Category: لاہور

لاہور گارڈن ٹاؤن پولیس نے بروقت کارروائی کرتے ہوئے ڈکیت گینگ گرفتار کر لیا۔گرفتار ملزمان میں ضیاء الرحمن اور عدنان شامل ہیں۔ایس ایچ او کوٹ علی شیر سیویا کے مطابق گرفتار ملزمان کے قبضہ سے 2 موٹر سائیکلیں اور اسلحہ برآمد ہوا۔ملزمان نے دوران تفتیش متعدد وارداتوں میں ملوث ہونے کا اعتراف کیا۔ملزمان کے خلاف مقدمات درج کرکے مزید تحقیقات کیلئے انویسٹی گیشن ونگ کے حوالے کر دیا گیا۔ایس پی ماڈل ٹاؤن دوست محمد کا کہنا تھا کہ جرائم پیشہ عناصر کیخلاف زیرہ ٹالرنس پالیسی پر عمل پیرا ہیں۔

غریب عوام کے لئے رمضان میں بھی مشکلات، کونسی چیز مہنگی ہونے جا رہی؟ شہزاد اکبر نے بتا دیا
باغی ٹی وی کی رپورٹ کے مطابق پنجاب کے صوبائی کابینہ اجلاس کے بعد وزیراعلیٰ پنجاب عثمان بزدار نے عوام کو ریلیف دینے کے حوالہ سے اہم فیصلوں سے آگاہ کیا ہے

وزیراعلیٰ پنجاب عثمان بزدار کا کہنا تھا کہ صوبے کے عوام کو حقیقی ریلیف دینے کیلئے اہم فیصلے کیے ہیں کوئی بھی ڈیلر 2.5 میٹرک ٹن سے زائد چینی ذخیرہ نہیں کرسکے گا، کوئی بھی شوگر مل غیر رجسٹر ڈیلر کو چینی فروخت نہیں کر سکے گی ،عوام کو ریلیف دینے کے لئے کام کر رہے ہیں، چینی، گندم،دالیں چاول عوام کو سستی دینے کی کوشش کریں گے، ذخیرہ اندوزی کی کسی کو اجازت نہین دیں گے،شوگرملز اورڈیلرزاپنا تمام رکارڈ کین کمشنرکودینے کے پابند ہونگے،صوبے کے عوام کو ذخیرہ اندوزوں سے بچانے کیلئے پرعزم ہیں، کسی بھی ڈیلرکو2.5 میٹرک ٹن سے زیادہ چینی ذخیرہ کرنےکی اجازت نہیں ہوگی،

وزیراعظم کے معاون خصوصی شہزاد اکبر کا کہنا تھا کہ سٹے بازوں کے خلاف بڑا آپریشن کیا گیا ہے، چینی کی تیاری 3 سے 4ماہ میں ہوجاتی ہے،شوگرکی قیمت کبھی 70 روپے توکبھی 100روپے ہو جاتی ہے،جن کیخلاف کارروائی کی گئی ان کیلئے مافیا کالفظ چھوٹا ہے، چینی کی فراہمی سے متعلق اہم فیصلے کیے ہیں 4 ماہ کے اندر پورےسال کی چینی تیار ہوجاتی ہے،شہزاد اکبر کا مزید کہنا تھا کہ چینی مافیا پلاننگ کے تحت رمضان میں قیمتیں بڑھانے جارہا ہے، چینی ذخیرہ اندوزوں کے خلاف 10 ایف آئی آر درج کی گئی ہیں سٹے بازوں اورذخیرہ اندوزوں کےگروہوں کے ساتھ شوگزملز بھی ملوث تھیں،یہ گروہ منی لانڈرنگ،سٹے بازی میں ملوث ہیں،یہ سٹے بازکہیں رجسٹرڈ ہی نہیں، مریم نوازکی پیشی کےموقع پرامن امان کے پیش نظررینجرزاورپولیس تعینات ہوگی،یہ اتنے لاڈلے کیوں ہیں کہ انہیں بلانے کی جرات نہیں کی جا سکتی،مریم نوازکی جانب سے نیب کودھمکیاں دی جارہی ہیں

ایکسپو سنٹر لاہور میں ڈی سی لاہور مدثر ریاض نے پریس کانفرنس کی جس میں اُنہو نے قبضہ مافیا سے واگزارکروائی گئی زمین بارے میں بتایا کے ضلعی انتظامیہ لاہور سرکاری و سمندر پار پاکستانیوں کی زمینوں کو واگزار کروا رہی ہے۔ اُنہو نے بتایا کے دو سالوں میں سرکاری 7368 ایکڑ زمین کو واگزار کروایا گیا ہے جس کی مالیت 24 ارب روپے بنتی ہے اور گذشتہ بیس دونوں میں 168 ایکڑ زمین کو واگزار کروایا گیا جس کی مالیت 9442 بلین ہے۔ مدثر ریاض کا کہنا تھا کے سمندر پار پاکستانیوں کی 173 شکایات موصول ہوئیں تھی جس کے نتیجہ میں 266 کنال زمین کو واگزار کروا کر ان کے حوالے کیا گیا ہے۔ اور غیر قانونی طور پر ان کے گھروں، پلاٹوں اور زمین پر قبضہ کی جگہ 100 کنال 7 مرلہ کو واگزار کروا کر ان کے حوالے کیا گیا جس کی مالیت 2933 بلین ہے۔ اُن کا کہنا تھا کے ناجائز قابضین کے خلاف کاروائیاں ایسے ہی جاری رہیں گی۔ عدالت میں جن زمینوں کے کیسز ہیں انہیں عدالتی فیصلوں کو مدنظر رکھتے ہوئے نمٹایا جائے گا۔ ایسا ہرگز نہیں ہے کہ ایسی زمین پر کوئی قبضہ کر لے، اگر کوئی کرے گا تو سخت ایکشن عمل میں لایا جائے گا۔

مدثر ریاض نے یہ بھی بتایا کے بورڈ آف ریونیو نے پٹواریوں کی نئی بھرتیوں کا شیڈول دے دیا ہے، ایسے پٹواری بھرتی کئے جائیں گے جو کمپیوٹر جانتے ہوں گے۔ اُن کا کہنا تھا کے جلد ہی اشتہار آجائے گا جبکہ مختلف اضلاع میں آ گیا ہے۔ جہاں تک کوویڈ کی بات ہے تو کورونا ایس او پیز پر عملدرآمد ہر ممکن یقینی بنانا ہے۔

پنجاب پولیس سے کہتا ہوں حکمرانوں کے کہنے پر امن خراب نہ کریں،رانا ثناء اللہ

باغی ٹی وی کی رپورٹ کے مطابق مسلم لیگ ن پنجاب کے صدر رانا ثنااللہ نے پی ڈی ایم رہنماؤں کے ہمراہ مشترکہ پریس کانفرنس کرتے ہوئے کہا ہے کہ سنا ہے کہ نیب بلڈنگ کورینجرزکے حوالے کردیا گیا ہے،

رانا ثناء اللہ کا کہنا تھا کہ پنجاب حکومت نے نیب آفس کے اطراف کو ریڈزون قراردے دیا،حالت یہ ہے کہ حکومت کل ہائیکورٹ پہنچ گئی تھی،کل ہائیکورٹ میں کہا گیا مریم نواز 3،2 لوگوں کے ساتھ آئیں ،مریم نوازکے خلاف بے بنیاد مقدمات بنائے گئے،نیب کو پولیٹیکل انجینئرنگ کے لیے استعمال کیا جا رہا ہے ،ظلم وجبرکے خلاف آوازاٹھانا ہرسیاسی کارکن کا حق ہے،حکومت کے ظلم وجبرکے خلاف آوازاحتجاج کر رہے ہیں،حکومت کے خوف کا یہ عالم ہے دیکھا نہ جائے،طعنہ دیا جاتا تھا مریم نوازکی وجہ سے ن لیگ کمزور ہوگئی،کرائے کے ترجمان کہتے ہیں پی ڈی ایم کی کوئی حیثیت نہیں اب حکومتی ارکان کو پتہ چل گیا کہ پی ڈی ایم کی کیا اہمیت ہے،پنجاب پولیس سے کہتا ہوں حکمرانوں کے کہنے پر امن خراب نہ کریں،ہمارا راستہ روکا گیا تو امن کی ذمہ داری ان کی ہوگی ،ہمارا راستہ نہ روکا گیاتو اپنی لیڈر کےساتھ اظہار یکجہتی کے لیے جائیں گے،

دوسری جانب مسلم لیگ ن نے بھی مریم نواز کی نیب پیشی کو حتمی شکل دے دی،مریم نواز نیب پیشی کے لئے ماڈل ٹاؤن سے روانہ ہوں گی، ایک بڑا جلوس ان کے ساتھ جائے گا، ن لیگ نے لاہور بھر سے اراکین اسمبلی کو کارکنان کو نیب آفس لانے کی ہدایت کی ہے مریم نواز ریلی کی صورت میں ٹھوکر نیاز بیگ پہنچیں گی اور نیب آفس میں پیش ہوں گی، مریم نواز کی ریلی کے راستے میں جگہ جگہ استقبالیہ کیمپ بھی لگائے جائیں گے

ن لیگ کی جانب سے مریم نواز پر پھولوں کی پتیاں پھینکنے کے لئے بھی کارکنان کی ڈیوٹیاں لگا دی گئی ہیں ،حمزہ شہباز کی بھی جلوس میں نیب آفس متوقع ہے

قبل ازیں لاہور ہائیکورٹ نے مریم نواز کی 12 اپریل تک عبوری ضمانت منظور کر لی ،لاہور ہائیکورٹ نے نیب کو مریم نواز کی گرفتاری سے روک دیا لاہور ہائیکورٹ نے مریم نواز کو نیب کے روبرو پیش ہو کر نیب نوٹسز کا جواب دینے کا حکم دے دیا،جسٹس سرفراز ڈوگر اور جسٹس اسجد جاوید گھرال پر مشتمل دو رکنی بنچ نے سماعت کی .مریم نواز نے لاہور ہائیکورٹ میں درخواست میں کہا کہ نیب نے دو انکوائریز میں 26 مارچ کو طلب کیا ہے، درخواستگزار کو 26 مارچ کو گرفتار کر سکتا ہے،عدالت نیب کو گرفتاری سے روکے

نیب لاہور نے مریم نواز کو 26 مارچ کو 1500 کنال کی مبینہ غیر قانونی منتقلی کیس، اور چوہدری شوگر ملز کیس میں طلب کر رکھا ہے، نیب نے مریم نواز کی پیشی کے موقع پر امن و امان کی صورتحال برقرار رکھنے کے لیے لاہور آفس کے اطراف کا علاقہ ریڈ زون قرار دے کر سیکورٹی رینجرز کے سپرد کر دی۔

کیپٹن صفدر کا کورٹ مارشل کرو، اب سب اندرجائیں‌ گے،مبشر لقمان کا اہم انکشاف

کیپٹن ر صفدر کی گرفتاری کی ویڈیو سامنے آ گئی، پولیس کی جانب سے وی وی آئی پی پروٹوکول

کیپٹن ر صفدر کی گرفتاری، وفاقی وزراء نے بڑا مطالبہ کر دیا

کراچی جلسہ میں بلانے والی پیپلز پارٹی نے کیپٹن ر صفدر کی گرفتاری پر ہاتھ کھڑے کر دیئے

دوسری جانب مسلم لیگ ن کے رکن قومی اسمبلی رانا ثناء اللہ کا کہنا ہے کہ حکومت کی ہدایت پر نیب نے مریم نواز کو طلب کیا،مریم نواز کی نیب پیشی کے وقت رکاوٹیں نہ کھڑی کی جائیں،نیب شہزاد اکبر کے ماتحت ہے، انصاف کا ادارہ نہیں،

مریم نواز کے شوہر کیپٹن ر صفدر کا کہنا تھا کہ میں گھبرنے والا نہیں آئین پاکستان کا دفاع کروں گا نیب کے دفاتر سے اسپتال اور یونیورسٹی قائم کیے جاسکتے ہیں نیب نے ہمیشہ آمریت کو تحفظ فراہم کیا ہے،ہم تمام اداروں کا احترام کرتے ہیں مریم نواز نیب کے سامنے ضرور پیش ہو ں گی

نواز شریف کا مریم نواز سے رابطہ، اہم ہدایات دے دیں،مریم سے ایک اور اہم شخصیت کا بھی رابطہ

وزیر جیل خانہ جات پنجاب فیاض الحسن چوہان کا بیگم صفدر اعوان کی ضمانت پر ردعمل سامنے آگیا۔ فیاض الحسن چوہان کا کہنا تھا کے شریف خاندان کے اندرونی اختلافات ایک دفعہ پھر سر اٹھا کر پردے سے باہر آ گئے ہیں اور اعلیٰ قیادت کی ملاقات میں بیگم صفدر اعوان کی ضمانت نہ کروانے پر اتفاق کیا گیا تھا۔ مرکزی قیادت کی جانب سے ضمانت نہ کروانے کا مشورہ کارکنان کو جرات اور دلیری کا پیغام دینا تھا۔اُن کا کہنا تھا کے بیگم صفدر اعوان نے ضمانت قبل از گرفتاری کروا کر بزدلی کا ثبوت دیا ہے۔ بیگم صفدر اعوان نے کارکنان کے ساتھ "سانوں نہر والے پل تے بلا کے، ہورے ماہی کتھے رہ گیا” والا سلوک کیا ہے۔ اپنی ضمانت کروا کر بیگم صفدر اعوان کس منہ سے کارکنان کو گرفتاریوں اور لاٹھی چارج کے لیے بلائیں گی۔ نواز شریف بھی خود لندن فرار ہو گئے ہیں اور اتحادیوں کو جیل بھرو تحریک کے مشورے دے رہے ہیں۔

ووٹ کی برچی تمہاری جعلی حکومت کے لیے موت کا پروانہ ہے ،مریم نواز

باغی ٹی وی کی رپورٹ کے مطابق مسلم لیگ ن کی رہنما مریم نواز نے کہا ہے کہ کبھی عدالت جاتے ہیں کہ عوام کو ووٹ سے روکو ،

مریم نواز کا کہنا تھا کہ کبھی عدالت جاتے ہیں کہ عوام کومریم کے ساتھ آنے سے روکو،تین سال لوگوں کا استحصال کرنے والے عوام میں جانے سے دوڑ گئے،یہ ادارے عوام کے ہیں،عوام کے غیظ و غضب سے تمہیں ادارے نہیں بچا سکتے، سلیکٹڈ الیکشن سے بھاگے گا نہیں تو اور کون بھاگے گا؟

ڈسکہ الیکشن ملتوی ہونے پر خوشیاں منانے والے جانتے ہیں کہ الیکشن تو ہونا ہے۔ عوام نے ووٹ تو ڈالناہے—
کیوں ڈرتے ہو عوام سے؟کیوں ڈرتے ہو ووٹ سے؟ کیوں ڈرتے ہو یوم حساب سے؟
اس لیے کہ عوام تم سے بیزار ہے اور ووٹ کی برچی تمہاری جعلی حکومت کے لیے موت کا پروانہ ہے !

— Maryam Nawaz Sharif (@MaryamNSharif) March 25, 2021

مریم نواز کا مزید کہنا تھا کہ ڈسکہ الیکشن ملتوی ہونے پر خوشیاں منانے والے جانتے ہیں کہ الیکشن تو ہونا ہے۔ عوام نے ووٹ تو ڈالنا ہے ،کیوں ڈرتے ہو عوام سے؟کیوں ڈرتے ہو ووٹ سے؟ کیوں ڈرتے ہو یوم حساب سے؟اس لیے کہ عوام تم سے بیزار ہے اور ووٹ کی برچی تمہاری جعلی حکومت کے لیے موت کا پروانہ ہے !

واضح رہے کہ سپریم کورٹ نے این اے 75 میں ضمنی انتخابات کے لئے پولنگ روک دی.سپریم کورٹ نے ڈسکہ میں الیکشن پراسس عبوری طور پر روک دیا،عدالت نے فریقین کے وکلا کے دلائل مکمل سننے کے بعد این اے 75 پولنگ روک دی،سپریم کورٹ نے ڈسکہ میں الیکشن پراسس عبوری طور پر روک دیا،عدالت نے کہا کہ 10 اپریل کو ہونے والی پولنگ نہیں ہو گی ،سپریم کورٹ نے حکم امتناع جاری کردیا اورمزید سماعت ملتوی کردی ۔

معاملہ خراب کرنے کا الزام نہ لگائیں تحقیقات کریں،رانا ثناء اللہ کا چیلنج

ڈسکہ میں جو کچھ ہوا ہے اس پر مٹی نہ ڈالی جائے،ن لیگی وکیل کے دلائل

کیا 20 پولنگ کے علاوہ باقی پولنگ اسٹیشن پر آپکی امیدوار جیت نہیں رہی؟ چیف الیکشن کمشنر کا سوال؟

این اے 75 ضمنی انتخابات،کون ٹھہرا کامیاب ؟ الیکشن کمیشن نے فیصلہ سنا دیا

ڈسکہ ضمنی انتخابات، تحریک انصاف کی اپیل پر کب ہو گی سپریم کورٹ میں سماعت؟

ڈسکہ ضمنی الیکشن، تحریک انصاف کی درخواست پر سپریم کورٹ کے اہم ریمارکس

ڈسکہ ضمنی انتخابات، سپریم کورٹ نے دیا پی ٹی آئی امیدوار کو بڑا جھٹکا

مجھے پتہ چلے حلقہ میں یہ کام ہو رہا ہے تو میں ووٹ ڈالنے نہیں جاؤنگا۔ جسٹس قاضی فائز عیسیٰ کے ریمارکس

ڈسکہ ضمنی انتخابات میں الیکشن کمیشن نے کون سی بڑی غلطی کی؟ جسٹس عمر عطا بندیال نے ریمارکس میں بتا دیا

ڈسکہ ضمنی الیکشن، سپریم کورٹ میں ہو گی سماعت، کس کا وکیل ہوا کرونا کا شکار؟

مہربانی کریں ہمیں حقائق بتائیں،سپریم کورٹ کا ن لیگی امیدوار کے وکیل سے مکالمہ، سماعت ملتوی

قبل ازیں این اے 75 انتخابات کالعدم قراردے دیئے گئے، این اے 75 میں دوبارہ الیکشن ہوں گے الیکشن کمیشن نے این اے 75ڈسکہ پر دوبارہ انتخابات کا حکم دے دیا پورے حلقے میں انتخابات سے متعلق مسلم لیگ ن کی درخواست منظورکر لی گئی ،چیف الیکشن کمشنر نے کہا کہ پولنگ اسٹیشنز پر فائرنگ اور قتل و غارت ہوئی، این اے 75 ضمنی انتخابات میں ماحول خراب کیا گیا،

سیشن کورٹ میں کھوکھر بردارن کیخلاف کیس کی سماعت ہوئی۔ ایڈیشنل سیشن جج رفاقت علی گوندل نے ملزمان کی عبوری ضمانت میں 3 اپریل تک توسیع کر دی۔ ملزمان کے خلاف کار سرکار مداخلت کے تحت تھانہ نواب ٹاؤن میں مقدمہ درج ہیں۔ ایم این اے ملک افضل کھوکھر کی حاضری معافی کی درخواست دائر کی گئی تھی۔ عدالت نے حاضری معافی کی درخواست منظور کر لی ہے۔ سیف الملوک کھوکھر کا کہنا تھا کے جب تک نواز شریف کی حکومت نہیں آتے تب تک ہمارے خلاف کیس بنتے رہیں گے یہ سب ہمارے خلاف سیاسی انتقامی کاروائی ہو رہی ہے۔ اُن کا یہ بھی کہنا تھا کے آیندہ الیکشن ہوں تو ن لیگ کیلن سویپ کرے گی۔

ورلڈ ہیلتھ آرگنائزیشن نے پنجاب حکومت کیلئے8ایمبولینس گاڑیوں اور 15موٹر سائیکلوں کا عطیہ کیا ہے۔ وزیراعلی آفس میں ایمبولینس گاڑیاں اور موٹر سائیکلیں پنجاب حکومت کے سپرد کرنے کی تقریب منقد ہوئی۔ وزیراعلی پنجاب سردار عثمان بزدار تقریب کے مہمان خصوصی تھے۔ عثمان بزدار کوڈبلیو ایچ او کے کنٹری ہیڈ ڈاکٹر الپتھاماہی پالا نے ایمبولینس گاڑیوں کی چابیاں پیش کیں۔ وزیراعلیٰ نے ایمبولینس گاڑیوں اور موٹرسائیکلوں کامعائنہ کیا اور کہا کے ایمبولینس گاڑیاں کورونا کے مریضوں کو منتقل کرنے کیلئے استعمال کی جائیں گی اورمعمر شہریوں کو کورونا ویکسین لگانے کیلئے ایمبولینس استعمال کی جائے گی۔ جو مریض نقاہت کے باعث ہسپتال نہیں آسکیں گے ایمبولینس ان کے گھر تک پہنچے گی اور موٹرسائیکل کے ذریعے کورونا ٹیسٹ کے سیمپل لیبارٹری پہنچائیں جاسکیں گے۔ ایمبولینس میں آکسیجن،دیگر آلات اورٹیسٹ سیمپل لیجانے کیلئے آئس باکس بھی موجود ہیں۔ لاہور ایئر پورٹ پر کورونا مریضوں کو ہسپتال منتقل کرنے کیلئے ایمبولینس موجود ہوگی۔ واہگہ بارڈر پر بھی سرحد پار آنے والے مریضوں کو ایمبولینس کے ذریعے منتقل کیا جاسکے گا۔ وزیراعلیٰ نے ایمبولینس گاڑیاں اور موٹرسائیکلیں عطیہ کرنے پر ورلڈ ہیلتھ آرگنائزیشن کے تعاون کا شکریہ ادا کیا اور کہا کے کورونا کے خلاف جنگ میں متحد اور یکسو ہوکرکاوشیں کرنا ہوں گی۔ صوبائی وزیر صحت ڈاکٹریاسمین راشد ،ڈبلیو ایچ او کے ہیڈ آف پنجاب ڈاکٹر جمشید احمد، ڈاکٹر یحییٰ اور متعلقہ حکام بھی اس موقع پر موجود تھے۔

ڈسکہ الیکشن میں قاتل اور گولیاں برسانے والا مسلم لیگ ن کا کارکن تھا،فردوس عاشق کا دعویٰ
باغی ٹی وی کی رپورٹ کے مطابق وزیراعلیٰ پنجاب کی معاون خصوصی برائے اطلاعات ڈاکٹر فردوس عاشق اعوان نے کہا ہے کہ ڈسکہ الیکشن میں پی ٹی آئی کارکنان پر گولیاں برسائی گئیں،

فردوس عاشق اعوان کا کہنا تھا کہ ایک سیاسی جماعت کے کچھ درباریوں نے ڈسکہ الیکشن متنازع بنانے کی سازش کی، سپریم کورٹ سے این اے 75ڈسکہ کا فیصلہ آیا ،عدالت نے ن لیگ کے بے بنیاد بیانئے کو مسترد کردیا ن لیگ کی کنیزیں ڈسکہ الیکشن پر ماتم کدہ تھیں ،ن لیگ کی جانب سے حکومتی اداروں پر الزام تراشیاں کی کیں ،مسلم لیگ ن حکومتی شخصیات اور اداروں پر انگلیاں اٹھاتی رہیں،سپریم کورٹ کے فیصلے نے مسلم لیگ ن کے بے بنیاد بیانیے کو بے نقاب کردیا ہے، الیکشن کے اندر مذمت کرنے کے بجائے پھولن دیوی خوشخبریاں سناتی رہی،قاتل اور گولیاں برسانے والا مسلم لیگ ن کا کارکن تھا، ن لیگ کا وکیل عدالت میں دھاندلی کےحوالے سے کوئی دلیل نہیں دے سکا، سپریم کورٹ میں ن لیگ کاوکیل کوئی ثبوت پیش نہیں کرسکا الیکشن سے قبل اور بعد میں بھی آر او کے رویے کو ہم نے دیکھا،آر او کے بیان اور عمل پر سوالیہ نشان ہے،ڈسکہ کے اندرحکومت پنجاب نے اپنی ذمےداری ادا کی ،آر او کے رویے کے حوالے سے بھی ہم نے پھر شکایت کی کوئی قانون اجازت نہیں دیتا کہ ایم این اے اورایم پی اے فارم 45 کی تصاویر بنائیں فارم 45 کی تصاویر الیکشن سے ایک روز پہلے بنائی گئیں،

فردوس عاشق اعوان کا مزید کہنا تھا کہ سپریم کورٹ کا شکریہ جنہوں نے تصویر کا دوسرا رخ بھی سنا،سپریم کورٹ کےفیصلے نے مسلم لیگ ن کے بےبنیاد بیانیےکو بےنقاب کردیا ہے،