Category: کراچی

اداکار اور تھیٹر ڈائریکٹر عمیر رانا کے دو میں سے ایک پھیپھڑے میں خون کی ترسیل کی رکاوٹ کے مسئلے کی نشاندہی ہوئی ہے جس کی وجہ سے وہ ہسپتال داخل ہیں۔عمیر رانا نے 15 اگست کو انسٹاگرام پوسٹ میں بتایا کہ ان میں ’پلمونری ایمبولز م کی تشخیص ہوئی ہے۔اداکار نے ہسپتال کے بستر سے اپنی تصویر شیئر کرتے ہوئے بتایا کہ گزشتہ 15 دن سے وہ تکلیف اور پریشانی میں ہیں اور انہوں نے متعدد ٹیسٹس بھی کروائے۔
عمیر رانا نے بتایا کہ تین سی ٹی اسکین، ایک ایکسرے اور متعدد بلڈ ٹیسٹ کروانے کے بعد انہیں معلوم ہوا کہ وہ ’پلمونری ایمبولزم‘ کا شکار ہیں۔انہوں نے مذکورہ مسئلے سے متعلق کوئی وضاحت نہیں کی تاہم شکر ادا کیا کہ اب وہ بہتر ہیں، ساتھ ہی انہوں نے مداحوں کو پلمونری ایمبولزم سے متعلق معلومات انٹرنیٹ پر دیکھنے کا مشورہ دیا۔
پھیپھڑوں کو خون پہنچانے والی شریان میں متعدد وجوہات کی وجہ سے مذکورہ مسئلہ ہوتا ہے، عام طور پر خون گاڑھا ہوجانے یعنی بلڈ کلاٹس کی وجہ سے بھی یہ مسئلہ ہوتا ہے۔پلمونری ایمبولزم ہوجانے سے سانس لینے میں تکلیف، سینے میں درد، پٹھوں میں سوجن اور کھچائو سمیت اسی طرح کے دیگر مسائل ہوتے ہیں اور مذکورہ مسئلہ سنگین ہوجانے پر خطرناک نتائج بھی نکل سکتے ہیں۔
انہوں نے مختصراً واضح کیا کہ اب وہ پہلے سے بہتر ہیں، ساتھ ہی انہوں نے علاج اور ٹیسٹ کرنے والے ہسپتال عملے کا شکریہ ادا کیا۔اداکار نے مداحوں سے دعا کی اپیل کی اور ساتھ ہی اپنے پڑوسیوں کا بھی شکریہ ادا کیا۔عمیر رانا نے مذکورہ پوسٹ شیئر کرتے ہوئے زندگی کی اہمیت پر بھی بات کی اور لکھا کہ زندگی انتہائی مختصر ہے، اس لیے بہتر طریقے سے اپنا خیال رکھا کریں۔عمیر رانا کی پوسٹ پر ساتھی اداکاروں سمیت مداحوں نے کمنٹس کرتے ہوئے ان کے لیے نیک خواہشات کا اظہار بھی کیا۔

اورنگی ٹاؤن سے ہوائی فائرنگ جیسے جان لیوا جرم کا ارتکاب کرنے والا مجرم گرفتار۔

ملزم قصبہ کالونی کے علاقے میں ہوائی فائرنگ کرکے خوف و حراس پھیلا رہا تھا۔

ایس ایچ او پیرآباد نے اطلاع ملتے ہی فوری طورپر کامیاب کاروائی کرکے ملزم محمد ولی ولد محمد نعیم خان کو گرفتار کیا۔گرفتار ملزم سے فائرنگ میں استعمال ہونے والا لائیسنس شدہ پسٹل نمبری 3803 بمعہ راؤنڈ اور چلیدہ خول برآمد کر لیا گیا ہے۔

گرفتار ملزم کیخلاف مقدمہ الزام 702/2021 بجرم دفعہ (i)337H اور درج، تفتیش جاری ہے۔ملزم سے برآمدہ اسلحہ فارنزک کیلئے بھیج دیا گیا ہے۔
ویسٹ، اورنگی ٹاؤن سے ہوائی فائرنگ جیسے جان لیوا جرم کا ارتکاب کرنے والا مجرم گرفتار کر لیا گیا ہے۔ملزم قصبہ کالونی کے علاقے میں ہوائی فائرنگ کرکے خوف و حراس پھیلا رہا تھا۔

ایس ایچ او پیرآباد نے اطلاع ملتے ہی فوری طورپر کامیاب کاروائی کرکے ملزم محمد ولی ولد محمد نعیم خان کو گرفتار کیا۔گرفتار ملزم سے فائرنگ میں استعمال ہونے والا لائیسنس شدہ پسٹل نمبری 3803 بمعہ راؤنڈ اور چلیدہ خول برآمد۔

گرفتار ملزم کیخلاف مقدمہ الزام 702/2021 بجرم دفعہ (i)337H اور درج، تفتیش جاری ہے۔ملزم سے برآمدہ اسلحہ فارنزک کیلئے بھیجا جائے گا۔

ایڈمنسٹریٹر کراچی بیرسٹر مرتضی وہاب نے شہر سے غیرقانونی پارکنگ کے فوری خاتمے کے لیے اقدامات کی ہدایت کی ہے۔ ایڈمنسٹریٹر کراچی بیرسٹر مرتضی وہاب کی زیر صدارت کیایم سی کے مختلف محکموں کے ساتھ اجلاس ہوا۔
ایڈمنسٹریٹر کراچی بیرسٹر مرتضی وہاب نے ہدایت کی کہ کے ایم سی کی ریکوری کو مقررہ وقت میں پورا کیا جائے۔ انہوں نے کہا کہ غیر قانونی پارکنگ فوری ختم کی جائیں،گاڑیوں کی بہتر پارکنگ سے ٹریفک کی روانی میں مدد ملتی ہے۔مرتضی وہاب نے کہا کہ بے ترتیب پارکنگ سے ٹریفک کی صورتحال خراب ہوتی ہے اور لوگوں کو تکلیف کا سامنا کرنا پڑتا ہے،فٹ پاتھ پر پارکنگ کی وجہ سے پیدل چلنے والوں کو مشکلات کا سامنا ہوتا ہے۔

شہرقائد کے علاقے ہاکس بے روڈ پرتیز رفتار ی کے باعث کوسٹر اورکار میں تصادم کے نتیجے دو افراد جاں بحق جبکہ دو زخمی ہوگئے۔
تفصیلات کے مطا بق ماڑی پور کے علاقے ہاکس بے روڈ پر تیز رفتار ی کے باعث کوسٹر اور کار میں تصادم کے نتیجے میں دوافراد جاں بحق اور دو افراد شدید زخمی ہوگئے اس اطلاع پر پولیس اور ریسکیو عملہ موقع پر پہنچ گیا ، پولیس کی جانب سے ہلاک اور زخمیوں کو ایمبولنسوں کے زریعے سول اسپتال منتقل کیا گیا ، اس حوالے سے ایس ایچ او ثاقب نے بتایا کہ کوسٹر اور کارمیںجاں بحق و زخمی ہونے والے افراد کی شناخت 45سالہ زاہد ولد محمد صدیق،40سالہ موسی ولد احمد جبکہ زخمیوں میں43سالہ آصف ولد علی48سالہ محمد بخش ولد فیض محمد عم شامل ہیں متوفی کیماڑی کے رہائشی تھے.

قومی ایئر لائن پی آئی اے نے کابل ائیرپورٹ پر سیکیورٹی کی غیر یقینی صورتحال کے باعث فضائی آپریشن معطل کردیاہے۔پی آئی اے ذرائع کے مطابق کابل ائیرپورٹ پر سیکیورٹی کی غیر یقینی صورتحال، عملے کی غیر موجودگی اور رن وے پر لوگوں کے بے پناہ ہجوم کے باعث اپنا آپریشن بند کردیا ہے۔
ذرائع نے بتایاکہ پی ائی اے حکام نے کابل آپریشن بند کرنے کا فیصلہ پاکستانی وزارت خارجہ اور افغان سول ایوی ایشن سے مشاورت کے بعد کیا ہے، پی آئی اے حکام کے مطابق مسافروں، عملے اور اثاثوں کی حفاظت کی خاطر پروازیں غیر معینہ مدت کیلئے ملتوی کی گئی ہیں۔

اس سے قبل پی آئی اے نے کابل کے درمیان 3 اضافی پروازیں چلانے کا فیصلہ کیا تھام ان 3 پروازوں کے ذریعے 900 کے قریب پاکستانیوں اور دیگر غیر ملکیوں کا کابل سے نکالا جانا تھا۔

شہرقائد کے علاقے ملیرمیمن گوٹھ میں فائرنگ سے باپ بیٹی جاں بحق اور ایک لڑکی زخمی ہوگئی ، مقتول تعویز گنڈے کا کام کرتا تھا ، اس کے علاج سے کچھ روز قبل ایک خاتون مرگئی تھی ۔میمن گوٹھ تھانے کی حدود ملیر میمن گوٹھ ابراہیم مسجد کے قریب گھر میں فائرنگ کے نتیجے باپ بیٹی جاں بحق جبکہ ایک لڑکی زخمی ہوگئی، اطلاع ملنے پر پولیس اور ریسکیو کی ٹیمیں موقع پر پہنچ گئیں اور مقتولین کی لاشیں اور زخمی لڑکی کو پولیس نے ضابطہ کی کارروائی کے لیے جناح اسپتال منتقل کیا۔
پولیس کے مطابق مقتول کی شناخت 50 سالہ غلام حیدر ولد رسول بخش اور مقتولہ کی 17 سالہ بشری بتول دخترغلام حیدر جبکہ زخمی لڑکی کی شناخت 17 سالہ زینب دختر جاوید کے نام سے کی گئی ہے۔
پولیس کے مطابق فائرنگ کا واقعہ گھر کے اندر پیش آیا ، فائرنگ سے جاں بحق غلام حیدر اور بشری بتول باپ بیٹی تھے ، زخمی ہونے والی لڑکی زینب مقتول کی مہمان تھی۔مقتول کی اہلیہ نے پولیس کو اپنے بیان میں بتایا کہ غلام حیدر تعویذ گنڈے کا کام کرتا تھا ، غلام حیدر کے تعویذ گنڈوں سے کچھ روز قبل ایک خاتون جاں بحق ہوگئی تھی، مرنے والی خاتون کا بیٹا جو اس وقت جیل میں تھا ، اس نے غلام حیدر سے بدلہ لینے کی دھمکی دی تھی کہ تمھارے علاج سے میری ماں مر گئی میں تمھیں زندہ نہیں چھوڑونگا۔

فائرنگ کرنے والا شخص اسی خاتون کا بیٹا ریاض تھا جو کچھ روز قبل جیل سے رہا ہو گیا تھا ۔ اس نے اپنے ساتھی کے ساتھ ملکر اتوار اور پیر کی درمیانی شب غلام حیدر کے گھر میں گھر کر فائرنگ کی اور موقع سے فرار ہوگیا ۔ پولیس واقعے کی مزید تحقیقات اور ملزم کو تلاش کر رہی ہے ۔

اتحاد ٹائون انویسٹی گیشن پولیس نے شادی شدہ خاتون کو بازیاب کرتے ہوئے ایک مبینہ ملزم کو گرفتارکرنے کا دعوی کیاہے۔تفتیشی افسر شوکت اعوان کے مطابق بازیاب کرائی جانے والی وجیہہ کے شوہر نے اغوا کا مقدمہ درج کر ایا تھا پولیس نے شاہ فیصل سے وجیہہ کو بازیاب کرالیاہے۔
دوران تفتیش معلوم ہوا کہ وجیہہ ملزم مظہر شاہ کے گھر میں اس کی بیٹی کی حیثیت میں رہے رہی تھی،خاتون کی پانچ سال قبل گل ولی سے شادی ہوئی تھی،خاتون بے اولاد تھی جس کے باعث ساس طعنے دیتی تھی،خاتون طعنوں سے تنگ آکر شاہ فیصل کالونی میں مظہرشاہ کے گھر چلی گئی تھی، مظہر شاہ کے گھر رو رو کر پناہ کی التجاء کی جس پر مظہر شاہ نے اسے اپنی بیٹی بنا کر پنا ہ دیدی تھی ، تاہم پولیس واقعے کی مزید تفتیش کررہی ہے ۔

رکن سندھ اسمبلی نصرت سحر عباسی نے شرعی پردہ شروع کر دیا.
تفصیلات کے مطابق ماضی میں ہم نے کئی بار دیکھا کہ معروف اداکارائیں اور ماڈلز فیشن کی دنیا چھوڑ کر اسلام کی طرف راغب ہوئیں اور آئندہ زندگی اسلام کے اصولوں کے مطابق گزارنے کا فیصلہ کیا۔کئی ایسی اداکارائیں بھی ہیں جنہوں نے شوبز کی دنیا کو خیرباد کہہ کر باپردہ رہنے کا فیصلہ کیا۔
اور اب معروف سیاسی خاتون رہنما نصرت سحر عباسی نے بھی بقیہ زندگی باپردہ رہنے کا فیصلہ کیا ہے۔ انہوں نے ویڈیو پیغام کے ذریعے شرعی پردے پر وضاحت بھی پیش کی۔ نصرت سحر عباسی نے ویڈیو پیغام میں کہا کہ اللہ پاک نے مجھے ہدایت دی ہے۔پہلے فل میک کر کے گھومنا اور پھر اس طرح سے پردہ کرنا آسان نہیں ہوتا لیکن اللہ آسان کرواتا ہے۔
اللہ تعالیٰ جب دل میں ڈال دے تو پھر دنیا کی پرواہ نہیں ہوتی،ہم سب کو پتہ ہے ہم نے مرنا ہے،اللہ نے مجھے بھی ہدایت دے دی ہے۔

ہدایت کسی کو بھی اچانک مل سکتی ہے۔ کئی لوگ اچانک اسلام قبول کر لیتے ہیں۔ مجھے بھی ایمان ملا ، ہدایت ملی، اللہ کا شکر ہے۔انہوں نے مزید کہا کہ لوگ میرے پردے پر تنقید کی بجائے مثبت انداز میں لیں۔

پاک سرزمین پارٹی کے چیئرمین سید مصطفی کمال نے کہا ہے کہ اگر پی ڈی ایم نے کراچی کی سرزمین پر پیپلزپارٹی کے ظلم کیخلاف آواز بلند نہیں کی تو کراچی والے بھرپور جواب دیں گے۔ شہباز شریف، مریم نواز اور مولانا فضل الرحمان نے پیپلز پارٹی کے سندھ پر بالعموم اور کراچی حیدرآباد پر بالخصوص مظالم کے خلاف آواز نہیں اٹھائی تو واضح ہو جائے گا کہ پی ڈی ایم کا مقصد صرف اقتدار ہے عوام نہیں ہے۔
29 اگست کو پی ڈی ایم قیادت نے پیپلز پارٹی کے ظلم کیخلاف آواز بلند نہیں کی تو پی ایس پی پہلے کی طرح ایک بار پھر عین اسی جگہ جہاں پی ڈی ایم کی 11 جماعتیں جلسہ کریں گی وہاں اکیلے دوبارہ کراچی والوں کی جانب سے پہلے سے بڑا جلسہ منعقد کرے گی۔
کراچی کے مسائل بڑھتے جا رہے ہیں، غیر منتخب ایڈمنسٹریٹر مسلط کرکہ کراچی کی ملکیتوں کو زرداری کی ملکیتوں میں تبدیل کیا جارہا ہے۔

کراچی میں کورونا وائرس ٹائم ٹیبل کے تحت حملہ کرتا ہے۔ پورے شہر کے صنعتکار اور تاجر ہم سے رابطے میں ہیں اور بھرپور تعاون کی پیشکش کر رہے ہیں۔ کراچی کی تاجر برادری کو نامساعد حالات میں کاروبار کرنے اور لوگوں کے گھروں کے چولہے جلائے رکھنے پر خراج تحسین پیش کرتے ہیں۔ ان خیالات کا اظہار انہوں نے برنس روڈ پر فریسکو چوک پر آل سندھ تاجر اتحاد کی دعوت پر جشن آزادی کی تقریب سے خطاب کرتے ہوئے کیا تھا۔
اس موقع پر وائس چیئرمین ڈاکٹر ارشد وہرا اور بزنس فورم کے صدر قمر آختر نقوی بھی موجود تھے۔ سید مصطفی کمال نے مزید کہا کہ علامتی آزادی کا جشن کیسے منایا جائے جب 74 سال بعد بھی ظالم حکمران قوم کو پینے کا پانی، ادویات، تعلیم، روزگار، ٹرانسپورٹ دینے کو تیار نہیں۔ جس مقصد کے حصول کے لیے ہمارے آبا اجداد نے قربانیاں دیں تھی وہ مقاصد آج تک حاصل نہیں ہوئے۔
آزادی سے پہلے مساجد یا امام بارگاہوں پر نہیں بلکہ عوام کے حقوق پر پابندی تھی۔ ہمارے پرکھوں نے قربانیاں اس لیے نہیں دیں تھیں کہ ملک کو زرداریوں کی جاگیر بنا دیا جائے۔ قوم کو نا آزادی سے پہلے حقوق حاصل تھے اور نا آزادی کے 74 سال بعد حاصل ہیں۔ قائد اعظم اور علامہ اقبال کے خواب کو شرمندہ تعبیر کرنے کے لیے ایک اور نسل کو قربانی دینے کے لیے تیاری کرنی ہوگی۔
میں شہباز شریف، مریم نواز اور مولانا فضل الرحمان کو آواز دے کر کہتا ہوں کہ کراچی کی سر زمین پر آئیں تو پیپلز پارٹی کے مظالم کے خلاف آواز بلند کریں۔ سندھیوں پر پیپلز پارٹی شدید ظلم کررہی ہے لیکن تمام سندھی دانشور اور سیاستدان خاموش ہیں۔ میں اپنے سندھی بھائیوں سے کہتا ہوں کہ پاک سر زمین پارٹی ظلم کیخلاف کسی صورت خاموش نہیں رہے گی۔ ہم ظالم کے ظلم کیخلاف بند باندھیں گے یا مرجائیں گے لیکن قوم کو اکیلا نہیں چھوڑیں گے۔

ملیر میمن گوٹھ میں گھر میں فائرنگ سے باپ بیٹی جاں بحق ہوگئے۔

ایس ایس پی ملیر عرفان بہادر کے مطابق ملیر میمن گوٹھ میں گھر میں فائرنگ سے جاں بحق باپ بیٹی کی شناخت 50 سالہ غلام حیدر اور 20 سالہ بشریٰ کے نام سے ہوئی جب کہ فائرنگ سے 17 سالہ زینب زخمی بھی ہوئی۔

مقتول کی بیوی نے پولیس کو بتایا کہ غلام حیدر تعویذ گنڈے کرتا تھا،کچھ روز قبل اس کے عمل سے ایک خاتون جاں بحق ہوگئی تھی جس کے شوہر نے غلام حیدر سے بدلہ لینے کی دھمکی دی تھی، رات گئے ملزم گھر میں آیا اور فائرنگ کردی۔

خاتون کے مطابق فائرنگ کرنے کے بعد ملزم وہاں سے فرار ہوگیا۔