مسلم لیگ ن کے رہنماء‌ عطاء اللہ تاڑڑ نے کہا ہے کہ بیل مسترد کرنے کی جو اپیلیں تھیں وہ خارج ہوگئی ہیں، پھر آپ نے اثاثوں کا کیس جس کی انکوائری اکتوبر 2018 میں شروع کردی تھی، جب آپ نے شہباز شریف کو گرفتار کیا تھا، اس کیس میں آپ نے دوبارہ گرفتار کیا، سات ماہ جیل میں رہ چکے ہیں، ایک بات عمران نیازی اور چئیرمین نیب کان کھول کر سن لیں اس دفعہ ہم شہباز شریف کو ہم جیل نہیں جانے دیں گے، آپ کے بس میں جو آتا ہے اپ کرلیں، نہ کوئی ثبوت ہوتا ہے، نہ کوئی شواہد ہوتے ہیں، آپ کی ایگزیکٹوو بورڈ کی مٹنگ بیٹھ کر سیایسی بنیادوں پر یہ فیصلے کرتی ہے، مجھے بتایا جائے کہ کیا قصورہے کہ آپ نے پہلے سوا سال جیل میں بند رکھا ہے، تب آپ کو یاد نہیں آیا کہ یہ میرے پاس سمری ہے جس میں تمام کاغذات مکمل ہیں، جن کو یہ زمین لیز پر دی گئی وہ غریب عوام تھی، مستحقین تھے، جن کو لال سنہرا نیشنل پارک سے نکالا جا رہا تھا، کیا ان کو متبادل زمین لیز پر دینا جرم ہے.

لاہور میں مجلس علماء پاکستان کے زیر اہتمام اتحاد بین المسلمین کانفرنس کا انعقاد کیا گیا ہے، اس کانفرنس میں تمام مسلکوں کے علماء نے شرکت کی ہے، یہ کانفرنس بادشاہی مسجد لاہور میں منعقد کی گئی ہے، اس کانفرنس کے مہمان خصوصی صوبائی وزیرسید حسن شاہ ہیں، وحدت انسانیت پر زور دیا گیا ہے، امت کے اتحاد کو ہر ممکن بجا لانے کا عہد کیا گیا ہے، عالم اسلام کو متحد ہونے کا پیغام دیا گیا ہے، چودہ سو سال بھی تمام مسلمان متحد ہیں، تمام مسلکوں کو پیغام دیا گیا کہ ہم مسلمان ہیں، ہمیں ایک ہو کر چلنا ہوگا، آج کفر کی تمام قوتیں شکست کھا چکی ہیں، سب کا برا حال ہوچکا ہے.

عیدالاضحی پر مویشی منڈیوں میں بہترین انتظامات کیے گئے ہیں، پنجاب کیٹل مارکیٹ مینجمنٹ کمپنی کے افسران اور سٹاف کے لیے حسن کارکردگی تقریب کا انعقادِ کیا گیا ہے، تقریب کے مہمان خصوصی وزیر بلدیات پنجاب میاں محمودالرشید تھے، وزیر بلدیات نے مویشی منڈیوں میں بہترین انتظامات کرنے والوں میں تعریفی اسناد اور کیش پرائز تقسیم کیے ہیں، تقریب میں ڈی جی لوکل گورنمنٹ کوثر خان اور چیئرمین پنجاب کیٹل مارکیٹ مینجمنٹ کمپنی افتخار احمد بھی شریک ہوئے ہیں.

وزیر بلدیات پنجاب محمود الرشید نے کہا ہے کہ اچھی کارکردگی پر متعلقہ افسران اور عملے کی حوصلہ افزائی ضروری ہے، عملے نے کورونا اورعیدالاضحی پر خراب موسم کے باوجود مثالی کارکردگی کا مظاہرہ کیا ہے، اچھی کارکردگی کا مظاہرہ کرنے والوں کی تحسین کا سلسلہ جاری رکھا جائے گا، اگلے سال اچھی کارکردگی دکھانے والوں کو دوگنا اعزازیہ دیا جائے گا، رواں برس پہلی بارپنجاب کیٹل مارکیٹ مینجمنٹ کمپنی نے منڈیوں کی ریکارڈ نیلامی کی گئی ہے، منڈیوں کی ریکارڈ نیلامی اور بہترین سہولیات فراہم کرنے پر تمام عملہ مبارکباد کا مستحق ہے، شہریوں کو مویشی منڈیوں میں اعلیٰ درجے کی سہولیات فراہم کرنا ہماری ترجیحات میں شامل ہے، ڈی جی لوکل گورنمنٹ کوثرخان کو بھی عمدہ کارکردگی پرتعریفی سند پیش کی گئی ے.

لاہور، گوجرانوالہ، سرگودھا، راولپنڈی، ساہیوال، ملتان، بہاولپور، فیصل آباد اورڈی جی خان ڈویژن کے افسران میں تعریفی اسناد کے ساتھ نقد انعام بھی تقسیم کیے گئے ہیں.

روسی تحقیقی ادارے "آریاہ” کے وفد نے محکمہ لائیو سٹاک پنجاب کا دورہ کیا ہے، وفد نے صوبائی ہیڈ کوارٹر، تشخیصی لیبارٹری اور پنجاب سول سیکرٹریٹ کا دورہ کیا ہے، وزیرلائیو سٹاک سردار حسنین بہادر دریشک کی خصوصی دعوت پر وفد نے دورۂ پنجاب کیا ہے، روسی وفد میں اینیمل ویکسین سائنٹسٹ اور وفاقی ریسرچ افسران شامل ہیں، دورہ کا مقصد منہ کھر سے بچاؤ اور ویکسین پروڈکشن بارے تعاون کو فروغ دینا ہے.

ڈائریکٹرجنرل (توسیع) ڈاکٹر احتشام الحق نے وفد کو منہ کھر بیماری کی تشخیص اور ویکسین پروڈکشن کے بارے می‌ں تفصیلی بریفنگ
دی ہے، وفد نے سیکرٹری لائیوسٹاک پنجاب اسد رحمان گیلانی سے خصوصی ملاقات بھی کی ہے، سیکرٹری لائیوسٹاک اور روسی سائنسدانوں کی منہ کھر بچاؤ حکمتِ عملی بارے وفود کی سطح پرتبادلہ خیال ہوا ہے.

ڈائریکٹر جنرل ریسرچ اسد رحمان گیلانی نے کہا ہے کہ منہ کھر کی بیماری سے سالانہ 692 ملین ڈالرز کا نقصان اٹھانا پڑتا ہے، محکمہ لائیو سٹاک پنجاب روسی سائنسدانوں کے تجربہ سے فائدہ اٹھانے کا خواں ہیں، منہ کھر کنٹرول پروگرام میں پنجاب کے سرکاری و نجی ادارے ملکر کام کر رہے ہیں لہذا یہ دورہ نہایت اہمیت کا حامل ہے.

سیکرٹری لائیوسٹاک نے کہا ہے کہ روسی ادارے عالمی سطح پر ویکسین پروڈکشن میں مایہ ناز مقام رکھتے ہیں، ادارہ برائے خوراک و زراعت کی اعتماد یافتہ "آریاہ” منہ کھر ویکسین کا استعمال نہایت کارآمد ثابت ہوا ہے، اس دورہ سے پنجاب میں منہ کھر بیماری کی روک تھام کیلئے کی جانیوالی کوششوں میں تیزی آئے گی، دورہ کا بنیادی مقصد ہماری منہ کھر کنٹرول پالیسی بارے تجاویز و سفارشات کا حصول ہے.

سربراہ روسی وفد ڈاکٹر الیکسینڈر کہا ہے کہ اس دورہ سے پاکستان میں استعمال ہونیوالی منہ کھر ویکسین کی کارکردگی اور افادیت جانچنے میں مدد ملے گی، ایف اے او اور روسی ادارے کے باہمی تعاون سے منہ کھر سے پاک پاکستان کے عزم کا اعادہ کرتے ہیں، پنجاب کے مویشی پال حضرات روسی وفد کے فیڈ بیک سے فائدہ مند ہونگے، سربراہ روسی وفد نے صوبائی وزیر اور سیکرٹری لائیوسٹاک کا شکریہ ادا کیا ہے، روسی وفد نے ڈیزیز کنٹرول بارے اپنی مہارت اور تشخیصی سہولیات فراہم کرنے میں دلچسپی کا اظہار بھی کیا ہے.

سیکرٹری لائیوسٹاک نے وفد کے اراکین کو شیلڈز اور تحائف پیش کیے ہیں، وفد کو صوبائی وزیرلائیو سٹاک کی جانب سے سووینئر بھی پیش کئے گئے ہیں، ایڈیشنل سیکرٹریز، ڈائریکٹرجنرلز اور یونیورسٹی نمائندگان سمیت دیگر افسران بھی اس موقع پر موجود تھے.