Category: کراچی

کراچی : ہیلپ انٹر نیشنل ویلفئیر ٹرسٹ کی جانب سے9 نومبر کو تقریب یوم اقبال کا انعقاد کیا جا رہا ہے ۔

تفصیلات کے مطابق حلقہ فکر و ادب کے زیر اہتمام ہیلپ انٹر نیشنل ویلفئیر ٹرسٹ والینٹیر اور کراچی یوتھ ایسوسی ایشن کے اشتراک سے شاعر مشرق حکیم الامت ڈاکتر علامہ محمد اقبال کے افکار کو معاشرے مین عام کرنے کے لئے تقریب یوم اقبال کا انعقاد کیا جا رہا ہے ۔ جس کی صدارت جسٹس (ر) وجیہہ الدین احمد کریں گے اور اس کے مہمان خصوصی ماہر اقبالیات پروفیسر خیال آفاقی ہوں گے ۔ اور اس کے مہمان اعزازی خناب عبدالروف تابانی صاحب جو کہ ہیلپ انٹر نیشنل ویلفئیر ٹرسٹ کے چیئرمین بھی ہیں ہوں گے ۔
اس تقریب میں نوجوان طلبا و طالبات کلام اقبال کے خصوصی حصے پیش کریں گے جبکہ مختلف شعبہ جاگ کے ماہرین نوجوانوں کو فکر اقبال سے روشناس کروائیں گے ۔ تقریب کا انعقاد گلستان جوہر کراچی میں کیا جائے گا ۔

‏کراچی ترجمان وزارت خزانہ مزمل اسلم کی پریس کانفرنس

ترجمان وزارت خزانہ کہتے ہیں سندھ کو اگر درآمدہ چینی چاہئے تو وفاق سے مانگ لے، حکومت کے پاس 1 لاکھ ٹن چینی کے ذخائر موجود ہیں جب کہ شوگر ملز کے پاس 11 روز کے ذخائر موجود ہیں۔

کراچی پریس کلب میں چینی کے بحران کے حوالے سے پریس کانفرنس کرتے ہوئے ترجمان وزارت خزانہ مزمل اسلم کہتے ہیں کہ ملک میں چینی کی سالانہ کھپت 60 لاکھ ٹن ہے، سندھ حکومت نے گنے کی سپورٹ پرائز کا اعلان کیا مگر ابتک نوٹس جاری نہیں ہوا جس کی وجہ سے شوگر ملز میں کرشنگ تاخیر ہو سکتی ہے ۔ ملک میں 15ہزار ٹن چینی کی ضرورت ہے ۔ سندھ میں ابھی تک کوئی شوگر مل نہیں چلی ۔ ‏سندھ حکومت کوچینی چاہیے تو وفاقی حکومت دینے کو تیار ہے لیکن سندھ حکومت چینی کے معاملے پر وفاق سے مدد لینے کو تیار نہیں ۔ چینی کا معاملہ صوبائی ہے ۔ سندھ میں کرشنگ شروع نہ ہونے پر ملز نے چینی کی قیمت بڑھا دی ہے ۔

پاکستان شوبزانڈسٹری کی معروف اداکارہ حبا بخاری نے سوشل میڈیا پر اپنے منگیتر کے بارے میں پوچھنے والے مداحوں کو دلچسپ انداز میں جواب دیا ہے۔

حبابخاری نے اپنے انسٹاگرام اکائونٹ پر اپنے مداحوں سے بات چیت کرنے کے لیے ایک سیشن رکھا جس میں ایک مداح نے ان سے پوچھا کہ آپ کی شادی کب ہی جس پر اداکارہ نے جواب دیتے ہوئے بتایا کہ وہ جلد شادی کررہی ہیں۔

جبکہ ایک مداح نے اداکارہ سے کافی مضحکہ خیز انداز میں سوال کیا کہ سچ سچ بتادیں کس سے شادی کریں گی۔حبا بخاری نے دلچسپ انداز میں جواب دیتے ہوئے لکھا کہ اللہ کا پکا وعدہ لڑکا ہے۔ایک اور مداح نے سوال کیا کہ کیا آپ اپنے منگیتر کو انسٹا گرام پر فالو کرتی ہیں اس سوال کاجواب دیتے ہوئے اداکارہ نے بتایا کہ وہ اپنے منگیتر کو انسٹا گرام پر فالو کرتی ہیں۔

پیپلز پارٹی سندھ کے صدر نثار کھوڑو نے صوبائی وزیر ساجد جوکھیو کے ہمراہ ملیر کے علاقے آچار سالار جوکھیو گوٹھ پہنچ کر ویڈیو بنانے کے معاملے پر تشدد کرکے قتل کئے گئے مقتول ناظم جوکھیو کے بھائی اور ان کے ورثا سے تعزیت کی اور واقعے پر افسوس کا اظہار کیا۔ اس موقع پر نثار کھوڑو نے متاثرہ خاندان کو انصاف فراہم ہونے کی یقین دہانی کرائی۔
میڈیا سے بات چیت کرتے ہوئے نثار کھوڑو نے کہا کہ ناظم جوکھیو کے قتل کے واقعے کا چیئرمین بلاول بھٹو زرداری نے نوٹس لیا ہے اور مقتول کا بے گناہ قتل رائیگاں ہونے نہیں دیا جائے گا۔ انہوں نے کہا کہ مقتول ناظم جوکھیو کو تشدد کرکے قتل کیا گیا اس سے زیادہ افسوسناک واقعہ ہو نہیں سکتا ۔ہم ظلم کے خلاف ہیں اور ظالم کا ساتھ نبھانے والے کبھی نہیں ہو سکتے اورنہ ہی قتل کے اس بہیمانہ واقعے کی کوئی سپورٹ کر سکتا ہے۔ انہوں نے کہا کے ہم مظلوم متاثرہ خاندان کے ساتھ ہیں اور مقتول کے ورثا پر دبا ڈالنے کی باتیں بے بنیاد ہیں۔ انہوں نے کہا کہ واقعے کی شفاف تحقیقات کرائی جا رہی ہے اور مقتول کے ورثا کے ساتھ مکمل انصاف ہوگا۔

چیئرمین پی ایس پی سید مصطفی کمال نے پی ایس پی کے پارٹی سلوگن ‘‘ہم ٹھیک کردیں گے‘‘کا اجرا کردیا۔ نواز شریف نعرہ لگا رہے ہیں کہ ووٹ کو عزت دو، مطلب یہ کہ مسلم لیگ ن کو ووٹ دو ورنہ ووٹ کی کوئی عزت نہیں، پیپلزپارٹی نے روٹی کپڑا مکان کیساتھ جیے بھٹو کا نعرہ لگا کر قوم سے سب کچھ چھین کر پیپلز پارٹی جاگیر بنادی، ایم کیو ایم نے اپنوں کا ووٹ اپنوں کا نعرہ لگایا یعنی اگر ان کو ووٹ نہیں دیا تو آپ انکے اپنے نہیں، جبکہ تحریک انصاف نے تبدیلی کا نعرہ لگایا، قوم سوچے سمجھے بغیر نعرے کے پیچھے چل پڑی جسکی وجہ سے آج تبدیلی تباہی بن کر ہمارے سروں پر منڈلا رہی ہے، نا کسی نے ان تمام نعروں کے آگے کا نظام بتایا اور نا پاکستان میں کسی نے سیاسی جماعتوں سے یہ پوچھنے کی ہمت کی کہ وہ اپنے نعروں کو عملی جامہ کیسے پہنائیں گے۔
پاک سر زمین پارٹی پاکستان کی واحد سیاسی جماعت ہے جسکا نعرہ "ہم ٹھیک کردیں گی” کے پیچھے تمام ملکی مسائل کا قابل عمل حل ہے۔ "ہم ٹھیک کردیں گی” کیونکہ صرف ہمارے پاس مسائل حل کرنے کے لیے پورا بلیو پرنٹ ہے۔ تین تین دفعہ وزیراعظم بننے والی جماعتیں چوتھی بار وزیراعظم بننے کے لیے تیار بیٹھی ہیں۔ چوتھی بار وزیراعظم بننے سے وہ تباہ شدہ نظام جو انہوں نے خود تباہ کیا ہے یکسر تبدیل ہوگا۔
نواز شریف نے حکومت کرنے کے لیے تین بار آصف زرداری کو سندھ گروی میں دیا تھا۔ پاکستان میں اب کسی کے پاس دو تہائی اکثریت نہیں آئے گی۔ ہمارے پاس اس کراچی کی 10-15 سیٹیں ہوں تو جسکو وزیراعظم بننے کے لیے ہماری ضرورت ہوگی تو ہم سپورٹ کریں گے لیکن وزارتوں کا مطالبہ نہیں کریں گے۔ ہم 2 آئینی ترامیم کروایں گے اور غیر مشروط حمایت کریں گے۔ پہلی آئینی ترمیم کے ذریعے ہم بلدیاتی نظام کے اختیارات آئیں میں لکھوائیں گے۔
پی ایس پی اختیارات، وسائل اور طاقت وزیراعظم، وزیر اعلی سے لیکر یوسی چئیر مین کو ڈائیریکٹ دے گی جو آپکے محلے میں رہ رہا ہوگا، اگر وہ کام نہیں کرئے گا تو کچھ دن بعد محلے والے جمع ہوکر اسکے گھر پہنچ کر گریبان پکڑیں گے۔ آپ کسی وزیراعظم، وزیر اعلی اور وزیر، مشیر کو پکڑ نہیں سکتے، لیکن یہی محلے والوں کا ہاتھ نیب کا ہاتھ ہوگا۔ دوسری ترمیم کے زریعے ہم این ایف سی ایوارڈ کیساتھ پی ایف سی لکھوائیں گے۔
یہی وہ اصل اصلاحات ہیں جو پاکستان کو ترقی کی جانب گامزن کردے گی اور یہ اصلاحات صرف ووٹ سے آئیں گے۔ اس فارمولے سے سب ٹھیک ہو جائے گا، دنیا کے ترقی یافتہ ممالک اسی فارمولے کے تحت ترقی یافتہ بنے۔ مجھے قوم کا ساتھ چاہیے۔ ان خیالات کا اظہار انہوں نے پا ک سرزمین پارٹی ڈسٹرکٹ ایسٹ ریزیڈنٹ کمیٹی کی جانب منعقدہ تقریب میں علاقہ معززین سے خطاب کرتے ہوئے کیا۔
انہوں مزید کہا کہ 13 سال میں سندھ کو وفاق سے 10242 ارب ملے لیکن آج سندھ انسانوں کے رہنے کی بدترین جگہ ہے۔ پورے سندھ میں ایک ماڈل یوسی نہیں جبکہ میرے ہاتھ سے 300 ارب خرچ ہوئے جس میں تمام تنخواہیں اور پیٹرول ملالیں تو میں نے 200 ارب انفرا اسٹرکچر لگایا تو دنیا کے چار بہترین شہروں میں شامل ہوگیا۔ طاقت، اختیارات اور وسائل کے ارتکاز سے کرپشن جنم لے رہی ہے۔
ان سب کچھ تباہ کاریوں کو ہم ٹھیک کردیں گے۔ اب اگر ایک آدمی کے بجائے 2000 افراد کو اختیار دیا جائے 10242 ارب کو کام میں لا سکیں تو سب ٹھیک ہو جائے گا۔ انہوں نے کہا کہ 18 سیٹیں حکومتی اتحاد کے پاس ہیں، صدر وزیراعظم اور گورنر، وزرا ہیں۔ 3 سیٹ والی پیپلز پارٹی کراچی پر قابض ہے کیونکہ تحریکِ انصاف اور ایم کیو ایم، پیپلزپارٹی سے زیادہ کرپٹ ہیں۔
ملک میں ہر سطح پر ظلم ہے۔ رات کے اندھیرے میں پیٹرول کی قیمتیں بڑھا دیں۔ کوئی پوچھنے والا نہیں۔ سرکاری ہسپتالوں میں دواں اور تعلیمی اداروں میں صحت اور تعلیم نام کی کوئی چیز نہیں۔ تاریخ گواہ ہے کہ ظالم ہمیشہ طاقت، اختیارات اور وسائل پر قابض ہوتا ہے۔ عامر خان دس ہزار مہاجر نوجوانوں کوقتل کرکہ الطاف حسین سے معافی مانگ کر 2011 ایم کیو ایم میں شامل ہوا۔
چونکہ 68 فیصد پاکستان کا نوجوان 1992 کے بعد پیدا ہوا ہے اس لیے اسے ہی پتہ نہیں کہ پاکستان کی معاشی شہ رگ کو کس طرح تباہ کیا۔ 2012 میں اپنی گورنری بچانے کے لیے ایم کیو ایم نے شہر کا بلدیاتی نظام پیپلز پارٹی کو دے دیا۔ منٹ منٹ پر ہڑتال کرنے والی ایم کیو ایم نے ایک ہڑتال نہیں کی جب شہر پر ڈاکہ پڑ رہا تھا۔ ہڑتال کیوں نہیں کی ایک ہیلو کی آس لگائے بیٹھے سمجھ لیں کہ الطاف حسین کی بد اعمالیوں کے باعث ملک چھوڑ کر چلے گئے پھر ہم جب واپس آئے تو ہیلو چل رہی تھی۔
ایم کیو ایم کا پورا شباب اپنے عروج پہ تھا۔ جب ہم اکیلے تھے تو انکی ہیلو سے نہیں ڈرے تو اب کیا ڈریں گے جب ہمارے ساتھ لاکھوں لوگ ہیں۔ہم اپنے بچوں کو بلکتا چھوڑ کر مرنے کے لیے پاکستان واپس آئے کیونکہ اس شہر میں سچ بولنے کی سب سے چھوٹی سزا موت تھی۔ مہاجروں کے نام نہاد ٹھیکیدار ہمیں مہاجروں کا غدار کہتے ہیں کیونکہ ہم مہاجروں کو پختونوں، سندھیوں، بلوچوں اور پنجابیوں سے نہیں لڑوا رہے۔
ہماری وجہ سے شہدا قبرستان میں تالے لگ گئے۔ ہماری وجہ سے انکی خون آشام سیاست ختم ہوگئی ہے۔ ہم مہاجروں کے حقوق حاصل کرنے کے لیے پختونوں، سندھیوں، پنجابیوں اور بلوچوں کو ملا کر سب کے حقوق حاصل کریں گے۔ عامر خان ٹی وی پر کھڑے ہوکر مہاجروں کے قتل کا اعتراف کررہا ہے۔ مہاجروں کے حقوق کا علمبردار بنا ہوا ہے، کوئی مہاجر عامر خان سے کیوں نہیں پوچھتا، انہوں نے کہا کہ جو لوگ ہمیں ہارنے کا طعنہ دیتے ہیں وہ دیکھ لیں کہ ہم کامیاب ہوگئے ہیں کیونکہ تڑپتی ماں کے لعل اپنی ماں کے پاس ہیں۔
انکی دعائیں ہمارا منافع اور انعام ہے۔ ہم اللہ کا شکر ادا کرتے ہیں کہ پروردگار نے ہم سے کام لیا۔

صوبائی وزیر جنگلات نوابزادہ محمد تیمور تالپور نے کہا ہے کہ ایسا لگ رہا ہے پاکستان کا باتونی وزیر اعظم پٹرول کی قیمتوں میں مسلسل اضافہ کر کر کے پوری قوم کو ہالینڈ کے وزیر اعظم کی طرح سائیکل چلانے کی راہ پر گامزن کردے گا۔ اس وقت ضرورت زندگی و روزمرہ استعمال کی عام اشیا بھی اتنی مہنگی ہوگئی ہیں کہ انکا خریدنا بھی عوام کے لئے مشکل ہوگیا ہے۔

وزیر اعظم عمران خان نے جو کہا تھا کہ کوئی غریب نہیں رہے گا واقعی سچ کہا تھا جب مہنگائی اور غریت اپنے عروج پر پہنچ چکی ہو اور اس نے پاکستان کی تاریخ کے مہنگائی کے سارے ریکارڈ توڑ دئیے ہو تو پھر غریب عوام کے پاس مرنے کے علاوہ اور کوئی راستہ نہیں بچے گا اور اس طرح غریب ختم کرنا کے ویژن پر عمل درآمد کرنا بھی بہت آسان ہوجائے گا۔۔مزے کی بات یہ ہے کہ کپتان کیحواری بھی غریب مٹا مہم کا دفاع بغیر خوف خدا کے بھرپور طریقے سے کررہے ہیں۔انہوں نے کہاکہ انہوں نے اپنی پوری زندگی میں آج تک ایسے بیحس بے ضمیر حکمران کبھی نہیں دیکھے۔جو عوام کو مہنگائی کی چکی میں پیسنے کے باوجود بھی ڈھٹائی سے اپنے غلط اقدامات کو صیح ثابت کرنے میں تلے پڑے ہیں۔

جماعت اسلامی سندھ کے جنرل سیکریٹری کاشف سعید شیخ نے ملیر میمن گوٹھ میں پیپلزپارٹی کے مقامی ایم پی اے کے کارندوں کے ہاتھو تشدد کے نتیجے میں جانبحق نوجوان ناظم جوکھیو کے قتل کی شدید مذمت کرتے ہوئے کہا ہے کہ سندھ میں پیپلزپارٹی کے وڈیرے طاقت کے نشے میں دھت ہوکر عوام کی جان ومال اور عزتوں کے درپے ہوچکے ہیں سندھ حکومت عوام کو رلیف تو دور کی بات اب تحفظ دینے کیلئے بھی تیار نہیں ہے، طاقت کے نشے میں مست مقامی ایم پی اے کی فرعونیت کا شکار ہونے والے نوجوان کے لواحقین کو انصاف دلانے کیلئے جماعت اسلامی ہر فورم پر احتجاج کرے گی۔
انہوں نے آج ایک بیان میں مزید کہا کہ ناظم جوکھیو نے مقامی ایم پی اے کے غیر ملکی مہمانوں کو علاقے میں تلور کے شکار سے روکا تھا جس پر مقامی وڈیروں نے انہیں اپنے ڈیرے پر بلاکر بدترین تشدد کرکے قتل کردیا اس المناک واقعے نے پوری سندھ کے عوام کو عدم تحفظ کا شکار کردیا ہے، پیپلزپارٹی گذشتہ ساڑھے تیرہ سالوں سے اقتدار میں ہونے کے باوجود سندھ کے عوام کو کسی قسم کا رلیف دینے، صحت، تعلیم، روزگار اور صاف پانی جیسی سہولیات فراہم کرنا تو دور کی بات لیکن اب اقتدار کے نشے میں دھت ہوکر عوام کے جان ومال سے کھیلنا شروع کردیا ہے جو سندھ کے عوام کے زخموں پر نمک پاشی کے مترادف ہے، سندھ پولیس عوام کو تحفظ دینے کی بجائے اقتداری پارٹی کے وڈیروں کی مرضی پر کام کررہی ہے اور مظلوم انصاف کیلئے در در کی ٹھوکریں کھانے پر مجبور ہیں۔
(جاری ہے)

جماعت اسلامی مطالبہ کرتی ہے کہ سندھ ہائی کورٹ ازخود نوٹیس لیکر مقتول نوجوان ناظم جوکھیو کے لواحقین کو انصاف دلانے کیلئے فی الفورمقتول کے سوشل میڈیا پر رکھے گئے بیان کی روشنی اور لواحقین کی مرضی کے مطابق مقامی ایم پی اے جام اویس جوکھیو، جام عبدالکریم جوکھیو اور ان کے ایجنٹوں کیخلاف قتل کا مقدمہ درج کرکے مقدمے میں درج لوگوں کو گرفتار کرکے کیفرکردار تک پہنچایا جائے بصورت دیگر جماعت اسلامی دیگر سیاسی جماعتوں کے ساتھ ملکر بھرپور احتجاج کرے گی جب تک مقتول کے لواحقین کو انصاف نہیں ملتا ہمارا احتجاج جاری رہے گا ۔

کراچی: ڈیری مافیا نے 8 نومبر سے دودھ 10 روپے لیٹر مہنگا کرنے کا اعلان کردیا۔

ایکسپریس نیو زکے مطابق کراچی میں ڈیری مافیا نے 8 نومبر سے دودھ 10 روپے لیٹر اضافے کا اعلان کردیا ہے، جس کے بعد دودھ کی قیمت 130 روپے سے بڑھ کر 140 روپے فی لیٹر ہوجائے گی۔

ڈیری اینڈ کیٹل فارمرز ایسوسی ایشن کے مطابق دودھ کی قیمت میں 10 روپے کا اضافہ آٹے میں نمک کے برابر ہے، دو ماہ بعد فی لیٹر قیمت میں مزید 30 روپے کا اضافہ کیا جائے گا۔

دوسری جانب ماہرین کا کہنا ہے کہ قیمت کے تعین کے حوالے سے قائم کمیٹی کے سفارشات مُرتب ہونے سے پہلے ہی اضافہ غیر قانونی ہے، کمشنر کراچی کی زیرِ صدارت 25 اکتوبر اور 4 نومبر کو متعلقہ ایسوسی ایشنز کے اجلاس منعقد ہوچکے ہیں، 4 نومبر کو ڈیری فارمرز ہول سیلرز اجلاس میں تخمینہ مرتب کرنے کے لیے کمیٹی بنادی گئی تھی۔

کراچی: عامر لیاقت نے سیدہ طوبیٰ کے ساتھ طلاق کی خبروں پر خاموشی توڑدی۔

عامر لیاقت کی دوسری اہلیہ سیدہ طوبیٰ کے اپنے نام کے ساتھ عامر لیاقت کا نام ہٹاکر والد کا نام دوبارہ لگانے کے بعد سوشل میڈیا پر ان دونوں کے درمیان علیحدگی کی افواہیں گردش کرنے لگیں تھیں۔

دیکھتے ہی دیکھتے عامر لیاقت اور سیدہ طوبیٰ کی طلاق کی خبرجنگل کی آگ کی طرح پھیل گئی۔ جب یہ افواہیں حد سے زیادہ بڑھ گئیں تو عامر لیاقت نے سوشل میڈیا پر طوبیٰ کی ایک ویڈیو شیئر کی جس میں سیدہ طوبیٰ، عامر لیاقت کے ساتھ ان ہی کے گھر میں موجود ہیں اور اپنی کھوئی ہوئی بلی ڈھونڈنے پر رو روکر عامر لیاقت کا شکریہ ادا کررہی ہیں۔
عامر لیاقت نے اس ویڈیو کے ساتھ اپنی اور سیدہ طوبیٰ کے درمیان طلاق کی خبروں کی تردید کرتے ہوئے کہا ’’یہ اب بھی میری بیوی ہے‘‘۔

ڈپٹی کمشنرشرقی نے واش روم میں خفیہ کیمرے لگانے پر نجی اسکول کو سیل کردیا، ڈی جی اسکولز منصوب صدیقی نے اسکول سیل کرنے کیلئے ڈی سی ایسٹ کو خط لکھا تھا۔

تفصیلات کے مطابق کراچی کے علاقے صفوراکےقریب نجی اسکول میں خفیہ کیمرے لگانے سے متعلق کیس میں ڈپٹی کمشنرشرقی نے نجی اسکول کوسیل کردیا، نجی اسکول کوڈی جی اسکولزکی درخواست پرسیل کیا گیا۔

یاد رہے ڈی جی اسکولز نےخفیہ کیمروں کی تنصیب کے معاملے پر اسکول سیل کرنے کےلیے ڈی سی ایسٹ کو خط لکھا تھا۔

ڈی جی اسکولزمنصوب صدیقی نے خط میں کہا تھا کہ اسکول کو سیل کیا جائے، 3نومبر کو نجی اسکول میں ٹیچرشکایت پر دورہ کیا گیا، ٹیم کو اسکول کے اندر خفیہ کیمروں کی تنصیب کا پتا چلا۔

منصوب صدیقی کا کہنا تھا کہ پرنسپل کو شوکاز نوٹس جاری کیا گیا لیکن وہ پیش نہ ہوئے، قوانین کے تحت اسکول کی رجسٹریشن کینسل کردی گئی۔

دوسری جانب ایڈیشنل ڈائریکٹر ایف آئی اے سائبر کرائم عمران ریاض نے صفورا کےقریب اسکول میں خفیہ کیمروں کی تنصیب سے متعلق کیس میں کہا ہے کہ ڈی جی اسکولز نےتا حال تحریری درخواست نہیں دی ، زبانی درخواست پر ایف آئی اے کام نہیں کر سکتی۔

عمران ریاض کا کہنا تھا کہ اسکول کو بھی تاحال سیل نہیں کیا گیا ہے ، کیا ایک چھاپہ مارنے کے بعد محکمہ تعلیم کا کام ختم ہوگیا ؟

واضح رہے کہ گزشتہ روز کراچی کے ایک نجی اسکول کے واش رومز میں خفیہ کیمروں کی موجودگی کا انکشاف ہوا تھا۔

محکمہ تعلیم سندھ کا کہنا تھا کہ خفیہ کیمرے سے ویڈیوز بنائی جاتی تھیں، محکمہ تعلیم کی ٹیم نے اسکول کے دورے کے دوران واش رومز سے خفیہ کیمرے بر آمد کیے، اسکول کی رجسٹریشن منسوخ کردی گئی تھی۔