Category: کراچی

ایف آئی اے سائبرکرائم نے بلیک میلنگ اور ہراسانی میں ملوث ملزم کو گرفتار کرلیاہے۔ایڈیشنل ڈائریکٹرایف آئی اے سائبر کرائم سندھ زون عمران ریاض کے مطابق کراچی میں کارروائی کے دوران شان قریشی نامی ملزم کو گرفتار کیا گیا ہے جو بلیک میلنگ، ہراسانی اور خاتون متاثرہ کی فحش ویڈیوز اور تصاویر شیئر کرنے میں ملوث تھا۔
متاثرہ خاتون نے شکایت درج کرائی کہ اسے سوشل میڈیا (واٹس ایپ اور فیس بک)پر فحش ویڈیوز اور تصاویر کے ذریعے ہراساں کیا گیا اور بلیک میل کیا گیا، عمران ریاض کے مطابق سے ملنے والے ڈیجیٹل آلات میں موجود فحش مواد برآمد ہوا ہے۔

کراچی کے علاقے لیاری میں قائم سماجی ادارے ’لیاری گرلز کیفے‘ کی تربیت یافتہ لڑکیوں کی جانب سے ماحولیات پر بنائی گئی مختصر دستاویزی فلم نے پاکستان میں موجود جرمن سفارت خانے کے فلم فیسٹیول میں ایوارڈ جیت لیا۔’ڈان اخبار‘ میں شائع رپورٹ کے مطابق جرمن سفارت خانے اور جرمن قونصلیٹ کراچی کی جانب سے کرائے گئے دستاویزی فلم فیسٹیول ’گرین اٹ‘ میں لیاری کی لڑکیوں کی جانب سے بنائی گئی مختصر دستاویزی فلم نے تیسرا بڑا ایوارڈ جیتا۔
’گرین اٹ‘ فلم فسٹیول کی تقریب کراچی قونصلیٹ میں منعقد ہوئی، جس میں ایوارڈ یافتہ فلموں کی ٹیم سمیت اہم شخصیات نے شرکت کی۔’گرین اٹ‘ فلم فیسٹیول میں کے پہلے دو بڑے ایوارڈز گلگت بلتستان کی دستاویزی فلموں نے جیتے، جب کہ تیسرا ایوارڈ ’لیاری گرلز کیفے‘ کی تربیت یافتہ لڑکیوں کی جانب سے ماحول پر بنائی گئی دستاویزی فلم نے جیتا ۔
ایوارڈز تقریب سے خطاب کرتے ہوئے جرمن قونصل جنرل ہوگلر زیگلر نے بتایا کہ فلم فیسٹیول منتظمین کو پاکستان بھر سے 52 دستاویزی فلمیں موصول ہوئی تھیں، جن میں سے کچھ ڈاکیومینٹریز کو سوشل میڈیا کے ذریعے مداحوں کے ووٹوں سے شارٹ لسٹ کیا گیا۔

ایوارڈز کے لیے منتخب ہونے والی تین بہترین دستاویزی فلموں میں دو گلگت بلتستان کینوجوان فلم سازوں کی جانب سے بنائی گئی ڈاکیومینٹریز تھیں جب کہ تیسری بہترین فلم کا ایوارڈ لیاری کی لڑکیوں کی فلم نے جیتا۔لیاری کیفے گرلز نامی سماجی تنظیم کی لڑکیوں کی جانب سے بنائی گئی دستاویزی فلم کی ہدایات سحرش ترک نے دی تھیں اور ان سمیت دیگر ٹیم ارکان کو فیسٹیول میں ایوارڈ دیا گیا۔

پاکستان شوبز انڈسٹری کے مشہور ترین مزح نگار، شاعر ، مصنف، ٹی وی میزبان اور مصور انور مقصود نے سوشل میڈیا پر اپنے نام سے منسوب اکائونٹ سے خبر دار کردیا۔انور مقصود کا ایک ویڈیو پیغام سوشل میڈیا پر زیرگردش ہے جس میں وہ اپنا تعارف کرواتے ہوئے کہتے ہیں کہ میرے نام سے کئی لوگ سیاسی رہنمائوں کے بارے میں مختلف ٹوئٹس کر رہے ہیں۔
انہوں نے واضح کیا کہ میرے پاس نہ لیپ ٹاپ ہے ، نہ انٹرنیٹ ہے اور نہ ہی کوئی اسمارٹ فون ہے۔انور مقصود نے اپنے ہاتھ میں پکڑا سادہ فون دکھاتے ہوئے کہا کہ میرے پاس یہ سب سے پرانا ٹیلی فون ہے، جس میں میسج بھی مشکل سے ہوتا ہے کیونکہ مجھے میسج کرنا نہیں آتا ۔انہوں نے کہا کہ میں ان تمام بڑے لوگوں سے معافی چاہتا ہوں جنہیں میری وجہ سے تکلیف ہورہی ہے، میرا کوئی اکائونٹ نہیں ہے ۔انور مقصود نے کہا کہ جو لوگ میرے نام سے منسوب جعلی اکائونٹس بنا رہے ہیں ان سے درخواست ہے کہ ایسا نہ کریں،میں پچھلے 50 سال سے انڈسٹری میں ہوں، میں نے کبھی کسی کے لیے غلط الفاظ استعمال نہیں کیے۔

پاکستان کی سینئر اداکارہ بشریٰ انصاری کی جانب سے گزشتہ روز یوم آزادی کے موقع پر سوشل میڈیا پر اپنا ایک ویڈیو پیغام قوم کے نام شیئر کیا گیا ہے. ویڈیو میں قوم کو یوم آزادی کی مبارک باد دیتے ہوئے کہنا تھا کہ ’ہم ہر یوم آزادی پر بہت اچھی باتیں کرتے ہیں، بہت اچھے کپڑے پہنتے ہیں مگر اصل میں ہم سب اپنے وطن کے لیے کچھ بھی نہیں کرتے ہیں۔
انہوں نے کہا کہ ’ہم صرف اپنے سیاست دانوں اور حکمرانوں کو برا بھلا کہتے ہیں، تھوڑا بہت اپنے بارے میں بھی سوچنا چاہیے کہ ہم خود کیا کرتے ہیں، مگر ہم اپنی ذمہ داری پر کوئی دھیان نہیں دیتے ہیں۔بشریٰ انصاری کا اپنے ویڈیو پیغام میں کہنا تھا کہ ہم نے تعلیم کے لیے یا پاکستان کی بڑھتی آبادی کم کرنے کے لیے کچھ بھی نہیں کیا ہے، ہمیں اپنی آبادی کے لیے ہی سوچنا چاہیے کہ اگر وسائل کم اور آبادی زیادہ ہوگی تو ملک کیسے چلے گا، تعلیم ضروری ہے مگر ملک میں اس وقت اور بھی بہت سے شعبوں میں کام کرنے کی ضرورت ہے۔
بشریٰ انصاری نے کہا کہ صرف باتیں نہیں بنانی ہیں ملک کے لیے کچھ مثبت بھی کرنا ہے، اپنے ملک کے باسیوں کا خیال کرنا ہے مدد کرنی ہے اور آنے والے مستقبل کے لیے کچھ اچھا سوچنا۔اٴْن کا ویڈیو میں کہنا تھا کہ ہمیں اپنی آنے والی نسلوں کے لیے سوچنا چاہیے اور ایسی نسلیں تیار کرنی چاہئیں کہ جو پاکستان کو آگے لے کر چلیں اور اس کا مستقبل پہلے سے بہتر بنائیں۔بشریٰ انصاری کا اپنی ویڈیو میں قوم کو آزادی کی مبارک باد دیتے ہوئے پیغام میں کہنا تھا کہ ’آپ سب کو یوم آزادی بہت بہت مبارک ہو، اللّٰہ کرے آنے والی چودہ اگست اس سال سے کافی بہتر ہو، اپنے ملک کی بھلائی کے لیے قدم اٹھائیں ترقی میں مدد کریں۔

جماعت اسلامی (حلقہ خواتین )کراچی کی ناظمہ اسماء سفیر معتمدہ کراچی فرح عمران ،ناظمہ ضلع ملیر جمیلہ عبد الرحمن اور ان کی ٹیم کے ہمراہ معراج محمد خان سواتی کے غمزدہ خاندان سے ملاقات اور اظہارِ تعزیت کیا اور دعا کی کہ اللہ مرحومین کی مغفرت کرے اور متعلقین کو صبر جمیل عطا فرمائے۔
ملاقات میں ناظمہ الخدمت ضلع ملیر مریم سراج، نائب ضلع فرزانہ،شبانہ ناظمہ نشرو اشاعت حسین بانو نا ظمہ زون ارم اور ناہید شریک تھیں۔اسماء سفیر نے اپنی تعزیتی بیان میں کہاکہ اللہ اپنے نیک بندوں کی آزمائش کرتا ہے ،ہم اس غم کی گھڑیوں میں آپ کے ساتھ ہیں اور رب تعالیٰ سے دعا گو ہیں کہ آپ کو صبر و استقامت عطا فرمائے۔دریں اثناء مرحومین کے انتقال پر نائب ناظمات کراچی ثناء علیم،شمینہ عتیق،شیبا طاہر،جاویداں فہیم،سمیہ عاصم،اور سیکریٹری اطلاعات ثمرین احمدنے گہرے دکھ اور افسوس کا اظہار کرتے ہوئے مرحومین کے لیے مغفرت ،لواحقین وپسماندگان کے لیے صبرجمیل کی دعا کی ہے ۔

لائنز ایریامیں نوجوان نے گلے میں پھندا لگا کر خودکشی کرلی۔
تفصیلات کے مطابق بریگیڈ تھانے کی حدود لائنز ایریا جٹ لائن میں واقعے ایک گھرمیں پھندا لگی لاش کی اطلاع پرپولیس موقع پرپہنچی اور لاش کارروائی کیلئے جناح اسپتال لائی گئی ، پولیس کے مطابق متوفی نے گھر میں چھت کے پنگھے میں رسی کی مدد سے پھندا لگاکر خودکشی،اس کی شناخت 19 سالہ علی رضا ولد یامین کے نام سے کی گئی ، ابتدائی معلومات کے مطابق واقعہ گھریلو رنجش کا شاخسانہ ہے ، پولیس واقعے کی مزید تحقیقات کر رہی ہے۔

آئی جی سندھ نے محرم الحرام کے موقع پر سکھر رینج اور اسکے اضلاع میں سیکیورٹی اقدامات پر ایک جائزہ اجلاس کی صدارت کرتے ہوئے ہدایات دیں کہ عوام کی جان ومال کے تحفظ جیسی ذمہ داریوں کو انتہائی چوکنا اور مستعد رہتے ہںوئے یقینی بنایا جائے۔انہوں نے کہا کہ یوم عاشور تک برآمد ہونیوالے جلوسںوں کے روٹس،مجالس کے مقامات پر سیکیورٹی کو علمائ اکرام/زاکرین/منتطمین کو اعتماد میں لیکر انکی مشاورت اور تجاویز کی روشنی میں مربوط اور مو ٴثر بنایا جائے۔
علاوہ اذیں ماضی میں پیش آنیوالے ناخوشگوار واقعات وتجربات کو پیش نظر رکھ کر جلوسوں کے روٹس پر ممکنہ فلیش پوائنٹس پر سیکیورٹی کو انتہائی ٹھوس اور غیر معمولی بھی بنایا جائے۔
آئی جی سندھ نے کہا کہ تمام تر آلات اور اسلحہ سے لیس اینٹی رائٹس پلاٹونز کو تیار حالت میں رکھا جائے تاکہ ممکنہ ہنگامی صورتحال سے نمٹنے کے لیئے بروقت اقدامات کو یقینی بنایا جاسکے۔

ان کا کہنا تھا کہ دل آزار,مذہبی منافرت پر مشتمل وال چاکنگ کے انسداد اور پمفلٹس کی تقسیم کی روک تھام کو یقینی بنانیکے ساتھ ساتھ محرم الحرام کے دوران لاو ٴڈ اسپیکر ایکٹ اور فورتھ شیڈول لسٹ پر قانون کے مطابق عمل درآمد کو عین کنٹی جینسی پلان اور اسکی ترجیحات کو ملحوظ خاطر رکھتے ہوئے یقینی بنایا جائے۔آئی جی سندھ نے ڈی آئی جی سکھر اور ضلعی ایس ایس پیز سکھر رینج کوہدایات دیں کہ متعلقہ ایس ایچ اوز کو باقاعدہ پابند کیا جائے کہ وہ علاقوں میں اپنی موجودگی کے تحت محرم سیکیورٹی کے مجموعی اقدامات کی نا صرف مانیٹرنگ کرینگے بلکہ اس حوالے سے لمحہ بہ لمحہ رپورٹ بھی ذریعہ وائرلیس نوٹ کرائیں گے۔
علاوہ اذیں محرم کے دوران مجموعی سیکیورٹی اقدامات کی مانیٹرنگ کے ضمن میں قائم کمانڈ اینڈ کنٹرول روم پر بھی خصوصی توجہ دی جائے۔اجلاس میں ایڈیشنل آئی جی سکھر،ڈی آئی جی سکھر،ضلعی ایس ایس پیز سکھر رینج کے علاوہ متعلقہ علمائ /ذاکرین ویڈیو لنک پر موجود تھے جبکہ سی پی او سے ڈی آئی جی ہیڈ کوارٹرز سندھ،اے آئی جی آپریشنز سندھ اور ایڈمن اجلاس میں شریک تھے۔
ویڈیو لنک پر موجود علمائ /ذاکرین سید میران شاہ،سید رکھیئل شاہ،مولانا ایم صالح ایندھر، مولانا محبوب علی، سیدجعفر علی شاہ، سیدصغیر حسین،ظفر علی لاشاری،مولانا محمد اسحاق لاشاری اور میاں محمد اسلم پر مشتمل وفد نے محرم سیکیورٹی امور پر پولیس پر اپنے اعتماد کا اظہار کیا اور اپنی جانب سے ہرممکن تعاون کی یقین دہانی کرائی .

مواچھ گوٹھ دھماکے کی تحقیقات میں پیشرفت سامنے
آئی ہے۔ذرائع کے مطابق 3 موٹر سائیکل سوار دہشت گرد مبینہ طور پر دھماکے میں ملوث ہیں .

ذرائع نے بتایا کہ تین موٹر سائیکل سوار دہشت گردوں نے مبینہ طور پر منی ٹرک کا تعاقب کیا اور دستی بم پھینکا۔تحقیقاتی ذرائع نے بتایا کہ دستی بم منی ٹرک پر گرنے سے پہلے ہوا میں ہی پھٹ گیا۔

ملک بھر میں یکساں نصاب تعلیم کا معاملہ ایک بار پھر کھٹائی میں پڑنے کا اندیشہ پیدا ہوگیا ہے۔

ذرائع کے مطابق سندھ نے وفاق کا نصاب تعلیم ماننے سے انکار کردیا ہے، جس کے بعد کل وزیراعظم ہاؤس میں منعقد ہونے والی تقریب میں سندھ سے کوئی شرکت نہیں کرے گا تقریب میں شرکت کے لیے وزیر تعلیم، سیکریٹری و دیگر کو مدعو کیا گیا تھا۔

وزیرتعلیم سندھ سردارشاہ کا کہنا ہے کہ ہم یکساں تعلیمی نصاب پر پہلے ہی اپنے تحفظات ظاہر کرچکےہیں، تعلیم مکمل صوبائی معاملہ ہےنصاب بھی صوبےکا معاملہ ہے، یکساں نصاب کومن وعن رائج کرنےکی پوزیشن میں نہیں ہے۔

سردارشاہ نے کہا کہ وفاقی حکومت ہم پر اپنےفیصلےمسلط نہیں کرسکتی، صوبوں کا اختیار ہے کہ وہ یکساں نصاب قبول کریں یا نہ کریں، اٹھارویں ترمیم کی روشنی میں ہمیں اختیارہےکہ ہم اپنافیصلہ کریں۔

وفاقی وزیر تعلیم شفقت محمود سے متعلق وزیر تعلیم سندھ کا کہنا تھا کہ شفقت محمود کہتےہیں کہ یکساں نصاب پی ٹی آئی کےمنشورکاحصہ ہے، انہیں یہ بھی معلوم ہونا چاہیئے کہ یکساں نصاب آئین کاحصہ تو نہیں ہے، پیپلزپارٹی جمہوری جماعت ہے آئین کی بالادستی پریقین رکھتی ہے۔

وزیرتعلیم سندھ کا مزید کہنا تھا کہ سندھ کی شرکت کےبغیریہ قومی اور یکساں نصاب نہیں ہوسکتا، یکساں نصاب کےسائنسی مضامین کی اچھی چیزیں قبول کرسکتےہیں،سوشل اسٹیڈیز میں ہرصوبے کی اپنی تاریخ، ثقافت اورہیروز ہوتےہیں، قومی ہیروز کل بھی ہمارے نصاب میں شامل تھے،آج بھی ہیں۔

سردارشاہ کا مزید کہنا تھا کہ اردو،انگریزی کیساتھ سندھی پڑھانا چاہتےہیں توہمارا آئینی حق ہے،ہم اس سےدستبردارنہیں ہوں گے۔

واضح رہے کہ گذشتہ روز اسلام آباد میں پریس کانفرنس کرتے ہوئے وزیرتعلیم نے کہا تھا کہ پاکستان کی تاریخ میں پہلی بار ‏یکساں تعلیمی نصاب لایاجارہاہے پہلی سے پانچویں جماعت میں کل سے یکساں تعلیمی نصاب لاگو ہو‏گا۔ ‏

شفقت محمود کا کہنا تھا کہ پنجاب،کےپی،جی ‏بی،آزادکشمیرمیں اس کا اطلاق ہوچکا ہے تاہم سندھ نے ابھی تک فیصلہ نہیں کیا سندھ حکومت ‏سے استدعا ہےکہ قومی دھارےمیں شامل ہوجائے باقی تمام صوبےیکساں تعلیمی نظام میں شامل ہو ‏رہے ہیں، معاملے پر سندھ جاکروزیراعلیٰ سندھ اور وزیرتعلیم سےملاقات کروں گا۔

وفاقی وزیر تعلیم کا کہنا تھا کہ موجودہ تعلیمی نصاب ایک ناانصافی پر مبنی ہے صرف چھوٹے طبقے کو ‏آگے بڑھنے کے بےپناہ مواقع ملنا ناانصافی ہے یکساں تعلیمی نصاب پورے ملک کےلئے انقلاب ‏ہوگا ہدف کو ذہن میں رکھ کر آگے بڑھ رہے ہیں اہداف کےلئے پرامید ہیں۔

یہ پہلا موقع نہیں ہے جب صوبہ سندھ کی جانب سے یکساں نصاب تعلیم کی مخالفت کی گئی ہے، اس سے قبل رواں سال دو جولائی کو بھی وزیراعلیٰ سندھ مرادعلی شاہ کی زیرصدارت ہونے والے اجلاس میں یکساں تعلیمی نصاب کی مخالفت کی گئی تھی۔

اجلاس میں فیصلہ کیا گیا تھا کہ صوبائی حکومت اپنا تعلیمی نصاب برقرار رکھےگی تاہم وفاق کےنصاب میں اچھی چیزکوصوبائی نصاب میں شامل کیاجائے گا۔

پاکستان پیپلز پارٹی کے سابق صوبائی صدر و سنیٹرسردار فتح محمد حسنی کا پاکستان مسلم لیگ ن میں شمولیت کا فیصلہ

سابق صوبائی صدر و سنیٹرسردار فتح محمد حسنی شمولیت کا باقاعدہ اعلان کوئٹہ میں جلسہ عام میں کریں گے،

دیگر اہم شخصیات بھی پارٹی صدر میاں محمد شہباز شریف سے رابطے میں ،جلدکئی اراکین اسمبلی سمیت سابق سنیٹر ز،اراکین قومی و صوبائی اسمبلی و سابق و زرا کی بھی شمولیت متوقع

پاکستان پیپلز پارٹی کے سابق صوبائی صدر و سنیٹرسردار فتح محمد حسنی کا پاکستان مسلم لیگ ن میں شمولیت کا فیصلہ، باقائدہ اعلان کوئٹہ میں جلسہ عام میں کریں گے،ذمہ دار ذرائع نے بتایا کہ بلوچستان سے تعلق رکھنے والی دیگر اہم شخصیات بھی پاکستان مسلم لیگ ن کے مرکزی صدر میاں محمد شہباز شریف سے رابطے میں ہیں ،جلدکئی اراکین اسمبلی سمیت سابق سنیٹر ز،سابق اراکین قومی و صوبائی اسمبلی و سابق وزراء کی بھی شمولیت متوقع ہے۔