پاکستان کے معروف اور ہمیشہ تنازعات کا شکار رہنے والے ٹک ٹاکر رجب بٹ ایک بار پھر خبروں کی زینت بن گئے ہیں، مگر اس بار معاملہ نہایت سنگین نوعیت اختیار کر گیا ہے۔ رجب بٹ کے قریبی دوستوں کی قابلِ اعتراض اور مبینہ برہنہ ویڈیوز سوشل میڈیا پر وائرل ہو چکی ہیں، جنہوں نے صارفین کو شدید حیرت اور غصے میں مبتلا کر دیا ہے۔
وائرل ہونے والی ان ویڈیوز میں حیدر شاہ، مان ڈوگر اور شہزی جیسے ٹک ٹاکرز شامل ہیں، جو رجب بٹ کے نہایت قریبی ساتھی سمجھے جاتے ہیں۔ یہ ویڈیوز مکمل طور پر برہنگی پر مبنی ہیں اور سوشل میڈیا پلیٹ فارمز، خصوصاً ٹک ٹاک، انسٹاگرام اور ایکس (ٹوئٹر) پر تیزی سے وائرل ہو رہی ہیں۔میڈیا رپورٹس کے مطابق رجب بٹ اور ان کے دوستوں کا کہنا ہے کہ ان کا موبائل ڈیٹا ہیک کیا گیا ہے۔ ان کے مطابق، یہ ویڈیوز کسی نامعلوم فرد نے موبائل فونز سے ہیک کر کے لیک کی ہیں۔ تاہم سوشل میڈیا صارفین نے اس دعوے پر سوال اٹھائے ہیں "اگر ویڈیوز موبائل میں موجود تھیں تو آخر بنائی ہی کیوں گئیں؟ کیا یہ ذاتی تفریح کا معاملہ ہے یا کسی مخصوص مقصد کے تحت بنائی گئی تھیں؟”
بعض صارفین کا دعویٰ ہے کہ ایک لیک شدہ ویڈیو میں حیدر شاہ ویڈیو کال پر جس شخص کو جسم دکھا رہے ہیں وہ رجب بٹ خود ہو سکتے ہیں۔ اگر یہ دعویٰ درست ثابت ہوتا ہے تو معاملہ صرف پرائیویسی کی خلاف ورزی کا نہیں بلکہ اخلاقی گراوٹ کا بھی بن جاتا ہے۔
رجب بٹ کی ذاتی زندگی بھی اس اسکینڈل کے ساتھ ایک مرتبہ پھر زیرِ بحث آ گئی ہے۔ اطلاعات کے مطابق، رجب بٹ کا معروف ٹک ٹاکر زارا ملک کے ساتھ قریبی تعلق ہے اور افواہیں گردش کر رہی ہیں کہ وہ دبئی میں زارا کے ساتھ ہی رہائش پذیر ہیں۔ سوشل میڈیا پر موجود ویڈیوز اور تصاویر میں دونوں کو ایک جیسے کپڑوں میں، تقریبات میں ایک ساتھ اور خاص طور پر قوالی نائٹ میں ساتھ دیکھا گیا ہے۔ اس تمام معاملے میں سب سے زیادہ افسوسناک پہلو یہ ہے کہ رجب بٹ کی بیوی ایمان اس وقت حاملہ ہیں، اور صارفین کا الزام ہے کہ رجب اپنی بیوی کو دھوکہ دے رہے ہیں۔ ان الزامات نے عوامی ردعمل کو مزید شدید کر دیا ہے، اور بہت سے صارفین نے رجب بٹ کو "منافقت کی علامت” قرار دیا ہے۔
یہ نیا اسکینڈل نہ صرف رجب بٹ بلکہ پاکستانی ٹک ٹاک کمیونٹی کی ساکھ کے لیے بھی ایک بڑا دھچکہ ہے۔ اب دیکھنا یہ ہے کہ آیا قانونی ادارے اس واقعے کی تحقیقات کریں گے یا معاملہ صرف سوشل میڈیا کی حد تک ہی محدود رہے گا۔
