہ وہ اپنے والد کے انتقال کے بعد سے زندہ رہنے کے لیے جدوجہد کررہی ہیں۔مائیکرو بلاگنگ سائٹ ٹوئٹر پر شرمیلا فاروقی نے اپنی شادی کی یادگار تصویر شیئر کی جس میں وہ سبز رنگ کے خوبصورت لباس میں ملبوس ہیں اور ان کے والد نے ان کا ہاتھ تھاما ہوا ہے۔

شرمیلا فاروقی نے تصویر شیئر کرتے ہوئے اپنے ٹوئٹ میں لکھا کہ پاپا! جب سے آپ نے مجھے جسمانی طور پر چھوڑا ہے تو میں اس وقت سے زندہ رہنے کے لیے جدوجہد کر رہی ہوں۔پی پی رہنما نے کہا کہ یہ میری زندگی کا سب سے پریشان کن سفر رہا ہے۔شرمیلا فاروقی نے جذباتی ہوتے ہوئے کہا کہ آپ نے میرا ہاتھ غیر مشروط طور پر تھام رکھا ہے۔آخر میں شرمیلا فاروقی نے مرحوم والد کے لیے دعا کرتے ہوئے کہا کہ اللہ تعالی! آپ کو جنت میں اعلی مقام عطا فرمائے۔واضح رہے کہ حال ہی میں شرمیلا فاروقی کے والد محمد عثمان فاروقی کراچی میں انتقال کر گئے تھے۔