Category: کراچی

شہر قائد میں پولیس نے پہلے سے مقیم افغان شہریوں کا ڈیٹا جمع کرنا شروع کردیا ، اس سلسلے میں ہنگامی بنیادوں پر ایک فارم کا اجراکیا جارہا ہے۔

تفصیلات کے مطابق کراچی پولیس نے افغان باشندوں کے ممکنہ طور پر بڑے پیمانے پر انخلا خدشات کے پیشِ نظر افغان شہریوں کا ڈیٹا جمع کرناشروع کردیا اور آبادیوں کا فوری سروے کرانے کی ہدایت کردی ہے۔

ذرائع کا کہنا ہے کہ پہلے سے مقیم افغان باشندوں کا ڈیٹا فوری جمع کرانے کا حکم دیا ہے ، اس سلسلے میں ہنگامی بنیادوں پر ایک فارم کا اجراکیا جارہا ہے.

فارم میں افغانیوں کا شمار، خاندان کے افراد کی تعداد، رہائشی تفصیلات ہوں جبکہ قیام کی مدت، قیام کے اسٹیٹس وغیرہ سے متعلق سوالات شامل ہوں گے۔

یاد رہے گذشتہ روز مرادعلی شاہ نے امن و امان سے متعلق اجلاس میں کہا تھا کہ افغان صورتحال کےپیش نظر پولیس ضروری اقدامات کرے، ہم نے بڑی محنت سے صوبے خاص طور پر کراچی میں امن قائم کیا ، اب امن کو کسی صورت خراب کرنے کی اجازت نہیں دیں گے، اس کےلیے پولیس اپنا ہوم ورک کرے۔

خیال رہے چند روز قبل ملک میں رہنے والے تارکین وطن کو8 سال بعد نادراکارڈ کے پراسیس کا آغاز کیا گیا ہے ، ذرائع نادرا کا کہنا تھا کہ 15 دن بعد پہلا نارا کارڈ پرنٹ ہو کر شہری کو مل جائے گا۔

ذرائع نے بتایا تھا کہ کراچی کے تینوں میگاسینٹر میں نارا کارڈ پراسیس کیا جارہا ہے ، 8 سال بعد اورنگی کے رہائشی کا نادرا کے رجسٹریشن کارڈ کا پراسیس کیا گیا۔

وائس چانسلر جامعہ ڈاکٹر خالد عراقی اور ڈایریکٹر صحت ڈاکٹر اکرم سلطان نے جامعہ کراچی میں کورونا ویکسینیشن سینٹر کا افتتاح کردیا۔

تفصیلات کے مطابق جامعہ کراچی میں کورونا ویکسینیشن کاآغاز کردیا گیا، وائس چانسلر جامعہ ڈاکٹر خالد عراقی اور ڈایریکٹر صحت ڈاکٹر اکرم سلطان نے ویکیسشن سینٹر کاآفتتاح کیا۔

اس موقع پر وائس چانسلر جامعہ ڈاکٹر خالد عراقی نے سندھ حکومت اور ڈاکٹر اکرم سلطان کا شکریہ ادا کرتے ہوئے کہا ہمارا ایک ویکسینیشن سینٹر اسٹاف کے لئے ہے، اب طلبا کی ویکسینیشن کا بھی آغاز کررہے ہیں ، ہماری کوشش ہے کہ اس بارے میں آگاہی دی جائے

ڈائریکٹرہیلتھ ڈاکٹر اکرم سلطان نے بتایا کہ سندھ اور کراچی کے لوگوں جو مبارکباد دیتا ہوں ، کراچی یونیورسٹی ایک بہترین یونیورسٹی ہے ، یہاں ایک صحتمندانہ ماحول ہے ، مارننگ شفٹ میں دو ٹیمیں کام کریں گی، شام کی شفٹ میں ایک ٹیم کام کرے گی۔

ڈاکٹر اکرم سلطان کا کہنا تھا کہ اگر ضرورت پڑی تو موبائل ویکسینیشن کا بھی آغاز کریں گے ، پردے کا مسئلہ ہوتا ہے اس لئے ہر ٹیم میں ایک خاتون بھی ہوں گی ، ہم سو فیصد ویکسنیشن چاہتے ہیں۔

انھوں نے کہا کہ وزیر صحت عذرا پیچوہو کی خصوصی ہدایت پر یہاں آیا ہوں ، کوشش ہے کہ تمام سرکاری اور نجی جامعات میں ویکسینیشن سینٹر بنائے جائیں۔

سی ویو پر پھنسے بحری جہاز کو نکالنے کا آپریشن آج پھر ناکام ہوگیا ، جس کے بعد آپریشن آئندہ ماہ تک ملتوی کردیا گیا ، سمندری موجوں کی صورت حال دیکھتے ہوئے حتمی تاریخ دی جائے گی۔

تفصیلات کے مطابق کراچی کے ساحل پر پھنسے بحری جہاز کو نکالنے کیلئے آج آپریشن کا آغاز کیا گیا تاہم اپریشن ناتجربہ کاری اور ناقص رسیوں کے سبب ایک بار پھر مشکلات کا شکار ہوگیا۔

تیسرے آپریشن کے چوتھے اور آخری روز بھی لوہے اور پولی پراپلین کی پرانی رسیاں ٹوٹ گئی، اس دوران جہاز کے سینٹر پوائنٹ دائیں اور بائیں جانب سے دو رسے باندھے گئے تھے جبکہ جہاز کی ٹیل پر ایک رسہ سپورٹ کے لئے باندھا گیا تھا، جو ٹوٹ گیا۔

آپریشن کے دوران جہاز کو 12 سے 15 میٹرکھینچا گیا تاہم رسیاں ٹوٹنے پر واپس اپنی پہلی پوزیشن پرآگیا، جس کے بعد سی ویو پر پھسے بحری جہاز کو نکالنے کا اپریشن اگلےماہ تک ملتوی کردیا گیا۔

ملتوی آپریشن 6 یا 8 ستمبر سے شروع ہونےکاامکان ہے تاہم سمندری موجوں کی صورت حال دیکھتے ہوئے حتمی تاریخ دی جائے گی۔

خیال رہے ڈی جی پورٹ پورٹ اینڈ شپنگ پہلے ہی جہاز نکالنے کی عمل پر تحففظا ت کا اظہار کر چکے ہیں ، ہینگ ٹینگ 77کو ساحل پر پھنسے ایک ماہ 4 دن کا وقت گزرگیاہے ، متعلقہ انتظامیہ کی جانب سے مسلسل جہاز نکالنے کی کوششیں جاری ہے تاہم ابھی تک کامیابی حاصل نہ ہوسکی۔

معروف پاکستانی اداکارہ و ماڈل نادیہ حسین کا کہنا ہے کہ شوہر کی خدمت کرنا بیوی کی ذمہ داری نہیں ہے۔نجی ٹی وی کے پروگرام میں گفتگو کرتے ہوئے ماڈل نادیہ حسین نے کہا کہ ہمارے معاشرے میں عورت پر والدین کی مرضی سے شادی کرنے کے لیے دباؤ ڈالا جاتا ہے، شادی اور طلاق کا حق صرف عورت کے پاس ہونا چاہیے۔
نادیہ حسین نے کہا کہ بحیثیت ایک بیٹی میرے حقوق ہیں، مجھے گاڑی چلانے اور تعلیم حاصل کرنے کا حق ہے اور اپنی مرضی سے شادی کرنے کا بھی حق ہے۔ اگر عورت کی شادی اس کی مرضی سے نہیں ہوتی تو یہ بڑا مسئلہ ہے تاہم یہ الگ بات ہے کہ عورت شادی کا اختیار خود والدین کو دے، میں اس کے خلاف نہیں ہوں۔پروگرام میں میزبان نے پوچھا کہ کیا آپ گھر میں اپنے شوہر کے لیے کام کرتی ہیں اس پر نادیہ حسین نے جواب دیا کہ مجھے ایسا کیوں کرنا چاہیے، وہ میرا بچہ نہیں میرے شوہر ہیں۔
اداکارہ سے پوچھا گیا کہ اگر شوہر کھانا اور پانی لانے کا کہے تو یہ کیسا ہی اس پر نادیہ حسین نے جواب دیا کہ یہ بالکل درست ہے لیکن بیوی کو حکم دینے کہ شوہر کی خدمت کرے، یہ غلط ہے، شادی کے بعد کام کرنے میں عورت کا اپنا حق نہیں رہتا وہ شوہر کے حق پر انحصار کرتا ہے۔نادیہ حسین نے یہ بھی کہا کہ ہمارے معاشرے میں ایک باپ اپنے بچوں کو مناسب وقت نہیں دیتا جو کہ بہت غلط ہے، باپ کو چاہیے کہ وہ اپنے بچوں کے ساتھ زیادہ سے زیادہ وقت گزارے کیونکہ جتنا اہم کردار ماں کا ہوتا ہے اتنا ہی باپ کا بھی ہے۔

پاکستان مسلم لیگ(ن)سندھ کے جنرل سیکرٹری اورسابق وفاقی وزیر خزانہ مفتاح اسماعیل پارٹی عہدے سے مستعفی ہوگئے تھے جس کے بعد استعفوں کی لائن لگ گئی ہے۔میڈیا رپورٹ کے مطابق مفتاح اسماعیل سے اظہارِ یکجہتی کے لیے ن لیگ کے 9 عہدیدار مستعفی ہو گئے۔چار استعفے آنے کے بعد اب تک مستعفی ہونے والوں کی تعداد 9 ہو گئی ہے۔
مفتاح اسماعیل سے اظہارِ یکجہتی کے لیے وائس چئیرمین عبدالطیف نیازی عہدے سے مستعفی ہو گئے۔جنرل سیکرٹری ضلع غربی سردار محمد نذیر نے بھی استعفیٰ دےد یا۔صدر ڈسٹرکٹ کیماڑی ظہر جہانگیر مستعفی ہو گئے جبکہ ایڈیشنل سیکرٹری کیماڑی راجہ عمران بھی مستعفی ہو گئے۔اس سے قبل ن لیگ کے پانچ رہنما مستعفی ہو چکے تھے .
واضح رہے کہ مفتاح اسماعیل جو کہ مسلم لیگ ن سندھ کے جنرل سیکرٹری ہیں، نے پارٹی قیادت سے ناراض ہو کر خود پارٹی عہدے سے استعفیٰ دے دیا ہے۔

ذرائع نے بتایا کہ مفتاح اسماعیل نے کارساز ہاؤس میں ہنگامہ آرائی کے خلاف ایکشن نہ لینے اور کوئی کارروائی نہ کرنے پر پارٹی عہدہ چھوڑا۔ اعلیٰ قیادت کو اپنا استعفیٰ بھجوا کر مفتاح اسماعیل نے پیغام دیا کہ بدمعاش ٹولے کے ہوتے ہوئے کراچی میں کام کرنا بہت مشکل ہے۔ واضح رہے کہ گذشتہ ماہ کنٹونمنٹ انتخابات کے ٹکٹ پیسوں کے عوض تقسیم کرنے پر کارکنان نے ہنگامہ آرائی کی تھی جب کہ شہباز شریف نے ہنگامہ آرائی کے واقعے کی تحقیقات کے لیے کمیٹی تشکیل دی تھی۔
مفتاح اسماعیل کے اس فیصلے پر رد عمل دیتے ہوئے میر صوبہ خان بھنگر کراچی نے کہا کہ مفتاح اسماعیل صاحب کا یہ فیصلہ کافی حد تک درست ہے۔ اگر ایسے گروپ بندی چلتی رہی تو مسلم لیگ ن کو مزید نقصان ہو گا۔ انہوں نے کہا کہ اُمید ہے کہ اعلٰی قیادت فورأ نوٹس لے گی اور پوری نئی باڈی کا اعلان کرے گی۔ مسلم لیگ ن کے رہنما اور سابق وزیر خزانہ مفتاح اسماعیل کے پارٹی عہدے سے استعفے کے بعد نئی بحث چھڑ گئی ہے کہ آیا یہ استعفیٰ بیانیے کی جنگ کی وجہ سے دیا گیا ہے یا پھر وجہ کچھ اور ہے تاہم مفتاح اسماعیل کی جانب سے تاحال اس حوالے سے کوئی حتمی بیان سامنے نہیں آ سکا۔

ملیر میں ایمبولینس خراب ہونے سے بچی کے انتقال پر اپوزیشن لیڈر سندھ اسمبلی حلیم عادل شیخ کا اظہار افسوس،

ایمبولینس کی خرابی کا علم ہونے کے باوجود اسی ایمبولینس میں انتظامیہ نے بچی کو جناح ریفر کیوں کیا؟

بچی کی ہلاکت کا مقدمہ وزیرصحت، ایم ایس میمن گوٹھ اسپتال پر درج کیا جائے،

محکمہ صحت ٹھیکے پر غیر سرکاری تنظیموں کے حوالے کیا گیا ہے، سندھ حکومت کو بھی کسی فلاحی ادارے کے حوالے کیا جائے،

وزیرصحت صرف مراعات اور کرپشن سے لطف اندوز ہونے کے لیے موجود ہیں، سندھ حکومت ایک خاندانی مافیا کے رحم و کرم پر موجود ہے،

ایمبولینسز مریضوں کی بجاء وزراء اور افسران کی خدمت میں مصروف ہیں، اپوزیشن لیڈر کا متاثرہ جاموٹ خاندان سے افسوس و تعزیت کا اظہار.

سندھ حکومت نے اساتذہ کی بھرتیوں کیلئے ٹیسٹ کی تاریخ کااعلان کردیا، ٹیسٹ 13 ستمبر سے 26ستمبر تک لئے جائیں گے ، 4لاکھ سےزائد امیدوار اساتذہ کی نوکریوں کیلئے ٹیسٹ دیں گے۔

تفصیلات کے مطابق سندھ حکومت نے اساتذہ کی بھرتیوں کیلئے ٹیسٹ کی تاریخ کااعلان کردیا اور آئی بی اےسکھر نے جی ایس ٹی ٹیسٹ 13 سے19ستمبر کو لینے اور پی ایس ٹی ٹیسٹ 19ستمبر سے 26ستمبر کو لینے کا فیصلہ کیا ہے۔

ذرائع کا کہنا ہے کہ 4لاکھ سےزائد امیدواراساتذہ کی نوکریوں کیلئے ٹیسٹ دیں گے ، امیدواروں سے ٹیسٹ کوروناایس اوپیزکےتحت لئےجائیں گے۔

یاد رہے رواں سال مئی میں وزیر تعلیم سندھ سعید غنی نے کہ صوبے میں 37 ہزار اساتذہ بھرتی کرنے کا اعلان کرتے ہوئے کہا تھا کہ ہم نے نئے اساتذہ کی بھرتیوں کیلئے اشتہار دیا تھا، ہزاروں نوجوانوں نے ملازمت کیلئے اپلائی کیا ہے لیکن کورونا کی وجہ سے ٹیسٹ منعقد نہیں ہوسکے۔

خیال رہے سندھ حکومت نے کورونا کا پھیلاؤ روکنے کے لئے اقدام اٹھاتے ہوئے سرکاری ملازمت کا حصول کورونا ویکسینیشن سے مشروط کردیا، جس کے بعد ملازمت کی درخواست کیساتھ ویکسینیشن سرٹیفکیٹ جمع کرانا ہوگا۔

سندھ حکومت کا کہنا تھا کہ ویکسین نہ لگانیوالے امیدوار تحریری ٹیسٹ میں نہیں بیٹھ سکیں گے

حکومت بلوچستان نے 213 آفیسران کو اگلے گریڈ میں ترقی دیدی،

کوئٹہ:صوبائی حکومت نے بلوچستان کے محکمہ زراعت، تعلیم، اطلاعات، ایس اینڈ جی اے ڈی، خوراک، جنگلات، سوشل ویلفیئر اور دیگر محکموں کے 213 افیسران کو اگلے گریڈ میں ترقی دینے کی منظوری دی۔ صوبائی حکومت نے تمام قواعد، افیسران کی سروس ریکارڈ کو مد نظر رکھ کر اور سخت جانچ پڑتال کے بعد انہیں اگلے گریڈ میں ترقی کی منظوری دی۔صوبائی سلیکشن بورڈ کا اجلاس 16 جون اور 6جولائی 2021 کو چیف سیکرٹری بلوچستان مطہر نیاز رانا کی زیر صدارت منعقد ہوئے تھے اور اجلاس کی سفارشات کو مدنظر رکھتے ہوئے وزیر اعلیٰ بلوچستان نے آن افسران کی ترقی کی منظوری دے دی۔ جن میں 19گریڈ کے 13 آفیسران کو 20 گریڈ میں, 18 گریڈ کے 82 آفیسران کو 19 اسکیل میں جبکہ 17 گریڈ کے 87 افیسران کو گریڈ 18 میں ترقی دی گئی ہے۔ ان افیسران میں سینئربیورو کریٹس، ایگریکلچرسٹ، اساتذہ وغیرہ شامل ہیں۔ محکمہ ملازمت ہائے عمومی نظم و نسق کے بی سی ایس گروپ کے سہیل الرحمن، سیدال خان لونی اور بی ایس ایس گروپ میں بابر خان، ریاض احمد کو گریڈ 20 میں ترقی دینے کی منظوری دے دی گئی جبکہ محکمہ اطلاعات کے کامران اسد اور عبدالوحید زہیر کو 19 گریڈ میں ترقی دینے کی منظوری دی گئی ہے۔حکومت بلوچستان نے 213 آفیسران کو اگلے گریڈ میں ترقی دیدی.

محکمہ تعلیم سندھ کے احکام پر نجی اسکولوں نے والدین سے کورونا ویکسی نیشن سرٹیفکیٹ بذریعہ ای میل طلب کرنا شروع کردیے ہیں۔

محکمہ تعلیم سندھ نے 100 فیصد کورونا ویکسی نیشن مکمل کروانے والے اسکولوں کو 30 اگست سے کھولنے کی اجازت دی ہے جس کے پیش نظر اسکول انتظامیہ نے والدین کو کورونا ویکسی نیشن سرٹیفکیٹ جمع کرانے کیلیے ای میل بھیجنا شروع کردی ہیں۔

نجی اسکولوں نے والدین کو 28 اگست تک ویکسی نیشن سرٹیفکیٹ بذریعہ ای میل جمع کرانے کی ہدایت کی ہے اور کہا ہے کہ ماں، باپ دونوں کا ویکسی نیشن سرٹیفکیٹ بذریعہ ای میل جمع کرائیں۔

وزیر تعلیم سندھ سردار شاہ کے اعلان کے مطابق صرف 100 فیصد ویکسی نیشن کرانے والے اسکولوں کو کھولنے کی اجازت دی جائے گی، تدریسی و غیر تدریسی عملے سمیت والدین کی ویکسی نیشن بھی لازمی ہوگی۔

کورنگی صنعتی ایریا میں گزشتہ رات ہونے والا پولیس مقابلہ مشکوک بن گیا، مبینہ مقابلے میں ہلاک ملزم کے اہلخانہ لاش لے کر پریس کلب پہنچ گئے، ایس ایس پی کورنگی نے تحقیقات کا حکم دے دیا۔

تفصیلات کے مطابق کراچی کے علاقے کورنگی انڈسٹریل ایریا میں گزشتہ رات پولیس مقابلے میں ایک نوجوان کی ہلاکت سوالیہ نشان بن گئی۔

موٹر سائیکل سوار نوجوان کی ہلاکت پر مقتول کے اہل خانہ سراپا احتجاج بن گئے جس کے بعد ایس ایس پی کورنگی نے مشکوک مقابلے میں نوجوان کی ہلاکت کا نوٹس لے لیا۔

مبینہ پولیس مقابلے میں ہلاک ملزم کے اہل خانہ لاش لے کر پریس کلب پہنچ گئے تھے، مظاہرین نے لاش پریس کلب کے باہر رکھ کر دھرنا دے دیا، پی ٹی آئی ایم پی اے راجہ اظہر بھی پریس کلب پہنچ گئے۔

اہلخانہ کا دعویٰ تھا کہ پولیس اہلکاروں نے موٹرسائیکل پر شہزاد چانڈیو اور اس کے دوست کو روکا، شہزاد چانڈیو کے دوست کو گھر سے کاغذات لانے کا کہا۔

اہلخانہ نے بتایا کہ شہزاد کے پاس رجسٹریشن والی موٹرسائیکل تھی، پولیس شہزاد کو تھانے لائی ہی نہیں، صبح مقابلے میں مارے جانے کا علم ہوا۔

اہلخانہ نے مطالبہ کیا کہ مقابلے میں شامل اہلکاروں کو معطل کرکے تحقیقات کی جائیں، پولیس اہلکاروں کی معطلی تک دھرنا جاری رکھیں گے۔

دوسری جانب پولیس نے دعویٰ کیا ہے کہ گزشتہ رات مقابلے میں ایک ملزم ہلاک ہوا اور اس کا ساتھی زخمی حالت میں فرار ہوا، ہلاک ملزم سے اسلحہ، موبائل فون، موٹرسائیکل برآمد ہوئی ہے۔

بعد ازاں لواحقین نے پریس کلب کے باہر جاری احتجاج ختم کردیا، ان کا کہنا ہے کہ ایس ایس پی کورنگی کی جانب سے ذمہ داروں کیخلاف کارروائی کی یقین دہانی پراحتجاج ختم کیا گیا ہے۔ لواحقین میت کے ہمراہ پریس کلب سے گھر واپس روانہ ہوگئے۔

اس حوالے سے واقعے کے تفتیشی افسرایس پی لانڈھی نے بتایا کہ واقعے کی انکوائری دوروزمیں مکمل کرلی جائے گی، پولیس اہلکاروں پر الزام ثابت ہوا توقانونی کارروائی ہوگی۔