پاکستان پیپلز پارٹی کی رہنما اور رکن سندھ اسمبلی شرمیلا فاروقی نے کہا ہے کہ وہ اپنے والد کے انتقال کے بعد سے زندہ رہنے کے لیے جدوجہد کررہی ہیں۔مائیکرو بلاگنگ سائٹ ٹوئٹر پر شرمیلا فاروقی نے اپنی شادی کی یادگار تصویر شیئر کی جس میں وہ سبز رنگ کے خوبصورت لباس میں ملبوس ہیں اور ان کے والد نے ان کا ہاتھ تھاما ہوا ہے۔

شرمیلا فاروقی نے تصویر شیئر کرتے ہوئے اپنے ٹوئٹ میں لکھا کہ پاپا! جب سے آپ نے مجھے جسمانی طور پر چھوڑا ہے تو میں اس وقت سے زندہ رہنے کے لیے جدوجہد کر رہی ہوں۔پی پی رہنما نے کہا کہ یہ میری زندگی کا سب سے پریشان کن سفر رہا ہے۔شرمیلا فاروقی نے جذباتی ہوتے ہوئے کہا کہ آپ نے میرا ہاتھ غیر مشروط طور پر تھام رکھا ہے۔آخر میں شرمیلا فاروقی نے مرحوم والد کے لیے دعا کرتے ہوئے کہا کہ اللہ تعالی! آپ کو جنت میں اعلی مقام عطا فرمائے۔واضح رہے کہ حال ہی میں شرمیلا فاروقی کے والد محمد عثمان فاروقی کراچی میں انتقال کر گئے تھے۔

پاکستان کے نامور لیجنڈری فنکار محمد عمر شریف کی رسم چہلم مورخہ 11 نومبر بروز جمعرات بعد نمازِ ظہر 117/3 بلاک 3 گلشن اقبال، کراچی میں ادا کی جائے گی۔

پاکستان کے نامور لیجنڈری فنکار محمد عمر شریف کی رسم چہلم مورخہ 11 نومبر بروز جمعرات بعد نمازِ ظہر 117/3 بلاک 3 گلشن اقبال، کراچی میں ادا کی جائے گی۔

کامیڈی کے بادشاہ عمر شریف کے ایصالِ ثواب کے لیے صدر آرٹس کونسل محمد احمد شاہ و اراکین گورننگ باڈی اور شوبز انڈسٹری سے وابستہ شخصیات بھی چہلم میں شرکت کریں گی۔ واضح رہے کہ عمر شریف 2اکتوبر 2021ءکو جرمنی میں دورانِ علاج انتقال کرگئے تھے۔

پاک سرزمین پارٹی کے چیئرمین سید مصطفیٰ کمال نے کہا ہے کہ ریاست پاکستان بڑا دل کرکہ کراچی اور بلوچستان کے نوجوانوں کو بھی ایک بار معاف کرئے،

گزشتہ پانچ سال کے دوران پی ایس پی نے ثابت کیا کہ کراچی کے نوجوانوں کا راکے آلہِ کار نہیں اور جب انہیں پر امن طرز زندگی گزارنے کا موقع دیا گیا تو انہوں نے پلٹ کر کسی کو پتھر نہیں مارا۔
ریاست ماں جیسی ہے تو ملک کے وسیع ترین مفاد میں امن کی جانب ہاتھ بڑھانے والوں کیساتھ یکساں سلوک کرئے۔ جب فوجیوں کے کٹے سروں سے فٹبال کھیلنے اور اے پی ایس پشاور جیسے دلدوز سانحات میں ملوث لوگوں کو معافی مل سکتی ہے تو پھر ایک بار کراچی اور بلوچستان کے نوجوانوں کو معاف کیا جائے۔

ریاست تمام لاپتا افراد کو بازیاب کرائے، ہم نے کل بھی نوجوان کی گارنٹی لی تھی، آج بھی گارنٹی لیتے ہیں کہ معاف کیا گیا کوئی شخص ریاست کے خلاف کھڑا نہیں ہوگا۔

لاپتا افراد اور اسیر افراد کے بوڑھے ماں باپ، بھائی بہن، بیویاں اور اولادیں در در کی ٹھوکریں کھانے پر مجبور ہیں۔ دیگر قومیتوں کی طرح مہاجروں اور بلوچوں کے زخموں پر بھی مرہم رکھنے کی ضرورت ہے۔ پی ایس پی نے پاکستان کی معاشی شہ رگ میں لسانی، مذہبی اور فرقہ بندی کی فالٹ لائنز پر کام کیا اور قیمتی جانوں کی قربانی دے کر قوم کو متحد کرکہ پاکستان کی معاشی انجن سے را کی سرمایہ کاری تباہ و برباد کردی ہے۔
ہم نے کراچی کی ترقی کے لیے جیسے رات دن کام کیا ہے ملک کی تعمیر و ترقی کے لیے اس سے زیادہ محنت سے کام کرنے کا عزم رکھتے ہیں، قوم نے تمام تجربات کرکہ دیکھ لیا، اب ان کے پاس پی ایس پی کے علاوہ کوئی دوسرا آپشن نہیں۔ پاک سرزمین پارٹی پاکستان کے تمام مسائل کا حل پیش کر رہی ہے، عوام ساتھ دے ہم انشاء اللہ سب ٹھیک کر دیں گے کیونکہ صرف ہمارے پاس ہی پاکستان کے مسائل کے حل کا بلیو پرنٹ ہے۔
ان خیالات کا اظہار انہوں نے پاکستان ہاؤس میں ڈسٹرکٹ کورنگی اور ڈسٹرکٹ ساؤتھ کے ذمہ داران کے اجلاس سے خطاب کرتے ہوئے کیا۔ سید مصطفیٰ کمال نے مزید کہا کہ 3 مارچ 2016 سے آج تک جو بات کہی اس پر یو ٹرن نہیں لیا کیونکہ ہم جھوٹ کا سہارا نہیں لیتے، سچ بولنے کی طاقت رکھتے ہیں، عوام نے موقع دیا تو انکی امیدوں پر بھی پورا اتریں گی ۔

ناظم جوکھیو قتل کیس میں اہم پیشرفت سامنے آگئی، تفتیشی حکام نے ایم این اے جام عبدالکریم کو ملزمان میں شامل کرتے ہوئے وائلڈ لائف افسران کو بھی شامل تفتیش کرلیا۔

تفصیلات کے مطابق ناظم جوکھیو قتل کیس کے حوالے سے تفتیشی حکام کی جانب سے ایم این اے جام عبدالکریم کو بھی ملزمان میں شامل کرلیا گیا، جبکہ جام کریم سمیت 15 سے زائد ملزمان تاحال مفرور ہیں، تفتیشی حکام کے مطابق پولیس نے ناظم جوکھیو قتل کیس میں اغوا کی دفعہ 365 بھی شامل کرلی ہے، دوسری جانب تفتیشی حکام نے وائلڈ لائف کے افسروں کو بھی شامل تفتیش کرلیا ہے، تفتیشی حکام کا کہنا ہے کہ تلور کے شکار پر غیر ملکیوں کے ساتھ وائلڈ لائف کا عملہ بھی موجود تھا، تفٹیشی حکام کا کہنا ہے کہ مقتول ناظم جوکھیو کی قتل کی اہم وجہ غیر ملکی شہریوں کو شکار کرنے سے منع کرنا اور ویڈیو بنانا بنی، تاہم وائلڈ لائف کے عملے سے جھگڑے کی نوعیت اور وجہ کا تعین کیا جارہا ہے، اس حوالے سے تفتیشی حکام نے وائلڈ لائف ڈپارٹمنٹ سے عملے کی تفصیلات بھی طلب کرلی ہیں، تفتیشی حکام کا کہنا ہے کہ ناظم جوکھیو کے قتل میں رکن اسمبلی جام اویس سمیت تین ملزمان گرفتار اور دو نامزد ملزمان کی تلاش کا عمل جاری ہے، دوسری جانب تفتیشی ٹیم نے موبائل ڈیٹا کی مدد سے تفتیش تیز کردی ہے، تفتیشی حکام کے مطابق جام گوٹھ میں افضل جوکھیو، نیاز سالار، جام عبدالکریم کے موبائل فون کی لوکیش سامنے آگئی ہے تاہم مقتول ناظم جوکھیو کی آڈیو اور وڈیو کو مرکزی شواہد کے طور پر استعمال کرنے کا فیصلہ کیا گیا ہے، تفتیشی حکام کا کہنا ہے کہ خدشہ ہے کہ ناظم جوکھیو کو سر پر لگنے والا ڈنڈا جان لیوا ثابت ہوا، تاہم تفصیلی میڈیکل رپورٹ سے مزید حقائق سامنے آئیں گے، دریں اثنا تفتیشی ٹیم نے مقتول ناظم جوکھیو کے بھائی افضل جوکھیو کے ساتھ جائے وقوعہ کا دورہ کیا تاحال ناظم جوکھیو کا موبائل فون نہیں ملا، تاہم تفتیشی حکام کا کہنا ہے کہ ناظم جوکھیو قتل کیس میں مزید افراد کو گرفتار کیا جائے گا .

کراچی،کم عمر ڈرائیورز کیخلاف کارروائیاں جاری

معزز عدالت عالیہ (سندھ ہائی کورٹ ) کے حکم پر کم عمر ڈرائیوروں اورگاڑی کے مالک اور والدین کے خلاف ٹریفک پولیس کراچی کی جانب سے کارروائیاں جاری ہیں۔

ترجمان ٹریفک پولیس کراچی کے مطابق اس ضمن میں مورخہ 2 ستمبر سے 8 نومبر 2021 تک کراچی ٹریفک پولیس نے شہر بھر میں اس خصوصی مہم میں درج ذیل جرمانے اور چالان جاری کئی, کم عمر ڈرائیوری پر 30507 چالان اور 15253500 روپے جرمانے کئے گئے،گاڑی چلانے کی اجازت دینے پر والدین / گاڑی کے مالک کو 17100 چالان جاری کئے گئے جبکہ 17100000 روپے کے جرمانے کئے گئے اور اسکے ساتھ ہی28850 گاڑیاں بھی ضبط کی گئیں

سندھ بھر میں کورونا ویکسینیشن کا عمل تاحال جاری ہے۔

تفصیلات کے مطابق کراچی کی 45.84 فیصد آبادی کو کورونا کی ویکسین لگا دی گئی ہے جبکہ کراچی میں سب سے زیادہ ویکسین ضلع جنوبی میں 93 فیصد افراد کو لگائی گئی ہے۔

ضلع شرقی میں 70 فیصد، ملیر میں 41 فیصد ، ضلع کورنگی میں 35، وسطی میں 30 اور غربی میں 26 فیصد آبادی کو ویکسین لگائی گئی ہے۔

اسکے علاوہ حیدرآباد ڈویژن میں 37 ، سکھر ڈویژن میں 33 ، میر پور خاص ڈویژن میں 63 ، شہید بینظیر آباد میں 42 اور لاڑکانہ ڈویژن میں 33 فیصد آبادی کو کورونا ویکسین لگائی جاچکی ہے۔

واضح رہے کہ کراچی میں مجموعی طور پر 94 لاکھ 57 ہزار 128 جبکہ سندھ میں 2 کروڑ 22 لاکھ 62 ہزار 363 افراد کو ویکسین لگائی گئی ہے۔

پاکستان پیپلزپارٹی کے چیئرمین بلاول بھٹو زرداری نے کہا ہے کہ پاکستان کا سب سے بڑا مسئلہ ملک کا معاشی بحران ہے۔

بلاول بھٹو زرداری نے پارلیمان میں صحافیوں سے گفتگو کرتے ہوئے کہا کہ پی ٹی آئی ایم ایف ڈیل کی وجہ سے تاریخی مہنگائی، غربت اور بیروزگاری کا سامنا کرتے ہوئے عوام مشکل میں ہیں۔

انہوں نے کہا کہ پاکستان پیپلزپارٹی نے ہر فورم پر ہمیشہ پی ٹی آئی ایم ایف ڈیل کے نتیجے میں مہنگائی کے طوفان سمیت معاشی بحران کے مسئلے کو اٹھایا ہے۔

بلاول بھٹو کا کہنا تھا کہ متحدہ اپوزیشن نے آج ایک بار پھر قومی اسمبلی میں ووٹوں سے حکومت کو شکست دی ہے۔

پاکستان پیپلزپارٹی کے چیئرمین بلاول بھٹو زرداری کا مزید کہنا تھا کہ آج متحدہ اپوزیشن کی جانب سے قومی اسمبلی میں ووٹوں سے حکومت کو شکست دینا ایک اچھا اشاریہ ہے کہ مستقبل میں ہم حکومت کو شکست دیتے رہیں گے۔

کراچی: سندھ ہائی کورٹ نے دودھ، دہی، چینی سمیت روزمرہ اشیا کی قیمتوں پر کنٹرول نہ کرنے سے متعلق درخواست پر اٹارنی جنرل پاکستان و دیگر سے جواب طلب کرلیا۔

چیف جسٹس سندھ ہائی کورٹ جسٹس احمد علی شیخ کی سربراہی میں بینچ کے روبرو دودھ، دہی، چینی سمیت روز مرہ اشیا کی قیمتوں پر کنٹرول نہ کرنے سے متعلق طارق منصور ایڈوکیٹ کی درخواست پر سماعت ہوئی۔

درخواست گزار طارق منصور ایڈوکیٹ نے دلائل دیئے کہ ہورڈنگ اینڈ بلیک مارکیٹنگ ایکٹ قائد اعظم کے زمانے سے موجود ہے۔ قائد اعظم نے قیمتوں کو کنٹرول کرنے سے متعلق 1948 میں یہ قانون بنایا۔ قائد اعظم کی رحلت کے بعد اس قانون کو پس پشت ڈال دیا گیا۔ 70 سال سے اس قانون پر عمل نہیں ہو رہا۔ اس قانون پر عمل نہ کرنے سے اشیا کی قیمتوں میں من مانی چل رہی ہے۔ 2 اداروں کی جنگ میں عوام پس رہے ہیں۔ جب تک یہ اختیارات کمشنر، ڈپٹی اور اسسٹنٹ کمشنرز کے پاس ہیں، مہنگائی رہے گی۔ یہ کام کمشنرز کا نہیں بیورو آف سپلائی اینڈ پرائسس ڈیپارٹمنٹ کا ہے۔ اشیا کی قیمتوں سے متعلق اسپیشل ججز تعینات کیے جائیں۔ یہ اختیارات کمشنرز سے لے کر اسپیشل ججز کو دیے جائیں۔ اسپیشل جج کو 7 سال سزا تک کا اختیار دیا گیا ہے۔ یہاں گودام تک کی رجسٹریشن نہیں ہوتی۔
دوران سماعت ڈی جی بیورو آف سپلائی اینڈ پرائسس کی تعیناتی کا نوٹی فکیشن بھی عدالت میں پیش کیا گیا۔ سرکاری وکیل نے موقف دیا سندھ حکومت نے ڈی جی بیورو آف سپلائی اینڈ پرائسس تعینات کردیا ہے ۔ عدالت نے اٹارنی جنرل پاکستان و دیگر فریقین سے 9 دسمبر تک کے لیے جواب طلب کرلیا۔

اب غیر قانونی ٹاور اور ٹیرس کے بعد غیر قانونی مکان بھی گریں گے

انڈا موڑ نارتھ کراچی پر روڈ پر غیر قانونی تعمیرات نہ گرانے پر سندھ ہائیکورٹ نے برہمی کا اظہار کیا اور عدالت نے سینئر ڈائریکٹر اینٹی انکروچمنٹ کا وارنٹ گرفتاری جاری کردیا اور حکام کو رپورٹ سمیت 16 نومبر کو پیش ہونے کا حکم دیا ۔
انڈا موڑ پر روڈ پر تعمیرات کے خلاف درخواست کی سماعت ہوئی ۔ جسٹس ظفر راجپوت نے سوال کیا کہ روڈ پر تعمیرات ہوگئیں ، آپ نے کارروائی کیوں نہیں کی ؟
وکیل کے ایم سی نے کہا کہ روڈ کے ایم سی کا ہے مگر تعمیرات کے ڈی اے اور سندھ کچی آبادی کے بھی دائرہ اختیار میں آتا ہے، اگر عداکت جوائنٹ آپریشن کا حکم دے دے تو مشترکہ کارروائی ہوگی ،

عدالت نے برہمی کا اظہار کیا اور کہا کہ آپ دوسرے اداروں پر ذمہ داری ڈالنے کی کوشش کررہے ہیں ؟ قانون کیوں بنا ہے ؟ ادارے اور دفاتر کیوں بناۓ ہیں ؟ کیا غیر قانونی تعمیرات کے خلاف کارروائی کیلئے عدالتی حکم کی ضرورت ہے ؟

وکیل کے ایم سی نے کہا کہ ہم آپریشن کریں گے قانون نافذ کرنے والے اداروں کو تعاون کی ہدایت کی جاۓ ، قبضہ مافیا نے روڈ پر 90 سے ذائد مکانات بنادیئے ہیں ۔