عرب شکاریوں کی وڈیو بنانے والے مقتول ناظم جوکیو کی پوسٹ مارٹم رپورٹ جاری

ابتدائی رپورٹ میں اہم انکشافات ہوئے ہیں رپورٹ کے مطابق مقتول کے جسم۔کے ہر حصے پر سخت تشدد کیا گیا ہے۔
جناح پوسٹ گریجویٹ میڈیکل سینٹر (جے پی ایم سی) کی ایڈیشنل پولیس سرجن ڈاکٹر سمعیہ سید نے بتایا کہ قتل ہونے والے ناظم جوکھیو کے پوسٹ مارٹم معائنے میں پورے جسم پر "شدید تشدد کے نشانات” پائے گئے ہیں ۔

چار بچوں کے والد جوکھیو کو ملیر میں پیپلز پارٹی کے زیر حراست رکن اسمبلی جام اویس کے فارم ہاؤس پر مبینہ طور پر تشدد کر کے ہلاک کر دیا گیا تھا کیونکہ انہوں نے ٹھٹھہ کے علاقے دھابیجی میں مقتول کے گاؤں کے قریب رکن اسمبلی کے غیر ملکی مہمانوں کو شکار کرنے اور اس کی فلم بندی کرنے سے روکنے کی کوشش کی تھی۔

ڈاکٹر سید نے کہا کہ جے پی ایم سی مردہ خانے میں ڈاکٹر محمد اریب کے پوسٹ مارٹم سے یہ بات سامنے آئی کہ "سر سمیت پورے جسم پر چوٹ کے نشانات تھے۔”

کراچی: شہر قائد میں سبزیوں کی قیمتوں کو بھی پر لگ گئے، موسم سرما کی آمد کے ساتھ ہی سبزیوں کی بھر مار کے باوجود شہر میں بہت کم سبزیاں 100 روپے یا اس سے کم قیمت پر دستیاب ہیں۔

تفصیلات کے مطابق ٹماٹر کی ایک بار پھر قلت ہے اور ٹماٹر 200 سے 240 روپے کلو تک فروخت کیا جارہا ہے، سیزن کے باوجود گاجریں 80 روپے کلو، مولی 80 روپے کلو فروخت کی جارہی ہے جبکہ مٹر 300 روپے کلو میں دستیاب ہے۔

سبزی فروشوں کا کہنا ہے کہ پیٹرول کی قیمت بڑھنے کی وجہ سے ترسیل کی لاگت بڑھ گئی ہے، سندھ سے زیادہ بلوچستان سے سبزیاں آرہی ہے جن کی ترسیل کی لاگت زیادہ ہے۔
سبزی فروشوں کے مطابق زیادہ تر گاہک دام پوچھ کر چلے جاتے ہیں 10 میں سے 2 سے 3 گاہک ہی خریداری کرتے ہیں، ٹماٹر کلو کے بجائے ایک پاؤ خریدتے ہیں، اسی طرح دیگر سبزیوں کی خریداری بھی محدود ہوچکی ہے، شہر میں آلو کی نئی فصل کی پیداوار 80 روپے کلو فروخت ہورہی ہے جبکہ پرانا آلو بھی 50 روپے کلو فروخت ہورہا ہے۔

دوسری جانب سبزی منڈی میں پیاز کی قیمت میں نمایاں کمی کے باوجود چھوٹے سائز کی پیاز 40 روپے اور بڑی پیاز 60 سے 70 روپے کلو فروخت ہورہی ہے، ہری مرچ 200، لہسن 280، ادرک 320، لیموں 220 روپے کلو ہوگیا، مٹر 300، ہری پیاز 240، ٹنڈہ 200، شملا مرچ 180 روپے کلو میں بکنے لگی۔ لوکی 80، پھول گوبھی 100، بند گوبھی 100، بھنڈی 180 روپے کلو میں دستیاب ہے۔ گاجر 80 سے 100، مولی 80، کریلا 120، پالک 80، بینگن 80، شلجم 120، چقندر 120 روپے کلو بیچی جارہی ہے۔

کراچی: گورنر سندھ عمران اسماعیل نے ناجائز شادی ہالز اور کچرا کنڈی کو ختم کر کے پارک تعمیر کرنے کی ہدایت دے دی۔
ذرائع کے مطابق گورنرسندھ عمران اسماعیل نے کراچی کے علاقے فیڈرل بی ایریا انچولی میں سادات شہدا پارک کا افتتاح کیا، اس موقع پر رکن قومی اسمبلی اسلم خان بھی موجود تھے۔ سادات شہدا پارک رکن قومی اسمبلی کے فنڈز سے از سر نو تعمیر کیا گیا ہے۔
گورنر سندھ نے پارک کی افتتاحی تقریب سے خطاب کرتے ہوئے کہا کہ پی ٹی آئی حکومت کی ترجیح عام آدمی کےمسائل کو حل کرنا ہے۔ انہوں نے ناجائز شادی ہالز کو مسمار اور کچرہ کنڈی کو ختم کرکے پارک بنانے کا اعلان بھی کیا۔
عمران اسماعیل نے کہا کہ ’ہمیں کہاگیاکہ یہ چھوٹےکام وفاق کےنہیں وہ بڑےکام کرے، سندھ کا سب سے بڑا ٹرانسپورٹ کا منصوبہ وفاق نےدیا، گرین لائن کا اسٹینڈرڈ بین الاقوامی سطح کا ہے، بس کا کرایہ چنگچی رکشوں کے برابر ہوگا۔
انہوں نے مہنگائی پر وضاحت پیش کرتے ہوئے کہا کہ پاکستان سمیت دنیا بھر میں قیمتیں بڑھی ہیں، وزیراعظم کی پوری کوشش ہےکہ وہ قیمتیں نیچے لائیں، اجناس کی قیمتوں کا تعین صوبائی حکومتیں کرتی ہیں، آٹےکا اسٹاک سندھ کے پاس ہے، جس کو جاری کرنا بھی صوبائی حکومت کا ہی کام ہے، 12لاکھ ٹن گندم گودام میں پڑی ہے لیکن اسے ریلیز نہیں کیا جارہا، صوبائی حکومت کو آٹےکی قیمت میں کمی کیلئے کردارا ادا کرنا چاہیے۔

وزیر بلدیات و ہائوسنگ اینڈ ٹائون پلاننگ، پبلک ہیلتھ انجینیئرنگ اور رورل ڈیویلپمنٹ ڈپارٹمنٹ سندھ سیدناصرحسین شاہ نے بیان دیتے ہوئے کہا کہ چینی بحران کے معاملے پر وفاقی وزراء عوام کو گمراہ کررہے ہیں ۔ چینی بحران کا زمہ دار سندھ کو ٹھہرانا منافقت پر مبنی ہے۔
انہوں نے کہا کہ باقی تینوں صوبوں میں پی ٹی آئی کی حکومت ہے کیا وہاں دودھ کی نہریں بہہ رہی ہیں ۔ سب سے زیادہ شگر ملز پنجاب میں ہیں کیا سب کام کررہی ہیں
ہمت کریں اور تفصیلات بتائیں پنجاب کی کتنی شگرملز نے کرشنگ شروع کی ہے ۔ جھوٹ یوٹرن، جھوٹ یوٹرن پی ٹی آئی حکومت کی یہ ہی کارکردگی ہے ۔ عمران خان نے جھوٹ بولنے میں پی ایچ ڈی کرنے والے ترجمانوں کی فوج رکھی ہوئی ہے ۔
کچھ لوگوں کو نوازنے کے لئے چینی ایکسپورٹ کی جاتی ہے اور پھر وہی چینی مہنگے داموں امپورٹ کی جاتی ہے
۔ پاکستان میں حالات کی بہتری کے لئے امید کی کرن صرف بلاول بھٹو ذرداری ہیں۔ مہنگائی میں کمی، معاشی استحکام، تعلیم اور صحت کی سہولیات کی فراہمی بلاول بھٹو ذرداری کی ترجیحات میں شامل ہیں

‏امیر جماعت اسلامی کراچی ‎حافظ نعیم الرحمن کا سالار گوٹھ میں ‎ناظم جوکھیو کے بھائی ودیگر لواحقین سے تعزیت۔۔۔

حافظ انجنئیر نعیم الرحمن امیر جماعت اسلامی کراچی نے میڈیا سے گفتگو کرتے ہوئے کہا کہ شہید ناظم جوکھیو کی ہمت اور قربانی ایک اعلیٰ مثال بن گئی ہے لہذا سندھ کی عوام کے پاس موقع ہے کہ وہ جاگیر داروں ، وڈیروں اور سرداروں کے ظلم کو ختم کرنے کے لیے ناظم جوکھیو کے نقش قدم پر چلیں ، سرداری نظام کے کرتا دھرتا عام انسانوں کو کیڑے مکوڑے سمجھتے ہیں جو کہ انتہائی افسوس ناک بات ہے۔
حافظ نعیم الرحمان نے کہا ہے جو سندھ اور سندھ کی عوام کا دوست ہوگا وہ اس وڈیرا شاہی کے خلاف ہوگا۔ وڈیرے اچھے بھی ہوتے ہیں برے بھی ہوتے ہیں انکا اپنا ایک قباٸلی نظام ہوتاہے۔لیکن اسکا یہ مقصد نہیں کہ وہ جسے چاہے کسی بے گناہ کو موت کے گھاٹ اتار دے۔انکی حیثیت کیا ہے کہ وہ انکو غلام سمجھیں اب وقت آگیا ہے کہ سندھ کی عوام ان ان وڈیروں جاگیرداروں کے ظلم کیخلاف آواز بلند کرے جسکی مثال انہوں نے سڑکوں پر نکل کر دی ہے۔

جماعت اسلامی بھی اس ظلم اور بربریت کیخلاف غریب عوام کی آواز بنی ہوٸی ہے۔ قبل ازیں انھوں نےشکید ہونے والے نوجوان کے گاٶں دھابیجی سالار گوٹھ میں شہید ناظم جوکھیو کے ورثاء اور شہید کے بھاٸی افضل جوکھیو و دیگر سے تعزیت کی۔
اس موقع پر مقامی ذمہ داران امیر جماعت اسلامی ٹھٹہ الطاف احمد ملاح ، عبداللہ آدم گندرو، محمد ریاض جیلانی ، محمد علی خٹک ، مہر دین راجپوت , راجہ محمود کشمیری ، طلحہ فاروقی، حماد اشرف راجپوت, حافظ نور محمد کوریجہ محمّد ، اسماعیل ناھیو و دیگر کارکنوں کی بڑی تعداد بھی موجود تھی۔

معروف اداکارہ صبا قمر طبیعت کی ناسازی کے باعث اسپتال میں زیر علاج ہیں۔

اداکارہ صبا قمر نے حال ہی میں اپنے انسٹا گرام پر اسٹوری شیئر کی جس میں ان کی طبیعت خراب دکھائی دیتی ہے اور انہیں ڈرپ لگی ہوئی ہے ۔

انہوں نے بتایا کہ وہ وائرل انفیکشن کا شکار ہوگئی ہیں جس کے باعث دوائیوں پر گزارا کر رہی ہیں۔

اداکارہ صبا قمر نے بتایا کہ مجھے بیمار ہونا بالکل پسند نہیں ہے ،بیمار ہو نے سے سخت نفرت ہے ۔

کراچی : کلری اور کھارادرپولیس نے گٹکا/ماوا سپلائی میں ملوث 4 ملزمان کو گرفتار کرلیا ۔

کلری اور کھارادرپولیس نے گٹکا/ماوا سپلائی میں ملوث 4 ملزمان کو گرفتار کرلیا تفصیلات کے مطابق کلری پولیس نے 3 ملزمان محمد یاسر,عبدالکریم اور محمد حنیف عرف پٹنی کو گرفتار کرکے.،8کلو300 گرام گٹکاماوا برآمد کیا گیا.کھارادر پولیس نے علی نیازکو گرفتار کرکے 2کلو گرام گٹکا/ماوا برآمد کرلیا ۔ ملزمان گٹکا ماوا شہر کے مختلف علاقوں میں سپلائی بیچا کرتے تھے ۔

ٹریفک پولیس کی کم عمر ڈرائیوروں اور گاڑی کے مالک اور والدین کے خلاف کارروائی جاری ہے ۔

ترجمان ٹریفک پولیس کے مطابق اس ضمن میں 2 ستمبر سے 5 نومبر 2021 تک شہر بھر میں اس خصوصی مہم میں کم عمر ڈرائیوری پر 30236 چالان اور 15118000 روپے جرمانے کئے گئے۔گاڑی چلانے کی اجازت دینے پر والدین / گاڑی کے مالک کو 17021 چالان جاری کئے گئے جبکہ 17021000 روپے کے جرمانے کئے گئے اور اسکے ساتھ ہی28600 گاڑیا ں بھی ضبط کی گئیں۔